مو يا حبيبي بالاول قبل ما تفكر بالزواج وبالحب انك تفكر تخلص دراستك وتدخل الجامعه وتصير زلمه وتشتغل وبعدين تفكر تتزوج منها او من غيرها بكير عليك حبيبي انت لسه مراهق وولد صغير اذا بتحكي معها على النت احكي معها عن الدراسه وشجعوا بعض ولازم تعتبرها زي اختك الرجل بخاف على بنات عيلته من الهوا الطاير حتى لو بتفكر حالك بتحبها لازم تخاف عليها زي اختك شو بكون رأيك لو اختك بتعمل زي ما بتعمل شو بكون رد فعلك هاد اسمه اعجاب حبيبي مو حب ولسه حتتغير مشاعرك وتتبلور لقدام واذا بقيت تحبها بعد ما تكون نفسك لا تخاف بتاخدها والله بكير مو:)

هالمره عنجد رد علي هلق انت لسا صغير صح انا قدك بس عنجد رد علي بكره رح تكبر و لا رح تفكر فيها و لا بالزواج و رح تتعرف على غيرها وعلى فكره يا لولو هاي الشغلة بتصير مع كل واحد و وحدة بها العمر

اشتري فريزر وعبيه ثلج وحطها فيه 4 او 5 وبعدين طلعها وذوبها وهيك بعد 5 سنين بتكون انت اكبر منها بما فيه الكفاية

صادق يا صاحب المشكلة
بس انا مشكلتي العن
انا بحب بنت الجيران بس ما بشوفها كتير
ولما اشوفها بخاف اقولها اني بحبك
حب من طرف واحد
لا مو حب
عشق من طرف واحد



آآآخ لو بقدر اصارحها لاني كل يوم قلبي بنحرق بزيادة

جيل اخر زمن


و الله جيل بع بع

يا ماما لساتك صغير مش هلاء تفكرنى ختياره هههههه بس يعنى مشاعرك هاى مو الحقيقيه بكره بتكبر و بتصير شب و بتروح الجامعه و بتشوف بنات اشكال و اللون و بعديها بتشتغل و بتشوف فارسة احلامك و بتصير تتزكر ايام الطفوله و بتضحك على حالك بس هلاء عيش حبك بس على قدك اووك

عجبي !!! يا إنسان أيا إنسان ما أجهلك :
إنسان أيا إنسان ما أجهلك
ما أتفهك في الكون و ما أضألك
شمس وقمر و سدوم و ملايين نجوم
و فاكرها يا موهوم مخلوقه لك
عجبي !!

شوف حبيبي انت بمرحله كتير صعبه يعني انتقلت من مرحله الطفوله الى المراهقه وهاد اصعب سن وها السن الانسان بقدر يكون شخصيته وصعب تتغير بعد ما تتكون لذلك كون قوي الشخصيه وما بحكيلك الحب غلط او حرام لا حب بس بالاول بدك تخطط وتفكر شو نهايه الحب لحتى ما تظلم اللي بتحبها وتتعلقوا ببض اكثر من هيك ابني شخصيتك على الرجوله وكون قليل المزاح والتزم مجالس الرجال وما يكون الحب نقطه ضعف الك وصدقني يا حبيبي اذا الك نصيب فيها رح تتزوجها لو العالم كله وقف قدامك (تحياتي إلى عصبي&&&& سوزان &&&& لولو الشقيه)

شوق يا صابي الحب الاول(حب المراهقة) بيتعب هسة بعدين رح يصير ذكرى حلوة واللي لازم تعملو انك تركز بدراستك وتترك هالحكي اللي مش وقتو....
لانو البنت بييجي غيرها بس دراستك رح تندم عليها طول حياتك الا اذا بابا عندو شركة ومفش غيرك عندو..فوقتها حب عراحتك

حبيبي الزغير...

أول شي بحقلك تحب ما حدا مانعك ...

بس الحب طاقة ايجابية لازم تدفعك للأفضل و ازا انت جادّ بحبك لازم تركز بدراستك ...

علشان تنجح وساعتها ما في مجال يرفضو زواجك منها ...

أهم شي دراستك.. .... فارق العمر بسيط ما بيعمل مشكلة ... وأهم شي مشاعرها تكون متل مشاعرك....

أنا من رأيي إنه حب مراهقة استنى شوي بعد كم سنة رح تبطل تحبها و أهم شي تركز على دراستك

يا رجل وحد الله ساعة هالمسا

برأي كل واحد بحب و ما في داعي تتمسخروا على مشاعر واحد بس لأنو صغير و يمكن تكون مشاعره أصدق من مشاعركوا ...... و اللي بحب يحكي كلمة خير و يوجهه يحكي

انا برئي ما في حد صغير على الحب هادي مشاعر ممكن يحس فيها الانسان في اي عمر بس انت لازم تعرف انه انت راح تعلق حالك بوهم انا حاسه معك بس لازم ترف انه العلاقه منتهيه من اولها لانه انت ما بتشوفها يوميا او حتى كل شهر مره وكمان انت ما بتحكي حتى معها على المبايل يعني حبك الها اقرب لحب الشات الي كل الدنيا بتعرف انه وهم بوهم انا ما بحكي انك بتحبها او لاء يمكن انت بتحبها اكتر من كل الدنيا وبتحس فيها بس انت هلاء بتقدد انك تتحكم بمشاعرك وتسيطر عليها انا بنصحك انك تنسحب او تبعد او تختار انكم تكونو اصدقاء والبنسبه للزواج يمكن تكون بعد 10 او 15 سنه من نصبيك انت انت خليها للقدر هلا حط حد للعلاقه احسن الك والها

هاد حب مراهقين عشان انت صغير .. يعني بالنهاية حب فاضي ,, شو هدفك من الزواج ’’ انت صغير ما بتقدر تفتح غرفة مش بيت ..
انا اعتقد انو انت عندك مشكله بالعائلة ،، مش رابط اسري قوي.. يعني شكلو ابوك بجال وامك بتشتغل بجال وتاركين الحبل على النت تحبوا بعضكم .
اركز وحط عقلك براسك .