استخيري يا اختي وثقي بالله , بعدين لساتاك صغيرة على شو مستعجلة وفرق السن بينكم كبير جدا وفكري منييييييييح

المهم الانتقاء السليم وليس الارتباط فلا تجعلي من الارتباط هدفآ

مو لتكملي جامعتك بالاول..بعدين بنفكر بالعريس !!!!!!!!
ع كل حال اذا مصره والعريس كويس اعطيه اوك ع السريع
اللي بعده
محررررره سؤال لو سمحتي..الصور يلي مع المشاكل منكم او من اصحاب المشاكل

هو سنه مناسب ورائع للزواح ولتأسيس اسره وسنه سن الرجوله والحمه والعقل الراجح فهو جاهز .


بس بالنسبه الك يمكن انتي تسببي اله مشاكل لانك لسه بالمراهقه ولسه ما عقلتي هل سنك بتلاقيكي سن النط وسن والروحه والجيه والطلعه وبدك تلبسي وبدك تطلعي وبدك تشتري وبدك تشمي هوا

واليوم بعقل وبعد خمس دقايق بعقل تاني

هلأ بعجبك شب بعد يومين بتشوفي واحد تاني بتقولي هاد احسن منه


يعني لسه ما عندك الركازه اللي بتفتح بيت وبتتحمل تقلبات الحياه الزوجيه والمشاكل الزوجيه والصبر على بعض الاوضاع اللي ممكن اي زواج يتعرض الها في بداية الحياه الزوجيه


انا بقولي اذا هو مش عارف هالحكي وبده يتجوز بنت صغيره الفرق بينهم 20 سنه

انتي ارحميه ولا توافقي عليه واكفيه شر المشاكل المستقبليه وشوفيلك واحد قريب من عمرك واكبر منك بس كم سنه تكونوا قراب من عقل بعض واهتماماتكم مشتركه وتشوفوا الحياه مع بعض وتستحملوا بعض شباب على شباب مو تجنني الزلمه وهو على حيطان الارعبين وما الو قلب على المناهده وعلى النق .

محرره مرحبا مرة ثانيه

محررة احكي للمحتارة مش بالبدايه لازم يوافق عليكي ابو 37 سنه
ممكن يجي وما تعجبيه


خلص تصبحي على خير يا محررة

" عمري 19 سنة" ع فكرة هاد السن اغبى سن للزواج على الإطلاق ,,, في هاد العمر الزواج بالنسبة للبنت تاج وبدلة وصندل كعب عالي ,,, ينعن عمري بس .

" طالبة جامعه جميله" حلو مدامك جميلة اذا انتي بالسيف سايد بالنسبة لمجتمعنا فلا تستعجلي ع قدرك .

" بدو يتقدم لخطبتي شخص عمره 37 غير متزوج محتاره ؟؟؟؟ " هو بده يتقدم ولا تقدم !! لانه فيه فرق
الله اكبر هاد من جيل الحجة ام زيد يعني لو بدل ال 4 سنين الي ضيعتهن بالجامعة تجوزت كان هسا عندي بنت بعمرك ,,,, نرجع لموضوعنا فكك من هالسولافة لانها مش راكبة ,,, شو ما كانت مواصفاته فرق العمر كثير كبير ,,,, هو بتلزمه وحدة فوق ال 25 تعقله لانه على ما يبدو شطب واتلاف ,,,, وانتي بتكبريلك شوي وبتوخدي شب مناسب لعمرك ,,,,, طبعا انتوا الجوز بتنجنولكو شوي بعدين بتعقلوا ,,,,
هاي قناعة الاسرة في مجتمعنا ,,, بجوزوا الولد عشان يعقل مش داريين انه نص شباب وبنات البلد شحنة مستوردة من الفحيص وانا اولكو عشان ما تزعلوا .

اول شي استخيري بس انتي لسة صغيرة وفرق العمر كتير كبير بينكم فكري مزبوط والله يوفقك

يابنتي عمرك 19 وبالجامعه يعني لسه باول
الطريق اقل مافيهااستني لتصيري سنه 4
بتكوني نضجتي اكتروفهمتي الحياة اكتر
وبتختاري عن وعي وقناعه مش جيزه والسلام
هاي عشرة عمرمش يوم ويومين
بتمنالك التوفيق

000000000

انا جاهز اذا بد تجوزي 25

...........

صديقتي الله يوفقك بس انا بتوقع انه الفارق كبير بينكم يعني كم سنة هوة بحس انه صار بعمر الركازة كتير وانتي بتكوني بعز شبابك وبدك تطلعي وتنبسطي وهوة رح يكون جدي كتير بتصرفاته يعني صعب تتفقو فكري لقدام شوي هاد غير اختيار الاصدقاء يعني ما رح يعجبه عمر صحباتك على اعتبار انهم مراهقات وانتي مع اصدقائه رح تحسي بفارق التفكير
والله يوفقك حبيبتي ولا تستعجلي لسة العمر قدامك وخلصي دراستك وعيشي حياتك

موفقة يا رب

مرحبا حبيبتي انا عمري 28 سنه ومتجوزه واحد اكبر مني ب11 سنه الفارق مو قد اللي انتي بتحكي عنه بس لما انا بدي انبسط بأشياء معينه بتلقيه مش موجود بجنبك لانه مل من الاشياء اللي انتي بدك اياها اذا حبيتي تطلعي وتروحي وتلفي بمول ولا بمكان تاني رح يحكيلك انا ما بحب هالشغلات اذا اجا على بالك تطلعي بعد التسعه رح يحكيلك الوقت متأخر يمكن هاي الشغلات اللي رح تزعجك لكن من ناحية انو رح يدللك ويعملك اي شي حتى تنبسطي من هدايا واشياء تانيه فاتأكدي انه خيار صح قصدي ازا كانت طبعا روحه مرحه واهم شي يحبك مو بس ميت عليكي لشكلك في النهايه بحكيلك الحياه قصيره لما تكوني صغيره بتكون عندك طموحات كبيره فخلي هالطموحات ببالك لانه ممكن وعلى الاغلب هاي الشغلات يا بتندفن مع الرجل الكبير يا بتطلع وبتعيش بس دايما بتندفن

لو تخطينا فرق العمر وبدايتك في الدراسه الجامعيه.سوف تبقى مسأله مهمه وهي سبب تأخر حضرة جنابه في الزواج هل بسبب مشروع اقتصادي كبير وبالتالي اصبح الان مليونير.ام بسبب انهماكه في الدراسه وتحصيل الشهادات العليا .اذاكان جميع ما ذكر غير صحيح فأعلمي انه سلاخي و خربان ولا يساوي شيئا

قد تلتقي بإنسان لأول مرة في حياتك ، وبعد دقائق معدودة تشعر انك عرفته العمر كله وقد تعيش طول حياتك مع إنسان في بيت واحد ثم تكتشف للأسف بعد سنوات طويلةانك لاتعرفه أبدا ...!!! الأنسان الغريب ليس هو الانسان الذي لم تقابله من قبل انما هو الانسان الذي قابلته ولم تعرفه وتحدثت معه ولم تفهمه وعشت معه فازددت به جهلا...
والزمن لايحل ألغاز ا....... ؟ ولن يرجع اليك عمرا ذهب سدى؟؟"



سألتها .. لم لست متزوجة؟
قالت لي .. أنا مآزلت صغيرة!وأنت... لم لست متزوجا،،؟اجبتها لأنك لم تكبري بعد...قالت لي....
لاتحسن الظن بي كي لاأخذلك ولاتسيى الظن بي كي لاتظلمني لـــكن ..
اجعلني بلا ظنون كي أكون كما أنا
قلت لها....
يوم أحببتك، تمنيت لو أني مت... قبل أن نلتقي خشية أن نفترق....
وحين افترقنا أدركت أن في إمكان المرء أن يموت أكثر من مرة...
عندها، ما عدت أخاف الموت....
قالت لي....
قالت لي أحبك.. فضحكت قالت لي أعشقك.. فخجلت قالت لي لن أتخلى عنك..فضممتهاوقلت لها
أدرك أن الحب قدر يأخذنا إلى حيث يشاء....ولكني ما زلت أجهل لماذا يأخذ أحدنا ويترك الأخر...قالت لي......أشكرك على إيقــاظي من غفلتـي و لأنــك السبب في إفــاقتي من غيبوبتي أشكـرك على جرحـك لــي فهذا مصــدر قوتــي ، فكــل النـاس تحــزن بالجــرح وأنـا بجرحــك وصــلت لقمتي...؟؟

لماذا نتزوج...هل سالناانفسنا ماذا نريد من هذا الارتباط....؟؟
الله عز وجل سهل علينا المهمة ، حين وصفه \\\"بالرباط الغليظ\\\" \\\"والسكن \\\"فالزواج شراكة بين اثنين.. حياة ممتدة قرر كل طرف فيها أن يبذل كل ما يملك لإنجاحها.. كل شريك فيها هو شريك بنفس النسبة، ليس على طرف عبء أكبر فى انجاحها .. الزواج ليس فستاناباهظ الثمن وليس قاعة أفراح تغيب فرحته بمجرد غياب المدعوين، وهو ليس مكان للم...تعة الجنسية، وهو ليس رجل يتحمل مسؤولية أنثى، وليس وسيلة لإنجاب الأطفال، وليس إطارا اجتماعيا أو مظهر نثبت به للأخريين أننا قادرين .. الزواج... أكبر من ذلك وأسمى، فهو من الناحية العاطفية ذوبان في أخر تم اختياره ليكون الشريك.. ومن الناحية الجنسية هو محاولة لإشباع ما أحل الله في إطار علاقة حميمة الجنس فيها أحد وسائل التعبير عن الرغبة في هذا الأخر والتعايش الجسدي داخله .. ومن الناحية الاجتماعية والإنسانية هي معاهدة على صون كل منهما لمشاعر الأخر وحفاظه على حياته واهتماماته ورغباته.. تنازل بعض الشيء لأجل هذا الأخر الذي لا يدخر جهداً حين يأتي دوره، احتواء بكل ما تعنيه الكلمة من معنى.. قد يصل إلى حد الإنصهار .. ادراك للاختلاف .. والسعى لإدارة هذا الاختلاف واستيعابه .. الزواج.. مسؤولية أمام الطرف الأخر .. أمام الله... أمام المتزوج نفسه..علاقة تبادلية تقوم على الأخذ والعطا دون مطالبة أو دون انتظار لقدر العطاء .. هذا هو المعنى.. وبقى علينا أن نعرف كيف نصل لتحقيق هذا المعنى... وأولى هذه المعارف التى يجب أن نلم بها \\\" ماذا لدينا لنقدمه فى العلاقة الزوجية ؟

أنتِ متخذة قرارك مسبقاً و تريدين الدعم و المساندة و سماع الآراء التي تؤيد وجهة نظرك و قرارك !!!

الله يوفقك و يرزقك الزوج الأصلح , و يرزقه الزوجة الأصلح ,,, اللهم آمين .

انا بنت من خلال تعليقاتك اعطيتني قوة اتخطى كل مشاكلي خاصة لما حكيت لاروى انه هي اعلى من انها تتعرف علىى شاب

I do Agree with you!!

بعدك صغيرة
ليش بدك تاخدي واحد بينك وبينه 20 سنة
قد ابوك

ليش انت محرومة حنان الاب

انا نصيحة مني لا تتجوزيه لانك صغيرة كتير والحياة قدامك، وبعدين هو عمره 37 سنة كبير كتير وما راح تتفاهمي انتي واياه بسبب فرق العمر بيناتكم، وانا بحكيلك اسالي مجرب ولا تسالي طبيب، انا تزوجت كان عمري 15 سنة وجوزي كان عمره 35 سنة وعشان في فرق كبير بيني وبينه في العمر صعب اني افهمة والمشكلة الكبير انه راح بيصير يفكر كالتالي ( انه يندم لانه اتجوز وحدة صغير وبيصير يفكر انا راح اكبر واختير وهي لساتها صغير فهادا الاشي بيعمله حالة نفسية والحياة بتصير لا تطاق مش بس جوزي لالالالالا كل الرجال الكبار في العمر لما بيتجوز بنات اصغر منهم ولساهم صبايا بفكرو بهالطريقة فالحياة بتصير نكد وقد ما بتحاولي تعملي وتسايري على الفاضي بس ما في حل غير الصبر انك تصبري ( وعلى فكرة جوزي مطلق من قبل وعنده بنت، ئيش حال انتي عزابي لسا، انا بحكيلك( لا والف لا) هادا رايي يختي والله يوفقك

صاحبة المشكلة
" لو اني غبية بفكر بواحد من جيلك " ،،،، اها شكلك يختي ما بتعرفي عربي ،،،،، نجرب معك الصيني .
حلو كثير انا من الأول حسيت انك مش غبية ،،، من لما حكيتي ان واحد عمره 37 متقدملك وانتي مفكرة فيه جديا ،،،، اوعك يختي توخدي واحد من جيلك تفهمي عليه ويفهم عليكي ،،،، لأ خديه قد ابوكي تحكوا بلغة الإشارة .
بالمناسبة لما احكي من جيلك بقصد من 20-30 ،،،،يا فهمانة انتي ،،،، بعدين بما انك مقررة مسبقا انك اكبر من انك توخدي واحد من جيلي ،،،، وانك افهم من باقي البنات وحابة ترتدي قناع البنت الي اكبر من عمرها والي اتحدت الكل واخدت بعمر ابوها ،،،،، لويش عملتيها مشكلة ونزلتي قصة !!! المفروض نزلتي كرت عرس ،،، شباب صبايا باركولها للبنت ،،، ألف مبروك .

اسعد الله مساؤكم بالخيرات والبركات والمناسبات السعيدات :)))

اختي صاحبة المشكلة :

ان قرار الزواج في مثل هذه الحالات قرار يخصك بالدرجة الاولى لاننا لاندرك ماهية الظروف التي تحكم اوضاع كليكما؟؟؟

ولا ندري ماهية درجة القناعة لديكي بالارتباط بشخص الفارق العمري بينكما كبير من حيث تقبلك للشخص او قناعتك به او مدى قدرتك على التناغم الفكري معه.

اسأل الله لكي اختي التوفيق وان شاء الله ربنا ييسرلك الخير .

........

الاخت المحررة :

اسعد الله مساؤك بالخيرات والمسرات وبدي احزرك هالحزيره :

ارض لاهي بالسماء و لاعلى اليابسة اشرقت الشمس عليها مره واحدة لا قبلها و لا بعدها فماهي هذه الارض ؟؟؟؟

فرفوش صانع فرح و الالوافيرا
يسعد مساكم ويجعل ايامكم كلها فرح يارب


سندس
حبيبتي الله يرجعك بسلامة يا طيوبة

سأل رجل حكيما يوما ما فقال له :

يا حكيم : لماذا خلقت حواء من ضلع آدم ولم تخلق من مكان آخر ....


صمت الحكيم طويلا واجاب :

لم تخلق حواء من رأس آدم لترأسه ،

ولم تخلق من قدمه لتكون جارية ،

بل خلقت من ضلعه لتكون بجانبه ،

ومن تحت كتفه لتكون بحمايته ،

ومن جهة قلبه لتكون محبوبتة ....

فأنطلق الرجل وهو يسبح الله على نعمائه التي انعم عليه .

واااااااااااااااااال 20 سنة حرام عليكي عم تدفني حالك بالحياة انتي
لا لا انسي نصيحة بعدك زغنتوتة وباول عمرك بجيكي واحد من عمرك بعد كم سنة لا تستعجلي ع الاقل يكون بينكم فرق العمر ما بين 5-7 سنين مو 20 والله كبير
بعدين هو شو متهيئله جاي لبنت اد بناته والله عيب عليه سوري بهالكلمة لا تزعلي مني بس جد شو متهيئله اوك عجبتيه وقتل حاله بس هو هيك بظلمك كيف برضى هاد الشي

..................

........

اذا خلقة القران الكريم فلا تتردي

بتوقع راح اتواجهي موقفين في حال تم النصيب اول اشي انو يكون متل ما حكولك اغلب هالمعلقين يكون راكز بالنسبة الك بماانك انت فرفورة وطالبة جامعية والموقف التاني انو يراح يكون بالعكس تماما وراح يدللك دلال ما في زيو دلال وطلباتك راح اتكون اوامر بالذات اذا كان وضع المادي مرتاح وبتوقع يكون مرتاح من عمرو وانا برجح الموقف التاني طبعا بالنهاية انتي وشطارتك انتي اللي بتسيريي وابتعملي كيف ما بدك ......مش المثل بقلك ابنك على ما اتربي وجوزك على ما بتعودي ........بالنهاية استخيري واسالو عن الزلمة (ما خاب من استشار وما ندم من استخار ) .....بس حابب انبهك على شغلة على جميع الحالات وتحت اي ظرف من الظروف خلي شرطك الاساسي يكون انك اتكملي دراستككككككك ديري بالك

بكير عليكي مستعجله على هل هم

اذا اردت النصيحة فيمكنك التواصل معي على ........

لا لا انسي بعد سنتين او ثلات .......

حياتك وحياته مختلف كبير انت تريد تسمتعي بالحياة ضمن حدود الله
لساتك بعدك بكير , تخرجي اولا وبعدين تزوجي بشاب مثل عمرك

انسي نصيحة اخ

عزيزتي ... كل شخص بيعطيكي رأية حسب تجربته الشخصية او تجربة حد قريب منه .. بس اختلاف الطباع والشخصيات بين الناس هاد لازم ناخده بعين الاعتبار

يعني في شب بكون عمره 25 بتحسي انه عمره 50 سنه ازا ما كان عنده روح للحياة ... بالمقابل ممكن يكون الشب يلي متقدملك عمره 37 سنه لكن بحب الحياة ويقدملك كل اشي حلو ... لهيك احنا ما بنعرف تفاصيل شخصيته وانت ادرى فيها



بالنهاية الله يختارلك الافضل ويوفقك

لا تترددي حبيبتي انا كنت حلوة وظليت اقول بكرة وبس يصير عمري عشرين وبس يصير عمري 25 لحتى قعدت بدار ابوي وبعدني بدون جيزه علما اغلب اللي بيعلقن هون عانسات و لا تردي عليهن وانا واحده منهن

تقبلي متزوج54سنه

صباح الخير حبيبتي
انا برائي اول شي لزم تفكري فيه تفكيرك اذا تفكيرك وعقلك كبير ممكن يتماشى مع عقلو انا بنصحك وبقوه لانو الشب الكبير بلعمر افضل واكثر العلاقات الي بتنجح بكون الشب فيها مستقر وعاقل ومكتفي ماديا وبكون زهق من الف والدوران لانو اكثر الشباب الي صغار بلعمر بعد خلفت اول بيبي بصير يدور بره مش نقص من مرتو بس عشان يحس انو لسه جذاب وايلو معجبين وسالي مجرب

اما اذاحاسه انو عقلك مش كبير كفايه وحاسه انو في كثير اشياء بلحياة بدك تجربيها وتعيشيها انا بنصحك تستني لانك انتي رح ترتبطي بشخص اكبر من 20 سنة يعني الي رح تعيشي بايامك الجايه عاشو ومل منو ورح يمنعك انك تعيشي ايامك او يسمحلك بدون مايستمتع معاكي لكن بنهاية حبيبتي برجع لتفكيرك انتي وتفكيرو ممكن كمان يكون كبير وتفكيرو طفولي وممكن العكس تلاقي شخص صغير وتفكيرو كبير ولسه العمر في كثير اشياء حلوه ماعشتيها وحتى توقفي حيرتك اقعدي معه اقل اشي مرتين وانتي اكيد رح تخذي الراي الصح بدون مساعدتنا

السلام عليكم ورحمة الله وبركاته

اختي صاحبة الموضوع :

اذا انتي شايفه ان الشب صاحب دين و يتمتع باخلاق والتزام ومجهز نفسه بنصحك لاترفضيه

يعني بينك وبينه 19 سنه عادي جداً
العمر بالنسبة الي انه الشب يكون اكبر من البنت اهم عنصر بالزواج


وبالنسبه ألي كلما كان عمر الشب اكبر كلما كانت الحياة الزوجية أكثر أطمئنان وأمان وسعاده .


اختي صاحبة الموضوع توخذي الشب الكبير بدللك ويعيشك حياة حلوة وبضل يشوفك صغيره وحيوية بنظره

ولا توخذي واحد صغير عمره قريب من عمرك يكون مراهق غير رزين يطّلع عيونك وينشف قلبك بكثر المشاكل معه

هاي وجهة نظري بموضوعك

اتمنى لكي التوفيق والاختيار الأنسب ان شاءالله :):)

محتاره والشوق بين عيونك

الفرق بالعمر كتير كبير وبعدين كلمي تعليمك احسن وعكل الاحوال استخيري الله

ياسائلا عن الظادات والضادات كلها بالله قلي ماالذي جراك
يا سائلا هلا سألت ملك الموت اذا ما جاء يقبظ حقه ان كان يقبظ او يقبض
يا سائلا متسائلا ويسأل بالله قلي كم اعداء امة الأسلام
ياسائلا يا كائنا من كنت كم تحفظ من سوره لقمان
ام قلي كم باالله كم سؤال في سورة الرحمن
لا يغلب مغلوب غالب والحق من فوقه غلاب
يعز الله من يعز دينه ويكب في النار من يعصاه ؟ ا ب ت ث ج ح خ د ذ ر ز س ش ص ض ط ظ ع غ ف ق ك ل م ن ه و ي


محررة صباح الخيروالورد والريحان والسكر والزيت والصابون

ازا حلوة ليش مستعجلة ع نصيبك انا من ناحيتي بشوفو كبير كتير عليكي