...........
وشكرا

في ممثله عن ممثله بتختلف
ممثله درجة عاشره
درجة اولى
كومبارس
انت الي بتعرف وبتعرف اهلك وبتعرف عاداتك وتقاليدك
الزواج يا اخي مش كلمة بحبك
الزواج مفهوم واسع من الارتباط العائلي والانسجام وتكافؤ الزوجين مع بعض
والرجل حق اولاده عليه في المستقبل انه يختار الهم الام الي يفتخروا فيها
فكر كويس وشوف الوسط الي هي عايشه فيه شو هو
انا ما بدي اظلم وحده يمكن تلاقي ممثله محترمه والله اعلم ما بجوز نحط بذمتنا ونتهم
انا ما بأيد اي واحد ياخد وحده غصبا عن اهله
عمرهم ما بحبوها ولا بحتضنوها بينهم ولا بعاملوها انها بنتهم
وبتتعب معهم وهو بتعب وآخرها بنفصلوا
وبلعن الساعه الي مشي فيها ورا قلبه
الزواج بده عقل قبل القلب الله يجيبلك الخير .

عمره ما كان رأي الناس محض اهتمام بالنسبة الي..اعمل الي بدك اياه ولا يهمك

صدقني يا اخي الحب هوه ما بعد الزواج والعشرة حتى لو بطلت تمثل كل ما تشوف مقطع الها رح تصير مشاكل كيف تطيق لها ان تقف امام رجل وتمثل ويمكن يمسك ايدها او.....او...... يا اخي وينك عن كلام سيدنا الحبيب (تنكح المرأة لاربع :لدينها ..................... فاظفر بذات الدين تربت يداك) انت تريد ام لاطفالك وزوجة خلوقة مش ممثلة كل مين هب ودب شاف مفاتنها,لا تحكي حب ولا غيره ما في الا بعد الخطبة والزواج وما في شيئ بستاهل تغضب ربنا عشانه وتغضب امك وابوك.واذا انت قادر على الزواج تزوج من وحده محترمة وملتزمة رح تنسى الممثلة بسرعة ما بتتخيلها ابعد عن كل ما يذكرك فيها

والله شوقتنا نعرف الممثلة , بس ما تكون (تاج حيدر)!!!!!!!!!!!!!!!!!

شوف يا اخي اذا ممكن تكون ممثلة محترمة وممكن تترك التمثيل وممكن تلتزم دينيا يمكن اهلك يتقبلوها وانا الصراحة ما بقدر اقولك غير استخير ما ايلك الا الله الجئ لله واسأله اذا وفقك كان به واذا لا اخدت نصيبك

الحب اكبر من هيك هي بدها تضحي عشانك وانته لازم تضحي عشانه وتتزوجوا وعفى الله عن ما مضى okz ya man

الى صاحب المشكلة
كما تعلم حاء في الحديث الشريف
عَنِ أَبي هُريرة رضيَ اللَّهُ تَعَالَى عَنْهُ عَنِ النبيِّ صَلّى الله عَلَيْهِ وَسَلّم قال: " تُنْكحُ الْمَرْأَةُ لأرْبَعٍ: لمالها ولِحَسَبها ولِجَمَالها وَلدينها: فَاظْفَرْ بذاتِ الدِّينِ تَربَتْ يَدَاكَ " مُتّفَقٌ عَلَيْهِ
عليك البحث عن صاحبة الدين

از في اي اعتراض من جانب اهلك فا انسا لازم رضاهم احسن ما بكره بتتعب من الطرفين وازا اهلك موافقين وهي ع خلق ودين ليش لآ وهي رح تترك التمثيل عشانك فلا تتردد ازا انت عنجد بتحبها وملاقيها مناسبه الك ولعيلتك طبعا انت ادرا وازا الك نصيب فيها بتاخدها غصب عن الدنيا والله يكتبلك الخير

اذا انت بتحبها فانت ترى عيوبها وتعرفها جيدا وما في انسان كامل ابدا واذا عنجد انت بتحبها وهي بتحبك وبدها تضحي بعملها انا اقول لك بانه بامكانك العيش معها واذا اردت يوما ان تنزل الى السوق لشراء الملابس او الذهاب الى احد المولات هل تستطيع ان تقف جنبا الى جانبها اذا حصلت تعليقات من هنا وهناك اذا انت قد الرياح والعواصف القادمه لحياتك وتستطيع مواجهة العالم كله بها وانت قادر ان تعيش معها بحب والا هي القصه انه اتعلقت فيها على اساس انها ممثله مشهوره وتباهيت بعلاقتك فيها واتقربت منها وبس اعرفتها منيح وقعت في حبها انا اسف لكلامي بس انا اكتب لمصلحتك يا اخي هل انت قادر لمواجهة اهلك وجيرانك وشعبنا كله معها ويدا بيد اذا بتقدر انا بشجعك وكون شجاع باتخاذ القرار هاد واتحمل وبدك تكون صبور واذا هي ممثله وبدها تترك شغلها وتضحي فيه فانت اكرمها وقوي من عزيمتك وعزيمتها ورح تواجهوا كلام كثير من اهلك وقرايبك وخاصه النساء والله يوفقك والف مبروك بس قول يا رب

كرة كدم؟؟ هاهاها.... على كل حال ما راح زيد شي على يلي نحكى..بس بالأخر انتى اعطي كل رأي حقه , و ساوي يلي بتشوفوا صح... لا تخلي كلمتين من هون او هنيك يخلوك تبطل ....بس قبل هيك فكر منيح بالموضوع... الكل ممكن يخترع حلول و يقدم نصائح .. بس انتى الوحيد يلي عارف القصة كاملة..
اذا تأكدت انا صادقة معك و راح بتترك حياة التمثيل و الشهرة مشانك... بس سؤاال : شو بدك اكتر من هيك وقتا؟ اذا بدا السترة ليش لأ؟...

سؤال ...........

كيف تعرفت عليها ؟؟

بناء على جوابك .... بكون جوابي ....

أعتقد ... جوابي وصل


انتهى ..........................

انتو مصدقين

ليش مابتقدر ما انت بتحبهااا وراح تترك الفن عشانك والحب موجود من الطرفين شو بمنعك انت ضحى كمان عشانها ولا بس البنت بضحى
ماتترد صدقنى ا>ا بتحبك ماتستغنى عنها لانو مافى حب هالايام غير حب المصلحه

اول شي ان فيصلاوي ولا وحداتي
خخخخخخخخخخخخ

اسف على المزحة
---------------------

مخطوبة ، نيال خطيبك فيك

اخي الكريــم صعب اتكمــل معهــا ليــش؟؟؟ لانها ممثلـــة؟؟؟ يا اخي مش عيب ولا غلــط الا كفر انك توخدهـــا ونتا بتحكي مستعدة تترك التمثيــل مشاني اذن يا اخــي الكريم انتا بالسليم وتعمل بما يرضي الله لا ان يغضب الله وهاذا زواج يا اخي الكريم مبارك فيــة ونتا بتحكي مو قادر تتركهــا حلــو جدا اخي الدليل انك من قلبك داخلية بتحبهـــاا والبنت ازا ما عليهــا شي مش غلط انك تتزوجهــا وتكون اخترت شريكــة حياتــك اخي الكريــم نحن لم نرا مشكلــتك بالواقــع لكن احب ان اقول لك يا اخي الكريــم بأنك اهم شي لا تغضب الله عزوجل وأنتا حاوول ان تتواصل معنــا بالتعليقــات لكي نفهم اكثــر من مشكلــتك وزا البنت بتحبك ونتا شايف انهاا متجذة الك زي ما انتا منجذب الهــا توكــل على الله ومثل ما قلت انهاا سوف تترك التمثيـل وهاذا افضل لك لأنك تكسب حسنــات بهــا اكثر لأنك جعلتهاا تعتزل التمثيــل موفق اخي الكريم بأذن الله ودمتم......جهاد الطبــاع

انت كاتب مشكله كمان كاتب الحل كونها رح تترك التمثيل معناها رح تبطل ممثلة وهاد بيدل انها منيحه وبتحبك وانا برايي تتمسك فيها وتخبر اهلك انه بطلت تمثل ورح تلتزم والمشكله بسيطة كتير وما تنسى تعزمنا على الخطوبة ...

ليش شومالا (تاج حيدر)؟؟

اسمع يا كبير.................... لا تورط حالك وتوخذها مش بس لانها ممثله... لانها تعرفت عليك وحبتك ..اكيد كانت تحكي مع غيرك....... فش في الدنيا اشي اسمو حب وحكي فاضي.......لانو اي اثنين بتجوزو من بعد علاقه حب بكون مصيرهم فاشل وكلو مشاكل....وانت بعد ما تتزوجها راح تصير تلومها وتحكياها اكيد انتي قبل ما أتزوجك كنتي تحكي مع غيري.....وكانت وظيفتها كلها شباب ومختلط.فاهمني يا كبير؟؟؟؟؟؟؟؟؟؟؟؟؟

هلا هلااااااااااااااااااااا
مين انت
بس لا تكون الممثلة جيني اسبر ؟
اسمع اذا هي بدكيش اياها

يا الله مأبيخكم يا قراء موقع جراسا .. الواحد بحط مشكلتو عشان حضراتكم تفكروا بحل بتروحوا بتقلبو الموضوع مسخرة .. عمرهم العرب ما رح يتقدموا

دودو.... انت شب طنط؟؟؟

شددددددددددد حنكك وجع يخلع بوزك شو انك مايص ....



انتهى ................. عوعو ,,,,,

عند الزواج لازم الواحد يفكر بتمهل وبتمعن الحب لوحده ما بطعمي خبز ولا بخليك تعيش سعيد**
...............
العقل ولا شيء غير العقل لازم يحكم هادا القرار**
انا تزوجت عن حب واحد فكرت اني بحبه **
لانه عند الحب التفكير بنحرف**
وبتشوف الغلط صح**
وبتشوف السيئات حسنات**
ما كان الاهل راضيين **
عندت **
وراسي والف سيف الا هو ومش اي واحد تاني يكون زوجي**
وافقوا**
حملوني مسؤولية اختياري**
يا ليت ما وافقوا**
يا ليت منعوني**
يا ليت اترفشوا ببطني **
وما اخدتوا**
زوج شكاك**
مريض**
معقد**
ايده والضرب **
على اتفه الاسباب**
حتى خلصت منه قبل ما يسببلي عاهه مستديمه**
رجعت لبيت اهلي**
بستاهل**
نصيحة الاهل والكبار والاخوان ما بدي ياها**
تعلمت درس قاسي **
انا دفعت ثمنه من حياتي**

الخلاصه الحب كلمه فضفاضه يمكن ترتكب باسمها كل الجرائم وخصوصا جرائم قتل القلوب وتدميرها وتركها جثه هامده.**

انا بنوتة يا عصبي

كنت بعرف انك عصبي بس هلا عرفت انك كمان غبي

اتقوا الله ياللي بتشجعوه يتزوجها انتو هيك بتضللوه لو اي واحد مكنم حب ممثلة بعمرة ما بوخدها,والحب قبل الزواج ليس الا سرابا لانه رح يصتدم بواقعكان مغيب عن اي 2 عايشين في ضلال وبحكوا انهم بحبوا بعض الحب هو العشرة التفاهم مش حب الجامعات والممثلات ما بني على باطل فهو باطل

اسعد الله اوقات الجميع / مساء الخير يااخت مطلقة
بداية عليك ان تقولي
( إنا لله وإنا إليه راجعون اللهم أجرني في مصيبتي وأخلف لي خيرا منها ))
عليك ان تصبري على قضاء الله وحكم الله عز وجـل .
جاء في الحديث الصحيح
قالت أم سلمة رضي الله عنها:‏
‏( سمعت رسول الله ‏ ‏صلى الله عليه وسلم ‏ ‏يقول :
‏ ‏ما من مسلم تصيبه مصيبة
فيقول ما أمره الله ‏‏إنا لله وإنا إليه راجعون ‏
اللهم ‏‏ أجرني ‏ ‏في مصيبتي ‏ ‏وأخلف ‏ ‏لي خيرا منها
إلا أخلف الله له خيرا منها .
قالت فلما مات ‏ ‏أبو سلمة ‏ ‏قلت أي المسلمين خير من ‏ ‏أبي سلمة
‏أول بيت هاجر إلى رسول الله ‏ ‏صلى الله عليه وسلم ‏ ‏ثم إني قلتهافأخلف الله لي رسول الله ‏ ‏صلى الله عليه وسلم) رواه مسلم .
واقول لك ( توقف حياتك الزوجية...... لا يعني توقف حياتك)
نسال الله سبحانه وتعالى ان يوفقك ويسدد خطاك

انا في حيـــــرة من امـــــري......!!!!
عندما كنت صغيــــرا كانــت حيــاتي لها عنـــوان كلمـــا كبـــرت ما زالت حيـــاتي اعيشهـــا بالصبر والســــلوان والان افقد صبــــري وافقــــد العنـــوان دخلـــت في عالــــم الولهــــــان انســـانة احببتهـــــا بكـــل صدق وأخلاص وحصــلت على عنـــوان انتظرت طويـــلا عندمـــا وجدتهـــــا وها انا الان اصبـــح عبـــرة للزمــــان الحبيبـــــة من عشـــاق الافلام انا فـــي حيـــرة رغم الصبــر والسلــوان وقعـــت في قلــــب بحــب وحنـــان لكـــن ما الفائدة وأنا افكـــر بأن ليسة ليــــة عنـــوان ماذا افعـــــل؟؟؟؟ ماذاااااااااااااااااااا افعععععععععل ماذاااااااااا افعععععل بحب دخـــل قلبــــي وبناة فيـــة بيت الامـــان وها انــا الان محتـــار بهالزمـــان هـــل اقـــول وجدت العنـــوان ؟؟؟؟ ام اقــــول هـــل من عنــــواااااااااااان هلللللل من عنووووووووووان هل من عنوااااااااااان

تعليقي للعبره **
انا مش يائسه**
ما اضربت عن الزواج مره تانيه**
بنصح صاحب المشكله**
انه يفكر ** بعقله ومش بقلبه**
اما تجربتي ما بعتبرها مصيبه**
هي درس**
والحياه مجموعه من الدروس**
والمطلقه مش زي زمان**
بتقعد
في البيت**
واهلها بمنعوها من الخروج**
بالعكس تماما بترجع لسابق عهدها وبترجع تمارس عملها وبتعيش حياتها كأي امرأه تانيه عزباء او متزوجه**
بطلت النميمه تبعت زمان**
وهادي مطلقه**
والجيران بقعدوا بتلصصوا من وراء النوافذ امتى رجعتوامتى طلعت**
وبطلت يحاول اهلها يلبسوها للي بشيل البضاعه من الارض الحموله كلها **

انما هي نصيحه الزواج مهما كانت عندك نفاذ بصيره ما بتعرف شو اللي مخبى الك فيه **

الخلاصه يا اخ ابو حمزه الحب خلينا نحيده عند التفكير بالزواج ونسمع النصيحه من كبيرنا وما نسوق العناد ونكبر راس**
لانه بنيجي على راسنا غز**
واللي ما اله كبير بشتريلوا كبير يعني الهم تجربه ولما بنصحوا بكون عندهم بعد نظر**
ربك لطف ما جبنا اولاد نص مصيبه كان راحو بالرجلين **

تحيه خالصه لك اخي.

واذا ممثلة شو يعني................
بعدين م بدها تتركوا لما تتزوجك .............خلص عادي
بعدين المفاهيم والعادات تغيرت حتى لو احنا شرقيين..............

ربنا رحيم وغفور اذا احنا ما غفرنا لبعض كيف بدنا نصير بني ادميين يا اخي ان الله غفور رحيم ادلو بدلوك ورايك شخصي وما تاثر بافكارك الرجعيه على الشب ليش ما نعطي فرصه للانسانه الا بدها تضحي مشان تستر حالها وتعيش مثل باقى الخلق ارحموامن فيى الارض يرحمكم من في السماء

ليش بتجمع الجميع بكلامك ليش ما رقمتي المعلقين الا بتمسخروا يا خانم وانتي كمان ما رح تتقدمي ولانه من لا يتطور ينقرض يا دودو بس حضرتك ما ابديت رايك بالمشكله انتي ابديتي رايك بالمعلقين فيدينا برايك بلكي نستفيد من كلامك بشي ونطور وما ننقرض

هذه نظريتي ..

أحيانا .. الفتاة عندما تحب .. وتخلص ... يعتبره الرجل نقطة ضعف .... وكأنها بترخص حالها ...

على كل ...

نصيبك دادا ..... وليس وقت العتاب ....


انظري للمستقبل رغم ان فرصك الآن اصبحت .... معلش بدون زعل .. شحيحة .. انا بطبعي صريح .............

ويا dodo >>>>> والله عارف انك بنت ... مو غبي انا ... بس u and the ... r the same ...

ما بتعرف اذا فرصي شحيحه أو لأ**
ما الها دخل بالزواج مره تانيه**
النصيب من الله**
ما حد بعرف وين نصيبه**
واذا كان الزواج في قلة راحه ورجل ما بستاهل يكون بين الرجال**
فبلا منه من أصله**
وليش بدي ازعل من كلامك **
أهو كلام وانت حكيته**
لا بقدم ولا بأخر **
بللي صار**
او اللي بده يصير**
وحلوه صراحتك **

الخلاصه اني ما بحكي عن حالي في التعليق انا بحكي عن اللي بتزوجوا برسم الحب **
شو ممكن يحصل معهم**
وانا صريحه ومو مستحيه اني مطلقه اتجوزت بالحلال وطلقت فيه وكنت صاحبة قرار في الزواج وفي الطلاق **

وبتحمل دائما نتائج قراراتي المصيريه وبكون قدها **

الك تحياتي

مساء الخير للجميع ، مساء الخير ياعصبي ، مساء الخير الى اختنا المطلقة
اخالفك الراي ياعصبي هذه المرة واتفق مع ماقلته اختنا المطلقة بان النصيب من عند الله سبحانه وتعالى ، يعني ممكن الله سبحانه وتعالى يعوضها بزوج خير من زوجها الاول.الامل بالله كبير
الاخت مطلقة انا لم اقل بانك بائسة ، ولكن احسست بتجربتك لان الخيار كان لك ، انت تحديت اهلك وقبلت به زوجا لك ، في الغالب يكون العكس ، الاهل يجبروا بنتهم على الزواج وتكون النتيجة عكسية وهيا ابغض الحلال الطلق.
نعم تجربة غنية قداكتسبتها من الحياة ، ان ااوحي فك روح العزيمة والاصرار والتحدي.
نسال الله سبحانه وتعالى ان يوفقك ويسدد خطاك.
الاخ الالكتروني عصبي شو اخبار عينك ان شاء الله امورها تمام

مساء الخير ******
تصحيح انا قلت انا مش يائسه وبتختلف عن بائسه اليأس والبؤس شيئين مختلفين **
وشكرا لك على كلماتك الحلوه اللي بترفع المعنويات **
علما باني مش منخفضة المعنويات **
لكن الكلام الحلو اله وقع في القلب والكلام الطيب كشجره طيبه **
صحيح تجاربنا بنتعلم منها بعد ما ندفع الثمن احيانا غالياً**
لكن الحياه ما بتتوقع شو مخبيه الك بطيات صفحاتها**
كتاب بدنا نقرأه**
الغلاف عجبنا **
بس لما قرأنا محتواه **
اصابتنا خيبة امل كبيره**
والنهايه في هادا الكتاب كانت نهايه **
تعيسه**
بتعاسة ابطالها**
بس بحب اضيف يا اخ ابو حمزه انه الزواج مشروع بحتمل الربح والخساره**
ما بدي القي باللوم بالكامل على الحب **
يمكن كان صار نفس الشي ** لو كان الزواج تقليدي **
كل شيء جائز**
لكن المحزن في الموضوع كله**
مش الطلاق **
أبدا**
المحزن ** واللي بحطم**
واللي بقتل المرأه **
وبقتل انسانيتها**
وانوثتها**
وكرامتها**
ا وكبريئها**

هو المشهد اللي لاول مره بتشوف ايد زوجها ارتفعت عليها وضربها**
مستحيل تسامحه المرأه لهاد الرجل**
لو بكي قد البحر دموع**
مستحيل تقبله بعدها زوج**
مستحيل انها ترضى يقرب منها ** او يلامسها**
بتشمئز منه **
بتحتقره**

الحياه الزوجيه من هادي اللحظه بتنهار **
وبنهار اي شعور تجاه هاذ الرجل **
المعتدي على **
زوجه في بينهم ميثاق رباني بالمعامله الطيبه والمعامله بالحسنى**

النفس لما بتم قتلها بهيك طريقه**
اثارها بضلها سنين**
في فؤاد وعقل هادي المرأه**

انا ما بكره الرجال لاجله**
لانه الاصل يكون هو من الشواذ **
مش من القاعده**
اللي بتقول انه الرجل هو الحصن المنيع للمرأه**
والحامي **
والمكمل الها **

انا بكره اي امرأه بتقدر تغادر زواج هي تهان فيه وبتبقى فيه**
حتى لاجل الاطفال مش مسموح الها**
لانها بتكون امرأه ميته بدون مشاعر الكره عمران في قلبها تجاه زوجها**
واولادها مش ممكن يعيشوا ولا يكونوا طبيعين بكونوا تربية زوجة معنفه **
ما قدرت تدافع عن نفسها وبقيت مقيده بالسلاسل والاغلال عشانهم وهادي حياه غير سويه ولا بيئه صحيه **

اثقلت عليك بالتعليق بس هي فضفضه **

الك خالص التحيه

سلامتك من الهسهس

اعتزل احسنلك

اذا كانت الممثلة السورية نسرين طافش
نيالك بتكون جد جد زوووووووء

اسعد الله صباح الجميع ، صباح الخير الى معلقي جراسا صباح الخير الى هيئة التحرير
صباح الخير الى مطلقة...
بداية مع انني ضد ان ادعوك مطلقة ، وياحبذا لو اخترت اي اسم اخر،
عموما كل الشكر على طرح هذه التجربة ، ،،،،
اقول بداية الى ابناء جلدتي واقصد الرجال يقول صلى الله عليه وسلم ((رفقاً بالقوارير))
هل يصح أن تتزوج المرأة من رجل تحمل اسمه وتلد أبناءه وتعاشره السنين، فإذا اختلفت معه، أياً كان السبب، وجدت نفسها وهي تُداس وتُضرب رفساً وامتهاناً! أيُ حب سيبقى في قلبها لهذا الزوج، وأيُ مشاعر غيظ وغضب ستعتمل في نفسها منه! وأي إحساس بالألم ستتجرعه. طبعا حكم المراة الناشز واضح في الاسلام.
جاء في البخاري ومسلم: «أيضرب أحدكم امرأته كما يُضرب العبد ثم يضاجعها في آخر اليوم»
فلاندري بعد هذا كيف يمد الزوج يده على زوجته ، لقد قالت اختنا المطلقة بان الطلاق لم يكن مشكلة وانما المشكلة عنما ارتفعت يد زوجها لضربها.....
وقد أوصى رسول الله – صلى الله عليه وسلم- أيضا بالنساء وحقوقهن ، وذكر بهذا في خطبة الوداع ، فقال: " اتقوا الله في النساء ، فإنكم أخذتموهن بأمان الله ، واستحللتم فروجهن بكلمة الله ، ولكم عليهن أن لا يوطئن فرشكم أحداً تكرهونه ، فإن فعلن ذلك فاضربوهن ضرباً غير مبرح ، ولهن عليكم رزقهن وكسوتهن بالمعروف..." الحديث . رواه مسلم (1218) من حديث جابر بن عبد الله رضي الله عنهما .
واقول الى اخواتنا النساء والفتيات عليكن بطاعة الزوج ، فطاعة الزوجة لزوجها مجلبة للهناءة والرخاء ، وأما النشوز فيولد الشحناء والبغضاء ويوجب النفور ويفسد العواطف وينشيء القسوة..
وثبت عن النبي صلى الله عليه وسلم أنه قيل له: أي النساء خير؟ قال: التي تسره إذا نظر، وتطيعه إذا أمر، ولا تخالفه في نفسها وماله بما يكره. رواه أحمد والنسائي وحسنه الألباني.
كل الشكر مرة اخرى لاختنا مطلقة لانها اشركتنا بتجربتها هنا....
ونتمنى لك كل التوفيق

يا ريت تختصري من العبارات


كما وأرجو الأختصار من نقل المعاناة الشخصية ....


ليست الحياة بهذا السوء

وان كانت حياتك مخبصة .............. فهي ليست السواد

السواد هنا .... لا يقصد به اللون ..... رغم عشقي له


OVER ............................ راكان ( عصبي )

من كتر ما قرأت التعليقات نسيت المشكلة
بس الى صاحب المشكلة الزواج مو لعبة ومو بس مجرد قصه حب الزواج شي كبير فهل انت عندك استعداد انك تحارب مشانها؟
وهل هي عندها استعداد انها تبطل التمثيل مشانك؟ ازا كان عندها استعداد خليها من هلأ تبطل تمثيل مشان تتأكد من انها فعلا بدها اياك وبعدين احكي لاهلك عنها وعن وجودها وما ازن انه الاهل رح يرفضو بنت منيحه وضحت مشان سعادت ابنهم
وتحياتي لــ دودو

انت حكيت انها بدها تترك التمثيل عشانك وهون مربط الفرس يعني مش عشان ربها واي حب لم يكن في الله فهو مؤدي الى خسران
كمان انت بتحكي انو انت من عائلة ملتزمة دينيا وهذه العائلة ما علمتك انو الاختلاط حرام
وانو ربنا لما حرم الاختلاط غير المشروع لم ياتي هذا التحريم عبثيا وانما عشان ما نوقع في مثل هيك حالات (الا يعلم من خلق وهو اللطيف الخبير)
{ قل إن كان آباؤكم وأبناؤكم وإخوانكم وأزواجكم وعشيرتكم وأموال اقترفتموها وتجارة تخشون كسادها ومساكن ترضونها أحب إليكم من الله ورسوله وجهاد في سبيله فتربصوا حتى يأتي الله بأمره والله لا يهدي القوم الفاسقين }

ادعوك اخي الى الابتعاد عنها والتخلص من كل شي يذكرك بها مهما كان وان تتوب الى الله وان تطلب الزواج ممن تطلب رضا الله وليس رضاك
والسلام على من اتبع الهدى

اخي انا شاعر بحالتك واذا بدك نتناصح مع بعض او ما لقتنعت بكلامي راسلني على ايميلي
..............

وهل الملتزم دينيا يتعرف اصلا على بنات؟ وهل الملتزمه دينيا اصبحت تتعرف على شباب؟



اما اذا حبيتها فقل لها هل انتي مستعده لهجر عالم التمثيل؟
وهل هي مستعده للالتزام الديني ( حسب ما تقول انت ) ؟

اذا جاوبتك بنعم واخذت العهد والميثاق فتوكل على الله

ولا تبالي بالسنة الناس التي لا هم لبعضهم الا التطفل على حياة الاخرين
والتهجم على الاخرين متناسين ما يحدث داخل بيوتهم اولا

تحياتي

اذا ربنا بقبل التوبة انت ومجتمعك ما بتقبلها لبسها جلباب والزمها بدينا الاسلام

اخي اخدها قاعده لا شئ يبقى كما كان

واذا صحيح اللي عم تحكيه نها بتعتل التمثيل كرمالك
لك نيالك والله لان رح تكسب فيها الاجر


الله يبعتلك كل الخير يا اخي

الزواج من ممثلة مو عيب لانو مو كل الممثلات زي بعض وبالعكس انا بهنيك على الاختيار

انا عنجد مستغرب بس من شو؟؟؟؟!!
من الاسماء اللي بتحطوووها يعني فعلا ئبل ما الواحد يقرأ التعليق يشوف اسم المعلق !!!
بس ماشالله اسمااء غير شكل عييييييييييييب عيب عليكم عنجد