تحياتي واسمحي لي ان اشكرك على ثقتك متمنيا تفهم ما ساقترحه واقدمه من رأي ومشورة : انتي اعطيتي هذا الشاب الفرصة تلو الاخرى وبالتالي اي نتيجة قد يصل اليها يتحملها هو لوحدة فبما انك ابلغتيه بترك هذا الفعل وحتى بلغ الامر التهديد بابلاغ المدير او الخطيب ومع ذلك لم يرتدع ، الان ما هو الحل ؟ انا اقترح عليك ان تبلغيه للمرة الاخيرة بانك ستبلغي المدير او خطيبك وعليه ان يتحمل تبعات ذلك ، فان لم يرتدع وجب عليك فعليا ومن ناحية شرعية وقانونية ان تبلغي المدير اولا ولا تبلغي الخطيب الا اذا لم يتصرف المدير بما يردع هذا الشخص عن فعله فان تصرف المدير معه ومن ثم لم يتغير شيء يكون امامك امر اخير وهو ابلاغ الخطيب كي يتصرف ،وانا اريد ان اقترح عليك امرا بسيطا اتمنى ان ينال رضاكي : اقترح ان تجعلي خطيبك يزورك في العمل باي حجة - بدون ان تبلغيه بامر المراسل - وانا ابغي من هذا الاقتراح ان يرى المراسل بنفسه خطيبك ويلمس بنفسه انك لا تخصيه وانما انتي من نصيب خطيبك ، لاننا لو تسائلنا ما الذي يدفع المراسل لمراقبتك طالما انه يعلم ان لا مجال امامه في الارتباط بك ؟ فاجيب ان البعض يرفض الاقتناع بذلك اذ يعتبرها خسارة هو لا يرتضيها لنفسه - بتعرفوا الكرامة والرجولة وغير ذلك - لهذا فاعتقد انه عندما يرى خطيبك بام عينه لا بد انه سيعي ان لا مجال امامه الا بتركك لوحدك والابتعاد عن شؤونك الخاصة وعدم مراقبتك ، ونصيحة اخيرة لا تنسي وضع كلمة سر على جهاز الحاسوب وتغيير رقم الهاتف بحيث لا يعلم به واخفاء اية معاملات سرية قد يستخدمها للضرر بك في عملك .
اتمنى لك التوفيق وله الهداية والتعقل وشكرا.

ولا شي سهله بتقوليلو يتضبضب ويحل عنك ولا بوديك ورا الشمس لا تخليني احطك براسي انا متزاوله منك ومش طايقه تصرفاتك يا بتمشي عدل وزي الناس الاوادم يا ذنبك على جنبك انا ساكته مش من ضعف بس رأفه بحالك لا تخليني اندم على مساعدتك تعليلوا بقسوه وبحزم وكل واحد يعرف حدوده

ترى في ناس تخاف ما تختشيش .

صارت معنا بيسير الواحد بده يركب ويندندل رجليه وبفكر انه البساط احمدي لانه عاملناهم بلطف وبتواضع في ناس ما بتنعطى عين .

وكل سنه وانت سالمه حبيبة قلبي خليكي قد حالك بس كله بدون ما يعلى صوتك وتعملي منها مشهد .

عزيزتي صاحبة المشكلة ....

انا رأيي من رأي الاخ صاحب التعليق رقم 2 .... خصوصا انه استخدم التعبير المناسب في مثل هذه الحالة .... وهو ( ناس بيخافوا ما يختشوش ) .....

انا مش مع اخبار المدير ....... او اي حدا بالشركة ...... لانو راح ينتشر الخبر ...... والموظفين يعرفوا ويظلهم يجيبوا سيرتك ...... وطبعا انتي عارفة مجتمعنا (خصوصا اوساط العمل ....... التي لاتخلو من الناس الغيورين ( خصوصا زميلاتك العوانس) اللي مش رايحات يتركن مثل فرصة عظيمة مثل هاي تضيع ......بدون ما يسببن لك متاعب ......... خصوصا اذا كنتي موظفة ناجحة وحلوة ومخطوبة ...الخ ) ....... لانهم رايحين يقولوا ( اكيد في شيء بينها وبين المراسل والاما كان بعمل معها هيك ......وانو ما في دخان بدون نار ...الى غير ذلك من المهاترات )....... والدواوين (الطرمة) ....... وراح تجيبي لحالك وجع راس ...... ومفاصل ... ووجع في اصبع رجلك الصغير الشمال كمان ....


بالمختصر المفيد ..... وزي ما سبقوني الاخوان وقالو .... بتعطي المراسل (اخر انذار شفهي ) ..... لواستجاب معانتو ممتاز ..... ولوما استجاب بتحكي لخطيبك .... وهو بشوف الطريقة المناسبة .... اما بحكي معو تلفون ....او بشوفه بمكان بعيد عن الشركة بتفاهم معه ...... او بستناه (عالرواح) ...... وبطعميه (بدن مرتب) او ( ئتلة حشك ولبك ) .... الخ


ملحوظة: لما تحكي لخطيبك ..... احكي باسلوب كويس ومناسب ..... بلاش يتهور خطيبك ويروح يعمل شغله في الزلمة .... خصوصا اذا كان خطيبك من النوع الحمش جدا الذي يعاني من ارتفاع حاد في نسبة فيتامين ش* في الدم ....



*فيتامين ش: الشرف






®KING OF HUNTERS

سلامة نظرك يا حلو انا اخت مو اخ اقتضى التنويه وكل سنه وانت سالم

افضل شيء التطنيش
اعملي حالك مش سامعه ولا فاهمه منه اي شيء ولا تعطيه اي اهتمام
لانه اذا بلاحظ هالشي راح يجننك زياده
وسلامتك






\\\ فطوم \\\

اضربيه كف جيبي اجله ال مسكين والله شكله مو مخلي حدا من شره اسمعوا يا بنات الشباب كلهم زي بعض (الا من رحم ربي ) بس يلزقوا بالوحده ما بتركوها الا بطريقتين يا اما تمسح فيه الارض وتبهدله بهدله مرتبه يا تحكي لحدا من اهلها اما ازا شافوا البنت سكتت بحكوا هاي البنت خايفه من اهلها وما في حدا وراها وبضل يلف حواليها لهيك يا بتبهدليه بهدله تنسيه حليب امه يا بتحكي لاخوانك او خطيبك خليه بس يشوفك يحط عيونه بالارض . هاد الحل بس للملزقيييين اما في شباب قمه ازا صديتيه مره بس يشوفك بشارع بروح علي بعده لانه عنده كرامه

متل ما حكو الكل ,, قوليلو تعا لهون , اختي مو اختي ما عندي حكي متل هاد , اختك بتلاقيها هناك بالدار مو هون ,, بعد عني و ما الك دخل فيي , و ازا ما بدك ساعتها ما رح يكون الي ذنب باللي رح يصير فيك , و قد اعذر من انذر

و السلام ختام

موفقة و انشا الله نفرح فيكي عن قريب

كل عام والجميع بخير .
انا مع معظم التعلايقات السابقة .
يجب ان تضعي حد لهذا الشخص ، لانه كثر التنازلات بتجيبلك المصايب والبهدلة بكرة .
وبنصحك ما تجيبي سيرة لاي شخص ، لانه بامكانك توقفيه عند حده من البداية ولحالك ، وهذا بعتمد على قوة شخصيتك .
اصلا" انتي بتكسبي فيه اجر ، بلاش بكره يقوم يخطط ويرسم احلام في راسه مش واقعية .

الله يهديكي ويهديه .

انا اسف ... العتب عالنظر

عموما بنت شب ما بتفرق .... كلنا هون عبارة عن اسم مستعار وتعليق فقط ....


شكرالك واهلا و سهلا فيكي





®KING OF HUNTERS

أهم شي برأيي انك تخبري خطيبك وبالسرعه الممكنه حتى مايصير إشي بعدين مثل مشكله مع هذا الوقح ويوصل الخبر لخطيبك من أحد غيرك وتتبهر الامور على كيف الناس صدقيني هاي أحسن نصيحه

يمكــــــــن يكمون مدســـوس من خطيبــــك....


لا تستبعدي هاد الشي.....





لـــــــؤلـــــــــؤة جراســــــــــــا...


تحياتي لكـــــي صديقتــــــــي.......وشكرا على ردك الجميل في المشكلــة السابقــة

انا مع رد رقم 11 ،

انا بشكركم بكل ردودكم اللي بجد لائقه ومحترمه وبعيده عن اي تجريح وعندي احساس كبير انكم لمستوا المشكله بطريقه صح والله يااخواني اني ماخليت وسيله الاعملتها معاه هو الشاب يتيم ومابصرف غيرو على البيت ولما عصبت مره وطلعت معي منو اللي حولي هدوني وقالولي هدا مريض نفسي يمكن لانو متعقد من نفسو شكليا رجعت قلت معلش بس هو للعلم مابطاول بشي موكويس بس تدخلو بالامور الصغيره بزعجني بس انشالله الله يهدي ومايضطرني اني اتصرف بطريقه تأذي او احكي لخطيبي زي ماحكى king of hunters بس بطريقه هاديه لانو فعلا حمش كتير وعاشق الفردوس هو مش مدسوس من خطيبي لانو بثق في منيح وبشكركم كلكم مرة تانيه وخصوصا حماده

انا تعرضت لمتل هاد الموقف وانا انسانة (متزوجة ) تعرضتله من صاحب الباص يلي بشاهر معه مع العلم اني ما بحكي اكتر من صباح الخير ولما اروح يعطيك العافية
رغم انه متزوج وعرف زوجته علي لستحيت احكيلها ضبي زوجك عني
كان يلف مراية الباص علي واغاني غزل يعني مسخرة اخر شي صار يبرم حول بيتي ويهدد زميلاتي بالمشاهرة يا بعطيه ريق يا ببطل يشاهرنا واحنا بامس الحاجة للباص لان مكان عملنا بعيد كتير تركت الباص وتبهدلت بالمواصلات فترك زميلاتي ومعهم اطفالهم الا ازا رجعت برجعهن اكيد ما رجعت وجنني بالمسجات وانا عارفة ازا حكيت لزوجي بشرب من دمه
حكيت لاخي الكبير كل شي واعطيته رقم تلفونه ومكان سكنه و وما قصر اخي فيه
والحمد لله حل عني

اخوانك اسلم حل يعني بتصرفوا بروية اكتر من الزوج واسترلك ما تخبري المدير لان ممكن يحكي ما في نار بلا دخان واكيد ما عمل هيك الا لانك اعطيتيه ريق

اسفة ازا طولت بالحكي

انا عندي اقتراح غريب شوي
انتي فهمي انو انتي مرتبطة وشوفيلوا وحدة من صاحباتك على شرط تكون النية سليمة وبلخي تجوزا وخلصتي من شره

اشكر ثقتك وكلامك الطيب واريد ان اضيف بما انه الاخ يمكن عنده عقد نفسيه اسأل الله ان يشفيه ويهديه بامكانك تحاولي ما تعطيه عين حاولي تنسي انه موجود واذا لم يفلح ابلغي المدير فالتحذيرات التي ذكرها البعض لا اساس لها طالما ان هذا الشخص يتصرف بناء على مشكلة نفسية وليست نوايا خبيثة .
اتمنى لك التوفيق

حبيتي ما تحكي معه ولا حرف وهدديه .اول خلي حده من اللي بشتغلو معك يحدي معه,زممكن تحكي لمديرك ومش شرط مديرك يطرده ممكن يهدده

شكرا الك انت مره ثانيه اخي وشكرا عالتحيه
بحب اهنيك بحلول عيد الاضحى المبارك
كل عام وانت بألف خير ولجميع المعلقين ينعاد عليكم بخير وسعاده انشالله
اختكم انشالله







\\\ فطوم \\\

لم يعد عندي ما اضيف ولكن لا بد من ان أمر هنا لكي اقول :


( تحياتي للجميع )

الى صاحبة المشكلة : ما في حدى في هالدنيا( مسكين) مثلي .....بلاقي معك 5 دنانير دين لاخر الشهر.. !!؟؟

يمكن من خطيبك
انتي حددي الوقت اللي بدات فيها هذه القصة

اسعد الله اوقات الجميع
نصحتي ان تخبري اخاك بالموضوع ، ودعيه يتصرف معه المهم ان يكون اخاك من الذين يستطيعون ضبط انفسهم، حتى يتفاهم معه باسلوب الكلام وليس اللضرب
نسال الله سبحانه وتعالى ان يوفقك ويجنبك كل مكروه وسوء

من قلة المشاكل وهداة البال عندك بدوري على مشاكل سبحان الله بدك تكوني مرتاحه من كل النواحي شوفي كل هالميزات الموجوده بحياتك شغل امنيح وخطيب امنيح كمان بدك المراسل يكون امنيح اي زودتيها احمدي الله الحياه اكبر من هيك انتي ما عندك مشكله بس انتي المشكله

يا أختي هادا بني آدم مش ناوي يسكت ورح يضل يحاول، وإذا بلغتي المدير عنه وفصله من الشغل بيكون مش انتي اللي قطعتي رزقه بيكون هو نفسه اللي سبب لحاله هالحكي ولا تنسي أنه كتير من الجرايم بتبدأ بناس عندها هوس مثل المراسل اللي عم تحكي عنه، لذلك وقبل أي مصيبة بلغي ال|إدارة عندك وبلغي حدا من أهلك أو خطيبك قبل ما تحدث أمور لا تحمد عاقبتها

الشباب الي متل هيك نوعيه وما بحسو لا بهادل ولا بتلميحات وبلاحقو ع كل شي ما الهم الا حلين
الحل الاول التطنيشادا لهدرجه بحزن وما بيستوعب الحكي بعرف انو جننك ومليت
والحل التاني اننو تخلي حد يحكي معا حد مسول يحسسو انو غلطان من المسولين بدون طرد او تهديد وتنبيه يعني شاب متله واله مكانه بلكي بيحس وادا طورت كتير شو المانع انت وخطيبك تواجهو يمكن يحس ع دمو ويتفهم الوضع

او ماهو متعود عليك ماعمل هيك

تحيه للكل اما صاحبه المشكله احسن شي انك طنشيه وما تعبريه وانك تحكي لحدا من اخوانك بس ما تكبروها اذا انتي بتقولي انه مريض نفسي بس خليه يخوفه ما يأذيه وانشالله بتنحل

ناديلي المراسل


اسمع منه ..............................

في ناس ما بتيجي بالمنيح و لازم تشوف الغين الحمرا ساعه عند خطيبك بالشغل بتكفي

ما دام خطيبك مرموق وواصل للسما شكله حاط المراسل يراقبك يا فهيمه
احكيله للواصل المرموق والحساس وشوفي كيف بتصير السولافة
هادا دواكي يا عزيزتي

الاحت الكريمة ، ترى في ناس مساكين وعايشين في ظروف صعبة جدا قد يصل بهم الامر انو يبحلقو في شخص ليس لغرض الا انه يتمنى ان يعيش حياة ينعم بها الشخص الاخر. اضرب لك مثال لا الحصر. في الجامعة، نرى الطالب او الطالبة المميزة جدا (سواء في العلم او الجمال او الشخصية) ينظر الية البعض طوال الوقت وعالطالعة و عالنازلة.

الله بعينك و طالما ما اساء الادب طنشي ولا تعطيه الاهتمام . يعني كأنو مو موجود.

وفي النهاية المثل بحكي طنش تننعش...............

الى جميع اصحاب التعليق انا ايمان تعليق رقم 22 من كل عقلكم بتععطو لها حلول هاي ما راح تحس حالها بنعيم الا لما تصاب بمصيبه كبيره احمدي الله وما تفكري هاي مشكله كيف لو ابتليتي بالمرض او موت الزوج ايش بدك تعملي احنا لما نكون في نعيم بندور على صغائر الامور اذا استمريتي بهالاسلوب راح تفاجئك الحياه باكبر المصائب

فعلا انا معاك المشكله الي عندها مش مشكله وبتنحل بابسط الامور ولازم تحس بنعمه الي عندها والصاحبه المشكله ما تخليها مشكله كبيرة مشكله المراسل الحل هو التطنيش او تحكي لخطيبك

لا تعممي

أنا لم اعط اي حل لهكذا تفاهة ...

فااااااااااااااا يا ريت ... تركزي بدون جمع ... لأني بتزعزع بس اشوف حالي مجموع ... خليني مفرط ...

لا انا لم اقضدك شايف يا اخي صاحبة المشكله ميش عارفه انه الدنيا ا كبر من هيك تفاهات
بعد الحياه ما علمتها بتفكر كل ايشي على مزاجها

انا ما بدي اعلق على كلامك بس حبيت اني اشكرك لانو كلامك صحيح مية بالمية وصح لسانك يا ايمان الشطورة

لو انا مكان خطيبك كان على طول ومن غير تردد فسخت الخطوبه انتي انسانه ضعيفة الشخصيه مهزوزه خايفه من لا شيء كيف بدك تربي اولادك سبحان الله بخت الشاطر خاطر وبخت العفنه بالحفنه .

مع احترامي لك
لو وقعت بهكذا مشكلة قد تقدري ..
صحيح الحياة فيها مشاكل أكبر من هيك
بس هاي المشكلة مزعجة فعلاً
لأنها قد تمس سمعة فتاة وأنت فتاة والمفروض تقدري
تخيلي حدا يوصل لخطيبها او مديرها
أبسط شيء فسخ خطوبة + طرد من العمل

لا بسيطة مش مشكلة كبيرة
بس بحكي الله لا يذوقها لحدا
وان شاء الله ما تجربي كم هو مزعج هالموقف
انا مجربته لكن بحمدالله مش بمعاناة هذه الفتاة

ختي صاحبة المشكلة التطنيش
ولا تكوني حنونة زيادة عن اللزوم

يا رلى

اللي عارف نفسه انه صح ... ما بهمه .... وهيك أمور تافهه ما الها تأثير
يعني .. انتي ضامنه ما تتعرضي لأية مضايقات بحياتك من هيك اشكال ؟؟

وهل اذا البنت كل ما ضايقها واحد سافل ... ضروري تتطلق ومش عارف شو ؟؟

ووين الثقة ما بين الزوج وزوجته ؟؟؟ والخطيب وخطيبته ؟؟؟ اذا نعدمت .. اذن .. عالدنيا السلام ...


نعم هو موقف مزعج .. بس مقدور جدا عليه .... ولكن لا يرتقي أن يكون سببا يقض مضاجعنا ...

مافي شاب بتمادا مع فتاة الا اذا هي فتحت له مجال لنا اعمل لدى شركة كبرى وفيها من كل الاصناف الي في هذا البلد من مراسلين وسائقين وحراس وموظفين على مكاتب والكل مشغول في عمله بس الي بصيرانه الفتاه تبداء بالدلال على المراسل حتى يقضي لها بعض حاجياتها من طلبات داخليه وخارجيه ومن هنا يبداء المراسل يشعر بالاهتمام من قبل الفتاة فيتمادا عن حده وتبداء الفتاة تتكلم معه كثيرا عن حياتها وعن مشاكلها وخصوصيتها والمشكله انها تتفاخر بهذا امام زميلاتها بان هذا المراسل المسكين المغلوب على امره انه تحت تصرفها وهو يفعل ما تامره به ولكن عندما يزيد تدخل المراسل في امورها تبداء باهماله وعدم الاهتمام به وتبداء تشعره بانه ولا اشي في الدنيا وهو عباره عن عبد لها في الشركة وانه من واجبه خدمتها بعدين سؤال بسيط وهو كيف حصل على رقم تلفونها وعلى الرقم السري الشخصي على الكمبيوتر اكيد فتاحه منه يعني مش هي الي اعطته هذه المعلومات وجاي هسا بتقول عامل الي مشكله في العمل يا ناس بكفي نفاق وكذب

السلام عليكم
انا بشكر رقم واحد واعتقد انه كلامه صحيح وعين العقل
بس بنصحك بعدم الانفعال كتير لانه احنا في النهايه في مجتمع سهل يحط الحق على البنت حتى لو كانت مظلومه
الله يستر على بنات الناس

انا بقترح على صاحبة المشكله انها تقوي علاقتها مع المراسل وتنفذ طلباته شو ماكنت لانه رايح ينصدم لما يشوفها معفنه

اكتبي لي عنوان العمل ........... والله لأخلي يعاف الشغل

للأسف 90% من التعليقات سخيفة وكلها تهديد ووعيد تجاه هذا المراسل الضعيف برأيي !
هل فكر أحد منكم بأن هذا المراسل هو إنسان وصاحب مهنة شريفة جدا ! بل مهنته أشرف من مهنة وزير أو مسؤول كبير مختلس ، أقول عنه ضعيف لإنه لا يستطيع أن يختلس أكثر من راتبه اللي الله رزقه إياه آخر الشهر !
صاحبة المشكلة كانت معطياه عين وتمزح معه قبل الخطوبة وبعد ما خطبت صارت ولا كإنها بتعرفه قبل هيك ! عجبي على هذه الدنيا !
هذا انسان مسكين مسكين ويمكن يكون بحبها وما بنام الليل وهو عم يتخيل حاله معها !

حسبي الله عليكم جميعا وحسبي الله على اللي مسمي حاله ( عصبي ) اللي شايف حاله زي ابو العريف ، لإنه وصف الرجل (المراسل) بكلمة (هيك أشكال وسافل) وهذا اسمه إزدراء وتقليل وتصغير من قيمة البشر وهذا ان دل على شيء فهو يدل على قلة تربية .

لا تهتمي بالموضوع انا كنت مرتبطه مع زميلي بالدوام وصار بيناتنا انفصال عن بعض وهلا انا بحب المراسل وبده يخطبني

ايش مال الموراسل