اقلك شي ما دام بتفكري هيك بنصحك تستمري في العلاج لانه انت ما زلت في ازمة .... يا عمي لو كل واحد بحط عقله في راسه وبتأكد انه الله مسير الامور وربنا مطلع علينا وارحم فينا من رحمة الام بوليدها ما بتعب .....لهيك تسع اعشار المشاكل النفسية سببها الاول البعد عن الله .. ما في صلاة ما في دعاء وما في خشوع يعني بصير البني ادم ابن مدلل لشيطان .. عودوا اله الله ورح تشعروا بطعم الراحة النفسية والهدوء والسكينة.. الله يوفقك

بس ما قلتي ايش نوع .... اللي صابتك يعني شي خفيف ولا في احتمال تصحي بالليل....عريس المستقبل؟

كــــلام النــاس لا بيقــــدم ولا يأخـــر ..

كـــلام النـــاس كـــلام وحيــــره مش اكتــــر ..

ترن ترن ترن ,,ههههههه

حبيبتي انتي حكيتي انها ازمة نفسية مش مرض نفسي مزمن عاااااااااادي كلنا بنمر بازمات والحمد لله بتعدي
لا تفكري هيك واتركي هالوساوس انشالله تلاقي شب بيخاف الله بس هاي بتكفي لحتى يتحملك يعيشك احلى حياة

بعدين الناس ما بتحدد بنصيبك

فكل شي بامر الله سبحانه وتعالى
اهم شي بما انك كنتي جريئة وتعالجتي يعني انك انسانة مثقفة وبتميزي الصح من الغلط
وارضاء الناس غاية لا تدرك

توكلي ع الله بموضوع الزواج ولسوف يعطك ربك فترضى

الناس ما بترحم على الطلعه والنازلة الهم نظرة بس لو يراقبو حالهم جد ليموتو خجل ما تهتمي بهالحكي وازا الك نصيب تتجوزي رح تتجوزي كله بايد ربنا مو الناس

قوي ثقتك بالله أولا ثم بنفسك ولاتردي على الكلام السلبي من أي أحد اشغلي حالك بدورات مفيدة بقراءة كتب تطوير الذات والتنمية البشرية وبعدين في كتير من الناس بيمر بأزمة نفسية بحياته ومتاعب بس الشاطر اللي يتغلب عليها ومايخليها تعكر حياته بكره إن شاءالله تتزوجي وتضحكي على حالك كيف كنتي بتفكري بس أنتي توكلي على الله وانسي الناس وحكيهم
وخليكي دايما مع الله بتقوي أكتر

والله الناس ما بترحم
اتوكلي على الله وانسي
كل شي بحكو عنك
والله اذا الك نصيب بالزواج
الا تتزوجي اتوكلي على الله
والله يستر عليكي

ياأختى كل الناس بتمر بأزمه نفسية المهم هو انت طنشى وعيشى حياتك انا مريت بازمه صعبة وتحديت الدنيا والناس واثبت انى اقوى من الجميع انتى الحكم تحدى الدنيا وكونى اقوى لاتنظرى للخلف انظرى لامل جديد اقرأى كتاب السر وحتستفيدى كتير

نصيبك بصيبك وكلام الناس لابقدم ولا بأخر واميلي.......

انا لو مكانك عنجد..... لانو البنت مش مصدقه تطلع من بيت ابوها

كل الناس .......بس ما حد بيعترف

لا تفكري ان الزواج غناه جقما... قلة الزواج احسن منه ... ما انصحك بالزواج حتى لو اجاكي عريس...

......هيك ناس الي ما بتركوا حدا بحاله مالك فيهم وتوكلي عالله

الى 10 لا يا نور الله يرضى عليكي مش هيك الواحد بيحكي البنت ما بترتاح ابدا الا عند دار اهلها ولوووووو

النااااس !!

وووين ثقتك بنفسك؟!!!

اسمعي و طنشي !

طنش تعش تنتعش !!

خلي شخصيتك متلي !!

حكي الناس ما بهزني بشلن!

ليش في حدا بيعرف نصيب حدا؟؟،،، كل شي نصـــيب

انتي من الاردن؟

يمكن اللي سببلك المشكله النفسيه الاولى هي اهتمامك بكلام الناس .. شو بدهم يقولوا عني .. المرض النفسي مثله مثل المرض العضوي .. يعني الانسان ما بحب يجيب لحاله المرض .. وفي احيان كثيره .. يكون سبب المرض هو ذكاء المريض وكثرة تفكيره .. لكن الذكاء الغير موجه للمكان الصحيح ولطريقه التفكير الايجابيه يصبح داء خطير .. من جهه
من جهه ثانيه لاتهمتمي بكلام الناس .. الزواج قسمه ونصيب .. ومش شرط اي انسان مر بمرض نفسي انه يمر فيه مره ثانيه ..
توكلي على الله .. وتفائلي دايما بالخير .. وحاولي تغيير طريقه تفكيرك وتقييمك للاشياء .. وكوني ايجابيه .. وربنا يوفقك

لاتردي على الناس وانشاءالله يجيكي نصيب ابسرعه ولانتحار حرام حرام حرام وخلي ايمانك ابالله كبير

مرحبا اول اشي لا تردي على حكي الناس لانوا ماحدا بيعرف بالنصيب والنتحار اتركيي لانوا شو فايدت الانتحار افرضي انك انتحرتي وضليتك عايشه شو بدك تعملي

الاخت العزيزه كلام الناس كثير ولايوجد منه فائدهلان الناس اجناس وكل شي نصيب من عند الله ولو النصيب من عند الناس كان قطعوه

كلام الناس ما بخلص لا تهتمي للناس ولا تسمعيهم واللي بعايرك هو اللي بكون مريض نفسي

كلام الناس ما بطعمك خبز

لو كل واحد منا يترك الثاني اتلاقينا غير شكل وماله صاحب المشاكل النفسية ليش مايتزوج

الى فارس جراسا
انا زائره جديده للزاويه والاحظ ان تعليقاتك دائما منطقيه انا اؤيدك برأيك

يعني عنجد احسبيها بالعقل



في واحد برضى يتزوج وحدة...




..............





وفهمك كفاية ....

المنتحر لا يكون مجنونا ولكنة بالتاكيد تعيسا

والله يا مزمزيل لو بدك تسمعي وتردي على كلام الناس .... راح ....... من غير ما تمري بحاله نفسية
اللي كاتبلك اياه ربنا هو اللي راح يصير
وكلي أمرك لله
ولاتسمحي لأي مخلوق يحكي عنك كلمة
مع خالص تمنياتي لكي بالتوفيق

مش عارف ليش مكبرة الموضوع عادي كل واحد يمر باوقات صعبة و مشكلات نفسية...اللي بيحكي ما رح تتزمجي هادا واحد...........

كلامك صحيح يا فارس جراسا انا مريت بالازمة هذه بسبب وحدة حكت عني بالعاطل وظلمتني...
انا اردنية الى الذي سالني
الى نسر شوبك انا حكيت اني مريت بحالة اكتئاب مش يعني انه انا مجنونة

خلي ثقتك بحالك عالية وع فكرة كلنا اذا بنروح عند اطباء نفسيين رح يلاقو عنا امراض نفسية كثيرة مو بس ازمات.

تحياتي الك والحمدلله اللي شافاكي والله يحمي الجميع. واذا مناسبة انا بتزوجك هههههه اكيد بيشرفني اتعرف عليكي

لاتردي علي حدا خلـــي ثقتك برب العالمين وبنفسك قويـــــــــــه

وكملي حياتك طبيعيه وبكرى بيجيكي احلى عريس وتشوفي حالك في لاتردي الله اكبر من الجميع ولو تفحصي نص العالم بتلاقي عندو نفس مشكلتك

مع حبـــ نوره ـــي اتمنالك السعاده من قلبي

كوني على يقين ان بعد العسر يسر ذلك هو وعد الله لنا وان الخير كله من الله وهو الذي ييسر لنا اناس يقدموه لنا وان الله على كل شي قدير وان النفس كاي عضو من الجسد تصاب بالمرض والوهن

الى صاحبه المشكله

الحل هــــــو :خلي عندك ثقه
وزتي كل الناس وكلامهم ورى ضهرك وانسي

وحكي نوره ومحب لبناني جميل جدا
كملي حياتك عادي

واي حد يحكيلك مريضه نفسي احكي عادي مرض وتعالجت منو وخلص
اتمنالك الحياه السعيده

نصيحة مني الك لاتردي على حدا كل الناس بتحكي انا كنت زيك والناس عملتلي عقدة نفسية لولا اني قررت اني ما ارد على حدا وانا ك شب بحكيلك عادي رح تتزوجي لانو كل واحد بمر بازمة نفسيو سواء كان شب او بنت وفي كتير ناس مرو بازمة نفسة وطلعو منها احسن من اول واحسن من نفسيت اي حدا كمان وهاد الكلام من قلبي طالع وكمان مرة لاتردي على حدا كلام الناس مابخرل وكل واحد بالف كلام من عندو وانتي حكيتها انك مرت بازمة نفسية مش كنتي بستشفى المجنين يعن مع احترامي الك الي قلك هو انو مابتتزوجي هو المتخلف لانو مافي من هاد الحكي هي كل الناس بتمر بازمات وعادي وصدقيني بكرا بنسي امبارح وبعد بكرا بنسينا بكرا وانتي لاتسمعي لناس تافهين وماعندهم سيرة غير التاليف والهبل وانتي مدام اعرفتي المشكلة الي عندك هاد بعني انك حليتي اكتر من نص المشكلة ازا مش كلها ودايمن ارجعي لربنا وطلعي لهموم من قلبك يعني اتخيلي انو قلك هو القفص والهموم همة العصافير فانتي افتحي هاد القفص وخلي العصافير اطير

الله يعينك على هناس فعلأ" ماعندهم الأ قال وقنا (انا مريت بهلمرحله)

سليمان دويكات

اتوكلي على الله وانسي

كل شي بحكو عنك

والله اذا الك نصيب بالزواج

الا تتزوجي اتوكلي على الله

والله يستر عليكي

أنا لا أغيَر حيَاتي » مْن إجل شْخِص

بل أغيُر ألفّ شخُِص » من إجْل حَياتُي !

ۆٱؤمِنْ بـِ ٱنّ :-

منْ يذهَب » قدّ ڳانْ زائِـدًا

ۆ منْ يبقَى » فهُۆ ضرُۆرِي

... ... ... فعِذرآ لمْن لم تُعجَبه فلسِّفُتي !

فِڳرَامتُي أغلّى من اي شيء!!:))

لاتنظرى خلفك ولمايقال ابدأى حيات جديده
فى علم السر يقول
كل انسان له هدف يتمسك بة ويقتنع انه سيحدث اقتنعى انك بخير
فانتى بخير وستحصلى على ماتشائين
ألجأى لرب العالمين بالدعاء

الله يفرجها عليكي اختي
بس الزواج مش كل شي بالحياه ,ومشان الزواج بدك تنتحري الله اكبر

حبيبتي ماتدايئي حالك لانو يلي بدو يسمع حكي الناس ويمشي وراه عمرو مارح يرتاح لانو شو ماعملتي بحياتك الناس رح تحكي فيه ازا كان سلبي او ايجابي لانو مجتمعنا شغلو الشاغل يحكي وينتقد ع اي شي وع اي قصه حتى لو كانت صغيره نصيحتي الك انسي كل حكي الناس السلبي وماتهتمي الا للشي يلي بفيدك وبغير حياتك للاحسن وطبعا في فئه في مجتمعنا بتتفهم هيك اشيا ومابتوقف عندها

ابشرك ترا مافيكي شي كل الشعب مريض نفسيا كلنا بنعاني من ازمات اقتصادية ومعنوية و عاطفية وكلو من ورا نور ومهند وعشق البطيخ فوضعك طبيعي جدا واللي بيقولك انك مريضة نفسيا بتكون حالتو هو/ هي مستعصية فتوكلي على الله وادعيلي

الناس ماعندها شغله وعمله غير الحكي على البشر وكل انسان معرض يمر بازمه نفسيه وهاي مش نهاية الدنيا خليكي قويه واستمري بحياتك وانتي بتصنعي الشغلات الحلوه بحياتك ولا تهتمي بكلام الناس من راقب الناس مات هما وخلي ثقتك بنفسه كبيره واجه كل واحد بيحكي عليكي وما تخافي غير من الخالق

اسمعي المرض ماالو خص كلشي بادن الله سبحانه وتعلى ومااتردي على اناس وضلك ادعي لربنا لانه هو السميع القدير وشكرا

اختاه

ازمة نفسية ؟؟؟؟!!!!
من لا يوجد عنده ازمة نفسية ؟!!
انت اشجع من السواد الاعظم من المجتمع باعترافك بازمتك !! وزادت شجاعتك عندما عالجت هذه الازمة .

كائن من كان من يريد الارتباط بك اذا نظر لتاريخك المرضي والنفسي ورفض الزواج منك بسببه , فهو لا يستحقك !!!!
لانه ببساطة لم يتعالج هو من ازمته النفسية بعد .

وكلماتي اعلاه افضل جواب تردين به على هؤلاء الناس - هذا اذا كانوا ناس بالاصل - !!!!!!!!

موفقة بحياتك وأدام الله عليك الصحة والعافية .

وهل هناك احد لا يعاني من مشاكل نفسية؟

على فكره العيار الي ما بصيب بدوش وانا برايي كلام الناس اكيد بخلي الواحد اسفه عالتعبير بحالتك يزداد سوء انا بعرف واحد معو هيك مرض وتعافى تماما بس كلام الناس خلى المرض يرجعلوا بشكل اسوا من الاول

والله ما لك الا ان تقبلي في لاني زيك ولا وحدة قابه فيني

كم عمـــــرك ممكن

خليكي واثقه في نفس مو بس انتي الي مريتي بهيك ازمه

مو لهدرجه الي برد عالناس ما بعيش مبسوط ...لا تردي عحد كله بايد رب العباد..الD8

اسمعي الناس اللي بتحكي هيك بدها ترباية مو على مزاجهم الشغلة اللة اللي بححدلك نصيبك مو حكيهم وعادي انتي مو اول وحدة ولا اخر وحدة بصير معاها هيك فيناس كان عندها اكتر من هيك وعادي فخدي مني وما تسمعيلهم واللي بحكي هيك اتاكدي انو مش بس بغار ....

انا من الناس بتجوز وحده عندها نفسيه بس على شرط انها تكون موزه

شوفي يا بنتي ..
خدي شعار المركبة تسير والكلاب تنبح
اولا : حمد الله على سلامتك
ثانيا : كل انسان فينا معرض للمرض ما حدا حاط على راسه خيمة ...
الى بزور المستشفيات بشوف فيها بلاوي
بقول الحمد الله على نعمة الصحة
وانتي الحمد الله ربنا شافاكي ... ومش معنى ذلك انو صار اسمك مريضة وعلق فيكي هاد المرض .. الحياه قدامك .. انظي الى الامام ولا تنظري الى الخلف
سؤال عمرك شفتي سواق مركبة بسوق الى الامام وينظر الى الخلف ؟؟؟
لا تأبهي بما يقول الناس ... ونصيبك لما يجي رح يجي غصب عن الفسادين ...

اذا... بتكوني ....

من راقب الناس مات همآ

صلي لربنا وادعيله وان شالله بتروح عنك كل الوساوس ،، في حديث قدسي (( يا ابن آدم انك ما دعوتني ورجوتني ، غفرت لك على ما كان فيك ، ولو أتيتني بملئ الأرض خطايا اتيتك بملئ الأرض مغفرة مالم تشرك بي شيئا ، ولو بلغت ذنوبك عنان السماء ثم استغفرتني ،، غفرت لك ))

يا عمري طنشي تعشي تنتعششي للابد

هيك ؟ نفس الاشي اللي حبيبتي كانت تحكيلي اياه , وحبيتها ولسا بحبها , بس الناس اللي حواليكي وبحكولك هيك , كانو مرضا نفسيا مثل الناس اللي كانو حواليها وحكولها هيك لحد ما اجبرت من الناس انها تتخلى عني . طنشيهم و ما تخلي حد يعيش حياتك

وانت كان ضروري تفزعي الدنيا
مش ضروري تحكيلهم لانه هذا االشيء متوقع

انا بنظري كلام غلط الحياة حلوة بس بجوز الاشخاص الحولك هم المخربينه بس حبي شخص يحبك لانه ايت شخص ممكن يمرض بهظروف دير بالك على حالك الحمد لله على السلامه الله يوافقك حبي

لا مشكلة ولا شي خلينا نتعرف على بعض وصدقيني مشكلتك النفسية راح احللك اياها وهاج ايميلي وخلينا نتواصل على الايميل ........ وبستنا منك الرد

ما تهتمي بكلام الناس ويلي ما بدو اياكي انفسك هلأ انتي كمان ما بدك اياه