الزوج النكد والبخيل اصعب شخصيتين ممكن التعامل معم خصوصا البخيل والانسان المسلم يدعي في صلاته "اللهم اني اعوذ بك من البخل والجبن والهم والحزن" ربنا دعانا لان نستعيذ منه كما نستعيذ من الشيطان الرجيم, والقرار لك

اضافة الى ما سبق , اذا دخل الفقر او البخل البيت هرب الحب منه

الرجل البخيل على المرأه الابتعاد عنه مسافة سنه ضوئيه لانه يغث البال ويجعل المرأه تعيف نفسها وتعيش الحرمان على اصوله.

العصفوره تقول بخيل وكذاب ضربتين بالراس بوجعوا انفدي بريشك .

بس استفسار في وحده بتخطب واحد بدون ما تجلس معه وتشوف تصرفاته طبعا ضمن ما شرعه الله من عدم الخلوه وتحكم عليه خطبه من بعيد لبعيد هيك نهايتها الله يعوض عليكي .

الى العصفورة تقول , اولا بحب احكيلك مسا الخير وانا كتير بحب أقرأ تعليقاتك على كل المواضيع لانها منطقيه جدا وجميله وبتمنى لك التوفيق دائما وابدا :))) :-)

الى العصفورة تقول , اولا بحب احكيلك مسا الخير وانا كتير بحب أقرأ تعليقاتك على كل المواضيع لانها منطقيه جدا وجميله وبتمنى لك التوفيق دائما وابدا :))) :-)

حبيبتي نصيحه مني وخديها ديري بالك يعني اكتر وأهم شغلتين مش لازم يكونوا بالزلمه موجودين فيه يعني أصعب شي يكون الزلمه بخيل وكزاب يعني حياة صعبه كتير ، فكري منيح واختبريه قبل ماتنفصلي عنو وحاولي بأي طريقه تكتشفيه لحتى تكوني مرتاحه قبل ماتنفصلي، والله يوفقك يارب.

اذا كان يحبك ، فالحبيب لا يبخل على حبيبه بشيء .
واذا كان بخيل حاليا" ، فهذا لا يعني بالضرورة انه سيكون بخيل طول عمره ، فربما عاش مرحلة من حياته تطلبت منه ان يكون بخيلا" خارج نطاق حياته الشخصية ، ولكن لا اعتقد بان هناك شخص قد يبخل على بيته وزوجته واطفاله . ومن الممكن ان يكون هذا في سبيل توفير العيش الكريم له ولك لاحقا" بعد الزواج .
تفائلو بالخير تجدوه .
الله يجيب الك اللي فيه خير .

تحياتي للجميع ولعناد والكنج وحكيم وفتاة الصحراء وجنى .

انا رأي انه تشوفيلكي شوفه غير هالشوفة . إذا وهو خاطب مابفرح خطيبته بشي شغلة وشو هذا البخل يازلمه اذا كنت طفران , ما بتقدر تجيب كيس كعك مثلا ؟ كيلو هريسه لامها خليها تتمطق عليها .. يازلمه كيسين شبس ..يازلمه زجاجة عطر ام النيره ..مر على سوق الخضرة وجيبلك 3كيلوا خيار بنيرة .. ول يا زلمه ولا شي اي روح والله خسارة فيك بنت الحلال

شو يا كنج ،
عملتلنا قصة ورقصة ، وبنينا بيوت شعر وسجاد وكراسي وحالتنا حالة
وكل الحارة بوضع تاهب وترقب حتى نستقبل الضيف الجديد " عطوة الهبيلة "

لا شوفنا عطوة ولا تعليقاته .

عمرو ما كان الفقر عيب و عمرو ما كان الفقر سبب بفشل الحياة للاسف المشكلة فينا احنا!!

الاخت صاحبة المشكلة اقول لكي التالي:

قال رسول الله صلى الله عليه و سلم في الزواج من الرجال ما يلي:
(إذا أتاكم من ترضون دينه و خلقه فأنكحوه إن لا تفعلوه تكن فتنة في الأرض و فساد كبير . قالوا : يا رسول الله و إن كان فيه ؟ قال : إذا جاءكم من ترضون دينه و خلقه فأنكحوه)

و في النساء ما يلي:
( تنكح المرأة لأربع : لمالها ولحسبها وجمالها ولدينها ، فاظفر بذات الدين تربت يداك)

انت اعلم من الجميع بمشكلتك!

الله يوفقك واينا امين

شو رايك يعني نروح على الخياط عشان نفصلك عريس كويس اللي قبل بوحدة زيك عااالم فاضية اشغال قال شو ما جابلي هدية ؟؟ شعب متخلف

الى ابو وديع
مع احترامي لأريك اعلمك أن البخيل يبقى بخيلا لان هذه الصفة تبقى ملازمة للانسان , وايضا عنده صفة اخرى يكرهها الدين والمجتمع وهي صفة الكذب , وبذلك انصها التأكد من انه يتسم بهاتين الصفتين , وبعد التأكد انصحهـــــــــــــــــــــــــــــــــــــــــــــــــــــــــــــــــــــــــــا أن تنفصل عنه قبل الزواج , فالخطيبة او الزوجة تحب ان يهديها خطيبها بشكل اساسي ومن ثم عندما يصبح زوجها هدية ولو كانت بسيطة بين الحين والاخر.

الفــــــــــــــــــــــــــــــــــــــــــــــــــــــرفورة

يسعد اوقاتك اختي المخطوبه اولا رسولنا الكريم قال خيركم خيركم لاهله وانا خيركم لا هلي صدقت يا حبيبي يا رسول الله...... صلى الله عليه وسلم.... اختي اخلصي منه هذا نتن؟؟؟؟؟؟ واذا ما فيه خير من اوله شو بده يجد عليه؟؟؟ اصلا لازم ب هالاوقات يخفي عيوبه؟؟وانكشف حتى تتريحي ع البدري قال الشاعر:يقتر عيسى على نفسه وليس بباقي ولا خالدِ ولو استطاع لتقتيره تنفس من منخر واحدِ اختي والله اكبر عيب بالرجل الكذب والبخل... والله يجيب اللي فيه الخير

اختي من الاخر ما في زلمه مش كداب مش الكدب ملح الرجال بس بما انو بخيل فلي من اولها احسن

على راسي يا عم ابووديع .... معك حق والله ...

يمكن تزامن قدوم الاخ المناضل (عطوة الهبيلة) مع حالة من الانشغال .... يعني فعلا انا رحبت بالزلمة ...... وبعديها بطلت اعلق بسبب الانشغال ...... بالرغم من اني شفتله كم تعليق في المشاكل القليلة السابقة .....

اما بالنسبة لموضوع المشكلة .....

فهناك فرق بين البخل والحرص .... لان البخيل بظل بخيل ...... فهو طبع مذموم ... وعادة قبيحة بتلازم صاحبها وما بتفارقه الا بالموت ...... لذلك انا اؤيد ما تفضل به بعض المعلقين خصوصا الاخ المناضل ( سلامتك والبطاطا) ... اللي بتعجبني تعليقاته ....

من ناحية اخرى ... هناك احتمال ان يكون الشب حريص ... ومش بخيل ..... لكن صاحبة المشكلة ( مكبرة الموضوع شوي) ..... خصوصا انه مثل ما حكيت انت ...... ان هذا الشاب عاش مرحلة من حياته تطلبت منه انه يكون حريص ... لاسيما في مرحلة الغربة .... وكل هذا ( عشان يحوشله قرشين) ......

على كل حال ... ومثل ما حكا الاخ ( مدمن بحر) ... فان صاحبة المشكلة هي ادرى بمشكلتها ........ وانا بحكي انها هي الوحيده اللي بتقدر تحدد هل هو مصاب بداء البخل المزمن ام لا ....

وفي حال ثبت بالوجه الشرعي ...... انه مصاب بهذا الداء .... يفضل انها تتركه ..... لانه راح تكون حياتها معه صعبة .... وما ننسى انه كمان (بكذب) ....




®KING OF HUNTERS

بدي اسئلك انه خلال الخطوبه يلي مدتها سنتين ما بعتلك بالمره هديه خلال غيابه ولما حضر لعمان خلال سنه التانيه كمان ما جابلك لو محرمه يعني انه بجيب كل فتره وتانيه ولا طول فترة الخطوبه ما شفتي شي منه هاد سؤال وانتي حاولي تطلبي منه شغله متل لبسه طلعه وشوفي شو جوابه وانتي خلي الحكم يجي منك مش من اهلك لانك حكيتلي بطلتي تطيقي تحكي معه يعني انه كلام الغير بسرعه باثر فيكي اعملي متل ما حكيتلك وبعدين قرري شو بدك تعملي وعلى فكره بدي احكيلك شغله في شباب بتحسيهم ولا بيخطر بالهم انه يجيبوا غرض لخطيبتهم مش بخل بس والله عن جد بتحسي انه في هبل وانتي حبيبتي شوفي وجسي نبضه وبتبين معك والله يوفقك

الى ام علي بحب اقلك كمان المرأه النكده يا حبيبي بتحول حياة الانسان لجحيم ,,, وبتصير الدنيا متل جهنم اذا عاشر وحده نكده ,, والنكده هم وغم وغضب من ربنا لانه بلالالالاه بوحده نكده وما اكثرهم هالايام النسوان النكدات ,,, وازيدك من الشعر بيت فش رجل نكد ,, ممكن النكد من ست البيت لانها هي الي بتحول الحياه لنكد وهي الي الي بتحول الحياة لسعاده ,, يعني البركه فيكم ,,,,,


اما بالنسبه لصاحبة المشكله ,,, انتي ما بتعرفي وضع خطيبك بالغربه وشو راتبه وكيف بحصل هالفلوس الي بجمعها ,,,

ممكن بحط القرش ع القرش لحتى يتزوج ويقدر بفتحلك بيت ويستر على نفسه وعليكي ,,,

وممكن بكذب عليكي لانه اصلا وضعه بالغربه تعبان ويالله يالله قادر يمشي حاله ,,, فالكذب بنجي من مواقف معينه ,,, بس اخرته يوقع ع راسه غززززززززززززززززززززززززز لانه الكذب حباله قصيره ,,,

وممكن انتي طلباتك كثيره ويالله يالله الرجال ملحق عليكي ,,,,

وممكن بعد الغربه الرجال تتغير اموره هاد اذا رجع ع البلد من سفره ,,

بس ديري بالك لو قلك تعي لعندي بالغربه ,, اوعك تروحي ,,, هي بشحدك الملح ,, لانه هو شكله شاحد الملح بغربته ,,

نصيحه اقعدي معه واعرفي راتبه كم ,,, وضعه في الغربه كيف ,,, وغير هيك يا بنت الناس حياتك مش راح تصير نكد وبس على رأي ام علي ,, راح تصير يا عين يا ليل ,, ومش راح تقليبيله حياته نكد ,, راح تقلبيله حياته بتونس بيك ,,,,,


وسلامتك ,,,, وانتي لساتك ع البر ,,, لا تعذبي ولا تعذبي حالك ,,,

وبعدين اقلك اذا من هسى بتحكي عنه بخيل ,,, بكره لمى يشحدك الملح شو بدك تعملي ,,, تهتي علي طلقنيييي وله بقتلككك ,,,,

هههههههههههههههه فلم هندي صاررررر,,,, يا حبيبييي من الاخر طقع ,,

الفقر ليس عيبا لكن الرسول عليه الصلاة والسلام كان قد استعاذ من شره

وعلى رضي الله نقل عنه مع عدم ثبوت انه هو القائل لو كان الفقر رجلا لقتلته لما يسببه من امراض اجتماعيه واخلاقيه غالبا.


اما تنكح المرأه لدينها فهذا صحيح ولكن يجب ان يرافقه الميل القلبي فلا يعني انها صاحبة دين ان يتزوجها الرجل او تتزوج المرأه صاحب الدين الذي لم يمل قلبها له .

المهم ان يكون كفؤا لها ويدخل الى قلبها .

فقط للتعقيب

ابعدي عن البخيل والنكد

وربك يجيب اللي فيه الخير

اللهم اني اعوذ بك من الفقر والبخل والكسل وقهر الرجال........والباقي عندك

اللهم اني اعوذ بك من الفقر والبخل والكسل وقهر الرجال........والباقي عندك

بعدين انت يا مبطونه كيق تخطبي والعريس مسافر
الحق على اهلك اللي ودهم يخلصو منك شكلك لقاقه وسوالفك كثار ومقرفتهم حياتهم
بلكي الزلمه مامعو بلكي مش مقتنع انك تحبيه

كم مرة حكينا ,,, شيلو العصافير من هون ,,, خلص بكفي هبل
انسانه فاضيه,, المفروض الموقع يبعد عنك مليون سنه ضوئيه

مليتو البلد

ما قاله (مدمن بحر) صحيح ولا زيادة على قوله ..................

لكن الملاحظة هي ان البخل يختلف مقياسه من شخص لشخص ( فهديه او ماشابه بنظري لا تدل على بخل شخص الا اذا كان هناك امور اخرى لا نعلمها )

فربما هو صاحب مشاعر باردة او لايعرف ان الهدية مهمه في الخطبه او ...او .....او

ملاحظة مهمه : انتبهي جيدا من الذين قالو لك انه بخيل لربما انه كيد نساء او غيرة

طبعا بعد هذا التفكير يجب عليكي الاستخارة وتسليم الامر لمدبر الامور سبحانه وتعالى

واسال الله ان يجمع بينكما بخير

واساله بفضله وكرمه ان يعف شبابنا ونسائنا انه على كل شيء قدير

عادي.. البخيل بكون مكنز مصاري.. بتجيبي اول ولد بعدين بتقتليه (اتاكدي من موت امه وابوه) وبتورثيه وبتكرمي بورثته...

يعني في عندي عريس اذا بدك؟؟ كريم كثير كثير.. ب مشكلتو انو طفران.. فكري منيح

اشكر كل من تفضل وافادني برأيه واخص العصفوره شكرا لنصائحكم المفيده السلام عليكم ورحمة الله وبركاته واتفقت مع اهلي وكلمته هاتفيا وسننفصل قريبا والبيوت اسرار لن افصل اكثر عن حياة خطيبي وعن افعاله .

شكرا دودة -- عجبني تعليقك كتير والاهم انك بالفعل ضحكتني
اسوء صفة بحملها الانسان البخل وخاصة اذا معه اموال

وين مشكلجيه ووين عصبي ؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟
يا جماعه ارجعوا تعليقاتكم احلى تعليقات وبنحبكم .؟

تعريف البخيل :
هو شخص اناني يحب نفسه فقط ولا يحب المشاركة مع احد في اي زمان ومكان.
وهو يأخد ولا يعطي
ينتقد البخل ولا ينتقد نفسه
يحسب التعريفة دينار
النتيجة :
هو مريض نفسيا لذلك ابعدي عنه.

الله يعوض عليكى ما وقع الفاس فى الراس

عمو انتى زى القرد بكل عرس اللك قرص
عمو انتى قديش عمرك ومن وين بتجبى الكلام ال ما الله طعمه
بعدين شو قصتك بتعلقى اول الناس وما بتصدقى وتطلع مشكله
شو بتنامى على الجهاز نوم احكيلنا يا عمو شو قصتك بل زبط انتى انس ولا جن ولا قرد على اسم عصفور

انا قصتي متل قصتك بلشت بس انا ورطت وتجوزت وصارلي 15 سنه بدعي ربنا يخلصني منه لانه ببخله كل ساعه بقتلني فيها انا و اولادي حسبي الله ونعم الوكيل
والادهى ان البخيل بخيل بكل شيء حتى العاطفه على زوجته و ابنائه يارب خلصني منه قولو اميين

الأخ ابو وديع و الأخ الكنج. أنا فعلا اتابع و لكن أعلق على الموضوع اللي بحس انا قادر انصح فيه غير ذلك التزم بقراءة تعليقات الاخوة و الاخوات. النقطة الثانية لما اكتب تعليقاتي استخدم لوحة مفاتيح مُعربة اون لاين لاني اعيش خارج الوطن وهذا بوخذ وقت كثير في الكتابة والنقطة الثالثة فارق التوقيت عامل مهم في المتابعة.
آخر تعليق كان على ,احب بصمت قاتل, وطلبت رأي الكنج لكني لم اجده. بعدين يا خوك ابو وديع ما شفتلك تعليق هناك.
الخلاصة, انا جدا مبسوط من إهتمامكم يا شباب و معا نحو تعارف اكثر.

الوحدة مش كل يوم يتتجوز والزواج استقرار واكثر الامور اللي بتهدد الزواج الكذب أولاً والبخل ثانياً..اكبر منك بيوم افهم منك بسنة لا تتردي في عرض المشكلة على أهلك اشركيهم بكل شي اكيد رح يلاقولك حل أما من رأيي فكري بدل المرة مليون قبل ما تقع الفاس بالراس أُفضل عدم الزواج على الزواج من شخص يحمل هذه الصفات..ولا تنسي ما خاب من استخار

انتي حره الان . اذا تزوجتي ثم صار عندك اطفال ؟ مشكله كبيره . طلقين الان وخلي امه اتفلي راسه من القمل . لانه ما رايح يشتري حابون الى الحمام .

هوه بحبك ، وانتي هل تحبيه ، اذا بتحبيه فعلا؟ ، اصرفي عليه. واذ ما بتحبيه شوفي وحده بتكرهيها وخليها تحبه . ولما تكتشفه راح تعمل زيك ، وهكذا من وحده لوحده ، وهذا افضل عقاب اله.

مشكلجية خطفت على ايدي عملاء الموساد .. حنطوها .. ووضعوها بمتحف .. ب.ي.ن .. ا.ل.آ.ث.ا.ر ..
عصبي مصاب بالسعال الديكي .. الاعلامية المتألقة سوزان تستعد لحضور اجتماع مع اختها الاعلامية رائدة لمناقشة موضوع ... بعنوان ( ايها الرجال لا تنقرضوا ) تتحدثان فيه عن الرجل والديناصور وما اوجه الشبه والاختلاف بينهما ..

هههههههههههههههههههههههههههههههههه (هي مو ضحكتي .... ضحكة مستغربة )

بخل الطنبوري وحذائه


الطنبوري هذا كان تاجراً من أهل بغداد، وكان ثرياً وفي الوقت نفسه بخيلا، وكان من بخله أنه كلما انقطع من حذاءه مكان وضع فيه رقعة من جلد أو قماش , حتى أصبح الحذاء عبارة عن مجموعة من الرقع يمسك بعضها بعضاً واشتهر في بغداد كافة وعرف الجميعُ حذاءَ الطنبوري

عابه بعض أصحابه وأصرّوا عليه أن يتخلص من حذائه , فقام برمي الحذاء في مرمى القمامة وعاد إلى بيته , وفي الطريق مر بالسوق فوجد زجاجات رائعة الجمال للبيع , فأعجبته ولكنه ليس في حاجةٍ لها كما أنها غالية الثمن , فتركها وسار في طريقه , فوجد مسكاً رائعاً للبيع فأعجبه وقرر أن يشتريه ولكنه قال : لا يصلح هذا المسك إلاّ في تلك الزجاجات , فعاد إلى الأول واشترى منه الزجاجات , وإلى الثاني واشترى منه المسك

ذهب إلى البيت ووضع المسك في الزجاجات ووضعها على رف في البيت وخرج لبعض شأنه

كان هناك رجل قد مر بجانب النفايات فرأى حذاء الطنبوري ملقىً في القمامة ولم يتصور أن الطنبوري سوف يرمي حذاءه , فقال : لعل أحد الأشقياء هو الذي فعل هذا وسوف أردّها إلى الطنبوري . فأخذ الحذاء وذهب بها إلى بيت الطنبوري , فقرع الباب فلم يرد أحد عليه , فرأى النافذة مفتوحة فقذف بالحذاء من النافذة

بالطبع فهمتم ما الذي حدث…… لقد كسرت الزجاجات وانسكب كل المسك على الأرض ولم يبق منه شيء

عاد الطنبوري إلى البيت فرأى كل شيء , ورأى ذلك الحذاء بجانب الزجاجات ,فقال
لعنك الله من حذاء

*****

أخذ حذاءه وذهب بها إلى النهر وألقاها هناك
وكان هناك صياداً قد ألقى شباكه في النهر فعلقت بها حذاء الطنبوري , وعندما وجد الحذاء قال : لابد أن أصنع إليه معروفاً وأعيد إليه حذاءه
وفعلاً ذهب إلى الطنبوري وأعاد إليه الحذاء , فأخذها الطنبوري ووضعها على سطح بيته لتجف من البلل , فمرّ قط من سطح البيت فرأى الحذاء فظنها قطعة لحم فأخذها بفمه , فنهره الطنبوري , فهرب القط بالحذاء في فمه وأخذ يقفز فوق أسطح المنازل , فسقطت منه الحذاء على امرأة حامل فأسقطت حملها
فأخذ زوجها الحذاء وذهب إلى القاضي شاكياً من فعله الطنبوري بامرأته

بالطبع كان عذر الطنبوري غير مقنع , فحكم عليه القاضي بديّة الجنين وعاقبه على فعلته وأذيّته لجيرانه , وأعاد إليه الحذاء , فقال
لعنك الله من حذاء

*****

ثم إنه قال : سوف ألقيها هذه المرة في مكان لا يصل إليها أحد . فذهب بها إلى الحش ( المجاري بلغة عصرنا ) وألقاها في أحد المجاري , وعاد إلى منزله وكله فرح وسرور

مرّ يوم أو يومان فطفحت المجاري بالطريق وآذت الناس.. فأتوا بعمال لتنظيف المجرى المسدود , فوجدوا حذاء الطنبوري فرفعوا أمره إلى القاضي , فحبسه وجلده على فعلته , وأعاد إليه الحذاء , فقال
لعنك الله من حذاء

*****

وقال : ليس هناك من حل إلا بحفر حفرةً في الأرض ودفن الحذاء بها . وفعلاً في ساعة من الليل أخذ مسحاته وخرج إلى خارج البيت وأخذ يحفر في مكان بعيد بجانب جدار , فسمع الجيران صوت الحفر فظنوا أنه سارق يريد نقب الجدار , فأبلغوا الشرطة , فجاء الحرس فوجدوا الطنبوري يحفر بجانب الجدار , وعندما سألوه عن السبب , قال : لأدفن الحذاء

بالطبع كان هذا عذراً غير مقنع , فحبسوه إلى الصبح , ثم رفع أمره إلى القاضي , فلم يقبل من عذره وجلده وحبسه بتهمة محاولة السرقة وأعاد إليه الحذاء، فقال
لعنك الله من حذاء

*****

فاهتدى أخيراً إلى طريقة…… ذهب إلى الحمّام العام ( تشبه المسابح العامّة في عصرنا هذا ) وترك الحذاء خارج الحمام وعاد إلى بيته وليأخذه من يأخذه
صادف ذلك وجود أحد الأمراء في الحمام , وقد جاء سارق وسرق حذاء الأمير , وعندما خرج الأمير لم يجد الحذاء
من أخذها ؟؟
قالوا : ننتظر وصاحب آخر حذاء هو السارق ونبحث عنه , فلم يبق إلا حذاء الطنبوري
وبالطبع لا حاجة للبحث عن السارق من يكون فقد عرفه كل أهل بغداد بهذا الحذاء

رُفع أمره إلى القاضي بتهمة سرقة حذاء الأمير , فغرّمه القاضي قيمة الحذاء وجُلد وأُعيدت إليه حذاؤه , فقال
لعنك الله من حذاء

*****

وأخيراً قال : سوف أخرج إلى خارج بغداد وأدفنها هناك
خرج إلى الصحراء , وأخذ يحفر في الأرض…… فداهمه الحرس وأخذوه إلى السجن ورفعوا أمره إلى القاضي , وجيء به إلى القاضي , فقالوا : قد عثرنا على القاتل

وكانوا قد وجدوا رجلاً مقتولاً في هذا المكان , وعندما حملوه وجدوا تحته آثار حفر , فحفروا فوجدوا كيساً من الذهب , فقالوا : إن القاتل إنما يريد الذهب ولابد أن يعود للبحث عنه، فاختبأوا وأخذوا في مراقبة المكان فجاء الطنبوري يحفر في المكان نفسه

فأقسم لهم الأيمان أنه لم يقتل أحد وأقام الشهود والبينات أنه لم يخرج من بغداد منذ زمن، وأخذ يقيم الحجج على ذلك حتى ثبتت براءته، فأطلق القاضي سراحه ولكن بعد تأديبه على إزعاجه للحرس المكلفين بمراقبة المكان بسببٍ تافهٍ جداً وهو دفن الحذاء

وقال للقاضي : يا سيدي اكتب صكاً بيني وبين هذا الحذاء أني بريءٌ منه فقد أفقرني وفعل بي الأفاعيل

تحياتي للجميع عناد كنج ابو وديع فتاة الصحراء وجنى لك قصه غن السمك

ذهب صديقان يصطادان الأسماك.. فاصطاد أحدهما سمكة
كبيرة ووضعها في حقيبته ونهض لينصرف‏
فسأله الآخر‏:‏ إلى أين تذهب؟‏
فأجابه الصديق‏:‏ إلى البيت..‏ لقد اصطدت سمكة كبيرة جدا تكفيني
فرد الرجل‏:‏ انتظر لتصطاد المزيد من الأسماك الكبيرة مثلي
فسأله صديقه‏:‏ ولماذا أفعل ذلك؟‏
فرد الرجل‏:‏ عندما تصطاد أكثر من سمكة يمكنك أن تبيعها
فسأله صديقه‏:‏ ولماذا أفعل هذا؟‏
قال له: كي تحصل على المزيد من المال
فسأله صديقه‏:‏ ولماذا أفعل ذلك؟
فرد الرجل‏:‏ يمكنك أن تدخره وتزيد من رصيدك في البنك
فسأله‏:‏ ولماذا أفعل ذلك؟
فرد الرجل‏:‏ لكي تصبح ثرياً‏
فسأله الصديق‏:‏ وماذا سأفعل بالثراء؟‏
فرد الرجل‏: تستطيع في يوم من الأيام عندما تكبر أن تستمتع بوقتك مع أولادك وزوجتك‏‏
فقال له الصديق العاقل:‏ هذا هو بالضبط ما أفعله الآن.. ولا أريد تأجيله حتى أكبر ويضيع العمر

يا عزيزتي جنى كم انا مسرور بك ...........والسمك اكلناه وخلصنا

شو تعريفك للبخيل؟
يعني مثلا لما تطلعو تتغدو او تتعشو بخليكي تدفعي عن حالك؟
في هاي الحال بتقدري تسمي بخيل
انا بعرف واحدة خطبت واحد بخيل وصات في الحقارة انو لما حجز شهر العسل خلاها تدفع عن حالها هاد اسمو بخيل مو والله ما جاب بايدو اشي لما زارني
ازا على الهدية بسيطة و بعمرو الي بسمع لكلام الناس وصل لنتيجة
يعني مثلا ازا طلبتي منو اشي بجيبلك اياه؟ هون السؤال
بس يا حبيبتي فكري منيح في شباب كتير ما بعرفو كيف يبادرو و يتصرفوا بتلقائية يعني بدهم ناس يعلمهم ( و جوزك على ما عودتي)

والله ما بتستحن ولا بتخجلن والله البنك المركزي ما بلحق على طلباتكن

الى الاخ مدمن بحر, اولا بحب اصبح عليك واشكرك على نقدك, الفقر ابدا مو عيب ان يكون الرجل فقير خيرا من ان يكون مرتشي عديم الذمه والضمير لكن انا هذا من وجهة نظري لانه في زمننا هذا الفقر يقتل الحب

لو كان بحبك كان بيقدملك حياته اتركيه فورا بعد التأكد من بخله وهلا عمي

البخل داء لادواء له وإذا كنت متأكدة من ذلك فخذي قرارك بشجاعة وإياك من المعاناة في حياتك كله

البخل داء لادواء له وإذا كنت متأكدة من ذلك فخذي قرارك بشجاعة وإياك من المعاناة في حياتك كله

ولك ... مش كافي عليك أنه أعطاك كل حاله ؟؟ وأعطاك كمان إسمه !! وبكرة رايح يعطيك أولاد وبنات ؟؟

بعني أن المسخمط هاظ أعطاك الجمل بما حمل !!

ليش عينك فارغة ؟؟ ها ... ليش ؟؟
ليش أنت طمــــاعة ؟؟
شو هالطمع هاظ ؟؟ شو ها الطمع ؟؟

ولك ... إحمدي ربك أنك لقيتي واحد يخطبك !!! و رايح بعدين يتزوجك ؟؟

مش شايفة الوضع الإقتصادي عندنا في البلد ؟؟



إذا على الهدية !!

فخطيبك المسخمط هاظ ولو انني ما بعرفه فهو في رأيي ( بلحمه وشحمه ) أحسن هدية إلك !!

قوليلي إيش بدك هدية ؟؟!!
قوليلي وين عنوان المسخمط خطيبك هاظ ؟ !!

أنا رايح أصير أشتريلك هدية في كل مرة رايح ييجي فيها خطيبك عندكم !! وسأكون أعطي الهدية لخطيبك هاظ على شان يعطيكي أنت إياها !!

تكـرمي يا طمـاعة !!

وكمان رايح أصير أعطيه أنا هدايا ثانية لعيلتكم الكريمة !!

على شان لما يكون ييجي عندكم ، يكون يعطيها لأهلك ولأقربائك وجيرانكم وجيران جيرانكم وكل إللي ساكنين في الحارة في منطقتكم وصاحباتك جميعهن كمان !!

قوليلي إيش بدك كمان ؟!!
ما تستحي مني !!
إعتبريني كأني خطيبك بالضبط !!

أنا مش رايح أخلي في نفسك إشي إلا أجبلك إياه أنت وأهلك !!

تدللي تدللي تدللي.
_________

ولك... إحمدي ربك وبلش هبل بلاش هبل !!

قال بدها هدية قال ...

ولك ... هم الشباب لاقية توكل ؟؟ على شان يجيبوا هدايا وحكي فاضي !!

بتعرفي .. ولك !!

لو انت خطيبتي كان زتيتك ورميتك من زمان وما تأسفت عليك بالمرة !!

بنات آخر زمن !!

أخ ... بس . أخ ....... أخ .....!!!

عصفور باليد خيرا منعشرة على الشجرة واحسن ماتصيرى عانس بعدين الامور صعبه هالايام تلاقى الوحدة عريس قربطى عليهحتى لو بخيل فيكى تعدلى وتبدلى على كيفك بافكاره بعد الزواج

طول عمرها إمي بتقوللي بالحرف الواحد "يما إياكي والرجل البخيل أو الكذاب" والباقي عندك

عقد نفسية روح عالج حالك

إلي المجهـول رقم 50

مع انه ما بشرفني أبدا أن أرد على واحد / وحدة مثلك
بس عموما اااااأقول لك : ـ

والله ماحدا بدو علاج إلا أمثالك ومافي حدا معقد إلا أمثالك

الي بتحكي مزبوط لكن الرجوله اقترنت بالكرم فالرجل الكريم بماله يكون كريم بعواطفه وحبه بس الظاهرفي هالايام لم يبقى للروجوله وجود والكرم العربي في بلادنا يا اختي لا تربطي مصيرك بشخص بخيل لانه سيكون بخيل في حبه وعواطفه اهربي بجلك واسال مجرب ولا تسالي حكيم

سيبيكي منه
البخل مذموم
والبخلاء مذمومين

طالما زوجك بخيل ليش عايشة عنده الان اطلبي منة طلاق احسن ارجعي الى اهلك معززة ومكرمه

إيش يا ست خــــوخــــــــــــو إنت كمان !!

ولك ........ أنت هبلة ولا قاعدة بتتهبلي ؟؟

الزلمة لســـــــــاتو خطيبها !! وما صار جـــــوزها على شان يبين كرم عواطفه وحبه !!

شـو ...... يعني بدك إياه يسوي !!
يعني بدك ( يعبدها ويصليلها ) ، ويسمعها حكي فاضي ومليان عشان يبين هاظا الكرم ؟؟

ولكم يا بنات ليش عقلاتكم صغـار ؟؟

إيش هاظا الحكي الفاضي إللي بتفكروا فيه ؟؟

بعدين ولك يا خـوخــــــو !! تعالي هون وقوليلي : ـ

كيف بدك يوريها عواطفه وحبه إللي بتحكي عليها هـاي !! ؟؟ ها .. كيف ؟؟

والمسـخمط لما يروح عند خطيبته ويصل القصر إللي عند أهلها بتلاقي كل العيلة قاعدين حـواليه !! بخلهوش يعرف يتنفس !!

أبوها الختيار من جهة ، وإمها الناصحة من جهة ، وأخوها الطويل من جهة ، وأختها القصيرة من جهة !! ! ها ... كيف ؟؟

و المسخمط لو حب وطلب أن يطلع معها مشـوار قصـير ،!! رايح بلاقي مليون كلمة ممنوع !!

ولو وافقوا أهلها بعد مليون ترجاية وترجاية ، بوافقوا بس على شرط انهم بخلوا أخوها الهبيلة يروح معهم أو بخلوا أختها أم كشة تظل ملزقة فيهم باتكس حتى لو راح اشترالها بوزة عشان تبعد وتحل عنهم شوية !!!!! لزقة بتكس !!

قوليلي .... فهميني .... كيف في ظل ها الحصار هاظ !!! رايح يقدر المسخمط خطيبها هاظ يعبر إلها عن كرمه وحبه وعواطفه هاي إللي دوختينا فيها إنت وياها !! ها... كيف ؟؟

فهمــيني يا ستي !! إقنعيني يا ستي !! إفحميني يا ستي !!

والله ماني عارف ...!! على إيش يختي كل ها العنفصة الفاضية إللي عندكم على إيش !!
على شـو شـايفات حـالكن ؟؟ مش عارف !!

شو ها البرطعة هاي !!

الوحدة فيكن تحمد الله أنه أجاها عريس ، بدل ما تظل قاعدة عند أهلها زي القـــــــــــــرد!!!


وبكرة لما يطير العريس ، ويبطل ييجي عرسان على الدار بتصير الوحدة فيكم تلطم هي وإمها

وما بتخلوا حدا إلا توصوه ترى دار فلان عندهم عروس ، دار فلان عندهم بنت بسن الجيزة ، دار فلان عندهم بنت شو ادب شو أخلاق شو جمال بدهم يستروها !!!

مش هاظ إللي بتصيروا تحكوه وتقرقروه !!

وإذا مانفع الحكي إللي فات وبتصيروا تراسلوا المحطات الفضائية والمجلات...وتكتبوا إعلانات
( فتاة اردنية طويلة بس قصيرة ، شقرا وعينيها سود ن وخدودها مليانة ومتوردة ومش عارف إيش شومالها !! تبحث عن عريس !! أي عريس وهاي الإيميل ورقم الموبايل ...

مش هاظ إللي بتعملوا لما يطيروا العرسان !!!!؟؟

إيش يا صبايا إيش يا بنات !!
مش هاظ اللغ بتعملوه صح ولا أنا غلطان !!

قاعدات بتتشرطن وحتطات إجر على إجر ...!!

هاظ بخيل ، وهاظ أصلع ، وهاظ ناصح ، وهاظ اسمر ، وهاظ ميكانيكي ، وهاظ حرامي ، وهاظ زبال ، وهاظ كنترول ، وهاظ مشكلجي ، وهاظ بصليش ، وهاظ مش عارف شومالو .!!!؟؟

إحمدن الله إحمدن الله

كل نقاش له آداب
يجب أن لا تتعدى حدودك في النقاش وأن تلتزم الأدب

تحياتي واحترامي لك .. واهلا وسهلا" .
انا كمان جارج الاردن هذه الايام ( موجود في اوروبا ) .

تحياتي للجميع ,عناد والكنج وفتاة الصحراء وجنى والحكيم .

Go and tell him what you think of, before asking for divorce.

If you love him as you pretent, fight for your live.

هلا فعلا اثبتت انك معبى ومشبع عقد نفسية وبترجاك تروح تفرغها وتسقطها بعيد عنا مش ناقصنا قرف

برج وقول بينك وبين هالبنت ثار شو هالحقد والعقد يا اخي افهم ما بين السطور احنا ربطنا الرجوله بالكرم الظاهر ما عندك من هالصفه شى ;-)

البخيل عدو الله

جميع التعليق جيدة فمنها ماهو الجاد فعليك بأخذها على محمل الجد وإستخلاص الخلاصة والتصرف الحكيم والتوجه إلى ربك أولا بصلات الاستخارة والخيرة فيما إختاره الله اتمني لك التوفيق

والله كل الزلام بخله يقطعهم بس مثل خطيبك مامر عليه بس اذا يتحبي جد لا تتركي اوعك ها ترا البنات مش لاقيات عرسان بحطن مصاري عشان يجوزن

سمة البخل لا يحبها رب العباد .. والبخيل بعيد عن الحق ولا يحب نفسه كيف بدو يحبك ... وهو إنسان ذمه الله وتوعده بالعذاب ..... فإن أردت السعادة في الدنيا والنجاة في الاخرة ما بدك أياه إذا فعلا بخيل ..بخيل ..بخيل .

خطيبت البخيل انا ماراح اسدء كلامك0 لوانو بخيل زي ما بتحكي كان ماخطبتي من الاصل بس يمكن هو فقيرمن الا صل حاول يفرجي انو غني مازبط معه بس حاولي معه يمكن الله يهديه ويتغير مل ترد على خرا بين البيوت ( يا ماخد القرد على ماله بروح المال بضل القرد على حاله)

انا بعرف نفس القصة مع شب هلا هو بشهر العسل ؟بس عشان ما يطلع بخيل دفع 5 الاف دينار هدايا ب3 شهر خطبة . ولما كان يروح من الشغل على خطيبته وتعبان ينسى يشتري هدية تزعل منو اسبوع ...بصراحة انا نصحت ينساها البنت اللي بدها تستقبلك عشان هدية ما بتلزمك ولا شو رايكم..............

اتركيه

القصة بتحكي عن الزوج البخيل يعني الذي لو يستطيع لتنفس من منخر واحد وانا مع رجل وبرعي والكوبرا واليمان وام علي والبطاطا

القصة بتحكي عن الزوج البخيل يعني الذي لو يستطيع لتنفس من منخر واحد وانا مع رجل وبرعي والكوبرا واليمان وام علي والبطاطا

أنا قصتي تشبه قصتها تقريبا بس مش عارفه أحكم اذا هوه بخيل فعلا ولا لا..
أنا بحس انو بيخبي عليا مصاريه مش عارفه ليش,,والنا خاطبين 3 شهور وبنعرف بعض من قبل الخطبه النا سنتين وشوي بس هوه ببلد وانا ببلد من زمان واحنا هيك..بس بعد ماخطبنا صرت اشوف اشياء غريبه..لما أحكيلو بدي أروح السوق اشتري اغراض بيخترعلي مشكله من تحت الأرض عشان تخانق ومااروح,,مع انو أنا الي بدي أشتري من المصاري تبعوني والله..وهدايا ماكان يجيبلي
بس قبل الخطبة كنا نشوف بعض مرة كل سنة فكان يجيبلي عطر من ابو النيرة شكلو..مع العلم بأنو مهندس وراتبو كتير عالي..ولهلأ ماأعطاني نص مهري حتى...ولما أحكيلو انو ماعندي مصاري وناقصني مصاري ولا بينهز اشي فيه ولا كأني بحكي..بيصير يقولي اطلبي من ابوكي..
أنا مش قادرة أحكي عنو بخيل مع انو كل الي حوالي بيحكو هيك..بس أنا بضل بقول ان شاءالله بيتحسن,,وكل ماافتحلو سيرة العرس بيقولي لوقتها فرج وبيعصب وبيتضايق وبنتخانق..
والله ماببالغ باشي,هادا الي بيصير معي
شو رأيكم؟؟هل هو بخيل فعلا؟؟بدي آراء بصراحه وجديه ومابدي مسخره
وأنا رح أضل أستخير
بس بحب أعرف رأي المجربين:oops:

أنا قصتي تشبه قصتها تقريبا بس مش عارفه أحكم اذا هوه بخيل فعلا ولا لا..
أنا بحس انو بيخبي عليا مصاريه مش عارفه ليش,,والنا خاطبين 3 شهور وبنعرف بعض من قبل الخطبه النا سنتين وشوي بس هوه ببلد وانا ببلد من زمان واحنا هيك..بس بعد ماخطبنا صرت اشوف اشياء غريبه..لما أحكيلو بدي أروح السوق اشتري اغراض بيخترعلي مشكله من تحت الأرض عشان تخانق ومااروح,,مع انو أنا الي بدي أشتري من المصاري تبعوني والله..وهدايا ماكان يجيبلي
بس قبل الخطبة كنا نشوف بعض مرة كل سنة فكان يجيبلي عطر من ابو النيرة شكلو..مع العلم بأنو مهندس وراتبو كتير عالي..ولهلأ ماأعطاني نص مهري حتى...ولما أحكيلو انو ماعندي مصاري وناقصني مصاري ولا بينهز اشي فيه ولا كأني بحكي..بيصير يقولي اطلبي من ابوكي..
أنا مش قادرة أحكي عنو بخيل مع انو كل الي حوالي بيحكو هيك..بس أنا بضل بقول ان شاءالله بيتحسن,,وكل ماافتحلو سيرة العرس بيقولي لوقتها فرج وبيعصب وبيتضايق وبنتخانق..
والله ماببالغ باشي,هادا الي بيصير معي
شو رأيكم؟؟هل هو بخيل فعلا؟؟بدي آراء بصراحه وجديه ومابدي مسخره
وأنا رح أضل أستخير
بس بحب أعرف رأي المجربين:oops: