جراسا -

السلام عليكم
انا فتاة من محافظة العقبة عمري 26 سنة اكتشفت انو امراة تكرهني من عائلة ابي قد سحرتني وعمر السحر 8 سنوات وانا اكتشفته قبل فترة قليلة عندما تقدم لي شاب واحببته جدا جدا ولكن تركني بسبب السحر وخاصة ان هذا السحر من اقوى انواع السحر وهو تعطيل وتفريق بالمعنى انه هذه المراة ما تركت نوع سحر الا وعملته لي

واكثر ما ازعجني انه هذا الرجل كان يحكي عن الحب وتركني وما وقف معي في محنتي رغم حبي الشديد الو قلت مش مشكلة وصرت استوعب شوي شوي لحالي كيف ممكن ما يكون بحياتي

وخاصة اني وصلت لمرحلة جيدة من العلاج وبقي لدي اثار من العين والحسد والان تعرفت على شخص اقل من مستواي العلمي والمادي ولكنه جدا مثقف انا ما بقلل بقيمته بالعكس انا شاعرة بنوع من الامان معو وهاد الشعور ما شعرت فيه مع الاول مع انه مثقف وغني

حكيت مش مشكلة حتى لو كان فقير الله يغنيه من فضله وما التفت لهاي النقطة وقلت ممكن نبدا حياتنا سوا وخاصة انو انا السحر كان معطل حياتي رغم اني فتاة مثقفة ولي شخصية قوية وجذابة

ولكن للان ما استطعت اكون عمل او حياة خاصة والله زهقت من الوحدة ونفسي حد يدخل حياتي بالحلال وغير هيك بقول في نفسي الله يغير حياتي من اجل انسان معين من هو انا ابحث عنه

وصرت احلم انو شيء يخبرني انو ما رح تكمل علاقتنا تعبت نفسيتي وغير هيك تبين الي انو هاد الشخص كمان مسحور وتاكدت لما صار يحكيلي عن احلامه لان المسحور في دلالات معينة باحلامه وحياته واقفة متلي تعبت نفسيتي لان عانيت لحد ما وصلت لهاي المرحلة من العلاج وخاصة انو كنت اشتغل على حالي بعدة دوافع والان نفسي اوقف مع هاد الشخص وغير حياتو بس خايفة من الشي الي بيقول في احلامي انا مارح نستمر مع بعض وخاصة الشيخ الي بيعالجني قلي اتركيه لان ممكن يكون سبب في اذيتك وانت وصلتي لمرحلة جيدة وانو ممكن الساحر الي سحرني هو من سحره لذلك انجذبنا لبعض بهدف ان الساحر يعرف معلومات اكتر عني

انا يا اخوان بشكر الله اني عرفت موضوع السحر وبتعالج مني ما تتمسخروا علي ممكن انت تكون مبتلي وما بتعرف وخاصة اني كنت اخاف الوحدة واكرهها
ارشدوني ماذا افعل
وامانة يا اخوان تدعولي دعوة صادقة لان الدعوة بظهر الغير لاخوك المسلم مستجابة
ادعولي الله يفرجها عليه واتخلص من الوحدة وشخص يدخل حياتي بالحلال وارزق بعمل حلال.