اياك ان تضربي طفلا مهما بلغ من الجكر او العناده
طنشيها شوي
وابعدي اخوها عنها ........ ما بتلبي طلباتها دايما
خليها لحالها تبكى او تصرخ
صدقني التطنيش مع الاطفال بفيد

انا ابني هيك عمره 5 سنوات بكسر العابه وبرمى العاب اخوه الصغير

بيكون معي بحضانة الشغل ولما يشوفني جاية بيركض وبعيط عشان يمنعني

اشوف اخوه الصغير بعطي شيء زاكي وبتركه وبشوف الصغير

مع مرور الوقت اتعود انه لاخوة نصيب من اهتمامي في

اسمعي من مجربة طنشي البنت عاقبيها بالكلام بعدم الاهتمام

بس ما تضربيها اذا سمحتي ..........اطفالنا غير عن اطفال زمان

وتربيتهم بتختلف عن زمان ..

الله يعين الامهات بتربى معهم الشارع والمدرسة والنادي والجيران

والاهل كلهم بربوا معك وبربوا ولادك كمان ....

في كتاب في النت عن مشاكل الاطفال وكيفية حلها والتصرف معهم.مش غلط تقرايه بتستفيدي الواحد بفكر انه لما يخلف بربي الاولاد وبطلعوا في الاخر هما اللي بربوه.

وديها عند الجيران يربوها

عادي هاي مش مشكله

هدول بقولوا عنهم ولاد قرود

ما بستحملهم الا الام والاب

اهم اشي انك لا تروحي وتزوري فيهم

وتخرب للي بتزوروهم البيت وتنكش بيتهم

واهل البيت يكونوا قاعدين على اعصابهم احسن لتكسر الشغله الفلانيه

واحسن لتخرب الشغله العلانيه

وما يصدقوا امتى تروحي انتي وبنتك القرده

واوعي تنهريها ولا تضربيها ضرب مش مؤذي

وخليها على راحتها شاقه الارض وطالعه

لانه الضرب والتأديب موضه قديمه

هلأ الولاد بتربوا لحالهم وبربوا اهلهم وبفرجوهم العين الحمرا

عنجد < لا حول ولا قوة الا بالله العلي العظيم > لو أنك ام عن صحيح بتعرفي أنو هاد حال كل الاطفال :-o:-o:-o
الطفل في هاد العمر بيحب يكتشف ويفرض حال ويعمل أشياء وحركات حتى يلفت أنظار الاشخاص الآخرين له . الله يكملك بعقل أيتها الام :-[]:-P

اذا امها ومعها 24 ساعة مش قادريتلها بدك احنا نحللك المشكلة ؟!!

نفس بنتي بالزبط والله مجننه سماي

احلى دودة تعليقك من الاخر

7 حرام عليك تحكي هيك

عجيب والله ، ما كنت أعرف إنه لكل إنسان سماء ، شو مجنني سماي هاي ، لا حول ولا قوة إلا بالله العلي العظيم. شو طبختي اليوم.

عادي هذه حال كل الاولاد الصغار عادي انا اولادي من هم صغار مجنني كل مرة بحكي ايمتى راح يكبرو و يهدو بس كل ما كبر كترت غلبتو الله يهدي اولادنا يا رب

و لا تعملي اي شي
هاي حاله اي طفل بهادا العمر

صبيه الطفل و عناده و نوبات الغضب اللي بتنتابه هي من اكثر الامور اللي بتعاني منها الام ,,,
اذا بدك تعرفي شو السبب الرئيسي ,, فاسمحيلي اجرح مشاعرك و احكي انه ((انتي)) السبب
طفلتك صغيرة و بتتشرب كل اللي حولها ,, فهي عبارة عن صورة مصغرة عن سلوكك انتي ((الام))
فالمشكله مو الطفل لكن الام نفسها و جهلها بالطرقه المثلى بالتعامل مع الاطفال _طبعا بعود ذلك لقله الخبرة__
لازم انتي تتحكمي باسلوبك (صراخ عصبيه ,,الصوت العالي) قدام اطفالك ,, و تحاولي تتجنبي ذلك امام اطفالك
فعليكي:

1- تتجنبي الصراخ بوجه طفلك
2-يجب انك تستمعي لطفلك حتى لو كان صغير لكنه بفهم.
3-لا تتعاملي معه على انه جندي المطيع لا اتركي شي لحريته

من المهم كمان انك لازم تراقبي سلوك طفلك مع اقراته شوفي بتعامل معهم بنفس الاسلوب و لا لا,,,

عظيها بايدها بسنانك لما تصير زي الساعة على ايدها عشان كل ماتتطلع على ايدها تذكر شو سويتي فيها :-[]بدي منك عظة جامدة مش حيالله

انا بحكيلك شو تعملي فيها الي خبره في ترباية الصغار حاكيني على اميلي وبقلك شو تعملي karakyfree ياهووو

خوفيها واحكيلها قصص اردنية

وانتي بتعرفي هاي القصص

مثل هاي الذيب بده يوكلك اذا ما نمتي

ابو شاكوش بده يوخذك اذا ما سكتي

ابو عين حمرا رح يجي عليكي بالليل اذا ازعجتي اخوكي

ومن هاي الحكي رح تبطل تعمل اي شي


انا مجرب مع ولاد اخواني مقطع قلبهم

عن جد ضحكتني من قلبي ههههههههههههههههههه

هاهاهاهي ,, كركي كل مشكله في حل عندو والله حفظت ايميلك يا karakyfree ياااهوووو

انا عندي مشكله عويصه شوي اضيفك؟؟؟؟؟:-P:-P:-P

عزيزتي صاحبة المشكلة ,
بنتك واتوقع من خلال تصرفاتها بإنها أكبر طفلة , لذلك او عادة ً اول طفل بكون مدلل لدرجة فظيعة , وفجآة صار عندها أخ ثاني فبتوقع انه صار عندها نوع من الغيرة , تبدأ بإظهارها عن طريق تصرفاتها هذه , لإنه وبصراحة أخواتي عندهم بنات نفس الشي , بس هاي فترة وبتعدي, مش دائمة ,
لكن اسلوبها العنفوي,فبحكيلك هالشي برجعلك إنتي, لازم تحسسيها او كل ما بدها تخبص خبيصة بوعد مثلاُ حبة شوكلاته , بكيت شيبس , لعبة ,صغيرة , اوعديها إنها إذا ما عملت هيك بتعطيها مكآفآة , طبعاً لا تلجأي للعنف معها من خلال الضرب, او الخوف,لإنه هالشي برجع سلبي عليها من خلال الأحلام المزعجة , او هالشي بأثر عليها من ناحية الشخصية , اما بتمنحى شخصيتها , او بتسير انسانة عنيفة . حاكيها بالكلمة الحلوة , ووزعوا الدلال والحب على الجهتين ,يعني إذا كانت موجودة مش بتضلوا بتحضنواا بالصغير وبتنسوها خلوا للجهتين , وضلك بس يجي ابوها احكيله عن تصرفاتها وشو عملت طبعاً المنيحة مش العاطلة , سدقي هالشي بآثر عليها ايجابياً , وحاولي جيبليها الوان ودفتر رسم لترسم لإنه الطفل بس يرسم بقضي وقت , وبنبسط وهمه انه يفرجي صوره ,
والله الموفق

الاميل هذا فقط لحل مشاكل النساء. والرجال يحلو مشاكلهم لحالهم الله لا يردهم

لم تذكري شيئ غير طبيعي في البنت..فالاطفال بهذا العمر كلهم هكذا ..الطفلة تغار من اخاها وتحبه بغيره يعني كونها لاتتركه بحاله فهذه غيرة لكن مع حب لان الاطفال لايعرفون الكره..عليك بالانتباه لها وحذاري من مغافلتك وايذاء الصغير وعليك بالصبرواعطاء اهتمام للبنت حتى لاتشعر انك تحبي اخاها اكثر منها.. والهدوء سيبدأ عند ابنتك عند دخولها الروضة ان شاء الله..جميعنا نعاني نفس المشاكل مادام اطفالنا بهذا العمر الى ان يكبروا ان شاء الله ويعقلوا..فعندما اتحدث لصديقاتي ممن لديهن اطفال بهذا العمر اجد انهن كأنهن يعشن في بيتي لاننا نعاني من اطفالنا نفس المشاكل وهذا لانهم جميعهم بهذا العمر لهم نفس الطباع..لاتقلقي وعليك بالصبر..والله الموفق

ع فكرة بنتك ذكية كتير ماشالله عنها هاي هي مؤشرات الذكاء .... عندي سؤال الك....

البنت عندها العاب ؟؟؟ عندها حدا تلعب معو؟؟؟ عندها مساحة خاصة للعب ؟؟؟

اذا في واحد من هدول ناقص اشي طبيعي اللي بتعملو ...

اكيد رح تعمل اخوها الصغير لعبتها المفضلة .... وغرف البيت مساحة اللعب تبعتها ... وانتي وانتي معصبة و تركضي وراها هي اكيد بتكون مبسوطة انو حدا عبرها ولعب معها .... :-)

بسم الله
وليد يسئل بعض المعلقين الكرام لماذا يتم مهاجمت أي معلومة مفيدة قد تنفع البعض
لماذا لا يتم كبح جماح الغضب عند ادلاء الرأي
لما لا نسير في خط مستقيم حتى لتكون نقطة الوصول أقرب الى الحقيقة
وبكلمات أخرى
قد يأخذني الشكر ان أردت أسديه وبشكل يليق بجميع من أسهموا في اعمار هذه الزاوية
حتى من خلال مجالات عملهم وقدموا اسهامات هامة تنفع البشر
فمن أجل كشف الآفاق الواسعة التي تمتد وراء عقول نييره يتطلب الأمر أناسا أكثر
وكتبا أكثر لنكتشف معلومات جديدة ومدهشة حول الماضي
ونظرة جديدة لاحتمالات المستقبل
بالنسبة لي كان البحث عن عبارات أكثر قدما عمليت تنقيب استغرقت وقت طويل
عن نظرة الناس في مختلف الثقافات
الى ما يعتبرونه مسلمات حياتية تسير عليها الأمور
فقد يبدو لنا العالم من حولنا عالما آمنا
ولكن الحقيقة تختلف عما عتاد البشر عليه وهو ما حولك فقط
فهناك ثلاث ( ديانات ) لكل منها حقائقها الخاصة بها
وبدأت بطرح العديد من الأسئلة التي لا تعتبر بالنسبة لي ولم تكن أبدا اسئلة تجريدية
لماذا نقتل ونضطهد بعضنا البعض
لماذا يمتلي عالمنا بأعمال لا انسانية يرتكبها الانسان ضد الانسان سواء كان رجلا أم امرأة

افضل اشي انك تغيري جوها خديها لفه بالسياره خليها تحس انها بنت كبيره مكياج وقصص متل هيك واغاني اجنبي وعيها على اطار جديد بنتك عندها حس المسؤوليه لازم تعتني بهااد الاحساس وتقديري لأبعد الحدود وتحسسيها بالفرح انو عندها متل هيك حس حسسيها انك بتقدي بشعورها وانو كل ارائها صحيحه لأنو ازا كان بينكو اتفاق من هالناحيه جد رح تحسي التغيير بعينك من اول يوم

هاد حال كل الاطفال اهم شي ضلك فاتحة التلفزيون ع سبيس تون او طيور الجنة وجنبها بكيت شبس او اي شي زاكي وخلص هيك بتلهيها
بعدين في طرق لتسريح الشعر لانه مو كل الاطفال اللي بيتقبلو الحمام وتسريح الشعر لكن في طرق حلوة ومناسبة تعاملي فيها معها شكلك مو عارفة تتعاملي مع اطفالك الله يعينك لما يصير عندك 4و 6 اطفال هاد بتروحي تنتحري

نيالك انها مشكلتك اكثر شيىء ممتع في الدنيا

البيبي اذا ما سليته بسلي حاله لحاله .. لازم تنتبهي الها شوي ... يعني هي بدهت تدير بالها عل بيبي خليها تجيب الفوطه وشجعيها ولعبيها .. يلا يا ماما نحمم اخوك خليها تساعدك بدل ما تسعدنك ... لما ينام البيبي حاولي تلعبيها .. لازم تقضي معها وقت لان من الواضح ان الملل عامل عمايله في الصغيره ... حاولي تفهمي شو بدها وتوجهيها صح .. التعصيب ما بجيب نتيجه .. خلي العابها في غرفتها والعبي معها شوي وشوي تانيه خليها ترتب اغراضها مو غلط اذا بتمسكيها مكنسه ولا اي شي تاني "امان" تنظف معك فيه .. خليها تنشر معك تعطيك قطع الغسيل خليها تتطوى الغسيل معك اكيد حتغلبك بس حتكون مبسوطه وتنمي جواها شي حلو وبصير في رابط بينكم وبعدها شوي شوي بتصير ترد عليك وانت كمان بتصيري تستهلي التعامل معها ... لا تناديها غير حبيبتي وعمري وقمري وكلها كلمات تحبب .. بنتك ما شاء الله عنها بس بدها اهتمام وتوجيه

انا ماعندي ولاد بس بشتغل مع طبيب اطفال وبالنسبه لسلوك بنتك هذا للفت الانتباه فقط وزعي وقتك تتقدريري تقضي معها وقت اما بالعب او القراءه او اخدها بمشوار لوحدكم وشاركيها بامور اخوها وذائما شجعيها واثني على جهودها واذا عملت شي غلط عاقبيها بس اكيد مو بالضرب ولا تخلي مذة العقاب طويله يعني 10 دقائق واتمسكي برائيك ولا تعطيها كل شي بتطلبه بسهوله واذا تنازلتي مره راح تصير عاده عندها كل ما بدها اشي يا بتبكي وبتصرخ حتى تعطيها ايه او بتضرب اخوها كوني حازمه بالوقت المناسب.تربية الاطفال بحاجه لجهد الطرفين الاب والام ما تخلو الطفل يلاحظ اختلافكم دائما اتفقو انو اذا تعاقب الطفل الاب يكون موافق على العقوبه وما يحكيلك لا خلص بلاش تعاقبيها والا كل مره راح تعمل شي غلط راح تلجئ للوالد عشان تهرب من العقاب .وبالنهايه ما في دليل لتربية الاطفال لانه كل طفل مختلف عن الثاني والاهل لازم يتعلمو شوي شوي مش سهل الموضوع لكن ممكن .

ملاحظه:
المشكله من ملاحظتي مع الاطفال الي بتعامل معهم من ضمن شغلي انو نسبة الي مجنين اهلهم بالعناد وعدم الاكل الحركه الزياده وضرب الاولاد الثانين للاسف مرتفعه بتمنى اكون افدتك حتى ولو شوي .

ههههههههههههههههههههههههههههههههههه شو وضعك انت كل مشكلة والها عندك حل ..... اقسم بالله ضحكتني لا والمصيبة ما بتتحفنا بحلولك هون لأ لازم تكون عن طريق الإيميل
سلملي ع جيرانكو د

وبالنسبة لصاحبة المشكلة للأسف ما عندي خبرة بترباية الاطفال ..... ولاد خواتي اللي بزهقني بلطشو كف وع امه ( بالرغم من اني خالة حنونة ) .... ما الك الا انك تلطشيها كف او كفين حسب الوضع وتزتيها بالشارع او عند الجيران >>>> بمزح مش تعمليها :-P

ياعمري والله اني حبيتها اعطيني ياها شوط

مبين انه زهقان كاين معظوظ كثير وهو صغير وبدو ينتقم......

القراء الاعزاء ارجوكم خبروني كيف الطريقة عشان ابعث مشكلتي .. وين ارسلها وشكرا

اختي العزيزه انا عندي طفله عمرها ثلاث سنين ونص وابن عمره سنة و3 شهور يعني قريبين لمشكلتك اول عمل لازم تعمليه انه لما تشتري اي شيء للبنت احكيلها انه اخوها اشتراه الها وبهيك بتصير بتحبه وما بتضايقه ...الامر التاني حاولي انك تعدلي بيناتهم بالكلام واللعب واللبس ورح تشوفي انه تغيرت تماما

الى 32


افتحي على ارسل خبرا
واكتبي مشكلتك
وان شاء الله جراسا بتعرضها

عزيزتي الام،،،
هنالك من تعليقات القراء الفيد، ولكن هذه الطريقة غير مفيده بأخذ النصائح لتعاملي طفلتك.
هنالك بعض الامور التي يجب ان تاخذيها بعين الاعتبار اولا:
1- ان هذه الطفله هي تجربتك الأولى في التربية.
2- ان هنالك مولود جديد يحصل على الاهتمام.
3- لم يتم ذكر الاب، فأين الاب.
4- طبيعة عملك.
5- شخصيتك انت.
6- طريقة تنشئة الطفلة في اعوامها الاولى.
7- مزاج طفلتك، وهذا يظهر في الشهور الست الأولى.
8- هل تعيشين مع العائلة، اي هل طفلك يرى اجداده (سواء من الاب او من الام)، اخواله واعمامه، هل يراهم كل يوم ويجلس معهم فتره طويله.
9- طبيعة الحضانه التي فيها طفلتك.
10- هل تشاهد التلفاز بكثره.
11- هل هنالك عنائه خاصه بها من قبلك ومن قبل والدها.
12- هل يتم تشيع الطفله على أخذ حقها بيدها عندما تلعب مع غيرها.
....
وهنالك الكثير من الامور التي تؤثر في الطفل يجب ان تعرفيها جيّد قبل حل المشكلة.

اما عن النصائح التي تم نصحك اياها، فللاسف قد تؤدي الى ازديات المشكلة لدى الطفله.
فمثلا اهمال الطفله عندما تكون في حاجة الى العنايه، سوف يولد عندها شعور سيّئ.
ومثلا ضرب الطفله على سلوك قد قامت به وهي لا تعرف ما هو السلوك هذا ايضا خطء.

في النهايه، هنالك عدّه عوامل قد تؤثر على الطفل ولا تؤثر على اخوه الآخر، فمن اجل هذا
انصحك بمراجعة اختصاصية اسره، والتي سوف تعينك بعد الله بشكل مناسب لعلاج مشكلتك

هنا سوف تحصلين على الدعم الصحيح لمشكلتك، وسوف تساعدين على عدم تفاقمها.

وصاحبة التعليق 28 من اكثر التعليقات المفيده، وكلامها على ان كل طفل حاله مستقلّه بذاته، هو عين الصواب.

شكرا لك على معلومتك

شكرا لك على معلومتك

الحل: امسكيها من شعرة وجريها على الارض وبالمرة ابطيحها وكم كف بس يكونو حاميات وما دام كاتليتها كاتليتها حطي اصبعها عالغاز بس شوي مو كثير وانا اتوقع انها انشاللة تكون من الاخر

بعتذر اذا عبرت غلط ما قصدت احكي كلام مش مريح وماقصدت اللي انفهمت يمكن جمل تعودنا نسمعها فكتبتها ...آسف

لو انك ام مثالية كان عرفتي كيف تتعاملي معاها وبعدين بدها صبر يا خالتي في طريقة لتربية الاولاد
شو الي بحكيه انا ؟!! كيف حالكو يا جماعة ؟

السلام عليكم ورحمة الله وبركاته
أما بعد
فأنا أعتذر أشد الاعتذار لعرض مشكلتي مع التعليقات لأنه وبصراحة لاأعرف كيف أعرض مشكلتي
مشكلتي وباختصار انني متزوجة من 5سنوات زوجي ماشاء الله رجل متدين ووالدي كذلك
وتربطهما علاقة جميلة كما لوكان والده وقبل فترة نشب بينهما خلاف وتقاطعوا وانا الفتيل المشتعل بينهما كيف لا وكنت أذهب كل اسبوع لأزور أهلي أما الىن فقد قرر زوجي ان تقل زيارتي لهم وانا اشتاق لهم ولا اريد ان اغضب زوجي ونجن على أبواب رمضان ماذا تنصحوني ان افعل لاتبخلوا علي بالردود والدعاء جزاكم الله خيرا وآسفه مره أخرى

الى 41


اذا كان زوجك متدين كما تقولين فانه لن يسعى الى قطع الارحام وخاصة في رمضان
توكلي على الله واكثري من الدعاء بصلواتك فالدعاء يغير القدر باذن الله

الله يهدي زوجك ويصلح الامور بينكم وبين والده
ويا اختي من هنا الى رمضان فرج باذن الله
فرج الله كربك وكرب جميع المسلمين ,,, وان شاء الله بيجي رمضان الكريم
بالخير واليسر وفك الازمات على الجميع
لا يغير القدر الا الله لكن الدعاء واجب ومستجاب ...
وباسوء الاحوال .. هي في تلفونات بينكم واكيد اهلك راح يتفهموا ظروفك
والله يعطيك الصبر على فراق اهلك .
..المهم عاملي زوجك دائما بالحسنى والكلام الطيب
ما نفع معه بينفعك بعدين واجرك عند ربنا
وشدة وبتزول ....:-);-)

جزاك الله خيرا على ردك
زوجي فعلا متدين ولكن المشكلة التي حصلت بينهما أثرت فيه تأثيرا كبيرا ولاأقول هو من أخطأ فالخطأكان من الطرفين
دعواتك

مشكلتك صعبه كتيرررررررررررررررررررر يا حرام
هاتيها مع القرود اللي عندي
حتى مشاكلكم والله مشكله

شو رايك يا دوده

تقول بعد التحيه والسلام.......

اعتذر ...لعرض مشكلتي..بين اسطر الكلام..

انا باختصار...زوجه من خمسة اعوام..

وزوجي متدين..ويبعد عن الاثام..

وابي كذلك مثله..وهما معا ..باستقام..

فنشب خلافا بينهم..ولكن دون التحام..

وكنت الفتيل المشتعل..وسبب هذا الخصام..

وكنت ازور اهلي..دائما على الدوام..

وبعدها قرر زوجي..والزم علي لزام..

ان اقل من الزياره..والتزم بيتي التزام..

ونحن على ابواب..شهر التعبد والصيام..

ماذا تنصحوني و ارجوكم..لا تبخلو بالكلام..

*************

اذا اردت حلا منا!!!؟ا..كما قال خير الانام.

( يعرض هذا ويعرض هذا@وخيرهما الذي يبدا بالسلام)

كالعادة بهنيك على ذوقك الرائع لاختيارك الرائع
بس وين القصيدة الثانية اللي بتتعلق بالمشكلة الاساسية ؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟

فيه مشاكل..بتستاهل ينكتب فيها..وفيه مشاكل , مش مشكله اصلا..!!

يعني انتي معتبره..المشكله الاساسيه.مشكله!!!!!!!؟..

عاااااااااادي حبيبتي الحال من بعضه
ابني عمره 3 سنين وياويــــــــــــــــــــــــــــلي شو بطلع منه بلاوي
النكته وين لما اكون زهقانه وبدي اطلع بزور صاحبتي ابنها نفس العمر
بقلبوا البيت قلابه وبروح اعيط وهي بتعيط طبعا
:-P:-D

عاااااااااادي حبيبتي الحال من بعضه
ابني عمره 3 سنين وياويــــــــــــــــــــــــــــلي شو بطلع منه بلاوي
النكته وين لما اكون زهقانه وبدي اطلع بزور صاحبتي ابنها نفس العمر
بقلبوا البيت قلابه وبروح اعيط وهي بتعيط طبعا
:-P:-D

هناك عائلات يولد الابن ومعه سكينا( يعني جهنم )حالتك...تستوجب الحمد لله رب العالمين.

كلكم تعليقاتكم حلوة بس دودة دائما الافضل
ما حبيت اكتب اسمي عشان ما تحكوا بمسح لدودة جوخ

الى 53


ما كتبتي اسمك لانك نفسك دودة القز وشايفة انه ماحد معبرك فحابة تعملي جو لحالك :-P:-P:-P:-P:-P:-P:-P:-P:-P:-P:-P:-P:-P:-P:-P:-P:-P:-P:-P:-P:-P:-P:-P

حطي اصابعها عالغاز ممكن تتربى

ههههههههههههههههههه
لا والله مش انا
لانو لو كنت انا كان طسيتك باخر التعليق
بس تفكيرك بعجبني
الله يستر عليكي ويبعثلك ابن الحلال

بعدين ليش بدي الناس يعبروني
يعني انتي بتعلقي عشان يعبروكي ؟؟
حالتك خطيرة يا حب

واتمنى لكي الفوز واكل الموز:-P:-P:-P

اشي ومنو يعني هي مو مشكلة بس حرام المره معتبريتها مشكلة

لا زلتم تفتقرون الى أسس التربية الصحيحة وكيفية التعامل مع الأطفال بحسب فئاتهم العمريه


ابحثي في النت .. تجدين بعضا من هذه الأسس

الى بيسان


متى كتب كتابك انتي وفارس الكمة يعني ما بصير هيك اتقلي حرام رامية حالك هالرميه
ماشاءالله مو مخليين مجال لحد تاني يعلق لحقوا حالكم ع البدري

معلش حبيبتي اصبري عليها شوي بعدها صغيره بكره بتوعى وبتصير هاديه ان شالله;-)

ولا هبابك لسا بس تكبر شوي كمان لتطلع عينيكي.
تلهيها مع بنات من عمرها بتتسللى .
أنا بنتي عمرها ٩ سنين ولسا بعناقها دب وسندان عشان تتسللى .
اتركي النت شوي واقتدي مع بنتك احسن الك والها .
وننفس النصيحة لكل الامهات اللي بيقراو تعليقي :-)

ماحبيت هالكلام منك..:-(

والله انك ضحكتني على الحل اللي اعطيته الصراحه من الاخر

ارجوكي ارجوكي تواصلي مع karakyfree لانو عندك مشااااكل كتيرة ...

عنجد شخصيتك بالمرة مو عاجبيتني .... يعني دودة ما حكت معك ... بلشتي فيها ...
طنشتك دودة وكبرت عقلها .... بلشتي في بيسان وفارس الكلمة ....

لااااا قال وشو بتقولك موتاركين مجال لحدا يعلق ...

لازم انتي تكوني محور الحديث ؟؟؟!!! ...

ع فكرة فيكي تكوني مميزة باسلوبك مش بكترة تعليقاتك ولا بتدخلك الغير محبذ في الناس ..

ماتردي علي رجاء ...لانو الكلام مو الك بالخاصة بل الك ولكل من يتبع اسلوبك المريض

ونسيت تحكي عن.......ابو رجل (كسر الراء)

شوفي انا اعزب وعمري ما تزوجت لاكن عندي طفل عمره 6 سنوات عندي اياه اغلى من روحي على روحي ساكن انا وياه والصبح بوديه على المدرسه قبل اروح على دوامي لاني ما بدي اركبه بالباص بحب يكون معي وانا الي اوصله واجيبه واطعميه بالرغم انه مشاكس كثير وبضل يخرب بالبيت ويرن علي كل شوي وانا بالدوام بعد كل حصه ييييييي مجنن سماي ومع ذلك بضحك وصير العب انا وياه بالرغم اني انسان عصبي جدا لاكن عهاطفي جدا ف ما بقدر اضربه بضطر افش غلي باللعب معه ... بتعرفي بدي اخذ اجازه واروح اخذه وانطش اشتقت اله الازعر

كل الاطفال هيك (يعني هاي طبيعية اختي

الله يعينك عليها ..بدك تصبري عليها.وليش ما تعطيه لعبة تحملة بدل اخوها وهيك هي طبيعة الاطفال احلا اشيء فيهم الحركة ولعب والاطفال نعمة من الله مش نقمة ولاتفرق بينه وبين اخوها

افهم من هيك انه ابنك غير شرعي؟؟؟؟؟؟؟؟؟؟؟؟؟؟؟؟؟؟؟؟

لا انا مرة قرات تعليق انه هذا الولد
ابن اخوه .. وهو بربي في لظروف خاصة والله اعلم

حرام تحكى انه ولد غير شرعي

اولا اتاكدوا من صاحب الامر

لا ياصاحبي مش هيك اذا كلامك لمجرد السؤال فالجواب ضروف حاصه لانه الطفل ماتو اهله بحادث اما اذا كلامك تخويث ما بسمح الك ومش رح ارد عليك لاني ما بحب اتخبى ورا شاشتي بحب اواجه .face to face بعرف حالي شو انا من الزلم لهيك اختار الي بناسبك اذا سؤال وصلك الجواب بأحترام واذا تخويث انا بجيك لعندك ما في مشاكل

لا ياصاحبي مش هيك اذا كلامك لمجرد السؤال فالجواب ضروف حاصه لانه الطفل ماتو اهله بحادث اما اذا كلامك تخويث ما بسمح الك ومش رح ارد عليك لاني ما بحب اتخبى ورا شاشتي بحب اواجه .face to face بعرف حالي شو انا من الزلم لهيك اختار الي بناسبك اذا سؤال وصلك الجواب بأحترام واذا تخويث انا بجيك لعندك وبنشوف الزلم ساعتها

كل الاحترام والتقدير الك وشكرا كثير لدفاعك لانه ان دل على شيئ فهو بدل على طيب اصلك ... لاكن اسمح الي بتصحيح الولد مش ابن اخوي الولد ابن صاحبي الله يرحمه

كان سؤالي مش تخويث ابدا بس حبيت افهم وهيك وضحتلي وجزاك الله خيرا

العفو واسف على الرد اذا كان جلف شوي بس شكلني فهمت غلط .... الك كل الاحترام والتقدير

جزاك الله خيرا فأنت ورسول الله ان شاء الله بالجنه جيران لقوله عليه السلام (أنا وكافل اليتيم بالجنه كهاتين)نيالك ياعم

انت انسان رائع لله يجزيك الخير مافي بهالزمن ناس بيحملوا قلب نبيل وحنون ورحيم متل قلبك اخي الكريم الله يوفقك ويسعدك عنجد مو مجامله أثر فيي ردك وتعليقك بخصوص علاقتك بطفلك وخلاني اكتب هالتعليق رغم انني مجرد متابعه لا اشترك بالتعليقات

انت انسان رائع لله يجزيك الخير مافي بهالزمن ناس بيحملوا قلب نبيل وحنون ورحيم متل قلبك اخي الكريم الله يوفقك ويسعدك عنجد مو مجامله أثر فيي ردك وتعليقك بخصوص علاقتك بطفلك وخلاني اكتب هالتعليق رغم انني مجرد متابعه لا اشترك بالتعليقات

الحمد لله رب العالمين اللهم امين ... واحنا شو ما خذين من الدنيا شوفي اختي انا عمري صغير وشكلي فايع نوعا ما بس الحمدلله بخاف الله والعاطفه الها دور وابوه عزيز علي ف الافضل الواحد يعمل لاخرته ولاموني ناس كثير انه ليش عملت هيك بس ما قدرت اتركه قلبي ما خلاني

انشاء الله بتكوني من اصحاب الجنه

شكرا لتعليقك ... الله يجزيك ويجزينا الخير

اتركي النت واتفضيلها بتسير زي الحلاوه:-D

ضحكتني يا نور الضلام مزبوط كلامك

انتي امها وبتقدررررررري تحلي المشكلة واذا ما بتقدري انتي كيف نحنا بدنا نقدرررررررر ؟!

مش بدك اتخلفي بدك تتحملي

والله يااختي هاي مش مشكله تنحل

الى صاحبة المشكله :
في حلقه ببرنامج التفاح الاخضر اذا بتعرفيه بتحكي عن الاطفال وكيف نعاملهم بهي الحالات بنصحك تبحثي عن الحلقه باليوتيوب وتحضريها .

اختي الفاضله اشتري كتاب للكاتب فاخر عقل اسمة فن تربية الطفل وراح تستفيدي بالتعامل مع طفلك