27-01-2010 04:51 AM
اخته كانت وراء طلاقي
جراسا - السلام عليكم , اود ان اطرح مشكلتي هنا... وارجو المساعده ان استطعتم لقد تزوجت مدة 3 اعوام وكان عمري 19 عاما وعندي بنتين, زوجي اكبر مني بـ 5 اعوام وحياتنا كانت متل الحلم, لحد ما الغيره خلفت بيننا مشاكل! بالاول ما كنت فاهمه انه اخته عم بتعبي راسه علي, وانه مرت ابوه بتغار من بيتنا لانه اكبر من بيتها واشرح منه .
اخته عم بتعبي راسه علي لانه كان يوخدني مشاوير وجوزها ما بطلعها من البيت, فخلقت مشاكل بيننا وصار ما يطلعني حتى اشتري من الدكان !
مرت ابوه حاولت تضربني اكتر من مره ما قدرت ! مرت اخوه حاولت كمان بس برضوا ما قدرت, اخته الله يسامحها ضربتني قدام بناتي والجيران وعملت لحالها ولاهلي فضيحه بجلاجل وصارت سيرتي على كل لسان.
بقيت وراي حتى طلقني اخوه وارتاحت, وانا هلا مطلقه معي البنات وهن صغار ( 2 و 1 ) اعمارهم, وما بيطل عليهم وما بيسأل!!
حياتي افضل معه او بلاه؟؟؟
ارجوكم انصحوني وخدوا الموضوع بجديه.
السلام عليكم , اود ان اطرح مشكلتي هنا... وارجو المساعده ان استطعتم لقد تزوجت مدة 3 اعوام وكان عمري 19 عاما وعندي بنتين, زوجي اكبر مني بـ 5 اعوام وحياتنا كانت متل الحلم, لحد ما الغيره خلفت بيننا مشاكل! بالاول ما كنت فاهمه انه اخته عم بتعبي راسه علي, وانه مرت ابوه بتغار من بيتنا لانه اكبر من بيتها واشرح منه .
اخته عم بتعبي راسه علي لانه كان يوخدني مشاوير وجوزها ما بطلعها من البيت, فخلقت مشاكل بيننا وصار ما يطلعني حتى اشتري من الدكان !
مرت ابوه حاولت تضربني اكتر من مره ما قدرت ! مرت اخوه حاولت كمان بس برضوا ما قدرت, اخته الله يسامحها ضربتني قدام بناتي والجيران وعملت لحالها ولاهلي فضيحه بجلاجل وصارت سيرتي على كل لسان.
بقيت وراي حتى طلقني اخوه وارتاحت, وانا هلا مطلقه معي البنات وهن صغار ( 2 و 1 ) اعمارهم, وما بيطل عليهم وما بيسأل!!
حياتي افضل معه او بلاه؟؟؟
ارجوكم انصحوني وخدوا الموضوع بجديه.
تعليقات القراء
شب طايش
فعلا الرجل مواقف .
طيب انتي وين دورك من هل حكي كلو كلو ليش لما كانت اختة تلعب براسه ما كنتي توضحي لجوزك انها غلطانه او انها بلعامية "مكيوده هيه ومرت ابوه" يا ستي كلمت يا ريت عمرها ما كانت بتعمر بيت
اما بلنسبة لسؤالك هل حياتك افضل معه ولا بلاه فأكيد انو الرأي برجع الك من واقع تجربتك
بس الزلمة لما يكون "طرطور" عفوا للتعبير و اخته و مرت ابوه بلعبو براسو وهوه بصدق انا من رأي انك ما تأسفي عليه و تابعي حياتك لا انتي اول و لا اخر وحده ما اتوفقت بجيزتها
و الله يجيب الي فيه الخير
طيب انتي وين دورك من هل حكي كلو كلو ليش لما كانت اختة تلعب براسه ما كنتي توضحي لجوزك انها غلطانه او انها بلعامية "مكيوده هيه ومرت ابوه" يا ستي كلمت يا ريت عمرها ما كانت بتعمر بيت
اما بلنسبة لسؤالك هل حياتك افضل معه ولا بلاه فأكيد انو الرأي برجع الك من واقع تجربتك
بس الزلمة لما يكون "طرطور" عفوا للتعبير و اخته و مرت ابوه بلعبو براسو وهوه بصدق انا من رأي انك ما تأسفي عليه و تابعي حياتك لا انتي اول و لا اخر وحده ما اتوفقت بجيزتها
و الله يجيب الي فيه الخير
26-01-2010 09:09 PM
بنت مادبا
يعني مش عارفه شو احكي الك مشكلتك عويصه
بس احنا مش بالخمسينات تلعب دور الاخت والحماية ......
وكيف تسمحي لاي ناس يفكر مجرد تفكير يمد ايده عليكِ لازم شخصيتك تكون اقوى من هيك ....
وبعدين جوزك مابعرف انه اخته خبيثة وبدها تفرق بينكم كل واحد بعرف اهله عز المعرفه
فعلا الناس بطل عندها اخلاق تفرق بين الازواج
لي عوده بنت مادبا
بس احنا مش بالخمسينات تلعب دور الاخت والحماية ......
وكيف تسمحي لاي ناس يفكر مجرد تفكير يمد ايده عليكِ لازم شخصيتك تكون اقوى من هيك ....
وبعدين جوزك مابعرف انه اخته خبيثة وبدها تفرق بينكم كل واحد بعرف اهله عز المعرفه
فعلا الناس بطل عندها اخلاق تفرق بين الازواج
لي عوده بنت مادبا
26-01-2010 09:11 PM
توتو
ننصحك بشو باقيه انتي مطسه اله ولاخته ولمرة ابوه ولمرة اخوه وللعيله شو وين انتي عايشه ويلا مين مناسبين ولسه بتسألي حياتي بدونه او معاه احسن هي هاي بدها سؤال ويلا استطعمتي القتلات ومش قادره تعيشي بدونهم شو هالنسوان اللي قرار بعرفوش ياخدوا ....
26-01-2010 09:13 PM
المهندسه دانا
الرجل ضعيف الشخصيه مأساه متحركه...
بجلب الدمار لنفسه ولبيته....
الرجل بتسمى رجل لانه بكون عند كلمته بكون قد التحدي بكون قد الزواج ومسؤولياته
بكون قد بنت الناس اللي ماخدها...
ستي زوج مثل زوجك ما بلزمك لانه اثبت ضعفه وجبنه في اكثر المواقف تطلبا انه يكون جنبك وفي صفك..
هادي حياتك وانا بقدر انك ام وعندك اطفال وبحاجه الى ابوهم ..
انتي قدري بتقدري تعيشي بدونه بتقدري تصرفي على نفسك اهلك كيف موقفهم..
بعدين شوفي شو المناسب الك..
انا رأي الشخصي هيك زوج بنزل من العين والزوجه ما بتعود تحترمه وصورته انهزت وانكسرت امام زوجته ...
الله بعين.
بجلب الدمار لنفسه ولبيته....
الرجل بتسمى رجل لانه بكون عند كلمته بكون قد التحدي بكون قد الزواج ومسؤولياته
بكون قد بنت الناس اللي ماخدها...
ستي زوج مثل زوجك ما بلزمك لانه اثبت ضعفه وجبنه في اكثر المواقف تطلبا انه يكون جنبك وفي صفك..
هادي حياتك وانا بقدر انك ام وعندك اطفال وبحاجه الى ابوهم ..
انتي قدري بتقدري تعيشي بدونه بتقدري تصرفي على نفسك اهلك كيف موقفهم..
بعدين شوفي شو المناسب الك..
انا رأي الشخصي هيك زوج بنزل من العين والزوجه ما بتعود تحترمه وصورته انهزت وانكسرت امام زوجته ...
الله بعين.
26-01-2010 09:26 PM
متابع بصمت الى توتو
شو تعليقاتك اللي كلها مهزله بمهزله
وكأنك مش شايفه حدا بعينك مع أنه ... تعليقات بالزاويه تعليقاتك.
نفسي مره ألاقيلك تعليق مفيد
بالعكس تعليقاتك بتغث البال كأنك أنتي دارسه أمور الحياه وفهمانتها مع أني متأكذ أنك لا تحملي داخل راسك إلا كتله من الغباء.
وعنجد صرت أتمنى أني أعرفك مش حتى أتشرف بمعرفتك لأ
حتى أخليكي تعرفي قيمتك وحجمك.
....
وكأنك مش شايفه حدا بعينك مع أنه ... تعليقات بالزاويه تعليقاتك.
نفسي مره ألاقيلك تعليق مفيد
بالعكس تعليقاتك بتغث البال كأنك أنتي دارسه أمور الحياه وفهمانتها مع أني متأكذ أنك لا تحملي داخل راسك إلا كتله من الغباء.
وعنجد صرت أتمنى أني أعرفك مش حتى أتشرف بمعرفتك لأ
حتى أخليكي تعرفي قيمتك وحجمك.
....
26-01-2010 10:04 PM
توتو الى متابع المتخلف
انا متابعه تخلفك العقلي الله يعينك على البابوجه اللي مركبه مكان دماغك اقلب وجهك
26-01-2010 10:16 PM
الهارب الى المهندسه دانا
تحياتي ومشكوره تعليق وافي .
26-01-2010 10:21 PM
عناد
يا عزيزتي ...رغم القسوة المفرطة اللتي ربما تكون في هذا الحل ...الا انني ارى انه الاصوب
(زتيلو الاولاد بوجهوا وخلي اختو وستوا وبنت عمو ومرت اخو يربوا الاولاد )
لن يستطيعوا يا عزيزتي .....سوف يأتيك على عجل .....!!
(يبوس القدم ....ويبدي الندم ....على غلطتو بحق الغنم ) ...!
وان لم يكن هذا ...اتحدث عن (العودة ) طبعا ..!!
فيجب ان تجدي حياة اخرى مع شخص اخر ... فمازلت صغيرة في السن ..اليس كذالك ؟؟؟
ولكن يجب ان يكون الاولاد بحوزته .. يلزمك القليل من القسوة قد ترتاحي بعد هذا ...!!
تحياتي للجميع
وانت يا (خلف) حطلنا بريق الشاي عالفحم ...الكاز غلي يا خوك واحنا ناس طفرانين ومش لاقين نوكل
وقول لاختك (بريزة ) تناولني كاست مي ومحدى احسن من حدى ....!!!
طبعا كل الحقوق محفوظة للكنج وهذه مزحة ليس الا ...مع كل الحب يا صديقي
(زتيلو الاولاد بوجهوا وخلي اختو وستوا وبنت عمو ومرت اخو يربوا الاولاد )
لن يستطيعوا يا عزيزتي .....سوف يأتيك على عجل .....!!
(يبوس القدم ....ويبدي الندم ....على غلطتو بحق الغنم ) ...!
وان لم يكن هذا ...اتحدث عن (العودة ) طبعا ..!!
فيجب ان تجدي حياة اخرى مع شخص اخر ... فمازلت صغيرة في السن ..اليس كذالك ؟؟؟
ولكن يجب ان يكون الاولاد بحوزته .. يلزمك القليل من القسوة قد ترتاحي بعد هذا ...!!
تحياتي للجميع
وانت يا (خلف) حطلنا بريق الشاي عالفحم ...الكاز غلي يا خوك واحنا ناس طفرانين ومش لاقين نوكل
وقول لاختك (بريزة ) تناولني كاست مي ومحدى احسن من حدى ....!!!
طبعا كل الحقوق محفوظة للكنج وهذه مزحة ليس الا ...مع كل الحب يا صديقي
26-01-2010 10:27 PM
أميرة
انتي لساتك صغيرة وباين عليكي ما عندك خبرة بالحياه ومش عارفة تتعاملي مع اخت زوجك وتوقفيها عند حدها ، مو لازم سمحتي لحدا يدخل بحياتك ولازم خليتي الأمور رسمية بينك وبينهم ما دام انهم بهاي العقلية
قبل ما نجاوبك ع تساؤلك لازم نعرف شو الحلول المطروحه امامك؟ في أسئلة كتيرة لازم تفكري فيها قبل ما تفكري بالطلاق ، هل في مجال ترجعي لزوجك ؟ هل انتي بتشتغلي وبتقدري تصرفي ع نفسك و ع بناتك ازا فكرتي بالطلاق ؟ كيف رح تقدري تتحملي مسؤولية البنات لحالك وانتي شخصيتك مو قوية خاصة انو الحياة صعبة والأولاد مسؤوليتهم كبيرة كتير.
هاي امور لازم تفكري فيها منيح وتجاوبي عليها قبل ما تفكري بالطلاق لانو الطلاق صعب ورح يأثر ع البنات وعليكي خاصة ،
ازا فكرتي ترجعي لزوجك لازم تخليه يحط حد لتدخل اهلو وخلي الامور رسمية بينك وبين اهلو ووسطي طرف ثالث عشان يحل الخلاف بينكم .
قبل ما نجاوبك ع تساؤلك لازم نعرف شو الحلول المطروحه امامك؟ في أسئلة كتيرة لازم تفكري فيها قبل ما تفكري بالطلاق ، هل في مجال ترجعي لزوجك ؟ هل انتي بتشتغلي وبتقدري تصرفي ع نفسك و ع بناتك ازا فكرتي بالطلاق ؟ كيف رح تقدري تتحملي مسؤولية البنات لحالك وانتي شخصيتك مو قوية خاصة انو الحياة صعبة والأولاد مسؤوليتهم كبيرة كتير.
هاي امور لازم تفكري فيها منيح وتجاوبي عليها قبل ما تفكري بالطلاق لانو الطلاق صعب ورح يأثر ع البنات وعليكي خاصة ،
ازا فكرتي ترجعي لزوجك لازم تخليه يحط حد لتدخل اهلو وخلي الامور رسمية بينك وبين اهلو ووسطي طرف ثالث عشان يحل الخلاف بينكم .
26-01-2010 10:30 PM
الحراث
والله عيب على الزلمة يمد ايده على المراه والله مشكلتك عويصة هدئ اشوي وخلي النفوس ترتاح ممكن يرجع عن غلطة وشو ذنب البنات وانت كمان
الله يفرجهاعليج
الله يفرجهاعليج
26-01-2010 10:45 PM
الى توتو
والله انت ....
26-01-2010 11:07 PM
بنت عاديه
لامتى بعض المحسوبين على الرجال بدهم يتعاملوا مع المرأه كجاريه
مخلوقه للطاعه مخلوقه لفشة الخلق مخلوقه بضاعه مخلوقه للضرب مخلوقه للاهانه
لامتى في بعض النساء بدهم يتحملوا جبروت رجل ناقص يفتقد للانسانيه بمعاملته الها
لامتى المرأه هي المخلوق اللي انخلق لتعذيبه واهانته من رجل بعاني من انفصام شخصيه
ومن تراكمات مجتمع اتعود على انه المرأه في المرتبه الثانيه بعد الرجل
لامتى بعض الرجال سيبقوا بتصرفاتهم اللاانسانيه عناوين للجهل
المرأه خلقت ند للرجل امتى بدهم يفهموا بعض الرجال انهم مش اسياد
وانه المرأه هي انسان مش نكره يجوز تأديبها وقمعها وقتل نفسها بكل الطرق الوحشيه
في كل مناسبه .
لامتى.
مخلوقه للطاعه مخلوقه لفشة الخلق مخلوقه بضاعه مخلوقه للضرب مخلوقه للاهانه
لامتى في بعض النساء بدهم يتحملوا جبروت رجل ناقص يفتقد للانسانيه بمعاملته الها
لامتى المرأه هي المخلوق اللي انخلق لتعذيبه واهانته من رجل بعاني من انفصام شخصيه
ومن تراكمات مجتمع اتعود على انه المرأه في المرتبه الثانيه بعد الرجل
لامتى بعض الرجال سيبقوا بتصرفاتهم اللاانسانيه عناوين للجهل
المرأه خلقت ند للرجل امتى بدهم يفهموا بعض الرجال انهم مش اسياد
وانه المرأه هي انسان مش نكره يجوز تأديبها وقمعها وقتل نفسها بكل الطرق الوحشيه
في كل مناسبه .
لامتى.
26-01-2010 11:10 PM
الافندي
نصيحة اخ
مشكلتك وباختصار عدم مقدرتك على كسب قلب زوجك ................ فالامهات يشتكين من كناينهم ( زوجات الابن ) لانه المراة بطبعها تسلب عقل وتفكير الرجل ............... فان لم تكن تخاف الله ضاع الزلمه وعيلته
وان كانت بتخاف الله فهي صاحبة النجاح وان كانت من خلف الكواليس ...........وراء كل رجل عظيم امرأة
باختصار شديد لاتلومي احد لومي نفسك وانت التي لم تستطيعي فعل شيء
كان بالامكان ان تكسبي حبه وعقله وتحاولي تغيير عائلته ..........شرف المحاوله عظيم
والله من وراء القصد
اح اح اح شو بردان
مشكلتك وباختصار عدم مقدرتك على كسب قلب زوجك ................ فالامهات يشتكين من كناينهم ( زوجات الابن ) لانه المراة بطبعها تسلب عقل وتفكير الرجل ............... فان لم تكن تخاف الله ضاع الزلمه وعيلته
وان كانت بتخاف الله فهي صاحبة النجاح وان كانت من خلف الكواليس ...........وراء كل رجل عظيم امرأة
باختصار شديد لاتلومي احد لومي نفسك وانت التي لم تستطيعي فعل شيء
كان بالامكان ان تكسبي حبه وعقله وتحاولي تغيير عائلته ..........شرف المحاوله عظيم
والله من وراء القصد
اح اح اح شو بردان
26-01-2010 11:49 PM
سمير
الي نساك انساه والي هواك اهواه وبما انه نسيكي وتخلى عنك انسيه لانه لو بدك ترجعيله وهو اي واحد ممكن يسيطر عليه ما رح يمشي الحال .
26-01-2010 11:50 PM
السرحاني الى المهندسه دانا
كنت بدي احكي بس بعد قرأت تعليقك
عن جد كفيتي ووفيتي وما علكي زود لانك كلك زوووء
عن جد كفيتي ووفيتي وما علكي زود لانك كلك زوووء
27-01-2010 12:16 AM
عابرسبيل امريكي اردني
الحياة الزّوجيّة الحقة من صنع الله تعالى هل سهرتي ليلتك تتساءلي فى جنون : ماذا فعلت له لكى ينقلب هذا الإنقلاب ويحيل ما بيننا من سعادة إلى تفكك واكتئاب , هل وصلت بك الدرجة أن تسألي أشخاصأ لا يعرفون شيئأ عن مدى حبك وصدقك مع زّوجك, أن تسأليهم كيف تسنى له أن يركب موج الغدر , وأن ينسى المودة والمحبة والأحاسيس أين الشهامة والرجولة التى جمعتك به ثم ينقلب على عقبيه ليخسر كلاكما حبيباً عزيزاً وسنداً فريداً فى حياته ؟؟ إنه الزّوج وإنه الإنسان وتركيباته النفسية المعقدة التى قد تحتوى فى ذاكرتها على مخزونات نفسية محصورة داخل اللاشعور ولا تجد متنفساً لها إلا فى ذلك الوقت وتلك اللحظة التى ينجح فيها أحد شياطين الإنس فى الإيقاع بينكما عامداً متعمداً قتل المحبة التى ربما يكون هو- شيطان الإنس- محروماً من مثلها وغير قادر على الوصول لعزيز فيدبر لكما مكيدة بأساليبه العديدة الفريدة حتى تسقط المودة والمحبة صريعة الكراهية والحقد وهكذا يسعد هو ويصل لمأربه الخبيث وهدفه الخسيس فى قطع أواصر المحبة , وروابط الوفاق التى تجمعك مع زوجك الطيب المخلص فى زمن ردىء شح فيه هذا الصنف وزاد وفاض الصنف الردىء الخبيث فوجدتي أن الذى يحبك الآن يمكن أن يكرهك بعد ساعات , وقد يكون السبب غير معروف لك ؟ وقد يتحول الإنسان من شخص يدافع عنك , وينحاز لقضيتك , ويواجه كارهيك بكل قوته , ولكن فجأة وبدون سابق إنذار تحول للضد والعكس تماماً لأسباب لم يطلعك عليها , ولم تدركها , وقد يمر وقت طويل جتى تعرفها ثم تكتشف أنه ظلمك وكرهك وعاداك بغير سبب وجيه , وأنه انقاد وراء الكلام المغرض والفتن السفيهة ولم يتريث فحطم كل شىء جميل كان يربطك به , وحول المودة إلى صفاقة والمحبة إلى مسبة , والوئام إلى خصام , فهل عشت تلك الأحاسيس ومستك نارها المحرقة , واكتويت بلظاها الشديد ؟ولكن ماهى حدود الحياة الزّوجيّة وهل لها شروط ؟ وهل يتم وضع خطة لأقامتها ؟ لا أعتقد أن الحياة الزوجيّة التى تقوم على الإخلاص والصدق والمحبة تحتاج لشروط مسبقة ولا أعتقد أنه يتم التخطيط لها بل إنها تأتى بشكل ربانى مدبر له من قبل السماء فتتلاقى أنفس الطيبين والصالحين تجتمع على ما ينفعهم وينفع الناس فى الدنيا والآخرة وتقوم هذه الحياة على أعمدة من طهارة القلوب وبراءة النفوس من كل إثم أو جرم أو سوء, تقوم على الإخلاص مع الزوجه ومع كل إنسان فلا يمكن أن تجد إنساناً يعرف معنى الصدق والإخلاص والصفاء ثم يحنث بصداقته أو يغدر بزّوجته بل هو يتقى ربه فى الكلمة ويخلص النصيحة ويجاهد بقدر الإمكان لإنقاذ زّوجته لو كانت فى كربة أو التخفيف عنها لو كانت فى محنة أو الوقوف إلى جانبها فى الأفراح والأتراح أما الحياة الزوجيّة المزيفة فتظهر على حقيقتها من أول موقف ويسقط معدنها الخبيث أرضاً من أول وهلة فيهرب الزوج من زّوجته عند الشدة ويلتمس لنفسه أعذاراً واهية للتملص من واجبه الذى تفرضه عليه الحياة الزوجيّة . مما لا شك فيه حدوث بعض المشاكل بين الزوجيّن ولا أظن أنها قد ترقى لدرجة مشاكل فلنقل مثلأ إختلاف فى وجهات النظر فى موضوع ما أو موقف معين فمهما كان الأمر فلا يمكن أن يصل لدرجة الشقاق بينهما – بين الزوجيّن–وقديماً فى المثل قالوا ( حبيبك يبلع الزلط وعدوك يتمنى لك الغلط ) مما يدل أن الحياة الزوجيّة صفة جميلة ورائعة من قديم الزمان وأن الزوج لا يمكن أن يكره زوجته أو ينقلب عليها لأى سبب من الأسباب , فكيف تحولت الزوجيّة فى زماننا إلى زواج (ع الطاير)إنـّه عقد بين امرأة ورجل يُحبّان بعضهما بدون تدخـّـل الأُسرة،
27-01-2010 05:38 AM
خبراء اليوم US
مهما تعددت الأسباب والمواجهات والنصائح، تبقى المشكلة واحدة: كيف "نبهّر" علاقتنا الزوجية لنعيش حياة مريحة وهنية. فالمناوشات بين رأسين في بيت واحد لن تنتهي ولا المشاكسات حتى المشاجرات.. فكل ذلك جزء من الحياة اليومية العصرية المليئة بالمزاحمات والمنافسات والمعارك "العاطفية". المهم ان نتعلم كيف نخرج منها "سالمين" مسالمين مقتنعين بضرورة التفاوض للحفاظ على عشرة حلوة وحميمة.?????????????????????????
27-01-2010 06:23 AM
swmj1570
زي ما افهمت هلا انتي مطلقة
معناتو المشكلة انتهت
بالطلاق حاولي تشوفيلك ابن الحلال الي يسترك انتي وبناتك واولاد الحلال كتير
الله يوفقك
معناتو المشكلة انتهت
بالطلاق حاولي تشوفيلك ابن الحلال الي يسترك انتي وبناتك واولاد الحلال كتير
الله يوفقك
27-01-2010 08:29 AM
swm الى شب
بيعين اللله بس انتي لازم تدبري امورك وتعتمدي على حالك
انا كنت حابب اتواصل مع شب عندو نفس المشكلة كنت طارح موظوع هون وحابب نحكي على الايميل ازا موجود يا ريت يراسلني ايميلي باسمي تعليق رقم 50 في موظوع هل انا السبب ضروري نتواصل ازا ما عندك مانع
انا كنت حابب اتواصل مع شب عندو نفس المشكلة كنت طارح موظوع هون وحابب نحكي على الايميل ازا موجود يا ريت يراسلني ايميلي باسمي تعليق رقم 50 في موظوع هل انا السبب ضروري نتواصل ازا ما عندك مانع
27-01-2010 08:38 AM
فتاه الى صاحبه المشكله
يعني بقرا القصه ومئهورة منك وين شخصيتك وين اهلك طيب وين عقل جوزك وين علاقتك القديمهةمع جوزك ودكرياتكم جوزك نا سي هاد الشي بسرعه
واولادك يعني انا حاسه في شي بالموضوع مش طبيعي نصيحتي الك انت هلا مش صغبرة اول جوازك كنت يعني انت لازم تصرفك غير هيك مش عارفه شو احكي شخصيتك وين كانت طيب كرامتك كيف خلتهم يضربوك من اخته يعني ما بتعرفي تتصرفي بنات اليوم الي 15 و 16 بيعملو عمايل اكتر من الي 30 و40 يعني الغلط كان من جوزك الي بدون شخصيه التاني
اهم شي اتوقع انك مضلومه ما الك غير تلجاي لربنا وعلقت ع مشكله في زوجي وع شيقه اقرائيها بتستفيدي
بس انا براي انو لازم ما استعجلت بالطلاق لازم رحتي عند اهلك لفترة يمكن جوزك يحس بغلطو
واولادك يعني انا حاسه في شي بالموضوع مش طبيعي نصيحتي الك انت هلا مش صغبرة اول جوازك كنت يعني انت لازم تصرفك غير هيك مش عارفه شو احكي شخصيتك وين كانت طيب كرامتك كيف خلتهم يضربوك من اخته يعني ما بتعرفي تتصرفي بنات اليوم الي 15 و 16 بيعملو عمايل اكتر من الي 30 و40 يعني الغلط كان من جوزك الي بدون شخصيه التاني
اهم شي اتوقع انك مضلومه ما الك غير تلجاي لربنا وعلقت ع مشكله في زوجي وع شيقه اقرائيها بتستفيدي
بس انا براي انو لازم ما استعجلت بالطلاق لازم رحتي عند اهلك لفترة يمكن جوزك يحس بغلطو
27-01-2010 08:51 AM
عروبة
عزيزتي صاحبة المشكلة انصحك بالصبر حتى تهدأ النفوس واحيانا الطلاق يكون فيه اصلاح للطرفين لان الانسان لا يشعر بقيمة الشيء الا اذا فقده وانا اشعر انه من خلال مشكلتك ان انت لك دور كبير بالمشكلة يعني من غير المعقول ان لا تجدي احد من اهله يحبك سواء اخته او زوجة ابيه وزوجة اخيه يمكن انتي بتقاهريهم بوضعك وظرفك انه احسن من ظروفهم ويمكن ما بيلاقوا من طرفك المودة والحب يعني لا يمكن انك اتعامليهم معاملة حسنة ويكونوا كلهم سيئين الا ما يطلع فيهم حد منيح الكلمة الحلوة ووصال اهل الزوج ومحبتهم يعزز علاقتك فيهم اما انك تتخدي منهم اعداء اكيد ما رح يحبوك ورح جميعم يكونوا ضدك ويتسببوا في طلاقك عشان هيك بنصحك انه تبدأي في تأهيل نفسك واصلاحها ومن ثم اصلاح زوجك وحسب ما ذكرتي انه زوجك كان زوج مثالي ومنيح اذا طلب يرجعك ارجعي افضل الك ولبناتك ما حد بيربي الاولاد الا امهم وابوهم ما تتأملي انه تتزوجي رجل اخر ويربي بناتك ودائما اتعلمي انه احترامك لاهل زوجك ومحبتك الهم من احترامك لزوجك ومحبتك اله وهمه بالنهاية اهل بناتك مع تمنياتي لك بالتوفيق وهداة البال يا رب
27-01-2010 10:14 AM
ابو وديع
في البداية الله يهديكي ويساعدك في حل المشكلة .
انا ما راح احكم مثل اغلب المعلقين على زوجك واخته وغيرها ، لانه من العدل نسمع لجميع الاطراف .
بس انا برائيي انك تحطي عقلك براسك وتربي اولادك واذا زوجك اتذكرك ورجع بامكانك تطلبه منه السكن بعيد عن اهلك واهله ، وخلي سر بيتك جو البيت فقط ، واذا ما رجع وصادف اجاكي عريس محترم وبقدرك وشوفتي انه ما راح يظلم اولادك ، مش غلط انك ترتبطي فيه ، بعدك صغيرة ، والحياه قدامك ( ما تعقدي حالك ) .
صلي وادعي لربك يهديكي للطريق الصحيح .
الله يجيبلك اللي فيه خير الك ولاولادك .
تحياتي للجميع .
انا ما راح احكم مثل اغلب المعلقين على زوجك واخته وغيرها ، لانه من العدل نسمع لجميع الاطراف .
بس انا برائيي انك تحطي عقلك براسك وتربي اولادك واذا زوجك اتذكرك ورجع بامكانك تطلبه منه السكن بعيد عن اهلك واهله ، وخلي سر بيتك جو البيت فقط ، واذا ما رجع وصادف اجاكي عريس محترم وبقدرك وشوفتي انه ما راح يظلم اولادك ، مش غلط انك ترتبطي فيه ، بعدك صغيرة ، والحياه قدامك ( ما تعقدي حالك ) .
صلي وادعي لربك يهديكي للطريق الصحيح .
الله يجيبلك اللي فيه خير الك ولاولادك .
تحياتي للجميع .
27-01-2010 10:20 AM
دانا الى السرحاني
صباح الخير لالك مزوء على طول يا سرحاني ....
تحياتي....
تحياتي....
27-01-2010 11:37 AM
®KING OF HUNTERS
صاحبة المشكلة واطفالها هنا هم ضحايا جدد ينضمون لقافلة وطوابير ضحايا المشاكل الاسرية التي تسببها ضعف شخصية الزوج ...
نداءعاجل لكل فتاه مقبلة على الزواج ..... يجب عدم التسرع والارتباط برجل (نص كم) .... غير قادر على اتخاذ قراره بنفسه ..... رجل ظالم بحق زوجته واطفاله ...... يترك المجال لزوجة ابيه واخته للتدخل في حياته وتخريبها ..... بعد ان ارتفع منسوب الغيره والحقد والكيد النسائي عندهن الى مستويات قياسية ...
بالنسبة للحل ... فهو يكمن في انتظار ذلك الرجل الضعيف الشخصية ..... لكي يصحو من غفوته ..... ويدرك حجم الخطأ الفادح الذي ارتكبه ..... ويعود لاصلاحه ...... واذا طال الانتظار ..... يمكن اتباع وسائل للضغط ..... مثل رفع قضية نفقة عليه ...... او اعطاءه الاطفال لكي يربيهم بالاستعانه بزوجة ابيه واخته ......
لن اطلب منك الاستعانه باهلك او اخوتك ...الذين يتضحون بانهم ( مش قد حالهم) ...... ولايمكن الاعتماد عليهم حيث انهم اخفقوا في حمايتك ونصرتك مرات عديدة ........ اضافة الى غلطتهم الكبرى عندما سمحو بتزويجك لاول عريس طرق الباب ........ واتمموا اجراءات الزواج بشكل سريع لبنتهم البالغة من العمر 19 عاما ...... قبل ان يسالوا عن ذلك العريس وعن اهله............ خوفا من ان (يطير) ذلك العريس اللقطة ......... الذي تنطبق عليه مقوله عادل امام في مسرحيته الشهيرة .... * الواد سيد.... * : (من برة أوبة أوبة .... ومن جوا يعة يعة) ...... الذي يعتبر ترجمة صريحة للمثل الكندي القائل ( من برة هالله هالله ...... ومن جوة يعلم الله) .......
وهناك نسخة اخرى من هذا المثل ....... يتداولها الاهالي في منطقة السهول الشرقية في جمهورية (الدومينيكان) وفي بعض مناطق البادية الوسطى في (سويسرا) ..... تقول: ( من برة طقشة طقشة ...... ومن جوا ( -----) محشي) ...
لقد تصرف اهلك تماما كما يتصرف سائق قلاب دمث الاخلاق ........ عندما اراد ان يتخلص من (نقلة ) الطمم التي يحملها بسرعة ....... عند اول وادي يصادفه ...... ليذهب ويحضر نقلة اخرى ...... حتى يتخلص من جميع ( الطممات) التي بحوزته ...... لكنه لم يكن يعرف بان البلدية سوف تعيد له ذلك الطمم مرة اخرى .....
يجب ان نتوقف عن معاملة بناتنا على اساس انهن ( نقلات طمم) ..... نرميهن في اول وادي نصادفه ...... او ( بكس بطاطا ) ..... نبيعهن لاول تاجر .....
غطيني يا كرمة العلي ....
وهاتي حبة (المدرر) .... ارتفع (ظغطي) ...
®KING OF HUNTERS
جميع الحقوق محفوظة © 2010
lllllll|llllllll|lll||ll||llllll|lllll
¹°¹³ °¹²³¹³³² °³°² °³ ¹³
_______
|
¸O
\|/
\/
نداءعاجل لكل فتاه مقبلة على الزواج ..... يجب عدم التسرع والارتباط برجل (نص كم) .... غير قادر على اتخاذ قراره بنفسه ..... رجل ظالم بحق زوجته واطفاله ...... يترك المجال لزوجة ابيه واخته للتدخل في حياته وتخريبها ..... بعد ان ارتفع منسوب الغيره والحقد والكيد النسائي عندهن الى مستويات قياسية ...
بالنسبة للحل ... فهو يكمن في انتظار ذلك الرجل الضعيف الشخصية ..... لكي يصحو من غفوته ..... ويدرك حجم الخطأ الفادح الذي ارتكبه ..... ويعود لاصلاحه ...... واذا طال الانتظار ..... يمكن اتباع وسائل للضغط ..... مثل رفع قضية نفقة عليه ...... او اعطاءه الاطفال لكي يربيهم بالاستعانه بزوجة ابيه واخته ......
لن اطلب منك الاستعانه باهلك او اخوتك ...الذين يتضحون بانهم ( مش قد حالهم) ...... ولايمكن الاعتماد عليهم حيث انهم اخفقوا في حمايتك ونصرتك مرات عديدة ........ اضافة الى غلطتهم الكبرى عندما سمحو بتزويجك لاول عريس طرق الباب ........ واتمموا اجراءات الزواج بشكل سريع لبنتهم البالغة من العمر 19 عاما ...... قبل ان يسالوا عن ذلك العريس وعن اهله............ خوفا من ان (يطير) ذلك العريس اللقطة ......... الذي تنطبق عليه مقوله عادل امام في مسرحيته الشهيرة .... * الواد سيد.... * : (من برة أوبة أوبة .... ومن جوا يعة يعة) ...... الذي يعتبر ترجمة صريحة للمثل الكندي القائل ( من برة هالله هالله ...... ومن جوة يعلم الله) .......
وهناك نسخة اخرى من هذا المثل ....... يتداولها الاهالي في منطقة السهول الشرقية في جمهورية (الدومينيكان) وفي بعض مناطق البادية الوسطى في (سويسرا) ..... تقول: ( من برة طقشة طقشة ...... ومن جوا ( -----) محشي) ...
لقد تصرف اهلك تماما كما يتصرف سائق قلاب دمث الاخلاق ........ عندما اراد ان يتخلص من (نقلة ) الطمم التي يحملها بسرعة ....... عند اول وادي يصادفه ...... ليذهب ويحضر نقلة اخرى ...... حتى يتخلص من جميع ( الطممات) التي بحوزته ...... لكنه لم يكن يعرف بان البلدية سوف تعيد له ذلك الطمم مرة اخرى .....
يجب ان نتوقف عن معاملة بناتنا على اساس انهن ( نقلات طمم) ..... نرميهن في اول وادي نصادفه ...... او ( بكس بطاطا ) ..... نبيعهن لاول تاجر .....
غطيني يا كرمة العلي ....
وهاتي حبة (المدرر) .... ارتفع (ظغطي) ...
®KING OF HUNTERS
جميع الحقوق محفوظة © 2010
lllllll|llllllll|lll||ll||llllll|lllll
¹°¹³ °¹²³¹³³² °³°² °³ ¹³
_______
|
¸O
\|/
\/
27-01-2010 11:41 AM
حازم الى سوزان
وينك يا سوزان بطلنا نشوف تعليقاتك والله بدخل لاجل عيونك طمنينا عنك وسلامي لحبيب قلبي ابو وديع وكمان المهندسه دانا
27-01-2010 11:45 AM
صاحبة المشكلة
الشكر اولا لجراسا لطرحها مشكلتي هنا في هذه الزاوية .
ثانياً اشكركم جميعاً على طرح الحلول لي ......... لكن بناتي يحتاجن الى اب في وقت كثير اشعر بحزنهن لعدم وجود والدهن بالقرب منهن.
ابنتي " التي عمرها سنتين قالت لي مرة كلمة ابكتني جداً وهي : ماما اشتريلي بابا زي توتو " طبعا توتو بنت اختي " شو أعمل؟؟؟؟
اما انه اخته تمادت معي لاني بنت هادية وما بحب المشاكل ودايماً بتجنبها بس هي الله يسامحها كتير قاسية وانانية وما بتحب حد بس حاله مو طبيعية دايماً مشاكل مع زوجها وانا وزوجي كنا ماشاء الله مافي مشاكل عنا من غيرتها انها كل يوم والتاني ببيت اهلها صارت تفرد عضلاتها علي بأسلوب اسف لهل الكلمة " قليل ادب " كنت كتير اتجنبها واحاول ما اتقابل معها بنفس المكان بس للاسف هي حشوره !!!!!!!!!!
اما مرة ابوه فهي زوجة لئيمة ولاتحب الخير لاحد لكنا كانت لا تتمشكل مع بل كانت تفعل المشكلة يعني متل الحية اللهم عافينا واعفو عنا يارب .....................................
حياتي الآن مؤلمة جداً جداً واتمنى ان ان اعيش متل باقي اخواتي مبسوطة وسعيده الله يوفقه يارب انا اصغر وحده بالبنات في بيتنا وأهل كتير كانوا ولازالوا مدلليلني .
ساعدوني !!!!!!!
ثانياً اشكركم جميعاً على طرح الحلول لي ......... لكن بناتي يحتاجن الى اب في وقت كثير اشعر بحزنهن لعدم وجود والدهن بالقرب منهن.
ابنتي " التي عمرها سنتين قالت لي مرة كلمة ابكتني جداً وهي : ماما اشتريلي بابا زي توتو " طبعا توتو بنت اختي " شو أعمل؟؟؟؟
اما انه اخته تمادت معي لاني بنت هادية وما بحب المشاكل ودايماً بتجنبها بس هي الله يسامحها كتير قاسية وانانية وما بتحب حد بس حاله مو طبيعية دايماً مشاكل مع زوجها وانا وزوجي كنا ماشاء الله مافي مشاكل عنا من غيرتها انها كل يوم والتاني ببيت اهلها صارت تفرد عضلاتها علي بأسلوب اسف لهل الكلمة " قليل ادب " كنت كتير اتجنبها واحاول ما اتقابل معها بنفس المكان بس للاسف هي حشوره !!!!!!!!!!
اما مرة ابوه فهي زوجة لئيمة ولاتحب الخير لاحد لكنا كانت لا تتمشكل مع بل كانت تفعل المشكلة يعني متل الحية اللهم عافينا واعفو عنا يارب .....................................
حياتي الآن مؤلمة جداً جداً واتمنى ان ان اعيش متل باقي اخواتي مبسوطة وسعيده الله يوفقه يارب انا اصغر وحده بالبنات في بيتنا وأهل كتير كانوا ولازالوا مدلليلني .
ساعدوني !!!!!!!
27-01-2010 12:07 PM
®KING OF HUNTERS الى عناد
كيفك يا مان ؟
خلف مش موجود ..... خرج ولم يعد ...
طلع من 3 ساعات ومعه (جلن) الكاز ..... علشان يعبيه من كازية ( الثعلب الحنون) .... اللي عند مدخل القرية الشرقي عند مزارع الجاج ...... ولحد الان ما رجع ...
مرتو (صيته) ..... خايفه عليه كثير ..... وهناك اشاعة (مغرضة) بتقول انو اندعس من (ديانا خظرة محملة جحاش) ......
وهسع هو في العناية المركزة في مستشفى (توتنهام) ...... العام
وبتقول الاشاعة المغرضة (اياها) .... ان اهل الحارة مجتمعين في مظافة ( ابو شايش) ......علشان يستقبلوا الجاهة الكريمة .....علشان بدهم يوخذو (عطوة).....
طبعا عطوة عشائرية ..... مش عطوة ابن الجيران ...... اصلا شو بدهم فيه هاظا الافكح ....
تحياتي الى ابووديع والحكيم والى كل من ساهم في القيام باعمال الخدمة والضيافة وتقديم (الكبتشينو) للجاهة الكريمة ....
®KING OF HUNTERS
جميع الحقوق محفوظة © 2010
lllllll|llllllll|lll||ll||llllll|lllll
¹°¹³ °¹²³¹³³² °³°² °³ ¹³
_______
|
¸O
\|/
\/
خلف مش موجود ..... خرج ولم يعد ...
طلع من 3 ساعات ومعه (جلن) الكاز ..... علشان يعبيه من كازية ( الثعلب الحنون) .... اللي عند مدخل القرية الشرقي عند مزارع الجاج ...... ولحد الان ما رجع ...
مرتو (صيته) ..... خايفه عليه كثير ..... وهناك اشاعة (مغرضة) بتقول انو اندعس من (ديانا خظرة محملة جحاش) ......
وهسع هو في العناية المركزة في مستشفى (توتنهام) ...... العام
وبتقول الاشاعة المغرضة (اياها) .... ان اهل الحارة مجتمعين في مظافة ( ابو شايش) ......علشان يستقبلوا الجاهة الكريمة .....علشان بدهم يوخذو (عطوة).....
طبعا عطوة عشائرية ..... مش عطوة ابن الجيران ...... اصلا شو بدهم فيه هاظا الافكح ....
تحياتي الى ابووديع والحكيم والى كل من ساهم في القيام باعمال الخدمة والضيافة وتقديم (الكبتشينو) للجاهة الكريمة ....
®KING OF HUNTERS
جميع الحقوق محفوظة © 2010
lllllll|llllllll|lll||ll||llllll|lllll
¹°¹³ °¹²³¹³³² °³°² °³ ¹³
_______
|
¸O
\|/
\/
27-01-2010 12:14 PM
بنت اليل
عيشي حياتك وحاولي تعيشي زيي انا نحله حب اوكل من كل زهره شوي لانه ماكل الزهر نفس الطعم وخلي بناته عنده بعيشهن مع العنزايه الجديه
27-01-2010 01:05 PM
الحل سهل
اختي بلله مشكلتك سهل حلها وكنت نصحة احدى الاخوات تعاني نفس مشكلتك تقريبا وحلت مشكلتها الحمدلله
اول شئ ضروري تضعي باعتبارك العوده لزوجك لاجل اطفالك وخاصه انهم بنات
عليكي ابلاغ زوجك انك على وشك ان تخطبي وعليه انا ياخذ بناته وشئ طبيعي رح يقول اين اذهب بهم ؟؟
وغير ذلك اول شئ رح يشعر بلغيره الشديده انك رح تتزوجين من غيره
عندها رح يعمل المستحيل لاجل يعيدك لعصمته وهنا يكمن ذكائك ان تفرضي شروطك وليس شروطه وشروط اهله
عندما تبلغيه انك رح ترتبطي اجعلي اسلوبك جاد بلكلام وكانه صحيح رح ترتبطي واخبريه انه ترك اطفاله وانك غير مستعده ضيعي شبابك لاجل ابنائه وهو يستمتع بحياته
طبعا هذ كلام من وراء القلب
واي مساعده انا جاهز للمشوره بلتوفيق
اول شئ ضروري تضعي باعتبارك العوده لزوجك لاجل اطفالك وخاصه انهم بنات
عليكي ابلاغ زوجك انك على وشك ان تخطبي وعليه انا ياخذ بناته وشئ طبيعي رح يقول اين اذهب بهم ؟؟
وغير ذلك اول شئ رح يشعر بلغيره الشديده انك رح تتزوجين من غيره
عندها رح يعمل المستحيل لاجل يعيدك لعصمته وهنا يكمن ذكائك ان تفرضي شروطك وليس شروطه وشروط اهله
عندما تبلغيه انك رح ترتبطي اجعلي اسلوبك جاد بلكلام وكانه صحيح رح ترتبطي واخبريه انه ترك اطفاله وانك غير مستعده ضيعي شبابك لاجل ابنائه وهو يستمتع بحياته
طبعا هذ كلام من وراء القلب
واي مساعده انا جاهز للمشوره بلتوفيق
27-01-2010 04:07 PM
احمد العبادي
انا احكي بلاه احسن كونه صاقط يرد على حكي النسوان....................
27-01-2010 04:48 PM
مخاوي الليل الى بنت الليل
حقيقي بهنيكي على حياتك زي النحله كل يوم بتذوقي زهره شكل.
بتمنى أيتها النحله الجميله بأن يأتي يوم لأكون زهره من زهورك.
لأني على يقين بأنك بعد ما تتذوقي الحب والحنان من رحيقي لن تفكري بزهره غيري.
مع كل الحب
مخاوي الليل
بتمنى أيتها النحله الجميله بأن يأتي يوم لأكون زهره من زهورك.
لأني على يقين بأنك بعد ما تتذوقي الحب والحنان من رحيقي لن تفكري بزهره غيري.
مع كل الحب
مخاوي الليل
27-01-2010 06:52 PM
عناد
ههههههه (الله لا يوطرزلك يا مان )
معناتوا لازم استأذنكوا كم يوم عشان اروح عالمدينة ...اطل على هالافكح اشوف شو صار معاه !؟
قوم يا( شلاش ) اخوك خلف دعستو ديانا ت بصل مدري جحاش خلنا نتطمن علية ..!؟؟
وقول لاختك (صبحة) لا تنسى اليوم دور الجلي عليها مش تنسالي الجليات وتقعد على المسلسلات
التركية الفاضية في عنا عزومة قريبة ..!!
واضرب على (بريزة ) اختك مس كول خليها تجيب( البكم ) بلاش يقولوا الناس عنا متخلفين
وما بنخلي الحريم تسوق سيارات.... لا هيّنا بنخليها تسوق بكمات وتركتور بعد ...!
وقولها ما تنسى شوال السكر وشوال الرز لزوم الطلة ...!
وقول( لسلاّل) ابن عمك يحرس( الشق) بغيابي انا ما بطول كلهن يومين واعود ...!
وما ينسى يجيب الربابة لما يعاود ...!!
وسلامات للجميع
معناتوا لازم استأذنكوا كم يوم عشان اروح عالمدينة ...اطل على هالافكح اشوف شو صار معاه !؟
قوم يا( شلاش ) اخوك خلف دعستو ديانا ت بصل مدري جحاش خلنا نتطمن علية ..!؟؟
وقول لاختك (صبحة) لا تنسى اليوم دور الجلي عليها مش تنسالي الجليات وتقعد على المسلسلات
التركية الفاضية في عنا عزومة قريبة ..!!
واضرب على (بريزة ) اختك مس كول خليها تجيب( البكم ) بلاش يقولوا الناس عنا متخلفين
وما بنخلي الحريم تسوق سيارات.... لا هيّنا بنخليها تسوق بكمات وتركتور بعد ...!
وقولها ما تنسى شوال السكر وشوال الرز لزوم الطلة ...!
وقول( لسلاّل) ابن عمك يحرس( الشق) بغيابي انا ما بطول كلهن يومين واعود ...!
وما ينسى يجيب الربابة لما يعاود ...!!
وسلامات للجميع
27-01-2010 07:48 PM
عناد
الى بنت عادية 13
يا عزيزتي (المعرفة المبكرة تطرد الطفولة بعيدا )....اليس هذا صحيحا ؟؟
وهذا ما يجعلنا دائما نتمنى ان نعود اطفالا لا نفقه من الحياة شيئا ....
الحياة بمجملها صعبة ...على الجنسين وكل له مشاكلة وكل له احلامه ومخاوفه ...وخصوصا
بعد رفع اسعار المحروقات( وكأنه جماعتنا بدهم ايانا ندور نشحد )....مش مهم ...!!
ولاكن هذا ما يسمونه (ملح الحياة ) ولولاه لاصبح طعم الحياة غير سائغ
لا بد ان نرسم الامل وان نشق له الطريق ...ولا بد ان نبحث عن السعادة حتى ولو في احلامنا..!
فلاشيئ يجعلنا كبارا بهذا الحجم... الا احزاننا الكبيرة ...!!
قرأت تعليقك ...كرسالة مسافر قرأت على عجل على طرف الميناء ...!!
ولمست هذا التشاؤم فيكي ..واحببت ان اقول لك اجعلي نظراتك دائما موجهه للسماء
ويال السماء كم تحتوي من نجوم ...!!
يالله قوم يا (شلاش ) تأخرنا عالزلمة ...!!
يا عزيزتي (المعرفة المبكرة تطرد الطفولة بعيدا )....اليس هذا صحيحا ؟؟
وهذا ما يجعلنا دائما نتمنى ان نعود اطفالا لا نفقه من الحياة شيئا ....
الحياة بمجملها صعبة ...على الجنسين وكل له مشاكلة وكل له احلامه ومخاوفه ...وخصوصا
بعد رفع اسعار المحروقات( وكأنه جماعتنا بدهم ايانا ندور نشحد )....مش مهم ...!!
ولاكن هذا ما يسمونه (ملح الحياة ) ولولاه لاصبح طعم الحياة غير سائغ
لا بد ان نرسم الامل وان نشق له الطريق ...ولا بد ان نبحث عن السعادة حتى ولو في احلامنا..!
فلاشيئ يجعلنا كبارا بهذا الحجم... الا احزاننا الكبيرة ...!!
قرأت تعليقك ...كرسالة مسافر قرأت على عجل على طرف الميناء ...!!
ولمست هذا التشاؤم فيكي ..واحببت ان اقول لك اجعلي نظراتك دائما موجهه للسماء
ويال السماء كم تحتوي من نجوم ...!!
يالله قوم يا (شلاش ) تأخرنا عالزلمة ...!!
27-01-2010 08:29 PM
متابع بصمت الى توتو
نعتذر
27-01-2010 10:13 PM
إلى متابع بصمت وتوتو
كبروا عقلكوا شوي ... بدكوا تتهاوشوا مو قدام الناس عيب ... لما تروحوا عالبيت أعملوا لبعض اللازم... تشدوا شعر بعض ... تمعطوا بعض ... الله لا يرد حدا... بس كل هالحكي مو قدامنا...
صرت مشتهية تيجوا عنا وما تتخانقوا...
الله يهديكوا
صرت مشتهية تيجوا عنا وما تتخانقوا...
الله يهديكوا
28-01-2010 08:07 PM
ام ريم
اصلا المشاكل عمرها ما تيجي الي عند تدخل الاهل وما بخرب بيت الي من وراء اهل الزوج قولي حسبي الله ونعم الوكيل فيهم بس وعليكي بالدعاء
28-01-2010 08:26 PM
لين
ان اعتقد انها صاحبة القصة بتتصيد عرسان
28-01-2010 08:29 PM
جبرني الوقت
نفسي ارجم بنت زغيرة ع سطح الجيران وينساني الزمان ع سطح الجيران كلي ثقة بانها اصبحت امنية كل شخص بايامنا هذه
28-01-2010 08:45 PM
ناصح امين
اسمعيني وارجعي لزوجك وحسني علاقتك مع اختوا ومرت ابوه ولو على حساب كامتك
طاوعيني وارجعي لزوجك ولن تندمي
طاوعيني وارجعي لزوجك ولن تندمي
28-01-2010 09:51 PM
الى عناد
انا وحده عايشه ظلم من الزوج وكل ما لجات لاخواني زادوني ظلم وردوني بحسره ف عراي الاخت عاديه متى الرجال الصح بدها تنصفنا من اشباه الرجال الي محسوبيين علينا فقط ك meal
29-01-2010 12:05 AM
الله يسامحى
انا بحكي الله يعيدك لزوجك ويبعد عنكم الناس السيئين يا الله
29-01-2010 08:27 PM
السرحاني
عن جد كلام المهندسه دانا كفى ووفى واكثر من هيك ما ضل مجال للحكي.
احترامي العميق للمهندسه دانا
احترامي العميق للمهندسه دانا
30-01-2010 10:10 PM
الى المهندسه دانا
صباح الورد والعنبر وريح العود والريحان
صباح احلا من الدنيا ليا طابت لياليها
صباح الطله الحلوه وغره تشغل الحيران
تداعب خدك الناعم وتغري ناظري فيها
صباح الورد والياسمين.............السرحاني
صباح احلا من الدنيا ليا طابت لياليها
صباح الطله الحلوه وغره تشغل الحيران
تداعب خدك الناعم وتغري ناظري فيها
صباح الورد والياسمين.............السرحاني
30-01-2010 10:26 PM
Nedal
والله يا اختي كما تدين تدان .. واخته الها يوم ..
حسبى الله ونعم الوكيل
حسبى الله ونعم الوكيل
01-02-2010 12:14 PM
مغتربة
الله لا يوفقها اخته الله يوخذ حقك منها ومن كل مين كان السبب في طلاقك..وانتي وبناتك الكو الله وحسبي الله عكل وحدة بتنكد علة كنتها أو مرت اخوها الله لا يسامحهم
10-03-2010 09:12 PM
m
انا اخت زوجي سرقتني هي وزوجها من شقتي حاجات كثير ملابسى اللي جايبها من الامارات وسرقوا كميرا في الفرح دجيتال بتاعة عمتي وكانت تدخل تسرقني واعمل نفسي مش واخده بالي كان مفيش حاجه اتسرقت عشان خاطر زوجي فزوجي كان بيهجمني ويشتمني ويضربني عشان خاطر اخته كانت بتنزل للجيران تنقلهم اسراري واسرار اهلي وبتبهدلني هي والجيران علي السلالم وشتمت اهلي ضربتني قلولي انا اعمل ايه
15-07-2010 03:55 PM
زيطوناطا
ففكك منه هاد واحد ...
11-11-2011 02:20 AM
أكتب تعليقا
الرد على تعليق |
تنويه :
تتم مراجعة كافة التعليقات ،وتنشر في حال الموافقة عليها فقط.
ويحتفظ موقع وكالة جراسا الاخبارية بحق حذف أي تعليق في أي وقت ،ولأي سبب كان،ولن ينشر أي تعليق يتضمن اساءة أوخروجا عن الموضوع المطروح ،او ان يتضمن اسماء اية شخصيات او يتناول اثارة للنعرات الطائفية والمذهبية او العنصرية آملين التقيد بمستوى راقي بالتعليقات حيث انها تعبر عن مدى تقدم وثقافة زوار موقع وكالة جراسا الاخبارية علما ان التعليقات تعبر عن أصحابها فقط ولا تعبر عن رأي الموقع والقائمين عليه. - يمكنك تسجيل اسمك المستعار الخاص بك لإستخدامه في تعليقاتك داخل الموقع |
|
| الاسم : | |
| البريد الالكتروني : | |
| التعليق : | |
ليش تخلي اي ناس يتدخل بحياتك , وكيف تضربك اخته على اي اساس هي ما الها عندك اي اشي
وبعدين جوزك مابقدر يميز بين الصح والغلط ؟! يعني غريبة مش فاهم اخته ؟
مش عارفه شو بدي احيكلك بس الظاهر انه شخصيتك ضعيفه من خلال حكيك كيف تسمحي لاخته ومرت ابوه ومرة اخوه يفكروا بس تفكير بالضرب ليش احنا وين عايشين
ولي عوده