ما الك الا الصبر
ما بعد الصبر الا الفرج

الك يختي 12 سنه متزوجه الزلمه وما عرفتي تكسبي اهله ؟؟

الك 12 سنه ما عرفتي تسايسيهم بالحسنى

12 سنه بتعني انك اتعودتي عليهم واتعودوا عليكي وبتفهموا على رطن بعض ؟؟؟

وبعدين احمدي ربك واشكريه ليل نهار لانه ما بتدفعي أجار بيت

بتعرفي انه تلتين شباب وبنات البلد مو قادرين يتزوجوا من غلاء اسعار شقق الايجار ؟؟؟

في ناس مستعدين انه بيت حماهم يضلهم مقعمزين عندهم طوال الوقت بس باخر الشهر ما يدفعوا اجار بيت

لانه الاجار لحاله بخلي الواحد على الصاجه وبداين من اول ما يستلم الراتب .

احمدي الله واشكريه وبضلهم اهله امه وابوه واخوانه

مرات بفكر انه في ناس بتتمنى تاخد واحد مقطوع نسله بالمره عشان يشعروا باستقلاليه ؟

لا اضوجي من اهله الله يخليله ياهم عزوته وضهره اللي بتسند عليه
الواحد بلا اهله بسواش تعريفه

والله اللي ناويه من قلب ورب انها تحبب الناس فيها قادره انها تحببهم فيها وتحبهم بالمقابل

يا ويلي على اللي مش لاقي خشه يتآوى فيها مع زوجه بحلم فيها !

يعني بعد 12 سنة ما زهقو وبعدهم ييجو عندك يعني انهم بحبوكي وفي شي حلو ببيتك يخليهم ييجو دايما ,خليكي طيبة معهم دايما وبشوشة وتشوفي انو جوزك رح يبطل يتضايق من اهلك....وبعدين بعد12 سنة اتوقع الحال صار واحد ما في داعي تنبشي مشاكل عمرها 12 سنة عشان تحليها بعد 12 سنة !!!! اصصصصبرررررييييي

انتي حكيتيها بلسانك "انا ارجو المساعدة من اجل استقرار اولادي" يعني الله يعينك ويكون بعونك وبدك تصبري شوي ع حالك لما الله يفرجها

انا الي 13 سنه وهما بدخلوا في حياتي بس وقفت وصرخت وقلت بعد اليوم لا والحمدالله عملتلي شخصيه واحتويت زوجي واولادي وعرفوا انهم غلانين بس نصيحتي لاتعيدي عملتهم وتبني بيوت فوق بعض عشان الأولاد يبقوا في استقلاليه وراحه

""مافي فايدة بتروح امو من عندي بيجوا بناتها """

الله يتوكل فيكن يالنسوان !!



بكرة ولادك ونسوانهم بإذن واحد احد بعملوا نفس الشيء وبحاولو يلاقوا حل ليطفشوا منك

بالضبط زي ما قال سلطي مقلع ،،،، بكره لمى ولادك يكبروا راح يقرفوا شوفتك في البيت بس اسادتنيلك هاعشر سنين الجايات وراح تقرفي حالك وتتمني الموت زي ما بتتمني الموت لاهله ،،، نفسيتك مرت علينا كثير ،،، والي نفسيته معفنه صعب جدا يتأقلم مع الث حواليه ،، فشوفي نفسيتك بتتقبل نفسك ،،،لعاد شوو بتفكروا انتوا يالنسوان اذا اتزوجتوا الرجال بدوا يصير خاتم باصبعكم يا مقملين ؟!!؟

انظري لأم زوجك و خواته نفس النظرة اللي بدك زوجك ينظرها لأمك و خواتك..
بعد هيك رح تحسني النية فيهم زي ما بدك زوجك يحسن النية بأمك و خواتك..

الحل عندي انك اتضيفي اميلي عندك ..... ياهوو وبس

..... وارتاحي منه ومن اهله ؟؟؟



يا خوفي انك انتي المشكلة بحد ذاتك ؟؟؟؟

لا تخليه ينام معك لمده شهر

اقعدي واهدي ترمح بالمتعوس ليجيك اتعس منه

والله غير يجننوكي انا هم بمكان وانا بمكان وجابولي جلطة من تدخلاتهم ومشاكلهم وبالاخر ماخلو علي ..الله يكون بعونك

من حق اي زوجة تحس بالاستقرار مع زوجها والبنت ماقالت بدها تقطعه من اهله بس مو 24 ساعة عندها كل شي بوقته حلو



نصيحتي الك خيتو اعكسي الاية يعني بدل ماهم ع ندك انتي خذ ي اولادك وخليكي عندهم لما يزهقوا منك وحاولي تصاحبيهم

وربي مريت بظروف متل ظروفك واسوأ بس بفضل الله خفت شوي بالصبر كل شي بيجي يا خيتو وخلي اتكالك على الله

مافي شي بدوم على حاله

دائما صاحب المشكلة يعتبر نفسه مظلوما...
عرض غير واقعي.....كوني واقغية...

للاسف البدائل ادامك محدودة وكثير صعبة

الزوج ضعيف والاوضاع المادية ضعيفة ما عليك غير الصبر والمسياسة والحكمة والله يكون في عونك

ياختي الكريمة.. اذا انت صحيح من سوريا او بربطك اي علاقة قرابة بسوريا(انا اشك انك من سوريا), فانا بحكيلك مش هاي اخلاق بنات سوريا.. بنات سوريا بتعيش بأصعب الضروف وهمها زوجها واهلها..

ياستي بنات ونساء سوريا مثل اعلى لجميع نساء العالم في الصبر والطاعة والتحمل والتربية وادارة الشؤن البيتية والزوجية..

التطنيش هو الحل اصلا لمى يشوفوكي مقهورة من جيتهم بلزقوا فانتي تصرفي انك مبسوطة ولاتضلي تزني براس زوجك لانه زهق هالموال عالفاضي وصدقيني اصبري شهر زمان وانتي تعملي حالك مو مدايقة وعادي رح يزهقوا ويبلشوا يخففوا جيتهم شوي شوي..بعدين مو كلشي بتشوفيه منهم تحكيه لزوجك لانه بضلوا اهله ومارح يوقف معك انتي حلي مشكلتك بالسكوت عدم الرد عكلامهم لحالهم صدقيني رح يزهقوا ويبطلوا يعملو هيك وخففي الخلطة فيهم بس لاتقصري بواجباتك لانه المعامله مع الله وربنا يوفقك وبالنسبة لقصة انه بنافخ لمى اهلك يزوروكي السبب انك ما بتحبي اهله وبيحاول يجاكرك فانتي من الان وصاعدا بطلي شكاوى وبينيلوا انك مابتكرهيهم بس اصبري لبين مايتعودو عالشي الجديد وانتي الكسبانه بالآخر

اي هدول السورييناللي بتحكي عنهم المسلسلات تاعتهم شكل والواقع شكل تاني واللي بسير عندهم بيثبتلك هاد الاشي

الحل من الاخر احترمي اهله وامه وابوه واخواته ثاني شىء انت بادري في الذهاب عندهم خاصه في ايام العطل من الصبح روحي عليهم وتغدي وتعشي وشوفي بعد شهر شو بقولوا الك مشان الله خذي اولادك وريحينا

عزيزتي فلحة ....وكأني اسخر من نفسي وأنا أكتب اليك (والكتابة لك فقط ) ولا ادري ربما تكون سخرية القدر ايضا تشاركني الكتابة
لكي تهدم كل المبادئ السابقة التي بعت فيها واشتريت واعتبرت نفسي منزها عن كل ما كنت اعتبره خزعبلات
والسؤال هنا يتشعب ثم يكبر حتى يصبح وحشا يلتهمني ويلتهم كل ماحولي وكل ما احبه وحشي الصغير المدلل
كان دائما يلخص نفسه ببضع كلمات اواقل كي يجمّل نفسه وكأنه يفتح ذراعيه قائلا (هيت لك )....
ثم ينكس على رأسه قائلا (لقد علمت )!؟؟ اليس كل ماحولنا خزعبلات ؟؟؟... تهون الدنيا في تلك (اللحظات) او ما اسميه بالفصول الاربعة حتى نتمنى ان نذوب و نصبح سائلا تتجرعه الارض برغبة جامحة ....
عزيزتي( فلحة) .... او ماشئت ان تكوني ان الاسماء لا تعنيني كثيرا كما انها لا تخيفني ....لقد تحدثنا في هذه الزاوية
كثيرا مع اشخاص كثر ....وكنا نتحدث على طريقة المسافرين الذين يلتقون في المطارات او القطارات او حتى على طريقة
الاشخاص الذين يلتقون في القطاعات الحكومية لأنهاء معاملة ما ...لنزيح بها الملل فنقع بملل اوسع منه ...فيقول واحد يا إلهي ان الجو بارد ...اجل بارد ...دون مدافئ ...ما هذا عليهم اللعنه ....ويبدأ حديث لا يستطيع الطرفان انهائه ...فيقول احدهم في سره هل تمانع ان اذهب الى الجحيم ....فيرد عليه الاخر في سره ايضا سواء ذهبت او لم تذهب فلا اظن ان زلزالا سيحدث ..اذهب عليك اللعنه ....ثم يبتسمان لبعضهما ويقول الاول (طلطل ) !!؟؟ فيرد الثاني ما (بنستغني) ....
هكذا كان حالنا في هذه الزاويه ....وهذا على الارجح شيئ مضحك وفظيع ...
ثم بعد هذا غرقنا في حساباتنا الخاصة من تحالفات وانقلابات و(طبطبة ) على انفسنا لنواسي بعضنا البعض وهذا كان ممتعا الا انه كريه ويبدو ان هذا قانون في دستور الحياة المشتركة فإذا اضاء نجم ما اصبحت اطفائه اكثر ضراوة
وكنت اقول حينها (ها أنا ) ولكن عندما انظر من بعيد الآن اشعر انني كنت مجنونا فاقول بخجل.. ومن انا ؟؟
اما الآن فأنني استطيع ان اصف ما حدث وما سيحدث (فكل امراض الشباب لها مصدر واحد انهم يريدون الكثير ولا يقدرون الا على القليل ولكنهم يستعجلون )
وقد تتسائلين ما سبب كل هذا الكلام الذي قد لا تكوني فهمت شيئا منه وسبب وهذه المقدمه البشعة ايضا
دعيني اقول انني ابحث فيك عن تلك الصداقة التي تكون اعمق من الحب...الصداقة التي لا تعبر عنها الكلمات ولا الافكار فأنت الوحيدة من بين الاشخاص التي كنت احس بوجودها احس انك الوحيدة التي تتحدثين رغم انك تبقي صامتة .....
ما اود طرحه هي فكرة صغيرة تتلخص ب.....(بلا ولا شي )
بالمناسبة احلامك اصبحت تراودني ليلا ....تحية لك

إِرْضَــــــــــــــــــــى ♥

إِرْضَى وَاقْنَــــــعْ بِــمَا قَـسَـمَــهُ الله... لَـــكْ
إِرْضَى بِــمَا وَهَـبَـــكَ {الوهَّـــــابْ} تَــكُـــنْ أَغْــنَـــــى النَّــــاسْ
إِرْضَى بِــمَا كَـتَـبَـــهُ {الخَــــالِقْ} عَـلَيْــكْ تَــكُــنْ أَسْـعَــدْ الخَلْــقْ

وَكِّــــــلْهــــــا لَــ رَبَّـــــــكْ .. *صَـبَّـحـكُـم الله بالرِّزقْ الوَفير والخَـير الكَثير ,, فَقَطْ رَدِّدْوا

╰⊰✿ يـَــــــارَبّ✿⊱╮

أَسْعَد الْلَّه يومكم بِكُل خير

( ◕‿◕✿)
صبــــاح معطر بذكر الله على أحلى عبااااااااااااااد الله ~♥~

اللهم إنا نسألك زيادة في الدين ، وبركة في العمر ،
وصحة في الجسد ، وسعة في الرزق ،
وتوبة قبل الموت ، وشهادة عند الموت ، ومغفرة بعد الموت ،
وعفوا عند الحساب ، وأمانا من العذاب ، ونصيبا من الجنة ،
وارزقنا النظر إلى وجهك الكريم
اللهم آمين يارب العالمين.

الــلــهــم لا تــجــعــل للــهــوى عــلــى قــلــوبــنــا دلــيــلاً ..
.
.. و لا للــبــاطــل عــلــى أعــمــالــنــا ســبــيــلاً ..
.
.. و كــن لــنــا ولــيـّـاً و كــافــلاً و كــفــيــلاً ..
... .
.. و هــب لــنــا مــن رحــمــتــك حـظّـاً وافــراً جــزيــلاً ..
.
.. و مــن مــغــفــرتــك قــســطـاً كــامــلاً جــمــيــلاً ..
.
.. و اخــتــم لــنــا بــالــشـهــادة خــتــمــاً جــمــيــلاً ..

لقد طلبت المساعدة وليس الاستهزاء انا اشكر كل من قام بنصيحتي وبالنسبةلي انا اعاملهم احسن معاملة وهم يحبونني لكن احس انهم يغاروا بس نكون لحالنا واذا سكرت الباب اكثر من ساعة ياويلي وكنت عند ذهابي لهم يقولو عنا برد يلا نروح عندك ويطلعوني من عندهم

حرام عليك يا زلمة المرة اللي دايرة بالها عجوزها وولادها نيالها عند ربها شو بتحكي احنا وين عايشين بالعصر الحجري المرة الها بيتها واهل زوجها بيجوا عندها واهلا وسهلا فيهم بس مش هيك شو هاضضضضضضضضضضضضضضضضض

ألا بذكر الله تطمئن القلوب



فاطمئني يا قلوب..

بذكر علام الغيوب..

ولتخضعي في النداء..

... في الشروق وفي الغروب..

ولتسلكي خير الدروب ..

ولتذكري رب السماء..

ذكراً كثيراً في الرخاء..

لتسلمي هول الخطوب..

وما أصابك من بلاء..

ففيه تكفير الذنوب..

ولتحذري درب الشقاء..

ففيه والله العناء..

ولتستري كل العيوب..

لا تبالي حينما ..تبكي العيون على الذنوب..

أما علمت بأنه..

ثمار ذكرك للرحيم..

( ضياء قلبٍ..وسعة عيشٍ..وتفريجٍ للكروب..)

وبه الدواء لكل داء..وبه شفاء للسقيم..

وهو السبيل إلى النجاة..وهو الطريق المستقيم..

** سبق المفردون ..فسابقي نحو الكريم **

واشتري الجنات بالذكر العظيم..

لا يكن حظك منه..

كحظ مسكين عقيم..

لماذا لم يتم نشر تعليقي

الحمد لله انه الله رزقني باهل زوج كانهم ملائكه يا ستي طنشيهم وحاولي اكسبي زوجك

الاحترام واجب من الطرفين طرفك وطرفهم ولكن مشكلتك في زوجك ما عاملك احترام عند أهله وشخصيته مهزوزه أمامهم أهل الواحد واجب علينا احترامهم مع هيك البيوت إلها حرمات وبتحب الزوجة إنها تستقل في بيتها أنا زوجتي مشكلتي معها إنه أهلي كل يوم في مزاج بعاملوها فيه

مع إني شديد الإرتباط فيهم بس والله بعد 7 سنوات بديت أحزنلها لأنه حقها الراحة والإستقرار والاستقلال أيضا لأنها تركت أهلها لتعيش معي بحرية

الزواج استقرار سكينة تكوين اسرة له خصوصيته وكيانه انت الك حق بزوجك واهله الهم حق فيه اتحملي واصبري وصيري انت روحي عندهم وطولي وكتري زياراتك انت وولادك من الصبح لليل بزهئوا منك وببطلوا يجوا عندك ههههههه

انظري الى السماء بقلب صادق وقولي ( لاحول ولا قوة الا بالله )الله بفرجها

ووووووشو يعني انهم طول الوقت عندك مهووووووا نص الشعب الاردني بكون الولد ساكن عند اهلو والكل بنااافخ والكل بيجي عليه وبتضلها مجاكره بمجاكره ولــكن تستمر الحيأأأه

احسن حل انك تكسبي اهلواوصيري أصحاب معهم وليش ما انتي توخذي ولادك وتروحي عندهم علشان تصير مره عندك ومره عندهم وانتي روحي عند اهلك غيري جو

الحق مش على اهل زوجك ،،، الحق على زوجك !!! ليش يسمحلهم ،،، ومن حقك تعيشي ملكه في بيتك ،، لازم يحط حدود بينه وبين اهله مش يعني مشاكل لاسمح الله ،، حاولي مع زوجك واحكيله بطريقه ادبيه سهله مع ابتسامه ، واكيد زوجك رايح يقتنع من طريقة كلامك،، وحاولي ما تزعلي زوجك منك يعني وانتي بتحكيله حسسيه انك بتحبي اهله ماشي (مع العلم انك مابتحبيهم لكن شو بدك تسوي)،، وبالنهايه بهمك تكوني سعيده بحياتك مع زوجك .. واحيانا مهما كانت المشكله كبيره ومعقده ،، ممكن بطريقة الالقاء تنحل بسرعه ،،،انا شخصياً ياما حليت مشاكل والحمدلله نجحت فا يا اختي حاولي ،، عشان اولادك وبس ،، وبتمنى ترديلي خبر والله يوفقكم

شكرا اخي عل نصيحتك وشكر لكل من قدم لي نصيحة الله بعلم شو انا نيتي صافية بس باذن الله رح اغير من اسلوبي متل ما حكيت الله يحفظك

الله يوفقك ويصلح زوجك ،، وبفضل في يوم اجازته تطلعوا العقبه او وادي رم لأن المنظر عند الغروب خلاب ورائع بريح النفس

اذا رحتوا اجازه ،، بفضل تخلوا اولادكوا عند اهل زوجك ،، (( مع انهم يمكن مايرضوا)) المهم حاولي تطلعوا لحالكم وهيك بتغيروا نفسياتكم شوي ،، مثلاً تذكروا ايام الخطبه الحلوه وذكريه بالكلام الحلو اللي كان يحكيلك اياه ، انه مش قادر يستغني عنك ،، ماشي

الى صاحبة المشكله :

احفظي هاي الكلمات واحكيها لزوجك عن غيب بطريقه حلوه ،، طبعا حيكون مستغرب ومبسوط بنفس الوقت،، وحيسأل نفسه: شو صار لمرتي؟؟ وحيسألك :شو مالك؟؟ انتي احكيله: ياحبيبي لما نكون لحالنا بتطلع مني جواهر للمعدن الاصيل ، انت بالنسبه الي ملك العالم ولما نكون لحالنا بحس اني اسعد انسانه،، انت اعظم واجمل رجل ،، (( ساعتها راسه بكبر ومابقدر يدخل من باب السياره)) عندها رايح يحكيلك : بتعرفي من بكره لما ادخل البيت ولو اهلي دقوا الباب مش فاتحلهم . وبهيك بتخلي زوجك يعطيكي اهتمام كثير ، لكن انتبهي تجيبيله سيره عن اهله اوكيييي
كنت انوي ان احفر اسمك على قلبي
ولكنني خشيت ان تزعجك دقات قلبي.


لا ثقه لدي الا عينيك فعيناك ارض لا تخون
فدعني انظر اليهما دعني اعرف من اكون.

لماذا لماذا طريقنا طويل مليء بالاشواك
لماذا بين يدي ويديك سرب من الاسلاك
لماذا حين اكون انا هنا تكون انت هناك.

از متزوج نيال زوجتك فيك

يا ريت زوجي متفهم مثلك

متزوج ؟؟؟؟؟؟؟؟؟؟؟؟

اقرئي بيت الشعر ورايحه تعرفي :

اذا كنت تحب بصدق فلا تتخاذل لأن التخاذل هو الخيانة ولكن بحروف مختلفة

ليتك تموت الـــــــــــيوم وارتاح أنـــــــــــــا منك ...

يرتاح قلبن بالخيانه طعنتـــــــــــــــــه ..
ليتك تموت وبلون الأســــــــــــــــود أكفنـــــــــك..

واطوي معك صفحة عذابن رسمتـــــــــــــــــــــه..
ليتك تموت وداخل القبر أنا ادفنـــــــــــــــك ...
وادفن مع الجثمان جرحن جرحتـــــــــــــــــــه..

ربي يسعد مساك يسلمو على الكلمات الحلوى وعلى تواصلك مع مشكلتي طبعا رح اخبرك شو بصير ورح يكون اسمي الامل باي تعليق عأي مشكلة رح اكون متوجدة وشكرا كمان مرة

ما فهمنا بيت الشعر ههههههه

انت قلت انو عشت بالسعودية 37 سنه يعني العمر.... مش مئول مش متزوج



تعليق 42

خيانه ودعوة للكفن والموت ..

...............

الى 44 مين حكالك اني مش متزوج ؟؟ انا كنت متزوج ،،، لكن حسبي الله ونعم الوكيل عاللي كان السبب ،، والحمدلله على كل شي

الحمد للله والله يعوضك كل خير

اعتذر اخي الكريم عن السؤال

صباح الانوار ،،،،، عادي اخوي ماصار اشي ،، لكن مش دايما نلوم النصيب !!!! لازم نلوم الشخص نفسه !!!!

اختي الكريمة ,,,
اهلك يجب ان يكون موقف مغاير لما وصلني !!
انت تعانين من هذا الوضع 12 سنة واصبح عندك اطفال وزادت المشاكل لان سلافك لهم اولا هذا ما اتوقعه !!
يجب ان يكون لولي امرك موقف في هذه المشكلة , فاذا كانت ابنة اي شخص تعاني ويرى ان زوجها لا يحرك ساكناً لحل ازمتها فعليه ان يبادر للمساعدة بكافة اشكالها - مادياً ومعنوياً - لابنته ولزوجها لان زوجك ببساطة يعجبه الوضع الحالي من توفير لايجار المنزل !! لكن بنفس الوقت لا يجب ان يتركك تعانين لان الوضع الحالي يناسبه فقط !!!!

بالتالي ,,,
يجب عليك ان تفاتحي واحد من اهلك بجدية في هذا الموضوع واختاري الاقرب لك فيهم عقلياً و عاطفياً .

** ملاحظة
لا توسعي دائرة المشكلة ولا تخبري الكثيرين فيها لكي لا تزداد المشاكل .

متمنياً لك ولابنائك الاستقرار وقلة المشاكل والاحتكاكات , اللهم آآمين .

وصفك للنساء بهذه الطريقة بدل على انك شايفهم .... و عبيد خلقوا لخدمتك و بس .... ما في وحدة عاقلة و بتفهم مصلحتها حتعطيكم عين من يوم و طالع.... لانو بستغلو و ما بتوفو بواجباتكم اتجاهها...ان شالله زمن اول تحول و شكرا للعولمة اتثقفنا و بطلنا جاهلات و صرنا نعرف شو حقوقنا ... واللي مش قدها ما يتجوز...خلي يركض ورا النوادي الليلية زي ما بعملو الباقي

اختي صاحبة المشكلة كوني

كمن يمشي على الرمال

يصنع الاثر ولا يسمع له صوت



صدقا اشعر بما تقولين واشعر بمشكلتك

ولكن تذكري ان زوجكي هو الم1نب المخطأ



فهو من اعطى اهله حق التخل في حياتكم الشخصية



عاتبيه ولا تهينيه

اشعريه ولا تؤذيه

فهميه ولا تعنفيه

احبيه ولا تكرهيه بأهله





كان الله في عونك

وعون جميع الناس الذين لا يستطيعون دفع ايجار بيت

الا لعنة الله على هذه الظروف الاقتصادية السيئة

التي تجبر انسان كزوجك وانتي كزوجة واطفالكم على تحمل تدخلات الغير في مشاكلكم وحياتكم

بسبب مادة تافهة



بالمناسبة انا احببت فتاة لمدة 3 سنوات

و عندما ذهبت لاخطبها من اهلها

كانت طلباتهم شبه خيالية

10000 الاف دينار ذهب

5000 دينار تجهيز

وغير الحفلة واثاث البيت

وما الى اخره



مع العلم وضعهم الاقتصادي مثل وضعي

و لكن كانت الرايح بما لا تشتهي السفن



فاضطريت ان اعيش حتى اللحظة 37 سنة

وعلى حالي

وحداني



و اخ من الوحدة



كان الله في عونك يا حجة يا صاحبة المشكلة

اشكركم على هذه النصائح والله يسهل امري وانا اقدر هذا التفهم الذي ينتمي الى الرجال في هذا الوقت من الزمن لان الغالبية منهم ضد افكار المراة وشكرا

انا معك بكلامك..فعلا انا شايف زمن العولمة والمسلسلات التركية في الجامعات.. لكن راح زمن الواحد يروح على النوادي الليلية, لانه حاليا متوفر بالجامعات باسعار رمزية, او مجانا حتى..

علشان هيك لو تيجتني طالبة جامعة بذهبها ولبسها و...و....و... ما بتزوجها, واذا كان ولا بد وانجبرت رح اتذكر انه كان الي صاحبات بنات نوادي ليلية ورح اتزوج وحدة منهم!

هل لديك اخوات بالجامعات اتق الله

الى صاحبة المشكله ،، ايش صار معك ،، خبريني ؟؟ ان شالله الامور تمام

اخي اياد لم يطرأ اي جديد حاولت وقلت ما في قلبي من كلام يبدو ان الامور ستبقى عى ما هي وقلت ما قلت لي وفرح من الكلام لكن يبدو ان المسألة ستحتاج لوقت اكثر واشكرك على متابعة قصتي

يااختي الكريمة صدقي اذا كنت ساكنة في مكان لوحدك وفي جاره الك لتصيري بدك ليل نهار تروحي عندها وتيجي لعندك وما بتضايقي يعني مش مشكلة لو استحملتي اهلو واجوالعندك ورحت لعندهم صدقي امكن بحبوك اكثر كنه الهم بس تكون الشغله بدون ما يتدخلوا بحياتك وبمشاكلك مع زوجك يعني بلاش تحكي مشاكلك مع زوجك قدامهم وكما زوجك ما يحكي المشاكل قدامهم حاولوا تحلوا مشاكلكم مع بعض ومش غلط تتزاورو بس فهميهم بالحسنى انو مش بكل وقت التزاور لأنه عندك شغل في البيت وعندك اولاد بدك ترعيهم

اكيد الموضوع بده وقت ،،، لأن المشكله من 12 سنه !!! مستحيل تنحل بسهوله ،،، حاولي ولا تستسلمي واصبري

... الحماة عمري ما شفت مع اني 17 سنة

الك الله والمعونه الوطنيه

كل ما يدخلوا الدار تحججي بإنه عندك شغل في المطبخ أو الدار بدها تنظيف الخ و لا تقعدي معهم أبدا حتى يروحوا. شوي شوي راح يبدأوا يلاحظوا إنك قاعدة بتتجنبيهم, راح يزعلوا منك و يواجهوكي و بل حتى يشتكوك لزوجك. إنت أدعي البراءة في كل مرة و تحججي بشغل الدار و الإهتمام بالأولاد. إذا إستمريتي بهاظ السيناريو راح تزيد مشاكلك معهم و تنقلب المسألة لعداوة بينك و بينهم و راح يبطلوا يدخلوا الدار. شايفة بسيطة صح.

بكل بساطة, حتى لا يدخلوا دارك للأبد, إقلبي علاقتك معهم إلى "عداوة" و خلي زوجك يزعل منك و يطق راسه بالحيط. المهم راحتك النفسية لأنه راحتك النفسية تعني راحة الأولاد النفسية و سلامة العش الزوجي.

fee torok ktheer ll2ekna3

اختي الفاضلة في هذه الحالة الحل الاول والاخير بيد زوجك اكسبي زوجك لصفك وشاوريه واستشيريه وحسسيه ان الكلمة الاولى والاخيرة له وانك تحترمين اهله ولكنك تريدي منه المساعدة لوضع حد او نظام معين للتتعاملي فيه مع اهله وهم يتعاملون فيه معك والك 12 سنة صابرة المفروض انك لقيتي حل من زمان ومن البداية المهم اذا جوزك ما ساعدك اعملي على اهمال الجميع اعملي حالك مش سامعة شي ولا شايفة شي ولا تهتميلهم ابدا ابدا ولا تراجعيهم باي شي بزهقوا لحالهم والله يصبرك