جراسا -

انا بنت عمري 19 سنه خلصت توجيهي جديد وبصراحه بدي احكي كلام يمكن الي عنده عقل واحساس بفهم كلامي والي بسمعني بحكي انه مستحيل في بنت في هالعمر عندها هيك عقلانيه بس الحمدلله بكفي الي عندي ما هو عند الي اكبر مني بكثير انا ما خذه عهد ع الله وع نفسي وع اهلي اني ما اغلط مع اي انسان مهما كان لكن مثل ما بحكو الحب اعمى القصه وما فيها اني لما كنت توجيهي كنت بؤخذ حصص تقويه انا من طبعي والكل بعرف ما بحب حركات البنات هاي الايام وما في حدا بيجي في ساحتي يعني بصراحه ما بعطي عين لاي حد .

كان في شب عمره تقريبا قريب من عمري بكثير وحلو والاهم من هيك اخلاقه عاليه كثير ومؤدب والي خلاه يطلع فيي كثير هو شخصيتي انا كنت اروح مع بنات يعني مثل بنات هالايام اي كلام شب بجيبهم والثاني بوديهم والحمدلله اني كنت بعيده والظاهر انه كان بده وحدي مثلي انا كنت هيك افهم بصراحه حبيت ولاول مره في حياتي بس عمري لا حكيت معه ولا حتى لثانيه وحده قعدت تقريبا مدة سنه هيك بس نظرات حتى انا كنت ما اطلع ع الرغم اني كنت بحبه بس ظليت مثل ما انا ما اضعفني حبه ولا هو حتى لدرجه انه كان يخاف اذا فجأه اطلعت ولقيته بطلع فيي لانه كان مأخذ فكره عني اني ما عندي هيك حكي ولما خلصت حصص كان لازم ابلش احضر للامتحانات وكانت اخر مره رح اشوفه وانا كنت بصراحه بداخلي متألمة كثير بس ع الرغم من هيك ما تنازلت وظليت قويه ع عكسه كان رح ينقهر الي سنه بعرفه مجرد كلمه ما سمعها مني هو كان خايف من رده فعلي وانا خايفه اخون العهد الي ماخذته ع حالي وع اهلي كنت بخاف ع سمعة اخواني واهلي وحالي ودايما بحط الله بين عيوني وعندي قناعه انه الشب مستحيل يحب بنت بتحكي معه او بتعطيه عين لانه في الحقيقه هو ما بحبها والدليل انه لو كانت اخته كان ما سمح الها كيف ممكن يرضاها الها اذ ان هو ما بحبها والشب بده بنت ثقيله وانا لحد هلا مش ناسيته واحيانا بشوفه بس ما بعرف كيف بدي اتصرف النا زمان هيك لدرجه اني زهقت وعندي قناعه اني اذا حبيت انسان مش بالضروره يعرف مع العلم انه حاول يحكي معي بس انا عصبت منه وفهم هو وكان منقهر مني وحاول يثبت انه عادي ما بتفرق بس بصراحه الحب كان اقوى منا هالقصه كثير شاغلتني ومش لاقيه الها حل لاني ما فيني اروح واحكي اله مستحيل لاني بخون عهد وما فيي اشوفه دايما لانه مش ساكن بنفس المنطقه انا بدي من اي شخص فاهم علي يساعدني بحل عقلاني .