جراسا -

مرحبا انا بنت عمري 22 سنه
مشكلتي يمكن تلاقوها سخيفة او ما اليها داعي بس انا تعبانه منها .

انا بايام المراهقة زي ما تقولوه لما كان عمري شي 17 سنة حبيت شب وتعلقت فيه وضليت احكي معه لحد ما دخلت الجامعه مع انه هو ( الشب ) مش متعلم ومش من البيئة الا انا عايشة فيها .

بس المهم صار يدايقني كتير وانا بالجامعه كل شي ممنوع لحد ما حسيت حالي انه مش طايقه تصرفاته نهائي ولدرجة اني صرت حاسه حالي بديش اياه بس المشكلة اني مش عارفه اعيش بدونه .

وتخرجت من الجامعه وتعرفت وانا بالجامعه ع كدا شخص بس كلهم بطلعوا كدابين غايتهم مش منيحة
ما بعرف ليش بصير معي .

وانا بهاي الفتره تعرفت ع شب عن تقرير النت وصرت اعتبره اكتر من اخ وبيعرف كل اسراري وبنحكي دايما وهو مش بالاردن هو بالسعودية ولما اجا ع الاردن ما شفته .

ودايقت بجد منه وعاتبته ع هالشي قلي منه فاضي كونه نازل بفتره معينه وعليه وقتها كتير شغل يمكن كلامه صح بس ما عنده معقول ولا 5 دقايق .

يا سيدي مش مشكله هاي هالا صار يقولي بده ينزل ع العيد الاضحى مش عارفه اعامله كاخ ولا غير شي اوقات بحس حالي مش عارفه محتاجه اليه هو اعترفلي انه بحبني بس انا مش مقتنعه بالحب ع طريق الصوت والنت انا شفت صوره وهو شاف صوري بس مش عارفه شو اعمل ساعدوني الا بالاول حبيته وتركته لانه ما في توافق خايفة ارد افشل واتعب واعيش من بعدها وحيده
شو الحل برايكم ؟

دموع العذاب