خطيبي جاف ولا يهتم بي .. ماذا أفعل؟
جراسا - انا فتاة مخطوبة من شرطي، هو إنسان محترم، أهله كويسين، هو بيحترم أهله جدا، وأسرتي وأسرته متفاهمين، اختارني لأنه حس أني طيبة ومطيعة وأهلي ناس كويسين والحمد لله مش بعيده عن ربنا.
المشكلة أنه جااااااااف جدا، ما بيهتم بمشاعري، حتى ما بيعبر لي عن حبه، بيحكيلي أنه بيحبني بس مش لازم كل شويه يحكيها, بالرغم أني محتاج أن يحكيلي ياها، ويعبر لي على طول لأني ساعات بشك أنه ما بيحبني لأن تصرفاته جامدة كتير، ما بيهتم بأي شي فيه مشاعر.
ما بيعرف يعبر عن حبه ولا بيجيبلي هدايا، بس بيعطيني فلوس (مصروف) - وطبعا إحساس مش حلو- وإذا جاب هديه ما بيقدملي ياها بايدي, بيتركها على الطاولة وبيحكيلي عادي، ولما جبت له هديه نسيها عندي بالبيت وطبعا أنا زعلت كتير، بس هو عادي اعتذر وبس.
هو معتمد على امه في كل شي، هي اللي بتختار له لبسه وهي اللي بتجيب لي الهدايا – ازا جاب يعني - يعني بتكون امه هي اللي مختارها, هو معتمد عليها كتير وهي شخصيتها قوية.
مش عارفه اعتماده هاد لأنه ما عنده وقت ولا ...؟
هو بيدخن وقال حيترك الدخان بس لهلا ما تركه, وبيحكيلي ادعيلي وهو ما بيحاول أصلا، أنا حاسة أنه مش حابب يعمل حاجه علشاني، وما بحب احكيه لانه هو عنده ضغط شغل على طول، وحتى لما بحكيه بيحسسنى أن هو طبيعي وأنا اللي غلط وأنا اللي رومانسية زيادة عن اللزوم.
وهو بيحكيلي انه بينبسط لما بيشوفني وبس ، وأنا بحس أنه ما بتفرق معاه أنا فرحانة ولا محتاجه إشي ولا بدي اشي ؟ أنا مش عارفه شو اعمل؟، رغم أنه طيب جدا وتفكيره حلو.
انا فتاة مخطوبة من شرطي، هو إنسان محترم، أهله كويسين، هو بيحترم أهله جدا، وأسرتي وأسرته متفاهمين، اختارني لأنه حس أني طيبة ومطيعة وأهلي ناس كويسين والحمد لله مش بعيده عن ربنا.
المشكلة أنه جااااااااف جدا، ما بيهتم بمشاعري، حتى ما بيعبر لي عن حبه، بيحكيلي أنه بيحبني بس مش لازم كل شويه يحكيها, بالرغم أني محتاج أن يحكيلي ياها، ويعبر لي على طول لأني ساعات بشك أنه ما بيحبني لأن تصرفاته جامدة كتير، ما بيهتم بأي شي فيه مشاعر.
ما بيعرف يعبر عن حبه ولا بيجيبلي هدايا، بس بيعطيني فلوس (مصروف) - وطبعا إحساس مش حلو- وإذا جاب هديه ما بيقدملي ياها بايدي, بيتركها على الطاولة وبيحكيلي عادي، ولما جبت له هديه نسيها عندي بالبيت وطبعا أنا زعلت كتير، بس هو عادي اعتذر وبس.
هو معتمد على امه في كل شي، هي اللي بتختار له لبسه وهي اللي بتجيب لي الهدايا – ازا جاب يعني - يعني بتكون امه هي اللي مختارها, هو معتمد عليها كتير وهي شخصيتها قوية.
مش عارفه اعتماده هاد لأنه ما عنده وقت ولا ...؟
هو بيدخن وقال حيترك الدخان بس لهلا ما تركه, وبيحكيلي ادعيلي وهو ما بيحاول أصلا، أنا حاسة أنه مش حابب يعمل حاجه علشاني، وما بحب احكيه لانه هو عنده ضغط شغل على طول، وحتى لما بحكيه بيحسسنى أن هو طبيعي وأنا اللي غلط وأنا اللي رومانسية زيادة عن اللزوم.
وهو بيحكيلي انه بينبسط لما بيشوفني وبس ، وأنا بحس أنه ما بتفرق معاه أنا فرحانة ولا محتاجه إشي ولا بدي اشي ؟ أنا مش عارفه شو اعمل؟، رغم أنه طيب جدا وتفكيره حلو.
تعليقات القراء
أكتب تعليقا
الرد على تعليق |
تنويه :
تتم مراجعة كافة التعليقات ،وتنشر في حال الموافقة عليها فقط.
ويحتفظ موقع وكالة جراسا الاخبارية بحق حذف أي تعليق في أي وقت ،ولأي سبب كان،ولن ينشر أي تعليق يتضمن اساءة أوخروجا عن الموضوع المطروح ،او ان يتضمن اسماء اية شخصيات او يتناول اثارة للنعرات الطائفية والمذهبية او العنصرية آملين التقيد بمستوى راقي بالتعليقات حيث انها تعبر عن مدى تقدم وثقافة زوار موقع وكالة جراسا الاخبارية علما ان التعليقات تعبر عن أصحابها فقط ولا تعبر عن رأي الموقع والقائمين عليه. - يمكنك تسجيل اسمك المستعار الخاص بك لإستخدامه في تعليقاتك داخل الموقع |
|
| الاسم : | |
| البريد الالكتروني : | |
| التعليق : | |
خطيب الاخت يعتمد على امه كثيرا .. اليست هذه مشكلة ؟؟
كما انه لا يقول لها بانه يحبها غير بالمناسبات !! وهذه ليست مشكلة !!؟؟
طبيعة الفتيات انهن عاطفيات .. ويحتجن لكلمة بحبك في كل وقت و كل مكان .. حتى في السرير ..
الى صاحبة المشكلة :
بالنسبة لرومانسية خطيبك عليك بالمحاولة معه بالدلع و الدلال .. ازعلي منه مرة شو بتخسري ؟؟ راح يتركك ؟؟ بكون ما بحبك اصلا ..
ازعلي منه لاي سبب و اتدلعي عليه وشوفي ردة فعله ..
اما بالنسبة لاعتماده على امه .. لما تكوني معه احكي معه بطريقة غير مباشرة انك بتحبي الرجل الي بعتمد على حاله في كل شيء .. يعني يكون رجل بكل ما تحمله الكلمة من معنى .. وانك بتحبي هو يختار ملابسك او اي شي تاني .. حسسيه دائما برجولته وكل ما تلاقي الفرصة مناسبة احكي معه عن الرجولة واعتماد الرجل على نفسه .. بس مش دائما تفتحي الموضوع لانه بزهق .. وما تجيبيها بطريقة مباشرة .. يعني اساليه مثلا عن شو مفهومه عن الانوثة وانتي احكيله رايك عن الرجولة
وخبريني شو بصير معك
تحياتي
انا مش شليفة انو في عندك مشكلة, بالنسبة انو امه بشتري اغراضو فهذا من قلة وقته و بعد الزوج اكيد انتي الي رايح تختاري كل اشي الو.
هو شخص جاد رصين اختارك حتى تكوني زوجة له و ام لاولاده مش صديقة و عشيقه
اعتماده على امه يسبب اعظم المشاكل يعني البنت بتحب اتحس انه الي خاطبها قراراته وافعاله
بتطلع منه مو من امه او غيرها يعني انا شايف انه خطيبها بعتمد عليها بكل كبيرة وصغيرة في اشياء ممكن الام اتساند ابنها بس مو بكل شي يعني ماشاء الله عنه ضابط كبير وعم بعتمد على امه غريب والله
حاولي انك وبهدوء اتفهميه انه الي بصير غلط وانك بحاجه للحب والكلمة الحلوة بعدين وين فنون البنات واساليبهم يعني بتقدري توخدي الي بدك اياه بالهدوء ومع المدة ما راح يقدر يستغني عنك وراح يوخد رائك بكل شي بس بدك شوية صبر لانه هو هيك اتعود منذ صغره
متل مابقول المثل ابنك على هو ماربتيه وزوجك على هو ما عودتيه
اشد على ايد ابو امل بكلامه
دمتم
بس شاعره انه امل وابو امل واحد
الرجل مش من النوعية الي كل يوم في حضن واحدة و مش من رواد الملاهي اليلية شخص المرأة الوحيدة الي في حياته قبل الزواج هي امه بحبها زي ما كل واحد بحب امه و رايح تشوفي يا صاحبة الشكوى انو بعد الزواج رايح يتغير من ناحية اعتماده ع امه و بتصيري انتي الكل في الكل, شخص محترم حياتو هي شغلو و بيتو
حتى لو كنت انا من ضمنهم لانو بالنهاية حيضل قد حالو قدام الناس والو هيبتو بس معي اكيد حيصير متل الطفل الصغير وهاد احلى شعور للبنت مع خطيبها
تاني شي انت مزبوط عندك مشكلة والي هي انو محكوم لأمو بس بتوقع ما رح يضل هيك بعد الزواج .. لأنو هاي الحالة مرت علي .. كان زوج البنت الي بعرفها محكوم لأمو وبعد الزواج اكتشف انو مرتو وبيتو كمان بدهم اهتمام ، وبعدين طول ما انت على حق اعرفي انو ما رح يصير تعارض مع امو بالعكس بتكسبيها طرف لإلك لما بدك منو شي معين .. اكيد فاهمة قصدي
وبالنهاية بدي احكيلك شغلة قد ما كان الرجل شديد وما بنمزح معو بس مع مرتو ما في احسن منو
والله يهنيكم ..
خطيبك رجل واقعي وهاديء ليس معنى انه لا يمطرك بعبارت الغزل والحب انه رجل جامد وغير عاطفي
.
اختي العزيزه عندما يمطر الرجل المرأه بكلمات الغزل فتأكدي انه خبير فيه وفي النساء ولربما خطيبك من النوع الذي لم يكن له علاقات نسائيه سابقه وهو الذي يجب ان يكون اطمئني خطيبك رجل طبيعي جدا وهكذا تكون الرجال
.
سيعبر لاحقا لك عن حبه عندما تكونان سويا في بيت واحد .
اما اعتماده على امه فذاك ليس بعيب وما المانع ان تختار امي لي ملابسي او ان آخذ رأيها في مشاكلي هذا لا يعني ضعفا بالشخصيه انما هو احترام وتقدير شديد للوالده .
خطيبك رجل ناضج جدا احتويه وتمسكي به الحب ليس عبارات تقال ليلا نهارا الحب تصرفات يقوم بها الرجل تجاه الانسانه التي اختارها لتكون شريكة حياته .
اقرا تعلقي منيح قبل ما تبرم وتزود بالحكي
المشكلة بين خطيبي وامه بتختلف عن هاي المشكلة
انا ماعم بطلب من صاحبة المشكلة شي مو كويس ومو من مصلحتها هي طلبت المساعدة وهي متضايقه لانها انثى وبتحتاج للحب والعاطفة حتى الرجل يحتاج للحب والحنان فكيف بالانثى
اذا كانت نصيحتي خايبه يعني صاحبة المشكلة الي بتقرر مو حضرتك هي بتقدر تحكم شو الي بفيدها اولا بعدين انا ما بجير اي حد يرد علي بنصائحي
سلام للجميع عصبي ليندا ابو امل الغريب ابو حمزة ليندا
عمو روحي ارتاحي الله يرضى عليكي ذكرتيني بالبنت اللي علقتي عليها وانها تروح تنتحر من ناطحة سحاب في الاردن ايشو هالخيبه هاذي من وين جايبيتها خخخخ الله يعوض
لانه فعلا في مشكلة زي ما حكوا وكمان انتوا اللي مش عاملينها مشكلة لانكم يمكن زي هالشرطي ما بتعرفوا المشاعر ولا الاحاسيس واللي لازم تعرفوه كويس انه شرطي بالامن ومش شرطي بالبيت وهاي بالنهاية انثى ( للي بيقدر كلمة انثى ) وبيعرف معناها
وسلامي الى صديقتي امل وصديقي ابو امل
تحياتي للجميع
صار الانسان ثقله ورزانته الايام هاي يسمى (جاااف ) يا عالم اللي ما بتعلم من الحياة
لشو عايش
خلينا نستثني انه هالخطيب معتمد على امه لانه بس يدخل القفص الذهبي رح يتعدل وياما ناس كانوا وبس تزوجوا تبدلوا
اما الجفاف اللي بتحكي عنه صاحبة المشكلة
اصبح من القلة ان ترى شاب رزين وثقيل وهو مطلوب
فهو علامة من علامات الرجولة التي هي كثيرة واصبح شبه مفقودة
يمكن انا اؤويد الخظيب بتصرفه فهو يكسب احترام الجميع
واولهم خطيبته فلو كان من ( الطنطات ) لكان الوضع يرثى له
صاحبة المشكلة انا متأكد ان احد اسباب قبولك له هو نفس التي تسميها مشكلة
هو عملة نادرة هذه الايام بين الشباب
فادعو الله ان ييسر اموركم وتتم عليكم بالخير
يمكن بس تفتح المدارس كل هالاولاد تنضب وينتبهوا لدراستهم ويناموا بكير ويصحوا بكير
يمكن !
مين عارف يكونوا من رجال المستقبل
تحياتي يا صديقتي
اختيار الهدايا واللباس ليس عيب .. ربما هو مش مزوق وهذا دورك انك تزبطيه بالزوق
الشب كويس .. توكلي على الله ..
ما بدك اياه بنجوزه لتويتي .... مستقتلة على شرطي معه مسدس
وشكرا
الى كل الفلاسفة واصحاب المبدائ والقيم التي اودت بمجتمعاتنا الى الجحيم .. الى من يقول ان الخطيب غير مجبر على الكلام الحلو .. الى من يدعي ان من يتغزل بخطيبته وزوجته هو انسان غير متزن ومن بنت لبنت .. الى كل هؤلاء الجاهلين اقول ..
"رفقا بالقوارير"
ايها الجامدون .. الميتة قلوبكم قبل عواطفكم .. هل صار تغزل الرجل بزوجته او خطيبته عيبا ؟؟
انا اتغزل بزوجتي .. صباحا ومساءا .. وعلى الطالعة والنازلة .. وعلى فكرة انا عريس جديد ما الي شهرين .. وخطبت سنة وكانت مليانة كلمات غزل وحب ورومانسية .. وين العيب في الموضوع ؟؟ وهل انا ازعر على راي البعير الداشر ؟؟
الفتيات عاطفيات بطبيعتهن .. والفتاة تحتاج لكلمات الحب اكثر من اي شيء اخر .. وبكلمة حلوة بتاخد عقلها .. يا مثقفون
وبشكر صديقي ابو كمال على وجهة نظره المتفهمة والرد نيابة عني وعن الاخت امل
ولكن ............ كله كلام روتين
لا جديد
وانها المباديء اشي مخيف وبودي على الجحيم!!!!
الك تبدي رأيك بس ما الك تعيب على الاخرين اراؤهم
مش انت اللي بتملي على الناس كيف يتعاملوا مع زوجات المستقبل
ولا انت اللي بتحدد الكيفيه ولا النوعيه
كيف وشو كنت انت تعمل هاد شغلك لحالك ما بتفرضه على الاخرين
بدك الخطيب يشبع من خطيبته ويحكيها كلام في الحب بس عشان ياكل بعقلها حلاوه يعني يضحك على المغفله قال البنت في مجلاها ما بتعرف على مين مخلاها اذا بدك بترجملك المثل ..
والله اذا مرقت طريقتك على المغفله اللي عندك انت حر
بس لا تملي علينا آرائك قال عريس قال صدقت حالك
تويتي ( طولي بالك شوي ) وانا بوجه الك كمان تحية زي اصدقائي امل وابو امل وبتمنى نكون اصدقاء بهالموقع المميز جراسا
وانا شايف انه الكل طلع عن سياق الموضوع واشتغل بتعليقات الاخوه القراء
ويا رب يفتحوا المدارس بدري السنة
عشان يضلوا الكبار واللي بيفهموا بالموقع والباقي يدرس احسن له
هذا الشيء كتر الكلام عن الحب ليس دليل دامغ على المحبه فالكثير يستعملونه كشربة الماء وهم كاذبين تزوجيه وانتي عاقله في مليون وحده بترضى فيه ما انتي شايفه الرجال عازفين عن الزواج لكثرة المعروض .
عالعموم شكرا الك و ولزوقك و لمحررة جراسا الي سمحت لامثالك انهم يردوا وسمحت لتعليقك انه ينتشر ..
عتبي عليكي كبير يا جراسا ..
ولكل المعلقين الي استهزؤا بكلامي .. الايام بيننا و بتتذكروا كلامي ..
والى امل وليندا وخلود و ابوكمال .. كانت فرصة سعيدة معرفتي فيكم
وداعا جراسا
يا خوي بلا خيبه
الحسناوات ما بتواجدوا بهيك مشاكل وحلول
انتا عارف وين بتواجدوا
جاف ولا مش جاف
هو حدا ملاقي
مليح إللي صحلك
كربطي
الى محررتنا العزيزة رائدة ، اقول لك ليس هكذا تورد الابل.
عندما قررت الاشتراك في جراسا نيوز وقبل ان اتصفح الموقع قلت في نفسي اريد ان اعرف ماهو فكر جراسا نيوز ، ودخلت على من نحن ، وكانت من النقاط التي لفتت انتباهي النقطتين التاليتين
1- للموضوعية الصادقة والحياد البناء.
2 - حرية مسؤولة سقفها السماء.
وهذا مادعاني لاعتبار جراسا صحيفتي الالكترونية الاولى ..............
قد نختلف حول طرح فكرة ما ، ولكن في النهاية المصلحة العامة فوق كل شيء.(وهي الراي والراي المقابل).....
ولكن هل يعطي الحق للهيئة التحريرية ولمقص الرقيب لحذف كلمتي ، مع انني اصبت كبد الحقيقة بالادلة والبراهين.
على الاقل كان يجب عرض التعليق ولو من باب الموضوعية.
عموما محررتي العزيزة ، العتب على قدر المحبة وهنا لااقصد شخصك انما اقصد صحيفتي المفضلة جراسا.
وختاما اقول لك مرة اخرى ليس هكذا تورد الابل ياست رائدة
ستدخل بأسماء جديدة لتحسين صورتك التي انهزت أمام المعلقين ..
أوردت في تعليقك الكثير من الأمور التي كشفت حقيقتك
لم ولن تستطيع التراجع ....وكان لزوما أن تراجع كلماتك قبل ما تعمل ( ارسال )
كنت واضحا لي منذ البداية ولهذا لم أعلق .. ولكن عندما اصبحت واضحا للجميع .. كان لا بد من قطف الرؤوس ... التي قد اينعت
يا عريس .......................
لأ يا ماهر ... ستبقى .... يامااااااااااااااااااا شفروني وما زعلت ....
هناك رؤى خاصة بجراسا أرجو تقديرها يا ماهر ....
المحررة دايما عامليتلي وجع راس .....
عامليتلي مشاكل مع المعلقين ....
ليندا كلامك كتير حلو استمري بابداء رائيك
أحيطك علما ... أن عصبي عندما يقول ( شباك ) والذي يفهم به للجميع الشباك اللي بتتبصبصوا منه عالعالم ... فأنه لا يعني هذا المعنى بمفهومي
حسناوات النت .. لم تكن بمعناها الواضح ...كما يقرأ
يا أبو حمزه ؟؟ فهملي هالعالم شو تفكير عصبي ... انت الوحيد الملم بخفايا سطوري بنسبة 17%
جد تعبت معكم .. نفسي ألاقي حد يفهمني ...
عصبي شو اسمعت انك بتخزن لحوم لرمضان ، بالمناسبة دعت جمعية حماية المستهلك المواطنين الى مقاطعة شراء اللحوم الحمراء البلدية والمستوردة لفترات كافية تجبر المحتكر وتردعه عن الاستمرار في انتهاك حقوقهم وحرمانهم من اشباع حاجاتهم الاساسية ودعتهم الى التوجه للبدائل الاخرى كالدواجن والاسماك المجمدة وبكميات معقولة.
نعم لمقاطعة اللحوم الحمراء
اعتقد انك كبيرة و واعية وبتقدري تحددي شو اللي انتي محتاجيته .... انك تستقري وتكوني عيلة مع شب محترم وبخاف الله واخلاقه منيحة ولا الحب و الغزل مع واحد ازعر مش تارك بنت من شره و لسى بيوخد مصروفه من البابا ....
لن أقاطع .............
اعتدت على طمع التجار..
حتى لو قاطعت اللحوم وتوجهت للفول .. سيصبح صحن الفول بخمسة دنانير
لي قناعاتي ....
لن اقاطع .......... وسآكل اللحم والكفتة فأنا لا آكل الدجاج أصلا
البنت صاحبة المشكلة تزوجت خطيبها وعندها ابن بالجامعه وواحد توجيهي وزوجها صار برتبة عميد ...................
يطعمك الحجة والناس راجعه DADA
صباح الخير لكل المعلقين ........... والمعلقات
المتزوجين منهم والمتزوجات ... المطلقين منهم والمطلقات ..
صباح الخير لنا معشر العزاب ..معشر البيض المقلي في الصباح وفي المساء
صباح الغير ... للمعصبين والمعصبات والعاتبين والعاتبات
الأثنين ... 17-8-2009
فهو معروف بجراسا وراجعو واقراءو تعليقاته السابقة بالمواضيع الاخرى
فهو دائما مميز واتمنى ان يبقى بجراسا
يجب علينا كقراء ومعلقين احترام اراء الاخرين
حبيبتي جبتيله هديه ونسيها كيف تحملتي نصيحتي ما بدك ياه ما رح تقدري تعيشي معه طول العمر بدون مشاعر يمكن بس بده يتزوج ليجيب اولاد او وحده تطبلخه وتغسله اواعيه نصيحتي انسيه وما بدك ياه بيجيلك واحد بيهتم فيكي اكتر وبعدين حتى لو شرطي ومشغول ومو فاضي يحك راسه ما بتخيل انه يكون عديم احساس ووينسى هديه خطيبته والله والله رح تتغلبي معه ويمكن مو بعيده بحب وحده تانيه حبيبتي هيك شباب بكون عقله بحدن تاني مو معك والله ما بدك ياه وبتلاقي حد احسن اتركيه قبل ما يصير بينكم اولاد وتتورطي
فكري مزبوط قبل ما تكملي خطوة الزواج نصيحة.
والى المعلقين فاضين الأشغال بتمنى نوصل لمرحلة الوعي الكامل واستخدام حرية التعبير في مكانها الصحيح بس الظاهر هاي ظاهرة غير المبالاة تأصلت واستفحلت كمان بالصحافة الألكترونية.
أن من قال ........................
لا اله الا الله ...................... محمد رسول الله
أأدركت الآن .... من أنا؟؟؟؟؟؟؟؟؟؟؟؟؟؟
الملقب .. المدعو أبو أمل .. أساء .... ولا أعتقد بأن ردود 10 معلقين لا تصب بغير ما تم لمسه
هذا المخلوق .... اعتقد واستخف بعقول المعلقين ...
هو لعوب .. عريس لعوب ....
واللي بده يلعب .. ما يلعب عندي انا شخصيا ...
مش لأنه على اسمك .. تدافعي عنه ...
وخلص .. انسولنا موضوعه ..مو هالشخصية التي تستحق الأهتمام الزائد .... مكانه في الريسايكل بن......................... ياللي بعده
شو بشوفك اليوم عصافيرك طايره والمزاج عالي خير اللهم اجعله خير .
خذيلك واحد سائل
هههههههههههه
"لن اقاطع .......... وسآكل اللحم والكفتة فأنا لا آكل الدجاج أصلا"
والله هاي سواليف كركيه
أحلى تحيه بورده جوريه لأحلى كركيه
وسلام لعصبي
ولكن هناك كلمة للحق يجب ان تقال
بانه وخلال مدة تواجدي كمعلقه في جراسا لم اقرأ للاخ ابو امل الا كل تعليقات جاده و ذات مغزى وتصب في مصلحة التعليق وعلى مختلف الموضوعات المطروحه .
لكل من المعلقين اراؤهم وجب علينا جميعا ان نقوم باحترامها حتى لو اختلفنا معهم .
للاستاذ ابو امل التحيه ونرجو ان يبقى معنا فالاراء المختلفه هي التي تثري النقاش والحوار فنحن لسنا في ساحة الوغى هي ساحة حوار يحمى وطيسها احيانا واحيانا اخرى نرى فيها السلام والهدوء .
وهذا ما يضفي على هذه الساحات الرونق الجميل بين وتيره عاليه واخرى منخفضه من جولات الحوار الساخنه التي تصب في النهايه في المصلحه العامه للجميع لكم جميعا التحيه..
واللي بده يلعب .. ما يلعب عندي انا شخصيا ...
ليش لعوب ياعصبي هل عرض ايميل له او رقم هاتفه او ابدى اعجابه باي فتاه هنا
وبالعكس فهو يستحق التقدير والاحترام وكلامة مزبوط 100% لو انك يا عصبي خاطب
لوضعت خطيبتك فوق راسك ودللتها اخر دلال لانك تمتاز بالحنيه وتحتاج للحب ولا يوجد اي
شخص على وجه الارض لا يحتاج للعطف والحنان والحب والكلمة الطيبة والحلوة
لا تستعجل بقرارتك على المعلقين فااتصاف ابو امل بلعوب ليس بمحله
ونظرا لتمادي السيد (عصبي) في اتهاماته واهانتي امام الجميع .. وحتى لا يعتقد بانني خائف من الرد عليه .. فانا اعود لارد عليه عسى ان تنتهي هذه المهزلة التي زادت عن حدها ..
يا سيد عصبي : قل لي بالله عليك ؟؟ متى رايتني احاول التعرف على فتاة ؟؟ ارجو منك سؤال محررة جراسا هل اضع ايميلي في الردود والتعليقات ام لا ؟؟ اعتقد انك تحاول الاصطياد في الماء العكر يا سيد عصبي ..
كلامي لك وللجميع يا عصبي باشا .. لم ادخل جراسا لاي هدف كان سوى للنقاش ولست في حاجة لاصطياد الفتيات عبر موقع جراسا .. ولست في حاجة لاصطياد الفتيات اصلا ..
ان كنت ترى في نفسك عيبا فلا تعتقد ان الجميع لديهم نفس العيب ..
واذكرك بقول الله تعالى "ياأيها الذين آمنوا أجتنبوا كثيرا من الظن ان بعض الظن أثم"
والسلام
اتوكلي على الله حبيبتي ولا تخلي الوساوس تلعب براسك وبكرة كل دور امه وتوكله عليها راح يصير عليك ِ انت ِ .. فلا تخافي ولا تستعجلي
اسأل الله لك ِ التوفيق ولبنات المسلمين وشبابهم
انا اقرأ تعليقاتك من فترة قبل ما اشترك بالتعليق وما شفت فيها اشي
وبعدين بو تعرفت على حدا بالموقع يعني في مشكلة ؟ انا شخصيا صارلي 3 اصدقاء هون بالموقع مثل حضرتك والاخت امل والاخت تويتي
بس الناس في منها نفسيتها مريضة جدا وتعبانه نفسيا وخاصة اللي بيهاجموا الناس بتعليقاتهم وما بيطرحوا المشاكل وحلولها ويناقشوا الناس لاني متأكد ما عندهم القدرة على النقاش والحوار الفعال اللي ممكن يوصل لحلول جيدة
وتحياتي لاصدقائي
ابو امل وامل وتويتي
ولن أقول أنني فعلت وحكيت وعملت ورحت واجيت ,, جد عيب ....
وهذا آخر تعليقاتي على ......
ما بدك اياه - اتركيه
ما بيلزمك واحد زي هيك
ومن خبرتي الكبيرة جدا : هذا شخص عندو علاقات كثيرة قبل ما يخطبك واتوقع انو لازالت علاقاتو مستمرة. بدك تديري بالك ( انشالله يطلع توقعي خطأ لكن المؤشرات هيك بتحكي).
واحد صاحبي - سابقا- كان مثل خطيبك , طبعا صاحبي هذا من ايام الصياعة الثانوية وشربنا الصياعة شرب مع بعض منذ نعومة اظفارنا - طبعا قبل ما اتركو واتوب واصير انسان ملتزم-
كان مش مخلي بنت من شرو وعندو علاقات كثيرة وما كان بدو يتجوز لولا انو اهلوا كانو ضاغطين عليه كثير وبظلوا يحكولوا انو ما الك حجة, يعني بيت وعندك وسيارة عندك ووظيفة عندك وعمرك مناسب للزواج (كان وقتها 30 سنه ) وطبعا هو كان يتهرب لكن بالاخر رضخ للامر الواقع.
طبعا لما خطب اعتمد على نظام (يمة دوريلي ) لانو كل اللي كان بعرفهن مش كويسات وكان ما يوثق باي بنت بسهولة لانو بفكر كل البنات مش كويسات , المهم اهلو خطبولوا بنت كويسة ومحترمة واهلها كويسين وهو اقتنع باخلاقها وادبها لكن ما كان يشعر بميل تجاهها وما كان يحبها وكانت تصرفاتو شبيهه بتصرفات خطيبك, وكان دايما يشكيلي ويحس انو تسرع في الخطبة وانو مش منجذب لخطيبتو وطبعا السبب معروف انو ما عندو مخزون عواطف وحب, لانو استهلك كل المخزون العاطفي تبعو بعلاقاتو السابقة واللي بعضها ما يزال مستمرا , وكان دايما يحكيلي : ياريتني ما كنت اعرف بنات قبل ما اخطب عشان احب خطيبتي , وكان دايما يقارن حالو بالشباب اللي خاطبين جديد وكيف يكون الشب متلهف عشان يروح على خطيبتو ويظل عندها بالساعات ويحكي معها تلفونات دايما وبكل وقت ويجيبلها هدايا ويسمعها حكي حلو - لكن للاسف صاحبي هذا كان مفتقد لكل شيء - والمشكلة انو خطيبتو ياحرام بتفكروا محترم وبصلي وهو كان بكذب عليها.
الواضح في حالتك هاي انو خطيبك كمان خطبك بطريقة ( يمة دوريلي) يعني ما كان بينكم معرفة من قبل لانو لوكان بعرفك من اول او -هو اللي اختارك - اكيد ما كان بيتصرف مثل هيك.
100 % اهلو هم اللي اختاروكي وهو وافق على اختيارهم لانوشافك بنت مناسبة وطيبة ومطيعة واهلك كويسين. وما في بينك وبينو اي انسجام داخلي او حب.
الموضوع الان راح ينقسم لقسمين :
اولا: اذا ثبت انو انسان مش كويس واخلاقو مش كويسة ,لازم تبعدي عنو فورا لانو ما بلزمك وبكرة بعد ما تتجوزي راح تتبهدلي (اذا وانتو خاطبين ما بحبك ولا بعبرك -كيف لما تتجوزو ) وساعتها بتوقع الفاس بالراس وما بتقدري تقولي طلقني لانو ساعتها اهلك رايحين يزعلوا ويقولو ليش رضيتي فيه من اول؟؟ ويصيروا الناس يحكوا عليكي كلام مش كويس وتصيري بنظر المجتمع وحدة (مش لاقييتلها شغلة ) وعينها زايغة وبدها تتطلق من جوزها بدون سبب (وساعتها هات اشرحلهم وفهمهم اني ما بحبو او مش طايقيتو ) والمشكلة راح تصير اعظم اذا خلفتي منو ولاد - وقتها بدك تضطري تعيشي وترضي فيه وتقبلي كل سلبياتو - طول العمر.
الان كيف ممكن تتاكدي من اخلاقو ومن علاقاتو السابقة؟؟؟ مع انو هاي الخطوة متأخرة اذ انو المفروض اهلك يسألو عنو كويس قبل ما توافقوعليه -بس اكيد مثل ما صار مع صاحبي لما خطب - اهل خطيبتو سالو عنو الجيران والاقارب فقط (علما بان صاحبي هذا يتمتع بسمعة جيده بين جيرانه واقاربه لكنهم ما بعرفوا عمايلو السودا - لانه بالحي كان مثال للشب المحترم من البيت للشغل ومن الشغل للبيت - لكنهم ما كانو يعرفوا عن دواوينو الطرمة ).
لازم الاهل يسألو الاصدقاء المقربين من الشب لانو هم اللي بعرفوا عن دواوينو ( ولازم الشغله يصير فيها تحليف ايمان عشان اصحابو ما يكذبو عليكو).
عموما انا متاكد مسبقا انو اهلك ما سالو عنو بشكل دقيق وما سالو اصحابو المقربين جدا لذلك بقترح عليكي انك تحكي لاخوكي مثلا ( لانو الشباب بفهمو على بعض وبعرفوا دواوين بعض) وتفهمي اخوكي المشكلة وتخليه يروح على اعز صديق لخطيبك ويحلفوا على القران (او الانجيل اذا انك مسيحية) ويخليه يقر عن صاحبو (اللي هو خطيبك ). طبعا احتمال صاحبو ما يرضى يعترف اويخاف يحكي الحقيقة عشان ما يخرب على صاحبو , هون لازم اخوكي يفكر بطريقة ذكية وغير مباشرة كيف ممكن يجيب معلومات.
الان على ضوء المعلومات اللي راح تجيبوها هناك احتمالين:
الاحتمال الاول : انو خطيبك يطلع مثل ما بتوقع انا ويطلع عندو كثير علاقات - ساعتها ضروري تبعدي عنه لعل وعسى ربنا ييسرلك ابن حلال بخاف ربنا وتكوني انتي اول علاقة بحياتو (يعني مخزونو العاطفي لسه مليان ) وساعتها شوفي كيف راح يحبك ويطير فيكي ويهتم فيكي ويعمل المستحيل عشان يرضيكي ويسعدك.
لكن اذا طلع خطيبك مش كويس وانتي اصريتي انك تستمري معو هناك احتمالين:
1 - انو ربنا يهدية ويصير انسان ملتزم ويقطع جميع علاقاتو السابقة.
2 - اذا ما التزم راح تتبهدلي انتي ويكون فات الاوان بعد الزواج.
الاحتمال الثاني: انو يطلع الشب كويس وما عندو لف ودوران لكن لانو خطبتكم تمت بشكل تقليدي فهو لسه مش متعود عليكي ولسه ما صار بينكم انسجام , لذلك بدك تطولي بالك وشوي شوي ببلش ينشأ بينكم الحب وبتتجوزوا وربنا بوفقكم ...
ملحوظة: صاحبي اللي حكيت عنو تجوز ولساتو على حالتو مش راضي يتوب ومرتو ياحرام متبهدله لانو بخونها وبضربها وبعاملها مش كويس ودايما حردانة عند دار ابوها واحتمال يتطلقوا.
ملحوظة ثانية: كون خطيبك شرطي فهو بطلع وظائف في الليل ومناوبات وبشعربالملل + اكيد كان معو خط خلوي تبع الدقيقة بقرش او بتعريفة = علاقات هاتفيه كثيرة تنتج عنها لقاءات ومقابلات وعلاقات اخرى. انا بعرف كثير مثل هيك , ابن خالتي دخل على الامن وهو (بسه مغمضة) وتأثر بالاجواء بين الشباب هناك خصوصا خلال المناوبات الليلية - واصحابو يعطوه ارقام بنات والاخ بلش يمشي بهالطريق خطوة خطوة لحد ما غرق في مستنقع البنات والمكالمات الليلية المشبوهه. روحي شوفيه هسه هههههه
غطيني ياكرمة العلي .... ما فييييييييش فايدة
جراسا نيوز: مرة ثانيةننوه الى ان ما جاء بالتعليق هو رأي شخصي ولا تتحمل الوكالة مسؤولية ما جاء به ننشره عملا بحرية الرأي
لعل وعسى تتحرك مشاعره تجاهك و( تنحل العقدة ) !!
عنجد مشاكلكن غريبة وحرام الواحد يرد عليها !
او يحضر مسلسل مهند التركي
بمـــا انك مخطـــوبـــة من شرطـــي فأحـــب ان اقـــول لكـــي كيـــف سوفـــة يهتـــم بك.....
نبدأ...انا غيـــر مسؤول عن الطرف المذكــــور اذا دخـــل السجــــن ولكننــي سوف اهتـــم به بالعيــــش والحــلاوة
سلميـــــة قضيــــة خليـــة يترفـــع عليــــها بصيــــر يحبـــك
المطلــــوب ..... عليــــه عشــرة قضايــــا وأشهرهـــا(عصبـــــــي)
القضايـــا هيـــــة
1:تعليقــــات غيــــر صالحـــة للقرائـــة البشريـــــة.....2:اسمه غيـــر لائـــق للاستعمال البشري
3:من المعجبيــــن في امــــل ال........بلاش عيب.......4:كلامــــة وئـــــــح وئاحـــــــــــــة
5:النقـــط بكل تعليق له كثيــــرة........6:لا لم يشاركك في مشكلتـــك التي مثيرة للشفقــــة
7:مغاوز من رنــــوووووش......8:بيــــــــاع حكــــــي مع ورق اوتومـــــــان
9:مدمــــــن جراسا نيـــووز
لانو انا عندي نفس المشكلة وخطيبتي تركتني علشان السبب نفسه، بس اللي مثلي ومثل خطيبك ما عمرنا تعرفنا على بنات عشان نحب ونعرف كيف نتعامل مع الجنس اللطيف، الواحد اول بنت حكا معها هي خطيبته، وكعادات الناس انو الام هي اللي تنقي البنت المناسبة للأبن، وانا درست خمس سنوات في الجامعة عمري ما حكيت مع بنت ولا بعرف احكي معهم غير ب امور الشغل ورسمي كثير، هيك انا بكون متخلف؟؟ لأ طبعا المتخلف هو اللي مضيع وقته مع البنت هاي والبنت هاي وبالاخير بخطب بنت وبصيريشك فيها طول عمره لما يطلقها وهو كل يوم يحلفها ع القرآن انو ما حكت مع شب غيره، هذا طبيعي لانو بكون عارف الف بنت قبلها وثقتو في البنات معدومة.
خطيبك محترم وديري بالك عليه والله يوفقك.
اسف للإطالة
سلامي
لا حول ولا قو الا بالله
حبيبتي توكلي على الله واصبري بما انه هو عاجبك وبتحكي عنه كتير منيح هو واهله اذن اصبري ورح يتغير اكيد لكن هي شطارتك اوك حبيبتي
الله يبعتلك الخير يارب