جراسا -

انا فتاه عمري 22 سنه منذ ذلك اليوم الذي انقلبت بعده حياتي وفقدت اشخاص يجري حبهم في دمي اصبحت اعاني فما اعانيه اتعبني.. قبل 3 سنوات تعرضت انا وابي واختي لحادث سير أفقدني ابي واختي دخلت في غيبوبه لمده وبعدها صحيت وجن جنوني لما علمت بأنهم تركوني تمنيت لو اني ما صحيت .. فهم ما زالو يسكنون معنا في كل زاوية في البيت وفي داخلنا ففقدانهم غصة تغتالني دائما .. لكن اتعبتني ذكراهم وقلبت حياتي الى الام والاحزن رفيقي بعد رحيلهم .. اما امي فهي حكاية اخرى فأنا بالنسبة لها روح اقتلعتها من يد الموت بعد انا تغلبت عليها واخذت اختي وابي .

حالتي الصحية بعد ذلك الحادث ليست بكثير احيانا بحس في وعكات وبتعب فألم راسي ع اثر كسور في راسي وايدي كثير تاعبني وكثر التفكير زاد المشكله لدرجه المسكنات بطلت تنفع معي .. لكن عندي قناعه انه قضاء وقدر والحمدلله ما بنساهم في الي يرحمهم.

بس نفسي أرجع تحصيلي الدراسي مثل ما كان لانه بدي اكون ناجحه مثل ابوي الله يرحمه, يحلم يدرسني بس مش قادره احيانا بسرح وبنسى حالي واحيانا خوف امي الزايد علي بتعبني اكثر, لمجرد اني اكون مثلا مفلوزه او راسي بوجعني بتخاف وبتحسب الف حساب وبترجعني لليوم ذاته في ذكرياتي بعد ما اكون بلشت اتحسن ... لكن بحس انه مش بأيدها هالاشي فالي صار غير حياتنا كلنا وانا من حقي ابلش من جديد لانه بالاخير الحياه بدها تمشي ومش واقفه والله احيانا بتعب بس بظل ساكته لانها بصير تصيح.

 وبتذكرهم وبتخاف علي وانا بذكر اليوم نفسه .. وبتحمل عشانها ع الرغم من الالم .. بس الم الجسد و الله الالم كثيره فهي تعاني من مرض القلب بعد وفاتهم وبخاف هالاشي يتعبها وما بدي هالالم تزيد همي لا سمح الله .. صرت مثل الانسان الضايع بين خوفي ع امي وصحتي ودراستي ومش قادره

انا وبصراحه مش عارفه اصيغ حالي لانه وبصراحه ما بنحكي بكلمتين بس بتمنى تفهمو علي وتساعدوني ترردت كثير في طرحها في هالزاويه كنت دائما ادخل هون واكتبها بس كيف رح يفهمو علي ما بعرف بس بتمنى ما اندم.