الى الاخ الحائر

للاسف الشديد هذه الظاهرة موجودة بمجتمعنا وبشكل ملحوظ وخصوصا عند الزواج وبالتحديد عند ذكر مواصفات عروس المستقبل البنت الجامعية التي تقبض معاش راتب اخر الشهر

اخي لا تتخلى عن حبك وعن الفتاه التي اقتنعت بها صمم عليها ، واذا هي كانت تحبك اكيد رح توقف معك يعني ما رح تطلب طلبات كتير ومو شرط تخطبها هلا لما اتخلص دراستها اعمل خطبة والزواج يتاجل لنهاية دراستها وانت فهمها واذا بتحبك اكيد رح تقبل بهدا الشي وانا متاكدة انها امك رح تكون راضية

واتزكر اخي انه الدنيا نصيب وربنا الي كاتبه الك والها رح يصير
انت تريد وانا اريد والله يفعل ما يريد

عليك بالدعاء والصلاة ما رح تخيب وربنا رح يدلك على الطريق الصحيح


شكرا

حبيبي

بكرة بس يصير عندك التزامات واجور بيت ومصاريف واكل وشرب وحليب وفوط ومناسبات ......الخ الخ

بتصير دور على القرش

انا اتجوزت من انسان بحبة قصة حب دامت 7 سنين وتجوزنا بعد العدي من المشاكل والحمد الله انا بحبة وهو بحبني بس المشكلهة بعد شهر العسل صار في ايجار البيت والمصاريف وبعد الطفل الاول حليب وفوط وبس تخلف ولاد بتبيع حالك ولا تقصر فيه وهلا الثاني على الطريق والمصاريف بتكبر

عشان هيك رحت واشتغلت في شركة وعندي مدير ابن كلب متكبر وشايف حاله كل يوم بحكي هذا اخر يوم الي بالشغل لانه مدير لا يطاق دايما عصبية وصراح بس متحمله لاني بدي اعيش عندي مصاريف واولاد

جوزي مش مقصر بس راتبه على قده مش ملحق هالغلا ،،،، بالرغم اني بحبة وبحب اولادي بس بعض ايام بتمر على اتمنى لو اني اتجوزت واحد غني تحت هالظروف القاهرة

اسف على الايطاله احنا بزمن العجايب دير بالك على حالك اتجوز وحدة محترمة فهمانه دير بالها على بيتك تحتركك وتصونك لانه مع الاصيل التعب ما بيروح خسارة

ةتحياتي للجميع ودايما (اسأل مجرب ولا تسأل دكتور)


سلامممممممممممممممممممم

فالاهل دائما يفكرون بمصالح ابنائهم بدون عمل حساب كبير لمشاعر ابنائهم و هاي هي ام هنا تدعوه للزواج بموظفه لاخذ راتبها و كانه سيشتري غنمه و يبيع حليبها و فرائها..اتقوا الله فلكم بنات كما للناس بنات و كما تعامل تعامل..
اما انت يا صاحب المشكله..افعل اي شيء لا يغضب الله و الاهل عادة بهذه الامور يثورون في البدايه و لكنهم يتأقلمون سريعا و استعمل كل اوراق الضغط لديم ..الجأ الى قريب اهلك يسمعون كلامه..
و ان كانت البنت تستحق توكل على الله..

قبل 3 سنوات كان اخويا على علاقة ببنت وطلب اخويا من ماما الله يرحمها تسمح ليه باستضافتها في البيت امي رفضت قالت عندي بنت واللي مرضهوش لبنتي مرضاهوش لبنات الناس وقعدة تديه محاضرة لحد ما حرم يجيب السيرة دي تاني \ فعلا لو كل ام تتعامل مع اي بنت زي ما تتمنى ان تعامل بنتها او اختها مكناش حد غش حد \ وتصبح على خير

مش انتا رجل يعني بكره بدو يصير القرار في ايدك يعني روح انتا اطلب ايد البنت من اهله وحاول انك تقنع امك وتفهمها
اطلبه وتحدي العالم

عمر بن الخطاب قال لو كان الفقر رجلا لقتلته وهلاشي صحيح الحب بروح بعد الزواج ازا حسيت حالك انك مش قادر تعيش وتعيشها وبعدين ما راح تضلوا لحالكم لانه بعدها راح يصير اولاد وانت وقتها راح تكرهها وتكره حالك وتصير تشد بشعرك ما في شي اسمه بحبها او بحبه ونقطة لازم يكون في تبعيات للموضوع
كن عقلاني اولا ثم رومانسي
فخد واحدة تساعدك وتحبها تحبك هم يعني الموظفات مخلوقات تانية!! بتلاقي منهم الحلوة والمحترمة وخيففة الدم وكل شي وفوق هاد كلها بتكون ست واعية فاهمة الحياة اكتر لانها طلعت لبرة وشافت مش بس هات هات وما بتفهم بالدنيا شي غير اخر طبخة والاولاد

كل واحد يتجوز الي بحبه ما في بعد الحب الحب وبس

اخي العزيز ...
بكرة لتشوف انت و الست الوالدة ....
رح تصير والدك تحكيلك اولادك مش مربين دايمن من بيت لبيت او انهم ترباية حضانة ..
يعني بلعامية { اولادك فاشلين } ...
طبعا الوالدة الله يطول بعمرها ليه حتحكيلك هيك ....!!!!!!!!!!!
لإنها مرتك بتشتغل ويمكن ما بتفوت البيت لحتى اخر النهار ... على ما تلملم الاولاد ...
واحد بلمدرسة .. والتاني في الحضانة والثالث عند بيت اهلها ... ويعني من ها الحكي ....


الصــــــــــــــــــــواب ......
اتزوج بنت فهمانه وعاقلة وين ما حطيتها تعرف تحكي ,
المهــــــــــــــــــــــــم .....
انها تربيلك اولادك تربية صالحة يرضى بها الله سبحانه وتعالى ورسوله ...

اتمنالك كل الخير بإذن الله ...

انا برأيي انك تحاول تقنع إمك انك تخطبها حالياَ ولما تخلص جامعة وتتخرج بتتزوجو وإزا بدك بتسير تشتغل وتساعدك مو غلط بس إنك تتخلى عنها وتدور على وحدة تانية بس عشان الراتب والمصاري هادا غلط

I think your mom mean take a girl that working as a plus.

These days you cant count on your back the costs of living alone, trust me.

lal asaf hal aiyam sar el mojtam3 kol hammo el masari. o 3ashan el banat homme elli bemooto 3al masari, sarat bardo el ommahat nafs el shi 3ashan tool 3omorhom hamhom el masari. bel islam hath el shi mish mawjood o rabna gal fi kitabna el 3zeez (itjawwazouhom yaghneehom allah) o hatha howwe el 7aya el 7elwe wel nosoof el mirta7a, el 7aya el mabniye 3al tafahom wel i7teram wa laisa 3al floos, wel manasib wel ahamiye bel mojtam3 wa ma eli akhirih min manathir o shofit 7al. tawakal 3ala allah o shoof elli fi masla7tak be3eed 3an el nathrat el daiyiqa ta3eet el floos wel 7aki el fadi

مع الاسف هاي مش مشكله بمجتمعنا مشكله في امك اللي بتتطلع ع المصاري

هاي الظاهرة صحيحة بس لعنة الله على الظرو المعيشية الصعبة اللي بتخلي الناس تفكر بها الطريقة.
سدقو يا جماعة انه بتضل البنت ببيت اهله مابتنخطب الا لما تشتغل بتلاقي العرسان بالكوم ع الباب.
بس اذا متأكد انك مارح تندم اصر على موقفك وحاول تقنع امك.