بكره بتسيري حمايه ونفس اللي بتقولي عن حماتك كناينك رايحين يقولوا عنك

المشكله العويصه دايما انها البنت لو من اول يوم اعتبرت حماتها امها كان كل الكناين والحموات سمن على عسل

بس بتدخل الكنه متل ابو عنتر على البيت من اول يوم وبتحط راسها براس ام زوجها اللي شقيت وتعبت وربت وانهد حيلها وهي بتربي ابنها وبتتحول الحمايه لعدوة الشعب رقم واحد
اسمعي علي

والله والله واللي رفع السما بلا عمد وبسط الارض ودحاها لو الأم ولادها وبناتها ينقعوا مية رجليها ويشربوها صبح ومسا ما بوفوها حق من حقوقها

والام لو ضربت وعاقبت وآلمت ولادها بطلعلها وبتنباس ايدها

كتير من الناس مستهونين بالأم
اي مره بتنجاب في اي لحظه وباي عمر بس الأم لما بتروح وبتموت البركه بتروح معها

دعوات الرضى بتنفقد

خليها أمه تعمل ما بدالها ويطلب الاجر من الله ويحبها في الله ويعطيها لمرضاة الله

اما الكذب فصفي النيه وادعي لزوجك وساعديه بتنبيهه في كل مره بده يكذب فيها انه الكذبه مكشوفه

وخليه يقرا بالقران الكريم ويصلي وثابري على تنبيهه والدعاء اله وعلى مسمعه ببطل هالعاده خطوه خطوه.

يجب على زوجك ان يكون رجل ويحسم الامور لا ان يكون امعه لك ولوالدته بل يجب عليه ان يتصرف بحكمه وعقلانيه مع والدته ومعك ايضا ومع اولاده

الله يعينك ويصلحهم لحماتك وزوجك

انا من رائيي انك تهدي اعصابك شوي وحاولي حبي عمتك واذا انها بتعامل جميع ابناءها معاملة وحدة رح يكون امرك متل امر غيرك
""متل ما بقولوا انهالموت مع الجماعة رحمة""
بس انتِ كوني قوية بشخصيتك ومتمالكة نفسك واعصابك ولا تتصرفي تصرف يسيء الك ولزوجك ...........

الله يكون بعونك ويفرجها عليكِ وعلى كل متضايق ان شاء الله

مشكلتك ما الها حل الا تضيفي اميلي عندك.... ياهووو

.................

انستري واصبري...اللي عند جوزها احسن من القاعدة مش لاقيتلها جوز..احمدي ربك
بعدين الايام هايي الرجال 90%منهم ..... وعرط ع الفاضي بتلاقيه بحكي بملايين ومعوش حق بكيت دخان ..
اصبري ولا تتبطري وقولي الحمدلله

(الصبر)

تقول...

متزوجه من ثلاث سنين,,

ولدي منه الاطفال,,

زوجي طيب وحنون,,

لكنه يكذب بعجال,,____(بسرعه)

ويجرحني امام الناس,,

كل هذا ..بارتجال,,_____(دون تفكير)

وحماتي امراة عصيه,,

تكرهني بكل حال,,

ولا تحب الا نفسها,,

ولااقدر عالاحتمال,,

فادعو ربي دائما,,

ان يصلح لها الحال,,

فهي سليطة اللسان,,

ولسانها يهد جبال,,,

حاولت بكل طريقه,,___(اصلاحها)

ولكن هذا محال,,!!!

افيدوني ماذا افعل,,؟؟!!

وجاهزة لكل سؤال,,

لاني افتقدت السعادة,,

وحياتي اصبحت وبال,,__(هم وغم)

*********

اذا اردتي حلا منا,,

فعليكي صبرا واحتمال,,

لعل الله يصلحها,,

فكل شيء للزوال,,

يختى فخار يكسر بعضو اسمعى من هون و طلعي من هون شو بدك بحماتك هيه بتشوفها لا ساعات يعنى استحملى و الله نار جوزي و لا جنة اهلى بما انو جوزك حنون و منيح شو بدك فيها بكره الله بهديها حماتك و بتصير منيح اما لموضوع كزب جوزك بكزب عليكي و لا على العالم ؟؟ ازا عليكي حطى بعينو انك عارفه الصح اما ازا على العالم شو بدك في العالم انتى املى وئت فارغك في اشياء تانيه يعنى لا ضلك تشغلى بالك بحماتك و تحئري اعصابك و هييه حماتك اعده في بيتها مر تاحه شو بدك فيها اخريتها تحبك طولى بالك :)

بدك الصحيح كل النسوان طماعات ومصلحجيات في مره بالدنيا بتحبش المصاري والهدايا

اما جوزك

الكذب مرض لازم من هو صغير وكذب من اول مره انحط ا... كان انعدل اما هسه يختي جوزك صار الكذب مرض ومااله حل

اسمعي مني اطلعيلهم بالعالي والله هيك أشكال ما بتيجي غير بالرص
اكذبي اكتر منو اهبيله خليه ينحول
و بالنسبة لحماتك وقفيها عند حدها خليها ترج منك و تهابك قوي شخصيتك
وبلاش مسوية فيها زي البنات الصغار ضعيفة الشخصية و الكل طاسك
أما ناس .......

يا اختي الكريمة، ارجو ان تاخذي هذه النصيحة من شخص مرة في هذه التجربة، الله يهدي بالك وسرك ويدلك على الخير.
النصيحةمن سورة الاسراء في القران الكريم:
بسم الله الرحمن الرحيم
{ وَقَضَى رَبُّكَ أَلاَّ تَعْبُدُواْ إِلاَّ إِيَّاه ُ وَبِالْوَالِدَيْنِ إِحْسَانًا إِمَّا يَبْلُغَنَّ عِندَكَ الْكِبَرَ أَحَدُهُمَا أَوْ كِلاَهُمَا فَلاَ تَقُل لَّهُمَآ أُفٍّ وَلاَ تَنْهَرْهُمَا وَقُل لَّهُمَا قَوْلاً كَرِيمًا. وَاخْفِضْ لَهُمَا جَنَاحَ الذُّلِّ مِنَ الرَّحْمَةِ وَقُل رَّبِّ ارْحَمْهُمَا كَمَا رَبَّيَانِي صَغِيرًا. رَّبُّكُمْ أَعْلَمُ بِمَا فِي نُفُوسِكُمْ إِن تَكُونُواْ صَالِحِينَ فَإِنَّهُ كَانَ لِلأَوَّابِينَ غَفُورًا } {الإسراء/23-25}
صدق الله العظيم
وممكن مطالعة الانترنت للاستزادة.
الله يهديكي ويحنن قلبك على خلقو، معلش تعالي على نفسك شوي ومو غلط اطنشي كمان.

يا عزيزي



والله اني بحسك مثل الرجل الالي كل ما اقراء تعليقك بتخيل اني امام رجل الي



اعذرني

اختي الكريمة المشكلة فينا احنا الكناين ما بدنا غير كل شي النا والزوج كأنه سلعة لازم نتملكة متى ما بدنا والعمة بدنا اياها على مزاجنا تفصيل بالمعنى الي عنا شوفي حالك كم بتتعبي على تربية ابنك والله العظيم يلي بتتحملة الأم ما بتحملة جبال وبتربي وبتتعب بكل مراحل حياته وبتيجي الزوجة على البارد المستريح بتوخذه وبتسير تتذمر وتشكي أنا أم ولي حماة وبالرغم من كل ما حدث من خلافات بيننا لكن واجب علي احترامها وتقديرها بكفي انه رب العالمين أكرمني بزوج طيب القلب حنون على والديه وعلي وعلى أبنائي والله بشكر ربي كل صلاة على هذه النعمة نصيحتي لكي عامليها كما تعاملي أمك علشان اولادك لما بشوفكي هيك رايجين يدخرولك اياها بالمستقبل ويحكو انه امنا كانت تحترم وتحب جدتنا وبالنسبة لزوجك فالكذب مرض عنده أتمنى له الشفاء منه ولكن عليكي بالدعاء لله عز وجل وتقبلي مروري

يسلم تمك على الكلام الرائع



ما بقدر احكي غير هيك

.........

ايش قصدك بالرجل الالي ..مافهمت؟

نصيحة من واحدة مجربة
طنش تعش تنتعش
بكرا بيطب فيكي السكري والا الضغط وبتروح حماتك تجوز جوزك وانتي قاعدة تتفرجي
نصيحة
بس تصير مشكله بينهم اطلعي من الغرفة اللي هما فيها
ولا تضغطي حالك من هون لهون
زبطي حالك واهتمي في ولادك وما تخليها عقبة في حياتك
يا ستي مثلي انك بتحبيها مشان جوزك
المثل بيحكي مشان عين تكرم مرج عيون
جد اعتبريني اختك وخذي هالنصيحة ما بتخسري

ليش تمثل عليها انها بتحبها

ليش ما تحبها عنجد

ليش ما تتعامل معها على اساس ديني واخلاقي وانساني

ليش تنافق

ليش تكذب في مشاعرها

ليش ما تحاول انها تكون ابنه

ليش كتير علينا انه نكون لطيفين

ليش منستكتر على حالنا المعامله الطيبه

ليش نكون كذابين

ام الزوج جدة الاولاد

والجده أساسيه في حياة اولادنا

تاريخ وذكريات بمثلوا النا ولاولادنا

ولا لازم الرجل يكون مقطوع من شجره

وما يكون اله أهل ولا ام ولا اب ولا اخوان

ساعتها بنكون سعداء

العيله حلوه

والعشيره أحلى

واللي أحلى منهم انها العائلات تترابط بينها

بالاحزان بتلاقيهم واقفين جنبك

وبالافراح ببيضوا وجهك

وعند المشاكل ولما تحتاج لسند بعد الله بتلاقيهم واقفين جنبك بساندوك وبساعدوك

الأهل عزوه فكيف لما يكونوا عزوه بتحب بعضها مترابطين متحابين

ليش ما بنعرف الا نكون عدوانيين

وانانيين ومتملكين

يروح يموت الواحد اذا علاقته مع اهله وقرايبه بدها تكون مبنيه على نفاق ورياء وكذب علاقه بشعه من الداخل ومن برا مزوقه وكلها تمثيل

ولك صيري مليحه مع عمتك لاترديلها طلب وظلي اطبخي وديلها وروحي لعندها واشتغلي اغسلي واكنسي واجلي الجليات واشطفيلها الحوش ونظفيلها الدار وبوسيها عاخدها وعاديها كل يوم مشان جوزك ومشان اولادك ومشان الله
ولما بتطلعي مشوار انت وجوزك خذيها معك ودايما استظيفيها ببيتك واطعميها
وهيك بتكون انشاء الله المشكله انتهت

لك كل الاحترام على التعليق

كلامك رائع وع الراس والعين
لا بد من توضيح المقصود من كلامي
هذا الحل اللي اعطيتها اياه بناء على دراسة نفسية انحطوا فيه ناس تحت التجربة

يعني واحدة في قصة قديمة معروفه كانت تشكي من حماتها وراحت عند واحد وقلتله اعطيني عشبة بدي اموتها
فاعطاها العشبة وقال الها حطي من العشبة كل يوم نقطتين في شاي أو عصير واعملي حالك بتحبيها مفعول العشبة السامة بعد شهر يعني موت بطيء
المهم عملت الكنه حالها بتحب حماتها وصارت كل يوم تحط نقطتين
وتغيرت الحماة شوي شوي وراجعت حالها وقالت كنتي منيحة وتغيرت معاملتها تدريجيا
وبس مرق 18يوم والكنه لسه بتحط العشبة على نية قتل حماتها فكرت وحست انها بتعمل غلط
فراحت على اللي اعطاها العشبة وقالتله دخيلك أنا بدي أي شي يبطل مفعول العشبة أنا غلطانه وبحب حماتي
فقال الها يا بنتي أنا كنت عارف انو المعاملة الحسنه بتغير الأنسان ما تخافي أنا ما اعطيتك شي سام أنا كنت بدي اياكي تمثلي الحب لحماتك لانك تدريجيا راح تحبيها وتتعودي على حبك الها
هذا ما كنت اقصده أنا شخصيا مثلت محبتي لحماتي وادركت اني احببتها صدقا ومن قلبي بالرغم من تسببها لمشاكل عديدة لي في بدايه زواجي وعن تجربة
أنا اعي كل نصيحة قدمتها لصاحبة المشكلة
عندما قلت لها مثلي عليها المحبة اردتها أن تدرك تغير المعاملة وتحبها من قلبها وعن قناعة
تقبل مروري

والله يفرجها ع كل متضايق

يعني عنجد يا عيني عليك يا فارس الكلمه

روووووعه

شو موقعك مع هالعيلة ...

اقصد يالرجل الالي لغته غريبه

يعني هلا فارس موه عاجبك؟

ولنفترض انها الارمله ما عجبها تعليقات او تعليق لفارس الكلمه ...شو صار ...كفرت ولا غلطت في البخاري ....مين من الناس بقدر يعجب كل الناس بوقت واحد ...انتي اذا شايفه فارس الكلمه اشي .. ...فهي يمكن يكون ما . وما عجبها طريقته بالتعليق ...حره هي ... ومو عاجبها ي..

..........

شكرا لكل اللي نصحوني وبدي احكي للي ذموني اني ما اهتميت لكلامهم لاني الحمدلله صاحبة دين وهادا الشي بعرفو وانا مو مقصرة مع حماتي وبعاملها متل امي بس من كتر ما سوت فيني صار عندي جفى وابعدت شوي عشان اتجنب المشاكل لانو ما بحب المشاكل ولو اني مو مهتمة للمو ضوع وحابة اعيش كعيلة وحدة وبهدوء ما ببعت وبغلب حالي والحمدلله انا صابرة بس بعتت لاني مريت باصعب الظروف وصارت مشاكل كتير ما بذكرها هون لانو انا بدي نصيحة وتوجيه مو اكتر ما بدي حدا يعلمني كيف اكون منيحة للي ذموني وفكروني متلهم

يختي اللي عم يحكو تحب حماتها حتى لو كانت شو ما كانت طيب مهي بتعاملها منيح وبتلاقي سوء بعدين ليش تتعب نفسيتها على حساب راحة غيرها تنباع تحب حماتها لما تكون معها منيحة مش تركبهااذا اكرمت الكريم ملكته واذا اكرمت اللئيم تمردا
واول وحدة ردت مين حكالها كل كنة بتفوت معنترة ياما بنات مظاليم وحموات قويات والعكس صحيح كمان مش كل الحموات مناح ولا كل الكناين هاد بعتمد عالوحدة سواء كنة او حماية في حموات بحبو يتعنترو وفي كناين بتعنترو لا تعممو الله يرضى عليكم وشو بتحكولها اتقي ربنا والله يهديكي ربنا يهدي الجميع شايفينها رافعة العصا على حماتها بتعرضلكم مشكلة لانها ما رح تقدر من اخلاقها وتربيتها تطلع على حماتها بالعالي رجاءا لما حدا يعلق يعلق بزوق ويعرف شو بكتب

اسم الله عليكي يا مرى ليطقلك عرق لتكوني انتي صاحبة المشكله تركوا المعلقين الزوق الك يا ام الزوق وفن الكتابه لحضة جنابك .....

لا الله يكرمك انا اصلا لساتني بدرس وانا ما حكيت عنك لتيجي تحكي معي بهالطريقة انا بحكي بشكل عام وما قصدت حدا معين لاني بحترم كل وجهات النظر وحكيت انه النقاش لا يفسد للود قضية وانا ما سبيت على حدا لتيجي تحكي معي ليطقلك عرق عيب ..... تاني شي انا حكيت رأي بدون ما اقتبس رد معين او شخص معين والناس يا اخي او يا اختي اراء بس في اراء سبحان الله بتحكم على الشخص وهو مبين كل شي بشكل واضح ليش نهاجم الشخص يللي بدو يستعين بدون ما نعرف صلب المشكلة اصلا هي غلطت انها كتبت مشكلتها وتخلي اي حدا يعلق عليها لازم ازا بدها تستعين تستعين بشخص مختص وملتزم لانه الدين ما خلى مشكلة غير حلها وخصوصي انها ذكرت قضية الكذب الدعاة وصاحبين الدين بعرفو بهيك قضايا وبامكانهم افادتها
كل احترامي