مش عارفة شو اقلك خلص استحملي وبكرة بس تجيبي ولاد بلكي بتتغير المتمسح اللي عندك هاد
وانتا كيف بتوافقي ولا خلص انستر واروح
اووووف اووووف عليكم

كتير منسمع انه الزوجه الاولى غير عن التانيه زي ما بقولو ام العيال بس يا اختي حاولي فكري وشوفي بركي في عندك شي غلط بأسلوبك او اي شي حاولي غيري طريقتك ومنهج حياتك معاه وتعاليله بالكلام الحلو لانه الكلمه الحلوه بطلع الحيه من جحرها ,,, لا تحسسيه بغيرتك منها او عدم اهتمامه فيكي مشكلتك بدها شويه شطاره ولسان حلو حتى لو البك بدو ينفجر منه شوي شوي بتكسبي حبه واهتماه وانت وشطارتك

اولا: حل المشكلة موجود في اول سطرين من المشكلة
ثانيا: الصبر

حبيبتي لا تقارني حالك بحد واشتغلي على حالك يعني اعطيه حقه وزيادة مشان يكون الك لانه قلب الزلمة بالذات ما بتقدري تفوزي فيه بالساهل
وبعدين انتي اللي حطيتي حلك بموقف انك تكوني التانيه وما في زلمه بيتجوز غصب عنه
وديري بالك على حالك وعلى جوزك ولا تطلعي على غيرك

المرأه تمتلك اساليب كثيره لجذب الرجل اليها ما عليكي الا تتعلمي من غيرك هذه الاساليب

وجودك في حياتووووووو ما الها داعي
وعلى البدري اخلعي وانفذي بكرامتك
بلاش تكبر المشاكل وتروحي بين الرجلين
والله وقتها ما حد بحكيلك وين انت وما حد بعبرك
انفلي عنه وعيشي بكرامتك احسنلك
ولا اتكوني خرابه ابيوت
واذا الاشي واقع وصاير
وحاولي لا تخلفي منه بكون احسنلك واريح لراسك
وكل واحد بروح على بيته احسن

اصبري يا اختي..بس بتكون معورفه يا اختي انه دائما الزوج يرجع الى الزوجة الاولى بس انت حاولي تخليه يحبك

اي خرجك حدا قلك تزوجي واحد متزوج ما حاولتي تحسي بمرتو الأولى شو رح يصير فيا
اي خرجك الله لا يقيمك ونشالله بيصير هيك بكل وحدة بتتزوج واحد عندو مرة قبلا
لك لو تزوجتي واحد مطلق نص مصيبة
اي الله لا يقيمك

ايش رأيك تحرم اللي الله حلله الله حلل الزواج ليش قاعد بتشمت انت ايش دراك بظروفها وبظروف زوجها لحتى اتزوج لو انها عشيقه كنت كيفت بس لانها بالحلال ما عجبك البين يطسك من بين الشباب المهويه ولك ا نظب

شو يا رويبضة بعدك بتعلق على الناس ما بدك تعرف حجمك يا سخيف,(انت او انتي ) اصلا بدون حجم وبدون اخلاق انت نكرة انت (nothing) يا بتحكي عشان تفيد الناس او تطرح رايك بالمشكلة يا ابلش بحالك,بس انت من النوع الي ملا بيجي غير بالبهدلة خلص والله ما رح احرمك منها وكل ما اشوف اسمك غير ابهدلك,هاد وعد مني الك يا مني ((((الرويبضة)))),,,,,,,,,
يا عديم كل شيئ

لا انتي خلطانة لا بحبك ولا بحب الاولى ,,,,,بحب الثالثة و عندة نية ÷ههههههههههههههههههههههزلمة فنقري

الله يحي اصلك هيك نمر بدها هيك اسلوب اكيد متعود ع البهادل ف ما رح يتأثر بس مع هيك لا تقصر فيه

اسعد الله اوقات الجميع وخصوصا محررتنا على جهودها الطيبة التي تبذلها في تحرير واخراج هذه الصفحة.
الىصاحبة المشكلة قبل ان تشرعي في كتابة مشكلتك هل جسلت الى زوجك وحاورتيه عن تصرفاته، ام انك لاتجدين الثقة في نفسك لفتح الموضوع معه، يجب ان تذكري زوجك بان التعدد في الزواج اساسه العدل ـ بمعنى اذا خرج مع زوجته يجب ان يخرج معك هذه ابسط حقوقك
( العدل في التعامل بينكما) وهذا مااخبر رسولنا صالى الله عليه وسلم بالعدل بين الزوجات ـ فعليك ان تنبيه لهذه المسائلة ، اذا لم تكن هنالك اية اجابة ا دعي والدك او احد اقرائك يخبره بضرورة العدل بين الزواجات ، نتمنى لك التوفيق والسعادة في حياتك

المحررة : مساء الورد

حاولي تهدي وتفكري هو شو بحب واعمليه واتركي الاشيا الي بكرها
مافي انسان الا قلبه بكون مايل لشخص معين
ما تزعلي بس ما حكيتي انت الك اولاد منه؟

يا اخوان انا بشكركم كتير و بشكر جراسا انها طرحة مشكلتي على هذه الزواية و انا بحترم وجة نظر كل شخص فيكم

انا لسا ما حملت و ما عندي اولاد الي ستة و نصف متجوزة .

بس هم بعيلتهم زي الاجباري الجوز ياخذ العروسة التانية..... لو كان بحب مرته ما بعرف ليه هيك و انا كمان عمري صار 34 سنة فكان شي طبيعي اني اوافق .

الغلط ان تتزوجيه في الأصل لأن له أسرة وتعرفين أن هذا الفعل هو بلا أدنى شك تعدي منكي على الحقوق الزوجية لإنسانة أخرى، لكن بما أنك رضيت بهذا القدر عليك أن تكوني كما أنت حصرا وما تتغيري وبكل تأكيد سيتغير هو إلى الأفضل بالنسبة لك ولزوجته الثانية.

مرحبا للكل ولكن من تجاربي قبل وبعد الزواج اقول لكي الوصفى السحرية ومجربة ايضا
1. حضري نفسك لقضاء ليلة جامحة مع زوجك وذللك بقضاء ليلة العمر معه
2.ادعو زوجك لعشاء فاخر في مكان رومنس وعلى الاضواء الخافته
3. غيري تسريحة شعرك وكوني اكثر جراءة وارتدي ملابس تذهله للابد ورائحة مثيرة
4. قومي بمدح زوجك واشعريه رجولته التي تفوق رجولة بروس بروسنن
5. حاوري زوجك وعيناك في عيناه وان تكون كلاماتك بالهمس وقريبه من اذنيه
6.بعد ذللك سيذهب معكي للبيت بدون دعوة
7. تفنني في امتاعه وقضاء ليلة عمرة( لا يوجد متسع للشرح)
8. بعد ذللك ستري النتائج ..... وستكونين انتي الزوجة الاولى والثانية معا

انا باعرف ان الزوج اذا تزوج وحده ثانية يحطها فوق رأسة لانها جديدة(بورقتها) مالك انت طفشتيه؟الا اذا الاولى احلى منك.

لا بالله شو هالدرس اللي من الآخر بتفكري الستات جاهلات ما هي بتقولك انه بيجي لقضاء شهوته معها ايش هالتخلف بتفكروا الزواج جنس الزواج اشياء كتيره من ضمنها الجنس بس يلي تفكيرهم محدود بعتقدوا انه هو الحل لكل المشاكل وبجلب المحبه لسه بدك دروس ياما لحتى تعرف او تعرفي شو معنى الزواج والحب.

الى شوكة مغروسة ساقتبس من كلمات صاحبة المشكلة ((شعر أنني مثل العشيقة يأتي إليها عندما يريد أن يفرغ شهوته فقط، )). انتهى الاقتباس ، ماقدمته او قدمتيه لايفيد صاحبة المشكلة.
ارجعي الى الاقتباس وسترين بان زوجها ياتي عندها ،،، .
الرجل لايكون تفكيره طوال الوقت في الناحية الجنسية ،المسائلة مسائلة عدل بين الزوجتين هناك تعامل بين الزوجين وهناك طريق طويل يسرا فيها كل منهما .
كما انه يدفع في بيته الاول عليه ان يدفع في بيته الثاني.
تقول صاحبة المشكلة ((مع أنني أحاول أن أساعده قدر استطاعتي حتى أنه عندما أخرج معه يقول لي عليك أن تدفعي لأنك من دعوتني للخروج)) انتهى الاقتباس . فهل هذا عدل.
المفروض من صاحبة المشكلة ان تحاوره بعقل وان هذا المصروف والنفقة هو حقها الشرعي.
اذا لم تلق اي استجابة من زوجها عليها ان تكلم والي امرها ابوها او اي احد اخر حتى يضع حدا له.
ملاحة اخيرة وهي ما ادراك ماهي رجولة بروس بروسنن

اخلعيه واخلصي منو

شكلرا على التعلق بس بحب احكي مايلي
1. التوافق الجنس مهم جدا لانجاح او افشال اي زواج
2. واذا لم يكن هناك توافق جنسي سينعكس على حياة الزوجين بكل النواحي حتى لو لم يحث انفصال
3. بالنسبة لرجولة بروس بروسنن لقد اخذت الجانب الشكلي اي جاذبية الرجولة
4. وانا مؤيد لنظرية فرويد التي ملخصها ان الجنس الاساس المادي للتطور والعمران

يا زلمه انت ما بتفهم انت ما بتقرأ الجنس مش مشكله عندها عامل اللي عليه وزياده بالقلم العريض الست قالتها هو ما في غير الجنس يا تبع فرويد احنا مش حيوانات و الجنس لحاله ما بصنع بصنع السعاده افهم بقى واقرأ منيح

بدي اكون سوقي بكلامي شوي
اولا انت سطحي في تفكيرك و ما بتقراء ما بين السطور
بس بتفكر بالمكتوب
ثانيا انا قصدي عن طريق الجنس ممكن تتطور علاقتهم وتصير منيحة في كل المجالات
ثالثا بلكي بروح عليها بس تكون الاولى جايتها الحجة

الجنس ليس له اعتبار هنا لانه تزوج من اثنتين ،،،،،
هل قرات ماقالت صاحبة المشكلة ، ارجو ان تقرا .....
اذا كان الجنس فقط هو الذي يصنع السعادة فاننا سنكون مثل الانعام (الحيوانات) ، هنالك جانب اخر الجانب الانساني في التعامل في هذه الحياة وقبل الجانب الانساني الجانب الديني ....
هل حياة الفرد فقط جنس؟ انا اخالفك الراي في هذه النقطة .
لو كان الجنس مهم جدا في حياتهما لكانت لها افضلية على زوجته الاولى ، كونها زوجة جديدة وبدون اولاد.
ثم ماداخل نظرية فرويد هنا ؟؟؟؟؟؟؟؟

كل شيء باهدا والتفكيير.لازم تتفاهمي انت واياه وما تعملي اشي بزعلة كل شي بده اياه اعملي .اكسبي لناحك وما تحسسي انك بتعملي هيك عشان مرته التانية .بالعكس لانك بتحبيه...وان شالله بسير يحبك اكتر منها

والله حبيبتي دائما الاولى هي الاصل

وانا متاكده مافيه شئ منه هالحكي

بس انتي بدك تكوني الكل بالكل

وحبيبتي هيك مابصير

انتي زوجته وهي زوجته


تقبلي مروري

ما دامه متزوج ليش توافقي عليه بدك تتحملي نتائج قراراتك حبيبتي

انا مابدي اعلق
انا بدي اسألك انت صارحتي بوضعكز
وازا صراحتي شو كان الرد
على شان اقدر اساعدك

ليش انت توفئي مادم انك انت عارفة انو متجوز
كل واحد بدو يتحمل نتيجة عمله

انا ما بدي اعلق
انا بدي اسألك انت سألتي جوزك ليش بعمل فيكي هيك و حاولي انك تستفسيري
ولا تحكي انو صعب . مافي شي صعب
بكلمة منك تئدري تكسبي لالك.
حاولي تفهمي شو الاسباب وانك تكسبي جوزك لا الك .
ولا تردي على حد الي بحكيلك انت وافئتي استحملي
وانت بتصلي ادعي ربك انو يوفئك بحياتك.
مع خالص تحياتي

اذا كان الزواج الثاني لمصلحة مثل الاولاد او غيره فانتظري حتى تاتي له بما يريد وسيصبح يهتم لك كما يهتم لها ان شاء الله وهنا يجب ان تكوني عادلة عندما يحدث ذلك وتذكريه بحقوقها التي لها كما هي لك.

واذا كان زواجه منك لقهر الاولى لمشكلة حدثت بينهما فانتي دخلتي في معركة ليست معركتك وستخسرين اذا لم تعيشي الواقع وانك الزوجة الثانية والاحتياطية التي سيلجا اليها عند الحاجة وهنا يجب ان تلعبي دور المصلح الذي لا يعيش على مصائب الاخرين انما على حبهم ووفاقهم.

وهنا يجب ان تكوني صادقة مع نفسك ان ما تشعرين به هل هو حقيقي ام مجرد غيرة مفرغة وغيرة نساء وان طمعك بالحصول على المزيد هو ما جعلك تشعرين بذلك فاذا كان كذلك يجب ان تؤمني ان العشرة التي بينهما لها اثر معنوي ونفسي عليها ويجب ان تعيشي الواقع.

واخيرا اتمنى منك ان تسعي للتآخي مع الزوجة الأولى وتكونان كالصديقات او الاخوات وتخرجان معه معا وتعودان معا وتأكلان معا وكل شيء باستثناء الفراش يتم توزيعه حسب العدل... فاذا اتفقتما وتجاوزتما مسائل الغيرة والحسد ستعيشان بخير وسعادة


وكل عام وانتم بخير
رمضان كريم

بتستاهلي انتي رضيتي تكوني التانية من البداية فرح تبئي طول عمرك تانية وما رح يغير شي ابدا مهما عملتي وكل هاد طبعا ربنا رح يحاسبك لانك انتي وياه كسرتي بخاطر الزوجة الاولى

في استغفر الله وليش ربي راح يحاسبها إذا الله حلل ع الزوج أن يتزوج أربع فرجائنا بلاش هالكلام الي ماله معنى ولا تكسري قلب المرأة لأنك مانك في مكانها وموقفها
الله يساعدك يا اختي الفاضله ويخفف عنك همومك