هاي الجامعة انا اتخرجت منها وصدوقني انها اصلاحية مش جامعة كل اسبوع كان يصير فيها من 2-4 مشاكل والامن اللي فيها لناس وناس واللي كانو يعملو طوش ويكسروا الجامعة ثاني يوم يكونو مداومين ولا كانو في ايشي ... عشان هيك اذا بدكو تحلو المشاكل اللي بتصير بالجامعات يجب اتباع الاتي :

1- تعين رجال امن للجامعة يكونو على قد المسؤلية ويكون اعمارهم مناسبة مش ختايرة

2- فصل او توجيه انذار شديد اللهجة لمفتعل المشاكل مش ثاني يوم يكون مداوم عادي ولا كانو في ايشي

3- الابتعاد عن الواسطة بل واقتلاعها من شريانها لانو اللي بيعمل طوش مركن في حد يطلععو من القصة

4- متابعة مثيري الشغب من خلال عقد دورات تاهيلية لهم ونصحهم .... يعني اذا من دار اهلم مش متعلمين كيف السلوك الصح احنا بدنا نأهلهم!! بس يلا يمكن يستفيدو ويصيرو بني ادمين

5- اللي بيتواسط لمثيري الشغب والمشاكل من المسؤلين اللي في الجامعة لازمهم ترويحة من الجامعة لانو اللي بيدافع وبيتواسط لهامل بيكون زيو

وسلاااااااااامتكو

............

طلاب من القله والله لو قبلتهم اي جامعه حكوميه ما اجو الى هذه الجامعه الخاصه بمعنى انهم مشطوبون اصلا ووجدو هذه المنطقه للمارسة مشاكلهم والله خزيتو الجامعيين

شيء مأساوي فعلا ؟؟؟؟

والله زمااااااااااااان عنك يا جامعتي
_بس بالنسبه للمشاكل كتير كانت تصير بالزيتونه وكانت اكبر من هيك يعني انا درست فيها 4 سنين وخلالهم صارت مشاكل ليوم المشاكل وحتى لدرجة انه مرات كانوا يموتوا طلاب وكانوا كمان يكســروا الكليات والكافتيريا ... الـــــخ وطبعا الامن ما بوصل الا بالاخر لانهم الله يعينهم كبار بالعمر وما بئدروا يــفزعوا
بس شو بدنا نحكي غير انه
الله يهــدي الشباب ويبعد الشــر عن الناس كلهم .
بس الاهم من هيك ما تكون الطوشه عشان بنت كالــعااااااده

انا كمان درست فيها بس ما وصلت انو في طلاب ماتو !!!!!!!!! ركزي كويس

اهلا وسهلا فيك ثائر
بس انا مستحيل احكي شي مو متأكده منه
انا تخرجت ب 2009 وبتزكر صارت المشكله ب 2008 ومات فيها شب وكتير صارت مشاكل بس شكلك انت بعالم آخر .

اهلين فيكي هيوووش وانا خريج 2010 بس اللي بتحكي عنو ما مات بسبب مشكلة حسب ما بتذكر يمكن اللي بتحكي عنو اتوفى ع شارع المطار لما كان يقطع بالشارع اما انو توفى مشان مشكلة لا ما صار هيك بالمرة

مرحبه كيفكوا انا خريج الزيتونه وبحكيلكوا انه ما صار حالة وفاه في طوشه في الزيتونه وانا علي الحروب كنت اكثر الناشطين في الطوش والمعارك الظاريه

وانا خريجة الزيتونة عام 2008 عمري ما سمعت انه في حد مات من الطوش انتي يمكن مو متاكدة من حكيكي سلامتك الهسهس

اهلين سيد علي .... هههههه بس حلوة هاي كنت اكثر الناشطين في الطوش والمعارك الظاريه ع راسي والله وانا بحكيلها لهيووش انو ما في من الحكي الي بتحكي بتحكيلي انت كنت في عالم اخر !!! بس هيا شكلها كانت تداوم بالاسراء وحكولها انتي بالزيتونة خخخ

انا اكيد بحترم ارائكم بس للمره التانيه عم بحكي انه فعلا صارت مشكله بالزيتونه وتوفى فيها شب وانا متأكده من معلوماتي .... وبعدين انتوا اتخرجتوا بعدي شكلكم ما كنتوا موجودين ايام هاي المشكله عالعموم احنا نسينا المشكله الرئيسيه وعم نتناقش بشي صار من اربع سنين انا مو أصدي أشوه صورة الجامعه بس لحتى أبين انه اغلب المشاكل اللي بتصير بتكون من الطبقه المتعلمه من الناس وغير هيك اسبابها بتكون شبه تافهه لانه فعلاً اغلب المشاكل اللي كانت تصير ومازالت عشان البنات
وبالنسبه لكلامك ثائر انا عارفه انه مو بس طالب واحد كنا نسمع كتير عن طلاب من جامعتنا بموتوا لما يقطعوا الشارع وانه ما في جسر قدام الجامعه الله يرحمهم جميعا .
وان شاءالله بتصير الجامعه وطلابها على احسن حال .

شباب سايبه والبلد كلها سايبه والناس بتتفشش ببعضها لاسباب تافهه

على راسي ثائر .هيوش يالي صار انا بحكيلك اياه انه صار طوشه كبيره في 2008 الفصل الاول وصار فيها اصابات كثيره وفي نفس لحظة المشكله صار حادث مع المرحوم طارق البداوي الله يرحمه وتوفى فسعفوا المصابين من المشكله والمتوفي في الحادث على نفس المستشفى والمشكله كانت بين الكركيه والصخور والمرحوم طارق كركي فلهيك حكوا الجميع وصار اشاعه قويه وصلت للجميع انه في شب توفى من المشكله وكمان المشكله صار فيها اطلاق عيارات ناريه بس بدون اصابات لهيك حكوا الكل انه في شب مات من الطوشه وتقبلي بفائق الاحترام

جامعة من القلة...........

لا يا استازي انت غلطان المشكله ما كانت عاديه بالمره وفي اقل شي 3 اشخاص راحو للمشفى من ورى مشكلة اليوم ازا مو اكتر وانا متأكد من هالحكي كوووويس

مرحبا ياطلاب الجامعة جميعكم انا كنت مشرف مختبرات حاسوب فيها درست فيها وداومت فيها لما طلعت منها 2006 لحد الان بعتبرها احلى ايام عمري قضيتو فيها واللي مابدور مشاكل مابلاقيها ياريت يفعلو نادي الخريجين عشان نرجع نلتقي مع زملائنا القدامى ونتزكر الايام الحلوة.