اقطعي أي صلة لكِ تربطكِ بذلك الموقع , و ابعدي عن كل ما يذكرك به حتى الحديث بينك و بين نفسك عنه تجنبيه !! التزمي بالصلاة و الدعاء و متابعة ما هو مفيد على النت و غيره !!

و حاولي أن تبحثي عن شخص يناسبك أكثر , لكن ليس بنفس الطريقة !! بمعنى دعي العلاقات المشبوهة بدون رابط شرعي بينك و بين الجنس الآخر !

*** لا تعيدي الغطة مرة أخرى إحذري

الله يوفقك و يستر عليكِ ,,, الله آمين

الغلطة **

المشكله فيك انت وهناك فراغ كبير عندك تحاولين تعبئته باي شئ حتى لو كان غير مقنع لك عزيزتي انا شاب واعرف الشباب جيدا كل واحد يبحث عن فريسه ليفترسها باسم الحب فلماذا انت توقعين نفسك لتكوني ضحيه في احضان شاب مستهتر اتقي الله وابحثي عن رجل محترم يقبلك زوجه له وما عدا ذلك غير مقبول هذا هو الطريق الصح لا غيره وفقك الله وهداك لما فيه الخير

الظاهر إنك بتحبي المغامرات والإحساس بالمعاناة !!! غريبة إنتي وأمثالك من البنات !!! معك شهادة جامعية وحلوة وصغيرة لشو متعبة حالك وعم تركضي ركض الوحوش على نصيبك في الحب والزواج ؟

اثقلي واعقلي ولا تهدري مشاعرك وكرامتك لشباب غريبين عنك عم يتسلوا ويضيعوا وقت معاكِ.

في مثل بحكي "خلي الزيت في جراره حتى تيجيه أسعاره" .. لا ترخصي حالك وحافظي على نفسك الشباب مش عاطفيين للدرجة اللي انتي بتفكريها، الشاب عند الجد ما بفكر غير بعقله.

** أوسكار **

الانسان منا ضعيف لما يحب بس الغلط انو نستسلم الو بسهوله احيانا الحب بضيعنا وبنمشي وراه هذا الغلط كل انسان بحب وبنحب بس يختار الي بحبو صح اذا كان غير هيك هذا مش حبهذا ضياع ورا وهم وانتي مش عارفه اخريتو الصح قدامك انسيه وشوفي واحد ابن حلال الي يصونك وسيبك من الموقعالي بتدخلي عليه فكري في عقلك مش بقلبك لانك اذا مشيتي ورا قلبك احيانا بضيعي وبالنسبه لا صديقك الي زي اخوكي اذا بخاف عليكي رح يرجع ويساعدك لما تحتاجيه لانو اخوكي زي ما بتحكي والله يوفقك ويبعتلك ابن الحلال

يا ريت من البنات الي هون انهم يساعدوها وينصحوهالانو البنات بفهمو لا بعض اكثر

ليش حاسيتها من اختراع وتاليف شخص ما !!

حبيبتي الانسان بعد ما بتخرج يكون عنده وقت فراغ فيحاول يغطي هذا الفراغ باشياء قد تؤدي الى الهاويه فحاولي الابتعاد عن الماضي واملئ فراغك باشياء تعود عليك بالمنفعه وابتعدي عن هاي المواقع وان شاء الله يبعثلك ابن حلال يملئ فراغك واوقاتك

والله ماني فاهمة من الحكي الي حكيتيه

انتي تعانين من فراغ وتبحثي عن الحب
الحب خدعه يضحك به الشباب على عقول الفتيات
انتي جامعيه والمفروض ما تخلي حدا يتلاعب بعواطفك
اشغلي نفسك بعمل مفيد ابحثس عن وظيفه انتظري حتى يجيكي عريس مناسب
لاترمي نفسك للتهلكه والذل باسم الحب فالشاب عندما يتزوج يبحث عن المستورة في بيت اهلها مش وحده دايره على الشات تصاحب هذا وتترك هذا

صاحبة الموضوع يا جماعة تتهبل علينا ..... تضربي يا حبيبتي انتي

كلام غير موزون ومش ملموم على بعضو! صح انا بحكي او غلطانة وبلى ما اكون ظلمت البنت؟!

صديقتي مع انه مو فاهمه شي ترى يعني حاسه عراي رورو فيها تاليف

بس بحكيلك كلنا بنات زي بعض وممكن نحب ونغلط بس كله بحدود

انا نصيحتي الك انه تتركي الشاااات هاي اول شي لانه حبيبتي عمر الشات ماكان حل ولا مواقع النت كانت مكان للهروب الصحيح من اي شي لانه انتي عم تهربي صح من مشكله يمكن بس تهربي للشات تلاقي مشكله اكبر

وبالنسبه للرجل الي بتحكي عنه ابعدي عنه مابيلزمك هارب من قضيه ولا مشكله والله يستر شو ورى نصيحه من اخت في الله الك ابعدي عنه واتركي الشاااااات

واحسن مكان للهروب هو انه تلجئي لربنا لانه احن علينا حتى من انفسنا

وانا بحكي وانا مجربه ودايقه المرار ولجئت لربي وشكيت حالي والحمد لله ربنا كريم

اعذريني لو كلامي جرحك بدون قصد بس تصيحه لله اتركي الشات واتركي هاد الرجل وكلي الامور لله وهو ارحم بعباده

ويارب ربنا يريح البك وبالك وبال كل البنات يااااااااااااارب

واعذريني صديقتي

الي من ايدو الله يزيدو اوك القلب مش بأيدنا بس لا تنسي العقل يعني العقل يحكم امور كثيره ويرشدك انو علاقتك كلها فاشله يا حلوه

انسي انه الفرق بينكم15 سنه ومزوج وعنده اطفال ....

انت بتحكي انه في بلد تاني يعني مستحيل يرجع لبلده ....

انسيه حبيبتي هاد اسمه الحب المستحيل والزواج المستحيل بعدك صغيره ولسه الطريق اقدمك وبيجيكي الافضل ....

المعلقين المحترمين عبروا بما فية الكفاية
انسي الحب واهتمي بنفسك
واذا صار نصيب تتزوجي فكري بالحب
مع امنياتي لكي بالستر والتوفيق

يا بنتي ما في شي اسمو حب هاي كلمه صدرلنا اياها الغرب واحنا سقناها وبعرف كمان ان الله قال في كتابه العزيز وجعلنا بينهم موده ورحمه ما قال حب وغرام وهداني الله واياكي وجميع المسلمين

اما بتتخوثي
او قصة عن حلم
اومش عاقلة
او
المهم سواليف ما تخش المخ
العبي غيرها اذا انتي بنت

الكلام كله متناقض عن بعضه البعض وبعيد عن الواقع والحدث كان متسرع

واضح من كلامك انك عايشه حالة ضياع .. عيدي ترتيب حياتك وغيري اهتماماتك وتقربي من الله اكثر وانتي اكيد ما رح تخافي من المجهول !

لكل مشكلة حل
انا عندي حل لمشكلتك

يا بنت الناس العالم خربان و الدنبا مولعة و انتي هاي مشكلتك! الناس وين و انتي وين؟ الافضل الرجوع لله و بلا من هالعلاقات المحرمة. يعني دارسة و واعية و بتفهمي ما بعرف كيف بتسلمي حالك لهيك افكار! روحي تعلمي قران و احضري دروس شي يفيدك لاخرتك لانه الواحد ما بعرف متى بتيجي ساعته. عودي حالك على الذكر و لحقي حالك و اذا الك نصيب بشي بيجيكي لعندك بدون ما تعبي حالك. و ثقي تماما انه هاي العلاقات رح تأخر الخير عنك و الله يهديكي و يصلحك

يا صديقتي انتي بتحكي انو مشكلتك بتحبي واحد بعيد
هاي م مشكلة لانك فعليا ما بتحبيه
مشان الله نفسي افهم كيف بتحبي حدا من بعيد
لا بتعرفيه ولا بيعرفك
وهو عم بيحكي معاكي من ورا شاشة
يعني ازا بدك تحكي عشان طيبتو فازا اللي كان قادمك خدعل فما بالك باللي متخبي في غرف المحادثة
طبعا لو هو انسان طيب ومحترم كان مش هارب من البلد على قضية الله اعلم شو هي
وازا حبتيه لشكلو فهو ممكن يعدل صورتو او يعمل اي شي فيها
ازا عشان روحو فهو روحر بعيدة وممكن يعمل روح الو مخصوص عشانك
ما تزعلي بس انتي لازم تعملي العنونان انا هبله
كم مرة لازم ينضحك عليكي
شو هالحب المسخرة اللي من بعيد
هاد مش حب هاد عادة
اتعرفي علي انا بعد اسبوعين زمن هاد اللي بتحكي عنو رح تنسيه
وبعدها اتعرفي على غيري رح تنسيني انا

الى ابو شرار رد رقم 1
يا ريت تدحش اسمي بالنص ثاني مرة عشان اذا في وحده بدها عريس لقطة الله يرضى عليك

سري للغاية ,,,,
ملحوقة يا معلم !! على راسي


صاحبة المشكلة ,,,
هاي سري شاب يقدس الحياة الزوجية و ما بيحب السواليف مع النسوان ع النت !!

الله يسامحني على هالكذبة !!

ليش كل ناموستين بيقرصوا مع بعض؟

انتي بدك ،،،،،( اكيد فهمتوني ) بس مش عارفه

أكـرهُ الشَمـــاتَـة بأحدّ .. و لكنّ يُـعـجـِبنيْ الـزمَــآن حِــينَ يَـــــدورّ ..

هل أنت خريجة جامعة ؟ ولا تحسنين الكتابة بالعربية ؟ كيف حصلت على الشهادة الجامعية ؟

مساء الورد جميعا
كيفكم؟عندي مشكلة بالتلفون مشان هيك ببعث تعليقات بس ما بتوصل
طمنوني عنكم
**نداء الحيارى**

مسلسل بايت

اتركيه عطول --اتقوا الله

مسسلسل هندي

الواحد قبل ما يحب على ما اعتقد انو بيسأل وبعدين ما في حب حقيقي بالذات بالايام هاااي

سيبك من هاد الحكي كله كذب والله

عادي ان مجوز وبحب كل نسوان الارض ..الله لا يشبعنا النسون ..

صوته حلو؟؟؟؟؟؟؟؟؟؟ خلّيه يشترك بالسوبر ستاااااااااااار

قضية متعلقة بنظريات عديدة في علم النفس والسلوك وعناصرها الرئيسية كالتالي : *- لهجة متكلفة ومتخلفةتشبه لهجة من ركب طائرة من دولة عربية الى اخرى وعاد يتكلم بلغة اخرى ومفردات لا تستخدم في بلده, *- لهجةلا تصلح لا للذكورولا للأناث وهي هروب من اللهجة الأردنية الأصيلة بحجة الرقي ؛واستخدام هذه اللهجة وهذه المفردات تعبير عن الضياع ، كما ان هذه القضية الملفقة تعبر عن فراغ كبير في التعليم ومخرجاته والنظرة الى الحب ومفاهيمه المحددة . باختصار :كثيرا ما نواجه اناسا وجها لوجه يمثلون علينا ويخدعوننا ونكشف ذلك متأخرين فما بالكم بالحب والغرام والعشق الذي يولد من الكي بورد والشاشة؟ الحب والغرام والاعجاب علاقات مقدسة وتتلوث اذا جاءت بطرق معوجة .، كما لا بد ان نعرف ان الأنثى مقدسة لا تتلاعب بأحاسيسها ومشاعرها بواسطة الكي بورد . اصحي لنفسك يابنتي .

مشكلة البنات كلهم هيك من الفراغ من الضغط العائلي والنفسي والعاطفي

يا رجل اتركك من هالسوالف

شو لهجة اردنية ومش عارف شو

انا درست وسافرت بره البلد

والتقيت باردنيين كتييير هناك

في ناس منهم بيقولك الجامعات الاردنية اقوى جامعات والتعليم في الاردن اقوى تعليم وبيجيك واحد تاني بيقولك الطب في الاردن نمبر 1

وبيجيك واحد ثالث بيقولك قانون السير في الاردن افضل قانون في العالم

وبيجيك واحد بيقولك المنسف الاردني وما ادراك ما المنسف وبوكل راسك وهو يحكي وكانه المنسف براءة اختراع لصاروخ

اتركوا النرجسية وعقد ومركبات النقص

ممكن تتواصلي معي على الايميل وانشالله بحللك مشكلتك
irresistable_0@yahoo.com

نصيحتي لك الشرف بروح وبيجي ..المهم تكون الصحة بخير
واتكلي على الله واشتغلي رقاصة لأنه
ياما علم وصل أهله لحبل المشنقة .

يبدو من مفرداتك انك من نفس النوعية. (عمو او خالي) عندما يحيي أحدهم شخصا ما يكون الرد بتحية أحسن منها . ثم ما هي علاقة تعليقك بمشكلة الفتاة؛ وماعلاقته بتعليقي الذي انبه فيه صاحبة المشكلة الى الحذر والانتباه؟ ولكن لا بأس ؛سأترك مشكلة الفتاة وأرد على تعليقك : *- هناك ما يسمى صراع الأجيال في طريقة وأسلوب التفكير، ويبدو انك صغير السن اولديك ملاحظات سلبية وسيئةعن المستويات التعليمية والابداعيةوالاستشفائية،واحترام انظمة السير؛اضافة الى عادات ومفاهيم الضيافة في الأردن. *- أنت لاتعرف ان معظم طالبي العلاج والرعاية الصحيةفي الأردن قادمون من الخارج . *-انا متأكد تماما انك لا تعلم ان المدرسين في غالبية المدارس الحكومية والخاصةخارج المملكة من الجنسية الأردنية بناء على طلب من اولياء أمورهم الذي تتلمذوا على ايادي مدرسين اردنيين منذ زمن طويل . *- وأنت لا تعرف ان المستفيات خارج المملكة يقصدها المرضى بجاذبية وجود طبيب أردني بعد ان يوجهه قريبه او صديقه بالتوجه الى ذلك المستشفى لوجود طبيب اردني شفاه الله على يديه
*- وأخيرا اذكر أن احدهم كان يجول في الشوارع ويسأل من يلتقي به: هل سمعت اسمي اليوم في الاذاعة ( زمن ماقبل الاف ام ) ويفاجأ ان اسمه ورد في برنامج ما يطلبه المستمعون ، وهذه الحال التي وصل اليها بعض المعلقين على قضايا هامة لا يوجد لديهم خلفية عنها ، وربما ينتظرون ممارسة هواية طلب تعليق على تعليق من نوعية : يسلم الصدر الذي أرضعك.

خلّي حدن يصحيك من اوهامك