جراسا -

مرحبا يا جماعة الخير انا حاب احكي مشكلة عندي بعد ما استنفذت جميع الحلول وارجو اني الاقي الحل عندكم.

انا شب عمري 30 ولهلأ ما اتزوجت والسبب امي وابوي كل ما احكيلهم بدي اتزوج بضيعو الموضوع صرهم 3 سنين بماطلو فيني وانا مش عارف شو اعمل كل ما احكي معهم تلفون وافتح هالموضوع بتخانق معهم ومنبطل نحكي مع بعض بس للاسف بحن قلبي عليهم وطالب رضاهم مش عارف شو اللي بدهم ياه رغم اني دخلت اخوي الكبير يحكي معهم وعلفاضي ودخلت عمي كمان عالفاضي لا جدوى مع اني انا اخر واحد بالعيلة الكل متزوج تعبت ونفسيتي صارت بالحضيض استشرت جماعة صحابي حكولي روح اتزوج وسيبك منهم فكرت بالموضوع بس لقيت اني رح يضل مغضوب علي وما رح اتوفق غير هيك ما حدا ايامنا هي بزوج حدا بدون اهلو شو اعمل كرمال الله انصحوني تعبت كتييير ويلي من رضا اهلي ازا ضليت تحت مشورتهم ما بتزوج للاربعين وويلي من غضبهم وغضب الله ازا اتزوجت بدون علمهم ويلي من غربتي اللي عايش فيها لحالي لا صديق ولا قريب وويلي من نفسي والنفس امارة بالسووء والله صرت اخاف عحالي من الحرام مع العلم انو انا مجال شغلي 90% مع الحريم محتار شو اعمل انصحوني كرمال النبي شو اعمل وكيف اتصرف استنفذت جميع الحلول والله حلمي انو يكون عندي بيت وعيلة بس للاسف لك اااااخ يا هم عندي رب كبييير ما بنساني بغربتي يااااااااااااااارب لا تنساني من فرجك.

ارجوكم اللي بدو يعلق تعليقات ويتمسخر يراعي نفسيتي ويدعيلي بالفرج بدال ما يتمسخر والله الواحد قلبو من الحامض لاوي اسف عالاطالة وتحياتي للجميع.