اغلاق

امام الجهات المعنية : شركة اتصالات تحتال على المواطنين في اربد

تعبيرية

جراسا -

خاص - شكا مواطنون في محافظة اربد من قيام احدى شركات الاتصالات ببيع اجهزة خلوية "موبايلات" صينية المنشأ تشمل حزمة اتصالات غير مرخصة من هيئة تنظيم قطاع الاتصالات في الاردن .

الشركة تبيع الاجهزة الخلوية بـ800 دينار اردني بالاقساط بالرغم من ان الجهاز لا يتجاوز سعره الحقيقي 50 $ فقط .
طريقة البيع تتم عبر ما يعرف بالطريقة العنكبوتية و هي وسيلة متبعة في الخارج لاصطياد الزبائن .

ولا يتوقف الاحتيال على المواطنين عند هذا الامر فحسب , فالشركة تقوم باستبعاد الخدمة عن المشتركين وتطالبهم بسداد الاقساط المترتبة عليهم , مهددة اياهم بالسجن .

"جراسا نيوز" تدعو وزارة الصناعة و التجارة و هيئة تنظيم قطاع الاتصالات والاجهزة الامنية, التحقق من الشكوى واتخاذ الاجراءات اللازمة والعمل عى اغلاق الشركة وحماية المواطنين من احتيال الشركة.

كما تدعو لاصدار اعلانات توعوية للمواطنين لكي لا يقعوا فريسة سهلة لمطامع الشركة المذكورة .

وللتنويه اسم الشركة لدى "جراسا نيوز" وستكشف عنه للجهات المعنية فقط .





تعليقات القراء

خربوا بيتي
انا وقعت ضحية هذا الاحتيال وكتبوني كمبيالات بقيمة 800 دينار ولم استفد من جهازهم بشيء ومحامي شركتهم يطالبني بقيمة الكمبيالات او بتحويلي للمحكمة وانا لا املك قوت اطفالي علما بانني قمت بشراءه من اجل ان استخدمه في عمل تسويقي ثم تفاجأت بانهم قطعوا الحزمة عني ولم استفد منه ولا زالوا يلاحقونني بالاقساط المترتبة على هذا الجهاز الذي ليس له اي فائدة الان حتى لا يمكنني استقبال او ارسال اي مكالمة منه
15-04-2012 04:48 PM
.........
بعرف اسمها .... انا شتريت جاهز منهم بقيمه 250دينار صيني لما اخذت ابيعه على اساس يطلعلي مبلغ اسد فيه دين طلع حق الجهاز 20دينار وانا هلا مطلوب الهم . بس مش راح ادفع الهم لانهم نصابين نمره وان . بس حنا شعب فقير على طفيه
15-04-2012 04:56 PM
صحتين على الشركه
مادام طفران ومش لاقي تطعم ولادك والثاني اشتراه عشان يحوله كاش ويسدد ديونه اولا لويش تورطوا حالكوا بهيك سوالف
اثنين الشركه جابت الجهاز بدولار وعرضتها بالف انت وين مخك لما بدك تشتري جهاز
اولا شو هالعمل اللي عندك حتى تشتري جهاو بالف بتقول عمل تسويقي والله لو اعطيك بكسه بندوره مابتعرف تبيعها وجاي تقول بدك تسوق عن طريق التلفون .. انت بدك تنصب على الشركه لكن مازبطت معك
اثنيين شو هالجهاز اللي حقه 800 وانت بحاجته يعني اذا حطيت عليه طبخه بستويها والا اذا اعطيته دينار بروح يشتري الك من التكانه
...
اما الحزم فماف شركه بتعطيك حزمه الا بتكون حاصله على ترخيص لانو لاتستطيع منحك الخدمه فنيا اذا مابتكون هي حصلت عليها من خلال قنال مفتوح الها من المزود الرئيسي
يعني بتسولفوا سوالف طرمه
زي اللي ببيعوه مكنسه ب 2500 دينار وبشتريها واحد عنده (خشه) وبعدين بصير يصيح وين الحكومه الله يلعن ابو هيك سالفه طاقعه شي غاد
15-04-2012 05:26 PM
العبيدي
الى تعليق رقم واحد الذي خرب بيته والله لو اني مسئول او قاضي لاضعك بالسجن 800 شهر لانك بتقول مش قادر اطعم اولادي والذي لا يستطيع اطعام اطفاله ليش يشتري جهاز خلوي ويوقع كمبيلات ب800 دينار وان القانون لا يحمي المغفلين امثالك
15-04-2012 05:40 PM
معاني انا
هو بس في اربد ؟! شركات الاتصالات بتحتال حتى على الطير الطاير
15-04-2012 07:49 PM
محامي
...انه في احتمال ثاني انه يمكن انك مشتري جهاز من الشركة عشان تعرط فيه وما سددت الاقساط المستحقة عليك ورفعوا عليك القضية فهذا الخبر عشان الشركة تخاف منك وما تطالبك بالقيمة
15-04-2012 11:55 PM
محامي
اكيد انه اللي كتب .. مشتري من الشركه ومش قادر يدفع اقساط ورفعوا علية قضية عشان هيك كتب
16-04-2012 12:02 AM
الى العبيدي
لا يوجد مغفل بل دائما هناك نصاب وانا لا استحق الحبس 800 سنه لانه عندي اطفال اريد تربيتهم رغم انفك وانف كل ظالم جبار
16-04-2012 04:32 AM
المناصير
هل شركة ... هي الشركة المسئولة عن هاي الاحتيالات والنصبات
17-04-2012 04:39 PM
اسلوب
يبدوا ان التعليقات من 3 الى 8 نفس المعلق...ولا انا غلطان؟
18-04-2012 12:49 PM
أسير نفسي
يعني الواحد لا يملك إلا أن يقول ربنا يعوض على المتضررين
ولا أخفي حقيقة مشاعري أنني مؤيد للتعليق رقم 3 لكن هاي هي حقيقة مجتمعنا
المواطن راتبه 250 دينار وبدفع اجار 200 دينار وعنده 5 اولاد بالمدارس ومرته كل يوم والا هي حامل
وبدخن مارلبورو
وحامل أكتر من خلوي

وبقول يا عالم الغلا ذبحنا


الله يفرجها على الجميع

لكن بالنسبة للنقطه اللي وضحها الاخ بالتعليق رقم 3 والي بتحكي عن مزودين الخدمه

أنا معك انه مزودين الخدمه بالاردن شركات نصب وتعين على سرقة جيوب الشعوب واصلا لا يمكن أن تقوم أي شركة بتزويد خدمة الإنترنت بدون حصولها على التراخيص الرسمية من هيئة قطاع الاتصالات

من ناحية ثانية بحب احكي انه في رقم غريب ببلش ب 0022 بضل يتصل 24 ساعه فيي ولما اجي ارد بفصل

طبعا اتصلت بمزود الخدمه وقالي ما بقدر اعملك شي هاد رقم غريب ولا ترد عليه لانك بمجرد فتح الخط يتم اقتطاع مبلغ دينار

هون المدهش يا مزود الخدمة العريق لما يقتطع من رصيدي دينار نصب واحتيال كيف هذا الرقم رح يحصل على المبالغ اللي سرقها من الناس؟ أكيد من خلالكم يعني انتم شركاء بالسرقة

ارجو من السادة جراسا أن يطرحوا هذا الموضوع ولكم مني كل الاحترام
رد من المحرر:
شكراً جزيلاً
19-04-2012 01:29 PM
الأيهم
تستاهلوا بدكم تعرطو وتتفخفخو وانتم مش لا قيين توكلو فعلا لازم يكون هناك عقوبة للمنصوب عليهم أقلها نصف مدة الناصب عليهم وهيك ما حدا راح يورط حالو بشيء الا بعد ما يعد للالف واذا ورط حالو يسكت وينطم اما تورطو حالكم بتلفونات بـ 800 دينار وبعدين تقولو الحقينا يا حكومة من النصابين وبعدين شو ماله تلفون ابو مصباح:

1ـ فيه مصباح بيفيدك لما تنقطع الكهرباء

2ـ سعره رخيص بالكثير 15 دينار بكرتونته لا بده اقساط ولا شيكات ولا كمبيالات

3ـ بطاريته اذا خربت ثمنها 2 دينار حق دجاجة

4ـ اذا ضاع ما تهكل اي هم لانه بعد ما يصير مستعمل ثمنه من 5 ـ 8 دنانير

5 ـ يحكي وين ما بدك زيه زي غيره من التلفونات ام كاميرا
20-04-2012 02:01 PM
خالد
800 دينار على جهاز صيني ههههههه
لو اشتريت ايفون او سامسونج لسا بطلع ارخص شوي
18-07-2012 07:51 PM

أكتب تعليقا

تنويه :
تتم مراجعة كافة التعليقات ،وتنشر في حال الموافقة عليها فقط.
ويحتفظ موقع وكالة جراسا الاخبارية بحق حذف أي تعليق في أي وقت ،ولأي سبب كان،ولن ينشر أي تعليق يتضمن اساءة أوخروجا عن الموضوع المطروح ،او ان يتضمن اسماء اية شخصيات او يتناول اثارة للنعرات الطائفية والمذهبية او العنصرية آملين التقيد بمستوى راقي بالتعليقات حيث انها تعبر عن مدى تقدم وثقافة زوار موقع وكالة جراسا الاخبارية علما ان التعليقات تعبر عن أصحابها فقط ولا تعبر عن رأي الموقع والقائمين عليه.

- يمكنك تسجيل اسمك المستعار الخاص بك لإستخدامه في تعليقاتك داخل الموقع
الاسم :
البريد الالكتروني :
اظهار البريد الالكتروني
التعليق :
رمز التحقق : تحديث الرمز
أكتب الرمز :

إقرأ أيضاً

رياضة وشباب

محليات