جراسا -

انا طالب توجيهي تخصصي اداره معلوماتيه وبدي اعرض عليكم مشكلتي وياريت انكم اتساعدوني فيها
انا قدمت الفصل الاول والحمدلله انجحت بس المشكله اني جبت معدلي 66 وكنت متوقعو اكتر لأنه كنت ادرس كـــــــتــــيــــــــر ومش عارف انا بحكي هاد السبب اللي خلاني اجيب معدل متل هيك بمى اني كنت ادرس من 8 -9 ساعات بالايام العاديه وبأيام الامتحانات ما كنت اتنفس كنت اضلني ادرس بس كنت بين كل ساعه وساعه استريح 5 دقايق بس ما بعرف ليش جبت هيك معدل وكنت لمى اروح على الامتحان افكر حالي رح اطلع من الامتحان مسكر العلامه هاد قبل الامتحان وبالامتحان انسى كل شي مع اني اكون حافظ ودارس كتير بس لحديت الان انا مش عارف وين المشكله ليش هيك صار معي وهاي المشكله الاولى اما المشكله التانيه انو بالمدرسه اللي بدرس انا فيها كانت نسبه النجاح كتير قليله 22% حسب تقدير المدير صاحب المدرسه وطبعا اشي اكيد كل اصحابي كان عليهم اكمالات بأستثناء الاول على الصف اللي اتفاجئت لمى حكالي عليه اكمال وهاد الشي خوفني لمى عرفو كل اصحابي اني ناجح والاول على الصف رسب فأنا حاسس انو في شغله حسد ؟؟؟!!!! ما علينى هسه المشكه اني مش عارف ادرس للفصل التاني وكل ما اجي ادرس ما بلاقي  غير الوالده الله يحفظها بتصحي فيه وبتحكيلي ليش نمت وهاد الاشي صار معي ولحديت الان انا مش عارف شو اعمل وكيف بدي ازيد من معدلي الفصل التاني ما بدي يصير معي زي ما صار معي الفصل الاول ادرس وانسى وكمان غير شغله الحسد انا حاسس انو في حدا حاططلي اشي بالبيت لأنو كمان مش قادر اقعد بالبيت ولا افتح الكتاب ومش عارف احفظ فرجاء انكم تعطوني نصائحكم بلكي قدرت الاقي حل ....شو اعمل ؟؟؟؟؟؟؟