ما فهمت بالزبط شو طبيعة المشكلة الي عندك لكن اتوقع انه نقطة الضعف الي عندك بشخصيتك..لازم تغيري من طريقة كلامك معهم وما تسكتي عن حقك وازا انتي شايفة انه الحق معك اتمسكي برأيك وما تتخلي عنه..وكمان خليكي ثقيلة مع الناس يعني ازا وحدة من صاحباتك حكتلك امشي نطلع تكاسلي معها بالكلام واحكيلها مش عارفة بحاول اطلع ما بوعدك ومن هالكلام هاد.

يعني هي حابه تعرف كيف تعامل الناس ولا كيف تقوي شخصيتها ولا هي مو عارفه انه هي ضعيفه شخطيا و لا شو بالزبط...........؟
يعني ازا على تعامل الناس
عامليهم متل ما بيستاهلو انهم يتعاملو يعني المنيح والزوق عامليه باسلوب كتير منيح وزق واحسن من اسلوبه
واللي مو منيح وبيستقوي لا تسكتيله وردي عليه
اما ازا شخصيتك ضعيفه فانتي لازمك دعك يعني تعرفي ناس وتخطلتي مع الناس وتحكي مع الكل وبنفس الوقت ضمن الحدود وما حد يستقوي عليكي

يمكن انتي ضعيفة زي ما بتحكي لانو شخصيتك قد تكون ضعيفة ومستهدفة من قبل الكل.اهذا ان دل على شيء يدل على انه قلبك طيب كتير وما بتقدري تواجهي حدا وهم بنفس الوقت بستغلوا هاي النقطة وبفرضوا رايهم عليكي بكل سهوله:الحل انك تزيدي ثقتك بحالك وتقوي شخصيتك وتعرفي انه قراراتك هيه صحيحه وتفريضيها عليهم مو العكسوحاولي كوني اقوى من هيك وان شاالله بتنحل الامور معك

اول شي انا بتشكركم
تاني شي انا شخصية قوية وطموحة
بس مشكلتي الرئسية اني حابة اعرف كيف اكتشف نقطة الضعف ال موجودة فيا
حتى لبعدين لا اسمح لاي شخص يستغل نقطة ضعفي ويحطمني
او اي طريق او اسلوب انتو بتتبعوه حتى تعرفوا نقطة ضعف شخصية الي قدامك

حبيبتي لازم يصير معك شي لحتى تكشفي شو نقطه ضعفك يعني مو معقول والله انا اعد وافكر شو ممكن تكون نقطه ضعفي
يعني لازم تنحطي بموقف يبينلك ضعفك وبس

انتي بنفسك حطيتي ايدك على نقطة الضعف عندك وهي شخصيتك الضعيفه والمهزوزه انتي عارفه نقطة ضعفك فكيف بتقولي شخصيتي قويه؟؟؟
اللي شخصيتها قويه بتوضع النقاط دائما على الحروف.
قادره انها تقنع الاخرين بأفكارها
عندها المقدره على الاقناع واقناع الاخرين بوجهة نظرها .
عندها اسلوب خكيم بالتعامل مع الامور
عندها الحكمه والصبر وطول البال
بتعرف تتحاور مع الاخرين
فكيف بتقولي شخصيتك قويه ؟؟؟
كل واحد اله نقطة ضعف وبتختلف من واحد للتاني واللي بكون حوالين الشخص وقربه بعرفوا هادي النقطه لانها ما بتتخبا
متل نقطة ضعف عند بعض الرجال بتكون حب النساء بتلاقيه بسخس عند سيرة النسوان او لما بشوف وحده حلوه وهكذا في ناس بحبوا المصاري في ناس قلبهم طيب بوقعهم في المشاكل في ناس عصبيتهم في ناس ضعف شخصيتهم وعدم قدرتهم على المواجهه وغيرها وغيرات
كيف تتجنبي يكون عندك نقطة ضعف بدك تشتغلي على نقطة ضعفك وتحاولي تغيري من طريقتك بالتصرف والتعامل معاها ما بدها شطاره بدها قوة عزيمه بس:)

يمكن انتي ما راح تقدري تطلعي نقطة ضعفك ولا احنا لأنه ما تعاملنا معك مباشرة ولا جربناكي بمواقف عشان هيك انا بنصحك تسألي اصدقائك اكيد هم بعرفوا عنك اكتر ما احنا بنعرف عنك واكيد هم جربوكي بمواقف وشافوكي كيف بتتصرفي وممكن هم افضل منا بالجواب الي راح يجاوبوكي اياها..وما تسألي اي شخص الا اعز صديق او صديقة عندك لأنها راح تجاوبك بكل صدق.

كيف حالك انشالله ما تكوني زعلانة مني من موقف مبارح انا ما كان قصدي أأذيكي لا انتي ولا اي بنت من تعليقي الي حكيته

عليك أن تخبرينا ببعض تفاصيل حياتك حتى نستطبع مساعدتك لأن ما طرحتيه هنا غير واضح

لا انا مو زعلانه وحيا الله فيك وبكل الشباب الطيبه والاصيله حصل خير ولا يهمك :)

نقطة ضعفك انك تبحث عن نقاط الضعف لا عن نقاط القوه وهادا خطا في طريقة التفكير

أنا أحب الجمال مرافقا النباهه عند الصبايا شو أعمل ؟

هادي مو نقطة ضعف هادي نقطة قوه
يعني انت بتحب الجمال وبنفس الوقت الذكاء في المرأه
هادي نقطه لصالحك
مش لازم تتعالج من هيك مشاعر
لانها بدل على عمق افكار صاحبها
وأنه شخص مش ضحل بنخوت بالجمال بس بدون الالتفات لعقل هادي الجميله
استمر على ما انت عليه
ما بتعاني من اي خلل
امورك عال العال
بشرفك مو زي اللي بفتحوا بالفنجان :)
شو قلت خالتي؟؟؟؟

إلى صاحبة المشكلة : كتبت إحدى المجلات الإجتماعية تقول فيها : أن معظم الناس يستدعون الطبيب لا ليفحصهم ،وإنما ليستمع إليهم .
وأنتي منهم ،،،

لاحظت التخبط في طرح العبارات . نتيجة؛ طارح الموضوع شخص تافه يريد العبث ووجد هنا بيئة خصبه للاستهتار،سأراقب حتى النهايه

المشكلة انني سئلت صديقتي العزيزة
وقالت الي انو لازم انتي تبحثي عني لحالك وتتغلبي
لانو لو انا اعطيتك شو هيا رح تتنسيها وتتريحي
وحكت انو لازم تبحثي وتنبشي جواتك حتى تلاقيها وبعدين لا تغلبتي في البحث عنها
رح تتعبي حتى تتخلصي منها او تتجنبيها
هيا مش راضية تحكيلي ولا غيرها
بس انا دايمن بصير معي مشاكل مع البنات لاني بحاول اصلح بينهم وبالاخر بتنقلب فوقي هاي يا ترى نقطة ضعفي ؟؟؟

جميع من حولي يجرحوني ولا اعلم كيف اصدهم او حتى شو هو الاشي الي بخليني ضعيفة.

بالله كيفك حالك ؟؟؟؟؟!!!
مع احترامي الشديد الك ...... بكل بساطة شخصيتك ضعيفة .... او بالاحرى ممسوحة لانه لما يوصل الانسان لدرجة يجرحه اللي حوليه وبدال ما يوقفهم عند حدهم بيصير يدور ع نقطة ضعفه ....على الدنيا السلااام ( إن لم تكن ذئبا أكلتك الذئااب )

الانسان البشري كائن يختلف عن كل المخلوقات الاخرى بداية ، لاتوجد معايير موحدة عند البشر ، كل شخص له طابعه الخاص وكاريزما خاصة به، اكتشاف نقاط الضعف تحتاج للشخص ان يمر في مواقف وتجارب.
من خلال التجارب والمواقف يحكم الشخص على نفسه ، انت قلت ((( بس انا دايمن بصير معي مشاكل مع البنات لاني بحاول اصلح بينهم وبالاخر بتنقلب فوقي هاي يا ترى نقطة ضعفي ؟؟؟)))
انتهى الاقتباس ، هذا يعني ان لاتدخلي بين البنات في الاصلاح لانك تفتقدين هذه الميزة وبالتاي تاتي النتيجة بشكل عكسي وهذه احدى نقاط ضعفك.
استعرضي مامر بك من مواقف وتجارب سابقة وستحكمين على نفسك.

أنا أكن لك معزه حاصه خالصه بالطبع أشكرك وأشكر نباهتك بالتعبير وربط العبارات ،،، بس والله يا خالتي فيه شوية سخونه عندي وفكرت حالي بحب معقول ماله علاقه ،،

بتعرفي شو هي المشكله؟؟
المشكله انك بلا مؤاخذه بتعرفيش تركبي جملتين على بعض
هاي نقطة ضعفك :(

اوعى لحد يسمعك انك معك سخونه
لانه علامه من علامات الانفلونزا
بعدين بحجروا عليك
وهات حيكها :)

بالذات تعليق16 شو بتحكي يا بنت الناش شو نبش وبحبش بجد ذكرتيني بيونس شلبي بمسرحية مدرسة المشاغبين . سؤالي لك لو وقفتي أمام خمس بنات ما بتعرفيهم راح بقدري تحكي أمامهم بأي موضوع لعشر دقائق ؟ إذا كان لأ الخلل فيه منه إجا عن طريق أبوك أو أمك مش بالوراثه إنما بكيفية التعامل وأساليبهم بالمناقشه فأخذتيه أنتي عنهم .سامحيني أختي .

am still ................................WATCHING........

صاحبة المشكلة ؟؟؟ توصلتي الى .................( نقاط ) .......... ضعفك؟؟

أرجو ملاحظة صيغة الجمع ....


والى أخي الألكتروني أبا حمزه .... تحية من عصبي واعذر غيابي ... أعلم بأنك لا تطيقه ولكن ...... لي شؤوني ...

نعم فقدناك في المدة الماضية ان شاء الله المانغ خير، وفقدنا تعليقاتك

انا بصراحه عندي نفس المشكله تقريبا يعني عندي احساس انه عندي نقص بمنطقه معينه من شخصيتي بس للاسف الخوف من المستقبل او الرعب من رؤية المجهول ما بيسمحلي ولو حتى احاول اني اعرف ما هي نقطة ضعفي ؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟
وبتمنى من صاحب او صاحبة العلاقه التواصل على الايميل بلكي حلينا مشاكل بعض

صباح الخير للمحررة

وقراء جراسا وخصوصا ليندا

استخفر الله العظيم عليكم وعلينا
انتو مالكم بقلكم
هاي مش مشكلتي انو الكل عم يجرحني بالعكس بحياة انسان ما جرحني
بس انا ما عرفت كيف اصوغ المشكلة صح
انا بدي مساعدتكم بكيف او طريقة الي انتو يا اصحاب العقل النير
بتتبعوها حتى تعرفوا نقاط ضعف الي بتعاشروه
عرفتوا علي ولا شو

مرحبا،،، وصباح الخير ،، لأمل وتحيه خاصه الك،،،، ولكل الاخوان المعلقين واسرة جراسا ،،، شكرا امل لأنك بتستفقديني دايما،،، باي

من تعليقك رقم 28 اكتشفنا عندك نقطة ضعف انك مش دبلوماسيه وكلامك دج وطفش حد بحكي مع الناس هيك وروحك في مناخيرك شويه يمكن تضربينا بحجر وتفشخينا

ارى انكي تتصفي بالجهل ومن طريقة كلامك وسردك للمشكلة

وحتى ردودك ، انت عرضتي المشكلة انت تقدري تقرري الذي يفيدك وينفعك بحل المشكلة
ولكن لا يجوز الرد بهذه الطريقه

( صاحبة الزفت الاحمر)

استخفر الله العظيم

هدي اعصابك

اسفه ليندا التعليق مو الك

عودة عصبي ...........................


وصاحب المشكلة ...

بس ولدنه .....

بنت نعومه ..............

ما المقصود بها ؟؟؟

نعومه .... حبذا التوضيح بموضوعية ....
لا تقولوا ... من عائلة نعومه ... فلم اسمع بها ...


OVER ..................... عصبي

أمل .............................

حاولي استثناء اسمي ... ومشتقاته في ردودك ... تعليق 30 هدي أعصابك ..

فأنا ... أتزعزع من ذكر مشتقاتي في توجيه عباراتكم الى السفهاء ..

أرجوكم .. لا تندسوا .... طهارتي ....


OVER ..... عصبي

ههههه لا مو من عيلة نعومه انت لبيب واللبيب من الاشاره بفهم انها تصغير ناعمه يسعدك ما الطفك .

الحمد لله على السلامه عدت والعود احمد نورت جراسا :)

رغم عنائي

في التهاب جيوبي..... الأنفية طبعا

لكنني أشتم ...رائحة .....عدم الترحيب الفعلي .... ترحيبك مبطن

على كل الأحوال ... يسلمك ...وسأمكث بضعة أيام .. وسأغادر ...

مرحبا بالجميع من فراء جراسا واخص محررة جراسا ، عصبي ، امل ..... والجميع
الى صاحبة المشكلة قد تكون من احد نقاط ضعفك ايضا ، طرح المشكلة ، عندما طرحت المسكلة كانت الالفاظ ضعيفة لايوجد ترابط في الافكار ، الفكرة الرئيسة لم تصل.
(معذرة منك لم اقصد انتقادك ولكن من باب التوجيه)
حتى تتغلبي على هذه المشكلة ، قبل الكتابة ، كتابة مقدمة ثم الفكرة الرئيسة للفكرة، ثم الافكار الثانوية ، واخيرا الخاتمة.
وقبل ان ترسل المشكلة اقراي ماكتبتي، ودعي احد اخر يقرا ماكتبتي ، حتى تتاكدي وهكذا....

سلامات والله بالعكس يا عصبي ما في بيني وبينك الا كل خير وفعلا انها نورت جراسا برجوعك لانك الدينامو تبعها و مو هيك عصبي الناس بتلاقي محبينها انت اخ وعزيز على قلبي :)

الى عمي أبا حمزه ... أهلا فيك ................... بلا قافية

غيورة ..............

حاولي كبت مشاعرك الألكترونية .... تجاهي ...


نعومه .... يعني أأستطيع القول عن نفسي .... ولد خشون ( بتشديد الشين ) ؟؟؟

الرابعه عصرا ..

وقت قيلولتي .... رغم أنا ليلي أقل نوما منها .....


سأعود ......................

OVER .................................... عصبي

والله بتمون يا عصبي وانت اخ وبضلك اخ كيف ما كانت الوسيله الله محييك ومحي اصلك :)

عندما كنت صغيرا .... كان والدي يأخذني الى العديد من معالم عمان القديمة ..وكم كنت أسعد عندما أراها ..وأصبحت مني عادة ... فأصبحت أزورها وحيدا نظرا لنمو معالم الرجولة .

هذا اليوم .. وعندما أفقت .. محاولا حلق ذقني كوني على رأي بنت نعومة ( ولد خشون ) .. نظرت الى المرآة أفزعني .. خيوط الشيب وآثار التجاعيدي ..معلنا ظهور آثار الشيخوخة ...

لم يكن هذا ... سبب انزعاجي اليوم ... ولن يكون في يوم من الأيام .. ورغم ذلك .. منزعج جدا ..


أتدرون ؟؟ ..............................لماذا ؟؟

سمعت وقرأت خبر حريق وسط البلد الذي أتى على عدد من المحال التجارية ...التي تعد ... تراثا ...ارثا .. ومعلما من معالم عمان القديمة ....

دمعت عيوني ....


لأنني فقدت طفولتي .... في تلك المحال ...فقدت ذكرياتي ... فقدت أرثا عظيما لا يعد بالمال ...


سأنزل

واشاهد ما حل بها .... فربما أجد بعضا من رمادي .....


أعتذر .. ولكنها مشاعر حقيقية .... تعني لي الكثير ...



انها ................ احدي ( نقاط ضعفي ) ...........................

اللي عنده قلب متل قلبك ما بكون ولد خشون بكون ولد قلبه رهيف بتوجع القلب كلماتك ما بدي اكمل طيب خدني بايدك وخليني اشوف بقايا ذكرياتك بس رأيك من تحت الرماد ممكن يطلع طائر النار العنقاء وينفض الرماد عن حاله ويرجع احلى من قبل احتراقه والاصرار على ترميمه وتجديده بايدين كل يلي بحبوا عمان القديمه وزواريبها وآثارها ابصر ممكن يا ريت .

عدت ...

ما أن وصلت مشارف منطقة البلد ... لم تخنقني الأزمة المرورية ...رغم شدتها عن بعد ..

ايقنت .. قبل وصولي موقع ذكرياتي ... انني .. انتهيت .

واقتربت .. اقتربت ,,,, بناء اسود .. من شدة ما لحق الدخان كحل البناء ... تيار كهربائي مقطوع

أوقفت مركبتي .. لتبدأ من خلفي .. أبواق المركبات . تطالبني بالمسير

لم اعهدني ذاك المخالف ... وفي لحظاتي .. هناك .. دمعت عيناي ... أدركت حينها ... أنني فقدت بعضا من معالم عمان القديمة ... البخارية .... وما حولها ...

لأفاجأ ..........................................

بشرطي يقول لي .. تحرك ... فلا يوجد ما تبقى لتراه ...


وضعت نظارتي الشمسية .. رغم الغروب .. حتى لا ارى سواد الذكريات ...

الا أن رائحة البكاء خالطت رائحة الحريق ...

انتهيت ..........................

مساء الخير للجميع وخصوصا محررتنا العظيمة......
الحمد لله الذي لطف اليوم في محلات وسط البلد ، نعم وسط البلد تعني لنا الكثير فهي تراث قديم وحضارة تمتد الى القدم ......وانا اعشق وسط البلد.
الى الاخوة التجار يقول الله سبحانه ةتعالى
((ولنبلونكم بشيء من الخوف والجوع ونقص من الأموال والأنفس والثمرات . وبشر الصابرين الذين إذا أصابتهم مصيبة قالوا: إنا لله وإنا إليه راجعون))
نعم قولوا انا لله وانا اليه راجعون، نسال الله تعالى ان يعوض عليكم ويخلفكم خيرا منها.
فالحمد لله على كل حالز
وقولوا ايضا اللهم أجرني في مصيبتي واخلفني خيرا منها

والله شو برتاح لما أقرأ تعليقاتك بحس أديش انت رايق وبتعلق وانت هادي بتريح النفس في روحانيات بكل تعليقاتك بتهدي النفس وكلها طمأنينه بحب اتابعك واتابع خلقك الطيب مع جميع المعلقين ومداخلاتك كلها هدوء ما احسنك يا ابو حمزه وما احسن اخلاقك شكرا الك على رواقك تصبح على خير .

صباح الخير سيبسا ، كل الشكر هذه من ذوقك ، وبعدين هلا بتخلي راسي يكبر:)
عموما هذا الفضل من الله سبحانه وتعالى
إن أصبت فمن الله وإن أخطأت فمن نفسي .
صباح الخير للجميع ونتمنى نهاية اسبوع سعيدة للجميع

صباح الخير الاخ الالكتروني عصبي
لقد اجدت في كتابة مشارعك تجاه وسط البلد. انت كاتب عظيم تجيد انتقاء الكلمات والوصف.
وهذه احدى نقاط قوتك.
الى صاحبة المشكلة اقرأي ماكتب الاخ عصبي في اخر مداخلة وستجدين كيف ا جاد في الوصف
وطرح الفكرة، ثم ان هنالك كلمات مابين الاسطر ولكن هذا الفن يحتاج الى وقت لنتعلم كيف ان نقرأ مابين الاسطر
وهنا نشيد بقوة عصبي في هذا المجال.

لم تكن كلماتي فنا ...

ولكن ...

عندما تفقد .... عزيزا .... وتشعر بذاك الشعور الصادق.. ستجد أن كلماتك تخرج من القلب قبل اللسان ..

لا زلت اذكر والدتي أيام العيد ... تمسك يد طفل لم يتجاوز الخمسة اعوام ..يد غلب عليها اللين ووهن العظام ...

تدخل ذلك السوق.. والذي يليه ..

تحاول رسم بسمة الفرح بلبس جديد .. طفل يجول بعبنبه الداكنتين كل معالم هذه الأسواق ..فرحا .. يخالطه ألوان البضائع .. وبسمة فرح المتسوقين .. وصدق مشاعرهم .. وطيب أخلاقهم آنذاك ..

وأخرج حاملا كيسي ... ولا زلت انظر مدخل السوق ... أعبر سوق ( السكر ) نشتري بعضا من الحلوى ..ونظري خلفي يراود مكانه ..حتى تتلاشى معالم سوقي .. منتظرا عيدي الجديد ..


فقدت والدتي ..... وفقدت سوقي .... وبت وحيدا في هذه الدنيا ... واصبح عيدي يأتي .. دون ذلك الكيس ...

سأخرج خارج حدود عاصمتي ...

لعلي أجد وقتا ... مريحا .. خارج صخب المدينة ...


ولكن .. لن تكون وجبتي هشا ونشا ... حتى لا أتذكر حادثة الحريق ...

أراكم على خير .. في المساء

لأ انا ما مدحتك عشان يكبرراسك وانا بعرف انه انت متواضع وما بتستنى لا مديحي ولا مديح غيري انا مدحتك لاني متابعه لكل تعليقاتك انت في معظم الاحيان بتضرب على وتر حساس عند المعلقين و بتستوعب الكل وبترد بطريقه قريبه من القلب حتى لو اختلفت مع أي معلق ما بئدر الا انه يحترمك لتهذيبك وانتقاءك لعباراتك معه صباحك حلو .

نسال الله سبحانه وتعالى ان يتغمد الوالدة برحمته، وفي الحديث
{إذا مات ابن آدم إنقطع عمله إلا من ثلاثة: صدقة جاريةأو علم ينتفع به أو ولد صالح يدعوا له}
اخلص لها الدعاء ونسأل الله سيبحانه وتعالى ان يغفر لها ويرحمها.

فقدت والدتي ..... وفقدت سوقي .... وبت وحيدا في هذه الدنيا ... واصبح عيدي يأتي .. دون ذلك الكيس ...

والله يا عصبي هاي حال الدنيا .......وكلنا ماشيين على هالطريق ...........
عنجد كلامك قطعلي قلبي

نقطه ضعفك هي انه انتي مو عارفه شو بتحكي


في الموضوع حكيتي.... ان كل من حولي يجرحوني ولا اعلم كيف اصدهم

وفي الرد التالت على ما اظن بتحكي شخصيتي قويه

فيكي تفهميني هالشئ ؟؟؟؟؟؟؟؟؟؟ظ

مساء الفل اولا وكل الشكر على كلماتك وعلى هذا الاطراء

حمدالله على السلامه كملنا انشاءالله امتحانات افتقدتك كتير اتمنالك كل الخير والتوفيق

انتي يا سيدتي بحاجه الى الثقة بنفسك انتي بصريح العبارة تخافين التكلم مع الاشخاص لانك تتوقعين بان كلامك سوف يكون غلط وخطاءمع العلم رح يكون موزون بس مجعلك يعني مش مرتب كاصول الحكي الصح والمنطق عارفه ليش لانه ممزوج بالخوف والرهبة الموجوده بداخلك انا بنصحك بالرياضه والصبرالرياضه رح تساعدك انك تثقي بنفسك واذا وثقتي بنفسك رح تعرفي نحكي عن بلد كامله وما رح حد يقدر يجاريكي بالكلام جربي يا ستي وما رح تخسري شي وبتمنالك التوفيق بس قولي يا رب

العقول النيرة تختفي يا (صاحبة المشكلة او في مقولة اخرى صاحبة الزفت الأحمر), و لكني كما اعتقد قرفتي حالك و بطلتي تقرأي تعليقات...

على كل يا صديقة : خير جليس في الزمان كتاب.... لاقي اي كتاب بيحكي عن مشكلتك.... و لا تنسي خير الكتب على الأطلاق....

و بالمناسبة 10000 واحد, كل واحد مستعد يعطي 10000 نصيحة .. بس بتحدى حدا يجيب 10 يقبلوا النصيحة...قليلون من يمتلكون الشجاعة... حسب النظام العشري... الراقي...شو ما كان..

و بالنهاية , هنالك اناس يعتاشون على تدمير الأخرين... اتمنى ان لا تكون صديقتك التي ذكرتها منهم...

تقبلوا مروري و تحياتي

لا اتوقع انه يوجد عندك نقطة ضعف ان يوجد في داخلك خوف وجبن من شي معين فكل شيء بالحياة يقسم ما بين الشجاعة والخوف وانتي تقعين في خوف من اشياء كثيرة ومن اهمها
الخوف من اظهار قدراتك ومهاراتك .
وتركيزك الدائم على عيوبك وعدم النظر لعيوب الاخرين التي قد تكون اكبير بكثير من عيبوك .
خليكي هادية وخير الكلام ما قل ودل واذا ما عجبك الموضوع تفرجي بيعونك وخلي الكل يحكتي وانتي متفرجة وتعلمي من اساليب الناس وطرق تعاملهم مع بعض وخلي كل جلسة بمثابة محاضرة الك كيف رح تكتشفي اساليب جديدة وكثيرة اختاري الافضل واتركي السييء

ويجب ان تتحمسي دائما لفنسك وقدراتك وتكوني شجاعة في ابراز مواهبك وشجاعة في اهمال الاخرين الذين ينتقصون من قدرك

وسلامتك
وكل عام وانتم بيخر بمناسبة حلول شهر رمضان

هاي مشكلة كبيرة لازم حل

السلام عليكم ....صباحكم سكر .

انا شاب عمري 23 حبيت ولاحضت اني لما فقدت حبيبتي اثرت فيني حتى اني تاثرت في دراستي كثيرا فهل هدا ضعف في الشخصيه وكيف افرق بين مستقبلي وحياتي الخاصه