الجواب بسيط انا البنت الي بتطلع معي او حتى بتعطيني رقم تلفونها مستحيل ارتبط فيها لانو الي بتطلع معي بتطلع مع غيري والي بتخون اهلها بتخوني انا كمان

تقبلي مروري

حينما ننظر الى لوحة فنية ونحن على بعد سنتمترات قليلة منها ..فأننا لا ندرك معاني وتفاصيل اللوحة أو مقدار جمالها من قبحها ..
ولكننا أذا ما أخذنا خطوات الى الوراء بدت الصورة لنا أوضح وصار بأمكاننا الحكم عليها جيدا.
هكذا هي بعض الأمور في حياتنا ..من شدة التصاقنا بها قد لا نستطيع الحكم عليها ..وأقصد هنا بكلمة الحكم ( أتخاذ قرارات فعالة).
ولكننا اذا ما أبتعدنا قليلا ..ومنحنا أنفسنا الفرصة للنظر من مسافة أخرى وزاوية جديدة..صار بأمكاننا أن نكون أكثر علما ودراية وثقة بما سنتخذه من قرارات.
للأسف أننا لا نتعلم الدروس الا في لحظات الألم...عندها قد ندرك مقدار حاجتنا الى تغيير أشياء في حياتنا ...عادات...تقاليد..سلوكيات...مبادئ...أشخاص...أشياء..
الألم هو ما يدفعنا الى التغيير..وللأسف فأن وصولنا الى مرحلة الألم يعني أن الأمور عندنا سيئة بمقدار مزري..
أننا لا نغير في عاداتنا الغذائية الا بعد أن نترهل ونسمن ..وتضيق علينا بنطلوناتنا وقمصاننا..
لا ندرك مقدار حاجتنا للعناية بأسناننا الا بعد أن تلتهب ..وينخرها السوس وتسقط..
لا نتوقف عن التدخين ..الا بعد أن تسوء رئتانا أو يخبروننا أن السرطان قد بنى له عشا في جهازنا التنفسي..
بعد أن نغرق نرفع أيدينا بالدعاء والصلاة..
عجيب أمرنا لا تغمر بركة الصلاة حياتنا الا أن كنا نعلم أننا في طريقنا للموت بعد ايام..
أنا فعليا لا ندرك مقدار حاجتنا للتغيير الا بعد وصولنا للخطوط الأخيرة في مسارات الحياة..
لماذا؟؟؟
لماذا لا ننفصل عن ذواتنا ساعة من نهار ..وننظر الى أنفسنا ..من مسافة أخرى ومن زاوية أخرى .لماذا لا نبتعد قليلا عن أنفسنا لننظر الى لوحاتنا الشخصية هل هي فعلا جميلة أم أن القبح وألأنهيار يشوبها؟؟
أنه الوقت لنجري تقييما شاملا لحياتنا ونرى ..هل هذا حقا هو ما نريد أن نكونه...
هل هذا هو حقا ما نحلم به ونتأمله..
دمتم بحب ..دمتم بمودة
مشكلجي

جواب سؤالك سهل جداً وهو اذا كانت نية الشب الزواج فعلاً يذهب الى اهل الفتاة ويجلس مع الفتاة المراد الزواج بها والاهل لا يعارضون هذا المبداء حسب شخصية الشب ونيته اذا كانت سليمه مائة بالمائة والسلام عليكم ورحمة الله وبركاته

لشو المشكحه والطلعه والفوته والقعدات

واحد شاف بنت حس انها بنت منيحه

بحط اخته محلها وبتعامل معها على هالاساس

بسأل عنها وبطقس عن اهلها

بفوت البيوت بالطريق الصحيح

وليش البنت تقلل من هيبتها وحتى لو بمكان عام

يعني اذا بمكان عام الناس قاعدين معكم على الطاوله وسامعين شو قاعدين بتحكوا ولا بتهببوا بالحكي

المحترمين والمحترمات في الهم أهل

وهناك البنت والشب بشوفوا بعض

حصل نصيب حياهم الله ما حصل نصيب يفتح الله .

الى صاحبه المشكله

اول شي انا حسب الدراسه الي بدرسها والمجتمع الي حولينا
انو الشب دائما بيحكي اللي بتتطلع معي بتتطلع مع غيري مو الكل طبعا بس هاي الاغلبيه

بس شب عن شب بيفرق
وللشباب عقول

ولو رفضتي ارفضي بطريقه مقنعه
بس صدقينـــي الشب اللي بيحب مابيطلب من البنت تتطلع معو و
ماحد بيعرف شو بقلبوا لانو انتي صاحبه القرار وانتي بتعرفي اكتر منا

اتمنالك السعاده من قلبي وانشالله ترتبطي فيه للابد
مع حبــ نوره ـــــي

كل عام وانتي بخير

برأيي مو كل الشباب متل بعض اذا الشب بحب البنت ومتمسك فيها ما بيتركها لانها طلعت معه اما اذا رفضت تطلع معه رح يزيد حبه الها وتمسكه فيها بس يمكن الشب بدو يرتبط في بنت بيعرفها وبدو يعرفها ويفهمها قبل الزواج الوضع عادي

والله يوفقك

ج- بأمكاني الجواب على السؤال بجديه مقابلتي على اميلي .... ياهوو

يا عيني عليك يا مشكلجي شو هاد بتحكي جواهر و درر

الله يوفقك

اذا البنت بتطلع معي ويكون اخوها معها برتبط فيها يعني الي بتخون اهلها الي همه اعز الناس عليها وبتطلع مع شاب تلقاي رح تخون الي طالعة معه شو المشكلة ما تقعد معه بيتها واذا الموضوع ما عجبه الله معه

شوفي يا بنت الحلال زمان كان الشب مستحيل يتجوز وحده بتقبل تطلع معاه او تعطيه رقم تلفونها قبل الخطبه بس من سنتين وجاي صار الوضع عادي واقل من عادي

هاد الاشـــي للشباب

انو انا بسمع من الناس اللي حولي
شو بيحكوا
انا بدي اخد وحده حكيت انا معاها واعرف شوهي احسن مااخد وحده ما بعرفها وما بعرف مع قديش واحد
حاكيه

انا مريت بهاشي كان في شب معجب في تعرفت عليه بالشغل وطلب كتير اطلع معه وكنت ارفض مع اني كنت احكي معاه ع التلفون وبعد كم شهر من رفضي الدائم اتقدملي بس انا ما بدي ارتبط فيه بصراحة ما حبيته عشان هيك رضيت اطلع معاه و اماكن عامةوبعدها ماعاد جاب سيرة الارتباط بلمررررررررررة
بس ريح و ارتاح لاني انا بديش ارتبط فيه بس بدي اصاحب و اتسلى ......
انتي حددي شو بدك و كلك مفهومية
على فكرة الشباب خبيثييييين يعني لما بدك تلعبي معاهم كوني أدهم

يعني بتقولي عن الشباب خبيثين ولم بدك تلعبي معهم كوني ادهم ؟

بالله شو هالنصيحه الفاخره تبعتك

هو في بنت بتحترم نفسها وبتحترم حالها بتحط حالها بمواقف بايخه زي هاي المواقف

الشب الخبيث طبعا بده وحده خبيثه

والشب الطيب طبعا بده وبلاقي الطيبه

الطيبون للطيبات والخبيوثون للخبيثات

سبحان الله الطيور على الشكالها تقع

وبدل ما تصاحبي وتتسلي بسمعتك

بنصحك تستعملي عقلك ترى اللي بتتسلى بطريقتك

بتيجي غز على راسها وبكون الشب بتسلى عليها قبل ما هي تتسلى عليه .

انا مو معك بانه اللي بتطلع معك بتطلع مع غيرك .. لانه ممكن تكون بتطلع معك بس لانها بتحبك مو لسبب تاني .. و بعدين ليه ما بتحكوا نفس الاشي عنكم .. و لا انتو معلش تدوروا على حل شعركم قبل و بعد الزواج ؟!

عزيزتي نحن مجتمع شرقي والبنت التي تقبل بالخروج مع شاب بدون علم أهلها تفقد ثقة من يخرج نعها وفي النهاية يرفض الزواج منها لأنها ممكن أن تخرج مع غيره وكل مايقوله لها مجرد كذب ليتسلى أو ليقضي معها وطرا بهدها يبحث عن غيرها ولو فرضا أنه تزوج منها فسوف تبقى مدينة له بأنها قدمت نفسها له

اولا الرجاء عدم الخوض باعراض الناس و اللي بيحترم حالو بهذب لسانو لما يحكي مع بنات الناس و معي خاصة , و بالنسبة للعقل هاها بعرف كتير منيح كيف استخدمه اذا بدك بعلمك و ما في شب بيصعب عليي لما احط ببالي حدا بعرف كيف استغله و اخليه يركض وراي ولما بدي اتسلى بتسلى بارادتي يعني بكيفي فهمت يا قلبي
يعني اوقات البنت وهي روح (انسان) بكون بدها تحب وبس ما بدها هم ولا ارتباط وهدا حق مشروع واللي بدو يغلط و يسوي حرام بعمل هيك بدون ما يحب
نفس الشي التسلية برضا الطرفين (صحبة بس)كمان وارد بس بحب اكون صريحة من البداية

انا كمان حابة اعرف الجواب... يعني هلا كل الشباب نفس التفكير والا في غير؟؟

انا معك انه هاد هو تفكير المجتمع الشرقي .. بس هاد مو معناه انه هاد تفكير صح .. للاسف مجتمعاتنا .. لانه اللي بعرفوا انه من ناحية دينية عقوبة الرجل متل المرة بهاي الامور .. و ما في اشي بالدين بيحكي انه الزلمة ما بيعيبوا اشي لانه زلمة .

اوخ صحبه بس بهنيكي وبهني اهلك فيكي واذا انتبهتي على تعليقك يا روح امك انتي اللي حكيتي عن حالك وبهدلتي سمعتك وين بتنباع صحبه بس وتلفونات يعني بصراحه اللي استحوا ماتوا من زمان يحميكي لشبابك يا شابه

مو شايفه انها القصه بدها شوية حياء وبنات الناس ما برخصوا بحالهم هاي المعلومه يمكن جديده عليكي
راجعي حالك بتلاقي حالك وافكارك افكار سخيفه وبايخه وافكار مراهقات مش لاقيات مين يضبهن .
لا تتضايقي انا بحب الصراحه من البدايه للنهايه .

بسم الله
لقد تنادى فلاسفة العالم ونشطاء الحركة النسوية في جميع أنحاء العالم بوضع أخلاقيات جديدة لكل من الرجال والنساء
مبنية على القيم الدينية الصحيحه والثابتة
أما بالنسبة للأفكار الجديدة التي ينبغي ترجمتها الى حقائق يتطلب الأمر منا وضوحا في الرؤيا وليس فرصا للتغيير
ف امكانية التغيير الأجتماعي سريعة الخطوات وهي تؤدي الى عدم استقرار جماعي
ولكي نفعل ذلك بنجاح يتطلب الأمر ثلاثة أشياء هي المراجعة النفسية لكل شخص منا تغيير السلوكيات وبشكل كبير خاصة عند أقرب الناس الينا معاهدة جديدة بين الأنسان وبين الله تعالى وهنا جوهر الموضوع والمنطق المبني على نموذج واقعي فنحن من نتجاهل أكواما من المعلومات التي تشير أن السبب الرئيسي لكون النساء والأطفال على مدى الكرة الأرضية يعيشون في بؤس وفقر والسبب أ، الرجال لا يستطيعون توفير مايكفي للنساء والأطفال تحياتي

.........

ليكي اجمالا الشباب كان هيك تفكيرهم انه ما بيتزوج الي بتطلع معه لكن الوضع حاليا اتغير بس المشكلة طلعة ورى طلعة بتتطور الامور وسقف المطالب بترتفع بس اعلمي انه بتكبري بعينه اكثر لو ما تطلعي معه وانك كلما كنت سهلة كلما نزلتي من نظره فكوني عفيفة ثقيلة محافظة على حالك تكبري بعينه اكثر واكثر ولو كان بده يتسلى بيفكر فيكي بجدية بس اذا هو كان بده يتسلى ومو جاهز اصلا ومو مفكر يتجوز اكيد رح يبعد عنك لانه عرفك انك منيحة ومو حابب يلعب فيكي لانك احسن منه

ســـؤال كتيـــــر حلـــــو

أنا من رائيي انه البنت اذا رفضت مثلاً ""انه تطلع معي رح تكبر بعيني ورح تزيد ثقتي فيها ورح اتعلق فيها اكثر""

بس انه يعني في شباب بيسعوا لشغلات ثانية الله يبعدنا عنها اذا البنت رفضت تطلع معه بحطها براسة وبيصير يضايقها وما الى ذلك......

.........

كل واحد بيحكي بأصلو

و فاقد الشيء لا يعطيه ......قبل اعطاء دروس في التربية

للأسف كلامك صحيح.........تحياتي الك

مش كل الناس متلك ............

تعالي علميني .........

فاقد الشيء لا يعطيه

على فكرة الناس اللي بحكو هيك بكونوا هم اللي........
في صحبه شريفة و في ناس ولاد اصول
و كل انسان بلاقي اللي متله
وفهمك كفاية

بدك نصيحتي ولا لا



من الاخر اذا البنت طلعت معي بتلاخص بعيني ؟؟؟



واذا امتنعت تطلع وكنت عارف انها طالعة قبل مع غيري وهي بتنكر وبعرف انها بتكذب بضل وراها وراها لحد ما اكسر عينها واخذ الي بدي اياه وبزحلقلها



بس في بنات كنت اتمنى تعطيني مجال احكي معها حكي وليس طلعة



شوفي عموهههههههههه



الصح صح ولو بدي انطخ



البنت مثل القماشة البيضة اذا اجتها حرق من سيجارة شو بيصير فيها ..... صح ؟؟؟



ديري بالك واذا بدك نصيحتي ؟؟؟



الباب الي بيجي منه الريح سديه واستريحي



الا اذا طبعا انتي بدك تتسلي وتطلعي مع الشباب بدعوى الحب وتجربي ؟؟؟؟؟؟ الكزا





نصيحتي عموه سنفري بحياتك وسمعه اهلك واخوتك





واسالي الي بيقلك تطلعي معه هل يقبل انك تعرفي اخوكي على اخته وتط

شوفي يبنت الناس الواحد بشتري سياره بطلع فيها مشوار يجربها بلكي مكشنته او القير فارط او بدخن من ورا ولا مضروبه شاصي بتعرفي ليش حتى يحصل على اربعه جيد ويمكن يشتريها او مايشتريها

انا برائي مو كل الشباب متل بعض ولو كان قصدو شريف رح هو اللي يرفض انو يطلع معك لانو لو جد حبك رح يكون يخاف عليكي ويرفض هاد الشي .... على كل حال الله يوفق الجميع وازا كان قصدو شريف الله يقربكم وازا مو...الله يبعدكم باقرب فرصه .....تحياتي للجميع

الواحد عنجد بحب بس المشكلة حكي الناس وشك الشخص الي طالعة معا عنجد الواحد شو بدو يحكي بطل يعرف اشي

انا ما قرات كل التعليقات بس حابب احكيلك انو تحياتي الك
يا جماعه ما في قاعده عامه وخصوصا بهاد الموضوع يعني حتى لو نية زواج بتلاقيه بيطل يحكي مع البنت واهلها برتبولو قعدة معها ازا مش مرتين بيكون 3 مرات وما تحكولي انو هاد في بيت اهلها لانو في مطعم او مكان عام نفس الاشي
وبعدين جد بلاش هبل شو ازا طلعت معك بتطلع مع غيرك !! هو الطلعه اصلا غلط ؟؟ لا مش غلط عادي
الى صحبة المشكلة
بدي احكيلك اشي
الشب بيحكم على اي شي يعني في منهم بيحكي طلعت معي ما بدي اياها وفي ناس بيحكو ما بدها تتطلع معي بدها تعمللي حالها .... عشان اتجوزها
نصيحتي الك اطلعي معو ازا كان العرض في مطعم او كوفي شوب بس ازا سينما او حديقة الشب بيكون بدو يلعب وانسيه

انا اسف بس ما فهمت شو قصدك من انو ازا بحبها ما بيطلع معها
انا كنت احب وحدة واموت فيها صحيح افترقنا بس والله حاليا ومن بعد ما افترقنا لو تطلب مني قطعه من جسمي لاعطيها وانا ما بحكي عشان اجاملها لانها هي مش هون ومع هيك انا كنت اشوفها كل يوم وهي روحي اللي بجسمي
معناها لاني كنت اطلع معها ما بحبها ؟؟؟
يا جماعة الخير ابوس ايديكو واحد واحد اتركونا من حكي فاضي
ولسه بيطلعلك واحد بيحكيلك ازا بتحب البنت ولا ممكن تقرب عليها
يا زلمة مشان الله بلاش كل واحد يحاول يعمل ... ويقعد حبيبتو فيها احنا بشر والله
..........

والله الوحدة ادا عجبها واحد وبتتمنى يكون من نصيبها بتخاف تططلع علية بلاش يفكرها اشي تاني الشباب هالايام مفكرين ادا طلعت معو يعني بتطلع مع غيرو ما بيعرف عشانها حبتو !!!

ياريت الكل متلك بفكر

لا تكثر الهف تنهف ترخص لو كنت غالي

تحياتي الك
المشكلة انو هون المجتمع بجد غريب وبس عم يرسم حكايات وروايات بس عشان موضوع ....
مرة صاحبي حب بنت وكان يحكي انا بحبها مستحيل امسك ايدها لاني بحبها وبحترمها وانت يا احمد افكارك مسمومة وضد المراة وما بصير تلمسها ازا بتحبها وبيوم من الايام انمسك في موقف من اللي اياهم
حكتلو شووووووو ؟ كيف ؟ مش بتحبها !!
حكالي يا زلمة زيي زي غيري بدك احكيلك اه انا بعمل مع حبيتي عشان ازا اتجوزتها تحكيلي رضيت تتجوز وحدة كنت تعمل معاها هيك وهيك
نفسي والله افكارنا تصير احسن من هيك
حتى الله وكيلك الغريزة اللي الله اودعها فينا بننكر وجودها في المراة مع انو الاسلام اكد وجودها بس مكسورة بخجلها احنا هون لا بنعترف لا بخجلها ولا غريزتها

الى احمد ياريت الشباب التانين بفكروا متلك

انا حكيت
شب عن شب بيفرق وللناس عقول
وفي ناس يتحكي عادي وناس بتحكي لا مو عادي
وسدقني في ناس بتحكي عن شغلات يمكن مارين بهيك حاله وشكرا

مع حبـــ نوره ــــي

ياريت الشباب يفهمو متلك بس ياريت تعمل على الفيس هيك موضوع وتفهمهم بلكي صارو يفهمو (ممكن سؤال كم عمرك انا 17 بتشرف بالحكي مع هيك واحد فهمان وبهالايام قليل

الى (39) احمد
انا بعرف ليش صاحبك يا احمد قال مستحيل امسك ايدها لأنه كان على وضو وخاف يبطل وضوه عنجد

حسب نوعية الشب
اذا كان قرن ما بتفرق معه بتجوزها
اما اذا شب عتعوت:) بتبع قاعده طلعت معي بتطلع مع غيري

والله يا احمد ما انت قليل طلعت ؟؟؟

طيب ممكن اطلب منك طلب ؟؟؟

...................

حرام تكون عايش مع هيك نوعية من الشباب عنجد عنجد نيال الي بتحبها او الي رح ترتبط فيها

انا بايدك وكلامك صحيح مية بالمية

ممكن تخلي ..........

..........

عجبتني يا احمد ...........

شو يا احمد شو بالنسبة .....

هاي احمد كيفك بدي احكيلك كلمة غرام بالفرنسي ...........

..........

ييييييييييييييييييييييييييييييي قد ما بتسالوا هالسؤال وحياه عيوني انها عارفه الجواب بدون ما تسال

........

.....

انا بأيد حكي نوره 100%

عقل عن عقل بيفرق يا حبيبتي فمنشان هيك
الحل عندك انتي مو عنا

اتمنالك السعاده

......

تركتوا المشكله .. وكلهم عليك ....خخخخخخخخخخخخخخخخخخخخخخخخخخخخ

الى احمد كلامك منطقي كتير صراحة... و اللي متلك قلال و الله و الحمد لله انو اللي بحبو تفكيرو رااائع و مو متل غيرو و ربي يوفق الكل..

بصراحة اللي بتطلع معي وبتعطيني رقمها بصراحة بصراحة عند الجد والزواج مهما كان حبها عندي لانه الزواج مصير ما برضى اخطبها او اتزوجها وتكون ام اولادي ، يعني اللي بتخون اهلها ما بدها تخوني ، بعدين شو اللي بضمنلي انها مش كاينه مصاحبه قبلي...

ما في مجال نعمم لانه مو كل الرجال مثل بعض بيختلف التفكير من شخص لآخر في اللي بيفضل انسانه عارفها وفي اللي بفضل انسانه خام ما عرفت حدا بحياتها.....لكن انا رح انصحك بشغله....استفتي قلبك بهالموضوع..هل فعلا انتي على استعداد تطلعي مع شخص وتفقدي رضا ربك وثقة اهلك ورضاهم وغير هيك ممكن يجي يوم تكرهي نفسك فيه وتعلنيها...لو مكانك بفضل على ما انا عليه انسانه طاهرة وما عمري حكيت مع حدا محرم علي احكي معه وانا اولا واخيرا ما رح آخذ الا نصيبي فليش اخسر ثقة اللي حولي والاهم ثقتي بنفسي على شان تجربة احتمال تكون فاشله ولو قدر لها انها تكون ناجحه وكان هالشخص هو نصيبك كوني على ثقه انه هو رح يجي عندك من غير ما تطلعي معه 

ديري بالك تغلطي هيك غلطه.. لأنه شو ما كان الشب فايع آخر شي مش رح يقبل يرتبط ببنت كانت بتطلع معاه او بتحكي معاه تلفونات يعني بتخون اهلها.. يعني رح يحكي لأهله وقت الجد بدي بنت (( مؤدبه )) حتى لو كان طالع مع ستين بنت . لأنه بدو وحده تربي ولاده تربيه صحيحه و بأمن على بيته لما يطلع منه.. و دائما الشباب لما بكونو بدهم يخطبو بنت بحكو لأهلهم (( بدي بنت متدينه بس بدون لحيه )) فهمتي شو القصد ؟؟ يعني مؤدبه و بتخاف الله و ما بتطلع مع شباب او تحكي معاهم.. و الله يسترك و يستر جميع بنات المسلمين .

سؤالك يدل عل ذكائك , سيدتي العزيزة اذا اردتي الزواج من رجل يجب ان لا تخرجي معه واذا الح فل ياتي من الباب وليخطبك من اهلك .وسوف يتمسك فيكي اكتر اذا لم تخرجي معه . والله ولي التوفيق

لا تطلعي مع اي شب الا لتتزوجي

.AND BE SURE THAT HE LOVED..

أقولك رأي وبكل صراحة مثل ما حكت معه حكت مع غيرة أصلا لاتقبلي منه نصف حرف

.......

بتخيل انه هالافكار انتهت يعني هلا ما حد برضى يرتبط بشكل تقليدي انه تجيبيه وتحكيله هادي العروس بدو يعرفها وبدو يحكي معها يعني صار شي طبيعي

لا طلعت البنت مع الشب او حكيها معه مش طبيعي مش بس مايقبلة الشرع كمان في عادات وأعراف وتقاليد تحكمنا طبيعي ع المجتمعات الغربية مش ع مجتمعاتنا وانا برأي كل واحد يتزوج مثل ماإتزوج أمة وابوة

اصدقائي الجميلين

انا اسف ازا ما رديت لانو بتعرفو عجقة العيد , انشاءالله كان عيد سعيد الكم كلكم وينعاد عليكو وعلى حبايبكو بالسعاده

انا عمري 28 سنة يعني ختيار شوي ههههه

انا كتير رح اتشرف بصداقتكم......
..................

...........

كتير بشكركم سواء وافقتو على وجهة نظري او لا وخصوصا اللي اتبدل ردو الي بنقاط انا بشكرك

بالنسبة لموضوع اعمل صفحة على الفيس بخصوص هاد الموضوع صعب شوي لانو انا دايما بيتهموني باني شخص مش منيح وبشجع البنت على الانحراف وانو بحب انتشار العادات السيئة

وطبعا بيجي حدا بصير يحكيلي انت ما عندك خوات !

بترضى تطلع مع شب !

ومن هالحكي

بس يا اخوان والله اللي مربية من عند اهلها بتوثق فيها تروح على اخر الدنيا مش تقعد في مكان عام مع حدا

اي والله اللي بدها الصياعه من على سطوح بيتهم بتاشر لابن الجيران او هي رايحة عمكان دراستها او حتى بالسوق ربو منيح واوثقو في بناتكم وخواتكم اريح والله

الى 69

انا امي وابوي تزوجو عن حب

يعني لازم اتزوج زي ما تزوجو امي وابوي

؟

......

الى صاحبه المشكله بترجع للشخص نفسه كل شخص بيختلف رايه عن التاني ما بنئدر نعمم جواب واحد لكل الاشخاص والى احمد كونك دخلت الموقع فانك دون شك صديق للجميع الا ازا في عند حد راي تاني ووووووووووووووووووووووووووووااااااااااااااااااااا ....

يا ستي ما بعني عن حب انهم يطلعوا مع بعض ؟؟؟
الحب يعني الله رمى في قلب الانسان محبة فلان او فلانه من الناس

مش معناته انه يطلع معها ويقعد ويتسامروا

الدين نهانا عن الخلوه ببعض

يعني مين تتبعي كلام الله ولا كلام اللي حبوا

يا احنا مسلمين وبنتبع الدين بكافة تفاصيله

يا احنا اسمنا اي شي تاني الا مسلمين

الحب كرامه الحب خوف على الانسان اللي بنحبه لأي كلمه تجرحه ولا حتى نسمة هوا تمر جنبه

الحب الصحيح الراقي بكون زواج من البدايه وعشره جميله كمان من البدايه للنهايه

ما بعني انه اي اتنين حبوا بعض وما خلوا مكان يعتب عليهم الا قعدوا فيه واو راحوله واتزوجوا يعني هاد الصح

الحب ارواح مجنده الله بجندها لتجتمع مع بعض في الحلال

وبطرق صحيحه

الحب نور وابدا ما بتخبى عن عيون الناس ولا الأهل الحب علانيه فيها خاتم زواج


والله ما بعرف مين اللي حط براس الناس انه الحب يعني لازم اقعد مع الانسان اللي حبيته ندرس بعض ونشبع من بعض ونزهق من بعض وبعدين نتزوج

الحب ود واحترام وهدول بنلاقيهم عند حسن اختيار صاحب الخلق والدين صاحب السمعه الطيبه .

يمكن كثرة المسلسلات التركيه والمصريه والسوريه والمسلاسلات الامريكيه والمكسيكيه واليخاندروا خلت الانسان المسلم والعربي يفكر انه الحب تحصيل حاصل ولازم نحب قبل الزواج ونضرب صحبه مو عيب ولا حرام وما فيها مشكله واللي بعملوا الناس انا بعمله وما حدا احسن من حدا وهي وقفت علي أنا !!

تشوهت افكارنا ببعدنا عن دينا وضاعت هويتنا الاسلاميه وهويتنا العربيه بأصالتها وبتقاليدها وبجمال اخلاقها وقيمها .

وضاع مفهوم الحب الجميل والكبير والناصع وادعوس بالرجلين .
يا حرام يا هالحب شو عملوا فيك وشو لزقوا فيك تهم انت بريء منها !

إلى دعاء لاتحكيلي عن زمن أمك وأبوك النفسيات كانت غير ونظيفة وأنا لأول مرة يمر علي بنت بدها تحكي مع إفلان وعلان بداعي الحب سواء في مكان عام أوغيرة وإذا حبها عنجد مايعرضها لأي كلمة أو سمعة تمس سمعتها أي مالا زم يطلب يحكي معها أو تقعد

فعلا البنت الواثقة من حالها لو راحت ع اخر الدنيا ما بيصرلها ا ااااااافت هسا احنا بدنا نغير العقول المتجمدة ع قولة نجوى(كل واح حر بحالووووووو الحب موجود ورح يضل غصب عن الكل

الى الجميع كل واحد منا يتحدث حسب الطريقة أو البيئة التي عاش فيها والحب موجود بس الجميع فاهم مفهومه غلط إرجعو ع أكتاب روضة المحبين ونزهة المشتاقين للامام شمس الدين محمد الحنبلي وتعرفة معنى الحب الي تحكو فية

زمنا غير يا دعاء هلا نظرة الشب للبنت مو متل زمان

احلى تحيه مني الك احمد وبحيك على تفكيرك يا ريت معظم الشباب يفكرو متلك وانا مو ضد تفكريك بالعكس انا بايدك ومعك كمان وعيدك سعيد.....

تسلميلي يا زوق والله يسعد مساكي

الحقيقه انكم مكبرين الموضوع ايش المشكلة اذا طلعتي معه الى مكان عام اذا انتي واثقه من نفسك. بعدين الشب الي بده يطلب من البنت هذا الشي اكيد بتكون تعرفه مش نازل من السماء عليها يعني اكيد بتقدري تقرري اذا كان قصده اللعب و التسليه او قصده شريف انا براي انه عادي و طبيعي و صحي انك تقبلي تطلعي معه بشرط الجديه و هاد الشي الفتاه وحدها بتقدر تحكم عليه و قصة انه البنت الي بتطلع مع شب ممكن تطلع مع غيره هاد حكي فاضي وانا مسؤل عن كلامي.

انت مسؤول عن كلامك انت بس

بس كلامك مش منزل ولا قران كريم

بعد كلام الله ما في كلام

وبعد قول رسول الله ما في قول

عمرك قرأت بالقران الكريم

ونفس وما سواها فألهمها فجورها وتقواها "

اذا قرأتها بتعرف انه الله وحده بعرف الانسان اللي خلقه وبعرف نفسه ونفسيته
وبعرف انه في داخل نفسه في الفجور وفي التقوى وهدول بطلعوا في اي وقت عند الانسان اذا توفرت الظروف المناسبه .

اتقوا الله بانفسكم الدنيا ما بتغني عن الاخره

واتباع اوامر الله واجتناب نواهييه فيها مصلحة الانسان .

الانسان ما بجيب للانسان الا المصايب لانه نصايحه من هوى النفس

اما الله خالقنا فبنصحنا لخيرنا مش محتاجنا ولا بنضره باي شيء .

ما تستخفوا باي عمل بتعملوه بكره بتوقفوا بين يدي الله وبتتمنوا الحسنه بتتمنوا عمل صالح عملتوه الله يهدي الجميع لطريق الحق ولطريق الستر ولطريق العفه

هذه قصيدة جميلة للامام الشافعى فى التعفف يقول
عفوا تعف نساؤكم في المحرم ...... وتجنبوا ما لا يليق بمســــــلم
إن الزنا دين فإن أقرضته ...... كان الوفا من أهل بيتك فاعلــــــــم
يا هاتكا حرم الرجال وقاطعا ...... سبل المودة عشت غير مكــــرم
لو كنت حرا من سلالة ماجد ...... ما كنت هتاكا لحرمة مســـــــلم
من يزن يزن به ولو بجداره ..... إن كنت يا هذا لبيبا فافهـــــــــم
من يزن في قوم بألفي درهم ..... يزن في أهل بيته ولو بالدرهـم

هلأ الشب موضوع الارتباط عنده حكالي مو قبل سنه بس هو حابب يتعرف علي اكتر بس لانه كان خاطب وترك وهاي المره حابب يتعرف هو ع البنت لما يقرر يرتبط فيها بعدين انا عرضت عليه يجي ع المكتب هلأ مبدئيا هو وافق يزورني بمكتبي بس بصراحه اكتر تلفون بيني وبينه يا دوب 10 دقايق وانا ما برنله كتير الا لما هو يرنلي بس دايما بيحكي عن حبه الي واشتياقه بس بصراحه انا مو عارفه نيته الزواج او التسلية بس هو شب متعلم وشغله مرتب جدا وابن عيله بس بصراحه هو رومنسي جدا اكيد فاهمين علي بس انا مو عارفه نيته وشو بده مني ؟؟؟

يا اخت العزيزة نحن في عام 2011يعني غير زمان المهم اذا الشب يريد الارتباط فيكي وبشكل جدي لا مانع من اتجلسي معا بس لمرة واحدة في مكان عام وامام الجميع وبعدها يتفضل يطلب من اهلك اما بنسبة الى بنت طلعت معي

نعم اتزوجها ليش كل البنات مو واحدوربي يستر على كل البنات اللهم ارضى عن امة محمد

عيتك في البظاعه وبتحكي يفتح الله انتي حابه تطلعي صح بس انا حاب احكيلك مش هو قصدو شريف يشرف على البيت ويطلب اذا حاسس انو قدها وهيك بتعرفي معنى السؤالك

.............



بالاخر للي بيقول الحب اصل الزواج وكذا ..... كل واحد حسب تربيته اذا البنت بتشوف اخوها بالبيت بيحكي ومصاحب بنات بتقولك شو يعني خليني اصاحب فبتتعلم من اخوها



وبالنهاية الكل حسب تربيته وما بيشوفه في بيته ؟؟



يعني البنت اذا مربيه في بيت محافظ اي والله لو مليون ... واشكاله ما بيقدر يوقفها يقلها مرحبا ...





وبالنهاية لصاحبة المشكلة :



روحي عموه اطلعي معه وبس يصير معك اشي بترجعي تكتبي مشكلتك وبنرجع نعلق عليها ؟؟؟؟؟؟؟؟؟؟

واذا البنت طلعت

اختي الفاضلة : انا درست في ثلاث جامعات واستفدت كثيرا ومن الاور التي استفدتها:
- الفتاة كالزجاجة اذا كسرت لا يمكن ان ترجع كما كانت .
- اذا حافظت البنت على شرفها وعلى كرامتها كانت محط احترام وتقدير كل الشباب وتمنى كل الشباب ان يسمعوا منها كلمة او حتى ابتسامة.
- كثير من الشباب ارتبط مع بنات بالزواج لانها رفضت الكلام معه او الجلوس معه .
اختي الفاضلة: انت يبدو لي انك تحبين الشاب لانك سالتي هذا السؤال فانت تخافين اذا رفضت الخروج معه ان يتركك او يتهمك انك لا تحبينه او لا تثقينه به, وفي المقابل اذا خرجت تخافين ان يتركك لانه سوف يقول كا قال كثير من الشباب انه التي نخرج معي تخرج مع غيري , فانت بين خوفين , ولكن يا اختي الفاضلة انا انصحك بعد الخروج لانك سوف تكبري في نظره اذا كان صادقاً في علاقتك اما اذا كان كاذبا فلا يهمك زعله الا اذا كنت انت كذلك كاذبه في علاقتك معه .
بالاضافة الى امر في غاية الاهمية انه اذا خرجت معه وكان صدقا في علاقته معك ويريد الارتباط بك , بعد الارتباط والزواج وذهاب السكره ومجئ الفكرة ربما يعيرك وتبنى الحياة الزوجية على عدم الثقة لان الحياة الزوجية مش كلها عسل . وشكرا لصبركم على قراءة ما كتبت .

الى وجهة نظر

مشـــالله عليك
زينت العقل وانشالله تفهم البنت وترد عليك
مع خالص الشكرر
اتمنالك السعاده

اسئلي هذه السوال لشب لو ...تعرفت على شب وطلب منها انها تطلع معا بترضى.....انا اطلعت مع بنات بس البنت الي طلعت معهم ما فكرت اني ارتبط فيهم........اظن الجواب وصـــل

فعلا شباب هالأيام تفكيرهم ....وخاصة لما يكونوا بحبوا وبطلع مع الي بحبها وبعدين ما برتبط فيها لأنها طلعت معه وبروح يدور على بنت تانية حتى يرتبط فيها طيب شو بعرفك انه هاي البنت التانية ما طلعت ما غيرك ؟؟؟؟؟؟؟؟؟؟؟؟؟؟؟؟؟؟؟؟؟؟؟؟ كيف رح تعرف يعني ؟؟؟؟؟؟؟؟؟؟؟؟؟؟؟؟؟

اختي الفاضلة : انا درست في ثلاث جامعات واستفدت كثيرا ومن الامور التي استفدتها:
- الفتاة كالزجاجة اذا كسرت لا يمكن ان ترجع كما كانت .
- اذا حافظت البنت على شرفها وعلى كرامتها كانت محط احترام وتقدير كل الشباب وتمنى كل الشباب ان يسمعوا منها كلمة او حتى ابتسامة.
- كثير من الشباب ارتبط مع بنات بالزواج لانها رفضت الكلام معه او الجلوس معه .
اختي الفاضلة: انت يبدو لي انك تحبين الشاب لانك سالتي هذا السؤال فانت تخافين اذا رفضت الخروج معه ان يتركك او يتهمك انك لا تحبينه او لا تثقين به, وفي المقابل اذا خرجت تخافين ان يتركك لانه سوف يقول كما قال كثير من الشباب انه التي تخرج معي تخرج مع غيري , فانت بين خوفين , ولكن يا اختي الفاضلة انا انصحك بعدم الخروج لانك سوف تكبري في نظره اذا كان صادقاً في علاقتك اما اذا كان كاذبا فلا يهمك زعله الا اذا كنت انت كذلك كاذبه في علاقتك معه .
بالاضافة الى امر في غاية الاهمية انه اذا خرجت معه وكان صادقا في علاقته معك ويريد الارتباط بك , بعد الارتباط والزواج, وذهاب السكره ومجئ الفكرة ربما يعيرك, وتبنى الحياة الزوجية على عدم الثقة لان الحياة الزوجية مش كلها عسل . وشكرا لصبركم على قراءة ما كتبت .

والله العظيم ماحدا كلامه منطقي المنطق بالموضوع الدين والعادات والتقاليد التي تحكم مجتمعنا المسلم الشرقي،
اذا البنت طلعت مع الشب في هذا الزمن ( الحلال بين والحرام بين وبينهما امور مشتبهات) وهاي الطلعة من الامور المشتبهات اذا بده الحلال بيجي مع اهله لبيت اهلك وبيصير الحلال

عموه باين عليكي .....؟؟؟

شو يعني كيف بده يعرف انها طلعت مع غيره او لا ؟؟؟؟

عموه اذا الواحد بده عن جد يتزوج بيروح بيسال عنك بالجامعة ومين زملائك ودفعتك وحتى بالحي الي انتي ساكنة فيه بيسال عنك وعن اخلاقك واذا كنتي طالعة مع ناس ولا لا ؟؟؟

وبعدين مين قالك انه الشاب لما يطلع مع بنت للتسلية ما بيكون حاكي لعشرين واحد من اصحابه عشان يتباهي انه طلع مع البنت الفلانية ومصاحب بنت حلوة ؟؟؟

احصي عموووووووو


اي انا كنت بالجامعة اتلااهن مع اصحابي مين يزبط البنات اول

تعرفي عموه لما اجيت ارتبط سالت عنها بالجامعة وبالمدرسة وظليت اراقبها لمدة ستة شهور وهي ما تعرف ؟؟؟؟؟؟

اهلين عموه هي الجيزة لعبة صغار

وبدي اقلك نصيحة :
الحلال بين والحرام بين

يعني يمكن تحكي لحالك خليني ارتكب هالمعصية ما في حدا شايفني ويمكن تزبط معك مرة واتنين وثلاثة وما حدا يشوفك بس بالاخير رح حد يشوفك ونسمع ....... ؟؟؟؟

بدي اقلك قصة وحدة متزوجة وعنجها اولاد شافت شاب باحد المجمعات اعجبت به لدرجة فلحقته هي وطلبت موبايله وتكلمت معه واستمرت معه اسبوعين ثم اتفقت على لقائه وتطورت العلاقة الى ال حرام لمدة 3 شهور وبالنهاية كشفها الزوج وتم ضبطها وتم سجنها 5 سنوات

شوفي متعة يوم دمرت اسرة باكملها

انا بالاصل من محافظه غالبية سكانها من الفلاحين بمعنى اخر قروي والجواب هو في مثل فلاحي بيقول من جاد الك جاد لغيرك ومثل ثاني بيقول اذا ضحكة البنت وبين نابها الحقها ولاتهابها بمعنى اولا مبداء الصداقة المنتهيه بحب مزعوم ويكلل بالزواج هذا شي مستحيل لذلك اذا انا تعرفت ع بنت وصارت علاقه قويه تجاءة وطلبت تطلع معي سواء بمكان عام او خاص وسواء هي وافقت او رفضت كلاهما سيان وباختصار موضوع الارتباط بها مستحيل لانه انا ما تجراءت وطلبت تطلع معي الا في حديث ساخن صار بينا واللي بده البنت يخطبها او يتزوجها في الها دار اهل با امكان حسب العادات والاصول يسال ويدق الباب ولا ينط من فوق السور وبالنهايه بنقول لكل شاب وبنت ادخلوا البيوت من ابوابها

وعفكرة انا كمان ما بقبل ارتبط بشاب كان يصاحب ويطلع مع بنات لانه بكون يعمل اشي ما برضي ربنا قبل ما يكون مابيرضيني
ولاني بدي اكون اول وحدة بحياته وان شا الله نكون مخلصين لبعض

اذا لم تأخذ حبيبتك ستأخذ حبيبت غيرك

طب بدال ما تكعدي انت وياه بمكان عام والناس يشوفوكم وانتو ناوين على الزواج فهي بيت اهلك ليش الف والدوران

.........

رفضت الطلعه معه وهو رفض الحضور لمكتبي وهلأ عامل حاله زعلان بطل يحكيني ولا يرن علي شو رأيكم ؟؟؟؟؟

طيب هلا

انتي لازم اذا حكى معك تحكيله انه انت ما بتحبني وبتكزب علي وبتتسلى معي

واحكيله بدك ياني روح اخطبني من اهلي

او اذا بدك بتيجي لعندي ع المكتب

وشوفي شو رده

الفتاه كالزجاج والباقي عندكو

لا شيء يرفع قدر المرأة كالعفة ...... ولا شيء يرفع من قيمتها إلا أخلاقها ..... ولاشئ يرفع من درجتها إلا إيمانها وتقواها ...... وإذا اجتمعت هذه الصفات فى المرأة ....... تكون اللؤلؤة التى ينتظرها كلّ شاب يخاف الله تعالى ...... أما عكس ذلك فكلّه إلى زوال ولن يفيد المرأة في شيء

والله والله والله والله والله والله والله والله والله انك صادق الى جميع المعلقين قراءة تعليق 97 فعلا حكي صحيح يعني روح اتزوج وحدة بتعرفها شو هيا وبلا ش تروح تشوف وحدة تعمل حالها شريفة مكة

ان لم تاخذ حبيبتك ستاخذ حبيبة غيرك

عفوا؟؟؟؟؟ الجواب من ضمن السؤال
والبنت المحترمة ما بتخرج مع اي شخص لانة في فترت خطوبة
السؤال؟
انتي بدك تطلعي معه بس بدك مبرر لتصرفك الغلط
باييييييييييييييييييييييييييييييييييي@@@@@@@@@
.....

انا من الاول ما بدي اطلع معه

واطمن لما رفضت اطلع معه انتهى كل شي

السلام عليكم ورحمة الله وبركاته

الصراحة ان كل واحد اله طريئة خاصة بتفكيره يعني هيدا شي ما بتئدري تعمميه هلأ ازا البنت بتئبل انها تشوف شب اكيد بيكون كرمال انها بتحبه بس بدك الشب يعرف هيدا الشي وبصراحة مو عارفة شو احكي والله هيدا الموضوع صعب بس برجع وبئول ان مو الكل تفكيره سيء يعني زي ما في ناس منيحة في العكس اكيد بعدين بصراحة البنت بتبين ازا انها طالعة مع واحد او اكتر يعني من حركاتها وتصرفاتها واسلوبها ومن نظراتها اكتر شي يعني هاي الامور كلها بتبين البنت ع حئيئتها .

باااااااااي

مساء الخير للجميع...
أنا بتصوّر انو فعلا كل واحد الو طريقة في التفكير بهالموضوع... على سبيل المثال أنا بحب أعرف البنت اللي بحكي معاها و بتمنى أشوفها... بس في كلتاالحالتين سواء رفضت أو قبلت تطلع معي... ما رح تتأثر العلاقة و تنهز... لأن في النهاية علاقتنا بتكون مبنية على الصراحة و التفاهم.. يعني ممكن البنت تكون ما مشيت مع حد قبلي بس ارتاحتلي و وثقت فيّ...
على عكس بنت تانية ممكن ترفض تطلع معي و تتمنّع و هي "عاملة السبعة و دمّتها"...
الشغلة نسبيّة و ما بيصير نعمم على كل الحالات
بحب أحكي لصاحبة الموضوع... الإنسان ممكن تكتشفيه بذكائك و تفهميه منيح اذا كانت نيّته صافية أو لأ
و بحب أحكي للكريشانية.... بحبك

قال رسول الله صلى عليه وسلم : ( إن في الجسد مضغة إذا صلحت صلح الجسد كله وإذا فسدت فسد الجسد كله الأ وهي القلب )