بجد كيف بدك ننصحك وانتي عم بتقولي لا تقولولي اتركه يعني قررتي وخلاص يختي الله يرضى عليكي شو قصتكم انتو والحب والمب تبعكم هاد شو يعني الوحده تكون مع واحد حب وعشق 3 سنين من عمرها بتتسلى عليه وبتسلى عليها البنت لازم تكون حريصه على سمعتها وعلى حالها تستنى ليجي ابن الحلال اللي يتزوجها ويحبها البنت راس مالها سمعتها والله العظيم كتير مهم البنت تبقى مشاعرها وقلبها مصيونات مو فاهمه كيف بتعملوا بحالكم هيك هادا مو حب الحب فضيله عمره ما بكون مسخره ولا عمره بكون لعب ولا عمره بكون جاررنا وراه هيك بدون اراده وبدون عقل لا ومع واحد كذاب وملعب ونسونجي هو شو عليه اهو وقت حلو وبتمتع فيه وهو شايف وحده مدلوقه عليه .
شو مالها البنات بتستهين بحالها الهي يستر على كل الولايا وشو هادي ما قصرت معه الكلمه هاي كبيره بعدين للمعلقين يفكروا بشي مو مزبوط الله يهديكي يا حسرتي الجاهل عدو نفسه .

الوجه مع قبح النفوس كقنديل على فبر المجوس
الحب لا يكون تمثيلا بل احساس لا يحس به الا من صدق

انا اوافق صاحبة المشكلة

يعني وقعت الفاس بالرا وحبتو اكيد صعب تتكو

اصعب شيء في الدنيا هو الفراق بين الاحبة..

يمكن افضل طريقة انك تحاولي تكرهيه

يعني ضلي اتمشكلي معو وسجلي اسمو عموبايلك باسم ازفت موقف صار بيناتكو، مثل (شفتو معها بالباستيش ) وهيك كل ما يرن رح تتذكري مواقفو السيئة وتنفري منو

واخرتك تقرفي العلاقة وتسيري تحكي انو البعد اريح

والله يوفقك

حينما عاد ابو حمزة من عمله ..استقبله ابنه الصغير على مطلع درج العماره..
- لليش واقف هون ؟؟
- بستنى فيك ..
- خير شو في؟؟
- بابا مش انتا بتحبني..
- طيب..
- قول والله العظيم ما بعصب شو ما صار..
- ليش ..شو اللي صار يا ولد
- انتا قول بالأول..
-يا ولد أشغلت تفكيري ..شو صار
- يا بابا قول ..والله العظيم ما بعصب شو ما صار..
- أمري لله..والله العظيم ما بعصب شو ما صار....كسرت التلفزيون؟؟؟
- لأ...بس أنتا مش أمبارح قبضت راتبك
-أيوه..
- وأعطيته ل ماما عشان تشتري أغراض للبيت
- طيب..
- أنتا حلفت...ماما اليوم ضيعت الجزدان

اعزائي المعلقين والقراء الكرام
صباحكم سعيد
انا متابعة وقارئة ومطلعة على ما يطرح في هذه الزاوية منذ فترة من مشاكل وتعليقات ، وجزاكم الله خيراً عما ورد فيها ولكن لي بعض الملاحظات :
أولاً : المشكلة التي تطرح تكون ناقصة الكثير من المعلومات والعناصر التي تساعد في حل المشكلة وكأن صاحب المشكلة يعرض ما يريد، لكي يأتي الحل مريحاً لرغبته.. حتى أن في أغلب القضايا المطروحة يكون صاحب المشكلة مقترحاً للحل أو يكون مقرراً ماذا سيفعل ويطلب رأي القراء في قراره.
ثانياً : بالنسبة للقراء الأعزاء والمعلقين ألاحظ ان الحلول المطروحة تطرح بناءً على انطباع شخصي أو تجربة تعرضوا لها مشابهة للقضية المطروحة، قد يكون هناك تشابه في بعض المشاكل والقضايا ولكن تختلف عن القضايا الشخصية التي يعرفونها أو يتعرضون لها في بعض الظروف والأحوال قد تكون هناك عناصر مفقودة أو غير مذكورة لا تعطيكم الصلاحية الكافية في طرح الحل بالطريقة التي تطرحونها في هذه الزاوية.
اقترح هنا استضافة مرشد اجتماعي او نفسي يقدم الحل العلمي المدروس للمشكلة المطروحة وبناءً عليه تكون تعليقات القراء
ثالثاً : اسلوب الكتابة سواء كان في المشكلة أو في التعليق أسلوب ركيك ضعيف لغوياً واملائياً ،خالي من التشويق في متابعة القراءة ، أو فهم الرسالة الموجهة .
رابعاً : التعليقات في أغلب الأحيان يكون فيها تجريح صريح لصاحب المشكلة أو المعلقين يا حبذا لو نرتقي ونبتعد عن أسلوب التجريح ونتعامل مع بعضنا بود ونحترم آراء بعضنا ووجهات النظر المختلفة دون تعليق سيء او جارح فجميعنا لديه مشاكل ويبحث عن حلول لها فهل يقبل احدنا ان تقابل مشكلته بالتجريح أو الاستهزاء؟؟.
خامساً : وهو الأمر الذي جعلني اتوقف عنده طويلاً ، ألا وهو الالقاب التي توضع بجانب كل تعليق ( دودة، مشكلجي، عصبي، ... الخ) هل انتهت الدنيا من الألقاب المحببة التي يمكن لأي فينا أن يلقب نفسه بها ؟ حين يرغب شخص في رد على تعليق معين ماذا يخاطب صاحب التعليق فهل يقول : يا دودة ؟ أو يقول يا عصبي؟ أو يا مشكلجي؟؟ فأنا عن نفسي لو كانت عندي الرغبة في الرد على اي تعليق فلا يمكنني اطلاقاً مخاطبة أي من اصحاب التعليقات باللقب غير المناسب الذي اختاره لنفسه فيا حبذا لو يختار لقب جميل يمكن مخاطبته به.
فأنا أرى أن هذه الزاوية قد تكون مرجع لكثير من أصحاب المشاكل المشابهة والذين يبحثون عن حلول منطقية وسليمة لو تم التعامل معها بشكل راقي وعلمي ومتطور مع احترامي لجميع المعلقين واصحاب المشاكل الباحثين عن حلول..
شاكرة لكم سعة صدوركم واحتمالكم وقراءتكم لمشاركتي البسيطة وآملة ان لا أكون تعرضت لأحد منكم بأذى دون قصد

من اولها اختصرى الطريق واحكيله مع السلامه ادا لسه ما صار اشى بنكم وقاعد بخونك بكره شو بده يعمل بعد ما يزهقك

بما انك ما بدك يحكولك:(اتركيه).......طيب لا تتركيه......اوعي تتركيه.....اصحي تتركيه.....ديري بالك تتركيه....مشان الله لا تتركيه.....بترجاكي لا تتركيه......اذا تركتيه يا رب تروحي النار

الموضوع كله ولدنه بولدنه ...............................شو يعني اعملتي فيه مقالب؟ ونترك ونرجع
وانك ما قصرتي معه؟
من اي ناحيه .يعني كنت تصرفي عليه مثلا..........؟واذا عارفه انه كذاب ونسونجي وما بدك نحكيلك ابعدي عنه بدك نحكيلك خليكي معه واصبري عليه بلكي الله يهديه ويصير محترم زي الي يضحك على حالو
احسن الك انك تبعدي عنه لانه باين انه ما ينشد فيه الظهر اولها صعب اكيد بس وجع ساعه ولا كل ساعه لاتك الك 3 سنوات ومش مرتاحه والله يهديكي

طب لاتتركيه اتجوزيه

مرحبا:-)
عمرك ما كنتي مرتاحة معه .. بعرف بنات كثير عالنت ... بتعرفي انه بكذب كثير ..
وبتحبيه كثير ... شو القصة ؟؟
حيبيتي : بدي اسأل انتي شو إلي بتحبيه فيه ؟..يعني شو إلي بجذبك فيه
اذا زوج المستقبل اخلاقة مش كويسة وبكذب كثير ... بالمختصر وضعك مش صح وقدامك حلين : 1- اما انك تتركيه
2- خليكي معه بس في هاي الحالة (انتي إلي بدك تتسلي مش هو )

لا صار بتحكي انه بكذب عليكي

كيف بتحبيه وبدك أياه
انا مش فاهم

اصلا ما بقي حب هالأيام

انا آسف عالكلمه هاي كله لمصلحه

يعني مش عارفه شو هالحب .... هاد اسمه ضحك على بعض

انسيه وانتبهي لحالك افضل اشي

اتركيه

هاد شكلو واحد كلمنجي ومش شاطر الا بالكزب
اوعك تربطي مصيرك بمصير واحد كزاب لانو بتعبك بكرة
انت بكرة لما يضل يتصرف معك هيك لحالك رح تتركيه لانو بتكوني كرهتيه

سمعة الفتاة كالزجاج اذا انكسر في يوم من الايام مستحيل ان يرجع كما كان
خافي على سمعتك
وصدقيني ما في احلى من الحب تحت بيت الزوجية(يعني الحب عنور وقدام كل الناس)
وبعدين عنجد البنت ارق من انو يجي واحد متل هدا يضحك عليها طبعا برضاها ويستهلك مشاعرها

الى تعليق رقم 7 .... محمد قيس
عن جد ضحكتني من كل قلبي والله انك بتحكي كلام عسل لانه بصراحة انا حاسة بتفاهة هالموضوع من اوله لاخرة وحاسة كمان انه كل الي بيكتبوا بهالزاوية بيتخوثوا على الناس وعلى القراء عشان هيك ما بحب اعلقك في اي مشكلة ..... بس تعليقك اليوم ضحكني من كل قلبي
وحبي اعلق على هالموضوع:-D

الى الاخت تسنيم لقد قرات تعليقك وبصراحة لقد اعجبت جدا بطريقة القائك للموضوع فعلا كل ما قلتيه صحيح

ماذا تقول يا أخ العرب
نازل جديد وبالفصحه مان
ههههههه

الى الاخت صاحبة المشكلة
اذا كان هناك من حب شريف بينكما فحلي بالشاب ان يتقدم للزواج بك
وان كان غير ذلك فهذه اوهام واهية بعيدة كل البعد عن المنظور الديني
هداكم الله وانزل السكينة على عقولكم وقلوبكم
توبوا الى الله توبة نصوحا

الى فوفو......بصراحة هالزاويه بحس انها للمسطلين او المحششين مع احترامي للجميع....كلها تخويت بتخويت ومسبات....ونفسي اشوف شي يعبيلي دماغي عن جد.....انا متاكد لو ينطرح موضوع جدي هون معظمم المعلقين ما راح يقدروا يحكوا شي...والدليل اني ما بشوفهم الا هون او بالزاوية الفنية....اللي المفروض انها تكون الزاويه هاي للي عنده مشكله جد مو نحكي ونناقش مشكلة واحد ضيع مفتاح البيت.....
والمفروض كمان انه الزاويه الفنيه تكون مجرد استراحة فقط وترويح عن النفس وما تكون الاقامة فيهم دائمة.....
بعرف انه تعليقي هاد راح يفتح باب المسبات والشتم من اللي عارفين حالهم انه الحكي عنهم.....لكن اكيد بنصح الجميع ما يسب لانه اللي بيسب راح....؟؟؟؟اكيد عارفين والمرة هاي بالعربي مو بالانجليزي

الى فوفو......بصراحة هالزاويه بحس انها للمسطلين او المحششين مع احترامي للجميع....كلها تخويت بتخويت ومسبات....ونفسي اشوف شي يعبيلي دماغي عن جد.....انا متاكد لو ينطرح موضوع جدي هون معظمم المعلقين ما راح يقدروا يحكوا شي...والدليل اني ما بشوفهم الا هون او بالزاوية الفنية....اللي المفروض انها تكون الزاويه هاي للي عنده مشكله جد مو نحكي ونناقش مشكلة واحد ضيع مفتاح البيت.....
والمفروض كمان انه الزاويه الفنيه تكون مجرد استراحة فقط وترويح عن النفس وما تكون الاقامة فيهم دائمة.....
بعرف انه تعليقي هاد راح يفتح باب المسبات والشتم من اللي عارفين حالهم انه الحكي عنهم.....لكن اكيد بنصح الجميع ما يسب لانه اللي بيسب راح....؟؟؟؟اكيد عارفين والمرة هاي بالعربي مو بالانجليزي

انت واحد منهم هههههههههههههههه
ورقصني يا جدع محشيين ومسطوليين قال بعلق على اللي بيعلقوا وهو بيعلق

لانه يااا صاحي......اللي بده يبلغ شي لازم يختلط مع الناس يااااا مصحصح.......حتى ابلغك ....

يخليك لاهلك يا مفتح يا ناصح انت يا قوي بس شوي شوي على حالك
ويخليك للاخوة وللصحبة وللعشيرة وللانسانية وللعرب وتحيا الوحدة العربية,,,,,,,
مع تحيات واحد محشش

محشش سأل محشش

برأيك عيد الفطر بوافق يوم الخميس

فرد عليه : إذا ضغطنا عليه أكيد بوافق

مرة واحد محشش فتح الثلاجة

: لقى صحن الجيلو عم يرج قلو

لا تخاف جاية أشرب مي

محشش وقفه شرطي قاله ليش مانك رابط الحزام

قللو : اصلا البنطلون مش لابسو

حشاش سأل شيخ

قلو صحيح الصلاة ما بتصير من دون وضوء

قلو الشيخ طبعاً ما بتصير

قام قلو الحشاش : وشو رأيك باللي جربها وظبطت

: مرة و احد محشش اتصل على بيت ناس ردوا عليه فسأل

هون بيت عبدالعزيز ؟

قالولو لأ

قلون طيب ليش رديتوا
الحشاشين خطر ببال الأول يقول حكمة فقال

قلي من تعاشرأقل لك من انت

فقال الثاني : من تعاشر رد الاول : من انت

واحد حشاش عم يسوق سيارة تكسي

وقفتوا بنت قام سألها لوين رايحة
قالتلو عالجامعة

قلها روحي بس ما تتأخري

واحد عم يسأل محشش : هالشارع لوين بيروح ؟

قال المحشش : والله من وقت ما عرفتو ما تحرك

اثنين محششين وقفهون الشرطي

و سألون : ليش انتو الاتنين عيونكون حمرا ؟

قالولو نحنا ولاد عم

محشش قاعد بالقهوة قلو للجرسون

هاتلي واحد قهوة وسط و اتنين هجوم

واحد محشش دخل عالدكانة

و قلو للزلمة عندك مارلبورو ؟

قلو لأ

راح دخل عالدكان اللي بجنبو و قلو : و إنتا ؟


: واحد محشش راح عالمختبر قلون
هلأ إنتو كيف بتحللو البول و بتحرموا البيرة ؟

واحد محشش سأل بياع الخضرة

عندك فاصولية خضرا

قلو لأ

قلو المحشش طيب شو في عندك ألوان ؟


: واحد محشش عم يقلو لرفيقو

عيني حمرة شو بسوي ؟

قلو : بس تصير خضرا امشي

: واحد محشش عم يقلو لرفيقو

و الله حاسس بالي مشغول

قلو رفيقو : بتكون رافع السماعة

: حشاش عم يقلو لصاحبو

حلمت امبارح إنو نحنا الاتنين صرنا فنانين
أنا فنان تشكيلي و إنته فنان اشكيلك

خمس أخوة عم يحششوا كبستون المكافحة

الضابط سأل الأول : شو اسمك
قلو : اسمي سمير

سألو للتاني شو اسمك قلو : اسمي سمير

: قلون الضابط
كيف انتو اخوة و تنيناتكون اسمكون سمير

: قام رد عليه الأول
نحنة خمس أخوة بالبيت كلياتنا اسمنا سمير

ما عدا أخونا الصغير سليم اسمو محمود











--

أي طوّل بنطلونك خيو......كويس هيك خليك....كمان فكرة حلوة منك....شفت انك مو مقتنع بالمشاكل هاي؟؟؟؟انا بشكرك انك قدرت تحول الموضوع زي ما لازم يكون.....وتحيا الامة العربيه....

طيب واحد نسونجي وكذاب شو بدك فيه ؟
مافي شي صعب حاولي تكرهيه من عمايلو وكذبو رح تبطلي تطيقي تسمعي اسمو حتى
اشغلي وقتك بشي مفيد شكلك فاضية وما وراكي شي غير تفكري فيه كيف رح تتركيه
3 سنين وانتي بتعرفيه بكرة بجيبلك الضغط من عمايلو وكذبو وما فكر يتقدملك يعني انتو التنين بتتسلو كف بترضي ع حالك هيك شي ولا طافية مخك وما بدك تفكري بأبعد من انفك
اصحي حبيبتي لا اتركيه بلا وجع قلب وقلة عقل شو نهايتها هاي العلاقة يعني ؟
زواج ؟ مبين عليه ما بدو يتزوج ولو فرضنا بدو يتزوج رح يكون زواج فاشل
المكتوب مبين من عنوانه

طبعا اتركيه
كل شي اوله صعب

اوعي تردي على ناس خليك معه الوجه الي تعرفه خير من الي ماتعرفه

سبب عدم ارتياحك من العلاقة لان العلاقة من البداية غير شرعية والإسلام لما بحرم هيك امور ليس من العبث وانما من اجل اراحه النفسية للجميع
انصحك بالرجوع الى دينك وما يمليه عليك دينك
اسأل الله ان يوفقك ويوفق بنات المسلمين الى كل خير

واللة صدقت -- عدم الراحة نابعة من الفطرة الانسانية السليمة التي في بعض الاحيان
تتلوث ويسحبها الشيطان --- ولما تعود لرب العزة تشعر بعدم الراحة شكرا

لم اوضح جيدا -- عندما قلت ان النفس الانسانية عندما تعود الى رب العزة تشعر بعدم الراحة من الاعمال التي تقوم بها ولا تشعر بالراحة ابدا
لانها تتعارض مع فطرتها السليمة ---

ظلك اعملي مقالب فيه وتسلي .. بس تزهقي منه اتركيه وشوفي غيره ...اصلا هو مش جاهز للزواج ..عم بتسلى على النت.

بدي اسئل اولا اديش عمرك حبيبتي؟
وانت كيف تعرفتي عليه؟
وشوهالشخصية الي عجبتك؟
وشو هالثقة الي بيناتكم؟
بس دون تعليق؟؟؟؟؟؟؟