خلينا نحكي على بلاطه


تعالوا نحكي بصراحة وبكل بساطه وراحة شو بدكوا من الحكومة عوفتوها حالها وهدومها طلعتونا مفسدين وحراميه وانتوا إلي بدكوا تحموها قلنا تعالوا نتحاور وبالقرار والمستقبل نتشاور في شي بيسير بدون تحاور وتشاور ولا بدكوا نقف بالشارع نتسامر ما ظل على الحكومة لوم ولا ملامة هذي موازنتها وحيلتها وإذا عندكوا العصا السحرية تعالوا استلمونا وسونا دوله غنية وشغلونا الآبار النفطية وهذا الميدان يا حميدان .
فماذا لو جئنا بكم انتم حكومة وقلنا حلونا ها الفزوره وقلنا ما بدنا نشوف بعد اليوم فاسد ولا حاقد وبدنا كل موظف بأموالنا زاهد وبدنا رواتبنا تتضاعف وبدنا تامين كل الوظائف بدنا تطلعونا جيل صالح ما بدنا نشوف ولا واحد مش فالح بدنا نبني مدارس وجامعات والتعليم فيها مجاني وبدون دفعات وبدنا تامين صحي شامل ومستشفيات كل شي فيها كامل وما بدنا نشوف فقير بدنا الكل يسير مدير او وزير او سفير وبدنا نركب سيارات افخم من إلي عند الإمارات وبالنسبة للقمح والميه ياريت يكون زراعه صيفيه لان با الشتوية كل شي متوفر خير وزرع وميه وحتى التدفئة مركزيه اما وزاره التنمية الاجتماعية وصندوق الزكاة والمعونة الوطنية ما عاد الهم اهميه لان الناس مكتفيه وعايشه برفاهية ونعمه وخير وحرية شو بدنا احسن من هيك المصاري بالكريك صحة وتعليم وجمارك وضرائب وسيارات ورفاهية كلها برسوم مجانية وبالنسبة للنقل والباصات خلص كلنا عندنا سيارات وبدنا تعملونا ابراج ومولات وحدائق عشان الي خلق ضايق وعشان الاقتصاد بدنا كل دينار بعشره دولار اما عن المديونية اكيد راح تسدوها بعزم وهمه قويه وبدنا نحرر فلسطين وما نشوف فيها ولا يهودي لعين وبدنا نسير نفطر عسل وجوز ونشبرق بالفستق واللوز والغدا لحم ورز والفواكه كاكا و موز .

لكن يا خوفي إذا اصبحتوا وزاره ترجعونا نركب على حماره ونشرب من الحنفية ونتمنى طبخه شهريه والفطور إصلاحات والغداة حوارات والعشا يكون حرية وبالنسبة للرفاهية احمد ربك إذا طلعلك تتنفس شويه هذي الحكومة الدستورية الي بدها تعملنا الحرية لكن خلينا عايشين بها النعمة احسن ما تنقلب نقمه ونسير ندور اللقمة ما بدنا ها الإصلاحات ولا حفنه الدولارات وما بدنا نركب سيارات ولا نسافر بطيارات ولا نبني جامعات وعمارات والتسوق با المولات بدنا نعيش بأمان وثبات على قيادتنا الهاشمية هي ميزان الحرية ورمزالوحده الوطنية .


zaedmaharmah@yahoo.com



تعليقات القراء

كاكاووو
عيش زي ما بدك وخلي ..... تسرح ونمرح ووتتحكم بينا (( واحترنا يا قرعة منين بدنا نبوووسك ))
16-10-2011 07:34 PM
laila
ابدعت كما عودتنا دائما قلمك الماسي يخط اجمل ما بنفس المواطن الشريف

انا اايد طروحاتك لان ما تكلمت بة صحيح ومن الصعب على اين كان ان يخلق اقتصاد متوازن في ظل غياب الموارد الطبيعية وهذا الحيراك عبارة عن غيرة وليست ضرورة لمتطلبات الاردن
16-10-2011 07:40 PM
امل عقرباوي
االله على ايام زمان....
ايام الخير والبركة...
والهدوء وراحت البال...

رجعتا لأيام جدي وجدك.. يستحق التوقف عند مفرداتة ..
والحياة فيها طعم الحيياة...
وشكرآ اخي على هذا المقال الذي
16-10-2011 07:50 PM
مش فاهم اشي بالمره
الحكومه موكليتك تدافع عنها لا خيوه أنا بدي أسافر بالطيارات وبدي حنطور
16-10-2011 08:00 PM
وبعدين
اقسم بالله هالشيووخ حيرونا ... وبعدين معهم .؟؟؟ يااخي ما بدنا احزااب
16-10-2011 08:20 PM
على الدبش

تسلم يا رائع على ها الكلام الرائع المنطقي الله يسلم لسانك يا كبير
16-10-2011 08:20 PM
انور الفيصل


نشكرك ايها الكاتب المبدع المميز

والله فعلا خلينا نجيبكم حكومه ونشوف شو اخرتها معكم
16-10-2011 08:21 PM
توفيق ابراهيم
والله انتو ما عاجبكو العجب

بعدين معاكم قسما بالله اشي بقهر بكفي شو بدكم نترك البلد

وشكرا لك ايها الكاتب المميز
16-10-2011 08:22 PM
د هاني العميد

نشكر الكاتب المبدع المتألق دوما


انا هسا اتاكدت ا...... الدكتور معروف البخيت مثال جيد للامانه والنزاهه .. وانتو ناس فاضيين اشغال وبدكوا تخربوا البلد واتمنا من جلالة سيدنا انو يبيدكوا باسرع وقت قبل ما مرضكوا يسري بالشعب ويخرب الاردن الاردن مو محتاجة امثالكوا والى جهنم ايها المعترضون الى جهنم
16-10-2011 08:23 PM
انيس البشير
على هيك ايامو قلليللة....
لانه بدهم هم يسيروا حكومه
والله اخي زيد هي اخرتها وشكرا الك يا غالي
16-10-2011 08:24 PM
احمد عارف النسور
اخ زيد المحارمه هاي الشخصيات ما بتمثل الاردن
16-10-2011 08:25 PM
امير المغاربه
الله معك سيدي ابو حسين وربي يوفقك دولة الجنرال معروف البخيت ولو كره المفسدون والمخربون
16-10-2011 08:25 PM
على البراعمه
جبهة اللعمل الاسلامي عليها ان تعي انها ليست وحدها في الساحه السياسيه ولا يحق لها اختزال حق المعارضه لوحدها ولا يجوز لأي حزب او تنظيم سياسي او أي فعاليه سياسيه تمارس العمل السياسي على الساحه الاردنيه بأملاء مطالبها لوحدها لا بد من التنسيق مع كافة ابناء الوطن ولا بد من طرح مشروع وطني شامل يتم الاستفتاء عليه من قبل الشعب يهدف الى التوافق على متطلبات الشعب بكافة انتمائته ومن غير سيطره لأحد على الآخر
وشكرا اااااااااا ابو المحارمه
16-10-2011 08:26 PM
شكرا اخي زيد المحارمه
ماذا تريدون من هالبلد لو كان منكم وزراء لهب الشعب الاردني مظاهرات لأسقاطكم اعطونا فرصه للثقه فيكم ....
16-10-2011 08:26 PM
ابو عجرم
تم الاستجابة لمطلبكم بتغيير الحكومة السابقة ، و بعدين، لازم الرئيس منكم و لا على تفصيلكم عشان ترضوا.
16-10-2011 08:27 PM
فايز بركات
تسلم ابوي زيد المحارمه الكبير بقلمك
الجريء بطرحك الراقي

بكفي زودتوها انتو مابدكو تكون بلدنا امنه لاتدخلو في الشغل الي ما الكو فيه خللللص لاتكونو محراك الشر
16-10-2011 08:28 PM
شكري الزعبي


من الرجال الاكفاء اصحاب الايادي البيضاءسعد هايل السرور ويليق به أن يكون رئيس الوزراء في كل وزارة وحكومة جديدة نعم ابن الاردن الشريف النضيف سعد هايل السرور جندي من جنود الهاشميين نعم
16-10-2011 08:29 PM
ياسر الحروب
وبعدين مع هالحزب اللي مو شايف حدا بعينه،‏ اللي قاعد بثور في الناس بحجة الدين،‏ يا ناس يا عالم افهموا ،‏ لا تحكوا باسمنا احنا هيك البلد عاجبيتنا احنا بنحل مشاكلنا.....

البلد مش على كيفكم وبدكم رئيس حكومه..........








16-10-2011 08:30 PM
حامد خريس
بلشت من بكير يا اخوان، الله يستر من الايام الي جاية......، ولاولاولاولاولاولاو؟؟؟؟؟؟؟ انا بقول سلموها لواحد منهم لنرى ان بعض منهم سوف يعترض ، مشان ايقولو عندنا معارضة.خلو البلد ساير بامن وامان وخليكم بحجمكم الطبيعي لانو الشعب في النهاية لن يرحم احد وغدا ستكون انتخابات وسيفرز الشعب من هم ممثلية الحقيقين ، تعلمو من تركيا لا قاطعو ولا انهزمو في الانتخابات وظلو يعملو حتى العالم كلة انحنا الهم ولانجازاتهم واصبح لدهيم التغيير الي همو طالبينة.
16-10-2011 08:30 PM
مجدي الربيع

اشكرك يا كاتبنا المحبوب

لكن والله ما انتو لاقينيلكو شغله هيه لعبه وجلالة سيدنا غير الحكومه مثل ما بدكو و كمان بتعارظو ,انا بقول اي مظاهره بدها تصير لازم تنقمع .
16-10-2011 08:31 PM
ثامر ابو ملوح
حترنا يا قرعه من وين نبوسك راكبوا الامواج ظهرت نواياهم , لا يمكن ان تقبل جبهة العمل الاسلامي الا السلطة على الرغم انهم لا يمثلون الا القله في هذا البلد ويتحدثون باسم الاردنيين من دون توكيل او تفويض
16-10-2011 08:32 PM
مجدي العجارمه

شكرااااااا زيد الجريء الحررررررر

العمل الاسلامي لا يعجبها العجب وقبل ان تشكل الحكومه ترفضها وهل تريدون شخصا معينا خبرونا بالله عليكم ان سيد البلاد اطال الله عمره اختاره والخيرة لمن اختاررة ملك البلاد اما اذا كان في نفوس البعض غير مايراه سيدنا فالشعب الاردني يقف خلف القياده الهاشميه بدمه وولده لك منا سيدي الولاء والاخلاص ونحن على عهدنا للهاشميين ماضون والقافلة الهاشميه تسير والله معهاونحن مهها لخير الاردن والاردن اولا
16-10-2011 08:33 PM
يونس برغوث
مفكريين انه بدهم يخربوا الاردن زي مصر وتونس بس على جثتنا الايد يلي بدها تخرب وتعمل دسائس رح تنقطع ومو عاجبهم حكومتنا في الف بلد بتستضيفهم , والاردن اردنا النا النا فاهميين افهموا بكفي خلص اتماديتوا كثير
16-10-2011 08:33 PM
عارف الصحيح
الاحسن يا اخوان ان تدعوا الناس لصلاه الاستسقاء احسن لكم من الحكي .........على قول جدتتي زي اللي بيسبح برغوه انتم واتقوا الله اتقوا الله في البلد التي تقيمون بها ....................هل فكرتم بدعوه اهل الاردن لصلاه الاستسقاء يوم الجمعه افضل من الشغب والمظاهرات ................... اللهم يا ذا الجلال والاكرام......اللهم من ارادنا وبلادنا بشر فاشغله بنفسهواجعل تدبيره تدميرا عليهبقوتك يا قوي يا عزيز يا ذا الجلال والاكرام
16-10-2011 08:34 PM
على المحارمه \ سحاب

شكرا لابن سحاب المميز الرائع باخلاقه

شكرا لك زيد المحارمه لما قلت وكتبت ونحن نؤيد وندعم كلامك يا بطل
16-10-2011 08:35 PM
هالة محمد
شكرا لك يا اخ زيد على المقالة الرائعععة جدا وصدقا رجعتنا لايام زمان واللة لك كل الدعم والتائيييد لما كتبت يا عبقري
16-10-2011 08:54 PM
إلى المعلقين
شر البلية ما يضحك
16-10-2011 09:43 PM
محمد عيسى المحارمه
ابدعت كالعادة ابو محرم... والله احترنا فيهم
16-10-2011 10:13 PM
ابن الطفيلة
يا استاذ زيد طلبت من المعارضة أن تعيشنا في الجنةـ في الدنيا بالطبع ـ وإذا كان ذلك غير ممكن فلنرض بوضعنا كما هو، يعني يا بطخه يا بكسر مخه ويعني لابد لنا من الإستسلام لسطوة الفساد ما دمنا لانستطيع ان نحقق وضعا موغلا في المثالية والخيال لالا يا أستاذ زيد لماذا تطالب المعارضة بالمعجزات بينما تغبطنا على وضع فاسد ما أظن أنه يخفى عليك فساده ما هكذا يا زيد تورد الإبل نعم ليس هنالك من لديه وصفة سحرية ولكن ذلك لايعني الإذعان لسطوة الفساد وشكر الفاسدين على فسادهم وأن نغبط أنفسنا على تلك النعمة
16-10-2011 11:49 PM
اعتذر من
شو هذا الكلام يا ابن عبدالهادي ,يقول المثل اذا لم ...........
17-10-2011 12:52 AM
سناء
بالنسبة اللي اصدق مقال قراءته يعني نرضى بالموجود وما نتخلى عن الاحلام.
17-10-2011 08:16 AM
نص مواطن
..... ما سمعت بحياتي.......
17-10-2011 08:53 AM
ولاء تحسين
بسم الله الذي لا يضر مع اسمه شيئ في الارض ولا في السماء انا لا اعرف لماذا هذه الهجمة على رئيس الوزراء انه رجل يعمل بجد ونشاط ولا يتوانى عن العمل ان جلالة الملك حفظه الله ورعاه اختاره وهو يعرف جيدا من يختار وارجو من الله ان يكون الرئيس رجل الحكومة التي سوف تخرجنا من الازمة الاقتصادية لا اعرف هل يجب ان يغير كل رئيس وزراء من فترة الى اخرى هل هذا صحيح طبعا لا ان الرجل الصحيح هو الذي يثبت بوجه التحديات ويعمل من اجل الوطن ويصمد ويتحمل وارجو من الله ان يوفقه في عمله في ضل صاحب الجلالة الهاشمية الملك عبد الله ابن الحسين وحما الله الاردن من اي مكروه وحماه من الحمقى الذين لا يردون الا انفسهم
17-10-2011 11:36 AM
على البراهمه
أولا أن مش مع الحكومة حتى لا تفسر كلماتي بطريقة مغلوطة. أعتقد وأجزم أن الأردن لا يملك من الإمكانات والموارد التي تؤهله للتغيير المفاجىء، وعليه على المعارضة أياً كانت أن تعطي فرصة للحكومة الجديدة لطرح برامج محددة للوصول لأهداف محددة وبإطار زمني مقبول للجميع وعلى أساس ذلك تتم المحاسبة والتقييم، ولا يجوز إصدار الأحكام مسبقا تحت أي مسمى كان. من الناحية الدينينة قد يكون الشخص عاصي أو كافر أو شو ما كان وفي لحظة معينة يعود إلى الصواب وهنا لا يجوز أن نقول له أن التوبة ممنوعة بسبب ماضيك. وفي النهاية أنا مع التغيير والإنجاز الحقيقي لمصلحة الشعب بغض النظر عن الجهة القائمة عليه وليس مع المعارضة أيا كانت التي لاتطرح بدائل مقنعة للشعب، فمثلا أمنيتي أن أرى معارضا يطرح برنامج لمدة 5 سنوات على سبيل المثال لتخفيض المديونية وبالأرقام .... لا الحكومة ولا المعارضة تملك القدرة والأدوات .... شو الحل؟؟؟؟؟ نرحل!!

وشكرا اخي الكاتب المحترم
17-10-2011 11:38 AM
مواطن
............
رد من المحرر:
نعتذر......
17-10-2011 11:38 AM
مبيضين
ربنا قادر القصة مو قصة ..ولا ... القصة انها الساعة قربت وما النا غير الاتجاه لرب العالمين ونحاول نكفر عن ذذنوبنا يعني احنا رح نوخذ الحكومة معنا عالقبر لأ طبعا فلننظر في عملنا الصالح وخلي الحكومة لاهلها واصحابها.والله مين ما استلمها لاحدا داري عنا ولا سائل في احوالنا.فليش تغلبوا حلكو وتعترضوا حطو روسكو بين هالروس وقولوا يا قطاع الروس.
17-10-2011 11:39 AM
غالب الحجايا

اولا الشكر الجزيل الى الاستاذ زيد

ولكن ماذا يريد الاخوان المسلمين من الامه العربيه ؟؟ في فلسطين افتروا و..نوا واف.. وف.. عبر وكيلتهم حماس 0 وفي مصر ها هم يخربون بالبيت ويحرقون اعمدته تحت حجة التغيير ؟؟ وفي الكويت لا تجلس الحكومه شهر والا وطالبوا بتغيير الحكومه ؟؟ وفي اليمن يخربون البيت ويف.. من الداخل ؟؟ اقترح ان تقوم الحوكمات العربيه باغلاق مقرات هذا الحزب المخرب ؟؟ وليحفظ الله بلادنا وامتنا جميعها من خطر الانقسام والف.. التي تعتبر فيها الجزيره القطريه وحزب الاخوان المسلمين وحركة حماس اعدمدة هذه ا.. وال. وتخريب الو..

حقيقة اني متفاجى بما صدر عن الحزب هذا الاردن للاردنيان ذو تركيبة عشائرية مميزة جدا لهذا حق الاعتراض غير مقبول من جبهة العمل ونقطة اخرى دعو مجال حتى تروى انجاز هذا الحكومة او حتى من هم وزراء هذا الحكومة شكرا انا لكل اردني يعشق هذا البلاد بكل ما فيها اردني الغالي سمح الله من اجرم بحقق والشكر
17-10-2011 11:40 AM
على ابو سيف
مين هو الشخصية المقبولة بحسب رأيكم لتشكيل الحكومة ......الذي حرق لعلم الاردني ولا مين ؟؟؟؟؟؟؟؟؟؟؟؟؟؟؟؟؟؟؟؟؟؟؟؟ هؤلاء الشخصيات لا يمثلون سوى انفسهم
17-10-2011 11:41 AM
فؤاد العزب
انتو الاسلاميين اصحاب ...... اللي مش عاجبكم مش الشعب الاردني اصلا ما انتو ما بتمثلو واحد بالميه من الشعب .......... اصحاب ........ بتضحكو فيها علينا ..... الله يديملنا ابو حسين وينصره على المنافقين يا الله ..... وانا بطلب من كل اردني واردنيه وبحب تراب الوطن ما يسمح لواحد بسمي حاله اسلامي يطاول على مين ما كان ملكنا وتاج راسنا حط ثقته فيه واحنا كلنا عبدالله وكلنا الاردن ........
17-10-2011 11:42 AM
عبدالله عبيدات
...............
رد من المحرر:
نعتذر.......
17-10-2011 11:44 AM
فارس بني عياد
والله يازيد لو اطلقت النار على جماعة الإخوان وقلت سبحان الحكومة وبحمدها ماصرت وزير ولا حتى محافظ فأحبب حبيبك هونا ما وأبغض بغيضك هونا ما!
17-10-2011 12:13 PM
محمد احمد المحارمة
والله نص هالعالم شاطره بالحكي والفلسفة والاخ زيد بحكي صح .. احنا دولة فقيرة الموارد والمصادر بكفي عندنا امن والعيشة مستورة القناعة في ظل الوضع الراهن في العالم ككل لازم تكون موجوده بأنفسنا بكفي فلسفة وحكي فاضي وفساد وما فساد وغير حكومة ورجع حكومة يلي مش عاجبيتو هالبلد يقلب وجهو بكفيش اهلها اشراف وبتنام مرتاح وكل واحد ماخذ حقوقو زي غيرو الله يحمي هالبلد وقائدها من كل شر كيف لو عايش بحرب ومجازر هل بتنفعك الرخاء والرفاهية بدون راحة بال .
17-10-2011 12:22 PM
خبير بخفايا الأمور
...............
رد من المحرر:
نعتذر......
17-10-2011 12:38 PM
عبد الله عبيدات
............
رد من المحرر:
ارجو اعادة ارسال التعليق مرة اخرى لحدوث خطأ وشكرا لك
17-10-2011 01:20 PM
شكرا استاذ زيد المحارمه
والله يا جماعة الخير المشكلة إننا بالأردن مش عارفين مين الكويس ومسن اللي مش كويس لحد الآن ... يا عالم الجديد شو بفرق عن القديم ... والبخيت شكل الحكومة قبل هيك .. لكن شو عمل غير الفساد والمحسوبية .. والا عشان هذا الحكي صدر من الإخوان ما بدكوا إياه ... أنا بقول نفكركويس بالبلد وبخير البلد بلاش مظل ماكلين هوا و متخردقين .. يا عالم بدنا ناس يتقوا الله في هالشعب اللي مش ملاقي يوكل ... وربنا يجيب اللي فيه الخير
17-10-2011 01:21 PM
الكاتب المبدع المميّز الجريء المتألق
هذا ليس وقت المجاملات فأصحاب القرار الان بأشد الحاجة الى النصائح. الان لاتنفع المداهنات فقط يبنى عليها قرارات مصيرية و الواقع مختلف. و اعلم أن الولاء الحقيقي والصادق لا يعني الموافقة الدائمة والتأييد الدائم , ففي كثير من الأحيان يكون الاختلاف في الرأي أكثر إخلاصا, والمعارضة اشد ولاء, فالموافقة الدائمة والتأييد الدائم من سمات النفاق.
17-10-2011 03:39 PM
الى فارس بني عياد من قراية الكاتب
يلم ثمك
هاد افضل تعليق
جد خليه يريح جواده ويحبب حبيبه هونا
17-10-2011 11:18 PM
احمد الازايده
محروق قلبلك على الحكومه وما انت محروق على مؤسسات الدوله ....وشعب ياكل خبز وشاي خاف ليلة شتوه
18-10-2011 09:58 AM
الى 47 من فارس بني عياد
............
رد من المحرر:
نعتذر....
18-10-2011 12:41 PM
احمد ابو بيدر

احنا بنشوف انه تغير حكومه البخيت الان وتعين الخصاونه هو مفتاح لنزع فتيل الازمه بين الناس والدوله ونطالب بان تكون هذه الحكومه شفافه مع الناس
وشكرا الك اخي زيد
18-10-2011 01:55 PM
صفوق فنطول
الكاتب الكريم
ما زال القعده عبلاطه
انا بعرف بليط شاطر
18-10-2011 02:18 PM
إلى الكاتب
من هي بلاطة ومن أي عشيرة ؟
إن شاء الله ما هي من عشيرة .......؟
ياريت تشرح ليش بدك تستغيبها؟

هل غيرت رأيك بعد تكليف ......؟
19-10-2011 12:21 AM
البحث عن الأفضل دائما هو الحل
أستطاعت كثير من الدول الى تغيير شامل من خلال الأنتقال من مرحلة التنظير الى مرحلة العمل والأنجاز وهنا لا بد من التذكير بمعجزة مهاتير محمد في ماليزيا شخص واحد فقط استطاع خلال فترة زمنية قصيرة من ان ينقل ماليزيا من دولة فقيرة تعيش على مساعدات الدول المحيطة مثل اليابان والصين الى دولة متقدمة جدا وعصرية وتنافس اليابان في الصناعات

يجب ان نتعلم معنى المواطنة والولاء الصادق للوطن وهذا لن يحصل من خلال الخطب الصماء او الأغاني الوطنية التي اصبحت تتجاوز الاغاني الوطنية للجميع دول العالم



الوطن بحاجة الى من يتقدم ليخدمه لا العكس مشكلة من يتقدم للمواقع يكون له في اغلب الاحيان اجندات خاصة تتقدم على اجندات الوطن

انا لا امانع اطلاقا" ان يكون المسؤل من الجن بس يكون منتمي ومنصف وعادل ويعمل لمصلحة الوطن وأعارض بشدة لو كان أخي ويتكلم اكثر مما يعمل

الوطن بحاجة للصدق والأخلاص والانتماء الصادق فقط واكثر ما يشد اشمئزازي من يتكلم بالوطنية وترى اعماله التي تدمر الوطن

الكلام ليس هو المقياس بل العمل المخلص
19-10-2011 11:43 AM
عبدالسلام
الله يهنيك بهالنعمه......
19-10-2011 03:19 PM
قرابة الكاتب ... الى فارس بنت عياد
بعتذر
التعليق محتواه
يسلم ثمك مش يلم ثمك وال س سقطت سهوا
وهاد كان نزل فينا نح عشان كان بدو يترشح ولما ترشح بطل يكتب قام الكل اعترض عليه رجع فاع علينا شكلو معتقد انه ممكن يستلم حقيبة وزارية
وانا اعتقد انه افضل منصب ممكن يوصله................. يفوت علامكتب الصبح وينزل فيه مدح قبل اي ظهور عشان يرفع معنوياته..
ومبروك لدولة عون الخصاونة المنصب.. ورح نلحظ تغيير الموجة في الايام القادمة
19-10-2011 10:26 PM
عقلي اكبر من عقلك
اسمع علي جاي بدك تحكي على بلاطة احكي عنها لحالك.. لانه انا ما بحب احكي على بنات الناس
19-10-2011 10:27 PM
اشي.......
بدناش نحكي بالافكار ............
20-10-2011 11:56 AM

أكتب تعليقا

تنويه :
تتم مراجعة كافة التعليقات ،وتنشر في حال الموافقة عليها فقط.
ويحتفظ موقع وكالة جراسا الاخبارية بحق حذف أي تعليق في أي وقت ،ولأي سبب كان،ولن ينشر أي تعليق يتضمن اساءة أوخروجا عن الموضوع المطروح ،او ان يتضمن اسماء اية شخصيات او يتناول اثارة للنعرات الطائفية والمذهبية او العنصرية آملين التقيد بمستوى راقي بالتعليقات حيث انها تعبر عن مدى تقدم وثقافة زوار موقع وكالة جراسا الاخبارية علما ان التعليقات تعبر عن أصحابها فقط ولا تعبر عن رأي الموقع والقائمين عليه.

- يمكنك تسجيل اسمك المستعار الخاص بك لإستخدامه في تعليقاتك داخل الموقع
الاسم :
البريد الالكتروني :
اظهار البريد الالكتروني
التعليق :
رمز التحقق : تحديث الرمز
أكتب الرمز :

إقرأ أيضاً

رياضة وشباب

محليات