صدقيني انا جربت الغربة عدة مرات في مجال عملي ، علما انني اسافر لوحدي مما يتيح الفرصة لي بان اخرج واعود وقت ما اشاء , بس للاسف انا مش اجتماعي . وبزهق حالي .

الغربة مليانة ناس من طينتك وطينة بلادك ، دوري عليهم في محيط منزلك وبين جيرانك ، وانت طالما اجتماعية جدا" معناته ما بدك تعليم .

تحياتي للجميع .

بمناسبة مواضيع الطب والعلاج يا بتعمليلوا عمل متل النسوان تبعون الحجابات يا بتعطيه حبة مهديء ويفضل تكون فاليوم او انك بتخلعيه بتكوني قبل الزواج دابحه حالك على الجيزه وبعد ما تجوزتي بطل عاجبك وبدك ياه يقعد بحضنك وينسى شغله ويفضالك ليش بتتجوزوا وبعدين بتبدوا تتبكبكوا اقعدي على النت واحكي مع اهلك على الماسنجر مش صعبه ويلا بدك ياها من بيت اشئع لبيت ارئع لبيت كمل الله فراحكم ما اسخفكم وما اصغر عقولكم

عزيزتي صاحبة المشكله لا يكون لك فكر ستأتي الان شلة حسب الله وستقوم بالواجب من اسداء النصح لك وايجاد المخارج لمشكلتك وسيقوم بكتابة جريده وعندها ستندمين انك طرحت مشكلتك هنا وستذهبين بسرعة البرق الى زوجك عندما يعود الى البيت وستقبلين يديه وتطلبين منه السماح لان الرجال الذين لا يحبون اللعي والكلام قلة والرجال الرجال ندره وهذا ما سيثبته لك الخروف القادم ومعه التيس ابا القرون عفوا ابا الحروف الحكي الك يا كنه واسمعي يا جاره سمعت انه الخرفان والمعز هوايتها الاكل من المزابل وخصوصا التيوس دايما متعمشقه على الحاويات او ماده راسها بكياس الزباله طمعا بالفتات .

تحياتي الى ابو وديع ....***(لا تنسى تجيب الشاحن تبع الكنج معك اليوم )*** هههههه

لن اعلق على المشكلة لنفاذ الوقت لدي الآن ربما في وقت آخر ..

ولكن هو سلام الى ابو وديع ليس الا ...زارع الامل ...والحب ...

فالحياة بدون امل كالريشة المعلقة بين السماء والارض لا احد يراها وتنقلها الريح حيث

ما تشاء.... والحياة بدون حب كالشجرة اللتي تعيش في طين نكد لا تستطيع اظهار امكانياتها

اقلقتني عليك اكثر عندما قلت انك ربما تجلس بجانبي على البسطة رغم ان كل البسطة على حسابك ؟؟

طمنا عنك ...كل الحب لك وعلى سيرة الحب (مرة واحد حب... طحنوه )هههه

صحيح قبل ما انسى اليوم في لعبة تركس الك مصلحة تكون رابع ....(تركس )

ولا تنسى الشاحن يا ابو وديع ...تحياتي

علاجك في انك تحبيه وتحبيه وتحبيه وصفه مجانا لوجه الله تعالى من اخوكي سايق الهجن هاي مهنتي الاصليه

عندك نت بالبيت ازا عندك نت بالبيت مافى مشكل بتتواصلى مع امة لاالة الا الله على النت وبتتعرفى على العالم فى ساعات فلااغك وبتكسرى اللملل الا عايشتة

الله يعينك ويعيني انا عندي نفس المشكله بس المشكله انه زواجي مش فاضي يوديني على حدا وانا ما بقدر اطلع لحالي لانه عندي ولدين الجنه بدون ناس ما بتنداس حاولي تتعرفي على زوجات صحاب زوجك واعملي علاقات مع الجيران بس ما حكتيلي انتي باي بلد بلكي بنتعرف على بعض اذا كنتي بنفس البلد الي انا فيه

جيبي ولد بتتسلي فيه وبملي وقت فراغك .

صعبه كتير الغربه انا عايشه في الصويفيه واهلي عايشين في ضاحية الحاج حسن مش عارفه اتأقلم وحاسه فيكي .

اذا مش عاجبك زوجك اخلعيه وارجعي لبلدك

على فكرة راي رقم 6 ابن الكرك مناسب جداً الك

اؤيد خلعه وانا من انصار المرأه وكيفن سيداو جايه في الطريق لعلطن

ضريبة الغربة

تتفاوت فناعات المرأة لتتوافق وحسب متطلباتها التي تصب في الغالب الى حب التملك المقرون بالأشباع العائلي على حساب راحة الرجل مهما كلفه الأمر.

وهنا لا تلام المرأة ان كان الأهمال متعمدا أصيلا في أخلاق الرجل ، أما ان كان لظروف متطلبات الحياة والتي بالضرورة أؤكد توافقها مع متطلبات الزوجة والأطفال فلا يلام .

تكمن المشكلة عندما يتقدم الشاب الذي يعمل محليا براتب يتفق والرواتب المعمول بها والتي ربما لا تلبي احتياجات الفتاة ... لتقول .. ما بدي اياه بدي واحد معه مصاري .

يأتي العامل بالخارج ... أوووووووووووووووووووووووووووه والله راتبه ممتاز .. لتتناسى ما يشكله من تقصير في النواحي الأخرى ( العائلية ) نظرا لطبيعة ساعات العمل الطويلة والأرهاق .
وتبدأ المشكلة ... مش طايقه ، زهقانه ، مليت ، وهي الأدرى سابقا بما كان ينتظرها .

وهنا أتحدث عن الضريبة في أول سطر ... رغم أن الزوج يجهد نفسه في الاعتدال الوظيفي والعائلي ... ( يعني تحمليه الله يعينه )

لا يوجد سوى القبول بالأمر الواقع والتكيف مع الوضع الذي سيكون يوما ما .. أمرا طبيعيا .وتمشي الأمور

سأبقى محليا ولن أغادر بلدي... خليها تزهق وجهي حتى لا أفقد مشاعري ومكنوناتي .لأجعل الحب أبديا لا يفرقه سوى موتي ..سأطعمها رحيق روحي واسقيها دموع شوقي والبسها دفئ صدري ( يعني وجبات سريعة ومطاعم وسهرات ما عندي ) .. يا دوب راتبي يكفي خبزة وجبنه

اللي بدها أهلا وسهلا ، واللي ما بدها ... تشوفلها واحد بره .

انا بدي وجاهزه وبيتوتيه يسعد دينك شو رومانسي وشو زلمه ازا بدك اعطيني اشاره ....حول

عندما نتزوج
تتوج احلامنا
بالرجل الذي ارتضيناه
لنا زوجا وسكنا
المرأه

من تحب
يجب ان يملأها
ان يسكنها
ان تستغني عن الناس لمجرد انه في حياتها

الغربه ليست في المكان
الغربه غربة الارواح
فالمكان
يمكن تحييده
لكن غربة القلوب وغربة النفوس
غربة نحن نصنعها
بايديينا
بأكفنا

الرجل يجب ان يزرع في فينا
ان يتخللنا
ان نكون له تلك الواحه
التي يأوي اليها
المنغصات
من صنعنا
الظروف فلنكيفها
لصالحنا
اذا كان الزوج رجلا صالحا
فسحقا لكل الظروف التي ستجعلني
امل منه
فما تزوجته حتى امله
نتزوج لنملأ الحياه
فرحا
حبا
اطفالا
نتزوج
لكي نذوب عشقا
في الرجل الذي
منحناه
الوجدان
والروح
والقلب
نتزوج لكي نمارس جنون الحب
نتبعثر
ونثمل
ونشعر باللذه
لذة ان تكون المرأه والرجل
حالة عاطفيه وروحيه وجسديه
كنوتة موسيقية
تعزف باصابع من امتزجت ارواحهم
واجسادهم فاصبحوا كيانا واحدا .

يعني انا مش عارفة ليه راسك محروق ؟؟؟؟؟؟؟؟؟؟؟؟؟؟؟؟؟؟؟؟؟؟؟؟


شكلك لسه مش متجوزة


الله يكبر عقلك

هههههههههههههههههههههههههههههههههه

مين المتخلف رقم 16 اللي بحكي معي تخلف عقلي عجيب اذا بتحبي بعطيكي كمشة ولاد من عندي تتسلي فيهم

الوحده لما بتتزوج كانت بالغربه او في البلد بيسير بيتها مملكتها وهمها الاول زوجها يمكن انتي هلأ زهقانه لانه زوجك بشتغل وبطلع وبتركك لحالك عادي ما فيها شي اعملي شغل البيت اطبخي طبخه شويه على التلفزيون ولا تنسي الصلاه يعني ما بتلحقي تقومي من النوم الا خالص النهار الايام هادي مو زي زمان ما فيها بركه اليوم ببدا ولا هو خالص تعلمي هوايه وبكره بجيكي ببينو زغنطوط بعبي حياتك خلي قلبك على زوجك وكوني اله الصدر الحنون ولا اضجي الحياه فيها الحلو وفيها المر والشاطره اللي بتكسب زوجها لجنبها وبتحسسه انه هو كل حياتها انا وبستنى الوظيفه اتعلمت الخياطه وبخيط على كيفك وملابسي شغل اديا وحياة عنيا لانه هالايام يا بتلبسي على الموضه يا بتقعدي بدون لبس يعني ما بدك وصاه العمل عباده والفراغ مفسده حتى الحكي مع الجيران والناس بجيب وجع الراس وجق حكي وبس ما الك الا بيتك احمدي الله دايما واشكريه اللي رزقك الله زوج حيموتوا البنات على الزواج ومو صاححلهم وكله نصيب الله يبيض بختك و الله يوفقك :)

ستأخذ المشكلة منحنى آخر ... ستثار بها غرائز المشاعر التي يفتقدها الكثير .. فرغم صلابة الحياة وشدتها .. لن تثنيني أن أكون ذاك العاشق ..

لأجعل من أجزائي تكريسا للسعادة ، سأدعو أن لا تسلم عيناي للنوم .. لأهنأ برؤيتك دوما أمامي

،سأجعل من حدقاتي مجهرا يرصد كل معان الرقة والعفة لديك ، ويشتم أنفي عطرك المعهود و تداعب شفتاي كل كلام الحب ، كل عبارات العشق ، كل أحاسيس الود .. سأجعل ذراعي جسرا يساندك ... في هفواتك .. ساتخطى كل زلاتك ... فقط .. لأنني أحبك .

سأجعل من مسامات جسدي مداخل شوق تعشق نسماتك حين تمرين بقربي .. وحين تبتعدين ...

وسأوفي بيميني الذي حلفته وقت الجاهة .. أن أكون ذاك المحب المجنون ...

ولن تكون أيماني مجرد وعود .. يدونها المأذون

وسأكون مع عهدي .. مع ربي ... أن أكون الزوج والأب الحنون

لن انزل الى مستوى الالفاظ التي تستخدمينها .........................


........فمستواي العلمي والاجتماعي ارقى من ان ارد على مناقشة اشبه بمناقشة في سوق خضار ....................


ههههههههههههههههههههههههههههههههههههههههههههه

يسلم تمك يا عسل كلك زووووووووووووووووووووووووووووووووء

وانا بأيد كلامك لصاحبة المشكله

والله يهدي بالك يارب

تحياتي

اقسم انه سيحبها
اقسم بالمعبود الذي سيجمعهما
انه سيكون لها حبيبا وعشيقا

سيصونها
سيودها
سيحبها
سينثرها ورودا
سيرتويها نبيذا وخمرا
صهيل كلماته
جعلها تشعر بالنشوه
بالفرحه بالرغبه
بأن
تكون جزءا من انفاسه من كلماته
من دقات قلبه
وجنانه
فوضعت يدها
على صدره
وقالت له
اقسمت عليك يا فؤاده
ترأف به
فهو ان كان قلبه
فانا نبضاته
ساحبك يا
رجلا
استباح
دمي
وروحي
وسكناتي
حتى
اصبحت منه
واصبح مني
وذبنا
كشمعة
صهرها
الشوق
فما عدنا نعلم
من قبل
كيف كنا

الى 21 تسلم هاد من زوقك شكرا كتير :)

الى سوزان والله اني بحب اتابعك انتي مليانه بتشرف انك وحده من المعلقات اللي على ثقافه والله عنيفه شو بدي ازيد تسلمي على تعليقاتك بتخلي الواحد يحب انه يحب :)

صاحبة المشكلة سأقول لك بضع كلمات قليلات ولكنهن معبرات...
الزواج
لايعني الانفصال عن العالم والارتباط بشخص واحد فقط
وانما يعني
ادخال شخص واحد فقط الى عالمك الذي ارتبطتي به منذ الازل !!
تفاهمي معه في حدود المعقول واخبريه عن وحدتك وانك بحاجه لحضنة الدافئ قربك

مع تحياتي
الصيدلانية سماح

انت توأمي احبك كما احب نفسي كم تمنيت ان اتمتع بهدوئك انا المشاكسه دائما وانتي الهادئه دائما نحن النقيضين لكننا نكمل بعضا احب انك توأمي .

عندي حل رائع روحي معاه على الشغل او اشتغلي

لولو وبس اسمعي من لولو الشقيه يا صاحبة المشكله على راسي انتي وتعليقاتك يا لولتنا

سوزان أو نزار قبَاني , كلامك ألمنثور كلامك بحر من ألبحور ليت ألزَمان يعود وحبِي ألقديم يسود لقد كان حباً خجولاً حباًً بتولاً ياويلتاه هل يُخطف ألحب لقد خُطِف ولكن لم يندثر لأنَ عيون ألحبِ لمن يُحِبُ تســـتتِر دموع تنهمر وأشلاء هوىً تستعِر وبان ألدَهر بين ألمُهَج عقود شهور أيَام للماضي لم تنبلج إنتهى كحلم يصحو عليه نائمٌ فزعان . تحـــيَه إلى لولو ألشَقيَه

مافي حل الي ان تتاقلمي مع الوضع تبع جوزك وتتعودي عالغربة وكمان اسمعي نصيحة ابو وديع

الحــــقيـــــقة مــا بحب أعـــــلــــق بــــــس مــــعظم الموجدين بحبوا لـــفـــت الانتباه مــــش أكثر يعني بتصور الهدف من الزواية حل المشكلــــة ....... يــــعني انا مثثثلا عشقة كتابات عصبي مــــع اني بتوقع انوا كأتب واحاب يضهر موهبتو من خلال الزاوية ..... سوري عصبي بس انا فعلا عجبني اسلوبك

وتحياتي الكم ابو سامر واردني ومساكم الله بالخير :)

احرقتني يا طقسي اللامتناهي بلهيب كلماتك ويا اغلى طقوسي .

أنا لست بكاتب

مجالي يبتعد كل البعد عن الكتابة والبلاغة

ولكن ... أبث أفكار... تناقش معضلات ... بأسلوب سهل ممتنع ... يعني .. بتعليقي رقم 13 وفي آخر التعليق أستخدم صيغة الأنا ... ولا أقصد الأنا الفعلية بقدر ما تحمل في طياتها جيل ودعوة الى قناعات تندرج بمحاورها نحو السعادة رغم بساطتها . بس هسه بطلعلي واحد بقول ..

أي يا أخي انت تضل محلي والا مستورد شو النا فيك ... فقط لمجرد التفكير المحدود الذي يتحلى به بعيدا عن منطق البلاغة الفكرية وليست الكتابية فقط.

حاولي تتمعني في كلماتي وفكري فيها بعيدا عن اسمي .. او شخصيتي الواقعية ...لتدركي حينها ... نقاطي .

بالطبع أسلوبي يحاكي البعض ... أما البعض الآخر .. وهنا لا أنتقص من قدراتهم والله ... فلن يدرك ما أقول ..

فياااااااااا catwoman عصبي ما بستخدم أسلوب اللت والعجن

وحتى في تعليقي رقم 19 لغة المشاعر ... هي مبادئ يجب أن نلتزم بها تجاه الطرف الآخر .. هي لا تعكس مشاعر عصبي تحديدا ... هي اسس نجاح العلاقة الزوجية التي باتت ( للأسف ) تجربة لدي البعض .. تفشل ... وبالمحصلة .. تبقى الأنثى هي الخاسر . وبالضرورة ... خسارة الطرف الآخر .

ركزي بس

وبعدين .. أستغرب من مقولة .. فلان بدو يفرجي حاله .. أو ببرز حاله .. أو أو من هالكلام .. يعني .. لو تاملنا قليلا ... وعن نفسي ... يعني ليش أبرز حالي؟؟؟ هل ساقابل أحد من المعلقين؟؟ هل سيكون بيننا اتصال؟؟؟

قطعا لا ... فأنا ضد هذا المبدأ ... رغم أن الكثير من المعلقين هنا تشرفت بهم أيضا عالمسنجر ولهم كل التقدير والأحترام .. ولا أظن أن علاقتنا تجاوزت ... النت ... يعني عبلاطه ... لا طلعنا شفنا حد ولا اتصلنا بحد وسنبقى هكذا

أسرة عنكبوتية .. أكن لها كل الأحترام ... وحتى لو اختلفت الآراء

ولكن تفاوت القدرات ... أمر له شأنه ...

يا توتو هدئي من روعك وحاولي تناقشي بأسلوب افضل من هيك وحاولي تفهمي انك مابتقدري تفرضي حالك الا بالحق والصح وانتي تفتقرين لذاك وذاك ...انا لم اقرأ ان احدهم نعتك بالتخلف العقلي ولكنه دعا لك ان يكبر عقلك وما معناها تخلف عقلي...اعذريني اردت فقط ان اقدم نصيحة

الى تعليق رقم 20: احرف الضحك التي كتبتها في آخر تعليقك تدل على ادنى مستويات العلم وادنى مستوى اجتماعي ان كنت قد وصلت لأدنى هذه المستويات .

عجبا لأمركم تكتبون قبل ان تقرأون وتردون على التعليق بسرعة عدم القارئ تعليق .

انتي شفافه واتمنى ان اسمعك ولن امل ابدا من كلامك العذب الرقيق الذي يدخل القلب والروح والوجدان انتي رائعه يا سوزان

خفيفي من طلباتك عن جوزك ولا تتمصرفي وحوشي قد ما بتقدروا مصاري عشان ترجعوا على بلدكم باسرع وقت ممكن ؟

ودمتم ...... مجرد رائ

في البدأ اذن ادوزن نفسي ....!

عزيزتي صاحبة المشكلة ليس عندي ما اضيف على كلام ابو وديع تعليق رقم 1 *حيث انه من

الافضل ان يؤخذ برأيه (وبعدين ) نسكر ونروح ...ولكني من مشجعي الرأي والرأي الاخر

والاتجاه المعاكس وحتى ضيف النتصف * الا والا هذه تعود قبل النجمة الاولى لمن لا يعرفون

معنى (النجومية ) في النصوص

...الا القرأة ....فالقرأة عالم جديد تؤخذك لابعد من ما هو اجتماعي ...توسع مداركك ..تفتح افق

جديد امامك ....انها عالم زاخر و من جميع النواحي ...وانها احد اسباب تقدم الغرب علينا ...

للاسف ..!نحن نحب التواصل مع الاخرين ...ولكن نكره التواصل مع انفسنا ...وهذا انما لا يرد

الا الى الجهل العميق الذي غالبا ما تكون انفسنا الضحية الاولى لهذا الجهل ...

اذن وباختصار عليك (بالقراءة )...ويفضل القراءة المفيدة ...تحياتي

يعني جوزك غلطان بالأمر هذا أكيد هو مو منتبه .. بسيطة بما انك اجتماعية اكيد ذكية كمان .. فكري بطريقة معينة حتى تشعريه بالخطأ يلي برتكبو وأنا متأكد باذن الله رح تنحل المشكلة ..
لا تسمعي كلام يلي بيحكوا عن الخلع .. هذول ناس مش داريين اشي عن الدنيا ولا عن الدين .. (الطلاق أبغض الحلال الى الله) وهو هدام البيوت. والقصة مش مستاهلة

إملأي فراغك بذكر الله وقرائة القرآن .. فوالله هو الشافي وستجدين الحل بذلك
من توكل على الله فهو حسبه.
الله يوفقك ويهديكي للطريق القويم.

وشكراً.

لا لا لا هيك بتزعليني منك شو نحكي احنا لا متزوجات ولا بنحب وبنشتغل بوظيفه حكوميه ما الها دخل بتخصصنا عمرنا بروح بالمشوره في السياره بالشوارع رايحين على الشغل اللي باخر ما عمر الله وجايين من الشغل على اكم ملطوش بنرجع للبيت عايفات حالنا وروحنا في مناخيرنا ما بنصدق ناكل لقمه ونندفس وراها من التعب غير الاعصاب بتبوز في السواقه بنصحى من النوم على المطبخ مفجوعات بنتفشش بالاكل بنقعد بعدها على النت بنخشب وبتطلع روحنا وكل شويه النت قاطع بعديها بنقعد بنتابع اشي على اي اشي على التلفزيون بنروح بنام بنصحى الصبح على نفس الموال وين الرجل اللي بهاي الايام بتزوج وحده وبستتها في البيت اعطيني اياه وبعطيكي نصه بالشغل قاعدات والبيت قاعدات لو بنشتغل حاضنات بيض يمكن احسن النا من القعده المقنعه.

الله يسلمك يا عناد ، انا بخير ، الحمد لله الميزانية صحيحة وما فيها خلل عندي بالشركة ، يعني للاسف ما راح اجي ابيع معك على البسطة ، على الاقل السنة هذه .
وبالنسبة للشاحن ، ولا يهمك اليوم بكون عندك قبل ما تبلش تلعب تريكس .
ابشر يا عناد .

تحياتي للجميع .

اشتغلي او اذا مش راضي يجبيلوة ولد بسير يهتم بيكي

كُن لمّاحاً للجمال فقط..

بعض الناس يتحمس كثيراً لأنْ يكون لماحاً.. فلا يكاد يسكت عن الملاحظة والثناء
لكنهم قالوا قديماً: الشيء إذا زاد عن حده.. انقلب إلى ضده
ومن تعجل الشيء قبل أوانه.. عوقب بحرمانه
فكن لماحاً للأشياء الجميلة الرائعة.. التي يفرح الشخص برؤية الناس لها.. وينتظر ثناءهم عليها.. ويطرب لسماع ألفاظ الإعجاب بها
أما الأشياء التي يستحي من رؤيتها.. أو يخجل من ملاحظتها فحاول أن تتعامى عنها

ركز بس ..

اخي الكريم

انا حروف الضحك هذه صدرت مني تبعا للقول التالي

"شر البلية ما يضحك "

والباقي عندك ..............................وفهمك كفايه

اشكرك على التعليق

لكن صدقني هذا لا يدل على ادنى مستويات العلم بل هي اشارات نفسيه للحالة التي كنت عليها وقت كتابتي للتعليق


تحياتي لك

الى لولو الشقيه سيدتي اشكر لك ثناءك
والى ابا سامر نزار لولا الانثى ما كان نزار
الى الفارس قلتها مره الكلمه مره تكون نارا
ومرة اخرى تكون نورا .
والى من دخلت قلبه اذا احب الله عبدا
احبته الناس والعباد وما يخرج من القلب
يدخل القلوب قلبك شفاف
بشفافية كلماتك
شكرا سادتي على رقتكم
°°•.♥.•°°سوزان°°•.♥.•°°

يعني والله ما بيصير هيك الاخت بدها مساعده
يا اما بتجكو كلام مفيد الها يا بلاش
والله حرام

ليش بسكر الباب انتي مش زغيره اطلعي لحالك اتعرفي على البلد وبعدين على كلامك انتي اجتماعيه كوني صداقات عندك هيك همه الرجال مابفكرو الابحالهم وانتي كمان لاتسمعيلو بس يحكي لازم يجرب الي بساوي فيكي لازم تثبتي وجودك وشخصيتك وكيانك

اسمعي صديقتي انا يمكن بمر بنفس التجربة بس انا ببلدي وحاسة فيكي وبعرف شو صعبة عليكي بس هاد اللي لنكتب عليكي بما انك انتي وزوجك متفاهمين فيكي بيوم عطلة اله تحاكي وتشوفي شو بدو منك يمكن في سوء تفاهم انتي مو فاهمتي وحاسة انو هاد الشي بيخنئك

ما حد حكالك تاخدي واحد معقد

انا بروح من دوامي ملهوف بس عشان اقراء كلماتك التي تبعت الامل والحب والطمانينه الى قلبي الذي تعب بالبحث عن انسانه بهذه المشاعر اهن واهن واهن يا سوزان فانا احس بشفافيتك بزمن بعيد كل البعد عن هذه المشاعر والاحاسبس

انت افتعلت الضحك وتسترت وراء تلك المقولة..فأين الشر واين البلية..ام ان كل الطرق تؤدي الى روما .
لماذا لا تقلب الشر الى الخير ؟ لماذا تعالج الخطأ بالخطأ ؟

والله ع راسي جراسا!!! يا هيك المحررين يا اما بلا... ويا اخوان عمون والحيار... انسوا الموضوع!!!!!!!

جراسا نيوز: ممتنين لك وشكرا لك وقد اثبت انك من القراء الحريصين على منبرك جراسا نيوز
التعليق المشار اليه تم شطبه وقد كان في محتواه عادي جدا لكن الاسم الذي استخدمه المعلق سيئ للاسف
شكرا لك مرة اخرى

الله يعينك ويصبرك بس والله انو انا عندي اخو مثل هيك بالكويت نفس عقلية جوزك وانا دايما بحكي الله يصبرها على الغربة وعليه (مع انو كثير كويس بس عنده حرص زيادة عن اللزوم ,تتحملي الغربة واكيد في عندكوا عائلات زيكوا متغربة فحاولي انك تختلطي فيهم وتخليكي على تواصل مع نسوانهم وهيك بتظلكوا تروحوا وتيجوا زيارات . ويا رب يرزقك بولد مشان تبلشي فيه وتتسلس معاه لانو بيملى عليك البيت .

انا من نا حيتي انك تحكي لزوجك انك انتي اجتماعيه ومش متعود ع ها الوضع يا اما انك بتحكيلو يصير يسمعلك او انك بتفقي انتي وياه انو انتي ترجعي ع الاردن وبتغرب لحالو والله يوفقك

في أغلب بلادنا العربية لاتوجد اماكن ترفيه وانا شعرت بمصر هي الاكثر شعبية وممكن الانسان يجد صداقات فهم شعب ودوود .. لو بلد اوروبي اختلف الامر ولكن ان شاء الله تجدي الاصدقاء لكن لكل شيء خط احمر فأحيانا الاجتماعية تنعكس سلبا على صاحبها ..والله الموفق

الغنا بالغربة وطن ،والفقر بالوطن غربه

انا معجب بردك على المشكلة

شو رأيك تتزوجيني

ورح اعطيكي حريتك

العبادي

الى سوزان الشي الوحيد الي بقدر اعلق فيه بان تعليقك رائع ومعبر اهنيكي بهذا الذكاء والفطنه الرائعه

مشكلتك مش بزوجك لأ ... مشكلتك فيكي انتي ...

يعني الغربة كتيييييييييييير صعبة .......وأنا مجررررربة....... بس مش عليكي لوحدك ....

يعني ما فكرتي بزوجك اللي بعيد عن أهلو وأحبابه ... هو أكيد متلك متغلب وبعاني .... بس

الرجال كتومين يعني مين ما بشتاق لأمه وأخوه وأصحابه...

عزيزتي...

انتي هون شريكته مش شخص مجني عليه ( لأ ) تأسيس الحياة شي صعب وبدو تحمل ...

وفنننن .... يعني خليلو البيت جنة يشتاق يرجعلها... احكي معو تليفونات خلال اليوم وسمعي كلام

حلو خففي عنو تعبو خليكي ملاذه الأول والأخير... خصوصا انتي ما ذكرتي انو عندك أطفال

يعني فاضية للحب والهنا ...

فضروري تكوني أقوى من الصعوبات وتساندي زوجك ...

وكلو أولا وأخيرا الك ولبيتك....

وشكرا لحسن متابعتكم...

بسام اشكرك من اعماق قلبي
على لين كلماتك
شكرا سيدي
هذا من لطفك
°°•.♥.•°°سوزان°°•.♥.•°°

الى الصيدلانية سماح / دائماً معجب بتعليقاتك ودائماً بمحله كلامك مشكورة على مشاركاتك التي اعجب بها على طول ، صراحة انا أتلهف دائماً لمعرفة تعليقك على الموضوع مع تحياتي