صفق للي جاي وطبل للمروح


رحت أنا وصديقي مروان على الملعب إلي جنب الدار، نحضر مبارة لكرة القدم بين فريق حارتنا " تل الرمان" وفريق حارة "جرف الدراويش"، وصلنا في وقت كانت المبارة حامية، فريقينا مدخل قولين في الفريق الثاني والمدربين بصرخوا على اللاعبين مشان التكتيك، قعدت أنا ومروان في أخر صف بمكان عالي بطل على كل الملعب وصوت الجماهير بلعلع صفير وتصفيق، كنا متأكدين من نتيجة المبارة أنه فريقنا رح يفوز لأنه المرة الا فاتت فاز على فريق عش الدبابير أربعة اثنين ومستحيل الدراويش يفوزوا علينا المرة هاذي، بذكر يومها اجتمعت الحارة كلها وعملوا عشاء للمدرب تكلمت فيه كل الحارات الثانية والكل كان بشكره فيه على جهوده وتكتيكاته داخل الملعب لأنه حارتنا كانت أول مرة بتفوز على الدبابير، وفي اللحظة إلي سرحت فيها مع بنات أفكاري دخلوا الدراويش قول بفريقنا من زاوية الملعب، والي ما كان لا مهاجم فيها ولا مدافع، واستغربت القصة مقول راحت عن بال المدرب انه يحمي الزاوية... ! ! ضربت مروان كف على رأسه، وقلت اله شفت الخطأ إلي وقع فيه المدرب لو كان حاط مدافع بالزاوية ما كان صار إلي صار، صرخ عليّ مروان وقال: وأنا شو دخلني هو أنا إلي دربت الفريق، ما صار مروان مكمل كلامه حتى فات القول الثاني من نفس الزاوية، قلت لا هيك كثير، مستحيل المدرب مش منتبه لغلطه، أكيد هسى لازم يعمل تبديل حتى يحمي الزاوية، انتهى الشوط الأول بالتعادل، انتظرنا الشوط الثاني على أحر من الجمر حتى اقل ما فيها فريقنا يعدل النتيجة، دخلوا الفريقين وبلش الشوط الثاني وشفت الفريق في المبارة على نفس الترتيب، وعرفت انه المدرب ما غير خطة اللعب، فار الدم برأسي وعرفت أنه فريقنا رح يخسر اليوم ،والي كنت خايف منه صار، من أول دقيقة بلش فيها الشوط الثاني ركز فريق الدراويش على الزاوية الضعيفة وجابوا هدف التقدم والمدرب لساته على حاله لا بدل ولا غير، بلش الجمهور يغضب ويرمي حجارة على الملعب، ويغلط على المدرب، وما خلوا المبارة تستمر وطلع المدرب واللاعبين من الملعب بركضوا ورآهم رشق الحجار عامر، قعدت أنا ومروان نضحك على ناس حارتنا وانسينا أمر المبارة اطلعت بمروان وقلت: مش هذا المدرب الجديد الا كان قبل أسبوع بحارتنا معزوم على العشاء...!!! لأنه خلى فريق حارتنا يفوز على عش الدبابير، وهسى لأنه فريقنا رح يخسر عزموه على حجارة فعلا ً مثل ما قال المثل: صفق للي جاي وطوط للمروح.



تعليقات القراء

هذلول
من اكتشافات

فنيخر

انه اذا صادف مقالا لا يرتقي للقظايا(بالظاء)التي

تهم الامه

ان يهمس بي اذن الكاتب الكريم

و يقول له:

"مقالاتك و ليس شخصك الكريم بي تراجع"

لا تعيدها

شد حيلك

الكاتب الكريم

الاستاذ:اسامه الحطيبات

مع عظيم احترامي
30-01-2012 10:33 PM
فطّيط
الكاتب المحترم
بعد التحية والتقدير والمحبة والقهوة
لا ترد على فنيخر
لأنّه صاير أحول
يقصد المقال الثاني المُقابل لمقالك الكريم
أمّا مقالك فهو عال العال
واذا دخلت فيه مسابقة ستأخد
علية جائزة
زوّد
31-01-2012 12:00 AM
فنيخر
المعلق المبجل

فطيط

هاظ صحيح

على مكبري,اني صاير:

مش بس احول

واطرم

واخرس

وبي وشه

شو كمان بدك؟

مليح هيك؟

مع عظيم مودتي و احترامي
31-01-2012 07:28 AM
المواجده
اكتب يا اسامه وسنقرأ ما تكتب ومقالك حلو وبحاجه الى تمعن لمن يفهم لان هناك شيء اسمه ما بين السطور ولن احسدك اذا قلت لك لقد..
31-01-2012 02:00 PM
فنيخر وهذلول وفطيط
احنا عارفين انو (بالواو مثل الواويات)

الزبده

بالاخر( صفق للي جاي وطوط للمروح)

بس مش هالقده

افرظ انو

احنا

ابنلعبش فطبول
31-01-2012 03:48 PM
سمحان
احنا 22 مشان على الدار امس ، ولو ما انه حلقت طائرة الاسبوع بيل غيتس وشاشاة على ضوء وقام تلفون سلك من طريق الفطبول...
02-02-2012 12:01 PM

أكتب تعليقا

تنويه :
تتم مراجعة كافة التعليقات ،وتنشر في حال الموافقة عليها فقط.
ويحتفظ موقع وكالة جراسا الاخبارية بحق حذف أي تعليق في أي وقت ،ولأي سبب كان،ولن ينشر أي تعليق يتضمن اساءة أوخروجا عن الموضوع المطروح ،او ان يتضمن اسماء اية شخصيات او يتناول اثارة للنعرات الطائفية والمذهبية او العنصرية آملين التقيد بمستوى راقي بالتعليقات حيث انها تعبر عن مدى تقدم وثقافة زوار موقع وكالة جراسا الاخبارية علما ان التعليقات تعبر عن أصحابها فقط ولا تعبر عن رأي الموقع والقائمين عليه.

- يمكنك تسجيل اسمك المستعار الخاص بك لإستخدامه في تعليقاتك داخل الموقع
الاسم :
البريد الالكتروني :
اظهار البريد الالكتروني
التعليق :
رمز التحقق : تحديث الرمز
أكتب الرمز :

إقرأ أيضاً

رياضة وشباب

محليات