أصعب قرار .. الانتحار


ما أصعب هذا القرار وما أسهل إشعال النار فماذا فعل لك هذا الاختيار ، إلا انك أغضبت ربك العزيز الغفار وتركت خلفك أطفالك صغار ، واتخذت بكل سهوله هذا القرار وأنت تعلم في قرارة نفسك انه انتحار ، فلقد سرت بروحك الأقدار إلى حيث يعلم العزيز القهار ، فماذا سيغير من بعدك هذا القرار وهل سيصحح حرق جسدك المسار ، أم انك أخطأت وتسرعت في اتخاذ القرار وتركت من خلفك من ستحرق قلوبهم النار وسيطول عليهم الانتظار وفقط هم ( أهلُ الدار ) وجعلت من جسدك مزار لمن أراد أن يحقق أهداف ومكاسب حزبيه وشخصيه من وراء تلك الأخبار ، أما نحن فكلها يومين أو أكثر وسيمضي بنا القطار وسنقلب صفحة جديدة ويستمر المشوار ، وستبقى أنت ذكرى فقط في نفس اهلك وأبناءك الصغار ، آه ما أصعب هذا القرار فهل في هذه الدنيا شيئا يساوي لحظه انتظار في عيون أمك و أطفالك الصغار ، فاعلم انك اتخذت قرارك بنفسك وغادرت هذه الدنيا لوحدك وغدا ستطوي الأيامُ ذكرك وستبقى فقط لوعة في نفس أبناءك وأبوك وأمك ، فلقد كان بإمكانك أن تطالب بحقك وستجد من يقف جنبك دون أن تحرق جسدك وتغضب ربك وتفجع اهلك ، فثق تماما انه لن يأكل همك إلا أطفالك وأمك ، فيا أيها الإنسان الجبار الذي استسهلت اتخاذ هذا القرار فهل أنت تملك نفسك حتى تقدم على الانتحار ، فلماذا هذا الاستهتار بهذه النفس التي وهبنا إياها الوهاب الغفار فنحن في أنفسنا لسنا أصحاب قرار وليس لنا الاختيار أن نموت بطريقة الانتحار ،قال تعالى ولا تلقوا بأيديكم إلى التهلكة ، فكيف إذا نفكر وهل هناك من دوافع وأسباب تجعل الإنسان منا يفارق الأهل والأحباب فحقا لاشيء يساوي دمعة عين أو لحظة غياب إلا البكاء من قبل الأهل والأحباب على من رحل وغاب وترك خلفه نظرة استغراب ، فلا بد يوما أن يكُبر الصغار ويستمرُ المشوار ولا حصره إلى على من أشعل في جسده النار ، نسأل الله العفو والعافية في الحياة الدنيا و وفي الآخرة .



تعليقات القراء

ابو انور

بارك الله فيك يا زيد ، كلامك رائع وهو عين الصواب ولا حولة ولا قوة الا بالله
على كل من يدفع بنفسه الى الهلاك
12-01-2012 04:21 PM
حرام
الانتحار محرم في الإسلام لقول الله تعالى :: "يَا أَيُّهَا الَّذِينَ آمَنُواْ لاَ تَأْكُلُواْ أَمْوَالَكُمْ بَيْنَكُمْ بِالْبَاطِلِ إِلاَّ أَن تَكُونَ تِجَارَةً عَن تَرَاضٍ مِّنكُمْ وَلاَ تَقْتُلُواْ أَنفُسَكُمْ إِنَّ اللّهَ كَانَ بِكُمْ رَحِيماً" (النساء:29)، وتأمل معي هذا العقاب الإلهي: (فَسَوْفَ نُصْلِيهِ نَارًا) إنها بحق نتيجة مرعبة لكل من يحاول أن يقتل نفسه. وكذلك السنة النبوية جاءت وقرعت بمن قتل نفسه فعن أبي هريرة رضي الله عنه عن النبي صلى الله عليه وسلم قال: (مَن تردى من جبل فقتل نفسه فهو في نار جهنم يتردى فيه خالداً مخلداً فيها أبداً، ومَن تحسَّى سمّاً فقتل نفسه فسمُّه في يده يتحساه في نار جهنم خالداً مخلداً فيها أبداً، ومَن قتل نفسه بحديدة فحديدته في يده يجأ بها في بطنه في نار جهنم خالداً مخلداً فيها أبداً) رواه البخاري ( 5442 ) ومسلم ( 109 ).
12-01-2012 04:22 PM
الله يسامحهم
ليش طيب شو يعني هيك؟؟؟
او بالأحرى مفكر حالوا فهمان يعني بدو يقلد
على كل حال الله يسامحوا
12-01-2012 04:23 PM
طارق خريس
ابو عزيزي الاردن بدو يعمل حاله .....

والله حرام وشكرا لك اخي زيد
12-01-2012 04:24 PM
غباء
غباء شوماأشطرنا بالتقليد
12-01-2012 04:25 PM
مجدي العجرمي \ ابو صخر
هاد اكيد واحد ....ي بعيد عن الاسلام لان الاسلام حرم على المسلم انه يأذي نفسه وبعدين احنا ب الاردن بالف خير ونعمه يكفينا نعمة الامن شوفوا سوريا كيف صار فيها الله يخلي ملكنا ويعيش الاردن بسلام

ومع خالص شكرنا للكاتب الذي يبدع يوما عن يوم في انتقاء المواضيع
ويطرح بجراءه وقوة
12-01-2012 04:27 PM
عجيب \ اردنية
يعني اذا كل واحد مخنوق يحرق حالو ...او نترك كل شي ونقعد نفكر مين سرق ومين ما سرق ...هاي افعال ناس فاشلة ما بدها تشتغل بدها تقعد في البيت ونوزع عليها مصاري من المليارات اللي من السعودية ...عجيييييييييييييب
12-01-2012 04:28 PM
الدويكات
ما اقدم عليه الشخص باحراق نفسه يدل علا ابتعاد الشباب عن تعاليم ديننا الحنيف،نطلب من اللة لة الهدايه والشفاء
12-01-2012 04:31 PM
؟؟؟؟
.... مع الف جهنم وراه ناس زي هيك ما بتستاهل العيشه
قال تعالى (ولا تقتلو انفسكم ان قتل النفس كان خطاء كبيرا)
12-01-2012 04:33 PM
توفيق الدويك
.... لك بالك ، ولك فوق ما خربانه ومالكه ...
12-01-2012 04:35 PM
مشروع محروق
من وراء الهيكله ومن وراء الحكومه ومن وراء الطفر الناس بتحرق حالها من شو يعني حاب يشم هواء اتقوا الله بالناس صدق غير كل اهل الاردن تحرق حالها بس لشهر
12-01-2012 04:43 PM
اريح
شعبنا فارغ روحيا وجائع ماديا ،،طبعا مش للتعميم بس نسب وموجوده ،وبشوف حاله ينسرق ليل نهار وما في جديد غير البلا والتنكيد ،خلّه يحرق حاله بنرتاح منه
12-01-2012 04:43 PM
من الكرك
مواطن احرق نفسة بده يموت انا شو دخلني والحكومة شو دخلها هيهم باميركا وغيرها وناس مش بحاجة مصاري بمعني مليننين بنتحروا
12-01-2012 04:44 PM
اين الاخوان
انتم يا ابطال الاصلاح خلقتم من البوعزبزي بطل قومي , الا تخافون الله انه منتحر والذي يرمي نفسه بالتهلكه يخالف امر الله , ويجب على جماعة الاخوان المسلمين ان يصدروا بيان عن القاء النف بالتهلكه من ناحيه دينيه لماذا صمتهم ؟
12-01-2012 04:44 PM
الى حمزه منصور وجماعته

فعلا لماذا لا يصدر جماعة الاخوان بيان يدين هذا العمل ويحرم الانتحار
اليس هذا هو واجب الجماعة
ام انهم سيبكون عليه ويقيموا له العزاء

............
12-01-2012 04:45 PM
البو عزيزي
حرام عليك تحرق حالك .... طيب ارمي حالك من فوق عمارة مثلا اهون .... او طخ حالك أسرع .... او اشرب سم فرضا .... حتى بالموت هالشعب صار يقلد تقليد اعمى .... والله لو العالم كله يحرق حاله ما بساوي مثله بس الله يسامحه ويغفره حب يقلد البوعزيزي... ومات البوعزيزي والشعب هسا مكيف وراحت عليه .... واكتب يا زيد
12-01-2012 04:46 PM
حديث
الانتحار من كبائر الذنوب ، وقد بيَّن النبي صلى الله عليه وسلم أن المنتحر يعاقب بمثل ما قتل نفسه به .
فعن أبي هريرة رضي الله عنه عن النبي صلى الله عليه وسلم قال : ( مَن تردى من جبل فقتل نفسه فهو في نار جهنم يتردى فيه خالداً مخلداً فيها أبداً ، ومَن تحسَّى سمّاً فقتل نفسه فسمُّه في يده يتحساه في نار جهنم خالداً مخلداً فيها أبداً ، ومَن قتل نفسه بحديدة فحديدته في يده يجأ بها في بطنه في نار جهنم خالداً مخلداً فيها أبداً ) رواه البخاري ( 5442 ) ومسلم ( 109 ) .
وعن ثابت بن الضحاك رضي الله عنه أن رسول الله صلى الله عليه وسلم قال : ( مَن قتل نفسه بشيء في الدنيا عذب به يوم القيامة ) رواه البخاري ( 5700 ) ومسلم ( 110 )
وعن جندب بن عبد الله رضي الله عنه قال : قال رسول الله صلى الله عليه وسلم : ( كان فيمن كان قبلكم رجل به جرح فجزع فأخذ سكيناً فحز بها يده فما رقأ الدم حتى مات . قال الله تعالى : بادرني عبدي بنفسه حرمت عليه الجنة ) رواه البخاري ( 3276 ) ومسلم ( 113 )
12-01-2012 04:47 PM
احمد الازيده
الحجي على المرتكي هين ؟؟؟....
12-01-2012 05:28 PM
طارق بن زياد
جزاك الله خيراً استاذ زيد
لقدارتقى الإسلام بحقوق الإنسان إلى مرتبة الضرورات والفروض ومنع الإنسان من التنازل عنها(المسلم وغير المسلم) . فحقه فى الحياة لا يجوز إهداره بالانتحار مثلا
قال تعالى (ولا تقتلوا انفسكم ان الله كان بكم رحيما)عن أبي هريرة رضي الله عنه عن النبي صلى الله عليه وسلم قال : ( مَن تردى من جبل فقتل نفسه فهو في نار جهنم يتردى فيه خالداً مخلداً فيها أبداً ، ومَن تحسَّى سمّاً فقتل نفسه فسمُّه في يده يتحساه في نار جهنم خالداً مخلداً فيها أبداً ، ومَن قتل نفسه بحديدة فحديدته في يده يجأ بها في بطنه في نار جهنم خالداً مخلداً فيها أبداً )
12-01-2012 06:35 PM
قله دين
هاي اسمها قلة دين ... هذا بيكفر برحمة ربنا ... فاتمنى انه ما يتحول لبطل قومي او رمز ... لانه اللي بيحرق حاله عشان مكاسب الدنيا فهو كافر بقدرة الله على ان يرزقه ... و اريد ان اسأل العلماء هل يجوز الصلاة على المنتحر ؟؟؟
12-01-2012 06:55 PM
التاميم
التأميم هو الحل .....على الحكومة ان تؤمم كل الشركات و المصالح و البنزك لصالح الدولة كما عمل الراحل عبد الناصر و كل الشعب معك يا ابو حسين
12-01-2012 06:55 PM
ابو جعفر الطراونه

زيد المحارمه تبدع من مقاله الى مقاله

كلامك حقيقي وواقعي ومنطقي

سلمت وسلم قلمك ونامل منك التواصل على هذا الخط ولك التوفيق
12-01-2012 06:56 PM
محمود فياض
اكيد كان قصده يمزح مزحه مع الامن ! بس لما شاف انهم مهتمين قلبت جد
عالعموم
له له له
12-01-2012 07:30 PM
الصاروم \ رجم الشامي

والله يا زيد انك تجي معانا على الوجع

قال البوعزيزي قال
12-01-2012 07:36 PM
هو حاب يموت
لو اني مع الدفاع المدني غير أظل اتفرج عليه تا يهمد و .... هوه حاب ايموت ؟؟؟؟؟؟؟؟؟؟؟
12-01-2012 07:40 PM
اخو ارشيدة
شو القصة ياجماعة مال الناس صايرين يحرقوا حالهم ومش سائلين عن روحهم
12-01-2012 07:41 PM
انيس الدراويش

المواطن المقهور العاطل عن العمل عندما يحرق نفسه لفقده اي امل بالحياة يصبح من اصحاب الاسبقيات وازعر ومدسوس وصاحب اجندات خاصة وبلطجي اما الذي يرمي بالحجارة ويعتدي بالضرب على المعتصمين السلميين فهو مواطن شريف يستحق توجيه رسالة شكر من الحكومة وصاحب الاسبقيات المعروف عنه تكرار اعمال السرقة لماذا يقدم على حرق نفسه فكل ما عليه ان يرتب لسرقة جديدة وتنتهي مشاكله المادية .
12-01-2012 07:42 PM
ابو متعب
مع السلامه بريحنا من واحد
وعقبال عند الباقي
12-01-2012 07:45 PM
بني حسن
لا حول ولا قوه الا بالله شو الفائده من ذلك تخسر الدنيا والاخره
12-01-2012 07:45 PM
يونس البزايغه

والله يا عمي مثل ما قال الكاتب ما حد راح يسأل عنك غير ابوك وامك
وحتى اولادك بكرة بنسوا همك
والله ما راحت غير عليك
12-01-2012 07:47 PM
له با زيد
بدنا تكتب عن الاخوان هاي المقالات مابطعمي خبز
13-01-2012 08:56 AM
على العتوم
والله ان لم تستحي افعل ما شئت كل واحد فاشل بحياتو صار يحمل الحكومة المسئولية لازم يخلوهم يموتو وما حدا يساعدهم

والله يا زيد انك على الوجع ومن الاخر
13-01-2012 01:21 PM
ابو الاسد
احترقت..شو استفدت؟؟!!!! سيبووه..الدنيا بتشتي وبطفي لحاله

ولا خلص مات يا الله الله يرحمه
13-01-2012 01:21 PM
ام وليد
لا حول ولا قوة الا بالله العلي العظيييم .....لك شو هالمووديل الجديد اللي ناازل عنا .....هاي صرعة جديده للقضااء على الفقرر ولا شوووو ....اللهم عافينا ....مابعرفو انو قتل النفس يخلد بالناااررر ......لاكسب دنيا ولا اخره .....رااحت عليهم ...هاااد انتحااار مش تعبير عن رأي .....
13-01-2012 01:22 PM
حكومه بدها حرق
ضعف الوازع الديني في المجتمع ورئيس وزراء جاء لخدمة الحزب الواحد وناطق اعلامي بأسم الحكومه يدير الوزارة يا ........ وحكومه اضعف من هيك ما في
والاردن في طريق ؟؟
الله يستر الاردن من هيك رئيس حكومه
13-01-2012 01:23 PM
مدوزن
الانتحار : هو تعدي الإنسان على نفسه ، أي أن يقتل الإنسان نفسه متعمداً ، وهذا العمل كبيرة من كبائر الذنوب ، وقتل النفس ليس حلاً للخروج من المشاكل التي يبثها الشيطان ، والوساوس التي يلقيها في النفوس ، ولو لم يكن بعد الموت بعث ولا حساب لهانت كثير من النفوس على أصحابها ، ولكن بعد الموت حساب وعتاب ، وقبر وظلمة ، وصراط وزلة ، ثم إما نار وإما جنة ، ولهذا جاء تحريم الانتحار بكل وسائله من قتل الإنسان نفسه ، أو إتلاف عضو من أعضائه أو إفساده أو إضعافه بأي شكل من الأشكال ، أو قتل الإنسان نفسه بمأكول أو مشروب . ولهذا جاء التحذير عن الانتحار بقول ربنا جلت قدرته وتقدست أسماؤه حيث قال : { ولا تقتلوا أنفسكم إن الله كان بكم رحيما * ومن يفعل ذلك عدواناً وظلماً فسوف نصليه ناراً وكان ذلك على الله يسيراً } ،
13-01-2012 01:24 PM
ليش طيب
له يا ابن الحلال الصبرمفتاح الفرج...بعدين يلي بموت بتروح عليه....خلي ايمانك قوي ولا تغظب ربك؟؟؟؟؟شو الفايدة ......لو متت.....مت كافر.......حرام نفسك تحاسب على المها.....الله بفرجها.....قول يارب
13-01-2012 01:26 PM
اجمل مقال اقراءه عن هذه الحادثه \ مهندس حسن السمور

الى الكاتب زيد المحارمة مع التحيه

حقيقه اني متابع جيد لهذا الموضوع بالذات موضوع حرق النفس وقد قرات من المقالات الكثير ومنا لناس مثقفين يعتدون بالدين ومنها لكتاب كبار لكن للاسف لم اجد مقاله واحد تشرح الموقف على حقيقته سوى هذه المقاله التي تبن فيها ما هو جزاء الانتحار وكذلك من هم المستفيدون من هذا العمل ومن هو الخسران ومن هم الذين يعانون بعد هذه الحادثه وما هو الحل
اشكرك من كل قلبي واعتز بكتاباتك الرائعه دائما التي تكتب بصورة تشد اليها القارىء والله الموفق
13-01-2012 01:29 PM
عاشق البيضاء
بالتأكيد أن هذا الشخص موحه ومدفوع له ....... وأعتقد أن المفسدين ومن عليهم قضايا كبيرة هم من يوجه مثل هؤلاء الضحايا .. وذلك لخلق بلبلة داخل البلد ولتحويل الانظار عنهم ...... بدهم يحولوا الأردن لساحة فوضى عشان يسلموا من التحقيق وغيره من انواع المذلة التي سيلحقها بهم الشعب بعد ثبوت تورطهم ...... يا حكومة دققي وحققي وافضحي من يقوم يتلك التحريضات القذرة
13-01-2012 01:30 PM
وطني انا
رحمه الله عليك يا حزين والله راحت عليك الله يسامحك ويغفرلك واذا انت عملت هيك مشان الوضع تراك كنت لاخر لحظه تنفخ بقربه مخزوقه
13-01-2012 01:31 PM
السعود
الله لا يرده ,,,, إلى جهنم وبئس المصير ,,, الانتحار صار موضة ,,, اللهم احفظ بلدنا امناً مستقراً يا رب العالمين ,, واحمنا من الفتنة ما ظهر منها وما بطن
13-01-2012 01:31 PM
مواطن محترم
ليش بتحملو المسؤولية للحكومة؟ (...) شو ذنب الحكومة يعني؟ الجهل هو السبب والرسول صلى الله عليه وسلم تعوذ من الجهل.. في ناس كثير بالبلد طفرانة وما في عندهم خبز ياكلو ليش ما بنشوف حدا بينتحر؟الجواب هو التعفف كما قال الله عزوجل "يحسبهم الجاهل اغنياء من التعفف" الرزق بيد رب العباد ولو سعى المطارنة واخذ بالاسباب وما خلف 15 ولد كان ما صار اللي صار , الرزق موجود والبلد فيها شغل بس بدها مين يسعى ويدور عليه.. صدقوني يا اخواني المشكلة بالشعب مش بالحكومة احنا بالشركة بدنا محاسبة خبرة سنة براتب 300 دينار مبدأياً صارلنا اسبوعين بندور وما حدا بدو يشتغل ونص اللي رتبنا معهم مواعيد ما حدا فيهم اجى وكل يوم بنتصل فيهم مرتين حتى يشرفو وما حدا بدو يجي واللي بيجي بكون لساتها فرش وما عندها خبرة كثير وبدها 500 دينار واللي بترن عليه ما بيجي مع انهم قاعدين وبلا شغل .. يعني انا مستحيل اقتنع انه الحكومة سبب في بطالة هاي الناس , ومستحيل اصدق انه الحكومة سبب في فقر الناس وخصوصاً اللي مخلف 15 و16 ولد ما حدا جبره يخلف هيك ما دام انه ما بقدر يصرف عليهم ..الرزق على الله , ولكن الاخذ بالاسباب قبل التفكير بكل شيء .. الفقر ما بيهجم عالناس . الناس هي الي بتهجم عليه ..
13-01-2012 01:38 PM
جرشي
الله لا يرده شو والله شايف صارت موضه اللي مو عاجبه الوضع بحرق حاله اللي مو ملاقي شغل كمان نفس الشي تعال سجل بالجيش بحكيلك شو انا افوت على الجيش ويصيرو يتحكمو فيني طيب يا اخي ليش ما كملت تعليمك بحكيلك لو كملت تعليمي كان ضليت عاطل عن العمل اذا ربنا كاتبلك تشتغل والله لتشتغل لو غصبت عن الكل وحدو الله وصلو على النبي وبلا من هالهبل هاد والله يا اخوان هاي كلها فتنه من بلاد الغرب حسبي الله ونعم الوكيل بس والله والله لو حد يصرحلي غير احرق كل واحد بتطاول على الحكومه او على جنود ابو حسن الا اذا كان معه حق ومبين قال شو بدهم الاصلاح يصير خلال 24 ساعه من الرؤوس الكبيره تحولت على القضاء اصبرو يا شعب على الحكومه شويه والله الواحد بحكي من الزعل والقهر على بلاده كلنا رصاصه في بندقيه ابا الحسين اسفين على هالكلام بس والله غصبت عني _____اردني وافتخر_--_- جرشي---
13-01-2012 01:41 PM
ناصر الدعجة

شكرا للكاتب المحارمه على كلامك المعبر

ونسأل الله اللطف بهذا البلد
13-01-2012 01:42 PM
بدون اسم
هذه ليست وسيلة ضغط تمارس ع السلطة (احنا مجتمع لاطائفي ولا عرقي حنا الشعب الاردني بكل رموزه لا نسمح باحداث اي تمرد في البلد هناك طرق سلمية بنمارسة بغض نضر عن تفاعل الحكومه معها و نخلي المستقبل ابناء الجيل القادم هو الهدف السامي لتوفير افضل الحياة لة
13-01-2012 01:42 PM
الزعبيه
ضعف الايمان والبعد عن الله يؤدي بالمرء الى ان يلقي بنفسه الى التهلكه . مهما بلغت الصعاب بالمرء المؤمن والذي يعي جيدا وبقناعه ان الارزاق بيد الله وانها مقدره من عنده سبحانه وتعالى لا يمكن له ان يفكر بمثل هكذا عمل . هذا عمل محرم بكافة الاديان الثلاثه التي جاء ت من عند الله عز وجل
13-01-2012 01:43 PM
امي
الله يرحمنا برحمته لانه وصلت فينا لاعلى قمة الجهل والكفر !!!!!!!!!! ولكو كيف واحد فيه عقل يجرؤ على هيك فعل وكيف بده يلاقي رب العباد !!!! وانت يا للي تحكي عن حالك دكتور واكيد انت بعيد عن هذا الوصف تماما اذا بدك تحرق حالك فكر باخرتك قبل هالشي واذا اصريت الله لا يردك ودير بالك لانه ما حدا رح يعرف يعيش من بعدك يا دكتور الدلال !!! شييييييي غاد!!
13-01-2012 01:44 PM
الى اخوان الغير مسلمين

يعني يا ريت ينحرق عنا كمان كم شي الف
واحد بنخلص منهم وبنرتاح من ها القرف
شو يعني حرق حالو شو بده يسير
راحت عليه
وبكرة الاخوان المسلمين بيلاقوه حجه الهم
عشان يحكوا ويتحاكوا عنه
ليش ما يصدروا بيان يدن هذه الافعال ليش ليش ليش ليش ليش ليش ليش ليش
يا اخوان الشياطين ليش
13-01-2012 01:46 PM
انا هيك بحكي
فضولهم سوق الحلال من الغنم وخليهم يحرقوا حالهم ..
13-01-2012 02:00 PM
المبيضين
يا إخوان كل واحد يريد ألإنتحار عليه جيرة الله ترى أنا بساعدة أنا جاهز ألولعة من عندي,ترى أنا إشتريت 100 قداحة لكل واحد بدو ينتحر,لكن طفاية ما عندي,؟؟لأنو ألله .......و جهنم الحمرا إنشالله.
13-01-2012 02:02 PM
من بلاد الشيح
كان الرسول صلى الله عله وسلم يربط الحجر او الحجرين على بطنه من شدة الجوع تمر أيام كثيرة ولا يوقد في بيته النار وهو اشرف الخلق. أستحلفكم بالله ايها الشعب الأردني من منكم وصل الى هذه الحالة التي وصلها سيد الخلق. استحلفكم بالله من منكم لا يوجد في بيته خبز او زيت او زيتون او شاي او صابون او بندورة او لبن او بطانية او صوبة فوجيكا ... هل نحن جياع هل نحن مساكين هل ننام في الشوارع هل نحن مثل الصومال. حسبي الله ونعم الوكيل. ماذا كسب هذا الذي أحرق نفسه وماذا أثر على غيره. قولوا الحمدلله على كل شيء.
13-01-2012 03:08 PM
محسن
الله يرحمه لولا خيرات الشعب المنهوبه ماكان عمل بحاله هيك كان الدوله وفرتله حياه كريمه والقادم اعظم اذا بقي الفساد والمفسدين هيك
13-01-2012 03:09 PM
طارق الهندي

طيب مش الحكومه الي وصلته لهيك
13-01-2012 03:10 PM
احمد الازايده
ما اجمل هذا الكلام لو كان من القلب ولكن هل تقول لنفسك هذا الكلام
(( إلا انك أغضبت ربك العزيز الغفار )) ااياك ان تقول لنفسك هذا الكلام
13-01-2012 03:10 PM
الى الاخوان


نحن نريد من الاخوان المسلمين ما يحرم ذلك ليش ما يحكوا الاخوان شو مانعهم
13-01-2012 04:47 PM
؟؟؟؟؟؟؟؟؟؟؟؟؟؟؟؟؟؟؟؟؟
يا من اعتقدت انك تجرح القلوب وتجري الدموع
لن تجرح الا قلب والديك وابنائك
ربما بكى عليك القليل
ولكن في لحظات تناسوك ونسومن انت
هل وصلنا الى الاستهتار بالروح التي وهبنا اياها الخالق عز وجل .......
سؤال ما الذي اوصله الى الانتحار
الاستهتار اوقلةالامان ؟؟؟؟؟؟؟؟؟؟؟؟؟؟
14-01-2012 12:17 PM
خالد شاهين
اللي بدو حرق هم اصحاب المليارات اللي نهبوها من خيرات الاردن واهله ليش الحكومة ما تصحى لحالها وتحاسب الحرامية اللي صاروا بالاف واللي بتعينوا في الوظائف اصبحوا من اصحاب الواسطات والمحسوبيات اصبحت الوظائف لفئة معينة فقط والباقي ....
وكل واحد بيتشفى بالمرحوم وضع حاله محل رب العباد من انتم حتى تطلقوا على المرحوم شتى الشتائم ان الله هو الذي يحاسب عباده وقد يدخل الجنة قبلكم جميعا اتقوا الله في احكامكم لانكم ستحاسبون على اقوالكم وافعالكم.
14-01-2012 02:20 PM
مالك العتيبي
مقال رائع .
15-01-2012 12:56 PM
سامي
لا يجب ان نحمل من يفكر بهذه الطريقة الماساوية المسؤولية ونوجه له الطعن واللوم والنصيحة ..نعم تبصير الناس بنتائج هذه الفعلة الشنيعة مطلوب ولكن على المجتمع بكل ادواته ومؤسساته الدينية والاعلامية والسياسية والحكومات ان تضع البرامج وان تجعل من انسانها ملتسق بالحياة من خلال حفظ كرامته والحصول على بعض حقوقه وان تتيسر له الحياة التيب ينشدها..كما ان على الاسرة تقع المؤولية الاولة والاخيرة ..لانها هي المحرك الاول لذلك الذي يقدم على الانتحار...فهناك من يحاصر من قبل اسرته والمجتمع الذي يتضامن مع الاسرة للتاثير الاعلامي من خلال توجيه النقد الدائم ومن خلال توجيه اللوم او اغتصاب الحريبة او منعه من ممارسة هواية معينة ...او غلق منافذ النجاح امامه...او تجاهل وجوده داخل الاسرة...والاهمال الذي يمارسه الرجال تجه نساؤهم او القسوة المفرطة تجاه الابناء وكثيرة هي الاسباب التي هي نتاج طبيعي لابتعاد المجتمع عن الله...شكرا للاستاذزيد المحارمة....
16-01-2012 11:45 AM

أكتب تعليقا

تنويه :
تتم مراجعة كافة التعليقات ،وتنشر في حال الموافقة عليها فقط.
ويحتفظ موقع وكالة جراسا الاخبارية بحق حذف أي تعليق في أي وقت ،ولأي سبب كان،ولن ينشر أي تعليق يتضمن اساءة أوخروجا عن الموضوع المطروح ،او ان يتضمن اسماء اية شخصيات او يتناول اثارة للنعرات الطائفية والمذهبية او العنصرية آملين التقيد بمستوى راقي بالتعليقات حيث انها تعبر عن مدى تقدم وثقافة زوار موقع وكالة جراسا الاخبارية علما ان التعليقات تعبر عن أصحابها فقط ولا تعبر عن رأي الموقع والقائمين عليه.

- يمكنك تسجيل اسمك المستعار الخاص بك لإستخدامه في تعليقاتك داخل الموقع
الاسم :
البريد الالكتروني :
اظهار البريد الالكتروني
التعليق :
رمز التحقق : تحديث الرمز
أكتب الرمز :

إقرأ أيضاً

رياضة وشباب

محليات