هدا إنسان ساقط وشاف ما منك فايدة فاكتفى حتى يشوف البنت اللي من وراها منفعة وفايدة .. كل شخص بالحياة بدور على مصلحته وإنتِ مصلحتك مش معاه نهائياً وبالعكس خليها هالتجربة تزيد شخصيتك قوة بالعلاقات والمجتمع.

حتى لو إنك مش معروفة لكن لا تهيني نفسِك وتحطي كرامتك بالأرض باستخدامك مصطلحات مُهينة : " رماني " .. إنت رامية حالك على واحد ما بستاهلك وبستاهل ياخد وحدة من مستواه الأخلاقي والنفسي.

فرصة تقربي من الله أكتر من أول.

انا نصيحتي الك هذا الحب الي على النت مسخره واخرتو الفشل واذا هوا رماكي ارميه وانسيه والتزمي في الصلاه انا الصلاه تنهى عن الفحشاء والمنكر والله يفرجها عليكي المهم تكوني صادقه مع الله والتزمي في الصلاه وانشاء الله ربنا ما بضيع حقك ورح يعوضك خير

احكي الحمدلله اللي ما صار بينكم شي اللي تندمي عليه ....اللي برميك ارمية ....

الشفلة التانية اللي بحب بحياته ما بكره لو حبك فعلا ما بتركك ....

الشغلة التالته افهمت انه تركك لانك بتغاري عليه كتير وعامليتله مشاكل مع البنات (يعني موجعه راسة بمشاكلك)وكل هاد حب على الفيس هي لو كان وجها لوجه بتحبسيه بالبيت وما بطلعيه ....

حبك خطأ من البداية واللي ببدأ على خطأ بنتهي بالصح....تعلمي من خطأك حتى ما تكررية مرة تانية....

بس حاولي تنسيه ...



بالدعاء الى الله ..



الله يبعتلك الي فيه الخير يا رب ..

لاااااااااا !!! معقول !!!

هووو انا في زاوية المشاكل ولا بسـقف السيل !! طيب حدا يسلخني كفيـن عشان اترفش ببطنه ،،،،، قصدي عشان اعرف اذا انا بحلم ولا بحلم



بالله جد كيف هيك رجعتوا فتحتوا الزاوية !!

يلاا ع العموم مبارك علينا رجوع الزاوية ومبروك عليكم رجعتي هع هع



مســـــاء الخيـــر لـ الشعب النايم والصاحي ،،،،

رورو الشطب ،،،، بدك تنتفي شعراتي ؟! بتقدريش حاط عليهم واكس

لو كان الفيس رجلاً لقتلته !!!

بالنسبة للصاحبة المشكلة ،،،، اسمعي يختي لا تردي على اي حدا ،،، حل مشكلتك عندي .

" بتمنى من المحرر ينزل مشكلتي ارجوك اخي العزيز نزله " طب وحدي الله يختي ،،، ليش قاعدة بتعيطي !



" مشان يساعدني بتسجيل المواد واحنا ننتخبه المهم" بتسدقي اني عرفتك ،، مش انتي هديك البنت مغيرها! بالله سؤال انتي بأي جامعة وشو تخصصك ؟!



" وحكالي ممنوع نوقف مع بعض " لا زلمة ،، ما شالله مبين عليه شديد البـأس

" وعمره ما طلب مني صوره " ولليش يطلب صورة !! منتوا البنات صايرات شبه بعض ،،،، احيانا بحس انه نفسي الم بنات الجامعـة ونلعب انا وصحابي في وجوههن لعبة " احـزر الفروقات السبعة "



لاحظي اني راعيت مشاعرك وما تمسخرت ،،،، وبالنسبة لسؤالك ماذا تفعلي ،، انا بقترح نجيب ابوكي واخوانك ونشوف هم شو بحبوا نفعل .

جراسا نيوز تحت شعـار" حرية التعبير عن الرأي " بدي اشوف تعليقي لو سمحتوا .

بعـــد شهر من المرمطة بين سكرتيرة القسـم والقبول والتسجــيل ,,,,, وبعـد اسبـوع كامل مضيته وانا مبحلق بشاشة اللاب توب على امل " هسا بتفتح الشعبة " بـحب أبشـر أبوي الغالي ابو الغالي اللي هو انا ،،، (اني بطــلت أتـخــرج ) .

الى زيد لا تزعل بس انت شكلك فاضي اشغال وحكيك زيادة بحكي المثل ادا كان الكلام من فضة فالسكوت من دهب واحترامي للجميع وبنصحك خلي حكيك متوازن لانك شب والشب المسخرة الكل بنفر منو

زيدووووووووووووووووووووووووو

يا هلااااااااااا يا هلاااااااااااااااا

مين هون ابو الواكس والله ما اعرفتك من شعراتك الواقفات

والله اظلمت قصدي نورت يا مان

وين الغيبة ما تقوللي في الجيبة خخخ

والكفين انا جاهزة وبعطيك احلى كفين لتعرف هل انت بحلم ويلا بعلم هههههههههههههههههههه

وصحيح هلا انتا خريج يا ازعر والله ما اعرفتك يا مان مين قدك خخخخخ

بتصدق كنت كتبتلك اسطوووووووووووور كثيرررررررررررة بس النعس منعني وقلت شو بدل ما انام اطبع لزيد اللي مبسوط على هالشعرات الي عاملات مثل شعر القنفذ

خلي شعراتك على الطبيعة بعدين بكتن وبتبلش الصلعة اتلمع هههههههههههه

يا مان ضلك طلطل مو تيجي يوم وتغيب شهر

زيد

يا مان شفت كيف لهيتني وما خليتني اكتب حل لصاحبة المشكلة , هيك عملة بتعملها خخخخ

خلص خليها لبكرة

الى براءه

"الى زيد لا تزعل" خايفة ع مشاعري يما !

" بس انت شكلك فاضي اشغال وحكيك زيادة " اها مزبوط هي بس كيف عرفتي ؟!!

"بحكي المثل ادا كان الكلام من فضة فالسكوت من دهب " شاطرة ،،، بتسدقي من الصف الخامس وانا بسمع بهالمثل قولتك مين اللي حكاه ؟!

"واحترامي للجميع " تسلمي

"وبنصحك خلي حكيك متوازن لانك شب والشب ..الكل بنفر منو" ع اساس كثير فارقة معي انتي او غيرك ،،،، يختي معلش فكي عني ،،،،،ترا هي رجعتي ع هالزاوية مروق وما أحلاني ،،، واللي شايفني مسخرة يختصرني ولا يحــتك ،،،، بلا ما نقلب شرفاا مكة ع بعض ونمضيها مثاليات ،،،

بس بدي اكون احسن منك وانصحك نصيحـة بتنفعك لقدام ،،،" اقرأي ما خلف السـطور ،،، ولا تكوني متسرعة ،، مش لمصلحتك "

صباح الخير للجميع كيفكن ......

ولاننسى محررتنا الغالية صباح الفل والعنبر والياسمين .....
إلى صاحبة المشكلة .......

نصيحة من أخت لاختها أنسي ولا تفكري فيه أبداً هيك واحد ما بينزعل عليه أبداً

أصلاً لو أنه رجال مثل العالم والناس ما بيعمل هيك مع بنات الناس فالاتفكري فيه وشيليه من بالك

الخيانة صعبة احمدي ربك انو مالو زوجك لانو الأمور لح تصير أصعب الحمد لله يلي الله خلصك منه

أنا وضعي أصعب من وضعك بكتير لاني ما لي أدرانة اتخلص من خيانة زوجي ألي وهاد الموضوع

أثر على نفسيتي منشان هيك لا تخلي نفسيتك تتازم ......

شكرا للجميع والله يفرج همكم ان شا الله وبالنسبه الك زيد انا بالجامعه الهاشميه ومش ضروري تعرف بس مشان ترتاح وما ضلك معصب

وكلي امرك لله عزيزتي واحمدي ربنا الامور وصلت لحد هيك وتاكدي هو لقاكي انسانه محافظه وحب يعيش الدور ليوصل لغرضو وماقدر فهو هلا بدور ضحيه تكون سهله
ولاتزعلي مو غلط التجربه بس بحدود والانسان بعيش ليتعلم والله يريح بالك صديقتي

قولي حسبي الله ونعم الوكيل واقرئي هادا الدعاء


يا ودود يا ودود يا ودود ياذا العرش المجيد يا مبدئ يا معيد يا فعالا لما يريد أسألك بنور وجهك الذي ملأ أركان عرشك ان تصلي على نبينا وحبيبنا وحبيبك سيدنا محمد عليه الصلاة والسلام وأسألك بقدرتك التي قدرت بها على جميع خلقك وأسألك برحمتك التي وسعت كل شيء لا إله إلا أنت يا مغيث أغثني


وتئكدي هالشخص مابستاهل حتى انك تفكري فيه لانه ارخص من انك تشغلي بالك فيه
والي بيستاهلك رح يجي لحد باب بيتك

تقبلي مروري صديقتي

ولو انت بتعرف مين انا وشو اسمي احكي اسمي وبأي كليه بدرس انا

اسعد الله صباحكم جميعا بكل خير
واتمنى لكم يوما سعيدا
الاب مواطن فاخر ما شاء الله عليك ونعم الاب انت انا الحمدلله لله اموري تصلحت مع والدي ورجعنا مع بعض احسن من اي وقت وكثير شغلات حلوة قاعده بتصير معي بنوتاتي بخير و معذبيني بشقاوتهم والامور ان شاء الله احسن بفضل الله
اما بالنسبة لبنتك ما شاء الله عليها الله يحميها ابدعت والله وتخصصها حلو كمان الله يفرحك فيها وعقبال الدكتوراه يارب وانت بتحكي كل فتاة بابيها معجبة انا ما بلومها اللي الها اب بمواصفاتك لازم تقاتل مشان تصير مثلك ...الله يخليكم لبعض
دعواتك وان شاء الله بنضل على تواصل

رورو ـ الحلوة
صباحك ورد يا شخور يا نتوفة
التنتيف الي مو الك ولي
بس انا ما بنتف شعر شباب
هههههه
خليهم يعيشوا ها الكم يوم وبعدين بصلعوا لحالهم فلا تغلبي حالك
نتوفة قصدي
نسومة
الله يصبحك بانوار النبي كيفك يا اختي الزغنوطة
ههههه عجبتني اختي الكبيرة
ذكرتيني ببرامج اطفال انا واختي
لاتعلقي كل ثقافتي التلفزيونية ما تعدت سبيستونات
كيفك حبيبتي؟
أن تدخلني ربي الجنة
يا نصفي الثاني وينك انتي؟
شو رأيك تبدليني بصفوفك!!
يا عمي والله انتو مدللين بس اختك بتعجبك
نزلت نص الصف ع المصادر وخلصت منه
هههههه
كيفني معك ؟!
زيد....الله يصبحك بالخير
يقطع شرك  والله زمان عنك
وين هالغيبة
بعدين يا زلمة احنا قلنالك تخرج بدنا نجوزك وانت ما رح تتخرج؟!
هاي سولافتك مطولة
والله اهلا وسهلا فيك ونورت بحضورك

مثقااال  العزازي
الله يصبحك بالخير ومشكور على ترحيبك الدائم لي انت اخ عزيز وطيب

فااارس الكلمة
بتمنى انك تكون بخير

ليدي اوسكار
يا فارسة الفرسان
وين بتغيبي انتي
لساتني ما افطرت من هذاك اليوم
ههههه
تخيلي
جد بتتذكري ليدي اوسكار
هذا المسلسل بالرغم انه الي حاضرته فوق العشرين سنه بس لسه بتذكر كلمات اغنيته مزبوط لانها كثير حلوة و وبتحاكي النبض
وانتي جد وبدون مجاملة ليدي اوسكار
الله يصبحك بالخير

محررتنا يسعد صباحك
وصباح جميع كادر سرايا
ويعطيكم الف عافية

يا زلمة الله يسعد صباحك يا سكرتنا انت
والله انا و رورو كنا نستنا فيك
كسفك ؟ شو اخبارك ؟
100 وردة ولا

طيب يعني انتي مثلا ما كنتي تعرفي تسجلي لحالك وبدك حدا يساعدك !
مش موضوعنا
ازا انتي كنتي صادقة وما بدو يوقف معاكي بالجامعه ولا صورتك بدي اسال سؤال
كنتو تشوفو بعض برا الجامعه ؟
ازا الجواب اه معناها ما تحسسينا انو الشب كان ملاك
ازا كان جوابك لا معناها هو ما اتسلى فيكي ولا رماكي بس يمكن هو حس انو علاقتكو غلط بس انتي بنت موسوسة وعايشة في اوهامك وافترضتي انو تركك عشان يشوف بنت جديدة
وعموما وبكل الاحوال انا لا اقتنع في حب عن طريق الانترنت هاد حكي فاضي
هو بس مجرد عادة فانتي ما عندك مشكلة
اهتمي بدراستك واتركيكي من الحب والحكي الفاضي للما تتخرجي حبي يختي متل ما بدك على الاقل تضمني اللي رح تحبيه بيشتغل وممكن يرتبط فيكي مش واحد بستنى حق بكيت دخانو من ابوه

ان كانت هذه المشكلة فأنت مغفلة والحل هو
الزواج فورا !والله يستر ع البنات!!

يا بنات يا محترمات

اسمعوا واعوا

لا يوجد حب الا بعد الزواج

لمن تخاف الله تتذكر كلامي

هذا اضغاث احلام ومصالح تنتهي مدتها

لذلك ارجو من جميع البنات المؤدبات مقابلة هكذا مواضيع بالاعتذار لها

فعادتنا لمن يحب يطرق الباب ليتزوج

وغير ذلك لعب

شكرا لمن يقرا ولمن يتقبل ويقتنع





المخلص المحب للجميع

ابن الشمال

يا حرامك يابرءه صحيح انو المفروض نراعي شعور صاحبة المشكله يس والله زيد شكلو حباب كان فكاهي كثيييير



بصراحه زيد اكثر شي عجبني حل المشكله



،،،، وبالنسبة لسؤالك ماذا تفعلي ،، انا بقترح نجيب ابوكي واخوانك ونشوف هم شو بحبوا نفعل .





صاحبة المشكله عنجد الله يعينك لانو البنات الصادقات والمخلصات دائما هيك بيكون حظهم لانو مابعرفو بيلعبو على 100 دف ودف مثل مابحكو انا رايي من راي المرعب اتقربي من الله بدعاء والصلاة والله يفرجها علينا وعليكي



احترامي لجميع قراء جراسا

الله يثبثك على الصح .... اللهم ثبثنا على الحق....

كتري من الدعاء والاستغفار

والصلاة في وقتها ، وبس تتقربي من الله عز وجل ، كل امورك وافكارك رح تتغير.

يسعد صباحك عمو

اخبارك

يا اختي انت فقدتي كرامتك بايدك وبامكانك تصلحي الموضوع من خلال الي ببيعك بيعه
سأرحل عن دنياك ان اردت
فكبريائي اكبر ان تجرحيني
سأنتقم ليس تهديدا ولكن احذريني
بعد الذي جرى وجدت انك مازلت طفله صدقيني
الحب وطنا ولست من مواطنيه فلن تقنعيني
سيدتي ارجوك اعذريني
بهديها لكل المغدورين والمخدوعين

وضعك مش طبيعي انتي بحاجة الى مختص علم نفس اجتماعي مثلي عشان يداويكي والارجح احكيلك انك بحاجة ماسة للزواج

لا تجعل عواطفك تتكلّـم عنك . . تكلّـم بعقلك ، ثمّ زنه بقلبك . . فليس كلّ النّـاس لها قلبٌ كقلبك ، و ليس كلّ النّـاس لها عقلٌ كعقلك

وليش زعلانة ومقهورة تحمدي الله انو تركك وما عمل معك شي

بعدين قدر الله وما شاء فعل

روحي أستري ع حالك واتجوزي !!!
شكلك مستزوجة

الى زيد زودتها 0000000000000 عرفت مين انا

انا بشكر الجميع والله يسعدكم يا رب والله الواحد بحس براحه لما يفضفض خصوصا انا ما في حد بعرف حتى من زميلاتي ونخنقت لانه غلطت ومش قادره احكي لحد والله يسعدكم يا رب

واخ احمد انا والله بعمري ما وقفت معه لا جوا ولا برا الجامعه ولا اشي لانع صراحه عرفه انه غلط حرام بس هو تركني لانه مل وكان عنده صاحبات قبلي كتير وتعب انه يحكي مع بنت و حده بس وصراحه في عنا الف بنت بتحبه وبحكوا قدام الكل انهم بحبوه وعادي

رورو الحلوة

ع رااااااسي والله ،،،، شعراتي واقفات !! ايوة خربي سمعتي ،،، هسا بفكروني طنط

والله يختي المفروض اني خريج السنة بس اذا ضل جدول ع حاله ان شالله رح اتخرج انا وولادك

احكيلي شو أخبارك ؟ خطبتي ؟ اذا لا استنيني 10 سنين زمان بتخرج وبخطبك هع



نداء الحيـاري

ياا صباح الخيراات ،، منووورة بوجودكم ،،، ان شالله من يوم وطالع رح ازهقكو كل يوم

بتعرفي انا حكيت لاهلي خليني اخطب وبلا جامعة بلا هم بس هم اصروا ،، يتلقوا





أحمـــد

صبــاح الووووورد ،،،، حبيبي والله

والله انا موجود بس بيني وبينك الزاوية القديمة ما دخلتش مخي

انا الحمد لله مشتاااقلكم ،،، اخبـارك ؟!



ريـوم

صباح الخيـر ،،، اذا ما كنت غلطان انتي ريما صح ؟!

مزبوط كلامك لازم نراعي شعور الناس ،، جيبولي مشكلة منطقية بتدخل العقل وبعيدة عن السخـافة وشوفوني كيف رح اراعي مشاعر صاحبها



صـاحبة المشكلة

طيب خلص لا تعيطي ،،، قال احكي اسمي وباي كلية ؟؟!! حكولك عني بنـجم !!



ن

هاااد وانت حرف ،،،، لو انك كلمة كاملة شو كنت عملت !!

سئل ذات مرة عالم رياضيات عن المرأة.. فأجاب
إذا كانت المرأة



ذات (ديــــن وخــــلـــــق ) فهي إذاً تســـــــاوي = 1
وإذا كانت المرأة

ذات (جمـــــال) أيضـــــاً فأضف إلى الواحد صفراً = 10
وإذا كانت المرأة

ذات(مـــال) أيضاً فأضف صفراً آخـــــــــر = 100
وإذا كانت المرأة

ذات(حسـب ونسـب) أيضاً فأضف صفراً آخـــــر = 1000
فإذا ذهب الواحــد (الدين والخلق)...

لم يبق إلا الأصفار... إذا فهي (لاشيء)!!!

الا باعك بيعيه وبارخص ثمن وما تسالي عنو لانو الاشكال هاي قلتها اريح

انت ما عندك غير كلمة لا تعيطي :PPPP
وشكرا لكل يلي نصحوني والله يريحكم ويفرج همكم ويبعد عنكم اولاد الحرام يا رب والله كلامكم بريح البال والله

صاحبة المشكلة

انتي بتلفي وبتدوري معي ،، عشان هيك لازم اسمعك كلمتين

مش انتي بتحكي انه ما حدا بعرف بقصتك ! وانه هاد الشب ما بعرف لا صوتك ولا شكلك ولا اسمك !

اذا كرامتك ما تبهدلت لانك ولحد ما ما زلتي محتفظة بماء وجهك

و ع فكرة اللي متعبك هو ضميرك ،، لانك حاسة انك خنتي حالك اولا واهلك ثانيا.

اعتبريني زي اخوكي وخديها نصيحة مني ،،،انسي اللي صار معك و سيبك من هالقصص لان مبين عليكي بنت محتـرمة ومن عيلة محترمة

لو كنتي زي بنات 2012 كنتي حكيتي معه لـ المغفل صاحبك بالتلفون .

وانا رح اعتبرك متل اخوي وانا ما بدي ارجعله اصلا انا بس ما بدي احس انه نضحك علي وانه كنت تسلايه :(((((((((((( والله شعور ببكي القلب من جوا انه كنت بحالي وما بحكي مع حد اجى واحد تسلى فيي وراح يعني اغضبت ربي واهلي وراحت كرامتي كمان انا نفسي ما اشوفه بالجامعه لانه مستحيه كتير منه لانه كرامتي نهدرت والله نفسي ابطل من الجامعه او انتحر وما اشوفه وهو اكتر من مره لمحلي انه في سنافر رح يفوتوا على الجامعه وانتي خلص بس كان يمزح فيها مزح و والله اواحد ما بقدر يتحكم بقلبه بحكي بدي انساه بسكل دقيقه بفتح على بروفايله

واخ زيد هو بعرف صوتي وشكلي وهو شافني من الاول بالجامعه وهو لحقيني بعدين صارحني على الفيس وحكالي ممنوع نوقف مع بعض وعمرنا ما وقفنا يعني انا ما بعرف صوته عن قريب لانه بعمري ما وقفت معه ولا بحكيلي كلام مش منيح ولا بطلب طلبات مش منيحه والله كان يبكي مشان احكي معه بعدين لما وقعت ضلينا سنه وهلا تركني

اخ زيد انا كنت صريحه من الاول وحكيت انه هو عرفني من الجامعه يعني مش حب فيس هو صارحني على الفيس وانا غ لطت وبعد شهر حكيت معه والنا سنه وهو كان منيح والله كان محترم بس بعدين زهق وتركني والله انا تعباااااانه انا بس بدي ربي يسامحني وما اخجل من نفسي لما اشوفه وبس وادا رجع ما رح ارد عليه

صاحبة المشكلة

شفتي اللي بتدخل حالها بمتاهة الشباب والعشق المحرم شو بصير فيها!! ،، ما رح الومك ولا رح ازيدها عليكي،،،

بس المفروض ترجعي تبني ذاتك من اول وجديد ،،،

كنسليه لـ هالولد من حياتك واتذكري انك كنتي بالنسبة اله تسلاية ،،، انكريه انكار تام يعني ولا كأنه موجود ،،، ولو مريتي من مكان هو موجود فيه ارفعي راسك وامشي بكبرياء ولا حتى تتنازلي انك تطلعي في وجهه وبعد فترة رح يحنلك ويصير بده يرجعلك لانه زي ما بنعرف " البـس بحــب خمــاشه "

ساعتـها بتعملي حالك ولا كأنك بتعرفيه .



وبالنسبة للفيس انا بنصحك تغلقي حسابك كلياًًُ لانه وعلى ما يبدو تصرفي كان صحيح لما منعت خواتي يعملوا حسابات ،،، وانا نفسي ما عملت حساب عشان ما اكون بالنسبة لخواتي هتلر المستبد اللي بحلل ع حاله وبحرم ع غيره .

السلام عليكم
هلا فيك مشتاقه الك وللبنوتات الله يخليهم
الدوام منيح ما بيخلى من المتاعب ما انت عارفه ما شاء الله نسبه من الطلاب تحف بالانجليزي
الاب الرائع مواطن فاخر منور الشاشه

بقترح تعملي سدر منسف كركي وتعزمينا عليه وما تنسي المحرره

أفضحي بين سنافر 2012

اشكرك اخي واشكر الجميع وانا نفسي يرجعلي مشان اطنشه مع انه يمكن صعب كتير يرجعلي لانه اكيد تعرف على وحده جديده بس نفسي يرجع ويرن لو مره وحده وما ارد مشان ارجع كرامتي والله انا مش زعلانه عليه بس بدي ارجع كرامتي واسفه لانه اسات الظن فيك اخ زيد وان شا ا لله انه يرجعلي لو مره وحده مشان انتقم منه وما ارد يا رب وشكرا الك وللجميع والله يوفق الجميع

بطريقة ما أوصليله معلومة كاذبة انك تعرفتِ على شخص ما !!

و هو سيرجع على الأقل للتأكد ! عندها خذي راحتك و خرمشي كرامته ,, لكن لا تضعفي و تعودي له !!! احذري

يمكن يعود بهاي الطريقه مشان يتأكد بس ساعتها رح يفضحني وما رح يسأل عني فشكله رح اختصره وبس

اذا هيك شايفة بيكون أحسن لك ,, خلص خلي الانتقام من ربنا تعالى هو يصطفل فيه

لا انا اتاكدت اليوم انه هو بحب بنت تانيه :))

أنتِ متابعة لأخباره بطريقة غريبة !

التي تريد نسيان شخص لا تسأل عن أخباره ! و حتى لو وصلت أخباره بالصدفة لا تبين اهتمامها بهذه الأخبار !!

ابعدي عن كل ما قد يقربكِ له , حتى لو أحب غيرك اعتبري موضوعه منتهي

وانا رح اعتبره منتهي من اليوم والله يسعدك اخي