اتمنى الزواج ..
جراسا - انا فتاه عمري 26 سنة جامعية طبعا كتير محبوبه وقلبي طيب واللي حولي بجد بقولولي انو انت بنت فهمانه وامورة ليش لهلا مو متزوجة؟؟؟
والله مابعرف شو برد بقول لسه مافي نصيب وربنا مو رايد وهيك بس الموضوع صار يوصل اوقات لدرجه التجريح خصوصا من العيلة.. لدرجه التجريح, اهلي بهالموضوع تاركين الي حريه الاختيار بس مع هيك بنصحوني كل مايقرب بدو يصير موضوع برجع بتفركش راح تقولوا مني لا والله بس في اشي قالي انتي محسودة واشي قالي لسه ربنا مو رايد وانا جد حابه ارتبط واتزوج بانسان صادق واستقر بحياه طبيعيه متل كل البنات شو الغلط في ولا في الناس ونظرة المجتمع
انا فتاه عمري 26 سنة جامعية طبعا كتير محبوبه وقلبي طيب واللي حولي بجد بقولولي انو انت بنت فهمانه وامورة ليش لهلا مو متزوجة؟؟؟
والله مابعرف شو برد بقول لسه مافي نصيب وربنا مو رايد وهيك بس الموضوع صار يوصل اوقات لدرجه التجريح خصوصا من العيلة.. لدرجه التجريح, اهلي بهالموضوع تاركين الي حريه الاختيار بس مع هيك بنصحوني كل مايقرب بدو يصير موضوع برجع بتفركش راح تقولوا مني لا والله بس في اشي قالي انتي محسودة واشي قالي لسه ربنا مو رايد وانا جد حابه ارتبط واتزوج بانسان صادق واستقر بحياه طبيعيه متل كل البنات شو الغلط في ولا في الناس ونظرة المجتمع
تعليقات القراء
أكتب تعليقا
تنويه :
تتم مراجعة كافة التعليقات ،وتنشر في حال الموافقة عليها فقط.
ويحتفظ موقع وكالة جراسا الاخبارية بحق حذف أي تعليق في أي وقت ،ولأي سبب كان،ولن ينشر أي تعليق يتضمن اساءة أوخروجا عن الموضوع المطروح ،او ان يتضمن اسماء اية شخصيات او يتناول اثارة للنعرات الطائفية والمذهبية او العنصرية آملين التقيد بمستوى راقي بالتعليقات حيث انها تعبر عن مدى تقدم وثقافة زوار موقع وكالة جراسا الاخبارية علما ان التعليقات تعبر عن أصحابها فقط ولا تعبر عن رأي الموقع والقائمين عليه. - يمكنك تسجيل اسمك المستعار الخاص بك لإستخدامه في تعليقاتك داخل الموقع |
|
الاسم : | |
البريد الالكتروني : | |
التعليق : | |
اللي بتشعري فيه كل البنات بشعروا فيه وبشكل هاجس بالنسبه الهم ادعي الله يوفقك بابن الحلال ... وبالاخير القسمه والنصيب هي اللي بتحكم.... ولو الوحده ما اتزوجت هاد اشي مش لازم يشعرها بالنقص او انها تحولت لمشكله ... بس كمان البنت ما تضرب بالعالي .. وتقعد تتأمر وتحط مواصفات موجوده في الاحلام..
تكون واقعيه وما تستنى صاحب الثروه والسياره الفاخره والرصيد بالبنك والفيلا ..خلي الاحلام ..قابله للتحقيق والله يبعتلك الزوج المناسب ويبعتلنا كلنا كبنات وكشباب بالتوفيق
اوضاعنا هموم الحياه ضنك الحياه مصايبها صعوبتها خلت موضوع الزواج مجرد انه ينفتح وكأنك بتفتح صندوق باندورا وبتطلع منه كل الشرور
مع المدنيه والتحضر اختلفت النظره للزواج اختلفت سن الزواج اختلفت متطلبات الازواج
بدنا نتزوج ويا ريت عند ما بنتزوج بنعرف قيمة الزواج يا ريت بنحافظ عليه يا ريت بنعرف نكبره الا بنتزوج من هون وبنطلع كل عقدنا الكامنه في بعضنا وبنتحول الى زومبيات متزوجه اتنين في بيت بالزبط مثل استئجار غرفه فندقيه اغراب .
بدنا نتزوج لانه سنا بقول صار الوقت للزواج مش لانه في قرارة انفسنا بدنا انسان يحتوينا مش بس علشان يشبع رغباتنا الجسديه لأ علشان يكمل الجزء الناقص فينا نضحك نقرأ نلعب نبني ننجب اولاد الحب من بعض.
محسوده معموله عمل لسه بنفكر هيك طيب في قران وفي صلاه وفي اشياء بتمنع عنا هاد الكلام.
ما اتزوجنا لانا لسه ما قابلنا الشخص المناسب لانه لهلأ ما عجبناش الشخص اللي اجا ليخطبنا او هو ما عجبنا.
ما اتزوجنا لانه بدنا نختار والخيار يعني عدة بدائل اذا البدائل مش موجوده اكيد ما حسنتعمل طريقة اريد شريكا .
الزواج اختيار حر في وقت ومكان قدرنا بحددهم النا يمكن يحصلوا ويمكن لأ واذا لأ فهي مش نهاية العالم.
تأكدي من حالك ورديلنا خبر شو بطلع معك
)عسى أن تكرهوا شيئآ وهو خيرآ لكم وعسى أن تحبوا شيئآ وهو شرآ لكم( صدق الله العظيم
ما تستعجلي على نصيبك
تحياتي
ما ضل غير تكتبي مواصفاتك وتبعثيها على شكل cv وشباب جراسا بشوفوا وبختاروا مأنتي بكسة بندورة............. طير اخضر طير امبرقع لا بتجوز لا بفقع ......اكيد اغنيتك المفضلة
الله يثبت العقل والدين
شباب حدا يجبر بخاطر ها !!!!
ذهبت الى الحكيم لكي اناقشه في امور الحياه واتعلم منه بعض الامورالمهمه في الحياه فلما اقبلت اليه وجلست بجانبه وتحدثت معه عن الحياه والبشر الذين بدلوا معاني الحياه فارشدني الى مغاره توجد بها بعض الامور التي فقدها البشروبعدها ذهبت الى المنزل وهممت بالرحيل الى هناك اخذت معي لوازمي ثم رحلت وانا فرح ومسرور لاكتشف مابداخل المغاره ووصلت الى المغاره واقتربت اكثر واكثر واذ بي اجد من بجانب تلك المغاره وهو حزين وسالته بهمس ماالذي حدث لك ......فاشاره الى تلك المغاره وقال اريد ان اكتشف تلك المغاره التي بدلت وقلبت تلك الحياه رأسا على عقب ودخلنا سويا ووجت رسائل مبعثره واخذت رساله مكتوب عليها (الحب) وفتحت الرساله وكان مكتوب عليها...... الحب وما ادراك ما الحب انها كلمه كانت في الماضي ثقيلة المعنى لها هيبتهافي زمن بعيد ولكن مع مرور الزمن اصبحت عمله متبادله واصبحت تداول للمصالح وغير ذلك......... فاقد المعنى .
وشدني الفظول ان افتح رساله اخرى مكتوب عليها الامل ويا لروعت الامل والنظر الى السماء وتمني......... فوجود الامل بحد ذاته هو جميل لكي يكون للانسان شيئ قد يسعده ويشعره بانه لا للياس وان الامل موجود والدعاء للخالق وحده بان يفرج عليه كربته وفي نهاية طريق المغاره وجدته نور مضئ يتجه الي فايقنت انه ذلك هو الامل قد تحقق .......واتمنى ان يتحقق مرادك وشكرا
نصيبك لسا ما اجا , و اذا كان و متل ما حكولك محسودة او اي شي من هالقبيل , ما الك الا تستمعي للرقية الشرعيه و تقرأي سورة البقرة , مرة كل ثلاث ايام نهارا و مرة كل ثلاث ليال , لانها تبعد الشيطان , و ادعي لربنا انه يرزقك الانسان اللي يستاهلك وو يسعدك , و كوني على ثقة من اجابة الدعاء,
و كرري كثير قوله تعالى ( رب اني لما انزلت الي من خير فقير )
و لا تحطي افكار سودا براسك ,شو يعني 26 سنه بعدك صغيرة و ان شاء الله عن قريب نسمع عنك الاخبار الطيبة.
هادا رد كل واحد بحكيلو قصتي
تعرفي انا صارلي سنة بدور على بنت الحلال الي اتزوجها وكل ما اشوف بنت و نيجي بدنا نتفق عالتفاصيل بحس اهلها بحكولي اطلع برا ما بدنا نجوزك او كأنهم مش عايشين بالاردن
بطلبو باشياء خيالية زي كانهم عايشين بعالم غير عالمنا ما كل الناس يا دوب عايشة و ساترة حالها
و اقسملكم بالله اقسملكم بالله اني صرت اخاف اروح اطلب بنت و الله يستر على جميع خلقو
....
يمكن أن يكون الجمال أو النسب ليس كما يرغب الناس يمكن أن يكون أحد الاسباب أو عيب خلقي
أو خلقي وإن لم يكن من هاد القبيل فهو أن النصيب لم يأتي بعد وإن كنت محسودة فما عليكي سوى
قراءة المعوذات ومداومة الصلاة والدعاء إلى الله
وأتمنى ان ترادي مرادك في أقرب وقت ممكن والسلام
كل شي نصيب ومافي واحد بياخد غير نصيبو
ايمانك قوي بالله تعالى مابدها تطير الدنيا رايحة تندمي على كل لحظة حلوة قبل الزواج ( طبعا هاي بنصائح المتزوجين )
وعادي والحمدلله نفسيتي احلى من هيك مافيه شو يعني اذبح حالي ازا مافيه عريس او وظيفة لا بالعكس اعيش كل يوم بيوم متل الاطفال (بس مابتخلى الشغله اني افكر بحالي) بس لازم اكون قوية
شو يعني ليش العيلة تجرح فيكي ليش هي الشغله بايدك وانتي رافضه ..... اطلعي مع صحباتك , مع اي حد بترتاحي معه اكيد نفسيتك رايحة تتحسن....
انا حكيت الك قصتي لانه بفهم هاد الشعور ...... بس لازم تكوني قوية وتكون عندك اراده من حديد ...... واهم اشي ايمانك بالقسمة والنصيب
عللى النكد
نحن لا نملك لأنفسنا ضرا او نفعا و كل ذلك بيد الله يرزق من يشاء و يمنع من يشاء
قل لن يصيبنا الا ما كتبه الله لنا .. شو هذا الحكي محسودة ولا مو محسوده ... ربنا ازا كاتبلك تتزوجي بتتزوجي
وربنا كاتبلك منذ ظهور على وجه الارض ... شو راح تكون حياتك
فالصبر مفتاح الفرج اختي الفاضلة .
وبيني وبينك لاحقه على الهم شو بدك في هذا الهم اختي الفاضله هههههههههه
بتمنالك التوفيق يارب
ما منشان الله ادعولي لانه ما اللي الا الله ودعائكم
اللهم بشرني بحمل قريب كما بشرت عبادك مريم وابراهيم وزكريا امين يا رب العالمين
عمرك 26 ولماذا تدرسين لغاية الآن؟ ماجستير يعني؟
هل آتى أحد لخطبتك من قبل؟
هل كنتي على علاقة مع أي شاب في الماضي؟
هل أهلك سمعتهم جيدة ولا غبار عليها؟
ما هي أسباب الرفض إذا كان جواب السؤال الثاني نعم؟
المشكلة انة الحياة صعبة
انصحك بلتوجع الى جمعية العفاف
جوازو 1140 حالة لغاية الان
بسم الله الرحمن الرحيم
)عسى أن تكرهوا شيئآ وهو خيرآ لكم وعسى أن تحبوا شيئآ وهو شرآ لكم(
صدق الله العظيم
لا تستعجلي على نصيبك
تحياتي
جراسا نيوز: لمن تريدين ايصال ايميلك؟؟؟ وسف نقوم بارساله .. واهلا بك
بليز انشروا وافتحوا زاويه للي بدهم يتزوجوا احسن بطل في خجل
فعلا" الامل بالله دائما" وابدا" ، فاذا فقدنا الامل فقدنا معنى الحياة والمستقبل .
سلامي للجميع
اتقو الله بهل شباب الي قاعد بحرث ليل نهار 200 -300 ملطوش بالشهر وناتع شهادة قد الدنيا يروح يبيع فيها ترمس احسن له
سدقيني بعرف ناس دفعو اللي فوقهم واللي تحتهم ليتزوجو لو جابلهم وحده من اي بلد ما بتكلف كتير بكون احسن .
يعني اتزوج شاميه وعيش عيش عيشه هنية والحياة عندهم ارخص يعني كل الزواج على بعضه ما بكلف 10000 الاف (هاد واقع الشباب للاسف )
هاد طبعا غير انتشار الفساد بين الناس بنات بلا اخلاق وشباب بلا اخلاق ليس الجميع ولكن الكثير الكثير الا من رحم ربي....
لازم الحكومه تتقي الله في الشباب بتسهيل الزواج ومنع الفساد
ودعوة الى كل الاهالي والبنات انتم مسؤلين عن جزء كبير من تنفير الشباب عن الزواج
ونسال الله العافيه
وبتوافق هي كمان عليه بدون ما تعرفه منيح وتعرف عيوبه
وتتزوجه في غفلة وبتصحى بتلاقي حالها في بيت زوجها عريس الغفلة عشان هيك بحكو عريس الغفلة :)
إذا كنت مريضا ً لا تقل ليته شفاني ..... وإذا كنت فقيرا ً فلا تقل ليته أغناني ... لأن الله يعلم بالمصلحة ونحن لا نعلم
فقط توكل على الله وثق أنه معك لا عليك
ممكن نتواصل من خلال الايميل
يمكن تتواج الامور بالخير
وانا بحكي لصاحبه المشكله ادا زي ما حكت ما في عندها مشاكل فالحل هو متل ما كتير بنات عملو وكان معهم نفس المشكله انو تفراي سورة البقرة كل يوم وكتري قراه قران واستغفار دائما وكل يوم مع ىالدعاء متل ما حكو المعلقين في التلت الاخير وانشالله بتتزوجي
والله بدكر مرة قرات قصه ان في بنت كانت تدعي مواصفات العريس انو يكون ابيض وعيونه ملونين واتخيلي اجا نفس المواصفات يعني ربنا كريم بس الواحد يدعي
ومهما كانت امانينا كبيرة ...فلا بد ان نحلم... ونحلم ...ونحلم
ففي يوم من الايام ...سوف يدق بابنا ...!! ليس العريس....! انما (الحظ) ...!!
انا على قناعة لكل انسان في هذه الحياة فرصة ...سوف تأتيه عاجلا ام اجلا ...!
وسوف استغل انا هذه الفرصة واضرب (سلام مربع للجدعان الثلاثة )...!تحياتي
الله يكون في العون..........
انا بدور على عروس بس انتي كبيرة علي شوي، لانو انا عمري 24سنة،،،الله يسرلك ابن الحلال ويكون احسن مني..
بس كالعاده تتألق المهندسه دانا بأرائها الجميله وكلامها المفيد
احترامي وتقديري لكي
والى صاحبة المشكلة كل شي من الله عز وجل
لا تقنطي من رحمة الله
ولا تيأسي .لا يأس مع الحياه ولا حياة مع اليأس
والله الموفق
واساس الحياه السعيده ,, الغولغووووووووووووووووول " يعني الفلوس " واتحدى الي بحكي غير هيك !!!!؟؟؟
جرادات مهمـــــــــــــــــــــــــوم
اصبري
الله بجيب الخير لعبادوا
الأيميل من فضلك كي نتواصل
ليه ما تحولوا الزاويه لزاوية ((اريد شريكاً)
بس اقتراح
قال كاتب رقم تلفونه....
جرادات
لانو الشباب مش فاضية بدهم يحلو مشكلة البنت . وامعتصماه وانطلقت لامست اسماعنا ولكنها لم تلامس نخوة المعتصم ...وشكرا
ما راح اتطرق للعين والحسد والحجب وغيره من اسباب غيبية
راح اتطرق للايمان بالله والثقه به سبحانه وتعالى
لانه الاساس اذا كان الانسان مؤمن ما راح يتعب في تفسير الامور التي
تحدث معه في حياته فاما هي امتحان او بحاجة لمزيد من السعي
وفي موضوعك اذا كان لديك الايمان فلا بد هو امتحان وكثيرا ما رأيت بام عيني
فتيات تاخرن في الزواج الا ان ثقتهن بالله تعالى لم تتزحزح والحمد لله
كانت النتيجة الزواج وتكوين اسرة طيبة جميلة
اتمنى ان يرزقك الله بالانسان الصادق الذي تتمنيه وان يحترمك ويقدرك
:-P
اقدم خلص شكري لجراسا
الزواج قسمة ونصيب أولا واخيرا
والزواج ليس عيبا ولا حراما !!
لكن كل (العـــــــــــيب ، وكل العــــــــيب ) هو في طريقة طلب الزواج هذه !!! التي تطلبين فيها ذلك ..
فما هو مكتوب في شرحك عن نفسك من صفات ( يتنــــــــاقــض ) مع الطلب الذي تطلبيه فهذه الطريقت لاتصدر إلا من فتاة جاهلة حمقاء وليست من فتاة جامعية متعلمة ومثقفة وواعية !!.
راجعي نفسك جيدا وكوني صادقة مع نفسك أولا قبل أن تكوني صادقة مع الآخرين
وحينها ستعرفين ( السبب )!!
مع العلم إني أؤكد لك أنك تعرفين هذا السبب جيدا .
فبل أن أنهي تعليقي أود تذكيرك بالآية الكريمة : ـ
ولاتشاؤون إلا أن يشاء الله رب العالمين ). صدق الله العظيم
أما طريقة الزواج بالإيميلات وما شابه ذلك فهي طريقة خاطئة 100%
وستكونين غدا من أشد النادمين على ذلك .
مع تمنياتي للجميع بالتوفيق والسعادة والهناء وراحة البال .
أخوك
عبدالله شيخ الشباب
الزواج قسمة ونصيب أولا واخيرا
والزواج ليس عيبا ولا حراما !!
لكن كل (العـــــــــــيب ، وكل العــــــــيب ) هو في طريقة طلب الزواج هذه !!! التي تطلبين فيها ذلك ..
فما هو مكتوب في شرحك عن نفسك من صفات ( يتنــــــــاقــض ) مع الطلب الذي تطلبيه فهذه الطريقة لاتصدر إلا من ( فتاة جاهلة حمقاء) وليست من فتاة جامعية متعلمة ومثقفة وواعية !!.
راجعي نفسك جيدا ياعزيزتي ، وكوني صادقة مع نفسك أولا قبل أن تكوني صادقة مع الآخرين .
وحينها ستعرفين ( السبب )!!
مع العلم إني أؤكد لك أنك تعرفين هذا السبب جيدا ، لكنك تضحكين على نفسك !!.
عمـوما ... وفقبل أن أنهي تعليقي أود تذكيرك بالآية الكريمة : ـ
ولاتشاؤون إلا أن يشاء الله رب العالمين ). صدق الله العظيم
أما طريقة الزواج ( بالإيميلات ) وما شابه ذلك فهي طريقة خاطئة 100%
وستكونين غدا من أشد النادمين على ذلك .
مع تمنياتي للجميع بالتوفيق والسعادة والهناء وراحة البال
وأدعوهم جميعا الى ( الزواج بطريقة صحيحة ) !!.
أخوكم
عبدالله شيخ الشباب