نصيحتي الك انك تضيفي اميلي عندك .......... ياهوو احسن نصيحه مارح تندمي

صارت معي نفس المشكله بس ما واجهته بس ضليت اراقب من بعيد عشان اتأكد بس بالاخير رجعلي ..

اختي صاحبة المشكله انا والله كثير تأثرت لما قرائت مشكلتك في عندك خطوات لحل هذه المشككله

1-تقربي من الله تعالى لانه ربنا وحده هو اللي كشفه وهو وحده اللي بقدر انه يعينك اكثر من اي حد ثاني

2-لا تصارحيه ابدا على العكس اشعريه بالثقه العمياء والتصديق الكامل لكلامه ولكن تابعي الامر من تحت لتحت

3-اشبعي رغباته بالكامل بعرف بدي تحكي انا مش مقصره بعرف يا اختي ولكن عيدي النظر بجميع الرغبات الموجوده عنده

4-انصتي لكل ما يقول وقفي لجانبه بكل شئ واحترمي اهله واشعريهم انه رجل بكل معنى الكلمه

5-استثيري عواطفه الكامنه بداخله انه بالنسبه للعالم انسان ولكن بالنسبه لك هو العالم

6-اعرفي من هي اللي بتحاول تاخده منك وشو مستواها الفكري واذ قدرتي تحاوريها وتتعاملي معها كمان بكون افضل بس ما تعطيها معلومات عن الاشياء اللي بحبها زوجك على العكس تمام اعطيها المعلومات الخطا وبأسلوب ذكي جدا بالحوار كرهي فيها واشعريه انها مشاع للاخرين وليست له وحده لان وحده بتلف على واحد متزوج وبتساعده على خيانه زوجته فهى انسانه فاسده واليوم معاه واذ ما زبط بكره مع غيره

واخيرا الجائي لله اولا واخيرا زي ما قلتلك لانه وحده اللي بيقدر يساعدك وتوكلي عالله واعملي زي ما بقولك وطمينا عنك

اااااااااااااااااااااخ ياخيتو لاتشكي لي ببكي لك



اكثر عمل يجيده الازواج هو الخيانة



خيتو انا رايي انه تحسسيه يمكن يحس ويتراجع بس المصيبة لو انه من النوع الكذاب اللي يراوغ ويحاول يظهر نفسه بصورة ملاك

بس لازم ردة فعلك تكون حازمة لانه لو تنازلتي من اول مرة رح يتعود يخونك



ربنا يكون معك ومعي ومع كل وحدة ربنا بلاها بهيك زوج وما الك الا الدعاء

راقبي كل تصرفاتوا حتى تتأكدي اكتر وحاولي تجمعي ادلة كتيرة عشان لما يجي وقت المواجهة يكون في ادلة كتيرة ومقنعة ,, وازا ما واجهتيه اكييد رح يخبص اكتر لهيك حلي مشكلتك اول ب اول ,, والله معك حبيبتي ,, واكيد الحق رح يظهر بالاخر

اخرتوا يرجع الك . واصبري

اقعدي معو وصارحيه بطريقة حلوة ولطيفة وهادية وكوني نعومة مو بدفاشة ووصريخ اعملي فنجان قهوة واقعدو عرواق واحكيلو بدك تحكي معو موضوع وبتمنى تفهمني وبطريقة حلوة واشرحيلو الموضوع وهو بشرحلك ولعله وعسا خير ان شاء الله

بالأول تأكدي من الموضوع، وبعدين استفسري منه وصارحيه بمخاوفك، ولا تضلي ساكتة، ولا تقولي انك خايفة تخسريه لأنه إذا بيخونك عنجد، في النهاية رح تخسريه وتخسري كرامتك إذا بقيتي معه. الزوج الخائن مصيبة، وإذا ثبتت الخيانة وصارحتيه وما ارتدع ثقي تماماً عمرك ما رح ترتاحي، وقتها كبري الموضوع واحكي مع أهله وأهلك وحاولوا تحلو المشكلة

بالعكس لا هيك ولا هيك فاتحيه وقوليله عرفت انك بتحب واحدة تانية والله محلل الك 4 روح تجوز او اقطع علاقتك يا بتعمل حلال او بالش حارم
وشوفي النتيجة
وسلامة فهمك

ارفعي عليه قضية خلع وريحي راسك مادام انه مش محترم حبك والي انبنى على التفاهم والصداقه وليش هالخيانه طيب



نصيحه هذا بيكون واحد واطي وأوطى من الشفره على الأرض أخلعيه بسرعه وما تترددي

هاي الك

يا حبيتي كل الازواج بخونو زوجاتهم
هاد اشي طبيعي زي فرض الصلاة

وكمان مخداه عن حب وبخونك امممممممممممم
لو تجوز عن طريق اهلو شو بسوي

يا ستي
لا تعبي حالك وتفكري كتير كلهم هيك
ما بعبي عيونهم الا التراب

إنا لله وإنا إليه راجعون

عمو ازا انتي متأكده من خيانته الك انا بنصحك انه تواجهيه وازا كان حبك الو كبير اكيد راح تعطيه فرصه اخيرا لانه اذا ظليتي ساكته اكيد راح يتمادى ويكرر فعلته وانتي لسه ما الك سنه بتقولي فخليها من اولها العلاقه تكون على اسس صحيحه لكن ازا سكتي وما واجهتيه ففي المستقبل ايش ما عمل ما بتقدري تمنعيه

الله وأكبر شو هالحب اللي لسنة بس

أعتقد كان ع علاقة فيها قبل ما عرفك بس انت للأسف كنت مغفلة بدك تتزوجي وبس في أولها هيك الله يستر من تاليهااااااااااواكيد طبعه التسلية ببنات الناس الله وأكبر ما أكذب هالرجل

عزيزتي خلي حد من اهلك يحكي مع زوجك اذا ما واجهتي بستمر على ذالك او خلي زوجك ايصلي والله يهدي

خلي حدى ينصحو لانة هيك حرام اصبري ولا تتسرعي

نصيحتي الك انك ما تصارحيه او تكشفيه لان الرجل اذا انكشف بصير مثل الذئب وبحاول يتخلص من يلي كشفه بس انا متأكد انه اله اسبقيات قبل الزواج بس اخرته يرجع لبيته

قولي له بأن صديقتك اكتشفت بأن زوجها يخونها وراودها الشيطان أن تعامله بالمثل لكنها تخشى الله ، وطلبت مشورتك في الأمر ، وأنك أجبتيها بأن عليها مكاشفته فورا وطلب الطلاق إن كانت متأكدة من خيانته .......إلخ .

فإن ارتدع ولاحظت تغير سلوكه ...(وما أشطركن يانساء في اكتشاف ذلك حتى أنكن تحسن به إحساسا دون أن ترين ويكون ظنكن صحيحا وبمكانه ما شاء الله) ....فبذلك تكونين قد حققت الهدف وعفى الله عما مضى ....أما إذا تجاهل واستمر بعلاقته فنفذي ما قلت عن صديقتك .

والله يصلح الحال .

كلامك مو صحيح مو كل الرجال خونه واذا في رجال خاينين فأكيد في نسوان خاينات

لأنها الخيانه بدها رجل وامرأه

يعني الرجل ما بخون لحاله بده شريكه تساعده على الخيانه

وأكيد بدها تكون ست


الله يرضى عليكي لا تعممي

واذا عممتي فبعني كلامك انه كل الرجال خاينين وما فيهم شريف

وكل النساء خاينات وما فيهم الشريفه .

وهاد مو صحيح ابدا .


وبتدخلي بعدين في قذف المحصنين والمحصنات حتى لو ما بتعرفيهم
وحتى لو ورا الشاشه

ولا تنسي لكل انسان رقيب براقب افعاله واقواله واللي بتكتبه ايديه
من افتراء على الغافلين والغافلات .

شو المشكله انو يخون ,, اسألي حالك في اشي ناقصك لانو بصراحه نسوان هاليومين بس تتجوز تبطل تهتم بحالها ,,, وحتى ما يخونك خلي ايامك كلها ليله خميس ؟؟؟؟ هذا احنا الرجال هيك ما يكون كل اشي تمام ,, وركزي اهتمي بحالك من مجاميعو انتي لساتك صبيه وعارفه كيف

"داوها بالتي كانت هي الداء " وعاقبيه بالمثل , لأن " العين بالعين والسن بالسن " والباديء أظلم , أي نعم .

اعتقد هذي من بقايا علاقاتهالسابقه اسمعي نصيحةالفرس الاصيله واملي فيها وصدقيني المشكله مو فيكي لكن قربيله اكثر واشعريه بثقتك اكثر واهتمي فيه لا تتركيه وكل ما طلع احكيمعه اكثر من مره وينك ...كيفك...مطول ....اشتقتلك...وبالتوفيق

يا اختي ما تسمعي للكلام عامليه بالمثل المراه الحره ما بتخون ربها وبيتها انا بحكي عن تجربه مرت معي بالمثل والله الذي لا اله الا هو كنت على اكمل وجه ببيتي واهتمام كامل بالبيت وبطعامه وبلباسه لكن اكتشفت انه بحكي مع طالبه ضاقت بي الدنيا وواجهته وحدثت مشكله كبيره جدا وحدث شرخ بيني وبينه لانه جرح لكرامة المراه لذلك انا انصحك نصيحة مجرب ( تذكري حديث الرسول عليه الصلاة والسلام عفوا تعفوا نسائكم ) ديري بالك على حالك وبيتك واطفالك اذا في اطفال وما تسلمي زوجك لاي انثى بدها تتسلى هاد زوجك دافعي عن بيتك بالعقل قربي منه واحكي معه بهدوء بس بالاول اشعريه انه انتي زعلانه من اشي ويا اختي ما تخسري بيتك بدنا نحط الحق على الرجل اطلعي للشارع وشوفي البنات اشي بحزن تقربي الى الله بالطاعات هو القادر على كل شيء ماالك غير الله بس )

انت واسطة شر مش خير لانك بدل على الفجور والزنا والخيانه بدل ما تحكيلها قربيه منك وديري بالك عغبيتك يا محترم...........

عزيزتي :

تقربي من زوجك اكثر من قبل ولا تشعريه بشيء وخصصي له الوقت الكافي لتستمعي اليه وانجذبي الى احاديثه واهتماماته وحاوريه بما يحب "" حتى لو كان موضوع سخيف او لا يهمك ""



املأي وقت فراغه وغيري روتين حياتك واسلوب تعاملك معه



استعيني بالله والدعاء لاصلاح حالكما



لا تفضحي سره امام اقاربكما



اجعلي بيتك جنته وعبري عن محبتك له صراحة حتى لو بالغتي بالامر

والله الموفق

اادا علاقه خفيفه عادي بس ما تصل للعميق يعني علخفيف

لا حبيبتي لا تسكتي عليه واجهيه بالحقيقه احسن ما تشوفيه بكره داخل عليكي وهو متزوجها .

** اختي ...نصيحة لوجه الله تعالى تسمعي كلام الاخت الفرس الاصيلة ماشاالله كفت ووفت ...وانا معها قلبا وقالبا...

** الفرس الاصيلة...رائعة اختي... كلماتك تدل على نضج تفكيرك ...هالشي بحييكي عليه وبتمنى من صاحبة المشكلة توخد برأيك ...تحية من القلب لك

اختـــك : نســـريــــن

اختي عن خبره وتجربه انصحك لا تصارحيه لان مصارحتك له تعني انه يجب عليه اخد قرار بما انك اعترفتيله وهيك قرار راح ينهي كل شي بينكم والمصيبه ادا نافشتيه وما اخدتي اي ردة فعل يفهم انك راضيه وهدا يجعله يتمادى وادا كان يعمل شي بالخفاء يصبح لا يحسب لك حساب ادا لا تعترفيله تحت اي ظروف.اما الحل هو ان تفتحي معه مواضيع وبطريقه دكيه تعرفي ايش اللي برأيه الاسباب لزوج سعيد بزواجه ان يرتبط بعلاقه برا بيته طبعا كأنك بتحكي بشكل عام وشوفي شو بطلع معك وتاني شي ممكن تكون هاي علاقه قديمه بحياته يعني استدرجيه واشعريه انه انتي تثقي فيه ولكن بنفس الوقت حطيه تحت المراقبه ولكن مش بصوره مقرفه وصدقيني ادا عرفتي تسيطري عالموضوع وهدا راح يكون شويه صعب لانك جديد متزوجه لكن ممكن تكون انها فلصه بنفس الوقت انك تكوني قريبه منه وتشوفي وين المشكله وتحليها ووفقك الله

واجهيه بالموضوع

الى نسرين



الف تحيه من القعل والقلب الك

يعني لو بدي احكيلك اني من زمان بدور عليكي ما رح تصدقي لاني دايما كنت اكون معجبه بتعليقاتك وان دلت بتدل على انسانه متزنه جدا جدا جدا وبحس كأني بعرفك من زمان وكأنك من العالم المحيط بي لانه افكاري كانت تكون نفس افكارك بس وقتها ما كنت اعلق اكتفي بالمتابعه

الخلاصه اتمنى ان اكون صديقه لكي لانك حقيقه مش مجامله كنز حقيقي

انا شايفه احسن طريقه تحاولي تتلاشيه وتحسسيه كأنه في واحد تاني بحياتك فبنشغل فيكي وفي مرائبتك وبنسا عمليله السوده والله يوفقك

..................

شو عقليتك .... الله يكون بعون الي بدها تاخدك
ليش لازم يكون الحق على الست بخيانه الزوج ليش ما يكون السبب النقص بشخصيته والانانيه
عارف ليش انانيه لانه فكر بشهوته فقط وما فكر ببيته واسرته وزوجته وابنائه وما فكر انه الزاني رح يصيبه الفقر
وبالتالي رح ينعكس على البيت من جميع النواحي
يا اخي لو بده يصون بيته ويحميه كان صان فرجه وما عمل غلق وكما برمي السبب على الزوجه
اتقو الله اتو الله
اما بالنسبه لصاحبه المشكله نصيحه ما تصارحيه وبنفس الوقت اعملي متل ما حكى تعليق رقم 3

يا حلوة بنصحك تحذري منه الانه يبدو كان يعرفها قبلك والا بهالسرعة سنة وخدعك؟ديري بالك منه

اخلعيه ...

اختي صاحبة المشكلة اقترح عليك ان تبقي القرآن الكريم مفتوح باستمرار في البيت لعلى وعسى مع استمرار سماعه له ان يعرف الله،واذا لم تكوني انتي شرعية فياريت تلتزمين، حاولي ان تتحاوري معها واذا قدرتي تسجلي الحديث ماشي،وانصحيها اول وثاني وثالث مرة واذا لم ترتدع هدديها في اهلها ولي بده يسير يسير ، او تقترحي على زوجك ان يتزوجها بالحلال فا اعرف انه هذا صعب عليك فااشي أهون من اشي ، او دعي الخلق للخالق

وحتسبيهم عند الله وهو يأخذ حقك

وانا برأيي صارحيه احسن شي وخليكي قريبه منه دايما وبكل الاوقات

واهتمي بحالك اكتر من ناحية مكياج ولبس وعطر

والله يوفقك

الحمدلله على العزوبية :)والله وظيفة وسيارة احسن من 100 زوج هادا رأي والله يفرجها على الجميع

طلكي طلكه تتطلع من راسه

عندي احساس انه الي كاتبه المشكله الي كانت مرتي

وااجهي و لا تسكتي

اذا بتسكتي بتماداا

و اذا تاب ان الله غفور رحيم

و اذا عادها ان الله شديد العقاب

شو مالك الوظيفه والسياره احسن من الزواج انتي غلطانه لو تتزوجي يوم واحد رايحه تتندمي ع كل عمرك اللي راح بدون زواج لو تحسبيها حسبه بسيطه ع ورقه وقلم واحسبي كم ز . راح عليكي لو كل عمرك ما راح نعوضيهم الزواج استقرار ومتعه من الاخر اخ لو تفهميني بس والله........... دافي تسوى كل الوظائف

...................

على فكره سوري انا ما بدخل بس فضول عمري مافتحت عجراسا الى وانت حاط ايميلك للرايح والجاي او راسلوني عالايميل شو لاقي بشارع الايميل قصدي

طلقيه واخلصي من اولها لانه عمره ما بتغير اذا ضليتي معه بعدين دح تندمي وتحكي ياريتني تركته من اول(.........)‏

...... زي الكثير من النساء....

أختي صاحبة المشكلة :
أنا راح أحكي لك تجربتي الشخصية و انت تعاملي مع زوجك بالطريقة اللي بتلاقيها مناسبة . بس بحب اقول لك انه 99% من الرجال هيك (الا اذا الموضوع فيه حرام لا سمح الله)

أنا متزوج من 8 سنوات و عندي 4 أطفال . مشكلتي اللي بعترف فيها اني نسونجي . بس حد الله بيني و بين الحرام . يعني اخرتي مكالمة عالتلفون أو ممكن طلعة مع وحدة عالغدا .

كتير من علاقاتي بدت عن طريق النت و الشات .


في بداية زواجنا كنت أحس انه اشي طبيعي اني احكي مع بنات بعرفهم عالنت او غير النت بدون أي شعور بالذنب اتجاه زوجتي .

بعد فترة صرت الاحظ انه علاقاتي بدت تخف معهم .

يا ستي اكتشفت انه زوجتي كانت من وراي تحكي معهن و تلعن سلسفينهن عشان يبعدوا عني . بالاضافة لانها عمرها ما واجهتني .

سيبك من كل نصايح النسوان و خذيها مني نصيحة رجل عاش التجربة :

1- لا تواجهي زوجك بالموضوع أبدا .

2- لا تتصنعي لزوجك و ما تعطيه زيادة . بالعكس اتقلي شوي و اتدللي عليه (بس ما تزيديها)

3- خليه دايما عنده شك انك بتعرفي عن دواوينه. بس ما تواجهيه

4- اذا بتقدري توصلي للانسانة اللي على علاقة معها فهميها بالحسنى تبعد عنه . و اذا ما رضيت بالحسنى اعطيها بالصرماية .

اذا حكت له ما راح يسترجي يحكي لك . و راح تنحل المسألة لحالها .

بس اذا فتح معك الموضوع قولي له انه بدك تحافظي على بيتك و زوجك و ساعتها بتكون فرصة مناسبة لفتح الموضوع لتفهمي منه هو ليش هيك بيعمل . و كيف تتجاوزو هالازمة

5- اياك ثم اياك ثم اياك حد من اهلك أو أهله يعرف بالموضوع .

6- زي ما قلت في البداية 99% من الرجال بيحبوا دواوين النسوان بس معظمهم ما بتجاوز حد معين و بتكون علاقة سطحية و هبل ... و بالاخر راح يرجع لك .

النصائح أعلاه اذا كنتي بدك تحلي الموضوع و تحافظي على جوزك ... أما اذا مش فارقة معك فروحي على أقرب ابريق حمام و اخلعيه في نيعه و قولي له سنحك و سنح اللي بدها تعيش معك ... و على بيت أهلك

عشان أنهي قصتي ... رغم كل اللي صار و بعد 8 سنوات زواج اللي اتطور و صار حب كبير بيني و بين زوجتي . و أربع أولاد . ما زال عندي شوية سواليف مع النسوان من فترة للثانية . و لا زالت مرتي بتكشفني . و لا زلت بضحك عليها بكلمتين و علبة شوكولاته .

ما شاء الله

الى 48

الله الم مين بضحك عالثاااااني

وبدون شوكولاته

يا ماااااااان

الى صاحبه المشكله
الرجل قد ماطلع لبرى وشو ماعمل
بيرجع للانسانه اللي حبها للانسانه اللي ملكت قلبوا

ويمكن تكون صديقه لزوجك او وحده بتزعجوا

انتي صارحي بس بلهداوه بلحكي الحلو بتكسبي محبت الاخرين

واذا ما اقتنع احسن حل احرمي من الشغلات اللي بيحبها وفهمك كفايه

اتمنى لكي السعاده والتوفيق مع من تحبي
مع حبــ نوره ـــي

عندي مشكله وحابب اطرحها بس ما بعرف الطريقه ارجو التوضيح

معلش بس الخيانة بتوجع القلب و مش الكل بقدر على هالوجع و مش كل الحياة (...) على رأيك

انا رجل عندي خبرة واقعية بهذا الخصوص من الحياه الزوجية خنت زوجتي من قبل وكان العلاج الوحيد هو المصارحة والتوبيخ والتخجيل والحزم وغير هيك ما بمشي معنا احنا كرجال فاياكي تسكتي على هيك غلطة والله اني صادق بكل كلمه كتبتها ارجو اختي العمل الفوري بالنصيحة على الاقل انا خنت بعد مرور 12سنة من الزواج اما زوجك فعلا" وجه بارد بكير عالخيانة

عن جد بحيي الفرس الاصيله ورقم48 علىحلولهم للمشكله ,لانها بتعالج المشكله بعقلانيه وبطريقه غير مباشره , والى صاحبه المشكله مو غلط انك تؤخدي برايهم. والله يوقف معك

الله يعينك ويصبرك الحل بيعتمد على شخصية زوجك اذا من النوع العنيد و المتقلب ما بنصحك تواجهيه لانو حيزيدها و ممكن يقولك الدين حللي 4 و بدي اتزوج.اما اذا مسالم واجهيه و ممكن يخجل عحالو.بس بجميع الاحوال ما تعملي زيو لانك امرأة و المرأة دائما هي الخطأ بمجتمعنا.و الله يهديه و ما تنسي قيام ليل و دعاء الفرجاحنا بوقت فضيل صدقيني عن تجربه ربنا بيهدي و انت اعملي كل شي مطلوب منك كزوجة.الله يهدي ازواجنا و الله الوحده فينا بيكون جمالها لا يوصف و ما بتعاند و ماشيه الحيط بالحيط و بيجي زوجها بسم بدنها الله يهديهم.

يختي هو انتي بتفكري انة زوجك هو بس الخائن والله كلهم خانين وما فيش زلمة ظاهر على وجة الارض ريحي حالك مهو الزلمة صار خائن مع امة واختة وبنتة اسكتى احسن

خليك عنده احسن اليك لان التقصير منك

انا الفرس الاصيله شكرا لك والله اني مقهوره لاجلها الله يفرج همها

انا معك بكا كلمة حكيتيها و غير هاد الحكي ما بنفع و اتأكدي انه الرجل ما يتطلع عينو لبرة الا تكون مرته منقصه عليه اشي و دوري عليه و حاولي ما تخليه يحس انك بتعرفي اي اشي عن الموضوع زيدي اهتمامك فيه و اتقربي منه اكتر لحالو ببعد عنها و برجعلك لانه بحبك انت و كل رجل اله نزوة و هاي وحدة منهم خدي الموضوع بكل راحة و ما تعقدي الامور اكتر من هيك
الله يكون معك و يرجعلك و يهنيكم مع بعض

غاليتي انا اعرف ان لكا رجل نزوة ولكن نزوة زوجك اتت على بكير شوي وكل نساء العالم تمر في هذه الحالة الي بتخلي زوجها يخونها انا برايي ما تراجعيه وات تعيري الموضوع اهتمام اشبعي جميع رغباته لا تكوني مقصرة لان داااائما للرجل الخائن في الو حجة على راس لسانو فانتي قدمي افضل ما عندك عشان ترضي نفسك قبل ما ترضيه وتاكدي ان العودة الك ان شاء الله وهاي النزوة راح تمر مرور الكرام بحياتكم

الله يكون بعونك انا متلك زوجي بخوني مع سلفتي يعني مع مرة اخو انصحوني ايش اعمل انا كمان

مرحبا اختي نصيحتي الك اولاتأكدي انو بخونك فربما شكك مش في مكانو او تكوني فاهمة الموضوع غلط تانيا حاولي تصلحي من الاخطاء الموجودي عندك لانو خلينا نكون صريحين لو ما عندك اخطاء ما كان خانك تالتا حاولي تستشيري اختك او اخوكي اوحدى بتثقي في بالنسبة للموضوع واخيرا واجه زوجك بقلب قوي وحاولي تحلي المشكلة بهدواء ودون اي تسرع في اتخاذ القرار

لا تهتمي كتيسر
ولا تراجعي زوجك ولا تحكي لحد عنه
ولا اتبينيله انك عارفه
بس انتي مدللتي كتير وما بتحكيلو لا شو ما عمل
دلالك اله كتير خففي
واعرفبي كيف اتكوني ببيتك
تلفتي نظره بلبسك
بس بدون دلالك الزايد
خلي هو يحتاجك
هو مو محتاجك من كتر دلالك
والله يوفقك

مش كفايه الخيانه وكمان انتهاك الحرمات؟ صدقيني اذا الكلام صحيح هدا الانسان ما تأمنيه على بناتك

اكيد بترفض اتخليه ..........

ادا خيانته ............

انا مرتي حطتلي اذا بتخوني بخليك نايم..........

طالما عرفتي انه زوجك خانك وبعده بخونك ورح يخونك كل ما تسنحله فرصة مع وحدة تانية وانتي بعدك بتحبيه وهو لو بعده بحبك زي زمان كان ما خانك ولا فكر يخونك .. خبري اهله واهلك خليهم يشوفوا حل وخليه يعرف انك عارفة

بسيطه خونيه مثل ما بخونك وهيك بتكوني اخذتي بثارك

بتشرف اختي اكون اخت الك واسفة لتأخري بالرد وشكرا عالكلام بحقي بالتوفيق لكل خيـــر... اختك : نسرين

يا اختي الخاين ما يستحق انك اتعيشي معاه و الانسان كرامته فوق كل شئ اتركيه وارميه ورا ظهرك المجتمع بستسهل خيانه الرجل للمرأه بس هاد غلط لانه الله حرم الزنا على الرجل والمراه و الرجل الي يتقي ربه ما بخون و بحاول يحل مشكلاته مع زوجته وما بهرب من المشاكل للخيانه ولا ترضي انه يرجعلك انا شخصيا ما برضى انه زوجي يتسلى مع وحده ثانيه و بعدين يرجعلي لانه عندي كرامه و لاني مش لعبه في ليده

خليها في القلب تجرح ولا تطلع برا وتفضح اصبري ان الله مع الصابرين ادعي الله يهدي

..وين المشكله

حبيبتي واجهيه ... ولا تعطيه اهميه علشان ما يحس انو شي كتير وانتي مهتميتلو لاكن كوني حذره انو عدم اهتمامك فيو يكون راحه لالو خليكي برج مراقبه بس من وراء الكواليس وعن تجربه

خبري اهله احسن الك لانه زوجك يعتبر زاني

الحل انك تخونيه مثل ما بخونك

..........

اخلعيييييييه

اخلعييييييييييييييييييييييييييييييييييييييييه
خلع
وريحي راسك

كم اتمنى ان تفيديني بالسؤال التالي :

كم عمرك ؟؟؟ وكم عمره ؟؟ وكم كانت مدة علاقة الحب قبل الزواج ؟؟؟

كل التحيه الى الفرس الاصيل لان اسلوبك بنم عن فهم وحكمه في حل المشكله وبدون خراب بيوت

اذا بدك الحكي الصح ... انت غلطانة , واللي عندك هو مجرد شك , وياريت تتأكدي قبل ما تخربي بيتك من ايدك . يعني الك سنة متجوزه ,, وصار بده يخونك ؟؟؟؟ ليش ؟؟؟ صدقيني كله شك منك ومن اذانيك الكبار اللي قاعدين بسمعوا الزن والكيد من اللي حواليك , اتأكدي وشوفي !!!

يعني ما بتدخل مخ بني ادم ,, يعني لسه زي ما بقولوا لسه اللحم ما خاوه ,, من شان يطلع يدور على غيرك .

شكرا اخ حكيم بارك الله فيك

كلامك على راسي من فوق في الخمس حلول ولكن السادسة خطأ .

ليش الظلم ؟؟ ماهي بنت حوا مثل ما احنا بنات حوا ّّ ,, سؤاي الك شخصي واذا جاوبتيني بالايجاب اكمل لك القصة , واذا اجبت بالنفي !! فليس هنالك من كوضوع نتحدث به .

ولكن كم اتمنى من كل شخص وخاصة فتاة ان يضع نفسه مكان الاخر ان كانت فتاة مثلها قبل التجريح بها واتهامها بما لايرضي الله والمجتمع لمجرد الحكم مسبقا بدون معرفة . هل يا سيدتي مررت بتجربة الحب ؟؟؟ واقصد الحب العفيف الشريف ؟ اشكرك

الى 85

اختي انا ارفض العلاقه قبل الزواج جملة وتفصيلا بلا حب بلا غيرو قبل ما احب الشب احب ربي وما فرضه عليي ولم يذكر بالقران ولا بالسنه الحب العفيف ولا الحب الغير عفيف

من فضل الله اني لم امر بهذه التجربه وليست بشطارتي وانما هي فضل من الله عليي واختي اي حب تحبه واحده لشخص متزوج تتقي الله في نفسها وفي اهلها الواحده وفي زوجته الاولى انا لست ضد الحب ولكن في مكانه الصحيح بدك تقولي الشرع حلل اربعه بقولك عراسي من فوق بس حكى الشرع يتزوج اربعه مش يعمل علاقه بعد الزواج وخيانه ولما الشرع حلل حلل بحالات حتى لو افترضنا عنده سببه الخاص فيه مش خيانه بكره يجيب للمراه ايدز وبلاوى وهي طاهره عفيفه يقولها بدي اتجوز ويسمع منها بلكي بتفاهمو عحل الخلاف او الزواج بأخرى لكن ولا ديانه بتأيد الخيانه الزوجيه انتي تخيليه زوجك شو بتعملي

انا كتبت الك باسم الاصيله لانك انت بد هيك ..... مظبوط ؟؟.



شوفي يا بنت الناس .. ما دام انت من الملتزمين والحمدلله وكلامك كله : فضل من الله , والحمدلله , تتقي الله , حبك لله ...قيجب ان تقتادي بما امرك الله وان لاتخالفي ربك وربي ورب العالمين .

الرجال قوامون على النساء في جميع مناحي الحياة ,,,

والمرأة لم توجد في هذه الدنيا الا لوظيفة واحدة هي خدمة ومتعة الرجل .

انت انسانة مؤمنة ولابد انك قرأت القران مرات ومرات ,,,, اقرئي كل مايتعلق في المرأة في القران ,,, وتمعني جيدا في سورة النساء ,,, ماذا تجدين :



المرأة تؤتمر من الرجل ,, رب العالمين لم يخاطبها , ولكنه خاطب الرجال بكيفية التعامل معها ,, ان كانت زوجة او كانت جارية او كانت ام اواخت او امة .

فَانْكِحُوا مَا طَابَ لَكُمْ مِنَ النِّسَاءِ مَثْنَى وَثُلَاثَ وَرُبَاعَ فَإِنْ خِفْتُمْ أَلَّا تَعْدِلُوا فَوَاحِدَةً أَوْ مَا مَلَكَتْ أَيْمَانُكُمْ ذَلِكَ أَدْنَى أَلَّا تَعُولُوا *

بالمختصر اذا الاخت كان ربنا منعم عليها وعايشة ايام الصحابة ,, وتزوجت تلك الايام , وكان زوجها متزوج من اربعة وعنده من الامات عشرين ,,, يعني عنده اربعة زوجات وعشرين جارية ,,,, على اية موقع بدها تنشر مشكلتها قولي لي ؟؟؟

يعني الوحدة فينا تتق رب العالمين وتمشي على دينها وتحمد الله على اللي هي فيه .



وبعدين تعالي اقول الك !!!! كل الرجال اللي ربنا خلقهم نسونجيه وبحبوا النسوان , ما احنا انخلقنا الهم علشان نخدمهم ونبسطهم . يعني بالعربي الفصيح بتكوني تحكي مع اية واحد ولوكان بعمر ابوك ,, وبتكوني محجبة وما شاء الله عليك ,,, ما بيلاقي اشي يتفرج عليه يقعد يتفرج على شفايفك وعيونك ,,, وبقلك : والله كل الاحترام الك يا بنتي ,,, وما بتلحقي تروحي وتديري ظهرك ,, الا عينيه فورا بتضرب على اسفل ظهرك ... ويقول الله معك والله ييسر امرك ,, وعينيه ضاربة على طريقة مشيتك ..... اتركينا يا اصيلة من الحكي اللي ما بعبي المخ ,,, الشاطرة فينا اللي بتتزوج ,, المفروض انها ترسن زوجها رسن ,,, واذا بتكون قبضاي بتحديه حدي . اذا طلع في ايدها . يا شيخة هاي قسمتنا وهادا نصيبنا انوا احنا نسوان ,,, يعني حتى رب العالمين في الاخرة وعدهم بالمتعة وحور العين ,,, طيب واحنا ... فخلي الطابق مستور .. الله يستر عليك ...



انا اسمي جهينة ,,, من شان هيك انا اختلفت معك في النقطة السادسة ,, لازم احنا جنس حوا نكون مع بعض وما نضرب ببعض .

واجهيه بلاش تخسريه

كيفك عزيزتي يلي خانه زوجها انا رأي انه تتناقشي معه بهدوءواعطيه ثقه اكتر من الاول عشان يخجل من نفسه ويتراجع عن الغلط مع التزام الصمت يعني خفيفي حكيك معه مع تلبية كل طلباته وازا بتعرفي تكتبي شعر اكتبي كم عباره معبره فيها زعل مع شوية حب وبعدين احكيله ازا بدك تتزوج صارحني وانا بزوجك برأي رح يبعد عن يلي بحبها الله يوفئك

.............
الحل عندي

شكرا لنصائحكم جميعا .. عملت متل ما قلي بعض المعلقين انو ما اواجهه و اراقبة فقط و عملت بذلك و اكتشفت انو فعلا قطع علاقتة فيها .. ولكن المصيبة الكبرى بعد فترة قصيرة اكتشفت انو بحكي مع وحدة تانية وقتها ما سكتت و ما خليت و كبرت المشكلة كتير بيننا و قررت اروح عند اهلي بس هو ما خلا ني اطلع من البيت و حلف انو انا الوحيدة اللي بقلبة و وعدني بالوفاء الى الابد بس انا لهلأ قلبي مش صافي يمكن بدي وقت

ما اصعب ان اراك ترحل......وتختار طريق اخر........ما اصعب ان اراك تبتعد.... ..تبتعد عني....تبتعد عن قلبي.......لو انك احببتني لمارحلت.......لو كان حبك حقيقيا لما هاجرت.....فالحب الحقيقي لا ينتهي .....الا....بالموت

ازا كان فعلا بحبك مستحيل يتطلع ع غيرك ويفكر يخونك

اول خطوه مباشره بخونيه التانيه بخلي كل الناس تعرف اني خنته التالثه لا تخافي بتيجي لحالها .... سوا وبتعيشوا بسبات ونبان وبتخلفوا صبيان وبناتبا

........

خيتي الحل عندك لوحدك القصور منك انتي انا متزوج منذ 23 سنة عندي خبرة بالرجال الرجل اللي بيته معبي عينه ما بروح برات بيته راجعي حالك وغيري من اطباعك بتحداكي اذا ما برجعلك وما بنظر لغيرك انتو جنس حوا معظمكم ما بشوف الزينة واللبس الا بالافراح والاسواق اما الوحدة في بيتها بتظل بالدشداشة واواعي الشغل والطبخ والنفخ ما حد بقدر يساعدك ارتاحي انتي الوحيدة اللي بتقدري تحللي المشكلة والله العلم