انا شاب عمري 28 سنه وتتلخص مشكلتي بأنني خاطب من فتاة تعمل معي بنفس مكان عملي وانا احبها وهي ايضا تحبني لكن حماتي هي مشكلتي بالبدايه كانت بمثابه امي لكنها تغيرت معي واصبحت تأخذ التلفون من خطيبتي لكي لا اتحدث معها وعندما أذهب الى بيتها تقول لي عندي ضيوف ولا تدعها تخرج معي على العلم اننا كاتبين كتابنا والآن حرمتها من الذهاب الى العمل وحاولت كثيرا ان احل الموضوع لكنها ترفض الحوار معي وقلت لحماتي اريد الفتاة ان تذهب معي لنختار الاثاث وايضا رفضت وقالت انا سأختار لكم وعلى زوقي أرجوكم ساعدوني
بدأت المشكله عندما رفضت ان تذهب خطيبتي الى حفل زفاف الى اقرباء حماتي لأنه مختلط
خطيبتي يتيمه الاب
انا شاب عمري 28 سنه وتتلخص مشكلتي بأنني خاطب من فتاة تعمل معي بنفس مكان عملي وانا احبها وهي ايضا تحبني لكن حماتي هي مشكلتي بالبدايه كانت بمثابه امي لكنها تغيرت معي واصبحت تأخذ التلفون من خطيبتي لكي لا اتحدث معها وعندما أذهب الى بيتها تقول لي عندي ضيوف ولا تدعها تخرج معي على العلم اننا كاتبين كتابنا والآن حرمتها من الذهاب الى العمل وحاولت كثيرا ان احل الموضوع لكنها ترفض الحوار معي وقلت لحماتي اريد الفتاة ان تذهب معي لنختار الاثاث وايضا رفضت وقالت انا سأختار لكم وعلى زوقي أرجوكم ساعدوني
بدأت المشكله عندما رفضت ان تذهب خطيبتي الى حفل زفاف الى اقرباء حماتي لأنه مختلط
خطيبتي يتيمه الاب
انا شاب عمري 28 سنه وتتلخص مشكلتي بأنني خاطب من فتاة تعمل معي بنفس مكان عملي وانا احبها وهي ايضا تحبني لكن حماتي هي مشكلتي بالبدايه كانت بمثابه امي لكنها تغيرت معي واصبحت تأخذ التلفون من خطيبتي لكي لا اتحدث معها وعندما أذهب الى بيتها تقول لي عندي ضيوف ولا تدعها تخرج معي على العلم اننا كاتبين كتابنا والآن حرمتها من الذهاب الى العمل وحاولت كثيرا ان احل الموضوع لكنها ترفض الحوار معي وقلت لحماتي اريد الفتاة ان تذهب معي لنختار الاثاث وايضا رفضت وقالت انا سأختار لكم وعلى زوقي أرجوكم ساعدوني
بدأت المشكله عندما رفضت ان تذهب خطيبتي الى حفل زفاف الى اقرباء حماتي لأنه مختلط
خطيبتي يتيمه الاب
التعليقات
حتى لا تغرد في اقرب عمود
- السبب في مثل حالاتك طول مدة الخطوبة وشخصيتك الضعيفة هي السبب في مثل هكذا حالات .
- تحتاج الى اللباقة والادارة الكافية للتعامل مع بيت حماك
- اذا استمرت حماتك بالتدخل بالشارده والوارده في حياتك وخطيبتك فأنت على مفترق طرق لانك بحاجة الى دراسة موضوع الزواج بأكملة
-اذا انت متأكد من ان الضغط من بيت حماك هو للتعجيل بموضوع الزواج فقط وعدم التدخل مستقبلا يجب الاسراع بموضوع الزواج
- للاسف شخصيتك ضعيفة و لا تمتلك الادارة الكافية وغير قادر على المواجهة وانهزامي لذا وصلت الى هذه المرحلة من حياتك في افضل فترة حياة يعيشها الانسان في بيت حماه
لا اؤيد استمرار الخطوبة لا كثر من شهرين او ثلاثة بالاكثر لانها ستلقي بضلالها على الطرفين
الحق مرتك بتخونك مع أعز أصدقائك... راح عالسريع و رجع لصاحبه وقاله:
يا رجال.. ظلمته..
والله لاصديقي ولا بعرفه.
اخي صاحب الموضوع
شيء طبيعي جداً اللي بتعمله حماتك احنا في المجتمع الأردني فوق الـــــ80% ما بخلو بنتهم تطلع مع خطيبها حتى لو كان مكتوب كتابهم
لاتلوم حماتك ولا تعتب عليها عملها هذا من باب الخوف على بنتها وحفاظاً عليها
يعني عفواً منك على تعبيري هذا يعني لاسمح الله لو حصل اي شيء بينك وبين خطيبتك كونها شرعاً تحل لك وفجئت لا سمح الله صار معك حادث وتوفيت قبل حفل الزواج شو رح يكون مستقبل بنتها ؟؟
اكيد اذا صار اشي مثل هيك لا سمح الله ما حدى يصدقها او يثبت برأتها وينخرب بيتها فأعذر حماتك بموقفها هذا منك
الحل الوحيد كونه معك مصاري حق الأثاث استعجل بأثاث البيت وتزوج خطيبتك وخذها عندك وريح راسك
وبالتوفيق ان شاءالله
اي شي غاد
هاي مثل الدب يريد الجيزه ويصيح
انا وحدة لما كنت خاطبة( كاتبة كتابي ) كانوا يعملوا في خطيبي اكتر من هيك و خاصة اخي كان مزهق خطيبي. و بعد الزواج طبعا اتغيرت تصرفاتهم و ما عادوا يدخلوا نهائيا.
يعني لا تاخد الموضوع بحساسية زايدة .
تانيا ليش تمنعها تحضر حفلة مختلطة او غير مختلطة مدام هي لابسة و مستورة ف عادي يعني مدام واثق فيها وكمان رايحة مع امها مش لحالها و بس تصير عندك يا اخي انتم حرين ببعض وقتها تخليها تروح او لا ما حد اله فيكم
خلي الحياة ببساطة ولا تعقدوا الامور
تحياتي و كل امنياتي لك و لها بالتوفيق.
انت بتحكي ان كتابك مكنوب
بس الزواج ماصار قدام الناس
لهيك معاها حق تخاف على بنتها
كتير بنات بكون كتابها مكتوب وبتترك قبل الزواج
انا شايف حماتك معاها حق
انا حاسس ان حماتك مش زي ما انت بتحكي انها هي بدها تختار
هي حابة تطلع مع بنتها لما تختاروا الاثاث معاها حق الزمن بخوف
كيف بدها تأمن غلى بنتها
============
تناقض غريب عندك منعت البنت تروح مع اهلها الي ربوها سنبن
شو مش مركن عليهم يحافظوا على بنتهم
اما انت بدك تطلع معاها لوحدكم
ويمكن تاخذها تزور اهلك
المحافظ بده يكون محافظ في كل شي
الحل انك تحاول توصل لاحد الاشخاص الي الهم كلمة ع البنت يعني اخوها الكبير او خالها ،،، ولا تفكر تحكي مع عمام البنت بعدين حماتك بتعتبرها ضربة عسكرية من ناحيتك وبتحقد عليك لأبد الآبدين .
احذر التطبيع ،،،، مش تطبيع الدهان المزخرف لأ ،،، التطبيع يعني انك تبصملهم بالعشرة ع كل شي بدهم اياه لان والي خلقني بلعبوا فيك الكورة بعدين ،،،، اساسا الام ما تطاولت الا انها ضامنة ان بتحب بنتها ومستحيل تتركها ،،،،، رأيي انك تتمسك بالبنت لانه شكلها مغلوب على أمرها .
يعني امها هي الام وهي الاب
يعني الام بهيك حاله بتشتغل وظيفتين وظيفة ام عاطفيه وظيفة اب بستعمل السلطه والعقل بتسيرر الامور
يا زلمه امها مش عدوتك
انت لسه مبارح خطبت بنتها يعني لسه ما بتعرفها
بس هي امها بتعرفها وبتعرف كيف بتفكر وبتعرف شو نقاط ضعفها بتعرف عدد انفاسها
الناس بتفكر انه الواحد لما يخطب وحده لازم يروح ويطلع وينزل وشويه ينام مع خطيبته ومش مفروض حد يفتح تمه على اساس كاتب كتابه عليها
لا يا سيدي بضلها خطيبه وانت لسه ما صرت زوجها ولسه هي في بيت اهلها تحت سقف بيت اهلها
مستعجل عجل بالجهاز ولا تمطمط فيه
ولا تعمل معه منه قضيه
واتجوزها وبعدها انقعها واشرب ميتها واذا بدك خللها كمان
مش فاهم تقول امها صارت العدوه
يا زلمه من الرجوله انك تحترم امها وخصوصا لانها ارمله وست وام
شويه الناس بدها تدفن الابهات والامهات واطخ الاخوه والخوات ويعيشوا براسهم زي الوحوش
اصدقائي قبل ما احكي لخطيبتي ماتروحي على العرس كان وضعنا مريح ورائع الحمد لله كنا بالدوام مع بعض وكنت اروح عندهم عالبيت وكنت اطلع معها عالسوق لوحدنا ونتعشى ونشتري ملابس كان وضعنا عادي جدا بس منعتها تروح صار اللي صار...
وبالنسبه للي بحكي انه يصير اشي بينا قبل الزواج " لا سمح الله" فهو غلطان انا ملتزم دينيا الحمد لله وبصلي وبخاف ربنا
وبالنسبه للي بحكي عادي تروح على عرس مختلط هل بقبلها لزوجته او لأخته أو لأمه..؟
وبالنسبه لموضوع الزواج انا بعمر ببيت وبخلص بشهر 7 وانا عرسي "ان شاء الله"
بشهر 8
صدقوني اني طيب كثير وعمري ماحكيت الها ولا لامها لا بس مابعرف ليش هيك صار معي صدقوني اشتقتلها ونفسي اشوفها الي اسبوعين ما شفتها ولا سمعت صوتها انا مضايق ارجوكم ماتجرحوني بالحكي
ورح تندم امها بعد الزواج
المراة حكت ازا من قبل ما يتزوجها وبطل يخلها تطلع معي بكرة بمنعها تيجي عندي
ما الك الا انك تتأسف لامها واحكيلها انك متأسف انك جرحت شعورها وبوس على راسها وشوف بعديها الامور كيف بتصير الحموات كلمة حلوة بتكسبهم واعتبرها زي امك وسلامة تسلمك انحلت مشكلتك
عندي استفسار من كل من أشاد بتصرفات الحماة و هو ما رأيكم بها بعد ان عرفتم انها كانت تسمح بكل شيء قبل حدوث مشكلة الزفاف المختلط ؟
بالنهايه الله يتمم على خير ونصيحه اخويه ان تكون الأب والأم لزوجتك كونها يتيمه ،
موضوع زواجك فاشل وستبقى فاشل في موضوع زواجك إن لم تغير شخصيتك
=========
صباح الخير
انا دائما بشوف ردك علي وبرد
بس انت بتهرب ومابتجاوب لانه ماعندك اجابة بتمنى هلا تشوف تعليقي وترد عليه
اولا
انا ماجبت سيرة التلفون ولازيارة
خطيبها الها عند اهلهااقرأ منيح
ولا بس بدك تنتقدني
واذا امها رفضت كلامها مع خطيبها بالتلفون فهي غلطانة
يعني انا هيك بايدك والحماة غلطانة ارتحت
تانيا
انا وانت متوافقين بالرأي انها ماتطلع مع خطيبهالانك قبل هيك علقت على مشكلة البنت الي طلعت مع خطيبها وكان ذئب بشري
وحكيت انها غلطانةليش تطلع مع خطيبها
تالتا
انا كان اعتراضي انه مايتدخل فيها وهي عند اهلها
الاب والام الي ربوا بنتهم على القيم والاخلاق والدليل انها مؤدبة اجا هاد الشب وخطبها
يصير يملي على اهلها وهي عندهم انها تطلع وماتطلع يعني اهلها ربوها 25 سنة بدون وجوده وشطارته هلا جاي هو يعلمهم الصح من الغلط
حط حالك مكان الاهل رح يزعلوا
لهيك يستنى حضرته بس تصير عنده وبده يثبت وجوده بثبته ببيته ان شاء الله يطلعها على القمر هو حر
============
صباح الخير
تعجبت من ردك على تعليقي
انا بنت
بس مش معناها اني بنت اخلي الخطأ صح
واطالب بالخطأ
غلط ان البنت تطلع مع خطيبها لوحدهم
ياما شباب كانوا سيئين واستغلوا البنت الي كانوا خاطبينها وبعدين انكروا عملتهم
او ممكن لاسمح الله الشاب يموت قبل الزواج وبتروح على البنت مين بده يصدقها
حتى لو كتابهم مكتوب
الشيطان شاطر
وعلى رأي امي بس تصير زوجته ببيته
ان شاء الله ياخذها على القمر هو حر
انا بستغرب الشباب بحبوا يطلعوا وهم خاطبين وبس البنت تصير عنده ببطل ياخذها على اي مشوار بظل تاركها بالبيت المسكينة للطبخ والجلي
واتمنى للجميع ان يكونوا في اتم الصحة والعافية
الاب مواطن فاخر حمدا لله على سلامتك والف لا باس عليك ما تشوف شر
طمني ان شاء الله وضعك احسن
انا الحمدلله من الله بخير
والبنتين كمان امورهم تمام
ان تدخلني ربي الجنة
كيفك حبيبتي ان شاء الله خلصت السنه الدراسية على خير
اشتقتلك كثير ولحضورك الرائع
اسير الكلمة الطيبة اتمنى ان تطمئنا عنك باقرب وقت ان كنت تتابع هذه الصفحات
الاخ مثقال العزازي اسعدني حضورك
الاخ زيد...والله ان تعليقاتك من الآخر
تخرجت والا لسه
بعدين عندك علم عن الشلة وينها رورو
نسمه
بيسان
راما
ليدي اوسكار
مدهشة
بروااااز
احمد
فارس الكلمة
والجميع بلا استثناء يسعد صباحكم وبتمنى منكم ترجعوا تزينوا هالصفحات بوجودكم
يسعد صباحكم جميعا