انا محتاجه رايكم جدا يا جراسانيوز
انا فتاه تخرجت من الجامعه من حوالي سنه
انا فتاه لا احب الشغل كثيرا خارج البيت ولكن ابي يجبرني على الشغل خارج البيت واصبح يكرهني ولا يطيقني كثيرا وعلاقتي معه لا تتعدى بضع كلمات باليوم انا فتاه جسمي يتعب بسرعه اي ليس من النوعيه التي يتحمل الشغل وانا الان ادرس في البيت اعطي خصوصي وابي لا يعجبه ذلك وقدم لي على الديوان والاضافي لتدريس بالحكومي ولكنه لم يحصل الى الان وظيفه ويريد ان يشغلني بالخاصه وانا لا اريد .
وابي اقسم علي لاستغل وانا اعاني من ارهاق في جسمي واتعالج الان حاليا وقلت لابي يصبر علي لكنه لا يريد علاقتي مع ابي لا تطاق ارجوكم هل اجباري الشغل للفتاه برايكم مع العلم ان وضعنا المادي جيدونفسيتي لشغل غير مؤهله وقلت لابي يصبر علي قليلا وحتى قال لامي يريد ان ياخد من راتبي انا تعبت وحاسه حالي بالبيت بالسجن من اهلي وتصرفهم معي لاني لا اعمل ولا احب الجلوس مع ابي .
ولا تقولون لي زواج الزواج نصيب وياتي على البيت الخطاب لكن مشكلتي الشغل هل عدم شغل الفتاه خارج البيت ذنب عند اهلها اتعبت من اهلي الرجاء يا جراسا النشر بسرعه وشكرا
انا محتاجه رايكم جدا يا جراسانيوز
انا فتاه تخرجت من الجامعه من حوالي سنه
انا فتاه لا احب الشغل كثيرا خارج البيت ولكن ابي يجبرني على الشغل خارج البيت واصبح يكرهني ولا يطيقني كثيرا وعلاقتي معه لا تتعدى بضع كلمات باليوم انا فتاه جسمي يتعب بسرعه اي ليس من النوعيه التي يتحمل الشغل وانا الان ادرس في البيت اعطي خصوصي وابي لا يعجبه ذلك وقدم لي على الديوان والاضافي لتدريس بالحكومي ولكنه لم يحصل الى الان وظيفه ويريد ان يشغلني بالخاصه وانا لا اريد .
وابي اقسم علي لاستغل وانا اعاني من ارهاق في جسمي واتعالج الان حاليا وقلت لابي يصبر علي لكنه لا يريد علاقتي مع ابي لا تطاق ارجوكم هل اجباري الشغل للفتاه برايكم مع العلم ان وضعنا المادي جيدونفسيتي لشغل غير مؤهله وقلت لابي يصبر علي قليلا وحتى قال لامي يريد ان ياخد من راتبي انا تعبت وحاسه حالي بالبيت بالسجن من اهلي وتصرفهم معي لاني لا اعمل ولا احب الجلوس مع ابي .
ولا تقولون لي زواج الزواج نصيب وياتي على البيت الخطاب لكن مشكلتي الشغل هل عدم شغل الفتاه خارج البيت ذنب عند اهلها اتعبت من اهلي الرجاء يا جراسا النشر بسرعه وشكرا
انا محتاجه رايكم جدا يا جراسانيوز
انا فتاه تخرجت من الجامعه من حوالي سنه
انا فتاه لا احب الشغل كثيرا خارج البيت ولكن ابي يجبرني على الشغل خارج البيت واصبح يكرهني ولا يطيقني كثيرا وعلاقتي معه لا تتعدى بضع كلمات باليوم انا فتاه جسمي يتعب بسرعه اي ليس من النوعيه التي يتحمل الشغل وانا الان ادرس في البيت اعطي خصوصي وابي لا يعجبه ذلك وقدم لي على الديوان والاضافي لتدريس بالحكومي ولكنه لم يحصل الى الان وظيفه ويريد ان يشغلني بالخاصه وانا لا اريد .
وابي اقسم علي لاستغل وانا اعاني من ارهاق في جسمي واتعالج الان حاليا وقلت لابي يصبر علي لكنه لا يريد علاقتي مع ابي لا تطاق ارجوكم هل اجباري الشغل للفتاه برايكم مع العلم ان وضعنا المادي جيدونفسيتي لشغل غير مؤهله وقلت لابي يصبر علي قليلا وحتى قال لامي يريد ان ياخد من راتبي انا تعبت وحاسه حالي بالبيت بالسجن من اهلي وتصرفهم معي لاني لا اعمل ولا احب الجلوس مع ابي .
ولا تقولون لي زواج الزواج نصيب وياتي على البيت الخطاب لكن مشكلتي الشغل هل عدم شغل الفتاه خارج البيت ذنب عند اهلها اتعبت من اهلي الرجاء يا جراسا النشر بسرعه وشكرا
التعليقات
بده يستد الاقساط اللي دفعها عليكي
الله يطعمني واحد زي ابو عبده جارنا كبير في العمر والقدر وعلى راسي وفيــــــــــــــــــــــ
وههههههههههههه
فكيف بدك تشم ريحة طيبة ؟!
انا اول مرة بشوف أب بغصب على بنته انها تشتغل ؟؟؟؟؟
لا والمصيبة انه وضعه المادي كويس
انا احتراما الك بس مش راح اشتمه :-(
الله يعينك عليه :-(
اذا بتقدري دخلي عمك أو حدا من اخوانك في الموضوع عشان يساندوكي
وربنا يوفقك
ــــــــــــ
تحية كبيرة الى angeel
WEEN SERE YSHOOF ? ANA JANB ANGEAL WAD7A KTEEEER KLAME 3N JAD BDHA MOTARJMEEN MO MOTARJM WA7D
Y7YA EL 3ADL:-P:-P
في شخص وقح ومحروق راسه مني هو الي بعلق تعليقات تافهه باسمي
يستحي احسن اله
مع احترامي للجميع في كتير اباء ماديين كتير ...
كنتي قعدتي بعد التوجيهي تطبخي وتنفخي وتعلميتلك شغل الصناره والخياطه .
وانا مع قرفانه .
بكره الزواج مسؤوليه وولاد وبيت وتنضيف وتعزيل وزوج وواجبات اجتماعيه .
اشتغلي وشوفي الدنيا وكوني اشي مفيد بالمجتمع بدل ما تقعدي تحطي ايدك
على خدك وتندبي بختك وحظك .
اصلا لما تقعدي بالبيت بتسيري زي النسوان بتروحي بالعرض وشغل أكل
ونميمه وقلي وقلتله .
قال ابوي جابرني اشتغل كنتي من الاول قلتيله بديش ادرس وبدي
أقعد في البيت مثل الجاجه بتاكلي حتى بدون ما تبيضي .
أما قصه .
الاهل معروف بدهم الينت تشتغل علشان المصاري ...بس انتي ليش ما بدكِ تشتغلي .؟
طيب ليش درستي ...؟ وكيف بتتعبي ؟ وكيف بدك تفتحي بيت وتتحملي مسؤولية زوج واولاد؟
اسمعي علشان ابوكِ دخلي حدا بالموضوع عم خال اي حدا إله كلمة على ابوكِ ..؟
وإذا ما زبطت معك واهلكِ ما اقتنعوا ... بعينك الله واشتغلي على الاقل بتخلصي من جو البيت ...
..... موفقة يا عيوني والله ييسر إلك كل خير ويهدي ابوكِ ...آمين
والله يرزقني الوظيفة ....يااااااااااااارب ...آمين
................
♥ نبضات قلب ♥.
اول ماتخرجت من الجامعة تفاجأت بابي يعطيني رقم تلفون روضة قلي اتصلي واسالي بلكي بيوظفوكي تفاجأت كتير وتصنعت البسمة وكلمت المدرسة اللي عطاني رقمها ابي وهو يعرف انني اعاني من نقص السكر بالجسم والفقر الدم والتعب الدائم لكنني لم اشأ ان اكسر خاطره فعلا توظفت بمدرسة خاصة غصب عني تقريبا وكنت احزن لان اخوتي شباب عاطلين وانا اشتغل اخرج من السته الا ربع لان دوامهم يبدا بكير كتير صدقيني اني كنت ادرس في هذه المدرسة والروضة المتواضعة فقط لكي يرضا عني اببي ولاسساعد في المصروف رغم ان راتبي كان حوالي 60 دينا اعطي امي النصف وابي الربع ولايبقى لي الا الربع بس ربنا اعطاني القوة وادوام وانبسطت بالدوام رغم الارهاق والله اني كنت من التعب اصلي عالقاعد بس انتي اولها بيجوز تتعبي وخدي الامر كانو رضا والدين اغصبي حالك بالاول بعدين تقبلي الموضوع بصدر رحب والله كنت اولها متعبة نفسيا بعدين صرت اشتاقلها للمدرسة والله سبحانه وتعالى بباركلي برزقي وعطيت طلاب خصوصي بعدين ربنا بعتلي وظيفة محترمة احسن من الروضة تضاعف راتبي واصبحت ركنا اساسيا بالبيت كان اهلي ماياكلو لارجع من المدرسة يحطو الاكل يكونو عميستنوني ارضي ابوكي واهلك والله حيرضيكي ياعزيزيتي الاباء هاي الايام وبهاي الظروف يحتاجون المساعدة من اولادهم ساعديهم وكوني الابنة الحنونة وربنامارح ينساكي من كرمه وعطاءه بكرة بتتجوزي وبتتذكري هالايام وبتحمدي ربك انك ساعدتي اهلك وارضيتهن وبتكوني ضميرك مرتاح تجاههم وتجاه ربك وتجاه حالك قولي يارب ولا تزعلي من ابوكي المادي فشايفتلك اغلبهم هيك الله يهديهم ويطول عمارهم وبالتوفيق ياعزيزتي
الاحلام لماذا نحب الاحلام؟؟؟
هل لانها تبعدنا عن الواقع ام لانها تجعلنا نفعل ما نشاء دون حساب او توبيخ، نرتحل من حلم لاخر ، من امنية الى اخرى , نحمل معنا ذكريات الماضي وامنيات المستقبل,
لكن من المحال ان يدخل الحاضر في بوابة الاحلام هذه
لهذا سميت الاحلام احلاما.
بس الصحيح انو زلم اليوم -طبعا مش كلهم- صارو ينظرو نظرة مادية يعني ابوكي بيحسبها انو درسك و دفع عليكي و بعدين بيجي واحد مسخمط بيتجوزك و يعتبر هو المستفيد:-o
فبدو يرجع اللي دفعه بالعقل:-D
بس الله بعينك دوريلك على شغل خفيف عشان تخففي عحالك و بس تجوزي بلكي ربنا فرجها عليكي:-[]
بنت ابوها كيفك و كيف ابوها؟:-D
لكن انتي انسانه كسوله
واتخيل ان نفسيتك وهمتك وشخصيتك تعدت السبعين سنه
كيف بدك تتزوجي اذا كنتي بهيك حاله الرجال لايحبون المراه الكسوله والبيت بدو تعب وشغل والاطفال كمان
المفروض انك ما درسي جامعه وخليتي ابوكي يصرف عليكي والدراسه غاليه
بعدين الشغل مش متعب متل الدراسه بالجامعه
هناك اعمال سهله
وربنا يوفقك
روحي اشتغلي بلا فلسفه
خلص انحلت المشكلة .... جبت كتاب قاموس كلمات موزمبيقي - عربي :-P
طيب دانه ممكن سوال انت ما بتحبي التدريس هو كتير بتعب وانا متلك ما بحبو؟
انا ما بحبو وام الحكم انت هلا متزوجه
وكيف وضعك مع السكري مالجيزة ادا كنتي متزوجه
بس انا يا ام الحكم وضعنا مو سئ بس ابوي بدو ياني اشتغل ومو عاجبه درست وما استغل
واي كمان اخو متخرج جديد وبيشتغل وبيحكي لابوي اني اشتغل
يعني غصبن عني راح اشتغل ادا طلعلي مع انو ابوي ع فكرة ما بيصرف علي ولا شي غير اااكل والشرب بساما مواصلات لو بدي اطلع مشوالر او لبس كلو مني
ومع هيك بدو اشتغل
الله بعين ويفؤج همي بتمنى تدعولي يا معلقين
حرام تدرسي أي طالب ..
لأنه مستواكي في الاملاء وفي اللغه مستوى ...هات ايدك والحقني ..
يعني كلميتن على بعض مش عارفه تحكي ..
ولا عارفه تكتبي املاء صح ..
فأكيد مش لازم تعملي بمهنة التدريس ..
الا اذا ناويه اطلعي النا جيل من الطناجر ومن التنابل .. الله يعوض عليكي شو كنتي بتدرسي بالجامعه ..او الأصح كيف وصلتي للجامعه وكيف نجحتي ؟؟
اصلا انتي لازم تقوليلها بالتم المليان انتي بتنفعيش ادرسي
صح ولا لأ بعد هالمجزره الاملائيه واللغويه تبعتها ....
ولا بس بتحبوا اللي بنافق وبتحبوا اللي بكذب عليكم وبتكرهوا اللي بحكي الصح
مش مهم رأيك كتير لأنك شكلك من اللي بخلوا الطلاب طناجر ...
عليهم هجوم كاسح كسحة رجل واحد هع .
بتعرف لي رايك بنت جامعيه ما بتعرف تكتب منيح ولا بس ما سدئت ولقيت شي تعلق في ؟؟؟؟؟؟؟؟؟؟؟؟؟؟
الاغلاط الاملائيه يلي عندي مو لأني ما بعرف اكتب منيح وبدي درس بالعربي لا يا مصحح اللغه
الاغلاط الاملائيه يلي عندي او الكلمات الغلط لانو بكون مستعجله بالكتابه واصلا ما الي نفس اكتب من مشكلتي افهمت يا صاحب النوم
واتحداك هلا تلاقي عندي غلط املائي لانو هلا اجا ع بالي اكتب منيح لاورجيك انو بقدر اعطي مو بس دروس بالعربي كمان بالانجليزي لانو تخصصي انجليزي مو عربي اصلا
ويا دانه لي موجعه راسك معا هنوفاضي اشغال وبدو يحكي جاي ع بالو الحكي بس مش اكتر
انا دانه تخصصي لغات ما بعرف ادا بنفع ادرس انجليزي او او بالمدراس بيفضلو يلي دارسه انجليزي اكتر من يلي دارس لغات
اصلا انا صف ما بعرف اضبط هدوء الصف لانو مو مستعده اصرخ وابح صوتي بس بدي اسالك يلي ما بيضبط صف من ناحيه الهدوء في احتمال يستغنو عنو بالمدرسه وانا اصلا ما بحب التدريس
طيب انتي كنتي بالخاصه ولا بالحكومي بيحكو الخاصه اصعب تدريس
وشكرا الك
هلا.....................هلأ
يستغنو ................يستغنوا
ع شي ...................على إشي أو شي
بما انه الكلام باللغه العاميه يعني
وبعدين عندي سؤال هو اللي دارسه بالجامعه لغات ...
يعني بتعرفش تكتب عربي ...بكون لسانها ألوق يعني ؟!!!
جد مره تانيه انتي كيف نجحتب بالتوجيهي ...وكيف دخلتي جامعه ولغات كمان..
لأنه اللي بعرفه انو اللغات معدلها مرتفع بالجامعات الحكوميه ...
الا اذا كنتي دارسه بجامعه خاصه
أو معدلك بخزي ....ودخلتي واسطه على حساب مقاعد المكرمه ..او الأقل حظا ؟؟
بس بصراحه جد منيح انك قررتي ما تشتغلي بالتدريس حرام رأفة ورحمة بطلابنا فلذات أكبادنا المسخمطين يوقعوا تحت ايدين ناس بدرسوا من قفى ايدهم وبدهمش يبحوا صوت البلبل تبعهم ولا تغريدهم قال يعني !!
دور عليكي بتلاقيكي لما بتمزعي بالصوت بتحولي العيله بالليله وصوتك بزمر تزمير بكون .
انا عارف قال جامعيه قال .اسكتي لحد يسمعك
المره الجاي ابعتي التعليق تبعك باللغات الله يعينك صعبه عليكي تكتبي عربي عامي جد صعبه :-D
فينا نفهم شو مرضك
بس بتعرف شغله اسلوب ما عندك لرد يا مصحح الاغلاط الاملائيه وانت يلي بتنفع لتدريس روح خليهم يحطوك استادلانك باسلوبك المتعصب بتقدر تضبط صف وبتقدر تعطي عربي منيح منيح احسن مني بكتير ما انا ما بنفع لتدريس بلك حكيت لبابا يحطك مكاني بالتدريس بتنفع اكتر مني انا ما بنفع ع قولتك
والله دانا بتفهم لانها ما ردت عليك لانو اسلوبك مش مشرف لاي حد يحكي معك
راح تسألني لي رديت عليك
رديت عليك لأحكيلك بس انتبه ع حالك ليصيبك جلطه لاني ما بقربلك شي ولا بهمك لحتى تحرق اعصابك وتعطي رايك بشي ما بخصك
وبس اكون بنتك بتبقى تحكيلي اشتغلي او لا تشتغلي
يختي مش مستاهله الشغله خدي حبه مهديء وهدي اعصابك ...........
لازم تشكريني خليتك تصحصحي من نياطتك ...
وخليتك تبيني الجانب البشع منك ...اللي هو العصبيه .......
فخير ما عملتي انك ما بدك ادرسي ...العصبيه ما بتنفع مع التدريس ....
وبتنهاري ويمكن وحده من الطالبات تناولك خماسي تجيب أجلك اذا زدتيها معاها..
ولازم تشكريني كمان لأني خليتك قبل ما تعلقي تراجعي تعليقك عشر مرات أحسن لأصيد
الأخطاء الاملائيه تبعتك وأشل أملك ....
شفتي إني عملت خير .... بس شكله ما بنفع مع الناس المعروف :-D
بالمناسبه الموضوع بخصني رضيتي أو أبيتي بمجرد ما نشرتيه كمشكله صار لازم تتحملي أي تعليق كان ضدك أو معك ...
ولا كمان مريضه بالحساسيه من الانتقاد وما بتتحملي الانتقاد بسملك بدنك يعني وهاي هع تانيه الك .:-D
بس ياجماعة ماتنسوا تنصحوني بدورة آخدها وتكون منيحة.;-);-)
او لانو بس تروحي ع البيت في شغل يعني ما بتخلصي كل الشغل بالمدرسه كمان البيت بضلك تحضري وتعملي اوراق عمل لانو الخاصه بتشدد اكتر صح؟
كمان حابه احكيلك الي بنت عمي وجارتنا متزوجات التنتين وماشاء الله عليهم شغل وبيت وتدريس انا مش عارفه كيف مشيات امورهم وما بيشكو من التدريس يمكن لانهم بالحكومي
وبعرف كمان وحده من قرايبنا دارسه عربي وما بتحب تشتغل معلمه وما اخدت كورسات ولا شي اتوضفت بشركه اورانج بس مشكله الشركات دوامم ل6
او5 المسا يعني في سلبيت يمكن وبعرف بنات مجالهم التدريس وبيشتغلو بشركات فهي بتعتمد ع الواسطه انا يلي بنصحك فيو تقراي اعلانات وضائف بشركه وتاخدي متلا دورة كمبيوتر وتقدمي طلبات وشوفي شو بصير معك
بعدين شوفي كل شي اله سلبيات يعني دوام الشركات طويل بس مابتوخدي معك شغل عالبيت أما المدارس دوامها قصير وبتوخدي معك شغل وتصحيح عالبيت. وبعدين بضل دوام الحكومة أسهل وأخف وأحسن من الخاصة
بعدين شوفي كل شي اله سلبيات يعني دوام الشركات طويل بس مابتوخدي معك شغل عالبيت أما المدارس دوامها قصير وبتوخدي معك شغل وتصحيح عالبيت. وبعدين بضل دوام الحكومة أسهل وأخف وأحسن من الخاصة
السؤال الغريب بعدك ميمي ؟؟؟
زمان كانو يسمو ميمي شوة ميمي او ماميمي
شوة بالنسبة للسيارة والموبايل الاخر موديل طبعا" والشغالة وخلافو
ليش هيك بتحسسينا انة احنا موة احنا
مافي شي بهالدنيا سهل كل شي بدو اجتهاد وتعب بس بالنسبة للتدريس صدقا مهنة التدريس من أمتع المهن وأقدسها
صدقا درست 3 سنوات كانت من أجمل أيام حياتي
التدريس مهنة حلوة كتير ودوامها أقل بكتير من غيرها وفي عطلة بالصيف وعطلة بين الفصلين وعطلة تلج ورحلات للطلاب يعني مهنة ممتعة جدا
لا تاخدي بكلام الناس انها متعبة وبلاها 00انتي داومي بس الله يريد وحتشوفي قديش ممتعة وحتنسي تعبها بضحكات الاطفال البريئة ومواقفهم المضحكة
ولما تشوفي انو تعبك ماراح خسارة انما عميستفيد طلابك منك
الله سبحانه وتعالى بيعطينا القوة لما نسعى ونصفي نيتنا
لاتتضايقي انو ابوكي بدو ياخد من راتبك صحيح هو كان مالازم يجكي قدامكم هالحكي بس انتي عالاكيد لازم تطيبي خاطره بانك تعطيه من راتبك لانو الاباء والامهات عندهم احلى واحب مصاري هي المصاري اللي بتيجيهم من ولادهم وبناتهم
كنت اسمع من وانا صغيرة النسوان بيدعو لبعض انو الله يطعمك من ثمر ولادك
بعدين مو حلوة منك تقولي ابي مابيصرف علي -- شكلك اخده منه موقف عالمزبوط هلأ مابيصرف عليكي طيب وقبل هلأ ما اشترالك ولا رباكي ولا اعتنى فيكي
ولا داواكي لما مرضتي
ولا اشترالك اواعي وانتي صغيرة
ولا بداكي انتي واخوتك عن نفسة
لا تقوليلي وضعكم جيد فوالله اني التقيت بمساعدة معلمة تدرس ابني في الروضة لساتها طالبة جامعية قالتلي أن والدتها غصبتها عالشغل مع انو والدتها وكيلة في احدى المدارس الحكومية في السعودية وأبوها كذلك يتقاضى كل منهما مالايقل عن 3 الاف دينار اردني حلفت أمها عليها انها تشتغل رغم ان وضعهم اكثر من ممتاز وتشتغل مساعدة للمعلمة ذلك أحسن من قعدتها بالبيت على حسب رأي الام التي قالتلها بالحرف الواحد شو بدك تقعدي بالبيت تعملي والله مابخليكي تقعدي طالما في شغل الك
وهي الان تدرس موادها وتساعد المعلمة الاساسية
الحالة المادية لا دخل لها بشغل الاولاد فالشغل صار اهمية وضرورة في وقتنا
كثير من رجال الاعمال أولادهم وبناتهم يشتغلون شغل خاص لهم لاعلاقة لابائهم به
ورسولنا الكريم وصى عالاباء والامهات فقال للشاب انت ومالك لابيك
الشغل للبنت كتير مهم والاحلى انو يكون بمجال محترم متل التدريس
هل المهن الاخرى اسهل ؟؟؟لا ليست اسهل التمريض والطب والهندسات والدوام الحكومي في الامانات وغيره ليس اسهل جربي التدريس وابني مستقبلك وعيشي حياتك واستقلالك المادي
ولا تنسي ابوكي من مصروف او هدية ترسم البسمة على وجهه وتنالين بها رضاه ورضا ربك
مشكلتنا انو مابنشوف حالنا الا ونحنا كبار كانو كبرنا لحالنا بدون مساعدة وحماية والدينا وللأسف الشديد اننا لن نعرف قيمتهم الا في حالتين
--فقدانهم لاسمح الله
--أو عندما نصبح أمهات وأباء حينها فقط نعرف قيمتهم وماعملوه لاجلنا
أما بالنسبة لاسئلتك الي فأنا تركت التدريس لأن ظروفي حتمت علي اني أسافر لانني تزوجت من اردني مقيم بالسعودية سافرت وتركت أيامي الحلوة بالتدريس وهنا لم أستطع أن أشتغل لأن زوجي لايريد لي أن أشتغل وخاصة أنني رزقت بأطفال وهو لايحب ان يتعبني بتربيتهم وبالوظيفة
أما عن التعب اللي كان بجسمي وانا ببيت أهلي فلله الحمد أنني لما أصبحت أما الله سبحانه وتعالى أعطاني القوة وذهب عني فقر الدم أما السكر فصار عندي مرة يرتفع بالحمل ومرة ينزل وأنا عاملة هلأ حمية وعندي جهاز بقيس السكر كل مدة
والولاد بدهم تعب وجهد ماكنت اتخيل اني حأقدر أربي أطفال بس ربنا كريم كانت والدتي تحزن علي وتقلي كيف بدك تتزوجي وانتي دايما تعبانة
أجت والدتي قبل شهرين عندي وانبسطت كتير علي وهي تراني اركض واشتغل لالبي طلبات البيت والاولاد بدون تعب وبكل نشاط
الله يوفقك بشغلك وينولك مرادك لما فيه الخير
اكسبي رضا والديكي قد مافيكي
حاولي تهدي ابوكي قنينة عطر ولا شي شغلة ينبسط عليها وفرجيه انك مهتمة برغبته بشغلك حارج البيت لاتفرجيه ابدا انك تعارضيه او ضد رغبته
و فرضا اذا كتير تعبتي من التدريس فيكي تشرحي هالشي لوالدك زتفهميه انو انتي حابة تشتغلي بس مانك قادرة عهالشغل مع اني متاكدة انك اذا اشتغلتي حتلاقي حالك وسعادتك بشغلك
كان عندي 52طالب بالصف ادرسهم كان عندي ادرسهم جماعة احسنلي واريحلي من الخصوصي
استخيري ربك وصفي نيتك ولكي مني كل الدعا وتمنياتي لك بالتوفيق والسعادة عذرا للاطالة
والسلام عليكي ورحمة الله وبركاته
ممكن سوال زوجك شو بيشتغل بالسعوديه؟
حابه اعرف ادا ما عندك مانع
وجراسا ممكن تنزلو ايميلي _@.com
غطا الطنجرة ضايع ومش عارفة وينو
شو اعمل ؟؟؟
وبامكانك تدريس الانجليزية و الفرنسية ايضا
اما عن انك مابتحبي التدريس فيمكن التغلب على ذلك بان تنظرين الى النصف المليء من الكاسة لا الى النصف الفارغ وان ضبط الصف او الحصة ليس بالصياح وانما بشخصيتك
ويجب ان تعرفي بان هذه المشكلة مؤقتة وسياتي نصيبك وتتزوجين (لانه بنات اللغات حلوات)
اما عن الصحة فانصحك بست ابر ب 12 يوم بعد يوم و 4 ابر كل اسبوع ابرة وابرة شهريا لمدة سنة على الاقل وشوفي كيف الصحة رح تصير رح تدعي لي
بعدين في التعليق السابق كنت تتحدي احد المعلقين ومع ذلك هناك اخطاء
اعتراضي ليس على الاخطاء و انما على التحدي
واتمنى لك التوفيق
اكتبي في هذه الصفحة ماتريدين اخباري به ولا تضعي ايميلك بأي مكان حتى لا تتعرضي لمضايقات وتفتحي عحالك باب مشوش
أما عن عمل زوجي فهو مدرس
وبالتوفيق ان شاء الله
وههههههههههههههههههههههههههههههههههههههه:-P:-P:-P:-P:-P:-P
هي الطنجرة تيفال ولا توشيبا ؟؟؟؟
وهل الطنجرة وقت وقوع الجريمة كانت مليانه ولا فاضية ؟؟؟؟؟
ولو مليانه شو كان فيها ؟؟؟؟
يا ريت تجاوبي على الاسئلة حتى أعرف أساعدك :-(
ــــــــــــــــــــــ
الى دانة
مش أنا صاحب المشكلة يا فالحة :-P:-P:-P:-P:-P:-P:-P
يخزي العين عالسرعة بعد 25 ساعة !!
لا بقى تحاكيني .. زعلانة منك كتير انا
وبتسأل كمان شو كان فيها ؟؟ الله يسامحك
كان فيها بوب كورن ارتحت هلأ
كمان يا فالحة حدا بطبخ بوب كورن ؟
شو هالبخل :oops:
لو طابخين مقلوبة .... مسخن ... منسف ... ملوخية ... ممكن أساعدك .
موضوعك طلع من ايدي خلص
وأنا زعلان منك كثير ... بس تطبخي طبخة كويسة تعالي راجعيني :oops:
باي :-P
وبعدين مين هالجحش يلي بطبخ مقلوبة او مسخن الساعة وحدة بالليل