اللي بتدرس مهنة الطب بكون في عندها واجب انساني بدها تأديه للغير و مهنه عظيمه وبتاخد من عمر الانسان بالدراسه فتره طويله واصحابها بكونوا من المتفوقين في دراستهم .

اذا كنتي بتحبي تقعدي في البيت ليش درستي طب لانه الطب مش كأي تخصص اخر الطب دراسته فيها عشق لمساعدة الاخرين والتخفيف عنهم .

انتي الان باعتبار متزوجه والخيار الك ولخطيبك مش لاهلك اذا حابه تقعدي في البيت وتصيري ست بيت انتي حره وزوجك حر اهلك ما الهم دخل.

لكن على الاقل اشتغلي لحتى تنجبي طفلك الاول وبعدين بطلي شغل يعني زوجك بالدوام وانتي طول النهار شو بدك تعملي تستنيه بس يمكن مع الاولاد تنشغلي بتربيتهم يعني في اشي بستاهل تقعدي علشانه .

الحياه زي ما فيها اخد فيها عطاء ومهنتك حرام تضيعيها وتعلقي شهادتك على الحيط منظر

افتحي عياده وداومي فيها على راحتك وانت سيدة نفسك والتخفيف من معاناة المريض فيها اجر كمان الله يوفقك

فعلا هي مو مشكلة انتي تفاهمي انتي وزوجك وبعد الزواج اتركي الشغل واهلك احكيلهم انة انتي تحترمي وجهة نظرهم ورايهم بس انة تتركي الشغل افضل لالك ولبيتك وانتي شهادتك معك باية وقتت تتوظفي اذا احتجتي الوظيفة وبالتوفيق انشاء اللة

تحياتي ايتها الطبيبة وبعد ، يجب ان تعلمي ان اي شيء في الحياة لا بد ان يتاتى من خلال القناعة والرغبة وبالتالي فان عملك وهو في مجال صعب يرتبط بالصحة ويتطلب اعلى درجات التركيز يجب ان يكون نباع من الرغبة والقناعة ومن ثم التركيز حتى تزاولينه ، اما فيما يتعلق برأي اهلك فالامر اسهل مما يبدو ، اذ لا انصحك بابلاغ اهلك قبل الزواج برغبتك في ترك عملك ودعي هذا الموضوع الى ما بعد الزواج ، ومن ثم متى ما اصبحتي في بيتك وبيت زوجك فانتي الان مسؤولة شرعا وقانونيا من قبل زوجك ، وعندها بامكانك ان تبلغي اهلك بانك تركتي او ستتركي العمل للتفرغ لزوجك وببيتك واطفالك بالمستقبل ان شاء الله تعالى ، ولا ارى ان تبلغي اهلك قبل الزواج حتى لا تثيري اية مشاكل تعكر العلاقة بين زوجك واهلك اذ قد يذهب البعض بالظن ان زوجك هو من يقف وراء هذا الاقتراح او الرغبة في ترك العمل ما قد يسيء الى العلاقة بين زوجك واهلك وما ينعكس ذلك سلبا على حياتك وعلاقتك بزوجك .
اتمنى ان اكون قدمت ما ينفع سائلا الله العلي القدير لك كل التوفيق .

الى صاحبة المشكله

انا من المؤمنات بضرورة انها المرأه تتستت في بيت زوجها وفي مملكتها وتاخد بالها من بيتها ومن زوجها وتربي اولادها تربيه صالحه .

واذا الوحده زوجها مرتاح ماديا وبده يقعدها في البيت يا مية اهلا وسهلا الست مكانها الطبيعي البيت معززه مكرمه .

لكن بهادي الايام الست بتشتغل لتعين زوجها الموظف البسيط على امور الحياه وايدها على ايده
ولا هو من شي قليل استرجلت الستات الله يعينهم متل تور الساقيه .

بدك تتستتي هاد قرار مشترك بينك وبين زوج المستقبل لانه مرته شرعا .

بس بقول اشتغلي شويه بمهنتك اثبتي نفسك لفتره بسيطه وبعديها شوفي شو بناسبك بس ضروري تتفقي انتي وخطيبك من هلأ انه في مجال انك تقعدي وبنفس الوقت يمكن اذا غيرتي رأيك ترجعي تشتغلي بالطب يعني اطلعيه على قرارك قبل الزواج عشان ما يحصل خصومه .

الطب حلو بس اللي احلى تاخدي قرار من قلب ورب وتلتزمي فيه ويكون قرار في مصلحتك ومصلحة حياتك الزوجيه .

كل سنه وانتي سالمه بس ممكن استشاره عم بدوخ كتير شو رأيك السبب بس خليها استشاره مجانيه :)

والى حماده تابعتلك كم تعليق يسعدو حماده شو معلق رايق وكلامه موزون يسلم تمك

يعني حرام هيك
الافضل تقنعي نفسك اولا واخيرا بأن لا تتركي العمل لانه طبيبه وقعده بالبيت ما بتزبط
ما بعرف ليش لحتى تتعبي من البدايه بالدراسه وتكاليف الاهل عليك مش اشي سهل
الان مش وقت لوم بس كمان انتي حرام تضيعي كل هذا لاجل رغبتك
بس اذا مافي قناعه منك بأداء عملك مش راح تتقني العمل ويمكن تأذي بدل ما تعالجي
انا عندي حل بسيط
ممكن اخذ فتره راحه سنه على الاقل يمكن رجعت واشتقت للمهنه واجلي هذا القرار للايام ولا تجعليه قرارك النهائي
وفهمي الاهل انه هالقرار قيد التفكير لانه بصراحه قرار مثل هيك اكيد مصيبه عليهم
وفهمي ايضا خطيبك انك احتمال هالقرار ما يكون النهائي وانك في اي لحظه راح تباشري بالعمل
ونصيحه مني اختي

اي قرار في الدنيا لا تبيني لاي انسان انه النهائي حتى لو كان هيك
لانه الله اعلم ما في النفوس ولا يبقى على ما هو الا هو سبحانه
الدنيا يوم عن يوم بتتغير والناس حتى الانسان نفسه ظروفه كل شيء حواليك
الافضل يبقى الانسان دائما غامض للناس جميعا وما يعرف ما بداخله الا نفسه فقط
اختك انشالله





\\\ فطوم \\\

هاد شي برجعلك وبرجع لزوجك الي هو خطيبك حاليا . انا بنصحك اشتغلي فتره بعد الزواج وبعد الولاده الاولى ازا كنتي حابه تتفرغي لاولادك اتركي الشغل واهلك رح يقتنعوا ازا حسوا انك فضلتي اولادك على شغلك عشان تربيهم وتهتمي فيهم وبعد الزواج رح يبطلوا يضغطوا عليكي سدئيني لانهم رح يعرفوا انه انتي هلا ست متزوجه وانتي وزجك الكم القرار بس هلا همه بحكولك لا لانك بعدك عايشه معهم وما تزوجتي

نصيحة حبيبتي

ما تتركي شغلك

انا غامرت وتركت وظائف كبيرة عرضت عليي مشان جوزي ........................وهلأ............................ادركت خطأي والله نصيحة ماتتركي الشغل طعملك فيه قيمتك والله ماعمري شعرت بقلة القيمه الا بس تركت الشغل ما تحكيلي انو خطيبك كتير كويس

صدقيني بيتغيرو بس ابو سنه او سنتين الزلمة بيتغير

انا ما بدي اياكي تتشائمي بس ما تتركي شغلك يا ريتني ماغامرت وتركت شغلي كان هلأ لحد الان بيحسبلي حساب

ديري بالك عحالك وبتمنالك حياة سعيدة حبيبتي

وربنا يوفقك

كل عام والجميع بخير .
انا بنصحك ما تتركي العمل .
لانه العمل ليس فقط معناه ان تعملي وتاخذي راتب اخر الشهر وتصرفيه .
العمل بساعدك على تنمية نفسك اجتماعيا" واقتصاديا" .
العمل بساعدك على زيادة ثقافتك .
العمل بساعدك على كشف كثير من تجارب الحياه .
والكثير من الحسنات التي يمكن ان تحسن من وضع عائلتك ثقافيا واجتماعيا ونفسيا .....

الله يهديكي للخيار المناسب .

الاخت صاحبة المشكلة , مش غلط انك تفضلي بيتك على شغلك , بس هل قرارك هاد رح يكون نهائي ..؟؟ هل رح تلاقي شي تعمليه باوقات فراغك اللي رح تكون طويلة , من غير ما تملي و تبلشي تدوري على شي يشغلك ؟؟؟

انا معك بان البيت رقم واحد خاصة ازا في اطفال , بس ازا بتقدري توفقي بين الاتنين ليش لا؟
كم مرة رجعتي من الشغل مبسوطة لانك ساعدتي مريض حالته صعبة , او لانه في مريض او مريضة شكروكي بطريقة خلتك تخجلي و حسيتي بسعادة من هالشي ؟ فيكي تكملي حياتك بدون هي الشغلات ؟؟

بتمنالك التوفيق

سلام

الطب مهنة انسانية واذا انتي عديمة الانسانية اتركيها
وكثير من الاطباء اخذينها مادية لاتفكري غلط

بعض الاطباء بخدموا في دول مثل افريقيا بدون مقابل وهم ون دول العالم الاول
ولو تشفي الحالات الموجودة هناك بقرفي اليوم الي فكرتي تقري طب
وللعلم اهلك فخورين انك دكتورة وما بدهم شي مادي وين الانسانية

اولا بدي اشكر جميع المعلقين اللي سبقوني بالتعليق .... وفعلا شيء مفرح انه نلاقي هالاهتمام بصاحب المشكلة ....وهالتعليقات الجميلة الهادفة ... ونلاقي هالتسابق من الجميع لاعطاء حلول ...واراء واقتراحات ... في هذه المشكلة والمشاكل السابقة ... مما بعكس سمعة زاويتنا العزيزة وموقعنا العزيز جراسا .... وسمعة رواده ومعلقيه ...

تعليقات رائعة ... كلها تصب في نفس الهدف .... لكن انا هون بدي اركز اواعيد التركيز على بعض الاشياء :
1- الشغل بالنسبة للمراة مهم مش بس علشان الفلوس ...الشغل هو تحقيق للذات ... ومحاولة ممارسة واداء دور بالمجتمع .

2- مهنة الطب مهنة انسانية بالدرجة الاولى ....ومهنه راقية ومحترمة ... وان بزعل لما اشوف طبيب اوطبيبة ما بيشتغل بمجاله .

3- حرام الطبيب يدرس سنوات طويلة ...ويبذل جهد كبير في الدراسة ...والتردد على الجامعة لعدة سنوات ...وبعدين يقعد في البيت ... ويضيع على حالة فرصة اداء دور مهم في المجتمع ...وفرصة خدمة الكثير من الناس المحتاجين ...

4- المرأة العاملة عموما ... تكسب احترام المجتمع ... واحترام عائلتها وزوجها ..
في النهاية ... هذاشيء بيرجعلك ..وانتي صاحبة القرار الاول والاخير فيه .... لكن انا بدي اضم صوتي لصوت الاخوة .... وبطلب منك تتركي الشغل ...

وكمان بدي اطلب منك ترجعي تقرأي تعليق الاخت (ريما) رقم 7 .... وتتمعني وتفكري فيه كويس.....لانه تعليقها ملىء بالخبرة والواقعية ... تماما كتعليقها في المشكلة السابقة ..






®KING OF HUNTERS

تسلمي على الكلام الطيب والحلو وهذا من ذوقك الراقي والرايق بما انك اخر روقان اشكر لك ثقتك وتشجيعك وعلى فكرة اؤيد ما ذكرتيه من ان البيت هو الاساس للمرأة .
الى المعلقين ممن ينصحوا الاخت بعدم ترك العمل اقول : والله يا اخواتي واخواني ويا اختي صاحبة الموضوع انا انصحك - طالما الرغبة والقناعة لديك متوفرة - ان تتركي العمل وتهتمي في بيتك وزوجك وان شاء الله باطفالك فاهتمي بهم وربيهم تربية اسلامية عربية اصيلة ويكفي ان تنجبي طفل - سواء انثى او ذكر - وتخرجيه للمجتمع فرد صالح ان يغنيك عن العمل وفوائده التي ذكرها البعض .
اتمنى للجميع الخير وكل عام وانتم بخير مسبقا

صرتي إمخلفه و ال7 أولاد بركضو بلبيت و بدك تعملي برنامج منال العالم أو معا اسامة أطيب؟؟؟

شكلك سبقتي أحلامك ب20 سنه و خططتي مين بدك تخطبي لا ابنك رقم 6 و كل البنات مش عجبينك!!!!!!!!!!!!!
والله شكلك لسة أصلاً ماخلصتي توجيهي!!
شكلو المشكله إنك بتلعبي عروس و عريس و طلعت معك هلحكايه
الله يشفي

اختي الكريمة انا رجل متزوج من 3 سنوات تقريبا... زوجتي كانت تعمل عن عمي ( حماي) معلمة في مدرسة خاصة و هو صاحب المدرسة, كنت اريدها ان تترك العمل وهي كذلك تريد ان تتفرغ للبيت فوجد عمي انو لا يرد منها ان تترك...فصبرت الى ان اصبحت في بيتي فانا لان رب البيت وليس والدها مباشره قدمت استقالتها و لان و الحمدالله انها اروع زوجة بالتاريخ و لدي اجمل طفل الله يحفظهم لي و عقبال ما انشوفلكم.

تريثي اهلكي لن يعيشو معك طوال العمر سوف ياتي يوم تكوني انتي و زوجي وحيدين بهذه الدنيا " طولي بالك علبين ما اتصيري في بيت زوجك اذا اهلك لا يريدون"

صديقتــي....

اسعــد الله اوقاتــك....

مش غلــط انك اتضلــك على رأس عملـــك..... وحتــى لو تزوجتـــي ضلــك على رأس عملــك...... هاد الشي ما بأثر عليــكي او على زوجــك او الى بيتــك....


ولــكن بالنهايــــة ستتركيــن عملــك عندمــا يصبــح عندك اولاد انشاء اللـــه.....

ما بتقدري تحكمي بيتــك وشغلــك مـــرة وحــدة........

فااااا خليــكي على رأس عملــك..... لغايــة منا انشاء اللـــه تتزوجين على خيـــرة اللـــه....

وعندمـــا يصبــح عندك اول مولــود.... ستتغيــر نفسيــك وحتـــى نفسيــت اهلــك..... بأنك ستصبحيــن غيـــر قادرة على شغلــك....

وقادرة على طفل رضيـــع لتربايـــتة.....

حتـــى لو اقترحو عليــك بأن تأتي بخدامـــة للبيــت لتقــوم بأعمـــال البيـــت ورعايـــة اولادك ....

ما بنفــع..... فأولادك بحاجــة لرعايتــك.....

لا تفكـــري باليــوم... بل فكـــري ما بعد اليــوم......


وأنشاء اللـــه ان يتـم زواجــك بكــل خيـــر.....

ولكي فائـــق الاحتـــرام......


جهــــــــاد........ عاشــــــــــ،الفردوس،ـــــــــق....سابقــــا المنســــــــــــي

شكرا جزيلا لكل من رد و حب انه يساعدني بمشكلتي .

بالنسبة لقصة انه ليش درست طب , و مهنة انسانية و حرام اتركها , انا درست طب لانه هذه كانت رغبتي منذ صغري , و لانني لم اتخيل نفسي سوى طبيبة و الله يشهد كم درست لحتى اطلع علامات عاليه بالتوجيهي .
انا اشتغل حاليا , و اشتغلت لفترة تتجاوز الثلاث سنوات بقليل , لكن و بمفهومي فأن اسمى واجب للمرأة هو ان تكون اما و زوجة صالحة و هو طريق قصير للجنه برايي , ف عندما تكون الاختيار بين هذا او هذا , البيت اولى بنظري ,
لكن انا من الاساس فكرت بفكرة اتمنى ان تكون ممكنه , و هي ان اخصص من وقتي اسبوعيا ساعات محددة , اعمل فيها تطوعيا في احد دور العجزة او دور الايتام , اعتقد بهذه الطريقة سوف اضرب عصفورين بحجر , لن ابتعد عن عملي كثير و بذات الوقت ساكون قادرة على ان اساعد و يكتب بميزان حسناتي شئ يعتبر صدقة عن نعمة الله التي من بها علي .

الصراحة انه لدي خوف شديد من عدم القيام بمهامي كاملة في البيت و في العمل ,فكرة وجود من يساعدني في المنزل فكرة مرفوضة تماما , لا مربية و لا اي نوع من انواع المساعدة فلا احد يضمن من يعمل في بيته و يأتمنه على اسراره ..

فكرت كذلك في شي أخر وهو ان اغير اختصاصي الى اختصاص اخر لا يحتاج دوام طويل , و هذه الاختصاصات ممكنه , لكنها تعني 3 سنوات من الدراسة للاختصاص اذا لم يكن اكتر .

الاخت اللي قالت لي مشكورة الا اجعل قراري نهائيا , انا فعلا فعلت هذا شئ , طرحت الفكرة بصيغة الاحتمال , عمل المرأة يقوي من شخصيتها و يجعلها تتطور مع الزمن فكريا و اجتماعيا , لكن اعود و اقول لست متاكدة ,
شكرا من جديد لكل من ساعدني و فعلا انا الان افكر بالموضوع بطريقة مختلفة , شكرا لكم و تمنياتي للجميع بعيد اضحى سعيد و كل عام و انتم بخير

الى اخر روقان , انشا الله تكون قصة الدوخه مزحة . و كل عام وا نتي بالف خير

تحياتي للجميع

طبيبه ومش عارفه تقرري قرار بسيط او تقنعي حد ا .......

مهنتك ايتها الطبيبة لا يحكمها مكان او زمان . فلماذا لا يوجد عيادة صغيرة في بيتك وتحددي اوقا ت دوام قصيرة وتتناسب مع وضعك كامراة متزوجة .وضعي عطل اسبوعية وفقا لعطلة زوجك .

القرار لك وحدك ....لا اعتقد ان الاهل لهم علاقة بهذا.. بعد الزواج ..فهو يعود اي( القرار)

لك ولزوجك ...في النهاية ...

واعود وأسأل ..ولا اعرف ماذا حصل ...!؟ فأنا لحوح ..!

خضتيني عليك ...! كيفك ؟؟؟

اسعد الله اوقات الجميع، البيت هو المكان الطبيعي لعمل المرأة"

هذا هو الأصل في عمل المرأة الموافق لفطرتها وطبيعتها وجبلتها وهو مجال إن قامت به حق القيام وصرفت له ما يستحقه من الإهتمام لم يبق معها وقت تصرفه في أي عمل أخر ..

وهو مجال شاق فقد اثبتت الدراسات والتجارب التي قامت بها المعاهد المعنية : أن عمل المرأة في البيت يعتبر ضمن الأعمال الشاقة التي تتطلب مجهود كبيبر علاوة علي ساعات العمل الطويلة التي تتراوح بين 10 – 12 ساعة يوميا
وقرن في بيوتكن ولا تبرجن تبرج الجاهلية الأولي )أي اقررن واسكن فيها لانه أسلم لكن واحفظ . (ولا تبرجن ...) أي لا تكثرن الخروج متجملات متطيبات كعادة أهل الجاهلية الأولى الذين لا علم عندهم ولا دين فكل هذا دفع للشر واسبابه .

وأمرها وأمر زوجها بعدم خروجها من بيتها حتي ولو طلقت فقال : ( لا تخرجوهن من بيوتهن ولا يخرجن ).ويشاركها الرسول – صلي الله عليه وسلم – في المسؤولية مع الرجل فيقول : " والمرأة راعية في بيت زوجها ومسؤولة عن رعيتها " .
يقول الله سبحانه وتعالى في محكم كتابه ((ومن اياته أن خلق لكم من انفسكم أزواجا لتسكنوا إليها وجعل بينكم مودة ورحمة إن في ذلك لايات لقوم يتفكرون))
الأصل والقاعدة أن يكون عمل المرأة في بيتها قياما بالحقوق الزوجية وواجبات الأمومة وتربية الأبناء وأن هذه أمور ليست بالسهلة فإنها كما قلنا تأخذ وقتا وجهدا كبيرين .
وهذا مااقرت به اختنا صاحبة المشكلة في تعليق رقم 16.
نعم تخصص الطب مطلوب في هذا الوقت ممكن ان تطوعي في مركز ايتام يوم في الاسبوع وتحتسبين الاجر عند الله سبحانه وتعالى
نسال الله سبحانه وتعالى ان يوفقك ويسدد خطاك، ونساال الله سبحانه وتعالى ان يكمل هذه الخطبة في القريب العاجل الى زواج

اذا كانت حالت جوزك المادية سيئة ساعديه اما اذا كانت جيدة فالاختيار يبقى اختيارك

(ارجو الرد على حالة زوجك المادية)

ليكي انتي مشكلتك نفس مشكلتي تمام بس انا لسى ببدايه الطريئ يعني لسى ما تحدد شو مستئبلي بس انا ناويه ادرس طب هو طلب مني ادرس شو ما بدي بس ما اشتغل حتى ازا كان طب وئتها ئلتله ما بوافئك لانه بدي اتعب سنوات كتير لائعد بالبيت فكان قرارنا افتح عياده واشتغل فيها نصيحه مني لالك لانك طبيبه ما تتركي شغلك لو كانت مهنتك غير هيك كنت بئلك اتركيه لانه بسراحه انا مع انه المرأة تكون في بيتها لانها انخلئت لتكون في بيتها

أولا .. أعتذر عن الغياب نظرا لظروف العمل ..

ثانيا ... أعتقد ... و ... جازما أن جميع المهن مقدسة ولا تقتصر على الطب ...أو الهندسة .. لقد تجاوزنا هذا المفهوم بأن الطبيب هو قمة المهن ... هي مهنة تنصب في مصلحة معينة هدفها المعالجة .. وليس بالضرورة أن تكون مهنة ( بياع البالة ) مهنة حقيرة لأنها تصب أيضا .. في جعل البعض يرتدون الملابس ( وبالتالي الحفاظ على دفئ أجسامهم بعيدا عن البرد القارص ) كنوع من أنواع الوقاية الصحية ..( يعني طب بس من الجهة الثانية )

ملاحظة out of record ( يعني انا هسه تقريبا طبيب .... مساند.. طبيب فخري )

صاحبة المشكلة ...
التعليقات التي حملت فتح عيادة بالمنزل .... حل للمشكلة ... الا عاد اذا أهلك بدهم ياكي بمستشفى ويعرطوا انه بنتي دكتورة .. هذا شيء آخر ..لا مجال لحله ...نظرا لرؤى ومطامح يصعب الأقناع بها

والتعليقات الذي حملت بطياتها التحريض على الأستقلالية بعيدا عن الأعتماد ( الشرعي ) هي تعليقات تنم عن طبيعة الشخص المعلق الذي يفسر لنا مجمل ما يدعى ب ( الفشل ) المتلازم للأفكار الدخيلة .... اللي بصراحة ............................ خربت بيوتنا يا جماعه ..


وتحية خاصة جدا جدا .... لشيخ المعلقين ....................... ابو حمزة ...



OVER ....................................راكان ................................. عصبي

شكرا مرة تانية لكل اللي رد و عم يتجاوب معي

من ناحية حالته المادية الحمدلله وضعه المادي جيد , وانا و هو بالاساس متفقين انه نعيش حسب مستواه هو بغض النظر عن اذا كنت اعلم او لا. لانه برايي الشخصي الرجل هو المسؤل عن البيت و هذه احد اسباب قوامة الرجل على المرأة .
بالنسبة لاهلي انا والدتي مثلا امرأة عاملة , و تعمل بمركز مرموق و الحمدلله و هي من انصار عمل المرأة , و يمكن هذا احد اسباب رفضي للعمل , الحمدلله امي ربتنا تربية جيدة و كلنا و الحمدلله متفوقون و ناجحون و نتمتع بسمعة جيدة , لكن و بصراحه كثيرا ما افتقد وجود امي في المنزل , كثير ما احس انه كان هناك شئ ناقص , و اريد ان اعوض هذا النقص مع اولادي.

اعجبتني فكرة الا اخبرهم حاليا بقراري , حتى يتم الزواج انشا الله و بعدها ابلغهم بقراري ,

تمنياتي للجميع بالتوفيق و شكر لكم مرة تانيه

أروع مشكلة

انتهت بزمن قياسي

يا ست صاحبة المشكلة ليش الاستخفاف بعقول الناس يعني بدك تقنعينا انك دكتورة طبيبه مش عارفة تحل هذا المشكلة ان صح تسميتها بالمشكلة - يا اختي راس مالها معروف انت دكتورة (على حد قولك )مش موظفة يعنى تجوزى وذا حسيتى انك بحاجة الى عمل الف مستشفى خاص تقول لك اهلا وسهلا وحتى المستشفيات الحكومية يعني دكتورة وبدها تدور على شغل اذا فكرت تتراجع عن رايها -يا اختى ارجوك لا تستخفي بعقولنا

انا براي انو انت تشتغلي وما تخافي وتجربي الشغل بعد الزواج وتعتبري الشغل انو تحقيق لداتك وتجربي ادا حسيييييييتي بصراحه انو جوزك بيستاهل تشتغلي برا البيت ومقدر وضعك ومتساعد اشتغلي وبتقدري توفقي بينك وبين بيتك وجوزك لا تستبقي الامر قبل التجربه

اما ادا حسيتي جوزك انو راح يتغير بعد الجيزة ويسير طماع بشغك متلا او ما بقدر قيمتك وانك بتشتغلي برا ومش متساعد اتركي الشغل

اذا كنت لا تريدين العمل فلماذا اتعبت نفسك بالدراسة لا يجب ان تضيعي سنوات عمرك الماضية عليك ان تعملي فاذا احسست بعدها بانك غير قادرة حقا على اكمال العمل فلا تعملي.

عمرررررررررر الشغل ما عطل حدا عن بيته يعني اذا انك دكتوره " من الاخر " بتقدري توفقي بينهم وتكوني ناجحه" بالاثنتين "صح والا لا ؟؟؟ بعدين شو فايدة الي درستيه الشغل هو بحسس الانسان انه بجني ثمره تعب الدراسه بعدين ممكن تحسنو اوضاعكو وتتعرفي ع الناس وتعيشي حياه حلوه

شو دين عقلك انتا مش طبيعي نفسي اعرفك مش لاهداف بس لاكتسب من مخك مخ

لدي علي يا خالتي احكيلك شغله اول اشي انتي ظلك اشتغلي عبين ما تجيبي اول بيبي ( طفل ) اوك بعدين لما يصير عندك طفل صغير لازم ( من وجهت نظري ) تعتني بالطفل لحين دخوله المدرسة بعدين ترجعي تمارسي شغلك بعد دخوله المدرسة او الحضانة . بختصار ظلك اشتغلي عبين ما تخلفي و بس لانه اذا ظليتك في البيت رايحة تزهقي بعد 3 اشهر فقط

اقول مثل ما قالت """" الشيخة ام المشاقبة """""" واقول كمان لا تردي على اهلك ابدااااااااااااااا
لانه شكلهم بدهم يعرطوا على ظهرك يا مسكينة .............
وايد بشششششششششششششششششششششدة تعليق رقم "" 24 """" فكل الاحترام الك

اختي صاحبه المشكلة عملك مهنه انسانيه و طالما ان خطيبك لا يعارض انصحك بأن تمارسي هذه المهنه الانسانية ,,, لدي مشكله و اريد طرحها في هذه الزاوية كيف استطيع طرحها .... و شكرا

الحل عياده صغيره بالبيت او بالقرب من البيت هيك الامور بتكون حل وسط.... اما ترك المهنه
بالمره حراام.تحياتي

بسم الله الرحمن الرحيم
احكي لاهلك انك ما درستي 6 سنين عشان في الاخير تقعدي في البيت الأفضل إنك تساعدي كتير ناس محتاجين ومن ناحية تانية وهي اهم اشي الناحية الدينية لأن ربنا عد العمل عبادة وهدا إت بتأجري عليه

يابنت الناس مستعجله عالبيت لما يجي اطفال بتتركي الشغل وبعدين اجازات النسوان الله ماكثر غير منهن اي الرضاعه لحالها 5 اشهر والله غيرك مستقتل على وظيفه اذا بتسمعي النصيحه لاتتركي الشغل واذا لازم انا مع راي 35 عياده بتكفي

انا من راي انو ادا ما كان عندك اراده بالعمل لا تعملي لانو هادا الحكي رح يعملك عبئ نفسي زياده
وخاصه بمهنة الطب ئيلي بتوخد كل وقتك وجهدك
بنصحك ادا كان عندك شك واحد بالميه على عدم قدرتك بالعمل وخاصه بهذه المهنه لا تعملي الا اذا كنتي مقتنعه وعندك اراده انا مجربه