نصيحتي اي تي
والله بتجيبي معدل اذا درستي منيح احسن من العلمي وخذي المواد الي بتسمحلك انك تاخذي هندسة
هاي نصيحة
رح تبدعي خديها من اختك الي ما بتعرفك بس حبتك وحبت تنصحك
امنياتي الك بمستقبل مزهر
اختك هبه

شو في حبيبتي ....
اللي بحكيلك ان الاي تي مجالاته اكتر هاد غلطان .... لأن العلمي بيتيحلك كل المجالات ...
ثم انت لازم تسألي حالك كيف انتي مع المواد الدراسية ....
هل انت شطورة بالرياضيات والفيزياء ؟؟؟
ولا شاطرة بالمواد الأدببية ؟؟؟...... وعلى هالأساس بتحددي ازا علمي ولا أدبي ولا غيره

نصيحة ... روحي تجميل لأنو الصالونات على قفا مين يشيل ...
واحنا شهاداتنا حاطينهم بالدروج لا وظيفة ولا ما يحزنون...

انا معلمة للصف العاشر . فرع الادارة المعلوماتية فرع مطلوب ومرغوب فية

ويعتمد على تكنولوجيا المعلومات ؟؟؟وكل المواد تدرس بالحاسوب
وانتي معدلك مرتفع ؟؟ لكن يا عزيزتي ؟ اذا بدك تكملي جامعه وبكلية الهندسة ضروري تاخدي مواد اضافية .. عشان تعترف في شهادتك الهندسية نقابة المهندسين
اسالي المرشدة في مدرستك شو المواد المطلوبة وهل تتدرس في مدرستك
شغلة تانية مهمة .. في الجامعات الحكومية لا يقبل طالب التوجيهي فرع المعلوماتية الا اذا كان معدله مرتفع جدا في كلية الهندسة عكس طالب الفرع العلمي

انا كمعلمة بنصح الطالبات يختاروا فرع المعلوماتية ..لانو لو صار ظروف لدى الطالب ولم يحقق معدل جيد بقدر .زيعمل بشهادته مع كم دورة تدريبية
وبالتوفيق

كل التوجيهي زي بعضو ما في فرق كلوصعب وبدو دراسة لانو زي ما في مواد صعبة بالعلمي في كمان مواد صعبة في الاي تي

مع العلم اني مخلص علمي بس الي خوان it

اختي صاحبة المشكلة نصيحتي ادخلي في مجال العلمي .....اما ال i.t في زمنا هدا صار الولد الصغير بالعمر يبرمج ويصلح اجهزة الكمبيوتر وهذا التخصص كتير منتشر بالبلد ....زاختاري تخصص يكون نادر ما ناس اختارته .....خصوصا اذا انت فهمانة كتير
الله يوفئك اخوك دحدح.....كنايف

اول شي الله يوفقك في دراستك

ثاني اذا حاطتي الخوف قدامك بعمرك ما رح تسوي شي

اذا حابة تدرسي هندسة واتوقع بدك هندسة حاسوب او هندسة اتصالات

نصحتي الك حددي تخصص الــــــ IT عشان هذا التخصص اخف واسهل من تخصص العلمي عشان بالعملي ممكن تجيبي بــــ 70 او 80 اذا درستي بجد وبمتابعة بس بتقدري تجيب في نفس الوقت 90 في تخصص الــــ IT وفي النهاية رح تدرسي هندسة يعني مش فارقة اذا كنت علمي ولا IT .

ان شاء الله بالتوفيق وانا جاهز بمساعدتك اختي الفاضلة في الـــــ IT

تجميل

اذا كنت شاطرة في الفيزياء والرياضيات والكيمياء اختاري علمي
أما إذا كنت مش كثير متكنة من الرياضيات والفيزياء والكيمياء
نصيحة اختاري IT
تخصص حلو مو صعب أتمنى لك التوفيق

IT is mainly for both College of administrative sciences and computer sciences.

Thus, you will be screwed in one of these "main" options

Regards to you and Gerasa

اختاري التخصص اللي ممكن تبدعي فيه وبتحبيه اكثر

اسعد الله اوقات الجميع ، الاخت صاحبة المشكلة هذا يعتمد على ميولكي ، ولكن اذا دخلت تخصص علمي فمجاله اوسع ، تستطعين دخول اي تخصص تشائين، اذا كنت مبدعة في الرياضيات والفيزياء انصحك بالتوجه الى التخصص العلمي ، نسال الله سبحانه وتعالى ان يوفقك ويسدد خطاك

وانا كمان عاشر ولسا مبارح وزعو علينا التخصصات....شوفي ازا معدلك منيح ادخلي علمي ازا بتئدريله طبعا مو تدخليه مجازفة...

بس انتي بتحكي انه طموحك هندسة وهمة لغو المسار التاني من الادارة المعلوماتية منشان هيك فيكي بس هندسة بيئة وهندسة طيران كإنه تاخدي....ازا بتحبيهم ادخلي ادارة..

وازا لأ شدي حيلك بالعلمي سنتين وبعدها ارتاحي بانك اخدتي تخصصك....


انا رح اختار علمييييي

أنا كمان أحترت معك

اختاري علمي وتوكلي عالله...مجالاته اوسع واشمل ...انا كان فرعي ادبي ومعي بكالوريوس اداره عامه،جامعه مؤته

انا طالبة في المرحلة الثانوية مع العلم ان معدلي
في الصف العاشر كان 95 وتخصصت
الادارة المعلوماتية فهو تخصص سهل بس بدو
شوية تركيز وانشاءالله يا حياتي تجيبي المعدل
اللي بتطمحي فيه ياااااااااااااااااااااااااااااااااااااااااااارب
وانتي طموحك الهندسة وفي الادارة فيه هندسة
حاسوب بس بده معدل 90 وانشاءالله انك تجيبيهن
وبالتوفيق يا حبيبت البي.

والله انا براي شوفي شو ميولك وانت بتقرري بدك هندسه ادا كنت بتحبي المواد العلميه وبتبدعي فيهم خدي علمي بس ادا مش كتير خدي معلوماتيه انت شوفي شو ميولك وشو بتحبي وبتكرهي ما تاخدي تخصص بس لانك بدك تدرسي مو مهم المعدل المهم ميولك واهتماماتك وشو بتحبي لانو كتير راحو علمي ومو شاطرين في وجابو معدل مش كتيييييير فانت اهم شي ميولك

شكرا كتير الكم على نصايحكم الحلوة وتشرفت اكيد بمعرفتكم
بس الى صاحبة التعليق 15
معدلك 95 وداخلة اي تي !!!! يعني ليع ما دخلتي علمي

الاهم من النصائح الي بتسمعيها
تلبية الرغبة
شوفي احساسك بايش بتقدري تبدعي وادرسي شغلة انت بتحبيها
انا درست شغلة ما كنت احبها ونصحوني فيها الناس كثير
لكن
ندمت

شوفي يا حلوه انا بنت دارسة علمي وتخصصت علم حاسوب
وزي ما بحكو اسأل امجرب ولا تسأل خبير
اطلعنا من الجامعه لا من قدام ولا من ورا بالكمبيوتر
وهينا النا سنه ابنستنى بالوظيفة زينا زي كل هالناس
نصيحتي الك..... ازا بدك بمجال الكمبيوتر
لو أخدتي 3 دورات فيو بشهادة معتمدة ومصدقة أحسن من 100 شهادة جامعية بالكمبيوتر
لانو بطلو يطلعو على شهادتك في الجامعه هلا شوفي عندك دورات هوه اللي بسألو عنو
وطبعا ما حد بقدر ايساعدك انتي شوفي بشو انتي شطورة يا شطورة
يعني ازا بتحبي المواد العلمية او لأ واختاري المناسب الك..والله ايوفقك حبيبتي

انا حكايتي زيك وانا قدك وحطيت ايتي

دخلت يا حياتي الادارة المعلوماتية
لانه انا طموحي اني اروح هندسة حاسوب
او اتصالات والتخصصين بيطلعولي في
الادارة فليش ياقلبي اتعب حالي واروح علمي
فلهيك رحت ادارة معلوماتية.

انصحك بلاش تدرسي اخرتك على المجلى ههههههه

لا اخرتها مش على المجلى اصلا هالايام
البنت ما بتمشي الا ازا كان معاها شهادة
ولا تردي على هيذا التعليق لانه بحكيه هذا رح يدمرك.

تجميــــــــــــــــــــــــــــــــــــــــــــــل


انا كنت علمي وهيني بدرس تخصص ادبي..
لا تفكري بالتخصص.. فكري بالشغل اللي بعد التخرج..

طب استخيري

اليلام عليكم
انا برأيي انك تصلّي استخاره والله بيسر
انا متلك بالصف العاشر بس انا الحمد لله مو محتاره لأني من زمان عارفه شو اروح
بتمنالك التوفيق

رأي من رأي لاكوست ادرسي الشغلة اللي بتحبيها واللي حاسة حالك رح تبدعي فيها .. دراسة الهندسة بده جهد وتركيز ومخ فاضي ,,, اشغلي حالك بدراستك وبس ,,, دراسة هالمجال بيعتمد بالاول والاخير على شطارتك وتفوقك بالرياضيات ..ازا كنتي بتحبي هالمادة رح تعشقي باقي المواد "نصيحة" لا تتردي ابدا بدخول العلمي اهم شي تكوني واثقة من حالك ومن قدراتك .. حددي اهدافك وطموحاتك لتوصلي للي بدك ياه
الله يوفقك ويوفقنا جميعا

تحية لكم جميعا
احببت هذه الزاوية وتصفحت كل مافيها
لفت انتباهي امر مش مهم اي واحد بغيب بتفقدوه ماعدا الرمثاوي اللي عايف قفاه ويارا الهم فترة غايبين وماحدا سائل عنهم
انا مابدي اياكوا تسالوا عنهم خاصة الرمثاوي بس لفت نظر مش اكثر

هههههههههههههههههههههههههههههههه

هاي ما تحتاري وما تخافي لانو ما رح تئدري تقرري شي ازا حابه هندسه ومعدلك منيح ادرسي اي تي ورح تئدري تجيبي معدل منيح وخدي المواد الي بتسمحلك انو تدرسي هندسه موفئه

هاي ما تحتاري وما تخافي لانو ما رح تئدري تقرري شي ازا حابه هندسه ومعدلك منيح ادرسي اي تي ورح تئدري تجيبي معدل منيح وخدي المواد الي بتسمحلك انو تدرسي هندسه موفئه

انا ليسه صغيرة ولكن اتمنى ان تختاري التخصص الجيد الذي لا يرهق ذويكي الاعباء المادية والنفسية تجاهك والله الموفق في ظل هذا الغلاء

لو سمحتو معلش انا كمان محتاره شوأختار أدبي ولا الاداره المعلوماتيه المسار الاول؟؟ وأهلي حابين اني ادخل ادبي بس انا مو حابه شو أعمل مش عارف الرجاء الرد والاجابه التي تنفعني مع بيان السبب لاختيار التخصص سواء الادبي ام الاداره المعلوماتيه والتخصصات الجامعيه الي بتطلع لكل من الفرعين ومع جزيل الشكر والامتنان

ما تخلي حدى يجبرك ع تخصص ما بتحبي شوفي انتي شو بدك. التخصصات بتقدري تشوفيها من النت .

انا كان معدلي بالعاشر 97 ودخلت it وانا هلأ خلصت توجيهي وجبت الحمد لله 95 بس مو طالعلي لا هندسة حاسوب ولا هندسة اتصالات فاذا رغبتك بهندسة لا تدخلي it