اخي العزيز ابعد عن هذا الدرب , وانت لم تعش معها لتعرف سلبياتها

وطبيعتها الحقيقة فكل شخص منا يريد ان يبين انه الافضل

برأيي تمسك بحبك

ولو انه البنت ببين عليها الكبر قبل الشب

بس اذا انت بتحبها تمسك فيها ودافع عن حبك

والله يوفقك

الله يخليك اخت دعاء ومنظورك حلو

عندي حل رهيب

تزوجها عرفي وحط اهلك واهلها تحت الامر الواقع
واذا ما وافقو بعد الزواج العرفي اهرب انت واياها لمكان ما يعرفكم فيه حد وتزوجها ع سنة الله ورسوله وعيشو بسبات ونبات وخلفو صبيان وبنات

وتوتة توتة خلصت الحدوتة


زواج سعيد

خدلك صار اكثر من مشكله وكلها بتحب على الفيس بوك شكله في انفلونزا مناخير بوك

يعني بنقدر نقول انه شبابنا وبناتنا بعانوا من فراغ قاتل

او انهم بستعملوا كراسي المنيوم بحيث بلزقوا عليها لما يقعدوا على النت

او انهم بعانوا من مشاكل نفسيه بتمنعهم انهم يعملوا صداقات حقيقيه مع اقرانهم

فبلجاوا للنت يعبروا فيه عن احباطاتهم

وعن كبتهم العاطفي

وعن فشلهم في الحياه

حتى الحب صار على جهاز


روح يا زلمه ارفع حديد واعمل جسم رياضي

وفرغ طاقتك باشياء الها مردود

قال بحب بنت على النت واهله لا يستقبلون الفكره

ومتعلق بها أكثر واكثر واكثر

وبده يقنع اهله ومن كل عقله

ليش هو في عندك عقل وانت عامل هيك

قال عمره 22 سنه

طب قبل ما تحب اشتغل سنتين تلاته واعطي اهلك من عرق جبينك

قبل ما تعشق وتحب بنت...

اللي بعده

يا اخي انا اكيد ما حبيتها الا لما عرفتها وعرفت اهلها وطبيعتهم ......الشخص ما بيقدر يقيم نفسه ...الناس همّ اللي بيقيموه.....

يا سلام على حلولك ههههههههه
مش لهالدرجة ما وصلت وما رح توصل للعرفي ههههههههه الله يسامحك وانا شايفك بتقصي قصة مو راي...........

اقدر واحترم رايك

انا صحيح عمري 22 سنة لاكني اعمل منذ 5 سنين ودارس كمان والحال مستورة جداً

بس حب واقعي اعتقد ما ظل منه بسبب الجرائم اللي منشوفها ....

وشكراً لرأيك

اسف نسر الشوبك
وعلى راسي

الرأي الأكيد أنك تحول أحد اعتصامات اللي قايمه بالبلد وتترجاهم انهم يصيروا

جاهة لأهلك

والله بعينك على سطول الشاي و قزايز البيبسي

ولك 22 دور على مستفبلك واتركك من الفيسبوك بعد 8 سنوات بتختلف نظرتك

واللي حكت معك بتحكي مع غيرك وبتعمل غير الحكي معك ومع غيرك

أختك لو كانت محلك وتعرفت على واحد فيسبوكي بتعطية لو طلب ايدها من منظارك انت والفيسبوك ولك اصحا

الى صاحب المشكله
اول شي مساالورد انا بحكيلك دافع ودافع وضل دافع عن حبك
ازا هي قدك مومشكله وحتى لوكانت اكبر كمان
الحب مابيعرف اعمار مابيعرف كبير وصغير
خد اللي بتحبها يمكن تأخد وحده عن طريق اهلك ما تقدر تحبها وتعيش معاها بسعاده
يمكن توفرلك كل شي الا الحب والسعاده

وصدقني لو اخدت غيرها راح تضل تحنللها لاتهدم سعادتك وسعادتها منشان عادات وتقاليد الاهل بيفرضوها علينا




اذا متأكد من مشاعرك صـــح ضحي منشانها
اتحدى العالم
هدد اهلك قول والله لاذبح حالي لاحرق حالي اذا ما اخذتها واسلوبك عاد انتا

مع حبـــ نوره ـــي
مع تمنياتي لك بسعاده واعزمنا على عرسك

ليش اكثر الناس بتنظر للسلبيات اكثر من الاجابيات

رأيك كتير حلو

شكراً إلك

طيب اخي العزيز انا بعتقد اذا تعرفت على اهلها واهلك بعرفوا اهلها هذا بيكون اهم اشي .

ثاني اشي اذا معك مصاري اتزوج واذا ما معك اشتغل سنة سنتين واتزوج ان شاء اللله بتعيش حياة سيعدة انت وهي ...

اتمنى لك كل انت تكون سعيد وراضي في حياتك , واذا لا سمح الله ولم تستطع الزواج منها , لا تزعل من اهلك واتوكل على الله ...

ليش الناس بتنظر للسلبيات اكثر من الايجابيات

والنعم بالله...........

اشكرك يا اخي والله يبارك فيك

بتشتغل من خمس سنين وعمرك 22 سنه ؟

ما علينا


بس عجبني تعليقك انه بطل في حب واقعي

طبعا هو ما في حب واقعي وخطبه وزواج

طبيعيات

وانتو قاعدين بشكل غير طبيعي ومش طبيعي 24 ساعه على النت

وبدوروا على البنات فيه

وبدوروا على الارتباط فيه

وبعدين شو هي الجرائم اللي بتصير

قاعده

اذا مشان البنات وعمايلهم

هيك انت قاعد بتحب وبتعشق على النت

وانت قاعد بترتكب جريمه بحق بنت

لتفكر انه الحرام انه الواحد يعمل

اشي غلط على ارض الواقع

الحرام انه تخون الله

وتخون اهل البنت

وتخون نفسك

والبنت تخون ثقة اهلها وتعمل حالها قاعده علىالنت بتدرس ولا بتعلق ولا بتقرا وهي فاتحه النت مع واحد وقاعده بتهريه حب ؟

ما بعني انك قاعد ورا الشاشه انه حلال اللي بتعمله

اي كلام خارج عن حدود الاسلام

واكيد بده يصير عاجلا ام اجلا بين اتنين مختليين ببعض

لا تستهين بالكلام اللي بطلع من اللسان لانه بودي الانسان الى جهنم
وهل يكب الناس علي وجوههم في النار الا حصائد السنتهم!

هو حرام

روح خلي اهلك يدورولك على عروس

واستر نفسك معها وبلاش من خرابيطك

لسه ما شقت عنك الارض وصار بده يتجوز ايش هالجيل هاد

جيل اناني لسه وهو بدرس بكون قاعد برسم على الجيزه والجواز

عنجد غريبه الناس دايما بيحكوا بالشي السلبي وبينسوا انه في شخص بحب والحب شي حلو

ومو غلط انه الانسان يحب بس الناس دايما هيك

لا ترد على حدا وانت ضلك دافع عن حبك للنهايه

بس ضروري اهلك يوافقوا ويحبو حبيبتك لانه اذا ما حبوها هي ما رح تكون مبسوطه اذا تزوجتوا ان شاالله بتتزوجوا وبتعيشوا مع بعض حياه حلوه وسعيده

الحل:
الزواج دائما واخرا قسمة ونصيب

دعاء:
شكراًالك وربي ينولك اللي ببالك

الى صاحب المشكلة
اقنع اهلك ولو ما اقتنعو ما تغضبهم اهم شي رضا ربنا ورضا اهلك وازا اهلك غضبو عليك -لا سمح الله - ربنا رح يغضب عليك
وبالنهاية كلو قسمة ونصيب


نسر الشوبك
هههههههههههههههههههههههه عنجد ضحكتني بتعلق 4
كأنك عم تحكي بقصة

أكيد رضا الوالدين فوق كل شي

بس الانسان لازم يكافح منشان يحصل على اللي بيريده

والزواج أكيد..قسمة & نصيب

شكراً الك وعلى رأيك

حاول معهم بالتشاور
واذا ما نفع الحوار .... دخل حدا من قرايبك الكبار
واذا كمان ما نفع معهم الاسلوب السلمي
....
ازرع في البيت شوية متفجرات ... وهددهم اذا ما وافقوا انك تتزوجها راح تفجر البيت باللي فيه ...
بتمنالك التوفيق في التفج ... قصدي التوفيق في حياتك يا رب
أخوك المناضل ... سري للغاية

الى صاحب المشكله
لاتحط ايدك على خدك وتحكي النصيب

لاءء انتا صلي استخاره ومن استخار ماخاب وربنا بيلهمك الحل الصحيح

بس حرام اذا انكم بتحبوا بعض وفهمين بعض تنحرمو من بعض الحياه هيك دائما تخليني نحب ونتعلق وفجأه تأخد اللي بنحبوا
انتا كم سنه بدك تعيش ؟
مابتعرف
وكم مره بدك تتزوج؟
كمان مابتعرف
لاتتخلي عن حبك دافع عنو للنهايه وانا راح ادعيلك الله يهدي سرك ويحنن قلب اهلك عليك وعليها ولازم يقتنعوا
بتوفيق اخي العزيز اتمنا لك السعاده والعيش مع من تحب

لا بهددهم ولا شي بس كل شي اصبح بالحياة سهل المنال بالاصرار ..........

اما قصة فجرهم يا حبيبي بفجر حالي ولا بأذيهم بشوكه

الواحد مين اله غير اهله وقصة انه ادخل ناس من بره فكرة كتير حلوة وكويسة كمان

واشكرك على طرح رأيك اللي فيه نوع من الاهتمام بخصوص الناس اللي من بره اما التفجير !!!!!!!!!

الله ييسر امرك ويعطيك ما تتمنين عنجد الواحد بمشاركاتكم انتعشت مشاعرة وانبسط قليلا اشكرك اخت نورة والله يعطيكِ الصحة والعافية ان شاء الله

الى صاحب المشكلة
هو انت صدقتني يعني بخصوص المتفجرات هههه
لا يا زلمه اوعى تعملها
بس بالنسبة للقرايب جد بحكيلك اذا ما اقتنعوا بكلامك حاول انك اتدخل حدا منهم
وبتمنالك التوفيق من معاميع قلبي

الى صاحب المشكله
انشالله على طول تنبسط
احنا كلنا اخوان بلله
وروح الله يناولك اللي ببالك ويعافيك ويحميك لاهلك

اشكركم جزيل الشكر

اهرب انتى وياهى الى مصر القديمه ما حدا بيعرفكم اهربو في اليل الساعه 2

اهرب.!!!!!!!!!!!هههههههههههههه حلوة وعمصر القديمة كمان أحلى .........مستحيل بيكون يوم موتي ولا بفكر بهيك فكرة.مجنون انا !!!هههههه...

المشكلة انو احنا ببيئة شبه ما بتعرف بشي اسمو حب

الى صاحب المشكله
اتمنى لك السعاده
الحل :هو الصلاه وابعت حد يمون على اهلك ويحكي معهم
اضرب عن الطعام والشراب بس من تحت لتحت كل من دون مايشوفك ههه
والي بيحب بضحي صح
وانتا لاتتنازل عن حبك والله بعدين بتندم كتير في ناس كانو متلك ومنشان يرضوا اهلهم رضوه بتعاسه واخرها الطلاق حرام لاتكون ضحيه انتا وحبيبتك والحب جد مابيعرف اعمار ولاحتى الوان

والله مافي بعد الخطف

اخطفها اريحلك لا بتدفع مهر ولا دهب ولا صاله كلشي ببلاش

والله لازم اي واحد بيحب ياخد الي بيحبها منشان يقل نسبه الطلاق عندنا
خذ وحده عارفها وعارف شوهي وحاكيه معك
احسن ماتوخذ وحده ماتعرفها وحاكيه مع غيرك كثير
اتمنالك الحظ السعيد
واهلك مايقدرو يمنوعك ادخل على شيخكو اذا عندكو مختار كبير العيلا
قول لامك ياتخسروني ياتزوجوني
واكيد الام قلبها حنون تحن طمنا شوبسير معك

الله يعينك وانشالله اهلك يقتنعو

لااله الا الله محمدا رسول الله -اذا الك نصيب فيها راح تتزوجوا الله يقدملك كل خير

طبعا انا نصحتك نصيحة مجرب اخذت وحدة وانا بالجامعة كانت زميلتي بس بعدين صار لا بد من اثني بوحدة اصغر ب 9او 10 سنين..وشكرا

هسه اذا المشكله بالعمر محلوله اتجوز اختها الصغيره

نورة المقهورة فاضية لحل المشاكل

والله حرام هيك
هذا اسمو حب
اقنع اهلك باللين واحكي الهم انك ما بتقدر تعيش من غيرها وقبل كل هذا صلي صلاة استخاره
وان شاء الله بوافقو

صلى صلاة الاستخارة وادعى اللة اذا كانت خير تاخذها
عزيزى ان الله ينظر لكل شخصين متحابين اذا ماكانو لبعظ فان اللة يتبسم لانهم مونصيب بعض حتى يفترقان اذا مونصيبك اتركها الان مو بعد الزواج ووجود اطفال

الدنيا مابتستاهل نتخلى عن حبايبنا ونتركهم والعمر أقصر من إنك تنتظر موافقة إنسان على إرتباطك بحبيبتك خد أهلك واخطبها شو تستنى ؟ وأنت بتعرف كيف تخلي أهلك يوافقوا الله يوفقكم ويسعدكم ..

ابعد عن الشر و غنيله
ردد ع اهلك و زي ما بدهم سووووي
هم مش ضدك بس بدهم مصلحتك

صلى صلاة الاستخارة واطاب من اللة المساعدة
ان اللة ينظر لكل شخصين متحابين اذا لم يكونوا نصيب بعض ان اللة يتبسم وهو فى عرشة لهما حتى يفترقا اى انهم مونصيب بعض

..............

أخي من الاخر اذا تحبها تزوجها ولا ترد على اهلك!!! هيني رديت على اهلي وصرت مطلق 3 مرات ، ونصيحة اتزوجها بره !!!

.الى صحفية,,وزهقان,,ودعيجي...مهندسة,,ورامي..وزعل ومهستر,,نور,,ودلوعة ابوها,,دمعة امل,,مريم..مدهشة,,,,مجرب,اللي ما بده يسأل الطبيب, ,,



اشكركم جميعكم على مشاركاتكم وأراءكم

الحلووووة,,,

الله يخليكم ويبارك فيكم ويحفظكم

العفووو يا ماان

انا من رايي دافع عن حبك و حاول تقنعهم و دخل حد من الناس اللي بتمون عليهم ليحكي معهم لا تتخلى عن حبك بسهولة و اتوكل عالله

والنعم بالله.....الله ييسر امرك وينجحك ان شاء الله

الاهل ليسو بمشكلة بل رايهم لصالحك وممكن ايفدك وكل البشر بنفسهم اكثير اشياء بس اضل كلمة الاهل لصالحك انت

أخي الكريم لأترد على حدا لأنه ماألك الأ اهلك

أكيد الأهل هم كل شي بالنسبة لنا لكن هناك مبدأ التحاور معدوم لماذا!!!

أشكركم جزيل الشكر

الى نور

شو حابه ... يعني
اختصريني وسلامت نظرك
نوره المغروره
مو المقهوره
انتبهي عندك...............

ادعى اذا كانت خير بتاخدها مع انه الاهل بعرفوا الخير الك ومابكرهوك
حاول بكل اسلوب ان تقنعهم واذا مازبطة اعرف انه خير الك

يا زم



ان كانت من نصيبك رح توخذها غصب عن



الكل ولو كانت مش من نصيبك ما رح



توخذها ولو كانت بين عيونك



صلي ركعتين لربك وادعي وتوكل عليه

يا صديقي السعادة في بيتك فلا تبحث عنهافي حدائق الغرباء

ادا بتبهة اتزوجهة وحط اهلك تحت الامر الواقع

انت انسان فاضي اشغال .قال فيس بوك .بعد ما ر بتسب عليها على الفيس بوك اترك بنت الناس بحالها

انا برايي انت لو بتحب ما بتستشير حتى لانه الحب اجنان الا ازا انتو ماوصلتو لدرجه هالحب ولتنحل المشكله سلمي اكتر واحد بحبوا اهلك وقريب منهم يحكيهم وانشالله خير وبتمنالكم السعاده الله لايبعد حبيبين عن بعض وانشالله بجمعكم سوى يارب

مرحبا الى صاحب المشكلة:

انا بتمنالك ازا فيها خير الك ولمعاشك وعاقبة امرك ان رب العالمين ييسر امرك ويجعلكم من نصيب بعض واليي بدي احكيه ان الحب شي كتير حلو بس للي بيفهمه صح وبيئدره كمان صح الله يوفئك بحياتك ويسعدك ودافع عن حبك بشكل كبير بعدين هلا البنات ما بينغصبوا ع واحد ما بدهم اياه انت الشب بدك تنغصب بس اللي بدي ائوله ان لازم تدافع ئد ما فيك الله يسعدك بحياتك باي.

الحل هو ...........

دمعة أمل+ نسر الشوبك+معاذ+ميسي+ ملاك+؟؟؟؟
اشكركم جميعكم على ارائكم واتمنى لكم حياة طيبة سعيده.

المناصير:الحياة أسلوب!!! والباقي عندك وشكرا لك.

انا بنصحك انك تمشي وراء قلبك وليس عقلك هنا يوجد مشكله واحده وهي المشار اذ لم تكن تحبك

اول شي انا بتشكرك على مشاركتك
وثاني شي الحب اذا كان من طرف واحد اكيد ما كان اسمه حب انا لولا اني مو متأكد من حبها لي لما كتبت مشكلتي

وشكرا الك اخت رهام

صحيح الهواء سلطان لاتغضب والديك احكي معهم في اسلوب السياسه والله يوفقك

الله يخليك اخ سمير وأكيد كل شي بيجي بالحوار

شكراً لمشاركتك

بتمنا منك ترد ع ئلبك لانو الحب مابعرف لا فيس ولا غيرو والحب لما بيجي بيجي مره واحده وياريت اهلك بوافئو عليكم وان شاءالله الله يهنيك

الحيرة غالبة على امري "الله يجيب اللي فيه الخير""

شكرا الك سوسو واتمنى لكِ حياة حلوة سعيدة

والله انت محموء على الفاضي انت يلي بتحبها عارف واو شو الي دراك انو ما بتحكي مع شباب غيرك يعني احسبها بالعئل
بعدين باين عليك شب امور فكر بتاسيس نفسك ائبل هيك ونصيحتي الك بنات الفيس سيبك منهم والله نصيحة وانت متل اخي بالله الله يوفئك

الحب حب وين ما كان ..إن كان بالفيس ولا مكان غيره ...عشان هيك لا ترد على حكي الناس ..المهم مشاعرك ومشاعرها ...وبالتالي انتوا اللي بدكم تعيشوا مع بعض مو أهلك والناس ...وبالتوفيق إنشالله ...

ال صاحب المشكله
لاترد على اللي بيحكيلك بتحكي مع غيرك
القلب متل القبر مابيوخد اتنين صح

خد الي بتحكي معاها احسن ماتوخذ وحده مابتعرف مع قديش حاكيه

انا اتمنالك الحظ السعيد

رد على اهلك واسكت

داما شكراً لرائك ومشاركتك بس يعني التفكير لوحده في بعض الأحيان لا يجدي نفعاً..

ربداوية:اكيد انوا الحب يبقى حب لاكن هنالك مشاكل ومعوقات بتواجه اغلب الشباب اللي مثلي ..

نوره: اشكرك جزيل الشكر على كل تعليقاتك واعتبرتك مساندة لي بحل مشكلتي""Thank you""..

ابو ذوابة: يا حبيبي الله يخلك انا من النوع اللي بحب اجادل او استخدم اسلوب الحوار ...ليش ما يكون هنالك حوار بين الشخص وأهلة ليش بيعطونا الحل من الاخر وما في مجال للنقاش...شكرا لك

الى صاحب المشكله
انتا لجئت النا بدك حل وانا بحاول اساعدك يمكن انحط بوقفك يوم من الايام مابتعرف الحياه شو مخبيتلنا وانشالله الله يهدي سرك وتحكيلنا شو صار معك خير انشالله
لاشكر على وااجب

مرحبا انت بالمشكلة حكيت انه تعرفت عليها بالفيس وبعدين من خلال التعليقات حكيت انك بتعرفها شخصيا وبتعرف اهلا وبما انك فعلا بتعرف اهلها وهي شخصيا فالامر مفروغ منه ليش الاهل بيعارضوليش ما بيحبو سعادة ابنهم وقبل كل اشي اترك كل التعليقات السابقة وصلي صلاة الاستخارة وشو ما يطلع معك اعمل فيه لانه رح تستخير ربنا مش الناس

بعدك مطول مطول..... على هيك قصص
انته افحص حالك لو حبتك وحده احلى منها و ضليتك تحب الاولى معناتك صادق.. واذا العكس فبنصحك احلق للتنتين و كمل ماجستير

اردنية انا بشكرك جزيل الشكر.... مشكلتي الكبرى انوا انا ببيئة ما بيعرفوا شي اسموا حب"""بيلتزموا بالعادات والتقاليد"""

وقفي: مطول عجبتني هههههه وحياتك بلا فحص الامور طيبة وقصة الدراسة انا مفكر فيها لاكن بعد الزواج وشكرا لمشاركتك

تسلم.. بس و الله انا حاسة بموقفك لانو انا فيو هلا.. و ما بتخلى عن انسان بحبو و هو بحبني و انا متاكدة منو لهيك بقلك انو ان شاء الله خير..بس خبرنا شو بصير معك

انت عم تتعامل مع بنت ع الفيس يعني ما بتعرف حقيقتها ممكن تكون عم تخدعك ...........