من ناحيه عقلانيه لن تتزوجي الا من كتب الله تصيبك عليه الرجل غير مستعد للزواج من الناحيه الماديه الحب لا يكفي لانجاح العلاقه الزوجيه فكري بالفرص الممتازه الله ما شافوه بالعقل عرفوه .

اليوم اسوأ يوم في حياتي بالصدفه عرفت انه يلي بحبه خطب

طيب انتي شوو كنتي بتعملي ع الفيس بوك قبل ما تحكي معه ؟؟ بس للنصيحه هاااااي غلط كبييير كثيير خاصه انه شافك ع الفيس بوك "اكيد فهمتي قصدي " ؟؟ عموما الله يوفقكو واذا بحبك اكيد بجيكي ....

اذا انتي من بنات الفيس بوك مش غريب تكوني ايضا من الذين يشاركون على مواقع بنت الحلال اريد الزواج من ابن الحلال اصلا كل الذين يشاركون في هيك مواقع لا يصلحون للزواج بل للتسليه وتعبئة الفراغ والحرمان الذي عندهم اي حب هذا الواضح انتي متاثره بالافلام الهنديه والعربيه اكثير يا عمي خليك في الواقع الاردني وحسب المثل الي بقول (الي سبق حمى الطبق وعصفور باليد افضل من عشره على الشجره ) بلا حب بلا بطيخ هذا وانتي خريجة جامعه وفهمانه حسب قولك اصلا البنات شو بدهم بالحب الا ( جيب يهر وثوب يجر و .................. ) قال حب قال ناس فاضية

الاخ the moon student اولا انا مش من بنات الفيس البوك اللي في بالك , انا ما عمري ضفت على حساب الفيس بوك تبعي الا صديقاتي و العائله و هو شافني لانه انا كنت موجوده كصديقه عند احد افراد العائله على الفيس بوك اللي كان ايضا صديق عنده و اكيد فهمت قصدي اذا كنت بتعرف بتقنيه الفيس البوك ... مع كل الاحترام

الاخ عابر سبيل ارجو قراءة الرد الذي وجهته للاخ the moon student و اضيف على ذلك انني لست من البنات اللواتي يلهثن وراء الزواج بالصوره التي صورتها انت ,,, فأنا الحمد لله من الله علي بقدر من الجمال و احمل اعلى الشهادات و موظفه فلست بحاجه للمال الذي اشرت اليه بالمثل ... و هناك الكثير ممن يتقدم لخطوبتي بشكل دائم و لكن مشكلتي واضحه فأنا لا استطيع انه اعرف اين الصواب ان افكر بعقلي ام بقلبي .... مع كل الاحترام

الي بتعرف ترد بطريقتك بتهيألي انها مش بحاجه للناس ينصحوها جوابك على طرف لسانك بس مش غريبه هالصدفه اللي صارت معاكي على الفيس بوك بعدين عمرك مش زغير تقعدي على الفيس بوك الي بعمرك بكونوا ناضجات وفاتحات بيوت يا لطيف الطف

شوفي حبيبتي انا بنت متلي متلك وفاهمة اصة بتقدمولي كتير هاي كلها ضحك عاللحى اتحدى بنت تصمد اما الغنى والثراء لكن اللي بيجوك واكيد مش كتار مش احسن منه بكتير وبعدين صرتي 26 يعني عم تكبري,انتي اصلا ليش تعملي الع اضافة عالفيس بوك؟؟؟يختي يا اما بتتزوجية وربنا بغنية يا اما لا تضلي تضحكي عليه وعلى حالك لانك صرتي تفكري تتركيه وما في اهل هالايام بسكتوا على بنتهم ازا اجاها شب منيح,والفقر مش عيب واللي مخلص دراسات عليا من الصبح بشتغل الا ازا اكان بده يبلش بألف دينار هاد بعمره ما بشتغل لانهم يا دوب يكفوا هالايام فحبيبتي انتي عم تلعبي بمشاعر الزلمة اصلا ليش يكون عندك اصدفاء شباب عالفيس بوك وحتى لو من العيلع هدول مش محارمك.يلعن ابو النت شو خرب المجتمع

بدك الصدق والله اني شاعر معك وبعرف شو الحب وعذابه وحلاوته ومراره لانه مافي واحد الا وقع فيه خاصة اذا كان حب صادق وشفاف بس صدقي مافي واحد حب بصدق وحصل على حبيبوا لان الحب اكبر واجمل شيء وضعه الله في الانسان لان الله محبه .
ما بقدر انصحك بالنسيان لانه صعب ولكن بنصك بالتفكير المنطقي والصحيح وهو ان تحكمي عقلك وخلي الي بالقلب بالقلب وانا اسف على التعليق السابق اذا ازعجك .
وفعلا كلك زوق

نفسي افهم كيف لا تستطيعين ان تعيشي الا مع من احببتي ؟؟؟
ما انت كنتي عايشة قبله و هلا عايشة وانت بمدينة و هو بمدينة تانية( يعني مو عايشة معه) و رح تعيشي كمان بعده ..
انا رأي انه الحب بهاي الطريقة حكي فاضي .. اني ما بتعرفي عنه شي جوهري تا تحبيه، كل القصة انك تعودتي يكون في حياتك، و سبب التعود انك سمحتيله يكون في حياتك تا صار بينكم تعلق و تعود ...
شوفي حالك يا بنت الناس وكل ما يتقدملك شخص ادرسي الموضوع بجدية و بعقلانية، ترا الزواج شي اصعب من مجرد علاقة على الفيس بوك و شخص بتشوفيه مرتين بالسنة......
الزواج اكبر و اصعب شغلة ممكن الواحد يعملها بحياته، و بده جهد كبير، بتخيل انه اكبر بكتير من مجرد ايميلات و الا تلفونات .......
و الحب كمان مو هيك ...شو هالحب هادا.. الحب شي اكبرو اعمق من هيك ..
قوي قلبك و اتركيه و شغلي عقلك و شوفي مستقبلك احسنلك من كل هالحكي اللي من وجهة نظري ما رح يوصلك الا انك تصفي بطابور العوانس.. ....
انتي هلا بيتقدملك شباب ممتازين، كمان شهر، مو سنة و لا سنتين بس خلي هالعالم يعرفوا قصتك( ترا ما في شي بيتخبى بهالدنيا) ما بيعود حدا يدق باب بيتكم و بتصفي لا نلتي اللي بتفكريه حبيبك و لا غيره ....
و الاهم من كل هالحكي انك تتوكلي على رب العباد وتستخيري بعد ما تكوني قررتي و تشوفي ربنا شو بيسر الك و اذا هو نصيبك حتى لو وافقتي على غيره رح تتفركش كل القصص بإرادة رب العبار و بتكوني معه .......
طبعا اذا كان نصيبك و هادا شي ما حدا بعرفه...برجع و بكرر نصيحتي قوي قلبك و شوفي حالك قبل ما تندمي

براي انو مشكلتك بسيطه وانتي شوي مكبرتيها او كبرت لما اعترفلك بحبه فانتي رجعتي حبه الك وصدقيني الواحد بحكي انو ما بيقدر ينسى الي حبه هو صح ما بيقدر ينسى بس مع الايام المشاعر بتخف وانت حكيتي انك قدرتي تنسي بس رجع ع الفيس بوك ورجعتي الك يعني بالمختصر انتي اعرفتي تنسي فلو بدك ترجعي تنسي ما في مشكله وانك تتركي وزي ما حكيتلك بتقدري بس الشغله بدها اراده متل ما اعملتي بس اتخرجتي من الجامعه

تانيا انتي ما اعرفتي حبيبك منيح الحب اكبر من ماسنجر وفيس بوك يعني انا براي كان لازم تدرسي حبك منيح منيح يعني تعرفي عنو اكتر00000 الحب مش كلشي وانت ما بعرف عنك انت يعني اتوقع بنت واعيه وفهمانه يعني لازم تقدري الامور اكبر من هيك طيب افهمنا انت بتحبي وهو بحبك وهو اعترفلك بحبو يعني ع الاقل لازم يضحي وشو يعني ما في شغل الحب الي عن جد بشتغل شو ماكان لبين ما يلاقي وضيفه محترمه وبرأي كان لازم هو يفهمك ويحكيلك بخصوصك انت عن الزواج مش يخليك تطرحي مشكلتك ع النت واحنا نحللك ياها يعني بصراحه كان حكالك بهاي السنتين الي مرو لو انو امش بس بحبك كلام وبس كان لازم فعل يعني فهمك انو راح يحاول يعمل المستحيل لحتى يوخدك وانو متلا لاتتركيني بدي اياك يعني بشي جددددددددددي مش بس كلام حب وانا صراحه حاسيتو لحبيبك شغل كلام وحب خيالي مش جدي يعني بحب من شان الحب هاد راي ما تزعلي وانا لو مكانك بصرررررررررراحه بتركو وانت لانو يمكن شايفك كتير مهتمه الو وبتحبي فهو عايش بوهم الحب ومبسوط وهو شاب ما بينخاف علي بس انت الي بضيعي فرص ونصيحتي الك بصراحه قللي اهتمامك في وخففي مراسلات بلكي حس اشوي ع حالو انو انت كمان الك مستقبلك يدكر انو انت لازم تشوفي حالك مش اوهام وبس شغل حكي وانت عارفه حكي الشباب والله بتمنى اعيش معك العمر كله00000000 والله لو بايدي لاختك من الصبح ومش عارف شووووووووووو يعني لو مكانك انا ما بضلني وبصراحه اكتر الحب الحلو والي بيستحق انو نهتم في لما تحسي انو في نتيجه وغير هيك بصراحه بحسو حب مع تسلايه وانت واعيه واكيد بتعرفي يعني هو يمكن حبك بس مش فارقه معا وكتير حبو وما اخدو الي حبوهم شو يعني احكيلك يا حبيبتي اعتبريها دكرى حلوة
انا لو مكانك تركتو حتى لو حب والحب حلو انو تكون البنت تقيله في ةالشاب الي ميت عليها من شان يعرف قيمتها وانت لازم تخلي عقلك يفكر وانت ما عرفتي عنو كل شي بالتفصيل يمكن بعد الزواج تحكي ياريتني ما اختو فانتبهي ع حالك وفكري منيح والله يوفقك

الى صاحبة المشكلة انا حاسة فيكي كتير
بس بصيحتي انك لا تتركي حدا انتظرتيه هالمده لانك مش من الممكن انك تحبيه غيره ولو حبيتي غيرو مش رح تنسيه ولو نسيتي الا ما يجي يوم وتتزكريه وينحرق البك لانك مش معو...

(يا ماخد القرد على مالو بيروح المال وبيضل القرد على حالو) يا ريت تكوني فهمتي اصدي من المثل

مع تحياتي
الصيدلانية سماح

اول شي ما في اشي اسمه حب بلاسلام تاني اشي سيدنا عمر حكى لو ان الفقر رجل لقتلته,الفلوس اشي اساسي لديمومةالاستقرار ودينا الحنيف حكى من ترضون دينه اول اشي وماله ورب العباد قال في كتابه العزيز(المال والبنون زينة الحياة الدنيا والباقيات الصالحات خير وابقى)قدم المال عل البنون اما الباقيات الصالحات هاي بين العبد وربه,والمال اساس مهم جدا وبعد الدين مباشرة وفش اشي اسمه حب الحياة الزوجية بتختلف جدا عن حياة الحب اللي متوهمين فيه الزواج اسمى مؤسسة لبناء وخلق الحب الحلاااااااااااال ,المشكلة انه الواحد بنسى دينه وبنظر,نصيحة صوني نفسك يا صاحبة المشكلة واستريها مع ابن حلال احسن

اسعد الله اوقاتــك.....

بدك تتعــودي على هــاد الشـــــي......

يامـــــــا متلـــك وقعـــو في هـــادب المشكلـــــة......

ونــــا انســـــــــان متلهـــم.... في اول حــب بحيـــاتي..... وهبتـــــو كل ما املـــك..... لممـــاتي.....

لكــن بالنهايــــــة تزوجـــت واحــد تــــاني..... مع انــــو ما في شـــي وكــــان كل الي بينــــــا اجمـــل شي بالكـــون.....

لكــــن بالنهايــــة صفيـــت على (مجـــروح).......

ولكــن بفضــــل الله اقدرت اتخلـــــص من هادي المشكلــــة....... بأيمانـــي باللــــه.....

وقدرت اكمــــــل مشــواري....... وأبحـــث عن حب جديد.....

ونتــــي لازم تقوي على هادي الشــــي..... خطــب وتركك.... لا تزعلــــي على انســــان باعـــك.....

الي ببيعــك بالغالــــي بيعيـــــة بأرخـــص الثمـــــن...... وعيشــــي حيــاتك..... دون ما تفكـــــري بأنســــان.....

حتـــى لو كــــان كل حيـــاتك......

خلي ايمــانك باللـــه قـــوي....... وخلي أيـــامك كلهــــا كل يـــوم اجمــــل من يـــوم......

وتمنــــى لكــــي ولكــل انســــان ضحـــى وحب من كل قلبــــو... وبالنهايـــــة.....(أنبـــاع).....

حيـــاة سعـــيدة.... انشاء اللـــه.......


ودمتــــم....

عاشــــــــــــ،الفردوس،ـــــــــــق

كل الاحترررررام الك والله انا حكيت الي حكيته بس للنصيحه ؟؟ انا والله حكيت لانه الناس الها الظاهر مثل ما بتعرفي ؟؟ انا صدقيني بحياتي ما دخلت عليه مع انه النت شابك عندي بالبيت 24 ساعه وعلى الاب كمان ودايما عليه ومن زمان كثير وكثير بحتاجه بدراستي وما بستغني عنه ؟؟ بس بدي أسألك سؤال والله ما قصدي الا حسن النيه وانا بحترمك لو ما بعرفك ؟؟ انتي واثقه 100% انه هو مثلك ما بضيف الا زملائه ؟؟ لا تفهميني غلط واكيد مش كل الشباب واحد وفي شباب محترمين وانشالله يكون واحد منهم او يمكن يكون يا رب ؟؟ بس خليكي بعينه اكبر وصدقيني انه الفيس بوك دمر حياه كثير وخرب عليهم مع انهم هما ما بدهم هيك ويمكن واحد من الطرفين انظلم فيها ؟؟ غلطة البنت " مع العلم اني ما قصدي عنك والله بس بشكل عام " والشيطان فتان وبزين للانسان مش مثل غلطه الشب ؟؟ انا ما قصدي الا النصيحه الك والله يمكن هو كان السبب الي جمعكو وانا نصحتك عشان ما يكون السبب " لا سمح الله " وانشالله لا يارب في انكو تفترقو ... بس انا مثلا عندي ع الايميل ايميلات دكاترتي بالقسم ببعث الهم واجبات عليهم واهلي وزميلتي يعني مش معقول انتقدك وانا مثلك ... بس الموضوع حساس والفيس مثل ما بتعرفي مفتوح والكل شغال عليه لهيك انا بتجنبه .............مع تحياتي الك وبكرر اسفي اذا قصدي افهم غلط

كل الشكر على التعليق و النصيحة , انا لم اتعرف عليه على الفيس بوك فهو قريبي و لكن اول اتصال كان من خلال الفيس بوك و بعد ذلك اصبح الاتصال على الموبايل و لقاءات في الاماكن العامة و ان كانت نادرة كون كل منا يعيش في مدينه مختلفه... و انا متأكدة انه مختلف عن كل الشباب و تأكدت من ذلك بنفسي ... كل الشكر مره اخرى

بتشكر تعليقك وكلامك صحيح 100% ولكننا تكلمنا من منظورين مختلفين فأنت تكلمتي من منظور ديني بحت وانا تكلمت من منظور المشاعر والاحاسيس البحة وانا قصدت في كلامي الانسان لا يحب ان يحكم علية بسبب فقرة فما ذنب الانسان اذا لم يملك الكم الكافي من المال !!
وان كثرة الاموال تؤدي الى المعاصي وعلى كل انسان ان ينظر الى الجوهر قبل المال ( وان كنتم فقراء يغنيكم الله.....)

مع تحياتي واحترامي
الصيدلانية سماح

الى صاحبة المشكلة
انا اعاني من نفس المشكلة وسبب الفراق بينا هو اني اتخرجت من الجامعة وصارلي سنتين مش لاقي وظيفة توفرلي اقل الاحتيجات او اتقدم بعين ثوية لاهل حبيبتي وحتى عمري 27 سنة بس اكيد مش نفس المنطقة
وبحكيلك كلو قسمة ونصيب

الى صاحبة المشكلة

انااعتبر هذه ليست بمشكلة بل اعتبرها بلاءمن الله لأن الذي يحب لا يخلق المشاكل مع الحبيب

بالنسبة لموضوعك عندك حل وهو حل صريح وواضح بمعنى الكلمة

انتي قلتي انها توجد فررص للزواج ممتازة عرضت عليكي ولكن لا تستطيعين اخذ القرار او التفريط بحبك

وتقولين ان الشاب حاصل على شهادات عليا ولم يستطع ان يتدبر نفسه بعمل

عزيزتي
اعتذر اذا كلماتي قد تجرحك او تغضبك ولكن الصراحة اغلى من كل كشي في زمن مبطن زمن يضع الشاب على وجهة مئات الاقنعة وكل ساعة بقناع معين

انا الذي اتحدث اليكي شاب وقد مررت بهذه التجربة واجبرت نفسي على التخلي عن اعز وارقى مخلوق عرفه قلبي جارحاً قلبي جاعلاً السواد امام عيني مدى الحياة
لقد تركت حبيبتي لاني لا استطيع الزواج بها بسبب ضروفي وضروف اهلي ( غير موافقين )

اما الحل لقصتك التي تأرت بها هي أن تجلسي انتي وحبيبك وتصارحية ان يتقدم لخطبيتك اذا كان ينوي وانك ستعيشين معه مهما كانت ضروفة
او ليتقدم من اهلك ويحكي في حكيك ولو قراءة الفاتحة علشان تثبتي انه بده اياكي

تأكدي عزيزتي ان الرجل يصل مرحلة حب معين واذا طال هذا الحب يصل الى مرحلة اللاتعبير وهي مرحلة يصبح الحب عنده عادة ولا يأتي بالجديد يعني اذا ما شافك اليوم رح ينجن ليش لآ،ه مخه وعقلة ترتب عليه رؤيتك كل يوم وليس ان حبه لكي هو اللي افقده عقلة

وانتبهي لنفسك قبل ما يفوتك القطار وتعنسي وانصحك انه الرجل ما يعيبة كبر العمر كالبنت اذا تجاوزت العمر المحدد (20-26) تصبح كبيرة في نضر الشباب وخاصة الجيل هذا

استنى منك خبر
ولا تنسي صارحيه بالموضوع