مش مقتنع ... كل البيوت فيها مشاكل..يعني كلنا نهرب؟؟؟
وهل الزواج هو حل ؟؟ اذن ستقبلين بأي كان للهروب من وضع الى وضع ربما يكون افظع ...

الحل .... تحملي ... بجيكي نصيبك سواء قالوا اهلك آه أو لأ ...

ساعلق غدا انتهى دوامي

لايوجد بيت في العالم الا ويوجد به مشاكل اهدائي وانظري الى الامور بحكمه ورويه واهلك يريدون مصلحتك وانتي بدك تتزوجي باي وسيله او طريقه واهلك بدهم يزوجوك للشخص من وجهه نضرهم محترم وعيب عليك تتكلمي بهذه السوليف لو ان كل بنت اهلها ما بلبو طلبها بلزواج بدها تهرب لااصبحنا مثل بلاد الغرب خبيصه ورقاقه اعقلي واهدي بيجيك نصيبك انشاء الله بكون ابن حلال قدع وبركب على الخيل بتطيري معه وين مابدك تترتاح لنتي واياه وبتخلفي منه وبتزهقي الجيزه والخلفه عليي وبتصيري تسبي على اليوم الي اتزوجتي به خاصه ان طله لك ولد شعث اوبنت طلباتها كثيره بتصيري تتمني ماتزوجتي لاتفكري كل المتزوجين حياتهم سمن ولوز في عائلات سرهم بلسوق وبفضحوا حالهم مثل مافضحتي حالك واهلك وفي عائلات سرهم بلصندوق والناس بتفكر ماعندهم مشاكل ساترين على حالهم ماحدى بعرف داخليتهم لكن مافي عائله الا والمشاكل مغرقيتهم واتمنى لك التوفيق واطلب منالله ان يستر على خلقه

يا اختي العزيزة انا بوافق الاخ عصبي كل البيوت فيها مشاكل يعني الكل يهرب من داره

انت لازم تحكيلنا شو انواع المشاكل يل بتصير ببيتكو

واحنا منحكيلك شو الحل

القصه غيرمكتملة النصاب ؟؟؟؟؟؟؟؟؟؟؟؟؟؟؟؟؟

لا تعليق

يعني ازا اتزوجت شو رح يختلف حبيبتي كلها مشاكل وارف وبعدين انت كبيره وواعيه كيف بتفكيري بالهروب المفروض اتحاولي اتخففي من جو المشاكل والنكد مو اتزيدي الطين بله حاولي اخلئي جو فرح وسعاده ويا حبيبتي لو تسمعي هموم الناس بتهون عليكي همك ونصيبك بيجيكي لا تخافي ....

ما في بيت بخلى من المشاكل الاجتماعيه او الاقتصاديه او الصحيه او النفسيه .ولازم الواحد يكون عنده شويه صبر وتحمل لحتى يمشي مع الحياه وانك تتزوجي لحتى تخلصي فهالشي غلط لأنك مش مقتنعه ورح ترجعي تحسي بنفس شعورك هلا.فأصبري واتحملي واطلعي ع مصااااااايب غيرك.

كل مشكله والها حل
وليش مستعجله على الجيزه مطوله

انتي بدك تتجوزي ولا بدك تنحل مشاكلك,الزواج مش هو الحل,لانو رح يبنى تفكيرك على قرارات خاطئة,بهدف التخلص من الوضع الذي تدعين, المشاكل موجودة ايتما ذهبت,ولا تساليني عن الحل لانه المشاكل الي عندي جمل ما بحملها وبدي حدا يحلها معي بس انا ما بنقل مشاكلي للبيت,هاد اهم اشي,والسؤال الي بدي اسالك ايه عمرك شفتي اردني ما عندو مشاكل؟

كل كلامو على عيني وراسي مشاكلنا في البيت بتحصل على اقل الاشياء ارجوكم الحل والله العظيم مو متحملة عنجد في اليوم بتمنى الموت الف مرة ارجوكم ساعدوني........امل ارجوكي ساعدني

مش قادر احي شي لانه موضوعك مكركب لا تعليق انا مصدوم منك انا اسف بس استرخي وافكر منيح بلكي يطلع شي معي استغفر الله العظيم من كل ذنب عظيم

تحلي بالصبر والصبر مفتاح الفرج يا ستي لو بيت في العالم إلا فيه مشاكل والعاقل دائما هو الذي ينهي المشاكل ببساطه كبريها تكبر وصغيرها بتصغر يا ستي لو كل واحد بده يهرب من البيت عشان المشاكل كان كل الشعب نام في الشارع وصديقني هاد الغم والمشاكل حلها بسيط إلتجي إلى ربك وصلي وكثري الدعاء وخاصه في واوخر الليل وربنا يوفقك

المشاكل بكل مكان
يعني تعي شوفي بيتي
انا وعصبي 24 ساعه هوش ومشاكل
غدا فطور عشاء هوش مشاكل
وشو بدي اعمل ؟
اهرب مثلك
لا , واجهي مشاكلك ولا تخافي منها الحياة كلها هيك

إلى صاحبة المشكلة :
ليس الحل بالهروب ، بل عليكي أن تسألي عائلتك عن سبب رفضهم لفكرة تزويجك ، كما أن عريس المستقبل قد لا يكون على مستوى توقعاتك التي يبدو لي أنها بعيدة عن الواقع ، عليكي باقتلاع مشاكلك من جذورها و ذلك بالتفكير العقلاني و السليم ثم التصرف على أساسه
مع أمنياتي لك بالتوفيق

فضحتينا .. أحكي؟؟ أحكي ؟؟ أخليهم يعرفوا شو انتي ؟؟ واهلك؟؟

ولك عصبية ..انا من النوع جد اللي ما بعجبني أي حد .. بس جد انتي خاشه مخاتي ...

يا جراسا .اعطوها هالأيميل .. ول .... انا راضي ..

شو المشاكل مهو كل بيت في مشاكل وبما انه انتي عمرك 26 سنه معناها انك مثقفة وعلى د رايه كامله بالمشاكل وحلولها بس انتي عشانها مشاكلك بتنظريلها من جانب واحد يا ستي افرضي هالمشاكل الا عندك عند جيرانك وحاولي تحليها وحده وحده وبهدوء وشوي شوي لانه العجله من الشيطان استرخي منيح وبلشي بنفسك ومعلجة مشكلتك بالاول وهي انك لازم تتحملي ويكون عندك قوة تحمل اكتر لانك على درايه كافيه بهاي المشاكل خلي اعصابك بارده وخذي نفس عميق وبهدوءوابعدي فكرة الهروب من البيت من افكارك لانك رح تكوني الخسرانه بهاي الخطوة يا سيدتي لانه لا الاهل برحم ولا العالم الخارجي لبيتك برحم ورح تزيدي مشاكلك بهروبك وانتي بدوري على حل انا ما بنصحك بالهروب ولازم تواجهي كل مشكله لحاله وتحليهم وحده وراء التانيه بعقل وبعاطفه وحنيه مع الجميع من اهلك ومن اخوانك وخواتك والمشاكل ما رح تنحل كلها بيوم وليله بدها وقت واول باول رح تكوني قادره تحلي جميع المشاكل بس بعقل وفهم وصبروبتمنالك التوفيق مع تحياتي

شو يا ست الستات امل شكلك هاديه ورايقه وبسيطه عنجد بتمنالك الخير

برايي تواجهي اهلك

واحكيلهم شو بتفكرو احكي معهم بعقلانية امك ابوك اكيد رح يسمعو
رح يفكرو بالموضوع ولو ل لحظة
وماتحكي مع الشباب لانه ماشالله عنهم ديما دمهم فاير

مو قصدي تحكيلهم بدي اهرب
ائعدي معهم واحكي بعقلانيه



وبتنحل نشالله

بليز عصبي بليز
ممنوع تحكيلي ولك
هالمرة سماح واجيتك بالمسايسة
مرة ثانية انت بتعرف دفاشتي

على ايش لانها بدها تعلق غدا ايش لويش كل مسح هالجوخ مرى ثقافتها محدوده بس يا ويلي انك بتكتبي لحالك يا مرى

اتمنى ان توضحوا سبب حذف المشكلة التي كانت موجود (سوف اصبح اما)هل لعدم اقتناعكم بالمشكلة ام لسبب اخر وارجو الرد ومساء عطر بالفل والياسمين لكل العاملين بجراسا

جراسا نيوز : عزيزي القارئ سبب حذف المشكلة انه تبين لنا ان صاحب المشكلة شاب وليس فتاة و قد تمكنا من معرفة الحقيقة عن طريق IP ولا نريد خداع قرائنا الاعزاء ببعض القصص التي ليس لها اي مصداقية .

مع جزيل الشكر.

كلنا بتصير معنا مشاكل يعني دليني ع حدا بيته ما فيه مشاكل .... بس الحل مش انا نهرب
مهما كانت المشاكل صعبة وبتأثر بشكل سلبي
عنجد انا حاسة فيكي كتيررررررررر ................. أئلك شي خديها مني نصيحة من مجربة احسن شي بتعمليه هو انك تطنشي خليهم يدبحو بعض ......... ممكن تحكي اني قاسية بس والله لو شو ما حكيتي ولو حاولتي تحلي المشكلة ما راح يطلع بايدك شي

كل ما بدهم يعملو طوشة روحي ع غرفتك وسكري الباب وما تدخلي مشاكلهم هم بحلوها والا راح تتعقدي وتكرهي الدنيا باللي فيها ............... وما تقبلي بأي واحد بس لحتى تخلصي من المشاكل معلش تحملي لحتى يجيكي ابن حلال بخاف الله لحتى ما يصير معك اللي صار مع اهلك

سمراء حبيبتي.....كاللون القهوة المره.........كلما نظرة اليها ايقنت معنى الصبر في عينيها....وارادة البقاء.........نعم هي الصمت والنقاء..........وعشقت الليل اكثر.......وسمرة الاحداق..........اغرف من نظراة عينيها الهدوء حتى الثمالة كل لليلة حتى الصباح.......وفي الصباح اشرب قهوتي المره......وأتسائل كم اصرع اليوم هذا الصباح...............

ما في داعي لآخر جمله بالمره اللي بحترم حاله ما بعرض نفسه لهيك موقف جارح وليتسكر باب في وجهي فما كان في لزوم بالمره لهالكلام اللي بجرح وبعمل جرح عميق بالنفس مو هيك الناس بتتعامل مع بعض ولا هيك بتتعامل البنات اللي ما بشبهوا حدن من البنات الناس احرار وما بنجبروا يعملوا اشي غصب عنهم ولا يفرضوا حالهم على حد يا رب تعيشوا بسعاده واحلامكم تتحقق يمكن بس احتاج دعاء بهالفتره القادمه بس شكرا .

ارفع القبعة لكم على دقتكم وشفافيتكم وشكرا

الاعزاء اسرة جراسيا:قراة تعليق رقم 21 واسمحولي ان اسئلكم
كيف تستطيعون ان تميزو ان باعث المشكله ذكر ام انثى عن طريق الip? هلا في العاده خطوط التليفوتات بتتسجل باسماء الذكور
ثانيا من اعطاكو الحق التتبع لرسلئل المشاركين الا تعتقدو ان انتهاك للخصوصيه؟
لا يجوز لكم تتبع عنوانينا وارقام هواتفنا لستم جهه رقابيه, وللحق اقول انتم اقرب المواقع الاردنيه شبه بالمواقع العالميه نسبيا فالرجاء تخلصو من بعض هذه العوالق وانطلقو نحو الاحتراف

( كل ما بدهم يعملو طوشة روحي ع غرفتك وسكري الباب ) ..... انتهى الأقتباس

الذي يقرأ هذا يظن أنك تعيشين في قصور ولكل منكم جناحه الخاص المعزول عن باقي أجنحة القصر .
صوت المشاكل لا بد أن يسمع حتى ولو أقفلتي بوابة السويت تبعك واستمتعتي بالجاكوزي

أنا بحكي ... خليكي عالردح تبعك بالقويسمة وانصحي نفسك دادا

مليون مرة قلت وزدت وعدت وحكيت انه يا جماعة 99% من المشكلات المطروحة هي من نسج خيال بعض المشاركين الولده ( بتشديد الدال ) .. ما بتردوا علي... ركزولي على ولاد صف عاشر وطلاب وطالبات الجامعات .. ركزولي عال IP

لا انا ما بعيش بقصر بس الا ما يكون للبنت غرفة لحالها او هي وخواتها ولا تنام بالشارع يعني

وربي انك ضحكتني ........... يعني سلامة فهمك يا عصبي ما قصدت غرفتها بمعنى غرفتها قصدي اي غرفة تانية شو ما في الا غرفة وحدة في كل البيت واشي طبيعي الصوت بده يوصل المغزى من انها ما تضل لحتى ما تعلق معهم وتحكي اشي تندم عليه طول عمرها

الهرب مش حل ولاحتى خيار تفكري في الدنيا هيك كلها مشاكل ومصايب ما بتلحكي تهربي من مشكلة ولاانت داخلة بعشرة غيرها ما الك حل غير تحاولي تكعدي مع اهلك تحكو عن هلمشاكل بعدين انت مش اصغيرة اكيد اهلك رح يسمعولك

شو يا الاء وين ظعتي انت ونكتك إلي ساعة بدور على نكتك بس مش لاقيهن

انا كتبت تعليق رد على تعلق رقم 21 بدعمه اذا عندكم الجراءه والموضوعيه يجب ان تنشروه او تبدو سبب المنع.........

صباح الخير ........... أنا اليوم معصب جدا .... سأتوقف عن التعليق لحين هدوء ثورة الغضب







OVER

شو عصبي ؟
انت شكلك بتشتغل شئ انا ما بعرفه
انت شو معرفك بالاي بي وهاس\ي الشغلات
شو دارس انت
مو حكيت انك دارس جغرافيا زمان

ليش معصب , اكيد لما طلعت من البيت مين بس اللي عصبك ؟
وبعدين ما فيه الك حماية غير اللي بنعرفها
اما المحررة ما بسمحلك تحكي عنها حماتك
شو امي مش معبية عينك

والله لو كل وحده عندها مشاكل في البيت بدها تهج من البيت كنتي لاقيتي بنات البلد قاعدين في الشارع وضابين بوئجهم معاهم الحياه فيها مشاكل كتيره وبوقولوا بواب مغلقه وهموم مفرقه ما في واحد ما عنده مشاكل لو اجت علي كنت طفشت من البيت زمان من ورا المشاكل اللي كانت تحصل من اخواني هاد بده يتجوز قبل ما يكون حالوا والتاني بده ينتحر ليش ما اخد حبيبته وغيره وغيراته وما انسحبت من المشاكل هاي اتورطت فيها وصرت احد اطراف الحل فيها ما انسحبت ولا اخدت دور سلبي كان الي دور ايجابي في تهدئة النفوس حتى كبرت قبل اواني وصرت بعرف كيف احل نزاعاتهم واخد بالي من والدي ووالدتي واحنن قلوبهم على اخواني بالكلمه الطيبه والمنيحه اشوف اهلي بهوشه او صوتهم مرفوع واقعد ساكته وكأنوا ما دخلني ما عشت ساعتها كل بيت في همومه والشاطر اللي بعرف يبسطها ويصغرها ويلاقي الها حلول مرات بنفرض علينا اشياء بدنا نتعامل معها بحكمه وعشان اخلص من المشاكل بقوم بتجوز وبخلص ايش من تحت الدلفه لتحت المزراب فكري مش لحالك عندك مشكله اللي بدري بدري واللي ما بدري بقول كف عدس .

ملاحظين انو معظم المشاكل تتعلق بالفتيات فعلا انو البنات بجيبوا وجع الراس والعار

صباح الخير ... والله يا اخ عصبي كلنا معصبين وكرهانين حالنا بس ارمي ورى ظهرك وانسى الله بفرجها ....بتعرف الكشره والنكد بخلو الواحد يختير بسرعه فا اضحك احسنلك...

خليك ريلاكس وابعث للدنيا فاكس

يا دنيا امشينا فيكي اتريكي ماشيه عكس


طنش تنتعش كل بصل وانسى الي حصل كل ثوم وانسى الهموم

وبالنسبه للسويت لا تتناقرو يا الاء خليها تحكي لابوها يبني غرفه عازله عشان تفل عليها جرشاوى

اسمع لا اديون اسن الك ولا تيجي بشباب العاشر لانهم عصب الحياه

هلين

بطلت اكتب نكت بلاش هلأ حدا يفطلي حدا زي اراغوز ومسخرة وجدبة ومن هاد الحكي والله زهقت حالي يا زم

يا زم كل شوي بطلعلي واحد كمان انا مش ناقصة اضلني اردح وابهدل بليييييييييييييييييييييز ما حدا يعلق معي خلص

وبعدين انا على قولة عصبي(ملكة جمال النت )و(طفلة النت) عشان هيك ما حدا يعلق معي


بااااااااااااااااااااااااي

ابدعتي وتعليقك يستحق الانتباه
انت وردة جراسا

شكرا أمل بعض مما عندكم

كمان مره كيف ممكن تعرف منipانه ولد ولا بنت اغلب التلفونان بتكون مسجله باسماء الذكور
ثانيا مين اعطاكو الحق بالتتبع المعلقين؟ واخذ عناوينهم وتلفوناتهم؟

ليش محروق دمك

اهدا

امل كنت بحاجة الى مساعدتك با لنسبة للمشكلة حقيقية وانا اعيش فيهاارجوكي يا امل شو اعمل اهرب او مابعرف شو اعمل

لقد احزنني ما قرات
هروبك من البيت ليس حل جذري لمشكلتك
انا بنظري الحل هو ان تتعلمي الصبروانك تلهي حالك باشياء تانية يعني لا يظل تفكيرك محصور بالمشاكل الي ببيتكم ممكن تمارسي اي هواية من هواياتك (تفشي غلك ) تلتقي مع صاحباتك تعبري عن ارائك بالبيت احكي لامك قدية انتي مضغوطة والله يااختي مافي بيت الا فيه مشاكل وضغوطات بس لازم الواحد يتحمل وهروبك هو تعقيد وزيادة للمشكله وين بدك تروحي شو الفائدة يعني لاسمح الله راح تنحرفي او راح تصير سمعتك بالحضيض اذا مجرد ما تركتي بيت اهلك مجتمعنا لا يقبل بهذا الشي وراح تخسري ثقة اهلك فيكي هو انت ناقصك


الله يكون في عونك ادعي بان يرزقك بابن الحلال الي يعوضك عن معاناتك تقربي من الله عز وجل وان شاء الله ربنا بفرجها عليكي مابعد الشدة الا الفرج

اكيد انتي ملكة جمال النت
وطفلة النت ولي بيجي بألاء ................................. بلاش يعرف احسن

افهمتيني غلط , انا بحكي عن المبدأ وشخصيا ما بتفرق معي
وعموما انا اسمي فادي محمد/هندسة حاسوب
...........

الله يكون بعونك يا صاحبة المشكله على الردود

دخلو أنا يلي بدافع عني

عنجد شكلك ملكه جمال النت والبيبي تبع النت واكبر دليل راي عصبي لا تصدقو كنت بمزح
اولا انا مش عارف انتي كيف اكتشفتي الاختراع الي سموه كمبيوتر
وهذا leto اصحك اتديون احسللك ويا حبيبي خليني اعرف
وتحياتي للي مش حابه تردحلي

مين حضرتك؟؟؟؟؟؟؟؟؟؟؟؟؟؟؟؟ظ
معلش اعرف انا حكيت اليوم بديش اردح فليش يعني تزكرني بالشغلة

نعتذر

معلش شباب حدا شاف دلوعة الحب؟ هون ولا هون

والله اختفت فجأة

بسيطه.. اشتركي في برنامج swap وغيري اهلك
بالتوفيق..نيالو

عرض مغري جدا لصاحبة المشكله___ايش رايك تبدلي مشاكلك بنص المشلكل ألي عندي وفوق هيك بساعدك بحلها_____لاتزعلي حبيت امازحك_بس برأيي كل أنسان منا عباره عن ملك والملك الحكيم بيصنع من حياته ( مو شرط كلها حتى لو جزء منها)مملكه خاصه فيه حتى لو كانت مخفيه بينه وبين نفسه وحتى لو كانت بالضلام لاتستسلمي للفشل ولاتفكري بالهروب لان مجتمعاتنا العربيه مابتفهم ليش هالشخص عمل هيك بيعرف يظلم فقط _وتاني شي أنت بتدوري ع ابن الحلال ألي يريحك (((((((((معلش أي أبن حلال بيرضى يتزوج من وحده هربت من مشاكل اهلها للشارع وكيف ممكن يثق بأنك رح تساعديه بمشاكل وهموم الدنيا ولاتنسي مشاكل الاولاد________روقي وهونيها بتهون بس لاتنسي ألي بيهرب مره بتم باقي عمره جبان وضعيف الشخصيه *******مع تمنياتي للللللللللللللك بالسعاده

ممكن نعرف ... مين حظرتو
بعدين شو هاي (اتديون )( واحسللك )
بس تعرف تحكي بتيجي تتفلسف علينا .... حظرت ................

انا جرشاوي وبعدين انت شو بعرفك باللغه
بكفيك انك خجلان من لغتك العربيه لغه القران ليش كاتب اسمك بالانجليزي مش عاجبك العربي
وبعدين تعلم تعترم لهجات الاخرين ودير بالك اتديون احسنلك
جرشاوي

انا اسف هناك خطأ في التعليق 61 وهو تعترم والصواب تحترم
هاي على شانك يا leto

.......

انا بدي اتزوج

في هون ناس بتحاول تخفف دمها بس يا هل ترى هو حاس حاله انه خفيف دم بس ما بعرف انه هالخفيف الدم انه دمه مو خفيف بلا من التعليقات الا فيها جرح وكسر خاطر العالم الا بتطلب مساعده حتى المزح البايخ بكسر الخاطر الانسان الملهوف على حل لمشكلته بكون انسان حساس كتير غير عن البشر الا ما عنده مشكله ارحمومن فيى الارض يرحمكم من في السماء

الى عصبي
شو يااستاذ ماكل الجو
بس مابنكر انك عاجبني كثير
صح مغرور بس مهضوم

السلام عليكم بس حابة أسال كيف بنعرض مشكليتنا متل هييك احط القصة