انا شاب عمري 29 سنه رحت اخطب وحده عجبتني وماشاءالله عليها . وخطبت وكل اموري تمام. ولما قرب موعد الزفاف . تغيرت علي. ولما سالتها عن سبب تغيرها . بتفاجئ انها بتحكيلي وبكل وقاحه انها حبت شخص من 4 سنين ومش قادره تنساه. طيب انا هلا انقهرت على حالي .وتورطت مع اهلها لانهم جماعه محترمين واخوها صاحبي. مش عارف شو احكيلهم . انا حاليا مابدي البنت طلعت من نفسي .غير الخساره الماديه . مش عارف كيف ابلش . واتركها بدون خسائر .رغما انها مش فارقه معها نهائي . وشكرا لكم
انا شاب عمري 29 سنه رحت اخطب وحده عجبتني وماشاءالله عليها . وخطبت وكل اموري تمام. ولما قرب موعد الزفاف . تغيرت علي. ولما سالتها عن سبب تغيرها . بتفاجئ انها بتحكيلي وبكل وقاحه انها حبت شخص من 4 سنين ومش قادره تنساه. طيب انا هلا انقهرت على حالي .وتورطت مع اهلها لانهم جماعه محترمين واخوها صاحبي. مش عارف شو احكيلهم . انا حاليا مابدي البنت طلعت من نفسي .غير الخساره الماديه . مش عارف كيف ابلش . واتركها بدون خسائر .رغما انها مش فارقه معها نهائي . وشكرا لكم
انا شاب عمري 29 سنه رحت اخطب وحده عجبتني وماشاءالله عليها . وخطبت وكل اموري تمام. ولما قرب موعد الزفاف . تغيرت علي. ولما سالتها عن سبب تغيرها . بتفاجئ انها بتحكيلي وبكل وقاحه انها حبت شخص من 4 سنين ومش قادره تنساه. طيب انا هلا انقهرت على حالي .وتورطت مع اهلها لانهم جماعه محترمين واخوها صاحبي. مش عارف شو احكيلهم . انا حاليا مابدي البنت طلعت من نفسي .غير الخساره الماديه . مش عارف كيف ابلش . واتركها بدون خسائر .رغما انها مش فارقه معها نهائي . وشكرا لكم
التعليقات
افرد كل وراقك قدام أهلها بس بالعقل لأنك مش مضطر تتسر عليها وتطلع انت الغلطان ،،، الأعمال البطولية ولى زمنها ،،،، انا ما بحكيلك افضحها بالعكس ،،، بس أهلها لازم يعرفوا ،،،، بدك اثبات في حال انكرت اعترافاتها ،،، اسحب منها حكي ع التلفون أو في احدى زياراتك الها وسجله بكل بساطة ،،،، اجتمع في اهلها واحكيلهم الموضوع من اوله لآخره واذا انكرت طلع الإثبات ،،،، بدهم يرجعولك كل شي لأنه مش ذنبك اذا ما عرفوا يضبو بنتهم .
اللي بقهر في الموضوع انها اخت صاحبك ،،، بعد ما يخلص الموضوع لا تشيع فيها ل المخلوقة اتركها في حال سبيلها وبتلاقي اللي احسن منها ان شالله .
خليها هي تقول لاهلها انه عشقانه احد تاني
مش طالع من نفسها
وصعبان عليها
وبتحبه
ومش قادره تنساه
انت شو الك علاقه
اذا هي قليلة اصل وبنت مقلعه
اجتمعوامع اهلها وخليها على رؤوس الاشهاد تحكي هاد الكلام خلينا نشوف بتفرق معاها ولا لأ
ويمكن البنت ما بدها ياك والقصه مش صحيحه وشايفه واحد تاني اهرهر منك
فقالت ما في زلمه برضى يضل مع خطيبه بتقوله انا بحب واحد تاني
على كل الحالات هي اللي تقلع
وسجل الها حديثها معك
يلعن ابو الهملنه على ابو الصياعه
انت عم تحكي عن بنت، يعني عن شرف، يعني عن عرض، يعني اهلها راح يلعنو سنسفيل ابو الي خلفها، شو يعني مش فارقة معها؟
أوع تحكيلي انك مستحي تحكي مع أخوها كمان؟؟
شو هالعالم هاي
طاخ طاخ طاخ طاخ. مش ملحقين
الله يكون بعون العالم يا جماعة الخير
مهما كانت الخسائر المعناويه والماديه...
بالنهايه ..
انت الكسبان ...
الي ما تعشق تراب رجليك ...ما ودك اياهاااا..
شطور ..:))
صداقتك وفي تعاملك مع الاخرين ....خطيبتك هي الخسرانه بكره بتعرف هالشي لكن بعد فوات الاوان .....انا نصيحتي الك الحل يكون بينك وبين خطيبتك بتحكيلها انت حره باختيارك والدور عليك انك تقنعي اهلك انه انت ما بتحبيني وما بدك نتزوج وهيك بتكون هيه ياللي تركت وكل شي خسرته بيرجع الك
ولو انها ما عملت اللي طلبته منها احكي لامها كل شي عن بنتها وامها بتعرف كيف تتصرف والله يوفقك بحياتك
لا بدك الجمل ولا بدك الرسن انس الموضوع واللي دفعته الله يعوضك عنه وشكله اول الرقص حنجلة كيف الباقي الله يستر .
قال لها : أتبكين من تقطيع البصل لأعداد الطعام من أجلي ؟ ............سأعيش بدون طعام .......ولا أرى دموعك ثانية نظرت له بحب وقات له ..........سيبك من هاي السواليف وناولني بكيت الماجي بلا هبل .
ما دام الطريق باوله اتركها
ان تعيش مع زوجة لا تملك قلبها بل يملكة شخص آخر ومن الممكن يتبعة سقوط اشياء اخري .
انا اعتقد انها أنسانة صريحة وغير مخادعة ودخلت من الباب وأختصرت الطريق .
وبناء علية اخلص بدون فضح امرها ... المال يأتي ويذهب ولكن شرفك وسمعتك لا يمكن تعويضها لو استمرت هذة الفتاة بخداعك .
لسانك بدو ✄
اللي باعك بيعه .. ولا عشره عالشجرة
فانت اكيد مو اقل جراه بانك تحكي الي صار لاهلها ومن غير مشاكل يرجعولك كالشي بما انهم ناس محترمين
بشوفك لا حس ولا خبر. يا رجل هاي الناس الي غلبت حالها مشان تساعدك، يمكن بطلعلها كلمة شكر، ولا عم بحكي غلط أنا.؟
يا أخي خلينا نعرف بعد كل هالتعب إذا كن ساعدناك في الحل ولا لأ، ادخل واحكي أي كلمة نفهم منها على الاقل انك متابع ومهتم، مش بتقرأ وإنت متخبي.
وأخيراً نحن كمعلقين ومعلقات نشكر صاحب المشكلة للمتابعة وندعو الله له بأن يكون قد وجد ضالته من خلال التعليقات، وأن يظهر يوماً ما في هذه الزاوية كمعلق.