اسكتي واعقلي احمدي الله انك اتزوجتي وحامل وعندك بيت وزوج الاهم البيت والعيله اما انك مش لاقيه شغله .

السلام عليكم اختى الفاضله انتى انسانه طموحه بس قدري ظروف زوجك اذا فى ديون اصبري و اخلفي ابنك و كبري شوي و بتوصلي بعديها لهدفك انا تجوزت قبل توجيهي برغبه منى و خلصت التوجيهي فى بيت زوجى و نجحت و حملت و خلفت الاول و التانى الحمد الله و هلاء اعمارهم لسه مو خرج اتركهم و كمل و انا نفسي كمل بس باب العلم بضل مفتوح لو عمرك 60 سنه بس المهم اضلك عند هدفك و بتوصلي صدقني الله يوفقك و تقومى بسلامه امييين

أؤيد .... أم نور الدين

قبل ما نساعدك احنا انت ما ساعدت حالك ولا زوجك
ما في مانع توقفي الان عن الدراسه بس مسأله تأجيل كثير اجلوا فصول وسنين لحتى كان وضعهم يسمحوبعد هيك كملوا حتى لو الظروف الماديه بتسمح انت وضعك في بيتك زوجك وبنتك الهم حق الاهتمام فيهم وبهيك حاله ما راح تركزي وراح يضل ذهنك مشوش مثل ما حكيتلك استني فتره
لحتى تطلعوا من وضعكم المأساوي وتكبر بنتك وبعد هيك ابدأي من جديد
ارجوا ان قدمت الفائده لكي والله يوفقك
ومادام عندك هدف راح تنوليه





\\\\\\\\\\\\\\

وانا بأيدك انت ......راكان (ف)

ما تردي على حد كملي تعليمك اذا كان زوك موافق انتي ما بهمك بهالدنيا غير راي زوجك اذا وافق ولا تهتمي بحد
بعدين انتي لا اول ولا اخر ام بتدرس بالجامعه
انا بقعد بالمحاضره بين تنتين حوامل يعني من كون قاعدين خمسه على ثلاث مقاعد
كملي وخطيتك برقبتي

ومن لم يذق مر التعلم ساعه تجرع ذل الجهل طول حياته ......... وللحديث بقيه

انا بعرف بنت وصلت 28 عمرها وبدها اتعيد التو جيهي اتخيلي وهي ما بتعرف شي عنو وممنوع تدخل مدارس الا بالبيت تعيده مع هيك عادت ونجحت ودخلت جامعه بتعرفي كلو صار هاد الشي
خديها نصيحه للابد ع قولتها
ادا بدي شي صعب ما بقدر علي وما بعرف اجيبو او اوصلو ما بطلب غير من ربنا
ومشكلتك هيك حلها(كل الابواب اتسكرت بوجهي ) انت غلطانه انسيت باب ربنا الباب الدي لا يغلق بوجه سائل بكرة بس تدعي بالليل مع اليقين بالاجابه والتدلل وفي السجود شو في النتيجه بس بدها الشغله اراده

نعتذر

التعليم مهم كثير للبنت رتبي امورك مع زوجك وكملي دراستك مابتعرفي شو بصير معك في المستقبل يمكن رح تشتغلي وتساعدي زوجك وحياتك تتغير التعليم اهم اشي بحيات الانسان

تفسير قوله تعالى: "وقرن في بيوتكن ولا تبرجن تبرج الجاهلية الأولى"
جلوس المؤمنة في بـيتها لا يقل عند الله عن الجلوس بـين جدران بـيت اللَّه الحرام
سعيها في مخدعها ومطبخها لا يقل عند اللَّه تعالى عن السعي بـين الصفا والمروة
قد تقول: إني أريد أن أؤمن مستقبلي؟ الحق أن أمان المرأة في أن ينفق عليها زوجها
المؤمنة تجد العزة في الذلة لزوجها في طاعة الله
وتجد الغنى في إنفاق زوجها عليها وإن كان لا يملك إلا دقل التمر
البيوت بدون الأمهات الصالحات قبور
بيت بلا زوجة كمسجد لا تقام فيه صلاة
أضرار خروج المرأة
على أطفالها وحرمانهم من الحنان وصدق التربية
اختلاطها المحرم بالرجال في العمل والمواصلات
تحتل العاملة مكان رجل هو الآن عاطل بسببها
تعتاد الخروج من البيت ولو لم يكن لها عمل فتنقسم الأسرة وتتفكك
إسرافها المال على زينتها وثيابها للخروج للعمل
أقل عملا وإنتاجًا وطموحًا من الرجال
البيت مملكة المرأة الحقيقية

عن أنس رضي الله عنه قال: " جئن النساء إلى رسول الله فقلن: يارسول الله ذهب الرجال بالفضل والجهاد في سبيل الله تعالى, فما لنا عمل ندرك به عمل المجاهدين في سبيل الله تعالى, فقال رسول الله صلى الله عليه وسلم: من قعدت منكن في بيتها, فإنها تدرك عمل المجاهدين في سبيل الله تعالى

شوفي يا اختي .. اولا الزواج والاولاد هذا نصيبك وهذي رزقه من ربنا بعمرك ما تندمي عليها لانه في كثير مش صاح الهم لا زواج ولا اطفال فأحمدي ربك على النعمه الي انتي فيها
ثانيا زوجك الظاهؤ مش مقصر معك و وقف معك بموضوع الدراسه والدليل انك اخذتي توجيهي وسجلتي بالجامعه لكن في ظروف غصب عنك هي الي منعتك من اكمال دراستك .. الشغله كثير بسيطه وما حد رح يوقف بوجه طموحك لكن ما تقدري حاليا انك تفضلي الجامعه ومصاريف الجامعه على مصاريف اهم والي بنظري هي مصاريف البيت والاطفال وبالاخص الاطفال ومش غلط انك تضلي متابع لامور تعليمك ومش شرط تكون بالجامعه يعني تقدري تجيبي كتب من نفس التخصص الي كنتي تدرسيه وتقريهم بوقت فراغك وهذا بحد ذاته علم وثقافه .. تقدري تبحثي بالانترنت عن الامور الي تهمك من ناحيه التعليم وتنمي ثقافتك ومستقبلا متى ما فرجت الامور تقدري تسجلي بجامعه دراسه مسائيه لكن لا تحطي ببالك انه يتوقف طموحك لانه لسه ما فتاك قطار التعليم .. انا لما كنت بالجامعه وكنت ادرس مسائي كان معاي ناس بجيل ابوي واكبر كمان وكانوا يدرسوا معاي والسبب الي خلاهم يدرسوا متأخرين انه ما كانت الفرصه متاحه الهم انهم يدرسوا بعمر الشباب لظروف مشابهه لظروفك وسبحان الله جابوا علامات كويسه وخلصوا بوقت اقل من وقتنا بالجامعه .. لا تخلي اشي يوقف طموحك لكن فكري مزبوط وبرمجي حياتك على شيء ما يسويلك مشاكل بينك وبين زوجك والتوفيق من الله

القاعدة الاولى : كلام الناس لا بيقدم ولا يأخر .
الثانية : زي ما تفضلو المعلقين في البداية ( مثل تعليق ام نور الدين ) ، الحياه قدامك وان شاء الله راح تيجي ايام تكوني فيها مستقرة ومرتاحة وتكملي دراستك وعلى راحتك ، وبعدين لا تخافي لانه في كثير جامعات بتدرس مسائي ، او انتساب ( يعني ما بدها غياب عن البيت كثير ) .

بالتوفيق ان شاء الله .

مدام انت مكبرة الموضوع انا ما بحكيلك انه الدراسة مش مهمة وانه الها وقت وبنتهي انت مش لانك متزوجه يعني خلص بس لازم تراعي وضع زوجك ولازم يكون عندك امل انا لما خلصت توجيهي ما كان وضعي بسمح اني كمل ورفقاتي تخرجو وان بعدني بس صبرت وانا حاليا خريجة هندسة بس بدها وقت بس لا تتراجعي عن هدفك والله يوفئك

احضر لنيل الدكتوراه اعمل بوظيفه يتمناها الكثير من الناس وراتب مهول ومكانه اجتماعيه احسد عليها لكنها لم تغنني عن الحصول على زوج ولا على
طفل لاضمه بين يدي واشعر اني امرأه تعلمت وعملت ونسيت نفسي فلا تزوجت ولا انجبت وفات الوقت لتدارك الامر اتباديلني الادوار .
هذه مشكله اما مشكلتك فليست مشكله ابدا

اسمعي انا مع المرأة الطموحة ...................


ديري بالك على حملك هلأ


وخليكي ساكته قدام الكل وخاصة اهل جوزك

واللي بيسألك عن دراستك


احكي راحت علينا


وبعد ما تولدي الا تيجيكي الفرصة المناسبة


صدقيني

بس اصبري
وخلي طموحك موجود بس عالساكت وخاصة قدام اهل جوزك


نصيحة نصيحة


من اخت طموحة

صعب على الانسان يحمل (بطيختين في ايد وحدة ).....ولكن ولكي لا تقولي اننا نكسر (بمجاذيفك )فلا مانع ان كنت تستطيعين حمل( بطختين) في يد وحدة ......غي النهاية يعيش الانسان ويموت وهو يتعلم .......


وبالحديث عن التعليم........ وانتبهوا...!!! لهذه الكلمة .....
فأن البعض يسلك سلوك غير اخلاقي بسرقة نصوص وكلمات من مواقع اخرى ليضعها هنا .....فأنه ايضا يحاول التعلم وسرقة كلمات من هذا الموقع ....وهي بالضرورة قد تكون كلماتنا نحن (المعلقين) ليضعها في مواقع اخرى ....دون ذكر المصدر ...ودون تقبيل ايادي معلميه .....لا بل بالعكس فأنه يسئ الى معلمه ليزيد بذالك ....(الطين بلة

صعب على الانسان يحمل (بطيختين في ايد وحدة ).....ولكن ولكي لا تقولي اننا نكسر (بمجاذيفك )فلا مانع ان كنت تستطيعين حمل( بطختين) في يد وحدة ......غي النهاية يعيش الانسان ويموت وهو يتعلم .......


وبالحديث عن التعليم........ وانتبهوا...!!! لهذه الكلمة .....
فأن البعض يسلك سلوك غير اخلاقي بسرقة نصوص وكلمات من مواقع اخرى ليضعها هنا .....فأنه ايضا يحاول التعلم وسرقة كلمات من هذا الموقع ....وهي بالضرورة قد تكون كلماتنا نحن (المعلقين) ليضعها في مواقع اخرى ....دون ذكر المصدر ...ودون تقبيل ايادي معلميه .....لا بل بالعكس فأنه يسئ الى معلمه ليزيد بذالك ....(الطين بلة ).....ما بدك تعقل يا (عصاعيصو).....؟؟؟؟؟؟ بكفيك يا رجل بهدلت حالك كثير ....!!!!!!

ياحبيبتي شو الك بكلام الناس خلص اللة ستر عليكي تخسري بيتك وزوجك وطفلك لاجل التعليم لازم تتنازلي عن كل احلامك والا بتخسري وبينخرب بيتك

انا شايف انو ما في داعي تكبري الموضوع ....وتقنعي حالك انك واقعة في مشكلة ( عويصة) ....

انتي وضعك جيد والحمدلله ..... تزوجتي وعلاقتك مع جوزك جيدة والان انتي حامل .....
الانسان صعب يحصل على كل شيء دفعة واحدة .... يعني صعب يتعلم ويتخرج ويتجوزو يخلف بنفس الوقت ...... ومثل ما حكا صديقي العزيز (عناد) ...... الواحد ما بيقدر يحمل بطيختين في ايد واحدة ...... لانو اكيد وحدة منهم راح توقع وتنكسر ..... وبدي اذكر حكمة ( بعد اذن صديقي الحكيم) بتقول : اذا طاردت ارنبين ....فلن تمسك بأي منهما ..... ( مثل انجليزي).

انا بقترح عليكي تأجلي موضوع الدراسة لحد ما تخلفي وتقومي بالسلامة ..... ويتحسن وضعكم المادي شوي ....لانو الكثير من الشباب بيعيشوا بضائقة مالية نتيجة تكاليف الزواج والتأثيث ....الخ وبعد الزواج شوي شوي ببلشوا يتنفسوا ....

في حياتنا اشياء ما بنقدر نتحكم فيها .... يعني بتصير غصبن عنا وحسب الظروف والنصيب .... مثل موضوع الزواج والانجاب .... وهناك اشياء بنقدر احنا نتحكم فيها ونؤجلها .... مثل التعليم والسفر ...الخ وطبعا كله بارادة الله ....

الزوج الجيد والانجاب ...هو نعمة للفتاه ...... ومثل ما انتي شايفة ...... كثير بنات متعلمين ومعهم اعلى الشهادات ...... ولكنهم مش راضيين عن وضعهم ...... وحابين يتجوزوا ويخلفوا ..... ويجربوا عاطفة وشعور الامومة ...... اللي اهو احلى شيء في الوجود بالنسبة للبنت .....

انتي الحمدلله حصلتي على هاي الاشياء .... وبيظل الاشياء اللي بنقدر نتحكم فيها .... مثل الدراسة وغيرها .... يعني بتقدري تكملي تعليمك لما يصير الوقت مناسب ....

ملحوظة اخيرة: هناك انواع من الضغط النفسي والتوتر بنكون احنا سببها ....يعني احنا بنسببها لحالنا ...... عشان هيك ما بدي اياكي تظلي تفكري بالموضوع وتحرقي اعصابك ...... لانه بتسببي لحالك ضغط نفسي وتوتر ممكن يؤثر على علاقتك بجوزك وابنك واللي حواليكي ......


كرمة العلي بتقولك : انشالله تقومي بالسلامة ......




®KING OF HUNTERS

صديقي عناد ...

يرجى اعطاءنا تفاصيل اكثر عن موضوع سرقة التعليقات هذا .... وعن ذلك اللص الذي يسرق من تعليقات الاخوة هنا ..... وينسبها لنفسه في مواقع اخرى ....

حقوق الطبع يجب ان تكون محفوظة ..... وتعب المعلقين الذين يمضون الكثير من وقتهم في كتابة التعليقات .... يجب ان يكون محفوظا ايضا ....

يرجى موافاتنا بالتفاصيل وبالسرعة الممكنة .... حتى نتمكن من اتخاذ (الأكشن) المناسب ....



®KING OF HUNTERS

شكرا عصبي الله يسعدك

احسن حل مثل ما حكتلك اختنا ام نور الدين
لانو انا زوجتي قبل كم يوم جابتلي صبيه وهيها بعدها بتدرس في الجامعه اصلا الضروف لازم تخليكي اقوى وانا بنصحكي تقرئي تعليق وقرن في بيوتكن لانو كثير رائع وسلامات

الى العزيز جدا( الكنج) ......

لا تتعب نفسك بوضع الاكشن المناسب ......فأنت بالفعل قمت بوضعه مسبقا .......

في مشكلة سابقة .....ولا ارى حاجة للتكرار .........مع كل الاحترام

ولاكن الغريب ....والغريب جدا ان يحاول التلميذ ......الانتقاص من قدر معلمه ...ما ان تتاح له الفرصة للذالك ...دون خجل ....ودون خوف !!!!!

ولكن ان لزم الامر لذلك ......سوف ندرج كل التفاصيل..... بهذا الخصوص

واسمحلي ان استعير عبارتك المفضلة...... (غطيني يا كرمة العلي )

(اللي استحوا ماتوا) ...........حقوق الطبع محفوظة

الحمل والولاده في نظري في الوقت الحالي اهم من التفكير في الدراسه عموما وذلك بسسب القدر الجميل وهو الحمل بحد ذاته وجميل ان نفكر في العلم ولما لا لقد قراة رسالتك اكثر من عشرة مراة ووجدة بها اشياء جميله منها انك كنت ناجه في دراستك اوحسب تحليلي للموضوع انك من المتفوقات ولديك الطموح ولبس من المعيب ان نأجل لا ان نهمل ولكن هنالك اولا ف اولا وان نعمل على ترتيب الحياه الزوجيه من كل الامور وننظم حياتنا للمستقبل ونهيء الوقت المناسب لي نكمل مشوار الدراسه بعد ان نستقر في حياتنا ماديا ومعنويا ولا نجعل لي احاديث البشر السيئين ان يوثرو على عقولنا وان سالك سائل عن العلم........... بطريقة من انك راحت عليك ستجدينه اقل منك علما وذلك للغيرة البشر من طالب العلم واود المغادره وللحديث بقيه

عـزيـــز وغابــت حروووفــــه.....
فقدنـــــا شوقــــه وذوقـــــه.....
بعيـــــد الهجـــر عن طبعـــه.....
أكيـــد العيــب بظروفــــــــه.....

يا هلا كنج مثل حلو عجبني ساقتبسه منك بس انا بحكي............. الحياه مليئه بالحجارة فلا تتعثر بها بل اجمعها وابن سلما تصعد بها للنجاح ............... والحكمه موجه بعد اذنك لصاحبة الظروف منعتني من التعليم

حكيك كتير حلو عنجد انك عجبتيني وان شاء الله بترد صاحبة المشكلة عليكي وبتتوجه بالشكوى لرب العباد مش للعباد " لا تشكو للناس جرحا انت حامله ,,,,,,,,,,,,,,,,,,,,,,,,, لا يؤلم الجرح الا من به ألم " وتحياتي ...................... سارة

صديقي (عناد) :

اوكي يا man .... اللي تشوفه ...
انا واثق جدا في قدرتك على التعامل مع الامور ..... وانا عنجد بعجبني (حسك الاستخباراتي) .... وبدي اتركلك موضوع ( انتظار الفرصة المناسبة) ..... واختيار المكان والزمان المناسبين ..... هههه

صديقي (الحكيم):

ياريت ما تحرمنا من حكمك المميزة .... واذا عندك امثال شعبية ياريت ما تبخل فيها علينا ...... لاني من هواه الامثال الشعبية .... واحفظ منها الكثير ..... والسبب في ذلك هي (جدتي) ذات الثمانين ربيعا ....




®KING OF HUNTERS

شووووووفي يا بنت الناس لا تكرهوا امرا ععسى ان يكون خيرررررررررررا

والي بيشوف مصايب الناس بتهون عليه مصيبته وحياتك انو انتي بالف خير بالمقارنه مع غيرك

يا ما صبايا حبوا بيكونو زي ما كنتي بدك وبالفعل كملو دراستهم واشتغلو وفاتهم قطار الزواج وعنسو من وراء تكبير الراس واسالي اي وحده عاشت الوضع هاد شوف النفسيه تاعتها وكذابه الي بتحكي انها مرتاحه

هاد اولا
ثانيا انتي ندك بيت وزوج وبدك بتصيري ام كمان وهاد اكبر نعمه من الله وشي طبيعي انو الواحد بالايام بالذات بدايه حياته بيمر بازمات ماليه بالتحديد بس الي لاازم تعرفيه انو ما بعد الضيق الا الفرج وما رح بتدوم هيك بكره الوضع بيتحسن ومنيح كتير انتي نجحتي وحصلتي ع قبول بالجامعه شي كتير منيح وما دام عندك طموح صدقيني غير ما تفرج وتكملي دراستك وتكوني زي ما بدك بس
نصيحتي الك
اهتمي بزوجك وابنك عن قريب ووقفي مع زوجك بالظروف خلك معو وقويه ولو معنويا وصبريه
وهو اكيد ما رح بيقصر معك بكره بس تفرج عليه وياما بنات تزوجو وعندهم ولااد وطموحهم بيكلو دراسه وبالفعل كملوا ومشالله عليهم وبعدين دخيلك انا منهم بالاف كمانا دراسه وحنا قادين لا شغله ولا عمله

يا ساره ....... اجمل هندسه في العالم مد جسر الامل فوق بحر من الياس لماذا..........وذلك لانك تقوليين (لا تشكو للناس جرحا انت حامله ,,,,,,,,,,,,,,,,,,,لا يوءلم الجرح الا من به الم وانا لا اعتقد ان هذ لاينطبق مع الموضوع والا لماذا انت كتبتي ما دام لا تريدين ان تنصحيهاانت تناقضين نفسك ممكن ان اقرا الموضوع ولا اعلق فمجرد الكتابه يعني انا قدمة النصيحه اذا يا ساره اكيد المجروح هو الذي يتالم ولكن اذا له محبيين او اصدقاء اوفياء نعم يتالمون باالمه تفائلي وشكر ا

هذا الحكي عيب احترمي الزوج الي عندك والا بطل احترام عند النساء هذه الايام

انا بحب الفت نظرك لمسالة مهمه هل تريدي التعلم او تريدي العمل بعدها ؟

اذا بس بدك شهادة بنصحك تكمليها بس على مهلك لا تضغطي حالك ولا جوزك ؟

اما اذا بدك تشتغلي بعديها فانتبهي ان فرص عملك رح تتقلص مع الوقت والعمر ؟

انا بنصحك تستخيري ربنا افضل من كل الناس ....

عزيزتي صاحبة المشكلة
سدئيني صعب بهاي الايام انك تلاقي رجال منيح تتزوجية وتنستري في مزلك معة اما بالنسبة للمال فهو ليس المشكلة فإن الله يرزق من يشاء وهو على كل شيء قدبر
مشان هيك هلا مانو وقت مناسب لتكملي تعليمك لظروفكم المادية ولحملك اما بعد ان تولدي وتتحسن ظروفكم فأنا مع ان تصري على اكمال تعليمك ولاتتنازلي عن حقك في ذلك .. لانكم حسب ما ذكرتي اتفقتو انت وزرجكي ان تكملي بعد الزواج ..
لذلك اصبري وخدي مني ازا الك نصيب تكملي والله لو بعد 10 سنين بتكملي لانو طموحك سابئك والحمدلله . اتمنى لكي الخير

مع تحياتي
الصيدلانية سماح

اختي الكريمة : اولا اتمنى انك ما تفكري بأسلوب : انتحست .
ولازم تتحملي جزء من مسؤولية ما يحصل معك مو انك تحملي اهلك كل المسؤولية ، اهلك ما ظلموكي لما شجعوكي على الزواج لانو من وجهة نظر اهلك ان الزواج اضمن الك ولحياتك ولمستقبلك . وبعدين ما حدا جبرك ، انتي بنفسك وقعتي على عقد الزواج ، تخيلي لو ان الوضع حصل بسيناريو معكوس يعني اكملتي كل مراحل تعليمك وبعدين حسيتي انك مستعدة للزواج ، فكرك وقتها رح تتزوجي بسهولة ؟! اكيد لأ ، معروف في مجتمعنا ان فرص الزواج تقل مع تقدم البنت في العمر . ووقتها رح تقولي انتحست وما عم بيجيني خطابين .

لكن انتي الان في نعمة ، متزوجة ورح تصيري ام ان شاء الله ، والامومة احلى من كل الشهادات صدقيني ، اصلا هادا المفروض يكون طموحنا في الحياة نحن النساء ، اما الدراسة ففي اي وقت ممكن تكملي ، بعرف كتير كملوا تعليمهم بعد فترة وتفوقوا كمان .

لا تضلك حابسة حالك في حلقة مفرغة من الندم والهم وتضيعي احلى ايام عمرك .
الله يوفقك ويهديء بالك .