وكالة جراسا الاخبارية :

انا شاب ابلغ من العمر 19 سنة وانا اواجه مشكلة اعاني منها منذ 7 سنوات ولحد الان المشكلة هي انه يوجد في وجهي حب شباب وبقع وحفر بوجهي انا اريد منكم يا اصدقائي ان تقولوا لي
كيف اعالج وجهي لاني انا سئمت من كثر العلاجات استعملت كثير ادوية ومستحضرات تجميل وعلاج عن طريق الاعشاب وذهبت الى اكثر من 20 دكتور ودكتورة ولكن لا جدوى اصبحت اكره الحياة بسبب وجهي البشع

وانا اطلب منكم ان تساعدوني وشكرا لكم وان تدلوني على علاج هذا المرض

وكالة جراسا الاخبارية :

وانا اطلب منكم ان تساعدوني وشكرا لكم وان تدلوني على علاج هذا المرض

التعليقات

روح على الدكتور اسمه فوزي غيشان هاد باربد

اسيرة الدمعة

سلامات روح عند الدكتور عمر بطاينة لانه انا واجهت المشكله نفسها .............

m63

سلامات روح عند الدكتور عمر بطاينة لانه انا واجهت المشكله نفسها .............

m63

الله يشفيك من حب الشباب و يزيله عنك انشالله

روز

يجب عدم استعمال عدد كبير من الادوية حتى لا تتلف البشرة اتركها ترتاح ......................... و الاهم الجوهر و ليس المظهر ok

وحدة من الناس

استعمل المره من عند العطار
انقها بماء الورد
واستخدمها في المساء على كامل الوجه
وادعيلنا
مجربة.........................

نور

وين هذا الدكتور عمر الطاينة

صاحب المشكلة

إذهب للدكتور
طارق السعدون - عيادته بجانب المستشفى التخصصي

وقبل ذك عليك بالخالق إنكسر بين يديه.

لا تنساني من الدعاء إن صلح الأمر

شهد الأفواه

في خلطه خالتي بتشتريها من مره منيحه كتير والله

بس للاسف ما بعرف اسم الدوا ولا المره الي بتبيع
هع هع هع
:-)

بطة الشوبك

بعد تجربه شخصيه روح على دكتور اسمة حسين كريشان قريب من مستشفى التخصصي هدا دكتور رائع وبيفهم

بنت البلد

اول شي سلامتك وفعلا الحب شي مقرف بصراحة صاحبتي عانت من نفس المشكلة وكان حب على كل جسمها بطريقة مقرفة جربت ادوية كتير حفرت وجها وجربت اعشاب ما زبط بالاخر راحت لعند الدكتور عميش عميش عند الخالدي واعطاها دوا فعلا اربع اشهر وبطل يطلعلها ولا حبة وهلا صارلها سنتين ولا حبه وحده رجعت والحمد لله شفيت منه تماما انت بعدك صغير وبشرتك طرية كتير ما تلعب فيها عشان ما تتحفر
ملاحظة الدوا اللي اخدته حقة 45 دينار وكل شهر بدك كورس فتحمل شوي ورح ترتاح وهاد رقم الدكتور عميش 4640640/06

بنت اللوزي الى صاحب المشكلة

Roaacutane is the answer but you have to go to a dermatologist to get the prescription,..it is expensive..it costs 75 JDs a month,..but believe me it will work,..and you know that you already spent a lot on medications that didn't work .

I had acne problems till last year and I was 30 yr..believe me it worked.

د. لؤي خليفة / شارع الخالدي I went to:-):-)

Dalia

شكلك بتظل تحط اساس وبودرة عوجهك.. وهاد الاشي مش منيح

اهم اشي نظافة الوجة.. دايما امسحو بماء ورد وغسل بصابون طبي

دودة

انا عندي مشاكل جلدية وبروح على دكتورة اكتييييييييير امنيحه
اسمها د.ميس عارف عزوقة ... موجوده في بلازا الخالدي المقابل لمستشفى الخالدي
وهاد هوه رقم البلازا واطلب الدكتورة 0096264644377 بتمنالك الشفاء والتوفيق الموضوع بحاجة الى متابعة وصبر والله يشفي جميع مرضى المسلمين

مجهولة

لا تروح على فوزي غيشان............اوعك.......لاني تعالجت عنده فتره وكذب بدو الناس تضل رايحه جايه عشان تدفع ....تعالجت عنده فتره طويله..........بكون عارف احسن دوا .....ببلش بعطيك اسوا شيء وبحكيلك اذا ما نفع ارجع...................لحد ما يعطيك ماسك وكريمات وتدفع بلاوي واخر شيء بس تترك الدوا برجع وشك زي اول يعني الدكاتره ما رح يفيدوك ابدا..... وانت هيك حكيتها 20 دكتور وما فادوك..................................................................................احسن شيء .............................انا بحكيلك انت بشرتك دهنيه......والي عندك هاد شي معروف...............عند كتير بنات وشباب..............ابعد عن المكسرات والشكولا وانت عارف الاكلات الي بتعملك حبوب بس خليك ع اكل صحي وشوف كيف رح ياثر عليك...................وبعدين انت صغير يعني بس تكبر كمان شوي رح يخف كتير وحاول تعمل اشياء طبيعيه . خلطات يعني............وبنصحك بالحجامه لانها بتطلع كل السموم والدهون من الجسم :-D:-) صدقني وكمان ارقي نفسك يعني اقرا المعوذتين واية الكرسي واخر ايتين من سورة البقره والكافرون وسورة الاخلاص........وربنا يشافيك ويعافيك

فاعلة خير

جراسا انشروا تعليقي السابق لو سمحتوا
وكل الدكاترة اللي حكيتوهم للاسف مو مناح من تجربه شخصية كريشان حتى مواعيد ما عنده اسفة بس دكتور عمره كبير واله خبره غير عن دكتور بحب يتفشخر وما عنده اي خبره
الدكتور عميش وبس عمره كتير كبير وشاطر وفهمان واله سمعته
عيادتة 4640640/06

بنت اللوزي

اول اشي الله يشافيك تاني اشي استخدم كلامين لوشن كتير كتير منيح وانا مجربيته ومستفيده وتالت اشي في بمستشفى هيا العسكري في العقبة الدكتور الاستشاري مازن ضمور كثير روعة ورح يعطيك الاشي الي بناسب وجهك
وسلامتك انشا الله

مجربه زيك

الدكتور مطيع مهيار رح يفيدك كثير

فاعل خير

دكتور طارق السعدون الشميساني - المركز الطبي التخصصي -خلف المستشفى التخصصي
والله اني كنت اعاني من هالحب والحمد لله ما صلني معه اربع اشهر و 80% راح من بقع وحب احمر روح عليه عيادته ما بتفضى من الناس
ما بتندم
رقم العيادة 065695648
065695400
و الله يعافيك

الى صاحب المشكلة

الحل وبكل بساطه تغير اكلك وشربك ونومك واذا قدرت اشتغل كل يوم 9 ساعات شغل متعب واشرب مي كثير
واذا انك بتتوتر كثير خفف الضغوط كلها
واذا بتقدر تتزوج اتزوج
انا ما بتمصخر بالعكس بحكي من خبره
والاشي المهم افحص هرمونات
----------------
واذا حاب تروح على دكتور كويس في باربد مركز " باريس سنتر" بشارع الحصن لدكتور اسمه البزور
الله يشفيك

فاضي بال

انا يا بنت اللوزي يمكن ارد عليكي انتي
لانه كلامك كثير ريحني
شكرا الك يا بنت اللوزي

صاحب المشكلة

تذهب الى الدكنور ماجد الحمصي
اخي كان يطلع على وجهه دمامل بالاضافة لحب الشباب وماشاءالله بمشيئة الله طاب
الدكتور كتتتتتتتتتتتتتتير شاطر وعبقري
06-4643043

والله ما رح تخسر
وبكرة ادعيلي بالخير

الى صاحب المشكلة من اردنية

انا بنصحك في دكتووور اسمو حسين كريشان قريب من مستشفى التخصصي والله اني مجربو بس عنجد الدكتووور ممتاز (((( بس بدك تستحملو شوووووي لانو كثير كشررر وعصبي )))

معاني حر

انا لسا بعاني من الحب لكنة صغييير كتير

لكن انا تعالجت بمستشفى هيا عند مازن وهو كتيييييير كتييييير منيح لكن تحتاج بطاقة للدخول

المهم نصحني الدكتور باستخدام صابونة ...

وكمان طين البحر الميت كتييييييير منيح بصفي البشرة وما بيترك اثر للحب

ونصيحتين: قبل ما تستخدم اي دواء من اللي بيحكو لك استشير طبيب لانو انواع البشرة بتختلف واي دواء غير مناسب للبشرة بزيد الحب فلا تنسى مراجعة الطبيب

ثانيا : نصيحة روح على اطباء مستشفيات حكومية وخاصة مو عيادات لانو المستشفيات فيها دكاترة لهم خبرة وحتى لو اخطا بصلحو الخطا اما الدكتور الخاص لو تعالجت واخطا بالعلاج ما في ترجع الو

تحياتي

ياسمينة

فوزي غيشان كتير شاطر هادا باربد بشارع السينما بالسوق الحلبي

حنين

اخي صاحب المشكله انا مريت قبل سنه بتجربتك وعانيت كتير ورحت للدكتور طارق السعدون وكتب لي ادويه وتحسنت لمدة شهرين ثم رجع الحب مره تانيه وبعدها رحت للدكتور عميش وكتبللي الراكوتين وهو علاج حبوب يؤخذ لمدة من اربع اشهر لست اشهر حبوب فقط بدون اي غسولات بدك الصراحه فترة العلاج كانت مرهقه لانك بحاجة تعمل فحوصات للدهون ووظائف الكبد وكل شهر لازم تراجع الدكتور مع الفحوصات بالاضافه انه بيعمل نشفان الجسم كامل والتحسن الحقيقي بتلاحضه بعد ما يخلص العلاج باربع الى ست اشعر انت كملت الدواء قبل 6 اشهر والان لا احد يصدق انه كان عندي حب وهذا حل مضمون عمره الحب ما يرجع لك وانا اخذته بعد ما استشرت دكاتره كتيرلاني كملت العلاج خارج الاردن وعند دكاتره معروفين بس بحب احكيلك انه العلاج مكلف بدك ميزانيه تقريبا 150 دينار شهري وهذا هو العلاج اللذي يعتمده الدكتور عميش وستشفى بقدرة اللهو وتروح الاثار لحالها بعد 6 اشهر وألف سلامه

الحنونه

اسمع مني ولا ترد على حده انا كان بضهري حبوب وكان مو ضايل لعرسي اسبوعين وانجنيت شو بدي اعمل وقرات عن النت عن المره
هاي بتنجاب من عند العطار لونها بني على دهبي متل الحجر
بجيبها وبتنقعها بماء او ماء ورد انا صراحه حطيتها مع مي عاديه
وماتكون الميه كتير عشان تكون تئيله شوي لما تدوب وبتحطها على وجهك بليل وخليها للصبح
وان شاء الله رح تلاحض الفرق من اول اسبوع ومع التكرار رح تروح بالمره وطول بالك رح تروح اوعك تزهء وماتحط والله رح تستفيد وبالاخر رح يصفى وجهك

والله مجرب

ولا تروح ولا ع دكتور أحسن اشي استخدم دوا اسمه ZYNRET وعالمضمون لاني مجربه

ANGEL OF DARK

نصيحه من اخ لا اخوه
في دكتور بالزرقا اسمو بكر عزازي بدك نصيحتي روح عليه الي قرايب كان زي حالتك بس والله بالوقت الحالي وجهو ماشاء الله عنو زي المرايه نصيحتي يا اخي
بس بدك عندو شوية وقت للعلاج

khaled

احسن شي الدكتور طارق السعدون وبخاف الله كتير بس لازم تلتزم معه بالدواء لفترة

بلا اسم

يا اختي يا ياسمينة
ممكن تقولي لي اسم الصابونة
وانا شاكر لكي

صاحب المشكلة

الصابونة ما بتمنع حب الشباب فقط لمعالجة البكتيريا ولكن يعاود الظهور من جديد اسمع كلامي يا ابني وانا ما بروج للدكتور عميش بس اول شي لازم تروح عنده وبكتبلك فحص دم تعمله وفحص كبد وبعدين بتبلش تاخد الدوا واول اسبوعين بتنشف بشرتك وبتصير حمرا كتير بس رح تشوف النتيجه من تاني شهر اسمع كلامي والدكتور ماجد الحمصي رحت عنده عشان حبه صغيره كانت بوشي اعطاني دورا اسمه زيناريت حرقلي وشي فيا حبيبي لا صابونة ولا شامبو ولا اي كريم بيقتل الحب ازا ما تعدلت هرموناتك وتخلصت من حب الشباب من جوا جسمك رد علي وجرب

بنت اللوزي

خلص يا بنت اللوزي انا راح ارد عليكي واتوكل على الله ووعد مني اذا راح الحب من وجهي الك مني احلى حلوان

راح ازور الدكتور عميش وارد عليكي وبتمنى انه يكون كلامك صحيح وما يروحش العلاجات كله على الفاضي
بتمنى
وانا شاكر الك كثير الشكر

صاحب المشكلة

في دواء بالفعل سحر وبشيل لبحب والحفر وبخلي البشرة رائعه اسمه ريتان وهو عبارة عن حبوب هو دوا صناعه سوريه بس اله بديل هون اجنبي بس غالي السوري ارخص

مجرب

بداية عليك ان تشكر جميع من حاول مساعدتك و بامكانك بعد ذلك ان تخص ماتريد
مع الاشارة الى ان نصيحة الاخت اللوزي جميلة جدا

هناك طبيب جلدية في اربد اسمه فوزي غيشان فهو على درجة عالية من العلم وسمعت بانه يبحث دوما عما هو جديد ويسافر الى فرنسا على حسابه لحضور المؤتمرات والندوات ويدعو اطباء من هناك لاعطاء محاضرات في الاردن
مع الاحترام للجميع

ميركل

ما ألك الا د.طارق السعدون بعد الاتكال على ربنا عيادته جانب المستشفى التخصصي قوي جدا وبخاف الله بعطيك علاج اسمه ريتان لمدة 6شهور وبعدها ان شاء الله كل الحب بروح . وازا زبط ما تنسانا من الدعاء

مجربه

البزور هوا دكتور........اسالي بالاول

سؤال الى 20 من هاجر الزعبي

طبعا بعد الترحم على الدكتور الافضل المرحوم الدكتور محمد القماز الذي كانت هذه الامراض ببسلطه ىحلها طبعا باذن الله

فاني الان انصحل بالدكتور عميش او الدكتوره ريم حماد

طالب طب

الى بنت اللوزي:
اولا انت ما بصير تحكي عن دكتور مو منيح بس عشان مكشر او لانك بدك واحد يضلوا يضحوكلك عالرايحة والجاية شي بطعمه وشي بلا طعمه هالحكي عيب كتير بعدين انا بعرف ناس من بيت اللوزي كتير محترمين عن جد انك صدمتيني فيكي ما توقعت هالكلام يطلع من واحده من بيت اللوزي يا عيب العيب بس الواحد شو بده يحكي
((حسبي الله ونعم الوكيل عالظالم))

كريشانيه

احلى تحيه الى المعاني الحر
عاجبك كلام بنت اللوزي اللي بتشهر في قرابتنا بس لان ما بضحكلها؟؟؟؟

كريشانية

يا كريشانيه
البنت اللوزي ما حكت شي غلط ليش بتظلمها
هي فقط تعطي رايها وحقها انها تحكي على الدكتور مش منيح
لانك لوكنت محلها بتعمل نفس الشي
وانا بشكر كثير بنت اللوزي على مساعدتها لي
هي انا بحكي على الدكاترة الي رحت تعالجت عندهم ولكن لا فائدة منهم جميعهم لا يفهمون شي بهذا المرض دايما كانوا يقولوا لي استعمل هذا الدواء مع ان يكون هذا الدواء ليس له علاقة بالموضوع
بعد ما تروح وتيجي عندهم لمدة 3 اشهر او اكثر بعد ذلك يفكر ان يعطيك الدواء المناسب لوجهك
بعد ما يضحك عليك ويأخذ منك نقود على الرايحة والجاية
وانت لا تستفيد من كل العلاجات وبعدها تنسى الموضوع وتذهب الى دكتور افهم منه

صاحب المشكلة

بسم الله الرحمن الرحيم
اللى صاحب المشكلة :
انا ما حكيت اي شي غلط بس ما بصير تحكي عنه ان مو منيح ومو شاطر بس عشانه ما ضحكلها احكيلي بأي دين هذا الحكي وارد بعدين انت خربت بشرتك من كثر ما استعملتلها كريمات وخليتها تتلف بعدين كل واحد في فترة المراهقة بيطلعله حب بس الناس بيختلفوا في اماكن الظهور إلها في ناس عالوجه وفي ناس عالظهر واماكن كتير مختلفة وهذا الكلام مش من فراغ خالي بروفيسور في الطب بامريكا ودرس كل دراسته بامريكا وهو اللي حكالي فنصيحة خلي بشرتك ترتاح ولو لفترة قليلة.
وهلأ باي متطرة اروح من الجامعة واذا في مجال رح اشوف ردك بالبيت وانشالله يا رب الله يشفيك باي.

كريشانية

يا جماعة انا عمري 15 سنة بس انا حب الشباب عندي على شكل حساسية يعني مو بارز هو تحت الجلد امانة ساعدوني

مهم جدا

بس بدي اقولك ملاحظة يا كريشانة
انا تركت بشرتي لمدة سنة بدون اي علاج تركتها لوحدها
ولكن لا فائدة
بس على فكرة اذا تركت البشرة لوحدها ولمدة قليلة على قولتك راح تخرب وراح يصير على الوجه حفر من اثار الحب
اسألني انا لاتسأل دكتور ولا بروفيسور
على قول المثل
اسأل مجرب ولا تسأل حكيم
صح يا صديقتي العزيزة

صاحب المشكلة

انا بصراحه ناسي اسم الدكتور الاول بس ذاكر انه فاتح مركز اسمه " باريس سنتر " وذاكر عيلة الدكتور بس
لانه انا ما صار معي مجال اسأل عن اسم الدكتور
بعتذر من الكل بس جد انه المركز والدكتور خبره من الآخر
وحبيت افيدكوا مش اكثر وآسف على الازعاج للكل
وشكرا للكل

من فاضي بال الى 38

الحب هاد يكون من الدهون مارس الرياضة 5 ايام
ركض نص ساعة يومي
وشوف
والله وجهك ليصير مثل ما بدك واحسن

نصيحة

انا كان عندي نفس المشكله بس دلوني على عند المدام ناديا او اعطتني كورس علج وانا هلاء صارلي شهر او النتيجه مش طبيعية تحسن كثير عندي او العياده في جبل عمان رقم التلفون للاستفاده 4633956/06

نصيحه

السلام عليكم:
الى صاحب المشكله......اذا تعالجت عند دكتور للعلاج فعلا رح تلاقي تحسن ....بس المشكله انو اذا انقطعت عن العلاج بعد سنه او سنتين رح يرجع الحب زي الاول....
انا بعمل لبشرتي ماسكات من البيت...
لعلاج حب الشباب ....معلقة لبن مع معلقة بيكنغ باودر .ضعها عالبشره مباشره وبسرعه لتتخمر عالوجه ...ستلاحظ انها تقوم بسحب الدهون من الوجه....اعملها كل اسبوع مره وانشالله تلاقي تحسن
وشكرا

A.M

انا يا صديقي عانيت من نفس المشكلة بس ما كنت احط لا اعشاب ولا ادوية

ما كن احط غير صابونة ديتول يلي لونها ازرق لانها للبشرة الدهنية

وصارلي تقريبا سنة وانا بستعمل هاي الصابونة

والله انو صار فرق من وقت ما استعملتها
وبعدين مش بس الصابونة بما انو البشرة دهنية بدك تلعب رياضة كمان

والحمد لله هيني مش معاني من اشي هسا
والسلام عليكم

مجرب

مجرب ( زيد )

بسم الله الرحمن الرحيم
انا ما بعرف لكل البشرات لعلمك ان كل بشرة بتختلف عن التانية يعني انا طلعلي واستخدمت غسول للبشرة وطاب انت جربه و انشالله يروح اثاره وكمان خالي بيطلعله حب وراح عمل خلطة وهي منيحة كتير انشاء الله رح اسألك اياه وين عملها وانشالله تطيب باي.

كريشانية

ما

كمنتا

انا تعالجت عند الدكتور طارق السعدون جد ماشاءالله عليه شاطر استفددت عند من اول مره

besan

الحمدلله على كل شئ الى بنت اللوزي والى الكريشانية والى صاحب المشكلة

تحياتي انا شاب اعاني من حكة في فروة راسي وقشرة خفيفة والم بفروة الراس رحت الى كل التالي اسمهم
مطيع مهيار قالي اكزيما دهنية واعطاني علاجات وماضبط منها اي شئ
مدحت عبدالمالك قال مافي عندك اي شي واعطاني شامبوهات وحمامات زيت بس وعالفاضي
حسين كريشان قالي انه اكزيما خفيفة وحساسية خفيفة واعطاني علاجات مافادتني نهائيا بل الحالة سائت
عميش عميش رحت عنده وقال عن كل الدكاترة السابقين انهم غلط وقالي انه مافي شئ واعطاني علاجات تجميلية وكلام فاضي والى الان لم يحدث اي تحسن

فمين عنده معلومات عن الدكتور طارق السعدون بالنسبة لهيك مشاكل

وشكرا

محمد مسعود

ممكن أسأل صاحب المشكلة شو صار معك ؟؟
لعند ميين رحت؟
وازا استفدت ولا لأ؟؟

سارة

روح على الدكتور مطيع مهيار في جبل الحسين - عمارة سكينه ... أنا كنت أعاني نفس مشكلتك وأزود .. والحمد لله وجهي صار مثل توم كروووز والله .. خذ بنصيحتي ورح تكون مبسوط

إسأل مجرّب

حدا سمع عن حقن الميزو للصلع

البقعاوي

ياإخوان أي دكتور غير الدكتور ..بيكون منيح مش لشي بس الرجل ما بيعالج أكتر من عشرة في اليوم، امبارح حاولت أحجز عندو موعد السكرتيرة رفضت بحجة إنو العدد (10) اكتمل وإني لازم أتصل تاني يوم، اليوم التالي من قبل الموعد باكثر من نصف ساعة وأنا أرن على تلفونهم ولما تشرفوا وردوا رفضوا وكانت حجتهم انو ما بيوخدوا أكتر من خمس أسماء والبقية محجوزين سلفاً، يعني باختصار الدكتور شاطر بس بدكم تتشرشحوا لتحجزوا موعد عندو، الله يغنينا عنو عمي

S.S

مرحبا انا وصفولي الدكتور حسين كريشان من الاردن وكمان اسبوع انشاالله مسافرة ومابعرف شو رح يصير بتونى السلاااامة للجميع

اروج -فلسطين

.....

4ب

الدكتور .... استغلال مش طبيعي بضحك على العالم وبوخذ منهم مصاري بس عملت عنده ليزر لوحمة بوجهي استخدم جهاز ازالة الشعر واقنعني انه يزيل الوحمة من وجهي وانه اول جهاز يدخل الاردن والنتيجة حروق تشوه وجهي وكان قد قبض ثمن الجلسة مسبقا
حسبي الله ونعم الوكيل...

الي الله

الدكتور ماجد الحمصي ... بيكفي انو ما يخليك تراجعوا ... .. بيعطيك من الاخر ...

اااا

بليززززززز ساعدوني ،، بدي عيادة دكتور يستخدم جهاز الجسم للتنحيف

عبوره

عندي شامات و كلف بوجهي عند مين اروح؟

NoorAya 89

اسمع مني هدول كلهم.. مع احترامي للجميع حب الشباب بيجي لحالو وبروح لحالو اسأل مجرب ولا تسأل حكييييييييييييييييم................

لؤي الزيتاوي

...

زيد شاهين

...

محمد الحنيطي

انا بنصحه ب الدكتور عيسى الزيود في المدينه الطبية

علاجه ما شاء الله

انا بنت عمري 25 وبعاني من نفس المشكله تقريبا لكن الحبوب عندي مو مبينه تحت الجلد لاكن عندي حفر ومابعرف عند اي دكتور اروح ..فوزي غيشان هو السبب بالحفر هااي اصلاا

سكر

مين يعرف دكتور شاطر باستخدام الليزر و ازالة التصبغات و الوحمات من الوجه

وحمة اوتا

الحزينه

بنصحك تروح على دكتور اسمه مطيع مهيار عيادته ب جبل الحسين شارع خالد بن الوليد - مجمع سكينة الطبي
...........

سماء

انا رح حاول أساعدك من خلال تجربة شخصية لأني كنت أعاني من نفس المشكلة ورحت عند الدكتور ..... بس لأسف ما نفع شئ مو لانه الدكتور مو شاطر بالعكس الدكتور.... اله سمعته وخبرته الطويلة بس الظاهر انه بشرتي ما ناسبها العلاج،لغاية ما انتقلت لأمريكا وبدأت ابنتي تعاني من نفس الشئ خلال فترة المراهقة عندها قررت فعليا أعالجها واعالج نفسي ونشكر الرب وجهي هلا كتير ممتاز حتى انه العلاج صغرني عشر سنين وما حدا بصدق عمري الحقيقي وبنتي نشكر الرب وجهها متل القمر ويبلمع ما في أي شئ ونشاء الله انك بتستفيد
غسل وجهك على الأقل ٣ مرات بغسول(Cetaphil)for normal to oily skin
ثم غسله ب(Benzoyl peroxide topical wash 5%)لمدة ٢٠ ثانية ويجب اتباع التعليمات المتواجدة على العبوة بدقة متل خصها جيداً
انتظر لمدة ٢٠ دقيقة ثم أدهن وجهك ب (clindamycin phosphate topical gel 1%
تناول كبسولة amoxicillin 500 g مرتين يوميا
في المساء غسل وجهك وانتظر مدة ٢٠ دقيقة حتى يجف وجهك جيداً ثم دهن وجهك Retin-A crem0.5 ويترك ع البشرة طول الليل
وإنشاء الله سترى النتيجة وخلال ٤ أسابيع ستلاحظ الفرق كليا وإنشاء الله تستفيد ،ويفضل استشارة دكتورك الخاص لتعرف هل يناسبك هدا العلاج والرب هو شافيك

حابه أساعد

انا بنصح ب الدكتور عيسى الزيود

في المدينة الطبية افضل طبيب و محترم

احمد عبيدات

اني الان انصحل بالدكتور عميش او الدكتور عيسى الزيود في الجيش

المجالي

بالنسبة لي الدكتور ما بيخرب ولا بيمنع ظهور الحب لكن الدكتور يمنع انتشاره فقط وعليك التوجه الى الله

ورد الشام

نصيحة غسل الوجه ليلا بصابونة نابلسية وبعدها ضع على الوجه ب قطنة سبيرتو ودهن موضع الحب وفي الصباح بالتوفيق

سيليتا

انا عانيت نفس المشكله وانا اريد ان تدلوني الى الدكتور

هليس

لا تروح على اي دكتور لانه كذب انا ذهبت ولا في فايده وجهي بعده ملان حبوب

خهعغفق

السلام عليكم ورحمة الله وبركاته
أنا كنت عاني من حب الشباب ورحت دكتور بسوريا اسمه مجاب عوض وطلب مني ايكو للمبايض وتحليل دم وتبين انه موجود كيسات صغيرة على المبيض تسبب بظهور الشعر الزائد والحب بالوجه ووصف لي دواء أحنبي اسمه اكيوتان ولكن لم استطع اخذ اكتر من علبه لانه يسبب جفاف بالجسم والعين والفم راجعته وبدلي الدواء الى ريتان عيار 10 بالفعل متل السحر هو الكورس 6 اشهر وكل علبه 30 حبة اخدته وتحسن وجهي 200 %

Dima

اسأل الله العظيم ان يشفيك انا جربت كثيراطبه بس راح الحب وضل لاثر وهلأ ما عندي ثقه بالأطبه من تجربتي ولكنني متوكله على ربنا

.SOSO.ABEER

لو سمحتوا مين افضل لعلاج مشاكل الاطفال الجلدية مطيع مهيار ولا طارق السعدون

عبق الورد

بدي اكتب كلمه وحده بس رواتين او روكتان

مؤيد

حب الشباب مشكلتي ..

وكالة جراسا الاخبارية :

وانا اطلب منكم ان تساعدوني وشكرا لكم وان تدلوني على علاج هذا المرض

https://www.gerasanews.com/article/30568