شو المواضيع اللي بيحكي فيها من الستات وبتكوني معه او لحاله اذا ضل هيك مشكلة بعدين
احكي معه واشعري انك زعلانة وبتفكر تفسخي الخطوبة تهديد يعني
ملاحظة على الهامش مين ما بحب النسوان يقطع شرهن حلوات وقويات بس ما بنقدر نعيش بلاهم هم الحياة الحلوة والدلال

ليش مين هو الزلمه اللي ما بحبش يقعد ويحكي مع الستات لولا العيب الزلام ما بحكوش غير مع ستات عادي بس الخوف انه يكون اله على لون النسوان ساعتها كارثه جيزتك منه او الاعطل انه تكون ميوله مش طبيعيه بتكمل هيك .

الانفصال من اولها اريحك لالن هذا مرض مستعصي

حبيبتي...

انتو خاطبين وازا بيقعد فبكون ضمن جلسات اجتماعية .. يعني شي طبيعي بدو يجامل لأ

وممكن يكون مستمتع ما فيها مشكلة برأيي انتو مش مقضيين كل يومكم مع النسوان ...

بس حسب حكيك الشي زاد عن حدو ..لأ فاتحي بالموضوع وشوفي وجهة نظرو

ممكن يحكيلك انوجالس على مضض....

التسرع بأمور الحياة من زواج وخطبة كتييييير سيء ...

الموضوع مش العبو لعبنا .. بطلو بطلنا ...

فتحي ما بحب اللت والعجن وبحب يكون كلامه على قد السؤال ما بحب الرغي صحيح طأأني بس خلاني اقدره اكتر ما يتصور فتحي رجل قد حاله وكلامه احلى من العسل بشويه مشان هيك فتحي عمله نادره ودهب حر وفتحيه بتعرف كيف تحكم على الرجال .

قيل فى اللسان



الصمت زينة والسكوت سلامة


فإذا نطقت فلا تكن مكثارا
فإذا ندمت على سكوتك مرة
فلتندمن على الكلام مرارا
***
واذا هممت بالنطق فى الباطل


فاجعل مكانهُ تسبيحاً
فاغتنام السكوت أفضل من
خوض وإن كنت فى الحديث فصيحاً
***
قال الإمام الشافعى:


إذا رمت أن تحيا سليماً من الردى
ودينك موفور وعِرضك صين
لسانك لا تذكر به عورة امرئ
فكلك عورات وللناس ألسن
وعيناك إن أبدت أليك معايباً
فدعها وقل يا عين للناس أعين
وعاشر بمعروف وسامح من اعتدى
ودافع ولكن بالتى هى أحسن
وقال ايضاً:


احفظ لسانك ايها الانسان
لا يلدغنك إنه ثعبان
كم فى المقابر من قتيل لسانه
كانت تهاب لقاءه الأقران
***
عن على ابن ابى طالب:


يموت الفتى من عثرة من لسانه
وليس يموت المرء من عثرة الرجل
فعثرته من فيه ترمى برأسه
وعثرته بالرجل تبرأ على مهل
***

مع التنويه ... في حدا حطا قبلي بجراسا اخدتا منه , ما متزكر مين .. على كل شكرا اله ..

ياشيخه مين اللي مايحب قعدة النسوان
أي صدقيني
ما في مثل قعدة النسوان
أنا عنده قعدة النسوان أفضل من قعدة الزلم الثقاله وشيوخ المشايخ
وعلى قول فارس كرم
اللي مايحب النسوان الله الله الله يبعثله عله

مو فاهمة بالضبط شو لتقصدي ، يا ريت توضحي بالامثلة ، فقبل ما اشارك بالنصح بحب افهم الصورة بوضوح .

هههههههه خخخخخخخخخخخ


شو شكله رابي روى جاجه او تربايه مأراه

الى العزيزة صاحبة التعليق :

اولا كما قالت safi فالمشكلة غير واضحة .
تانيا : اشكر الاخ يزن على الشعر الجميل الذي قدمه
تالتا : لا داعي لافتعال المشاكل من الان واعتقد انه بكير واستمتعي بفترة الخطبه .

نصائح للمتزوجين والمقبلين على الزواج من شخص غير متوزج .
والله ولي الوفيق

بالله عليكي مش لاقيه فيه الا عيب واحد وهو بحبك ومجنون فيكي على فكره الحق عليه مش عليكي

عمو ما في كامل الا وجه الله يا اما بتحكي معو و بتحكيلو عن عيبو الوحيد الا برأي لا عيب ولا اشي لانو لازم يجامل العالم

يا اما بتنزلي على صين على حساب بابا او ماما و بتفصليلك عريس على كيفك

اما مياعه والله

ازا بس حاب يجاملك مع خواتك وامك واهلك يعني فهاد شي عادي
اما ازا مع كل النسوان !!!!!!!
اللــــــــــــــــــــــه يعينك عليه

انا بحكي الانفصال من اولها احسنلك

بسيطا يا شيخا، هيك أحسن مهوي هيك زي أختك بتقدري يكون قصدي بتكون معك مساند لطق الحنك،
و انتي شوفهمك، هذا شاب طموح بتعلم من قعداتو كيف يكون رجال عصامي عشان تتفاخري بجوزك!
واحد عل باب قال ياختي جوزك هون؟
انتي: لحظة بالله اناديه من عند الجارة!


وجع بهيك زلم

إلى صاحبه المشكله,,,,
في البدايه ماطبيعه النساء الذي يجلس معهن هل هم من الاقارب او من المحرمات او من الاصدقاء فإذا كان من الاقارب فلا حرج في ذلك اما إذا كان من المحرمات عليه فأرشديه وتحدثي إليه متسائله عن مدى رغبته بالجلوس وبالنسبه للاصدقاء من الفتيات فلا يحق له ويجب عليك ان تبدي استيائك له من أفعاله وسلامي الحار المحمل بالورود للجميع وأخص بالذكر (عصبي...لولو الشقيه,,,,سوزان)

اول شيء بدك تعرفي شو طبيعة النسوان اللي بحب يقعد معهن
**تاني شي بدك تكوني حركة شوي وتكوني رقم 1 بحياته
**ثالثا كل الرجال بحبوا النسوان بس فيه فرق بسيط اللي عند دين وعارف انه هالشي حرام صدقيني مابقعد ولا مع النسوان
**رابعا اشغليه بكثير برامج والاخص برامج الدين واذا مش برنامج اعطيه كتيب عن النظر الى المحرمات ؟
تحياتي

انا اذا بحكي مع وحده غير امي بتلبك وما بعرف احكي شو هاد

هاد مش رجال معا انقسام في الشخصية

احسن من انو يكون خجول وبستحي وما الو شخصية وبعدين هادا خطيبك مش لهدرجة انك تتشكوني منو ابو ولادك بكره هاد

وينكم يا عصبي وسوزان ولولو الشقيه يلا ادخلوا تعليقاتكم وخلوا الموقع ينور والله انكم حبايبي

يا بنت مدينتي يعني هلا الي بيقعدو مع النسوان شو رايحين يعملو نازلة حرام وما حرام هو اصلا قعدة النسوان بتعطي رفرش للجلسة الله لا يحرمنا منهم
هو في بعد النسوان
وخصوصا ازا كان متزوج مثلي انا متزوج والحمد لله بس ما بستغني عن النسوان بس مش هاذا بيعني اني ارتكب حراب
لا تكوني معقدة بنت بلدي

الى صاحبة المشكلة.... اي اذا هو قعد مع النسوان صار مشكلة واذا انت قعدت مع الرجال ما في مشكلة ويقول المثل في نسا وفي فسا فارجو ان تكوني انت من النوع الاول وهو النسا... والباقي عندك.

مش قصة معقدة ولا اشي اوكي معك قعدة النسوان حلوه والاحلى اللي فيها النم يعني هاد اشي معروف شفتي فلانه شو عملت مع فلان وهاد المقصود
والله يهنيك شو لسا مرتك موافقه انك تقعد مع النسوان والله نيالك

جد انتي غير مميزه بتفكيرك يعني ما تتحكم العواطف بتفكيرك متل اغلب النساء يتهنى صاحب النصيب

لا بالعكس انا كتير مميزة بتفكيري ؟!
العواطف اذا تدخلت بأي اشي بالحياة تجعله يسير عكس ماكان مخطط اله
وشكرا الك

ابا سلمى عشت صديقا واخا لي
وشكرا سيدي لمشاعرك النبيله تجاهي

الرجال كما اعرفهم
يجلسون مجالس الرجال
يعشقون الرجوله ومضمانيها
يعشقون النساء ليس كل النساء
يعشقون المرأه التي تخصهم
المرأه الام والاخت والزوجه والعمه والخاله
يعشقون اوامر الله تراهم لا يعتدون على حرمات الله
يتحدثون مع النساء في اعمالهم واشغالهم لكن الله بين عيونهم
لا ينظرون بشهوه للنساء الاخريات فهن الاخوات بالنسبه لهم
مجالسة نساء العائله فيها من الرحمه والتواصل والموده الكثير
فيها تمتين لاواصر المحبه والقربى
فيهاصلة للرحم .
اما سيدتي صاحبة المشكله اذا كان الرجل يحب ان يتابع اخبار النساء
ويتتبع عوراتهن
ويسعد باحاديثهن دونا عن الرجال
فهناك مشكله كبيره
فهو رجل في العقد الرابع من عمره
اكتملت شخصيته وبنيانه الاخلاقي
ومن شب على شيء شاب عليه
عليك انت ان تقرري اهذا هو الرجل الذي يلبي طموحاتك والرجل الذي ستقضين
بقية العمر معه وان يكون ابا لاولادك وهو من تقع علية مسؤولية حمايتك
استخيري الله وزني الامور بميزان العقل ثم قرري ما ذا انتي فاعله .
°°•.♥.•°°سوزان°°•.♥.•°°

اه هون الشطارة انو الواحد يخلي الموظوع عادي ويقنع مرتو انو ما بعمل شي غلط
ولي ما توافق قعدة النسوان بتجنن وبتغير من الروتين بين الازواج والا كلامي خطاء
انتي ما بعرف ازا متزوجة والا لا بس انتي كيف بتحبي يكون زوجك معقد والا فري
طبعا فري بحدود
والشي المكشوف بين الرجال ومرتو احسن من المخبا والخافي اعظم صح والا لا
ما في بعد الوضوح والصراحة
wmj1570 ياهو

عادي عادي وجدا كمان

حسيتك بتحكي عني هههههههه .... الله يعينك يا مرتي

يا شيخ هوينا قال حاطط ايملك العزابيه ويا دوب ماشي سوقهم ليمشي سوقك انت وقال فري قال مش لابقلك تكون فري اشتريلك ربطة كزبره وبقدونس وكيلو فجل ورح كلهم لانه كلامك متل الضراط على البلاط متجوز ونازل يتعرف على البنات ولك مادبا بريئه من اشكالك المخمجه .

اوكي شطارة انك تقنع مرتك بهاد الشي وانها توافق على افكارك بس انت بالمقابل مابتعارض انه مرتك تقعد بقعدة رجال ؟ كل جنس بحب الجنس التاني! هاد اشي طبيعي بس اللي بتحبة كمان لازم ترضاه على حالك وعلى غيرك
لا انا مش متجوزة اكيد بحب بشريك حياتي انه يكون وسطي بكل اشي

عادي شو يعني ازا بحب قعدة النسوان بس انتي ازا خايفة عليه لهالدرجة كل اللي عليكي تعملي انك تعرفي هو مع مين قاعد وعلى فكرة خديها نصيحة ازا بتشدي عليه هو رح يعمل العكس ف انت بالعكس ورجي انو مو فارقة عندك بس مو يعني مو فارقة كتير يعني مش فارقه بس بحدود

الموقع كتير بيجنن وبشكر القائمين علية

طال انتظاري يا اجمل طقوسي ويا اجمل الاميرات يا فرحي سوزان وهل يتكلم من في فيه ماء ؟ بالتوفيق يا اميرتي

هون صعب الحكي شكلو في واحد او وحدة ما بعرف توتو نونو من اسمو مبين مايص
ودلع وما بيفهم
يا ريت نتواصل بش مكان تاني ازا ما عندك مانع

وحيد
ربما يكون خطيبك وحيداً بين أخواته البنات فنشأ في مجتمع نسائي إذا كان ذلك كذلك فالحل إعادة تدوير للعقلية النسائية المتركزة في الفص الأيمن من المخ؟؟؟
أما إن كان الرجل "إن لم أخطأ بالوصف" يعشق الجلوس في مجالسهن لمجرد حب أو إستهواء للثرثرة النسائية فلا بد من علاج قبل الزواج لماذا؟
لسببين
الأول : أنه سيصبح ميال لهذه الجلسات وبالتالي الميول الحتمي لعكس الغريزة الذكورية التي تسكن بداخله وهذا ما يجلب له سلوك نسائي بحت فكما يقال "قلي من تصاحب أقول لك من أنت".
الثاني: بهذه الجلسات والإستماع وحسبما أرودتي بالإحساس الذي يراودك بالجلوس معه أنك تجلسين مع فتاة وليس رجل فهذا نتاج السبب الأول أما السبب الثاني فإنك بذلك وبعد الزواج ستشعرين بالمضاد للغريزة وأعني تحتاج الفتاة لشعور الحياة مع رجل يملأ المكان بالرجولة والآمان والرومانسية أما خطيبك هذا فستشعرين أنكما تحملان نفس المشاعر... وهنا لا بد من البحث عن طرف ثالث لمشاركة هذه المشاعر.
ختاماً
ما هو نوع النساء التي يجلس معهن ليكون بيقعد مع حماتك وأختو وتيجي تحكيلي بحب الجلوس مع النساء . بزعل منك كتيير السلام؟؟
فأنا وإن كنت لا أفضل الجلوس معهن ولكني إذا ما جلست مع أرحامي فإني مفرط في الجلوس. هكذا أوصاني المتعالي في علاه.

بس بحب اوضح شغله انه انتي يا بنت مادبا حكيتي كلمه منيحه لابن مادبا انه الي بترضاه على نفسك بدك ترضاه على الغير
يعني زي ما مرتك بترضى انك تقعد مع نسوان انت كمان لازم توافق انها تقعد مع زلام

بس يا بنت مادبا انتي بالحكي هاد وضحتي انه الزوج بيمشي بطريق مش مزبوط
هلا انتي لو انك متزوجه وكان جوزك جالس مع عماته وخالاته وبناتهم وانتي موافقه بالمقابل جوزك مش راح يعترض على قعدتك مع عمامك وخوالك واولادهم بس طبعا كل شي بأصول

لانه انتي محلله للاولاد يعني لازم يكون كل شي بأدب واحترام ويا ريت تكوني فهمتي القصد ولو ابن مادبا بفهم منيح الحكي ما بياخد وبيعطي معك في الحكي

مع كل الاحترام والتقدير للكل وبالاخص الك يا ابن ماديا وانا ما حكيت الحكي هاد مشان اضحلك انك غبي وما عرفت تفهم الموضوع لا بالعكس انا وضحتلك اياه لانه الواحد منا بيكون متسرع شوي
؟؟؟؟ وتحياتي للجميع
وبعدين وين تولين المجالي والله شكلها اتجوزت اي حد بيعرف عنها اشي يحكيلها اني بسلم عليها ويبوسها من وهون ومن و هون

عفوا شو قصدك؟
فاهمتك بس انا ما بحب اتواصل مع حد ......
ومش داخله هون لاتعرف على حد لانه في مواقع كثير لهيك شغلات
بس اهتم مرتك يكون احسن

ما غيرك المايص واللي نازل يدور على نسوان روح هوينا واحكي معاها على الماسنجر واحد مخمج الموقع رائع بس بوجودك بتخرب سمعته واحد مخمج اقلب وجهك

انتي من كل عقلك بدك تعرضي مشكلتك على الانترنت..

شكرا للجميع وشكر خاص للجماعه اللي قلبوها تعارف ومسخره ونسيو المشكله بتشكر الاخت سوزان على تعليقها جدا والاخت مرمر وسو سو والاخ يزن وابو سلمى الحق علي اللي عرضت مشكلتي عليكم ما عرفت انه الصفحه للاولاد الزغار وشكرا لجراسا .

عصبييييييييييييييييييييييييييييييييييييييييييييييييييييي وينك ما تكون العاصفة سحبتك هههههههههههههههههههههههه

انا لو مكانك كان من اول يوم خطبه ما خليت هاد الشي يصير واتفاهمت معا بهاد الموضوع وشوفيلك حل احسن الك لانو معروف البنات بطبيعتهم الغييييييييييييييييييييييييييرة فكيف انت متحمله والله اني مستغربه انك تشوفي بيحكي مع بنات غيرك وشو كمان بحب قعده النسوان ولي ؟

مدامو عندو بنت بحبها وبموت عليها حسب الكلام لازم يشطب كل قعده النسوان من قائمتو ويضلو لخطيبتو الي لازم تكون بنضرو بتكفي عن كل قعده النسواااااااااااااان الله يعينك في بنات ما بيتحملو خطيبهم يطلع ع بنت تانيه وانت بيقعد مع غيرك نصيحه انك تتركي ادا انت من النوع الي بغارررررررررررررررر طبعا بعد التنبيه والنقاش والحوار ولا ع الجيزة راح كل يوم مشكله ما بعرف هاد راي لاني من النوع الي كتير بغار والله يوفقك

انا لو مكانك كان من اول يوم خطبه ما خليت هاد الشي يصير واتفاهمت معا بهاد الموضوع وشوفيلك حل احسن الك لانو معروف البنات بطبيعتهم الغييييييييييييييييييييييييييرة فكيف انت متحمله والله اني مستغربه انك تشوفي بيحكي مع بنات غيرك وشو كمان بحب قعده النسوان ولي ؟

مدامو عندو بنت بحبها وبموت عليها حسب الكلام لازم يشطب كل قعده النسوان من قائمتو ويضلو لخطيبتو الي لازم تكون بنضرو بتكفي عن كل قعده النسواااااااااااااان الله يعينك في بنات ما بيتحملو خطيبهم يطلع ع بنت تانيه وانت بيقعد مع غيرك نصيحه انك تتركي ادا انت من النوع الي بغارررررررررررررررر طبعا بعد التنبيه والنقاش والحوار ولا ع الجيزة راح كل يوم مشكله ما بعرف هاد راي لاني من النوع الي كتير بغار والله يوفقك لانو الشاب الي بيحب خطيبتو وبموت عليها ما بشوف بالدنيا غيرها وبحطها بيعيونو حتى لو بحب شو ما كان اكيد لازم تكوني بنضرو بتكفي عن كل النسوان

لعيونك والله بدخل نورتينا تعظيم سلام الك ولابو وديع حبيب قلبي

شو انتو شغاليين بأبن مادبا وووووووووو بنت مادبا شو انتو عقلكم صغير ولا شو على قول نجوى كرم ولا شو

لو كانت عائلية برأيي ما في مشكلة بس انك تحطي مع واحد يفهمك متل خطيبك هيك شي مو سهل تلاقيه كتير بهاي الايام
هونيها بتهون
وحاولي شوفي الشي المنيح في مش بس الامور اللي بتزعجك

من هو الرجل


الجذاب بعيون النساء ؟

هنا يكمن حل المشكلة أعلاه .

صاحبة المشكلة ... أن استطعت الأجابه لذاتك عن هذا السؤال .. ستجدين الحل ...

الجذاب هنا لا تعني جمال الوجه والجسد بالطبع ....

هذا حلييييييييييي
اسمعي زين يا بنت الي اقوله تحطيه حلق بذانك
ترى من دور قبل يقولون الطبع غلب التطبع
وهذا خطيبك ولد امه .هذا تربايه حريم وعمره ما يصير رجل
لان مجالس الرجال لرجال.والباقي عندك اذا توحي كلامي.

الى صاحبة المشكلة

اتطمني لأنو ازا خطيبك تاع حكي نسوان وقرقرة عمرو ما رح تعجب في وحدة لأن هاي الأمور تنقص من هيبة الرجال....
يعني ما تخافي عليه ما في وحدة رح تفكر تلطشو منك ......


تحياتي ل KING OF HUNTERS بالكابيتال يعني
بالكبير يا كبير....



جميع الحقوق ملطوشة >>>>>>

عندما تعود النساء نساء تضج انوثتهن ضجا يمكن ان يتم سؤالهن عن من هو الرجل الذي يعجبهن فمعظم الرجال ذكور لا يعرفون من معنى الرجوله الا الاسم فقط ويتذكرون انهم ينتمون الى جنس الرجال عندما يقرأون خانة الجنس (ذكر) في اثبات الشخصيه او شهادة الميلاد وكذلك النساء يعرفن انهن اناث بقراءة نفس الخانه .
تحية حب الى سوزان المعلقه الملتزمه .

احنا جماعة الريال زلم عن حق وحقيق بنعرف نحكي مع البنات اما انتو يا جماعة ,,,سلامتكو لا بتعرفو تحكو مع بنات ولا بتعرفو تجيبو ولاد

احببت ان اسلم على بنيي عصبي بعد عودتي من السفر عسى ان تكون بخير بنيي عصبي والى

بنيتي ناتاشا اعجبني ما تفضلت به اصلح الله الحال والبال وتحيه ابويه الى سوزان ايضا اعجبني

هدوئك وحرفيتك لكم التحيه ابنائي .

عادي حبيبتي فيه زلم كتير هيك اهم شي انتي لا تبيني غيرتك وطنشي والله يهديه

الى صاحبة المشكلة ، لا تزعلي من بعض التعليقات ، فكل شخص له رأيه الخاص في هذه الحياة . والشاطر بسمع كل شيء بس بفكر بعقلة وبنفذ اللي بلاقيه مناسب اله .

والبنسبة لخطيبك ، يمكن يكون فضولي ويمكن يكون مجامل ويمكن يكون نسونجي ويمكن ويمكن ويمكن كثير . بس انت بتحددي طبيعته من قعدتك معه ومن خلال قعدات صاحباتك .

تحياتي للجميع ولحازم والكنج وعناد وماهر وصافي وجميع المعلقين الدائمين .

معك حق ياسماح والله كلامج صح وين البندول

السلام عليكم جميعا
في مشاركتي الاولى كنت قد شاركت بما تيسر لي من النصائح ولكني هذه المرة اضم صوتي الى صوت الانسة الصيدلانية سماح بما تفضلت به من ارشادات
صيدلانية وصفت دواء بدون وصفة من طبيب معتمد ولكن يبدو انها اعتمدت على الخبرة
وفق الله الجميع

صح لسانك ولسه بانتظار جوابك ونفسي طويل وبستنى .

للحقيقة؟

بالامس افتقدتك ..والحمد لله على سلامتك .. أنا بخير ، ولا ينقصني سوى مراقبتك .. عن كثب لكنني أعاني .

من جيوبي الانفية في هذا الجو العاصف

ورغم معاناتي الا أن شكري لله سيبقى مستمرا ... ويا رب زيدنا من نعيمك ورحمتك

( وللست سماح .... مساءك سعيد ، كيف كانت اجازتك؟)

والله علمنا ناس كيف تصنف الكبير والصغير عن طريق كتابة الأسم


جريح واللي علمني المشي
ما علمني اطيح@

تحية مسائيه معطره لشيخ المعلقين ابا حمزه فقط حق سلام يا اخي العزيز اتابع بين الحين والحين ما تكتب دائما على قدر العشم بك صاحب مباديء عليا مدافعا دائما عن الحق شيخ المعلقين ما زلت وستبقى اقبل مني محبتي وتقديري اخي العزيز .

سؤال الى ادارة الموقع : بعد التحية
لماذا تضعون خانة البريد الالكتروني للتعليق وعند وضع البريد الالكتروني يتم حذفه من النشر
اولا : من حق المعلق ان يتبادل ردود الفعل على تعليقاته
تانيا : من غير الائق حذف البريد الالكتروني لاي شخص انت نطلبون وضعه لان في ذلك اساءة مباشرة له

اسعد الله اوقاتك ، وكل الشكر والاحترام

والله عيب لا تكتبي بنت مادبا كون كل الموجدين اخذو فكرة ...

وهذا قضية مو تعليلة..

مع تحياتي للجميع zeyad abu alghanam



U S A FL

التعارف حلو وانا ما قصدي شي انا متزوج وما بدي شي والحمد لله بس انا انزعجت من الي اسمها نونو والا توتو المايصة او المايص بيفكر انو الي بدي يتعرف على وحدة بدو منها شي
الدنيا اطورت والناس للناس واشكر المزعج
على كلامو وانا فاهمك صح

عفوا شو قصدك ؟
وتاني شي لما بدي اكتب مش محتاجه رأيك!
وخلي نصائحك لاهل الفيصلية...... يمكن يحتاجوها اكثر

هاذ الكلام الصح ردي ع يارا وطنشي

سيد جريح...

شكلها جروحك وبعيد المتركزة في راسك لسه ما تعالجت...

الله يشافيك بدعيلك من كل قلبي...

على فكرة صياد الصيادين بضل كبير بالعربي وبالفرنسي ...

للاسف حكي كثير من الشباب صحيح لكن والله الرجل الي بحب مرته اذا بتزعل اذا شرب مي انا لو مكانه ما بشرب و اذا قالتلي الشمس بتطلع من مغرب بحكيلها صحيح

فيه فرق بين الدلدول عديم الشخصية و الي بس بدور على رضى مرته يعني رأي الشباب انه عادي مين ما بحب يقعد مع النسوان حكي صحيح لكن والله اذا بحب مرته ما لازم يعمل هيك

و للاسف اذا هيك و انتم خاطبين يعني في قمة الحب و بدور على رضاكي فكيف بعد الزواج ؟؟


حرادات

ببساطة خطيبك نسونجي وهذه موجوده عند كثير من الرجال قوي الجانب الديني عنده وعلميه ان النظرة سهم من اسهم الشيطان وعلميه عفوا تعفوا نساؤكم

نصيحة من معلم في التربية والتعليم / عليك التخلص منه لأنه من فصيلة الهمل / لأن هامل الرجال هو جليس النساء

إذا كنت بنت أصل وفصل بنت رجال صالحين اتركيه فورا ولا تسمعين التعليقات الفارغة لأن خطيبك ليس من الرجال .. ومجلسه مجلس نساء لكي يسمع كلامهن الذي يتعلق بالزواج والحمل والدورة الشهرية والكلام الفاضي الذي لا يخص الرجال / في حين يسمح لأي رجل بمجالسة قريباته مثل أخواته وعماته أي المحرمات عليه ومتابعة أحوالهن وخدمتهن لأن ذلك واجب ديني أما غير ذلك فلا يجوز مجالسة النساء إلا لغرض ضروري هام في وقت معين مثل كتابة تقرير ما أو أخذ معلومات أو شيء اّخر ضروروي لا للجلوس للسوالف الفاضية التي لا لزوم لها

نعتذر

أنا شخصيا نسونجي وبقولا وبصوتي بعلي
واللي ما يحب النسوان الله يبعتله عله

الست اللي بتفكر حالها رح تملك الرجل وتقيده وتمنعه من النظر الى الاخريات بتكون هبله او بكون الرجل هامل اذا رد عليها ...شو هي عبوديه ؟؟ اغمض عيوني حتى ما اشوف غيرك ؟ مين حضرتك الله سبحانه وتعالى خلق احلى منك ملايين ..... الزوجه تقنع وتهدأ وتشوف بيتها ومشاكل اولادها وزوجها ولازم تترك الرجل يتحرك على كيفه ما دام مش مقصر في واجباته .. على فكرة ارجال اليوم اغلبهم جبناء وما بدي اوصفهم بوصف ثاني طبعاً وانا منهم اكيد ابتعرفوا ليش ؟؟ زمان الواحد كان يتزوج اربع مرات وما حدى بيقوله ثلث الثلاثة كم ... اليوم اذا اللواحد قعد قدام التلفزيون يشوف مطربه او مذيعه او يسمع اغنيه بتقوم قيامته وبيتهم انه خاين ملعون والدين ..... وبعدين؟!!!! قال شو بتغار عليه !!! يا سلام !!! طبعاً ناهيك عن تفتيش الخلويات والمحفظات والملابس حتى الكـ..........و الجرابات ! كل هذا قال بتغار عليه وبتحبه !! شي غاد والله شي بيقرف والله ما احنا عارفين انرد على التلفون ولا قادرين نشاهد التلفزيون واذا صدف وراجعنا دائرة او مؤسسه او بنك وصدف وكانت المدام معنا بتظل تراقب العيون والخشوم والثم وحتى ربطة العنق وبتركز على ردود الفعل وتعابير الوجه ويا ويل الزوج اذا حكى كلمه حلوة للموظفه او ابتسم في وجهها عندها بتقوم القيامه .. انا بقول هاي عقد نفسيه عند الزوجه وعدم ثقة بل على العكس هاي التصرفات بتزيد في فلتان الرجال وهروبهم الى الاخريات من منطلق كل ممنوع مرغوب... الثقه هي الاساس وما في احلى من الزوجه العاقله اللي بتهتم ببيتها واولادها واذا لاحظت اي انحراف من قبل الرجل المفروض تصارحه وتحكي معه وتناقشه بدون مشاكل وصوت عالي وبعدين الستات يحسنوا من حالهم شوي ويهتموا بالرجال والشغله ما بتكلف كثير شوية حومره وشوية مسكاره وسشوار وزجاجة عطر تركيب حجم صغير كل هاي الشغلات ما بتكلف دينارين هيك بتزبط حالها وبيشوفها جوزها في احسن مظهر وبيظل قدام خلقتها الى الابد يعني بيوكل حكم مؤبد غير قابل للاستئناف او التميز يا رايق يا لزيز والسلام امانه لكل الستات الحلوات

بكل صراحة كلامك جواهر وانا معك بشكل كبير وما يهمك بعض الشباب ( الفري ) لانه للاسف البعض بيظن انه مجالسة الرجل للنساء تقع ضمن ابواب الحرية الشخصية والتحضر والعقلانية والمساواة وحقوق الحيوان وغير ذلك ، وكأننا اصبحنا بلا دين ولا اخلاق ولا هوية تماما كابناء الغرب والمصيبة يا بنت مادبا انهم ليل نهار وجعوا راسنا بالغرب ولما تسألي الواحد منهم ترضى اختك تقعد مع رجل غريب حتى لو كانت ضمن بنات اخريات ؟ راح يرفض ، وكذلك عندما تسألي الواحد منهم : تتكلموا عن الغرب وتحضره فماذا عن الانحلال الخلقي والجرائم والانحلال هل ترضى ان يكون الشعب العربي ومن ضمنه الاردني كذلك ؟ يا بنت مادبا اذا كان التمسك بالمبادى تخلف فاسمحي لي ان اسبقك الى اعلان تخلفي ويا مرحبا بالتخلف طالما كان عنوان للرجولة والاخلاق الحميدة والشهامة والنخوة .
في النهاية : يا بنت مادبا قولي للرجال النساء " الكوكتيل " : يا جبل الاخلاق ما يهزك ريح الانحلال

يسلموا كثير تعليقك فعلا رائع ويظهر كم انت انسان فهمان
عكس الذين يعلقون ولايفهمون مابين الاسطر وماكان القصد بهاذي الكلمات القليلة
شكرا

شكرا جزيلا مترجم
انا صحيح اقول ما اعرف عن الادوية ولكن لا اصفها وارفق بكل كلام لي عن دواء ضرورة استشارة الطبيب
رحم الله امرء عرف قدر نفسه وانا والحمدلله اعرف حدودي
ولا استطيع كتم علم املكه ان سئلت عنه !!
اشكرك جزيل الشكر ..ارجو ان تكون كلماتي وصلت مكانها الصحيح

مع تحياتي
الصيدلانية سماح

بس بدي اذكركم باشي
كما تدين تدان والجزاء من جنس العمل ولا يظلم ربك احدا

مشكور على تعليقك .......فقط مالمقصود منه

انت حاولي غيري من شخصيته !
و اذا جد بحبك راح يسمع منك ويسوي اللي بريحك

انا بدي ابعث مشكلتي ومش عارف كيف دلوني ارجوكم حتى تساعدوني بحلها