الله يعطيكي العافيه بس وين المشكله اللي بدها حل؟ تخايلي انك متزوجه وعندك اولاد بالاضافه الى وضعك الحالي انتي بالف خير بس حلو تاخدي اجازه يومين وتطسيهم نوم بنوم بلكي ارتاح جسمك واستعدتي لياقتك

ولا مشكلة ولا اشي بكرة بتتخرجي وبتخلصي وبالعكس الانشغال رحمة لانو الفضاوة سيئة بتحسسك بالفراغ والاحباط اتوكلي على الله واصبري ...

مساء الخير
انتي اخترتي هذا الشي ولازم تصبري
انشالله على خير بكره بتتخرجي وما بضل اشي صعب
خذي فترة استراحه
وهيك ما راح تتعبي والله يوفقك

مرحبا
انا حسس فيكي لاني تقريبا بنفس وضعك بس حاولي تخلي في يوم في الاسبوع راحة ما تعملي في اي شي غير انك تسترخي وتعملي اشياء بتحبيها ونضمي وقتك بين الدراسة والشغل والله يوفقك يا رب

راحتك انك اتضيفي اميلي عندك ......... ياهوو وبترتاحي هذي نصيحتي

الله يكون بالعون -بس كل الناس مشغولي --هانت قربتي تتخرجي اصبري

الموضوع عادي جدا ما في مشكلة , بدها تنظيم وقت و شوية صبر بس . انا كنت اشتغل من 7:30 لغاية الساعة 4 و بعدين اطلع على الجامعة بحضر المحاضرة من 6 لغاية الساعة 9 مساء و بعد ما تنتهي المحاضرة بروّح على اهلي في جرش بوصلهم بتكون الساعة 11 ليلا . مع العلم انه شركتنا حتى السبت بنداوم.

خلي وقتك فُل في شيء كويس و مفيد بدل ما تضيعيه في الغيبة و النميمة و القيل و القال و دواوين النسوان الفارطة

وبالنهاية الله يوفقك و استعيني بالله القادر على كل شيء

تحياتي

انا شايف انه الوضع طبيعي و الي بده يصير بتحمل انا بروح من دوامي على دوام تاني وما بعطي مواعيد وما بشوف حد بس اذا ناويه ترتاحي جد خلص بلا منها الدراسه و الشغل و اقعدي ب البيت و كافي عليكي تطبخي و ترجعي تنامي او تستنى نصيبك ب البيت.هاد احسن حل عشان ما تكوني تعبانه ومرهقه...وتتشكوني

انا بنفس وضعك بالاضافه الى طفل وزوج ؟..؟

زوج غير متعاون ابدا ولازم ما ينقص عليه شي حتى لو بموت ..

واسهل شي عندوا خلص ما في داعي تدرسي او تشتغلي اعدي بالبيت ..فبسكر تمي نهائيا وكانه بذلني بالشغل والدراسه مع العلم اني مو قصره معو او مع ابني نهائيا ..انا هلا يلي بدي حل مو انتي ؟؟؟

يعطيك العافيه ... انت عم تتعبي صح بس لتحققي انجاز في حياتك .. بنحييك ع طموحك صديقتي ومعلش اتحملي شوي في اجازة العيد عل ابواب حاولي تستفيدي منها وترتاحي قد ما بتقدري يعني شكله اجى وقت انك تسترخي ولا تحملي حالك فوق طاقتك بلاش تنهاري .. اذا في مجال اجلي فصل منها بتجمعي مبلغ وبتقدري تاخدي اجازة من الشغل وقت الفصل ما يبلش لو شهر بس انك تعيشي شوي حياتك بدل الركض بس اشكري الله ان ركضك مو عل الفاضي انت عم تركضي عشان تحققي مستقبلك والله يوفقك

قولي الحمد لله اول شي يعني ما شاء الله بتشتغلي و بتدرسي,,و ما ضل شي غير فصل,, و الله يا بنت الحلال انا مهندس و مش لاقي شغل و حاب اكمل دراسة بس الظروف مش ملائمة والله يوفقك ولا تنسي انه من جد و جد و من طلب العلا سهر الليالي

اغلبك يا مهندستنا بدي طريقة عمل المسخن البلدي مع صحن ملوخيه

الله يعطيكي العافيه
بس تعب عليكي انتي هاد الشي
اختاري شغله من الثنتين
الدراسه
الشغل
لانو حراام هيك ارحمي جسمك

الى فارس بلا جواد
ههههههههههههههههه ما افضى بالك

الف مبروك سلف على الماستر , ومنها للدكتوراه ان شاء الله !!
اختي الكريمة الله يقويك وتتحملين هذه الفترة المتبقية للماجستير , ويعطيك الف عافية على قدرتك على التحمل و لكن كما قال المعلقون الكرام (( طموحك يحتاج ويتطلب هذا التعب ))
انا من رأيي ان تتفقي مع صاحب المكتب على الدوام الجزئي على اقل تقدير لهذه الفترة فقط , او اذا كان انسان متفهم اعطاؤك اجازة بدون راتب - هنا انا لا اعلم وضعك المادي فالفصل الاخير تكونين قد دفعت الرسوم ولا تحتاجين الا المصاريف - او التوصل لحل مع الدكتور المشرف على رسالتك كونك مرتبطة بعمل واستئذانه بتحديد جدول محدد يناسبه هو للمرور عليه لتنقيح وتعديل الرسالة او مناقشة مواضيع *(( تخص الدراسة فقط ))*
والله يوفقك ويريحك نفسياً وبدنياً وينولك مرادك يا باشمهندسة !!!!

دراستك اهم من الشغل كونك بلشتي وعلى وشك تخلصي .. وحتى تريحي حالك احكي لمديرك انه يكون دوامك بس للساعة 3 لمدة سنة عشان تخلصي من دراستك واذا ما وافق حاولي تقليل جهدك بالشغل يعني بطئي بالشغل والمواعيد .

انت بنعمه احمدي الله عليها
اولا الوظيفه
ثانيا الدراسات العليا
ثالثا عدم وجود وقت فراغ يقتلك نفسيا
احمدي الله وكفي عن التذمر وتحملي لتصلي الى مبتغاك
فهل تتوقعي منا ان نقول لك اترك الوضيفه او اتركي الدراسه مثلا

الالالالالالالالالالالالالالالالاللالالالاالالالالال

حاولي تقللي من وقت نومك واضغطي حالك شوي بتمشي الامور يعني انتي مش رح تظلك 5 سنوات على هالحال... هيك بالرسالة يعني كلها اكم شهر وبتخلصي.. ربك بهونها..

ضحكتيني يعني من 9 ل 6 المسا هيك دوامك طويل هههههههههههههه
طيب انا بصحى الساعة 7 بطلع على الجامعة وبعدين على الشغل وبصل البيت الساعة 10 بالليل
جاي تحكي من 9 ل 6

... انتي

يا شيخه احمد ربك بتشتغلي وبتكملي دراااسه في ناس غيركي مو لاقي لا شغل ولايكمل دراااسته... طيب لا تكملي دراسه مين ماسسكك ...وبعدين الدرااسه كلها كم سنه مو العمر كله بدك تصبري والى بده يوصل ويصير في هالمجتمع بده يتعب كتير كتير

الله يرحم جدتي كانت تصحى من الفجر وتصلي الفجر وتحلب خمسين عنز وتصفي الحليب في السقا وتروح تحطب وبعد الحطب ترد عين الماء وتجيب القرب وترجع تعجن وتخبز وترد عالطابووووون وتفطر جدي وبعد ما يطلع جدي تروح تكنس زبل الحلال وتنشره مشان الطابون , وبعدين يا طويلين العمر والسلامه بتكون صارت الساعه عشره .. بتحط الحليب في السقا وبتقعد تخض الحليب مشان تطلع الزبده للساعه 12 بعدها بتطلع عالعين وبتوخذ غسيل جدي بتغسله وبتحمله عالحمار وبتجيب معها قربتين مي عبتهم بعلبة سمن فاضيه مسصديه , وبترجع للدار بتكون الساعه صارت وحده ونص,, سامعين يللي تصلو عانبي,, بصير وقت العجين للغدا ,, بتعجن من جديد وبتخبز ,, وبتطبخ شوربة العدس لجدي عالناااااار مو عالغاااااز,,, وازيدكم من الشعر بيت ما كان عندها ميكرويف وبتفت الخبز في المعجان وبتجهز غدا جدي ,, بكون جدي حضر عالفرس ,, بتطلع تربط الفرس وتغديها شعير ,, بترجع تغدي جدي بتقاه نايم من التعب والغداء برد,, عفوا الشوربه بردت,, بتصحي جدي بكون مو مصلي العصر بتحهزله بريق الوضوء بصلي العصر والمغرب بتكون صارت بصليها بتغداء غداه بعشاه,, بيجي الحلال مع الراعي بتحلبه وبتعشيه وبتعشي الراعي وبعدين بتصفي الحليب في السقا بترجع جدتي تزبل الطابون بتكون الساعه صارت ثمانيه وربع تقريبا بتلقى جدي نام من جديد بعد ما صلى العشا وبتظل جدتي على لحم بطنها من الجوع ومن التعب مش قادره توكل,, وهاتي ياجدتي استريحي مشات توكلي لقمه ما في وقت بتكون الساعه صارت عشره ونص والحج جدي بشخر من التعب وجدتي,,,, يااااا حصره عليكي يا جدتي من التعب مش قادره تنام وطول الليل صاحيه من وجع رجليها وبطلع الفجر لليوم الثاني,,,, اكمل يا اخوان؟؟؟ ردوا علي,,, نسيت اخبركم كان اللاب توب اللي عندها من نوع دل

والله شغلتك طويلة يا هملالي....!!!!

ما ودك يا رجل,,, البنت تعبانه عنجد

واااااااااااااااااااااااااو جد شي رائع الي ائعده انا عم بسمعه مافي حكي الا انه الله يعطيها العافيه ازا لسى عايشه وازا لا الله يرحمها برحمته يارب جد جددتك هي قمه لنساء اليوم وفي عملها يعني اي ست قرأت الموضوع هاد الي انت كاتبه عن جددتك االرائعه بتمنى تكون استفادته واخدت عبره مع انه زمن اول حول ونحنا بزمنا والمفروض نعيش زمنا لانه هداك زمن وهاد زمن ع كل حال الله يرحمها ويرحمنا جميعا طبعا الرحمه بتجوز ع الميت اكتر من الحي جد انا استمتعت كتير وانا عم اقرأ كلماتك ..:)الك مني كل الاحترام

المشكله فيك انت .. ترتيب الوقت علم...مارسي الرياضه.....

حبيبتي ياتعبانه احمدي ربنا انو عندك رجلين لتروحي عالجامعه وايدين تمسكي فيهم كتبك وعقل تفكري فيو لتكملي شغلك وعيون لتقراي رد زي ردي لانه ياما في ناس ما عندهم رجلين او ايدين او عقل او عيون وبيتمنو انه يكون عندهمك اكتر من شغلك بس يكونو كاملين جسديا ويا عزيزتي الكمال لله

الله يعطيكي العافية هانات



انا بشتغل في السياحة متلي متلك ما في وقت من مطار الى الشركة ومن الشركة الى النوم ومن النوم الى شغل



الله بعين على فكرة خذي فترة نقهى بعد ما تخلصي الماجستير حلوو الشخص بعد تعب وتفوق في الحياة يكون عنده فترة استخى لاسترجاع كامل الفكر التى تعلمتيها



وبنهاية انتي تبيني لكي مستقبل والله يعطيكي العافية





وبنسبة يا هملالي الله يرحم جدك وجدتك وين بتقصي وقتك الان بليز تحكينى

تعالي لعندي بريحك من هموم الدنيا

انا مهندس 30 سنه واعزب , جميل الخلق والخلقه, مشكلتك كثير أثرت فيي وحابب نرتبط ونكمل نص دينا انا وبساعدك في شغلك ودراستك,,, فكري وحطيلي جوابك هون

هيك احسنلك ما بتلاقي وقت للتفكير والفراغ

مشكلتك بتنحل بالزواج بلا تعب بلا بطيخ العبي غيرها

انا راعي غنم بطلع من الساعه 6 صباحا حتى 7 ليلا ...

بس والله - والله - نــيالك !

من جد وجد

اللة بعطيك العافيه بدك حل اتزوجي

والله انا عارف شو بيريحك والباقي عندك