يعني بالله عليك وحده متجوزه ابن عمك او متجوزه مين ما كان وكنت ولد لسه شواربك ما

خطوا بوجهك ولد صغير يا دوب بلغت وبتقولي عن حب كون زلمه يا ولد هاد ابن عمك

من دمك كيف بتفكر بمرته انهو حب الي بتحكي عنه هو الولاد بحبوا بال15 اول سمعه

هاي والله شباب اخر زمن قال حلمت فيها قال وكوبس كمان استحي على حالك هزيتلي بدني.

والله يا اخ انه عيب حتى التفكير بالموضوع هي صارت على ذمة ابن عمك يعني محسوبة على العيله حتى التفكير بهيك اشي مابصير يعني حاول بشتى الطرق انك تنساها ومثل ماتقول انك معجب بفتاة خليك معاها وانسى والنسيان اكبر نعمة من علينا بيها الرحمن
وشوف مزايا البنت اللي معاك واعطيها فرصة وصدقني غير تنسى انك كنت تطلع على مرت ابن عمك

يعني الشب مو حاطت مشكلتي عشان تبهدلوا في هو بدو حل اسمع صح الحب ما بينتسا خاصتا الحب الاول بس كل ما تفكر فيها فكر بابن عمك و ضلك طول الوقت تزكر حبيبتك التانية و فكر فيها كمان هي لو عرفت انك انت ما بتحبها و انت بتحب غيرها رح تنجرح كتير خاصة لو كنت انت حبها الاول و ان شاء الله تنحل مشكلتك

سألجأ ................

الى صلابتي

لا تجعل تفكيرك منصبا على الفتيات وحب الفتيات .... انخرط في حياتك كرجل له قناعة بأنه يوما ما سيرتبط بمن ستكون هي الزوجة والحبيبة بعيدا عن قصص الحب واللمس والهمس والتحسيس الذي سيجعل منك متعدد المواهب التي تغضب وجه الله عز وجل ..والتي بمحصلتها ستضعك في دائرة عدم القناعة المستمرة حتى لو ارتبطت ..وستبدأ بالتفكير فلانه وعلانه وتبدأ عمليات المقارنة التي ستجعلك تتخيل كل منهن مع زوجتك التي ستحرم من المشاعر الصادقة التي شرعها الله ..

مشاعر الحب لا يمكن نكرانها .. ولكن .. لتكن بالطريقة الصائبة .. المشروعة .. التي تجر السعادة .. فمغامرتك البعيدة عن شرع الله جعلتك تصل لهذا الحطام ...ولا زال مسلسلك مستمرا


حطمتني يا رجل ... فقد كنت أنا بعمر ال 15 أعشق جرندايزر وأحب سندباد .... افهم قصدي ... ركز وها أنا على مشارف الثلاثين ... ولا زلت أفتح ال youtube أشاهد حلقاتي تلك... بعيدا عن عالم النساء المقدر ... ( فهموه شو قصدي بالمقدر عاد .. ياللا )

المقدر والمكتوب الشر اللي لا بد منه واحنا ابنقول الخير اللي لا بد منه ولاحق على عالم النساء لانه بكره مرتك بتفرجيك نجوم الظهر من وين بتطلع ومش ح تلاقي وقت لتفكر بست غير مرتك لاحق لاحق .

اليوم تعليقك شاجي ومو زي تعليقاتك السابقه وقرأته قبل هيك بتعليق سابق الك على مشكله بتشه هاد المشكله مو طبعك تعلق بتعليق مهلهل ورث متعودين عليك بافكار جديده شو سايرلك .

اخ عصبي هل تتذكر طلبي الخاص انا بالانتظار

منشان ربك رد عليها فتلت مخنا وهي من مشكله لمشكله بدها اياك ترد عليها رد عليها يا اخي وفش غلها بدها ياك انت انت افهم يا راكان افهمها هلكتنا

قسوة الأيام تجعلنا خائفين من غير أن ندري تماماً ما يخيفنا
إذ أن الأشياء التي تخيفنا ليست إلا مجرد أوهام ..

شكسبير

اولا يجب على الاخوه ان يكتبوا حلول وليس تعليقات لا تصل الى مستوى افكار الاطفال

ثانياً اخي الكريم إن تمسكك في هذه الافكار الوهميه ستجعل حياتك بؤس وشقاء ولن تكسبك القناعه بأي فتاه اخرى مهما كانت مواصفاتها لذلك يجب ان تطوي هذه الصفحه من حياتك بالتفكير الواعي المبني على الدين اولاً ثم القيم والاخلاق والمبادئ

يعني لو القصه لبنت ممكن اصدق بس شب مخلص لهدرجه مستحيل شكل خيالك واسع الله يشفيك

صدقني بعمرك ما رح تنساها لسبب بسيط انه الحب للحبيب الاول ؟؟ بس هي صارت في حياه ثانيه ومع ناس ثاني بس الحب لا يعني انا نشوفهم دايما بس بنتمنالهم الخير والتوفيق ؟انت بذكرني بنفس معاناه بعترف ولاول مره بحياتي انها نقطة ضعفي الوحيده والمشكله لدرجه حاولت اكره عشان انسى ...احب عشان انسى ....اتجاهل وسويت كل اشي بس للاسف الي بينا كان اقوى منا لدرجه انا مقتنعه انه مات ومستحيل يرجع ؟؟ الله يوفقك بس الا ما تلاقى ناس يفهمك بس لازم تنسى عشان رح تشوف الحياه حلوه وفي غيرها ....

عصبي انا اول ما بقرا الا تعليقاتك واليوم تعليقك كتير رائع وانت بصراحه رائع في سرد الحلول لبعض المشاكل شكرا لك

تعليق عصبي مهلهل ؟ هههههههههههههههههههههه بجوز بحب ونازل ينظر عالحبيبة هههههههههههههههه رغم اني بعشق فكره وتعليقاته

عادي يا صديقي ولايهمك ...... كلنا مرينا بهالمرحلة وحبينا ..... وعشنا مغامرات ودواوين ( هبلة) ..... لكن انا حاسس انك مكبر الموضوع شوي ......... صحيح ان الواحد بيحن للماضي وذكريات الماضي....... وبيصير يضحك لما يتذكر ايام زمان ....... لكن مش لدرجة انو نخليها تسيطر علينا وتمنعنا من ممارسة حياتنا العاطفية بشكل طبيعي مع اي شخص اخر ........ لانه هيك بتبلش تروح على الاتجاه الخاطىء......


عموما انا اشعر انك انسان نظيف من الداخل ....... وهذا لانك ما قدرت تحب غيرها ............ مش مثل غيرك من الشباب اللي كل شهر بحب وحدة .......... وموبايله مليان ارقام بنات ........ او من الشباب اللي مداومين عند مدارس البنات .......... وقاعدين بدخنوا و(بعرطوا) و (بتجاحشو) قدامهن .......... حيث يستخدمون (المجاحشة) و (الجعار) كوسيلة للفت الانظار ........... وكل واحد فيهم بحاول يبين حالو انوهو زعيم التنظيم او ( الشلة) ......... ويكون حريصاعلى ان لا (يتنكس) او (يتفشل) قدر الامكان .....


مشكلتك انك كنت عاطفي وبريء (زيادة عن اللزوم) .........لدرجة انك ظليت محتفظ بالعاطفة حتى الان ......... وكنت وفي ومخلص لتلك البنت حتى ( باحلامك ) وعشت دور ( روميو) العاشق المعذب ........ اللي بفكر في (جولييت) 24 ساعة باليوم .......... وبستشعر وجودها معه في كل المواقف ......... ولكن لازم الان تقنع حالك ان هالحكي كان ذكريات ماضي وهبل مراهقين ........ وانو (جولييت) صارت مرأه متجوزة و اسمها الحقيقي ( خديجة) او ( حسنية) و هسه ولادها طولك ......... وبجوز انها حامل وداخلة في الشهر السابع وبطنها قدامها شبرين ....... وكمان شاطرة في المقلوبة والمنسف ....... وبتعرف (تفتل) ..... على طريقة جدتها ( ام العبد) ....... وتعلمت تنظيف وطبخ الكرشات والمصارين والقوانص من حماتها ام ربحي .....



في النهاية مش لازم تتندم ........ لانك عشت مراهقتك بشكل طبيعي ....... فالانسان من حقه ان يعيش طفولته ويعيش مراهقته ضمن اطارها البريء وبدون (تجاوزات) اخلاقية ........ والا سيصبح انسانا معقدا عندما يكبر ويصير (قد البغل) ........ وتصبح نفسيته مليانه مشاكل و(كلاكيع) ........ وكل (كلكوعة) هلقد ....... لانه بحس حاله عنده نقص معين في الشخصية ........ وبصير بدو يعوض هذا النقص لما يكبر ........ عن طريق عدة تصرفات اهمها (العرط) .......... وبيحاول يعمل اشياء وتصرفات مش ملائمة لعمره او مركزه الاجتماعي ........ وبتلاقيه بينتهز اي فرصة علشان يفرجي حاله .....



المهم الان لازم تطوي هالصفحة من حياتك ......... وتبلش تعيش دور العاشق الحقيقي اللي بيحب وحدة عشان يتجوزها ....... مش علشان يظل يحلم فيها .....





®KING OF HUNTERS

بصراحه انا شفت بحياتي كتير وقليل لكن بتفاهتك وقلة عقلك وهبلك المستفحل ما رأت عيني ما عندك احساس بالمره والصهونه والكهكهه تبعتك مثيره للاشمئزاز والغثيان وعقدة النقص تبعتك غريبه حتى انك مش لاقيه غير القاب الاخرين تستعمليها مستغربه من شدة اعاقتك وكتر الضحك من قلة الادب بعطيكي 10 على عشره على مقياس ريختر للهبل

كل اشي قسمه ونصيب وأذا ايمانك بربك قوي بتنساها ما الك غير الصلاة

مراهقه
قلوب طاهره
دقات قلب
نسمعها لاول مره
نعيش الحلم
نحلق في الاعالي
شعور جديد
مرحلة
تنتهي
تتحول لذكريات
نبتسم
نخطو
الى المستقبل
نعيش مرحلة الادراك
الماضي
لا
يعود

ننظر
الى الامام
حب الخير
لمن احبننا
هو المبدأ
ونطوي صفحه
من كتاب
وننطلق
بهدف
ولهدف
وقلوبنا وعقولنا ملئى
بالحب والتقوى والحكمه والعمل والقناعه .

انا مع الاخ عصبي في ما قال

كلاامك صحيح 100%

يا ناس شو هذي المشاكل.؟
أقرأوا تعليق 49 في مشكلة زوجتي عصبيه حقيقي شي بيبسط.!
واللي بيبسط اكثر الأخت بيان الله يكثر من أمثالها.

اشكر الجميع الذين تفهموا ما بجوارحي ولعقلنيتكم في اعطاء الافكار والحلول ,ان شاء الله ان يقدرني على نسيانها ....

يحرق حريشك على تعليقك روعه زاويه ما بتسوى من دونك متألق دائما

مش عاجبتك المشاكل هون لويش داخل تقرقع راسنا روح انت ساعد بيان تبعتك خاف الله انك انت هي حل عنا والله لا يكثر من امثالك في هالزاويه لانه وظيفتك التطبيل والتزمير لغيرك سلام يا بيان قال هام جدا وع عليكي

فقط كلمتين قمه في التعبير

ما الك خص وانا حره بتعليقاتي ومو انتي اللي بتحددي طريئتي اوكي؟ وعصبي بدي ايميلك حطيتك براسي

الله يعينك مقياس الهبل عندك فاق المعدل بس مرفوع عنك القلم لا حساب ولا عقاب الهبلاوات مجانين والمجنون ما بتآخذ ناقص
على عصبي متخلفه وهبله ومعاقه والله اني بحترم هالرجل فلا تسودي صفحته البيضا بصهونتك وكهكتك وقلة ادبك الله يعينك على ما بلاكي .
كويس خليكي استعملي لقبي الامعات ما بطلع بايدهم يكونوا شخصيات لحالهم فبلزقوا بغيرهم على رأي عصبي سامحتلك لانك بتثبتي في كل مره قديش انتي غبيه .

شكرا كتير -- بس اللة سبحانه وتعالى يعرف النوايا

السلام عليكم لماذا تتضايقين من رد او تعليق الاخرين او بشئ لا يخصك فهذا من باب التطفل وعدم الاحترام للاخرين فالاخت طلبت التعاون من اخ عصبي فلا داعي ان تظهري غيرتك واذا بإستطاعتك ان تبعثي خبرا الى جراسا لحل المشاكل لحل مشكلتك وأنت في كل عرس الك قرص وفي كل تعليق تستهزئي على الاخرين وهذا لا يجوز لانك سوف تحا سبين عليها يوم القيامه و انا انصحك لوجه الله تعالى

مشكلتك كثير الشباب عاشوها ، بس انت اعمل زي ما حكولك المعلقين ( العصبي ) و(king of hunter ) وغيرهم
بامكانك تشغل حالك وتفكيرك بمستقبلك وعملك وحياتك الخاصة واهلك وغيرها ....
بعدك شب باول العمر .

الله يهديك ويحل مشكلتك .

كـــل عـــــام وانــتــــــــــم بــالــــــــف خــيــــــــــــــر .
ان شاء الله تكون سنة 2010 سنة خير على الجميع .

مين اللي باعتلي تعليق زي وجهه من وين بتطلعوا وين بلاقوا اشكالكم مش عارفه ثم مين هو عصبي او غير عصبي عندي رأي بحكيه وما بهمني رأيك المصدي بلا ما تدحش مناخيرك انت كمان باللي ما الك فيه يا بيان قال بيان خاص وهام سخافه ومسخره

هذه هي الحياه.......عمل وجد واجتهاد ............. هذه هي الحياه راحه وتأمل واسترخاءهذه هي الحياه.......... حب حنان ووفاءواخلاص......... هذه هي الحياه ......حزن وبكاء ...... هذه هي الحياه ...........ضحك ولعب ............. تفاؤل وتشاؤم............. تواضع وكبرياء ...... غدر وتسامح نسيان الماضي وانتضار غد جميل ............................................... هذه هي الحياه قبل كل شئ سجود وركوع لله الواحدالقهار .......................................... وبالنهايه الاحظ بان الحب كان من طرف واحد وهو (انت) ولكن فهمت انها لم تبادلك الشعور نفسه

في بيت عجزة بمنطقة الفحيص - وبحاجة لعمل تطوعي .
للاسف ما عندي التلفون - بس بامكانك تحكي مع دليل الهاتف .
الله يجزيكي كل خير .

منذ فتره قريبه تنبهت الى هذا الموقع وجذبتني اراءك وتهت في خفايا سطورك ويسعدني ان اقرأ اسمك واخشى ان تصبحي احد طقوسي .

فعلا انكم بتميزوا بين المعلقين اللي بدكم يعلق باستهزاء بتخلو تعليقه واللي بعلق بادب ما بتظهروا تعليقه فعلا الحق علينا عملنا لجراسا قيمه

انشالله انك بتنساها اد ا اقنعت حالك يعني لازم من جواتك تكون مقتنع بأنك بدك تنساها لانو متل ما حكى king كل الشباب بهاي المرحلة بتراهق وبتحب والمرحلة هاي عشتها انت بصدق وشعور حلو بس الاحلى لما تحب على وعي وحسب كلامك انك ملاقي الانسانة المناسبة اللي تحبك وتحبها اعطي حالك فرصة انك تفكر فيها رح تحس بطعم الحب الحقيقي ......................وينك سمو العشق زمان ما نورت الزاوية

حرام عليك يا رجل ......بدك تحرق حريشي ؟ ومن وين اجيب حريش ثاني اكمل فيه هالشتوية؟ ولا بدك تفضحنا مع كرمة العلي لما اروحلها اخر النهار بدون حريش ؟

عموما شكرالك .... ولعلمك الزاوية حلوة ومتألقة بأهلها و بالمعلقين فيها ....... بالرغم من وجود بعض (المنغصات) .....



®KING OF HUNTERS

شكرا عزيزي ابووديع .... لانك دايما سباق بالتهنئة ..... وبصفتي واحد من ( الجميع) الذين خاطبتهم بتهنئتك ..... وفرد من افراد هذا الشعب الجراسي العظيم ..... بدي اقولك كل عام وانت وجميع المعلقين واصحاب المشاكل وادارة جراسا بخير مع التمنيات بسنة جديدة سعيدة ومليانة فرح ...

وكمان (البحر) و ( سمو العشق) ..... بتمنالهم سنة جديدة سعيدة ...

وبقول لصديقي (عناد) كمان كل عام وانت بخير .... وهابــي نيــو يــيــر
صحيح وين سهران اليوم يا مان ؟ ولابدك (تقظيها )عالفرشة ؟


انا سهران مع كرمة العلي الليلة ...



®KING OF HUNTERS

يعني سولافتك كلها تخبيص بتخبيص والي راد عليك ....
لا قال كنج اوف هنتر وعصبي والبحر ومستغربة ؟؟؟!!! هبل بهبل

أبعرف يابحــــــــر ذنبي
وش اللي بــــس سويته
أنا لاعمري جرحت أنسان
ولاعمري بيـــوم بكيتـــه
أبسكت يابحـــــر وامشي
وأخلي ضيقتي فينــــــــي
أبسكت وأبتعـــــــد عنكم
وأدور من يواسينــــــــي

نفسي اشوف شكلك

اكيد بجنن (ف)

حبيت وعشقت وعمرك 15 سنه يقصف عمرك حبيب منذ الصغر وما زلت تحبها وتريد تنساها ابدا يا عاشق لن تنساها ابدا فالمسافات البعيده لاتقتل المشاعر والاحاسيس الصادقه بس انت لازم ترتبط بانسانه تانيه وحاول دائمن يكون شغلك ومكان عملك خالي من النساء لانه لن تستطيع نسبانها وانت في جو عمل مليئ بالنساء نصيحه مجرب ستنساها اذا ارتبطت بانسانه اخرى والا بالقلب بالقلب وهاي الدنيا وتفاهتها عيش مبسوط ولا تحزن لانه الحزن يقصر العمر والسعاده تطول العمر

والله نصيحتي لازم تلتهي باشي تاني وما رح تنساها الا ازا فتحت قلبك لوحده تانيه لازم تحاول

بدك تنساها ما راح تنساها لانو انت اصلا بتحبها بس انت الي لازم تعملو عاطفتك اتجاها انو تتغير لبنت تانيه انت الي ما بدك تنساها لانو انت لساتك بتحبها

لتنساها او تتجاهل عاطفتك الي بتخص حبيبتك حاول اتدكر مساوئها حاول باي طريقه تاني شي البنت الجديده الي راح تحبها حاول تكون كل مشاعرك الها وتشوفها احسن من البنت الاولى الي حبيتها هيك راح تنساها شوي شويولما تيحجي ع بالك حبيبتك بسرعه تجاهالها مرة ع مرة بتنساها

طقوس
التعود
فيها
ارتعاش
ارتباك
ارتجاف قلب
خجل طفله
رفرفة
روح
بلغت عنان السماء
لا زال الارتباك

الى صاحب المشكلة لااعلم ماالسبب الذي ادى الى افتراق شخصين عن بعضهما لكن احسست من كلامك انك كنت تحبها هل انت متأكد من انها تحبك ايضا لوكانت تحبك اعتقد انها كانت لتحارب الدنيا من اجل شخص يعني لها الكثير ماذا عساي ان اقول عن حب شاءت الاقدار ان يفرق بين الاثنين لكن مستحيل ان تنسى شخصا عزيزا عليك لو للحظة واحدة اما نصيحتي ان تفتح صفحة جديدة من حياة مليئة بالمفاجئات هذه هي نصيحتي
مع تحياتي

happy New Year

حبــيـت الزاويــــة كثير ...... وعصبي كثير دمو خفيف ومستغربه ومستغربه القديمه وكل المعلقين تحياتي ..... المشكلة مش مشكلة هاذا واحد حابب ينكش مخو علينا

كل عام وانتم بخير ...........
علمتني الشوق..................وعرفتني بالحب
وكرهتني ثلاث
غيابك
وبعدك
وفرقاك
يا عيوني طارت من وين بدنا انرجعها سناريو الحب وخلص واسنه الجديده واجت وتاخذ رسايلها وانت ما اظيع وقت كانت فيروز تحكي ما تندهي مافي حدا فعلا مافي حدا مش معقول حنرجع الماضي وبعدين انت امفكر انه واحده مثل مرة ابن عمك او حبيبتك سابقا لسه بتفكر فيها للاسف انت غلطان يا عزيزي ما بتسوى اسمع من واحد عمره 2؟ روح وعيش حب من جديد بس ما الظول عشان نفرح فيك والنشوفك عريس ومغلوب على امرك من حواء الجميله وختاما (ولولا الهوى ما ذل في الارض عاشق ولكن عزيز العاشقين ذليل)


الحكيم

يوم . بعد . يوم . بزداد . قرفي . من . بعض . المعلقين . يا . جراساااا

اسعد الله اوقات الجميع ، وكل عام والجميع بخير
معذرة من الجميع على طول الغياب الفترة الماضية
نسال الله سبحانه وتعالى ان يوفق الجميع لكل خير

لا داعي لنسيان الذكريات الجميلة ......فهي اللتي تبقى لنا في النهاية ....انت لست بحاجة الى هذا

فقط عش في الواقع.... وابقي على ذكرياتك ....فلن يحاسبك احد على هذا ....اما بالنسبة للحلمك

ربما كنت (مثقل بالعشا ليليتها )....لا تثقل بالعشا مرة ثانية .......

الى ابو وديع ......سنة خير علينا وعليك (ه..م) تكون انشا الله .....وفي الحقيقة هناك ما يلح على

النفس ان نتعرف على اشخاص نرى كتاباتهم ولا نعرفهم في الواقع ...تحياتي ابو وديع

الى الكنج ......ههههه اكيد على الفرشة وسباحة كمان..... يا مان .... هههههههه ......بالفعل الله يحرق

(حريشك )على ردودك وتعليقاتك ...هابي نيو يير يا مان ....(ه ...م) بلاش واحد يطلع يحكيلنا ....

ايه !!! (انتوا كفار )......!!!!........

في الحقيقة افتقد بعض المعلقين السابقين (المنسي )تحياتي .....

(الجو بلش يختلف )يا مان ...... في مجال كرمة العلي تغطينا

....غيّمت !!!!!!.....غيّمت !!!

اسعد الله اوقاتك بالخير اخي الغالي ماهر وطالت غيبتك نحمد الله على رجوعك وايامك كلها سعد وخير ما بنستغني عن وجودك بينا وعن تعليقاتك القيمه تحيه للجميع

يا سيدي بتهون وبيطلعلها قرون

اسعد الله اوقاتك ،وكل عام وانت بالف خير ، نسال الله سبحانه وتعالى ان يوفقك يااختنا رندا ويسدد خطاك

العبوا خوات الدنيا عيد وسنه جديده وكل عام وانتم بخير ؟؟؟؟؟؟؟؟

كيفك يا ماهر؟؟

الحمد لله على سلامتك ....


PENDING............

اكيد ما رح تنساها لانو دايما الحب القديم بضلو بالقلب بس مع هيك لازم تختار حياة تانية وتختار حب افضل منو لانو ازا ضليت عالحب القديم عمرك ما رح تحب مرة تانية وانا هيك رأي.....انشر كونت شكرا

اسعد الله اوقاتك يااخ راكان وسلامك الله من كل مكروه
انا والحمد لله بالف خير ، مشغول في المدة الماضية في مسائلة الدراسة اسال الله تعالى ان يوفقك ويسدد خطاك

هل كان الحب من طرف واحد
لماذا لم تصارحها وانتو تكبروا
لماذا لم تحجزها ولو بكلمة

اعذرني انت لم تفعل شئ لنيلها وهذا الحب كان من طرف واحد او قد حاوات لاكنك فشلت اين انت من قول الشاعر اتحدى العالم وانا وياك
انت تعيش على شئ لم تسطيع انت تحصله في ما مضى واعتبرت انه خساره لك والان لم تزل في نفس الوهم اصحى وانظر الى الامام وسال الله ان يهبك الزوجة الصالحة

اخواني انا مستعد لاي استشارة مجانا ودون فلوس الاخ الاكبر

مشكلتك زي كاسة الماء الفارغة اذا حملتها شوي ما بتأثر عليك لكن اذا استمريت بحملها لعدة ساعات متواصلة رح تخدر ايدك ويألمك كتفك ونفس الاشي المشاكل وهمومنا يمكن ما تكون كبيرة زي كاسة الماء الفارغة لكن بتفكيرنا فيها وحملنا الها لمدة طويلة رح تكبرها
فالتوكل على الله والنسيان اكبر حل والدنيا اكبر من انها توقف عند حد وبالأخر كل اشي نصيب

الى معلمي " ابو حمزه "
انرت جراسا بعودتك
نحن بإنتظار آرائك وتعليقاتك الهادفة ..

الى الدب الاكبر
اقتباس
( هل كان الحب من طرف واحد
لماذا لم تصارحها وانتو تكبروا
لماذا لم تحجزها ولو بكلمة

اعذرني انت لم تفعل شئ لنيلها وهذا الحب كان من طرف واحد او قد حاوات لاكنك فشلت اين انت من قول الشاعر اتحدى العالم وانا وياك
انت تعيش على شئ لم تسطيع انت تحصله في ما مضى واعتبرت انه خساره لك والان لم تزل في نفس الوهم اصحى وانظر الى الامام وسال الله ان يهبك الزوجة الصالحة

اخواني انا مستعد لاي استشارة مجانا ودون فلوس الاخ الاكبر )


نكتة ب 100 مليون دينار وفلس

كل عام والجميع بخير

كل عام وانتم بخير ويا صاحب المشكلة احنا دخلنا بالعام الجديد فاعتبره بداية جديدة وانسى الماضي وشوف حياتك وبالتوفيق

يا سلااااااااااام على تعليقك يا " بلقااااااااااااااااااااااااااااوية " بالنسبة الي ابدا ما ازيد على كلامك شي .

انت لازم تحب غيرها عشان تنساها بعرف انو هاد الشي مو سهل بس شو بدك تعمل حاول اكتر من مرة وانشاللة بتنساها لا تخرب بيتها وسعادتها ولا تورجيها انو انت مدايق

اسعد الله اوقاتك ، يا يارا
انا في البداية ضد الانتقاص من الاشخاص الاخرين ، قلت ولازلت اقول لنبتعد عن الاساءة الشخصية .
كل شخص لديه اسلوب في التعليق فاتمنى منك يايارا عدم الانتقاص من تعليقات الاخرين او الاساءة الشخصية.
وفقك الله وسدد خطاك

حرام عليكم يا جماعة الخير يكفي تجريج قبل ما تفكروا تحكو وتتفلسفو حطوا حالكو بمحله

سأترك حبك ليس كرها فيه..
لكن لكثرة الشركاء فيه..
فأنا كالأسد لا اشرب من كأس شربت منه الكلاب

خليك اسد يا اسد

الى الاستاذ عصبي بصراحة شديدة وبدون اي خجل و بكثير من الندم والقهر على حالي اقول لك انك ذكرتني بحالي . انا لبنانية تزوجت من شاب اردني عمره 35 سنة هذا الرجل من اول يوم زواج وهو يرشقني بالاتهامات بان عندي علاقات بشباب من قبله و اثناء الزواج وكلما التقيت بصديقة يتهمني اني احب اخوها او ابن عمها حتى زملائي بالشغل يتهمني بهم كل شوية بيقولي انت هبلة و بيحط من قدري واحترامي قدام ابنتنا الوحيدة طولت بالي من اجل ابنتي الان هي 5 سنوات عمرها زواجنا لم يعيش اكثر من عام معظم الاوقات كان حديثه معي عن مغامراته مع البنات من صغره و مع نهاية كل قصة يتهم البنت بخيانته و انها سهلة المنال لذل تركها علمت من امه انه كان يعامل اخواته بالشك فيهم و يتشاجر معهن كل يوم بشكل مزعج وهن شجعونه على الزواج حتى يرتاحوا من شكه وافكاره السلبية وترتاح امهن من تسلطه وعلمت بالنهاية ان تصرفاته هذه نتيجة التخبيص الذي خبصه مع البنات فاصبح يعاملني وكاني واحدة ممن عرفهم لم يعد لديه القدرة على حسن الاختيار بطريقة صحيحة من كثر من حب وعرف بنات كان يخبرني انه كان يراقب كل وحدة و يكتشف انها بتمشي مع غيره لذا طردته من بيتي حتى لا تتعلم بنتي منه قلة احترامي و يحول حياتها جحيم عندما تكبر . الحمدلله اني مثقفة و عندي بدل الشغل شغلتين وليت بحاجة اليه بالعكس كنت اصرف عليه الله يرحم ابي .. البابا حرص على ان نتعلم و نشتغل حتى لا نحتاج الى رجل يصرف علينا و يتحكم بنا ونهاية هذا المراهق ابن ال 15 سنة ستكون نهاية لحياة معذبة و شخصية ضائعة يا ابني ركز في دراستك و نجاحك عمليا واكاديميا و اترك حب البنات و الاعجاب بهن لبعدين .

احترم رأيك وأشعر بما تشعرين فيه ولكن اريد ان اقول لك اني الان عمري 24 سنة وانا على وشك اكمال دراسة الماجستير يعني ضللي فصل وبكمل ,(ان شاء الله ) وسأقول لك شيئا ,انا عندما اتحدث عن مشكلتي فهي جزء من المشاكل التي حدثت وتحدث لي والحمد لله ليست كل حياتي مشاكل لكن اقول ان هذه المشكلة لم تردعني عن اكمال دراستي او مشوار حياتي ولكنها تؤثر علي في اوقات وها انا بعد هذا الحب ب 8 سنوات اكتب عن معاناتي ....
مشكورة يا نونو :)

انت انسان كتير زوء وانا بحب اشوف تعليقاتك كتير وانا معك بكل كلمة حكيتها

اصنع منها شراعا !!!!


عزيزي كاتب المشكلة
اذا كان اختيارها ل ابن عمك اوعدم اختيارها فانها اليوم زوجته

الحل :
* اقطع جميع الطرق المؤدية اليها صور .....عطر...
مسجات ....الخ هذا يساعد العقل الباطن بتخلص من بعض الذكريات

** كن رجلا بان تصنع مستقبلا مشرقا لنفسك تظهر لها صلابتك على تجاوز المحن وانك انت صاحب قرار حياتك اولا واخرا ......

واهم اشي لا تنسى مراقبة الله لك بسر والعلن واترك علاقاتك التي تدمر طاقتك
واذا اردت شيا فلا تسرقة غلستنا بل اطرق الابواب بعنف ""
لانك تستحقه )))))

البنت ماتزوجت الا لانك جرحت قلبها وياسيدي لو بتحبك كان رفضت ابن عمك نصيحه من بنت عاشت الحب حاول تنساها وعيش حبيبتك التانيه حياة حلوة وامسك ايدها وانسى الدنيا الواحد مابدو الا حبيب مخلص

شكرا لكم على ما قلتموه
thanx for ur comments and wanna concern more on my study and i guess for now i'll try not to care about these things
:)