يا صغيرتي 50 دينار ومحتاره فيهم اذا اردتي ان يبارك الله بمالك فعليك ان تضعيها في يد والدتك فالام لا تسرق نقودنا وبيدها تتبارك النقود وتزيد لا تكوني طماعه فالنقود ليست بذات اهميه يقال عنها انها وسخ اليدين خبيهم مع ماما ما بنسرقوا ولا بضيعوا يا صغيرتي.

والله هالجيل شي قوي من الاخر عمرك 14 سنه وخايفه على عيديتك وقاعده بتكتبي مشكلتك العويصه على النت من ورا اهلك واهلك غايبين طوشه بعرفوش بنتهم شو بتعمل جيبي مكموره او مطموره او افتحي الفرشه والحشيهم جوا الفراش او خبيهم تحت البلاطه او حطيهم في عوبك او افتحي حساب بنكي او احكيلك اشتري فيهم كم بطاقة موبايل شغل الحكي مع صحباتك ومعهم كتكات وشراب طاقه وعلكة شعراوي وتكون علكة بلالين الله ...ما اقواكي... من وين كل ....

الله ...

اعطيني اياهم وانا بخبيهم الك

اعطيني الخمسين

ناقصنا ..

احتفظي فيهم معاك لانو ادا احتجتيهم راح يسألوك عن السبب فاتصرفي فيهم بحرية بس ما تسرفي فيهم

حرام عليكم هاي طفلة عاملوها الطف من هيك

واللة يادادا انك فاضية اعطيهم لامك ... طيب فعلا انك فاضية

حـبـيــبتــي انــتــي
و الــــلـــه دخــلــت قلـبــي مـن غــيــر ما اشــوفــك
دايـنــيــنـي ايــاهــم

ياعمي ...........................يارند


اذا بدك اعطيني اياهم وبشغللك اياهم في البسطة



والك مني كل اخر شهر3 دنانير ربح


موافقة ولا لأ؟؟؟؟؟؟؟؟؟؟؟؟؟؟؟؟؟؟؟؟


خبريني عمو



بسطة ابو العبد

اشتري هدية زغنونة لماما والباقي خبيه.......................

خبي قرشك الابض ليومك الاسود

والله يا حبيبتي ايش خليتي لاصحاب الاموال
فعلا صاحب المال تعبان يا اخوان
شوف البنوته 14 وتعبان تفكيرها ومتغلبه ومشكلتها باعثيتها على اريد حلا
اااااااااااااااه والله جيل بعبع صدق اللي حكاها وما كذب







\\\\\\\\\\\\\\\\\\\\\

تفكير منطقي ....(حساب توفير ) منذ الصغر وانا افكر بهذا الا انني لم اصل في يوم من الايام الى هذا السقف العالي من العيديات ...على ايامنا اتخن عيدية كانت نصف دينار واللي كان يجمع خمسة دنانير كان ابو زيد خال-و ....تحياتي الك يا حلوة

يا سلام والله انك قد حالك بدك تخبي الفلوس عن اهلك بكرة شو رح ي
تعملي لما يصير معك اكتر من هيك

تصدقي بجزء منهم لحتى يصير فيهم بـَرَكة ، وخبي الباقي ربما احتجتي شيء ولكن لا تشتريه الا بعد مشاورة الماما

بصراحة لو انا مكانك وبعمرك..كان رحت شريت فيهم فتيش ليوم الفتيش ومسدسات مي وبفرط عشر دنانير منهم لبرايز وشلونة وبصير اضرب ابن الجيران كل ما يمر من جمب دارنا والباقي بشتري فيه شبس ابو الشلن وبعمل حفلة شبس لصحابي

حطيهم في حصالة واكيد بيجيهم يوم واذا انك شاطرة بتزيدي عليهم من مصروفك

انا بحكيلك شو تعملي فيهم شو رايك تسدي ديون دبي لانه عليهم خمسه مليارات مش عارفين يسدوهم قصدي خمسين دينار حطيهم بايد امك واحكيلها تخبيلك اياهم بتطلعي هون ولا هون مع صحباتك رحله بتصرفيهم

لأول مرة ........

أشعر بنقاء ... وطيبة .... المعلقين علنا ..... رغم قناعتي المسبقة بذلك ..

ولكن .. هذه المشكلة أدخلت الطابع الطفولي ...

أشكر ( طفلتي ) صاحبة المشكلة ..... لأنها أشعرتني ... بالبساطة ... الطيبة ... الرقة ...ولا انسى الأبتسامة الصافية النقية .... التي رسمتها على وجوهنا العابسة ..


ولو أن النت واقع حقيقي .... كان عيدتك مني كمان 10 دنانير .. لتصبح مشكلتك حينها ... اشد ..


فقط لنرى نظرات وعبارات البراءة التي طالما محتها صعاب الأيام التي سلخت من ذاكرتنا ... طفولتنا ... وفرحتنا بالعيد ..

اذا بدك الحل الصحيح اتبرعي بنصهم الى بيت من بيوت الله وخبيى الباقي مع الماما وانشاء الله بباركلك باللي ضلوا مع ماما اقدهم مرتين

اسمعي روحي اشتري فيهم اي شئ على شان تخلصي منهم بسرعه

حبيبتي رند، روحي على السوق واشتري فيهم ملابس حلوة لأنه بنت عمرها 14 سنة لازم تكون لابسة حلة كتير ولا تفكري تخبيهم بعدين بتخبي يا ماما لما تصيري تشتغلي
وكل عام وانتي بخير

مشكله عويصه بدها مجلس الامن يحلها

اعطيهم لاخوكي ...

هههههههههههههههههههههههه
والله يا رندوشه انا رايي لا تخبيهم مع حدا لانو الطايح رايح هالايام ههههههههههه
واحسن شي استني ال sale في مكة مول وروحي جيبي اواعي بتستفيدي منهم وما بتروح عيديتك علفاضي

مع تحياتي
الصيدلانية سماح

نعتذر

نعتذر

صاحب المال تعبان وقلة المال راحة

انا بدي اسالك انت كركية

بلا كلام زايد ....

ديري بالك يا رند تعطيهم لامك او ابوك لانو احتمال كبير ما يرجعو تحت ذريعة بدنا نجيب غراض للبيت .واحسن حل انك تجيبي فيهم سوارة ذهب وتخبيها ووقت ما تحتاجي للمصاري تروحي تبيعي هالاسوارة اوك واحكيلي شو بصير معك ...

مسا الخير حبيبتي انا عجبني فيكي انك قبل ما تتصرفي بعيديتك سألتي وفكرتي شو تعملي فيهم يعني انتي بنت عاقله وبتفكري قبل ما تتصرفي بنت غيرك كان ما همها شي وصرفتهم على اي شي بدون تفكير ولا سؤال هون النقطه المهمه انك ما شاء الله عليكي ما بتعملي شي بدون ما تستفتسري عنه وهاد نضوج مبكر لبنوته صغيوره متلك خبي العيديه واعتبريها ما اجتك وبلشي اعملي الك حصاله من اللي بزيد من مصروفك وهيك عيديتك بتكبر شوي شوي وعلى الابواب جاي عيد الام بتقدري تفكري تشتري هديه رمزيه لمامتك يا حبيبتي شو حلوه براءتك وبراءة افكارك ونقاء سريرتك موفقه يا حبيبتي وكل سنه وانتي سالمه .

احكي للماما واكيد هي اعلم بحالتكم واكيد هي ممكن تعمل الازم ، واذا مومحتاجينهم افتحي حساب توفير فيهم . واذا البابا بحاجة الهم دايني اياهم ، لانه الله اعلم كيف دبر حاله مع العيد .
وكل عام وانت بخير .

شو تشتري اسوارة دهب ليش هو حدا واصل هلايام ليشتري دهب ههههههه
لك با50 ليرة هدول يا دوب تجيب غرامين دهب بس لانو الغرام ب 22 صار

مع تحياتي
الصيدلانية سماح

احكيلك شغلة انا اصغر منك بسنتين وانا عيديتي طلعت 52د عشان يصيرو 100 اعطيني اياهم هههههههههههههههههههههههه بس احكيلك حوشيهم انا بحوش من مصروفي وبستفييد منهم مع تحياتي

شايفك بدك تضحك على عقلات الزغيرة وتجرجرها بعشر ليرات

نعتذر

يمسيك بانوار النبي عليه السلام يا عصبي بشوف التعليقات عليك تحولت الى داحس والغبراء واني لأرى غبار صهيل التعليقات قد ملأ اريد حلا يا ابن العم فماذا انت فاعل !! ام انك قد رأيت رؤوسا قد اينعت وحان الان قطفاها وانت لها هذا فارس بني اريد حلا لا يشق له غبار عليك بهم قال هادي يعني بصب زيت على النار وبدعو بدعوة الجاهليه من العصبيه.



الله يبعدنا عن التعصيب والزعل ويا جماعه عصبي صحيح انه الرجل العنكبوت لكنه خيوطه من حرير ناعمه ومتينه وغير مؤذيه خدوا الامور ببساطه وما حدش واخد منها حاجه يعني لا تعصبوا ولا توصل فيكم الامور للحقد والكره كلنا هون صحاب وشركاء في الجريمه قصدي شركاء في ايجاد الحلول والصباح رباح والتعليقات كر وفر))))
يلا تنام يلا تنام لادبحك طير الحمام عيوني انتو ناموا نومه مريحه وهاديه والحكي للجميع واولهم انت عصبي مفهوم عيوني(ف)
اللهم بك اصبحنا وبك امسينا واليك النشور))))))

خبيهم مع ماما واذا احتاجتهم واخدتهم معلش شو قليل ما صرفت عليكي الماما ودفعت دم قلبها عليكي وبخلانه هليها بخمسين دينار عيب حبيبتي شو ما دفعتي للماما ما بتقدري تعوضيها طلقه من طلقات الولاده خليكي عاقله وخلي ربنا يوفقك بباقي حياتك

صغيـــــــــــرتي......

مش غلط انك تحوشيهــم... وتزيدي عليهـــم.... انتي بنت مو شب يعني ما بتروحي ولا بتيجي كتيــــر....

لية ما تخبيهم ما بتعرفي الظروف كيـــف في الايــام الجايــــة...... همـــا الهم طريـــــق..... مش الله اعلـــم وين طريقهـــم....


لا تزعلي من المهزلة الي في التعليقـــات موجهة الك..... خليــكي متلـــــــي......

ومتل بعض المعلقيـــن......

(لا ارا... لا اسمع.. لا اتكلــم....).... طنشــــي....

موفقـــــة صغيـــرتي......انشاء الله يا رب عقبــــال ا يصيـــرو بأيدك50الف .....


وكل عام ونتي بألف خيـــر.....



...........................

تحيـــة على لـــــــــــــــؤلـــــــــــــــؤ جراســــــــــــا......


كــــــــــــــــ،عــــام،ــــــــ،وأنتي،ــــــــــــ،بألــــف،ـــــــــــــــ،خيـــــــر،ــــــــــــــل

مجنوووووووووووونة

نعتذر عن التعليق على هذه المشكلة ....



وكل عام وانتم بخير ....



®KING OF HUNTERS

فعلا انك زنخة وما في داعي تضلي تتمسخري على العالم
وحده تافهه

يا ست ماما ... البنت عمرها بس 14 سنة وشو بعرفها بطلقات الولاده .... يا ريت ما تفتحي عيون البنت على هيك شغلات .....
أنا بقول للبنت إنها تشتري فيها شئ (عيد الأم قريب أو عيد ميلاد الماما أو البابا) ... أوخليهم معاكي إذا بدك دفاتر أو قصص يعني أغراض من المكتبه .... وشوفي الماما شو بدها إسأليها إذا بدها طنجره أو كاسات أو صينية ضيافة وهيك كل ما يأتي زوار لماما بتقول هدول هديه من بنتي حبيبتي ....... أوإشتريلك كفر تخت لغرفتك أو غرفة الماما .... هيك بتظلك تتذكرين إنه هادا الشئ منك إنتي .......
ذكرتيني أنا عمري 40 سنة ولتاريخ اليوم إنا أحتفظ بأول طقم (فستان) إشتريته من أول راتب لي لما كان عمري 19 سنة) والله له معزه خاصه عندي.

شكرا ..

ويا فتوش .... عذرا .. ولكن .. اصبحت تتجاوزين الحدود

لا نقاش معك ...يعني لأنك طلبتي التواصل معي .. وأنا ما جاوبت ... خجلا والتزاما بما أؤمن به أن عصبي لن يخرج خارج نطاق هذه الصفحات ....

لأن أتواصل معك أو مع اي كان هنا خارج نطاق التعليق هنا .... no way

والله حلوه هاي.. يعني يا بتتواصل يا اما بنزل بساحتك... لأ .. انزلي بساحتي .. لكن ضمن حدود الأدب والأحترام المتبادل ...وان خرج الأدب عن الحد المسموح لغياب الرقابة أحيانا ... أتوقف عن الرد ....

ويا تعليق ( 38 ) لا يوطرزلك ) ... كنه عينك عالعشر ليرات؟؟؟؟؟؟؟؟؟؟؟؟؟؟؟؟

يا جراسا وانا بعتذر الي بضيع وقت معكم وبفتح على موقعكم طالما ما في حرية في الرأي عندكم وتنزيل التعليق الي بعجبكم

يا شباب ويا صبايا اليوم صاحبة المشكلة عازمتنا على سدر منسف من عند جبري بالخمسين دينار اللي معها وانشالله حدا بعتذر وما بيجي (بعدين البنوتة بتزعل) اوووووك

البنــــــــــت صرفـــت ال50 دينــــــــار......

ولســــــة بعطو فيهـــا حلــــول شو تعمل فيهـــــــــــم.....


هههههههههههههه

والله مش معقول لهلأ ماصرفتيهم ؟؟؟؟؟!!!!!

بسيطة اعطيني اياهم وانا بخبيهم الك

اعطني اياهم بشغلك اياهم بالذهب بتجيبلك الخمسين شي عشر دنانير شهري

خبر عاجل البنت صرفت 50 د يا جماعة

حطيهم بالبورصة

بتعرررف والله تعليقك ذبحني من الضحك ؟؟ انا معي نزله واما قريت تعليقك " اكلت هوا " بس ضحكت من قلبي ما أخف دمك !!

انا كل الدنيا واقفه على خمسين دينااااااار بس





بخ

لمين السيارة !

اسمعي ياشاطره لفيهم وحطيهم بسطل الرز لمده سنه ارجعيلهم راح يصيرو الف خدي مني واعمليها

شو هالمسخرة هاي ؟؟
كل تعليقاتكم مسخرة وفعلا انكم شعب مش مستعد يفكر لأبعد من نص متر!!
الطفلة رند قليلة تربية وهذا الواقع اللي ما حدا فيكم انتبهله ، والدليل على ذلك انه لو كانوا اهلها بنعمة وبخير كان ما خافت على الـ 50 دينار اللي شايفاهم قد الدنيا ومع العلم انها استهلكت فيهم حفاظات بأول 3 شهور بحياتها ! يعني أنا استنتجت انه اهلها طفرانين وما معهم حق فاتورة كهرباء !! والمفعوصة رند جاي تتعرف على عيديتها !! فعلا جيل وقح بمعنى الكلمة !!
عالعموم الله لا يعيز أهلها لمصاريها ولا يخلف عليها !

ملاحظة : لم أحترم الا تعليق رقم 41
وأهبل تعليق كان من الأخت أم يوسف صاحبة تعليق 46 لأنها على نياتها وما بتعرف انه بنات اليوم بعرفوا عن الحمل والولادة والطلق أكثر منها !!

بالمناسبة انا عيديتي طلعت20 دينار وابوي مهندس يعني ما تخافي مستور

عفكرة انا البنك المركزي ازا بتحبي حطيهم عندي وبازن الله بيولدو اكتر من خمسين يا شتورة شو رايك

ارجو ان ينظر الجميع من زاوية انها ما تزال في مرحلة الطفولة والبراءة والكثيرون منكم انتقدوها بطريقة لاتمت لما كانت تقصده بصله ففي الطفولة البراءة فارجو عدم العمل على تنكيس معنويات الاطفال بما يكن في نفوسكم من استهزاء حتى بالاطفال ........... يمكن ان ننصحها بان تفتح حسابا في احد البنوك وتخبر والديها بذلك مما يعود عليهم بالفرح والسرور لما فعلته وسوف يشجعونها على المزيد من هذا العمل والحرص على ما تحصل عليه ابنتهم من مال لتنمي في نفسها الحرص ومعرفة كيفية صرف هذه النقود مستقبلا