والله ما حدا بعرف اللي بيصير في كلية الهندسة الا الي اله عيون و بشوف فيها ....انا طالب سنة رابعة بشوف العجب في الكلية والمشاغل وغيره كتيير.....متى الواحد يتخرج عشان يرتاح من كل !!!!!!!!! على سبيل المثال خدلك المشاغل الي مفروض ناخد فيها مواد عملية ونظرية بتفيدنا في حياتنا العملية.( عبارة عن بؤرة فساد والله لا رقيب ولا حسيب ويا حزركم مين الي بيعطينا هالمواد مهندسين ودكاترة ) هههها لا والله حرفيين معهمش الصف السادس , مواد لازم تنعطى بالانجليزي وتنشرح باسلوب معين ومختص , بيجي حرفي بيشيل المادة ويعطيك ايها شلفقة يعني حبطرش على الماشي او بالأصح ع البركة شو ما طلع معه بحكي , وين هاي بتصير الافي المشاغل في الاردنية وقال بقلولك مهندس ..............هههههها عمرت !!!!!! حتى اللغة العربية ما بعرفو يحكوها لا مؤهل علمي ولا غيره . حتى ادوات السلامة العامة الي مفروض احنا بنتعامل مع الالات كبيرة وخطيرة الله وكيلكم على البركة لا اهتمام ولا غيره يعني الي بياخد المواد يمكن يطلع بعاهة مستديمة .الا ما رحم ربي حتى صيدلية اسعافات اولية ما شفت يعني يا بلحقوا الدفاع المدني ولا راحت عليه تعالوا شوفوا التهوية غير مناسبة يعني ربو لا مجال, ومرة زبطوا حمامات الطلبة عشان يستخدموها الطلاب وقت الحاجة , ويا حزركم مين الي بستخدمها طلع العمال بسكروا الحمامات وعاملينها جناح خاص للنوم , ولاغراض شخصية بحطش بذمتي قال جامعة ومهندسين حتى اقل حق النا حطوا العمال عينهم عليه ضايل يطوبوا الحمامات باسمهم . سيبكم من المشاغل وعمالها الي ما بتركوا ولا بنت من شرهم كانهم عمرهم ما شافوا بنت( زي الهجين وقع بسلة تين على راي ستي. كلام وسخ بذيء, وحركات مقرفة, واللي بيقهرك الرشاوي اللي يتعطيها البنت الهم عشان يسجللوها المادة حضور دخان وعلكة وغيره. عشان تسلك وتنجح وما ترجع على هالمكان الوسخ, انا نفسي اعرف اشي.... الواحد فيهم مااله اخت او بنت او قريبة ممكن تتعرض لمتل هيك موقف ولا عند بنات الناس بهمش ,وعند وبناتهم صاروا شرفا المهم مرة صلحوا الكراسي اللي في القاعات وياريتهم ما صلحوها كراسي بتجيب الدسك على البدري جايبينها من سجون المانيا . ولا بداية العام لما بدنا نستلم الخزاين بتضل تركض ورا المسؤول وتدور عليه ليش لانه مش موجود بالمستودع لازم تاخد من حضرته موعد مسبق عشان تاخد حقك . وينه؟؟ مش موجود!!! ليش شو ورا حضرته ؟؟!!!!! مهندسين معنا لاب توب قال بدنا ندرس وتستخدم التكنولوجيا مرة خلص شحن اللاب توب واجيت بدي اشحنه وباريتني لاقيت قابس كهربا صالح كله منظر.ياسلام لما يبلش الدكتور يعطي المحاضرة على الحان قرقعة العمال وصوت الضجة وصوت الالات القوية يعني ع كل الحالات مش مستفيد لا بكلية ولا بمشاغل مش حكيت الكم عمرت . والله ما هي كلية وقابلوني اذا حد فينا بطلع فاهم الهندسة لو فات الواحد اداب احسنله