نعم هو غريب في هذا الزمن .

نعم وانا اعتبر نفسي من الغرباء ايضا.

اذا لم تكن كما يريد الاخرين فانت غريب اذا كنت لا ترغب بمشاركة الاخرين من الذين يعتبرون الحياه لهو ولعب فانت غريب اذا تكلمت عن الاخلاق انت غريب اذا تكلمت في المباديء انت غريب وثقيل دم وصحبتك ممله .

الزمن تغير والحضاره فرضت نمط من الحياه اللااباليه على البشر فمن تمسك بالقيم او تمسك باراء تعبر عن شخصيه رصينه ورزينه سيجد ان الكثيرين سيبتعدون عنه.

طوبى للغرباء الذين نحن منهم وننتمي لهم

احسنت مشكلجي مؤلم الطرح مع انه يبدو مضحك .

وليش عايش؟؟؟؟ لا بتحب قعدة الشباب ولا الرحلات ولا التلفزيون
المصيبة بحبش البنات ...؟؟؟ ما في حدا ما بحب النسوان ولك أأأأأأأخخخخخخخ منهم

عنجد انت عندك مشكلة ؟ كيف بتقضي يومك

لازم تعملوا فحص وتتأكدوا إذا كنتم بشر أم مخلوقات أخرى فإذا أثبت الفحص بأنكم بشر عليكم أن تتأكدوا هل أنتم بشر بمشاعر أم خالي من المشاعر

بتعرف قصة الصياد وكيس الحجارة ؟؟

يا زلمه احبطتني فقعت مرارتي ششششششو دخلنا بسولافيك الطرمه واحد معقد شو نعمله!!!!!!

ما بتحبوا البنات؟؟؟؟؟معناته فعلا في عندكو مشكله خطيره كتير....او بالاحرى اعتبروا حالكو مو موجودين اصلا......طبعا هاد اذا كان هالحكي صحيح

السلام عليكم صديقي العزيز... صراحة أنا في مثل وضعك بالضبط وحابب نتعارف عشان نصير مش غريبين عن هالشباب اللي بيمثلو 90% منهم سخافة من منطلقنا أنا وياك وشو رأيك نتعرف بأقرب فرصة أرجو الرد بأقرب فرصة... وصراحة هم اللي غلط مش احنا لإنو أنا واياك واللي على شاكلتنا ماشيين على الطريقة الصحيحة اللي لازم الشباب بالأصل يمشو عليها= الطريق المستقيم

يا اخي فيه ناس متل هيك
مثلا انا بحبش اسمع اغاني ولا اطلع رحلات وبخجل لما احكي مع زملائي بالجامعة وحياتي عادية وطيبة كتير
اشي عادي كل انسا واله شخصيته

ملاحظتك الاخيرة(لصدق والأمانة هناك بعض القواسم المشتركه بيني وبينو بس انا مش حاسس بأشي ..اما هو مكبرها وحاسس نفسو غريب وانو مش لازم يكون هيك..)انا نفش الشيء ونصيحة له ان يحاول ان يختلط بناس ذو خلق الاشتراك بنادي.واخيرا قراءة جراسا ومواضيعها صدّق مش راح يحس بملل......وطبعا لاننسى الصلاة والعبادة

صديقي مشكلجي أصابع إيدك مش كلها واحد بس الشب ربى على هيك ومن شاب على شيء شاب عليه في شي منيح مثل متابعته لبرامج الوثائيقية وهاد جانب إيجابي وعدم التدخين ولكن مش لازم ينجرف وراء الطريق الغلط عشان يكون مش غريب ولكن مع الايام بتغير وحسب عمره وحسب الام والاب او الاخوان طريقة الحياة الحالية والمرء على دين خليلة وهاد صاحبك يشبهك عشان هيك تلاقيتم وبعدين يامشكلجي حلو انك ماتجرح حدا وبنفس الوقت لاتعبر عن كل اشي مابعجبك ولا تستهين بممارسة اعمال الغير..........اتمنى ان تكون وصلت الخلاصة

هو في حد هيك بهاد الزمن ..... اللي كله مغريات

هاد الشخص انطوائي جدا ..... يمكن اسلوب التربية عنده من هو صغير اله اثر عليه

اما مابحب كل هي الاشياء فعلا اشي غريب

متقوقع جدا على نفسه

لا والله ماهو غريب بس جد صعب تلاقي شباب في الصفات هاي الايام برافو عليك خليك على حياتك احسن اللك هاي صفات الشاب المؤدب الخلوق الي مابلاحق ورا الاشياء التافه

والله يا مشكلجي انت حكيت : ( هو مكبرها ) بس انا شايفه انها مش مشكلة صغيرة لو هو داخل بالناس كثير رح يكون عنده مشكلة غير هاي المشكلة إلي بتحكي عنها
هو كويس يكون في شاب هيك اخلاقه يعني ما بحكي مع بنات ما بيسمع اغاني ......... الخ
بس كمان صعب انه يكون في اول حياته مايعيش فترة شبابه مع اصحابه يعني رحلات مشاوير واشياء زي هيك
يمكن تكون التربية من الاهل هيك يعني شوي ماسكين عليه تصرفاته وهاي كثير صعب إلا إذا
ناس اقنعه ان هاي فترة لازم يعيشها في حلوها ومرها ومش لازم الواحد يعيش بالتصرفات الغلط يعني يعيش وهو متمسك بدينه وبأخلاقة
اما اذا كان صاحبنا متعرض لصدمة وغيرت حياته 24درجة هيك الوضع بكون غير يعني لازم ينسى كل اشي ويبلش من الاول ولازم يدخل على جراسا ولاينسى العبادة والذكر
موفق والله يسر إله الصحبة الكويسة ........... ميســاء

السلام عليكم
الى صاحب المشكلة والى قتيبة العمري بصراحة أنا في مثل وضعكم بالضبط وبيناتنا صفات مشتركة اكثير ؟؟ ومثل ما حكى قتيبة لا تزعل لانه همه الي غلط , بتلاقي اكثر الشباب بيعرف عن الكورة وفرق الكورة اكثر مما بيعرف عن دينه , والسبب الثاني لانه الدنيا ما بتستاهل . قال الرسول صلى الله عليه وسلم ((‏من أصبح منكم آمنا في ‏ ‏سربه ‏ ‏معافى في جسده.. عنده قوت يومه .. فكأنما ‏ ‏حيزت ‏ ‏له الدنيا بحذفايرها ))
أنا حابب أتعرف عليكم , عمري 25 سنة
ahmed_zaina_84@yahoo.com

السلام عليكم
الى صاحب المشكلة والى قتيبة العمري بصراحة أنا في مثل وضعكم بالضبط وبيناتنا صفات مشتركة اكثير ؟؟ ومثل ما حكى قتيبة لا تزعل لانه همه الي غلط , بتلاقي اكثر الشباب بيعرف عن الكورة وفرق الكورة اكثر مما بيعرف عن دينه , والسبب الثاني لانه الدنيا ما بتستاهل . قال الرسول صلى الله عليه وسلم ((‏من أصبح منكم آمنا في ‏ ‏سربه ‏ ‏معافى في جسده.. عنده قوت يومه .. فكأنما ‏ ‏حيزت ‏ ‏له الدنيا بحذفايرها ))
أنا حابب أتعرف عليكم , عمري 25 سنة
ahmed_zaina_84@yahoo.com

وينــــــــــــــــــــــــــــــــــــــــــك؟

اولا : -

كيفك مشكلجي هيك بتخلي الواحد يفقدلك بس بسيطة حسابك بعدين .

ثانيا : -

صاحب المشكلة إنسان فطري وقل ما هم وليس من يحملون امراض أو ما شابه ذلك .

لكن كفيلة الحياة بتغييره ولك مني السلام ولو بقيت هكذا اسلم لك من وجهة نظري .

لهذا السبب انت فعلا طبيعي لانك لو تأقلمت مع هالعالم الغريب رح تكون من مستواهم المتدني
ونصيحتي خليك مثل مانت .................

شاب جدير بالأخلاق ويوجد القليل من هذه الصفات للأسف ليت كل الشباب مثلك أيه الغريب

كنت ساقول لك بأن هذا الشاب متدين وغاية في الاخلاق ولكن وبما انه يعتبر نفسه غريبا وهو غير راضي عن نفسه ويتمنى ان يكون عكس ذلك
اذا اسمح لي ان اصفه بصفة ثانية اقرب اليه من التدين وهي (قلة الثقة بالنفس واحتمال خجل)
ونصيحتي له بان لا ينظر لصفات الاخرين ويعتبرها من المسلمـــــــــــــــات فلك قاعدة شواذ
انصحه بان يعزز ثقته بنفسه

والله يا مشكلجي انت ذكرتني بخروف ابو الهنا الخروف السيكوباتي اي المنطوي على نفسه
والله الي ما يحب النسوان الله يبعتله علة

انه انسان طبيعي جدا جدا وما يقوم به عين الصواب وهذا ما اربي ابنائي علية وصفاتهم مشابهه له
حتى وان كان غريب بين الناس فليتاكد انه حبييب عند الله
اللهم ثبته على خلقه وابعد عنه الفتن

انه انسان طبيعي جدا جدا وما يقوم به عين الصواب وهذا ما اربي ابنائي علية وصفاتهم مشابهه له
حتى وان كان غريب بين الناس فليتاكد انه حبييب عند الله
اللهم ثبته على خلقه وابعد عنه الفتن

يا اخي اول شي الانسان كائن اجتماعي ,,

يعني لازم يعيش حياته كانسان ,, وانك تعيش كانسان لازم تتفاعل مع الحياه بحلوها ورها ,,,

ولازم تختلط مع الناس لتعرف المنيح من العاطل ,, انا انك تنغلق على نفسك وتعيش بينك وبين نفسك ,,, كيف بدك تقدر تعيش كبني ادم ,,,

بكره بالمستقبل لمى تنجبر تتعامل مع الناس كموظف او صاحب عمل ,, او كعلاقات مع البشر كيف بدك تتصرف وانت انسان خام !!؟؟

لازم تتفاعل مع الحياة والناس وتعيش حياتك ,, ليش اسمها اصلا حياه ؟؟!!

عيش حياتك الان ,, عيشها بحلوها ومرها ,,, اعرف المنيح من العاطل ,, لانه يا بني ,,, الدنيا مليانه وحوش ولازم تعرف كيف تتعامل مع هالوحوش ,, اذا احنا بني ادمين ويالله يالله عارفين نمشي حياتنا فكيف الخاااااام السي مش مجرب ولا شايف ,, يا حبيبيي اذا انت مش سائل على نفسك كيف بدك بكره تتزوج وتربي اولادك ,,, مصيبه لو طلعوا مثلك خااام ,,,

يعني عيش ايامك عيش لياليك خلي شبابك يفرح فيك ,,,,,

قال بحبش قال ...!!!!

ما في عنده مشكلة نفسية برايي هو شي بيعكس شخصيته بيكون انطوائي بس بده حد يحركه وهالشي انبنى مع شخصيته ويمكن اهله هيك متعودين يربوا اولادهم ما بيعملولهم اي اكشن ليعملوه بحياتهم وبصراحه هالشي غلط بيعمل ضعف شخصية
بس شي بخوف انه ما بحب يحكي بنات كيف بده يتزوج لو تعرف على بنت يمكن يصير يحب البحر الميت

لك اخي من اين ماكنت لاتستمع لترهات المعلقين وكن كريما كي تنال بعلمنا نورا وعلما ثم خيرا وانعما ان المعلم ولطبيب لاينصحان اذا هما لم يكرما

نعتذر

نعتذر

نياااااااالك ع اللي انت فيه

يا رجل انتا بتحرضه على الرذيلة وبنفس الوقت شليت البنت في تعليقك على مشكلة هل انا معقدة ام لا
اتقي ربك وعالج نفسك من الانفصام

ما فهمت من تعليق الكيالي انه بحرضه على فعل سيء او حرام مثلا
كل الامر انه شب وضروري يكون فاهم الدنيا ويعيشها
لانه بكرة بدو يكون مسؤول عن زوجة وبيت واولاد ؟؟؟؟؟؟ يعني بلاش يكون هبيلة
وهدا الزمن الاهبل والدرويش ملوش مكان ؟؟؟؟؟؟

البنت ؟؟؟؟؟؟؟ للاسف دايما اللوم عليها ودايما لازم تكون حذرة وحريصة بكلامها ولبسها وعلاقاتها
لانه ما حدا برحمها ؟؟؟ وكمان هي مع مرور الوقت راح تحاسب حالها وتندم لما تعمل ايشيء غلط ؟ بخالف الشرع والمجتمع

يا كيالي ؟؟؟؟ سؤال والك الحرية بالاجابة علية
انت بتطبق كل قناعاتك اللي بنقراها في جراسا ؟؟؟؟؟؟
كل تعليقاتك الهدف منها توعية البنات ؟؟؟؟؟؟ ام وصف الواقع اللي بعيشه الشباب وانت معهم

وتحياتي

هلا فيك صفات حلوة انت حكيت ما بتحب تصاحب بنات وتحكي عنهم
ادا كان هيك مو شايفه فيها غلط
يعني الشاب ما بيكون شاب وما بيستمتع بحياتو غير مصاحبه البنات
انا بالنسبه الي بحترم الشاب الي ما بصاحب
حتى ما بتحب الكرة مش شايفه شي كبير او انك مش طبيعي بالعكسادا كنت بتشغل حالك بشي مفيد
والاغاني بالناقص منها واريح الك غير انها حراااام
يعني بالنسبه الي وضعك عادي بس الي استغربت منو السواقه ما بتحب تتعلم هاد لازم يتغير عندك

آه..ثم آه..ثم آه..من البعض..
27 و28 أنتقد بدون ما تشتم والله أولاد ناس أحنا..
-الى وليد..ما فهمت عليك..
-الى يارا..القصة ما بعرفها ..صدقا
- الى بنت اللوزي..الشب ما عندو مشاكل نفسية ولا هو أنطوائي..
- الى دحدح..ما هو متعقد من النسوان..بس ما بحب العلاقات المشبوهة
- الى روعه..هو مع الأسف غير ملتزم دينيا..
- الى ميساء..هيك قناعاته ما حدا ضاغط عليه..
- الى سوسو..نعم هو مؤدب وخلوق جدا..
- الى بنت مأدبا..صدقيني ما شفتو متقوقع على نفسه..
- الى ام غزل ..شكرا ع النصيحه ..مقبوله
-الى عابرة سبيل..رح ادله على جراسا..
-الى قتيبه العمري واحمد محمود ..مرحبا بكم اصدقاء للمشكلجي..يا رب ما تندمو..هههههههه
- الى صقر الشوبك..سواليفي طرمه..معقوووووول..رح أراجع نفسي
-الى محمد قيس..بنحب البنات ..والله بنحب البنات..بس بالحلال
-الى محشش..عادي زي كل يوم ..عايش حياتي..ما عندي مشكله
- الى دكتور..معقول نكون مش بشر..انت كيف شايفنا
-الى العصفوره..يا بنت دارسه علم نفس انتي...وراء كلماتك فهم عميق..
-الى كيالي..بارع في تصوير الواقع..لكن هل طرق الشباب هذه الايام هي الطرق الوحيده للأستمتاع بالحياة فعلا..ما بحب..شو صار
- الى شعبر عن معابيرك ..يا ريت لقب من كلمه وحده..فعلا هو انسان طبيعي جدا جدا..بس حاسس نفسو غريب يعني سؤال في عقلو بدور..ليش انا مش زي بقية الشباب أدور على اللي بدورو عليه وهو ما بصلي والا كان قلنا انو صلاته بتمنعو عن هيك شغلات..
-----المشكلجي يقول: أشكر جميع اللذين شاركو بالموضوع..
وأشكر جميع الذين سيشاركون بعد ظهور هذا التعليق..
ولعل صاحب المشكلة يكون معلقا بيننا ذات يوم فقد قررت سحبه الى جراسا..ارجو ان انجح..
ملاحظه اخيره..معرفتي به من ايام قلائل..وفي ظرف عابر..
ملاحظه فوق الملاحظه..قد انجح وقد لا..انجح..فصمته اكثر من حديثه..
الى هنا انتهى البث...المره بتنادي علي..خير اللهم اجعله خير..عارف بدها مصاري..

مابدك هالعلاقات اخي لانه شعبنا ازعر ويميل للمشاكل والبنات نميمة وعقد . خليك بحالك احسن

بحب اجاوب تعليق رقم 30 وشكرا لاحلام للتوضيح ,,,

يا اخي ممكن انك تحكي عني اني مفصوم ,,, ممكن انت صح ,,, بس هل صحيح اذا اعرفنا الصح من الخطأ بنكون مفصومين عن الواقع ,,, لالا حبيبيي !!!

الواقع بحكي انه ممكن نحب وممكن نعشق بس يعني لازم نخبص الدنيا لو حبينا حب شريف ,,,
الحب الشريف ,,, بكون اني احافظ على الي بحبه مش ,,, انسفه نسف من الحياه ,,,, واقرب فرصه استغله واشطبه ,, وبعدين احلقله على قولتنا احنا الشباب !!!؟؟

ثاني شي ,, يا صاحبي الانسان لازم يكون قد حاله هلايام ,,,, من شب على شيئ شاب عليه ,,, بمعنى ,,, الثقه بالنفس من وين بتيجي ,,,,

ممكن تيجي من التجربه بالحياه ,,, الثقه بالنفس بتيجي ,, من النجاح بحياتنا ,,,, لازم اكون واثق من نفسي حتى انجح ,,,,

فاذا ما جربت ,, واذا ما مارست ,, واذا ما عرفت المنيح من العاطل ,, واذا ما دقت طعم النجاح ,,, واذا ما دقت طعم الفشل ,,, كيف بدي اعرف نكهات الحياه ,,,,

يعني بالمحصله لازم نحتك بالبشر ,, لازم نجرب البشر ,, لازم نتعامل مع البشر ونواجه هالحياه ,,, وبكل صراحه اقلك شي واحد ,,, هل المهزوز ممكن الناس تتعامل معه ,, وله بتتجنبه ,,,
هل المهزوز ,,, ممكن حد يساعه الا من رحم ربي ,,,,

يعني خلينا واقعين بحياتنا ,,, كلنا مكافحين بهالدنيا ,, والشاطر الي بتعلم من الدنيا ,,,, والدنيا مدرسه ,,, اذا ما اعرفنا خيرها من شرها ,,, شو راح يكون مصيرنا ,,, ولا شي ,,,

المحصله صفر ,,, فلازم ,,, نتحرك لنزيد معدل سرعتنا بالحياه ,,, ونتجاوز الصفر ,,, الي للاسف معظمنا ما زلنا تحت الصفر ,,,لاننا ما اتحركنا ,,, لنتحرك من علامة الصفر ,,


شو عم بخبص انااا ,,, سلام ,,, وسلامتكم من الاه ,,,:-):-);-)

بمنتهى الذكاء ؟؟ يا كيالي جاوبت على اسئلتي

يعني سؤال بسؤال ؟؟؟؟؟؟؟ مع اني بدي اجوبة واضحة بوضوح تعليقاتك

انا شايف انو يقعد مع الشباب ويروح رحلات ويدور ليه بنت يتعرف عليها ويش وده صيب يلفحه في عرق اذنه
هيك شكلها الدنيا منين انجيب ليه دنيا غيرها

why not احلام !!

انتي اسئلي ونحنا بنجاوب ,,,,,, وبوضوح كمان ,,, بس لازم نفهم السؤال ع اساس نعرف نجاوبه ;-)


have a nice day

انا سالت ؟؟؟؟؟ ارجع اقرأ تعليقي

بالعكس يا صديقي انت مش معقد احكيلك ليش؟؟؟؟؟؟


لانه بكل بساطة جدودنا كيف عاشوا بدون هالاشياء كلها
صحيح انه احنا زمننا غير زمنهم بس حلو انك تكون مميز عن غيرك وياريت انا يكون عندي نفس صفاتك لاني مدمنة افلام ومباريات وخصوصا عماد متعب لاعب فريق الاهلي بعشقه هالانسان وما بعيش بدون مسلسلات و...و...و...الخ الخ الخ

عادي ولا ترد على حدا
انا مره كنت بالعقبه لاسبوع ولا صبت المي بادي شو يعني عادي
انا مرات بحب اسمع اغاني وبسمع خليجي واجنبي عادي والي اله عندي يحاسبني

الى احلام ...
يا كيالي ؟؟؟؟ سؤال والك الحرية بالاجابة علية
انت بتطبق كل قناعاتك اللي بنقراها في جراسا ؟؟؟؟؟؟
كل تعليقاتك الهدف منها توعية البنات ؟؟؟؟؟؟ ام وصف الواقع اللي بعيشه الشباب وانت معهم


انتي سئلتي وانا راح اجاوبك .!!!

اول شي لمى الواحد بجاوب من خلال جراسا ,,, ما في حد بعرف الثاني الا من خلال النك نيم ,,,,
يعني ما في داعي انا نزايد وله نضحك على بعض ,, وكل واحد بحكي قناعته بالموضوع وبحريه ,, يعني وكانه كل واحد لابس قناع وعم بحكي مع اشخاص مجهولين ,, بس بافكار مختلفه ..!!!!

بالنسبه الي بحكي الي انا مقتنع في ,, بحدود الحريه الي بقدر عليها ,, لا ااذي شخص ,,, ولا اجرح بشخص ,, بس بالاخر ما بظل الا الصحيح ,, وكل انسان حر بالي بقتنع في ,,,

يعني الان ,,, احنا كشباب ,,, وممكن نسبه منهم الي بفكر بطريقتي ,,, اهم شي عنا ,, البنت الانثه ,,, بمعنى انها تكون انثى باسلوبها وبحياتها ,, والانثى ,,, الكل بطمع فيها لانها انثى ,,,,

مش من باب ضعف الانثى ,, لاء من باب ,,, انه الشب لو وصل لنقطه معينه مع الانثى ما راح يقصررر ,,,, ولا راح يرحمها ,, لانه النساء " الانثى " كأن عاطفي بكثير من الاحيان ,,, وهون المصيبه ,, بتفكر بعاطفتها وباحساسها ,,, واحنا الشباب صحيح بنفكر باحساس ,, بس عقليته غيرررررررررررررررررر

وحياتك غيررر ,,, اول ما بفكر ,,, كيف بدي اجيب فلانه ,, ولو جبتها شوو بدي منها ,, وببلش الافكار السوده ادور براسه ,,

لانه من الاخر الشب الي بدو يخطب وله يتزوج ,, وبصريح العباره في طرق ثانيه ممكن يمشي فيها لو هدفه مش اللف والدوران ,,,

طبعا بدو يطلعلك واحد ويبلش يعمل حاله ابو العريف ,,, لا تعمم ,, ولا تخبص ,,

طيب يا حبيبيي ,,, البنت ممكن تقعد معها مره مرتين ,,, وتفهم شو هدفك منها وهي شو هدفها منك ,, بس تقعد تتسمرح رايح جاي ,,, لالا حبيبي ,, الشباب ,,, بدهم ينبسطوا وبدهم يحبوا ,, وما بفرق مهم ,,, يغنوا يالليل يا عين مع اي بنت بتسمحلهم بهاد الشي ,,,

يعني من الاخر ,,, الشب لو عرف انه البنت ,,, سهله ,, راح ما يقصرر وحياتك ,,,,

من هل المنطلق بنقول ,,, اوكي يا عمي حبي واعشقي ,, بس ديري بالك الشباب ذئاب مسعووووره ,, وما بتقصر ,, لو لقت الجو المناسب والوضع المناسب ,,,,

والمصيبه مش هون وبس ,,, لو تكرر الموضوع ببلش يفكر يصور فيديو ,, ومش بس هيك ممكن يبيع هالفيديو ونتشر ع النت ,, وله كلامي غلط ,,,

ولاثبات هالشي ,,, كل راس مالها عملية سيرتش بالنت ,,, وشوووف البلاوي الزرقه يا حبيبيي ,, الله يستر عليكم ,, اكثر من هيك ما بنقول ,,,

وشكرا الك ولسؤالك ,,,!!


اذا ك

كل تعليقاتك دفاعا عن الشباب البنات ما الهم دور بحياتك دليل على انك انسان اناني وبتحب التسلط ورغم هيك تعليقاتك دفشة وكلها حكي اولاد ....... وسلامتكم

كل تعليقاتك دفاعا عن الشباب البنات ما الهم دور بحياتك دليل على انك انسان اناني وبتحب التسلط ورغم هيك تعليقاتك دفشة وكلها حكي اولاد ....... وسلامتكم

الى تعليق 43
بالعكس انا كل كلامي دفاعا عن البنت ,, وبحذرها منا احنا الشباب " الذئاااااب البشريه "

بالعكس البنات همي بلسم الروح وبلسم الحياه وهاد الشي الي احنا بنحكي من الصبح !!؟؟

وثاني شي شو يعني بحكي زي الاولاد ,,, الان لمى ناقش موضوع مو لازم يتناقش بطريقتنا وكيف بنحكي يا سستي انا بحكي هيك بالعاميه ,, وما بعرف احكي فصحى ,,,

ما بعرف اقلك ما بعرف شووو اسوي ,,,, اشنق حالي لانيما بعرف اكتب فصحى ,,,

غريب المهم الفكره ,,, وصلة ولالا لاء ,,,, يا عمي ما بعرف اكتب فصحى ;-);-)

وطز يا حمد فيك وبلغتك العاميه

شكرا يا كيالي على الوضوح والدقة بوصف واقع العلاقات بين الشباب هدا الايام
وانا كنت بعرف جزء منها ؟؟؟؟؟؟ بحكم اني عايشة بالبلد وبعرف ناس هيك
سواء شب او بنت ؟؟؟؟؟؟؟؟ بتعرف انه في منهم بتفاخر وببتاهى انه بعرف كتير

بس سؤال تعجب واستنكاري ؟ هدا الشب بكون بالاصل عارف شو بعمل وليش ؟ اوكي
بعد ما يخلص مهمته ؟؟؟؟؟؟؟ ما بزعل على حاله ما بحاسبها
ما بفكر بالبنت ؟ شو صار معها ؟ كيف راح تعيش ؟
بلاش ما بفكر انه الدنيا دوارة ؟ وراح يتحاسب على نواياه السيئة بالدنيا قبل الاخرة
ما بفكر انه يمكن يموت ؟؟؟؟ او يصير معه حادث ؟؟ او تدعي علية البنت
على اعتبار انها انخدعت وانظلمت معه ؟؟؟؟؟؟

انت يا كيالي وحسب معرفتك ؟ في شباب بتندم ؟ وبتوب ؟

عن جد نفسي افهم ؟ كيف هدا الشب بعرف ينام ويعيش حياته ولا كانه ايشيء حصل
ولا انه دمر حياة انسانه ؟؟؟؟؟ انا ما بحكي عن البنت اللي عارفة بالاصل نوايا الشب
لا ؟انا بقصد البنت اللي عرفت الشب وما بتعرف شو نواياه ولا انو بدو ايشيء سيء منها

شوف كيالي ؟؟؟؟؟؟ ما بتحكيلي وين عقلها ؟ وضروري تكون فهمانة اكتر وواعية
طبعا اجباري تكون حريصة ؟؟؟؟ ومن الاصل ما تعرف اي حدا
بس افترض صار وعرفت ؟؟؟؟؟؟؟؟ ما براعي نفسيتها ولا انها انسانة كانت صادقة معه ؟؟؟؟
وما بتعرف كل الدواوين ؟؟؟؟؟؟؟ اذا عرفت وضلت معه ؟؟؟ انا بحكي اللة لا يردها

والشب ؟؟؟؟ وين بدو يروح من ضميرة ؟ ما بخاف بكرة على زوجته او اخته او بنته
مش كما تدين تدان

والحرام حرام ؟ سواء لما قبلت البنت تعرف واحد بغياب اهلها
والشب لما كذب وخطط ووقع البنت ؟؟؟؟ الاتنين راح يتحاسبوا

لكن للاسف البنت طايما بتدفع التمن الكبير ؟؟؟؟؟؟؟؟؟؟؟ وهدا مش عدل يا كيالي ؟ومليو علامة استفهام
تحياتي يا كيالي

الى تعليق رقم 46 شكرا ,, بس لو كنت قدامي ما بقلك شكرا ,, بتعرف كويس شو بكون ردي الك ,,, اكيد انت فاهم علي منيح ;-)

الى احلام :
كلامك في منه صح وفي منه بدو تفسير !!

اول شي زي ما انتي حكيتي

" بس سؤال تعجب واستنكاري ؟ هدا الشب بكون بالاصل عارف شو بعمل وليش ؟ اوكي
بعد ما يخلص مهمته ؟؟؟؟؟؟؟ ما بزعل على حاله ما بحاسبها
ما بفكر بالبنت ؟ شو صار معها ؟ كيف راح تعيش ؟ "
الشب من اول طلعه مع البنت بكون عارف شو بدو منها ,,, بدو قلبها وله جسمها ,,,
بكون عارف وعم بنصب شباكه حواليها ,, واغلبهم شغل دواوين ,,, يعني عارف من وين تاكل الكتف ..

والشخصيه من هالنوع اصلا ما عنده ضمير ,,,, بكون ضميره ميت ,,, والميت ما تترجي منه شي ,, لانه اصلا ميت لا روح ولا احساس ,, ولا حتى محضر ,,, الكل بدو يبعد عنه ويدفنه ,, لانه ميت ,, مهاد هو الانسان الي بلا ضمير ,,, بعمل كل شغله من غير احساس بالغير ,,, الخيانه بتكون بدمه ,,, الخيانه بتكون لاعز الناس بحياته ,,, فهو بهيك حاله ما بكون سائل باحاسيس الغير ,,,
قلبه ميت من الاخر ,, فلا تستني منه انه يندم على شي غلط عمله بحياته ؟,,, وهالمخلوقه الي ضحك عليها ,,, ما بشعر بالندم انه ظلمها بالعكس بحكي بعقله بتستاهل ,, وهاي وحده هبله والله لا يردها ,, هاد تفكير هالنوعيه من الشباب ,, يعني قلب ميت ,, بده بس يشبع غريزة الحيوان الي بداخله ...ولا راح يندم ولا هم ,, وراح تروح بكيس هالمسكينه الي تركها بعذابه مقهرها ,,

والي من هالنوع اصلا لا بفكر لا بام ولا باخت ولا ببنت ,, لانه اصلا معدن رخيص !!

وزي ما انتي حكيتي الانسان الي بحب باحساس مسكين ,, ما بكون شايف قدامه لانه الحب اعمى ,,, بس هاد مش مبرر ,,, انه ننعمى عن الصح من الغلط ,,,
كل شي اله حدود ,,,

وخليني اقلك شي ,,,, صدقيني ,,, وبحكيها للمره الالف ,, يا بنات لا تامنوا لشب من هالنوع ,, لانه اصلالا مش انسان ,, هاد ذئب بشري ,, بدور على الفريسه السهله ,, الي بقدر ياخد منها الي بده اياه وبكل سهوله ,, وصدقيني بكون مبسوووط وكيف على حاله انه قدر ياخد الي بدو اياه ومن غير فلوس ,,, اسف للتعبير ,,,,

وبعدين هالشخصيه الي من هالنوع ,, بتلاقي من بيت لبيت ,, عم بدور عليهم وما بقصر حدا لا صغير ولا كبير ,, لا ابيض ولا اسود ,, يعني نفسيات محمضه اسف بالتعبير ,,,

وسلامتك من الاه ,,, وشكرا لردك ...

;-):-)

شكرا يا كيالي ؟ بتمنى ما يكون اغلب الشباب هيك ولا انت طبعا ( اعتذر بشدة )
صدقني عشانهم وعشان حياتهم الجاية ؟ والحرام ما بدوم ....... مهما كان حلو وممتع عندهم

ما النا اللي ندعي اللة عز وجل انه يهدي الشباب والصبايا ويرجعوا لدينهم
ولمجتمعهم وللعادات والتقاليد الاصلية ؟؟؟؟؟؟

وللاهل ؟؟؟ انهم يسهلوا زواج بناتهم وانه يفكر الشباب بالزواج
لانه احلى وامتع وانظف ؟؟؟ بكفي انه حلال

اسلوبك بالكتابة مقنع وسلس وممتع ؟؟؟؟ انا اعجبت به
مساءك سعيد

عجبك ابو الحواجب وملقط الشعر سنحك وسنحه ما اقل ادبك هيك من النوعيه اللي بدها تطبق زلمه الله يقطع عمرك ما ارخصك

يا صاحب (صاحبة ) التعليق ؟؟ شكرا ؟ بيحكوا الملافظ سعد اللة يسعدك
لو بايدينا قطع الاعمار ؟؟؟؟؟؟ كان كل اليهود من زمان ماتوا

انت فهمت ( فهمتي ) من التعليقات هيك ؟ بس هدا قمة التخلف والهبل
مجرد الرد والتعليق على الرد ؟؟؟ حوار نقاش طرح راي
مش مشكلتي انكم بتاخدوا الامور بسوء نية ؟؟؟ يكفي اني بحكي قناعاتي علنا والكل يقراها
وربنا يكفينا شركم ؟؟؟؟ ولسانكم الفالت يا غالي ( غالية ) يكفي انا التعليق دون اسم
منتهى الجبن

تحياتي يا 51 واللة يعينك على عقلك

نعتذر

الطيبين للطيبات ,, والخبيثين للخبيثات يا 51

معلش المحرر شطب تعليقي شطبببب ,, مع انه كان على قد الايد يا باشاااااا ,,,

;-)

اعتقد انك تعاني من حالة اكتئاب وعدم رغبة بالحياة

انا ما بدي اعلق عالشب يمكن مش قادر يحدد دائرة اهتماماته وهذا مش بس طبيعي بل صحي لانه عارف شو بده على الاقل غير عن 90 بالمية من الشباب اللي بيركضوا زي الخرفان ورا بعض شو في اهتمام صاقط طالع موضة بهتموا فيه وهم والله مش هامهم بس هيك عايشين ....الا ما يلاقي في يوم شغلة عملة تهمة وبنت تحركه مافي داعي يركض ورا كل البنات اللي بتسوى واللي ما بتسوى

اللي مش طبيعي انه صاروا الشباب اللي بحكوا انهم زيه بدهم ينعرفوا عليه زي احمد محمود وقتيبة العمري شو القصة يا شباب ...ناوين ع شي هههههههههه