اختي مشكلتي
جراسا - مشكلتي اختي الكبيرة ماضيها معي اسود وذكرياتها بتجيب الهم فهي طول تواجدها معي في البيت لم تحسسني بيوم من الايام بحبها لي واحترامها لي بالعكس دائما تحب تهميشي لااحترام لاحب فانا اختها الصغيره وكاني بنظرها اكبر بتحسس مني باي كلمه وان كنت انا على حق تخطئني اذا اشتكيت لها من سوء معاملة احدهم لي ودائما انا المخطئه المتعديه بنظرها وان كان الطرف الاخر هو المخطئ فهي تنتقدني لاي تصرف وان كان صحيح تحب زوجات اخوتي واخواتي وعماتي وخالاتي وكل الناس اكثر مني وصارحتها بهذا الموضوع اكثر من مرة ودائما بتنكر وبترجع تتصرف متل الاول حتى صرت اشعر انها مبسوطة كل ما احكيلها انها ازعجتني وبتنبسط لما امي او ابي يبهدلني وبتصير تتوددلهم اكتر وهم معصبين مني وبتدايق لما بشتري اواعي او موبايل او حكيت مع صاحباتي وبتحب اضلني محبوسة بالغرفة لحالي نفسها يكونو ابي وامي واخواننا الها لحالها وانا ما حدا يحكي معي وبصراحه كراهيتها في قلبي تزداد مع الايام فانا لااحمل لها اي مشاعر حتى اني صرت اكره وجودها في البيت وبتنرفز من سماع صوتها
علما بانها اكبر مني بعشر سنين وانا عمري 24
مشكلتي اختي الكبيرة ماضيها معي اسود وذكرياتها بتجيب الهم فهي طول تواجدها معي في البيت لم تحسسني بيوم من الايام بحبها لي واحترامها لي بالعكس دائما تحب تهميشي لااحترام لاحب فانا اختها الصغيره وكاني بنظرها اكبر بتحسس مني باي كلمه وان كنت انا على حق تخطئني اذا اشتكيت لها من سوء معاملة احدهم لي ودائما انا المخطئه المتعديه بنظرها وان كان الطرف الاخر هو المخطئ فهي تنتقدني لاي تصرف وان كان صحيح تحب زوجات اخوتي واخواتي وعماتي وخالاتي وكل الناس اكثر مني وصارحتها بهذا الموضوع اكثر من مرة ودائما بتنكر وبترجع تتصرف متل الاول حتى صرت اشعر انها مبسوطة كل ما احكيلها انها ازعجتني وبتنبسط لما امي او ابي يبهدلني وبتصير تتوددلهم اكتر وهم معصبين مني وبتدايق لما بشتري اواعي او موبايل او حكيت مع صاحباتي وبتحب اضلني محبوسة بالغرفة لحالي نفسها يكونو ابي وامي واخواننا الها لحالها وانا ما حدا يحكي معي وبصراحه كراهيتها في قلبي تزداد مع الايام فانا لااحمل لها اي مشاعر حتى اني صرت اكره وجودها في البيت وبتنرفز من سماع صوتها
علما بانها اكبر مني بعشر سنين وانا عمري 24
تعليقات القراء
بس كوني ببيت جوي و خفت ياراتي فتعاملها معي و مع صغاري صار احسن والحمد لله
في الحالة الاولى , يجب عليك ان تتحملي اختك , بغض النظر عن مدى قسوتها عليك , عندها ستلتمسي لها الاعذار اذا فهمت نفسيتها المضغوطة والمكبوتة , ذلك بوضع نفسك بمحلها وتخيل الموقف من زاويتها ( فكري بذلك بتعمق ) .
اما الحالة الثانية , فاسمحيلي اختك تخاف عليك وتحبك ومن حبها لك تقسو !!!
ممكن من تجارب معينة قد مرت بها !! او من مسلكيات عندك لا تعجبها , فتصبح تعمم الاحكام سواء كنت على صواب او على خطأ !!!
فبعض الناس يعبروا عن حبهم لمن يهمهم امرهم بالقسوة ( خصوصاً الاباء والاخوان الكبار ) .
بكلا الحالتين يجب عليك اختي الكريمة مناقشة اختك بما يختلج صدرك من ضيق معاملتها لك , طبعاً الاسلوب يجب ان يكون لطيف وراقي , وتذكري انها الاكبر والاجدر بالاحترام .
الله يخفف عنك ويهدي النفوس ان شاء الله .
انتهى هذا افضل حل
يعني متعقدة؟؟؟؟؟؟؟؟؟؟؟؟؟؟؟؟
يعني عشانها اكبر منك وربنا ما اراد
ونصيبها ما اجي وقطارها فات وراحت عليها تدق فيكي
هسى بدي اهوي لا اختك
يعني انت كمان يا صاحبة المشكلة راعي ظروف اختك وفكر ي شو شو بتحس وخاصة وانتي 24 اكيد بيجوكي عرسان
وهي لاء فهون بتصير الفجوة بينكو كبيرة لانك بتزكريها انو سلامتك وتعيشي راحت عليكي
ازا ما دقت فيكي فمين تدق يعني في بنت الجيران مثلا
جد بحكي معظم نساء الارض بعد سن الثلاثين بيحاولو يثبتو للكل انهم لسى العين عليهم وانهم محبوبين ومرغوبين فمن الكل وبالاخص الجنس الاخر
حلو الكلام لهون
وين سرسري احكي لاختك عنو هو منيح
وطلبو موجود عند اختك يعني بدور ع بنت حلال مش معقدة ابدا ابدا
بالرفاه والبنين سري
مين اللي قال انها القصه مربوطه بالعمر
مين اللي قال انها مربوطه بالجمال
مين اللي قال انها مربوطه بالعلم او الشهاده
مين اللي قال انها مربوطه بالعيله المعروفه او الكبيره
اه مين اللي قال
قصة الزواج مربوطه بارادة الله
مربوطه بقدر الله
مربوطه بنصيب الله لكل انسان
فااا ما وحده تقول لاني صغيره والعين علي رايحه اتجوز قبل الكبيره او البشعه او غيره
اقولك على نفسيتك المحمضه وعلى نيتك السيئه ربنا سبحانه وتعالى غير يجوزها قبلك
ويبعثلها نصيب يفلجك ويشلك
لانه نيتك سيئه تجاهها وبتتعاملي معها على انها عدوتك مش اختك
الله كبير وبقولوا الله ما بضرب بحجار
لا الله بضرب بحجار وبعاقب اللي بستاهل العقاب بعقاب بتناسب معه
صفي نيتك تجاه اختك الله بوفقك .
اللي بعده
ادعي الله يفرج عليها ويبعتلها ابن الحلال الي بسر خاطرها يارب
وانتي كمان الله يستر عليكي ويبعتلك ابن الحلال الي يسر خاطرك
استعيني بالصبر والدعاء
انا اصغر وحده بين خواتي ويمكن اكون محسوبه على الجميلات اختي اللي اكبر مني كان عمرها 35 سنه لما اتزوجت وانا اصغر منها ب 8 سنوات ::::::::::
وتزوجت رجل اللهم صلي على النبي
هلأ انا عمري 38 سنه وما اتزوجت
والامور ماشيه معي ومع ابوي وامي واخواني وخواتي بحب الجميع والجميع بحبني :::::::::::::
مصارين البطن بتتخانق
والدم ما بيصير مي والاخت ستر وغطا صلي على النبي الاخت بتسترك لو لا سمح الله صار معك اشي .
فعلا انك .... عيب عليك ......
مع احترامي الشديد لالك
مهما البنت تكون كبيره و الها خوات اكبر منها و الاخت الكبيره تنصح يلي اصغر منها هادا ما بيعني انها شايفه حالها بالعكس بتكون خايفه على مصلحتك
وعندي احساس اكبر انك هي اختي
وانا بتمنالها تتزوج اليوم قبل بكره مشان تحل عني وتلتهي
انا ليش يدعي علي هيك
يا حلو انت
انا بنت عمري 22 سنة خلصت كلية واهلي رافضيين تماما اني اشتغل والي سنتين قاعده بالبيت حاسة حالي رح انخنق مش عارفه شو اعمل الملل رح يقتلني عندي وقت فراغ كبيير
وكل ما احكي الحمدلله شكلها رح تفرج بترد بتسكر الدنيا بوحهي ولله اني تعبت من كتر البكى وبدعي ربي ليل ونهار ليفرج همي وينفس كربيتي وما نزل بي من حيرتي
بليييييز الي عندو شي ممكن اشغل وقتي فية يحكيلي بس ما يكون هاد الشى بدو طلعة من البيت لأن هاد الشي من المحرمات عند اهلي
يا بنت الحلال بهدله وشحططه وشنططه ومواصلات ولبس وكنادر وشناتي ومكياج وزناخة موظفين مصقعين بحاولوا يخففوا دم !!!!!!!!!
اتعلمي في البيت خياطه او رسم او اتعلمي لغه على النت اقرأي فوتي منتديات فيها هوايات مفيده منتديات محترمه
قوي صلتك برب العالمين اقراي قران احفظي قرآن يا بنت الحلال ما تدري يمكن الله يبعتلك الزوج الصالح وتلتهي ببيتك وفيه وبأولادك
اللي بدها تملي وقت فراغها بتلاقي
على ايش البكا يعني وظيفة رئيس وزرا بانتظارك وبدها تروح عليكي ؟؟
كلها كم ملطوش بتاخديهم وما بكفوكي صرف على حالك .
أسأليني انا ما فيه مع الصاحبات شو أخوات اكتر جربي وشوفي ما تعامليها طنشيها انتي عمرك 24 مش صغيره يعني أكيد بتشتغلي او بتدرسي او حتى تطلعي انسيها عامليها على كأنها شخص عادي مجرد شخص موجود معي بالبيت مش أ:تر وشوفي بعدين شو بصير اوك
كلامهم عقيم ؟؟؟؟؟؟؟؟؟؟؟؟؟؟
يعني اللي بده ينصح نصيحه بنصح نصيحة خير او ما ينصح ؟؟؟؟؟؟؟؟؟؟؟؟
المفروض انه الاخوه تكون علاقتهم جيده
يحاولوا انهم يقربوا من بعض
الاخوه رحم يعني الواحد بصل ارحامه البعاد ومستكتر يصل رحمه القريب
ابوه وأمه واخته واحوه
بدال ما تقولولها قربي من اختك
افهمي اختك
اقعدي مع اختك لاقوا اشياء مشتركه مع بعض
لا وخدلك هاي اللؤلؤه بتقلها انسها ولكأنها شخص عادي وصاحباتك يكونوا اهم منها
يعني هاد حكي عقال
حكي مسلمين
يا ناس شو صاير فيكم صاروا الاخوات والاخوان اشي ثانوي وبمكن تستغني عنه وترميه برجلك يا حسافه بس.
درسي اطفال في البيت !! اذا عندك جلد وصبر عليهم , مراحل دنيا طبعاً لانهم سهل السيطرة والتحكم بسلوكهم لكي لا يزعجوا اهل البيت - خصصي غرفة لهذا الغرض - واذا كانت امكانياتك جيدةجداً , اعملي عن طريق النت .
الله يوفقك ويفك خنقتك !!!!!
بس صاحبيت المشكله بدها انو الناس يحكو على اختها
بعدين كل المشاكل هيك واحد بشكي من امه و واحد من مرته و واحد من اهله كلهم...كل المشاكل اللي قرأتها هون هيك
وقفت على مشكلتي
العفو خيو , مقصرين !!!
ههههههههههههه
و كل وحدة دافعت عن الاخت اشك انها معنسة
على كل الانترنت في مجال للتعارف بس كوني حذره في التعامل معه
مو العصر اللي بيحكمنا الدين هو الحكم بعدين اللي اله نصيب بشي بيوخده لو شو ماكان ولو كان عايش بقبو ومسكر عليه...بعدين شو عيشي لحالك (لانه احنا بكندا)واحنا مش عارفين اتقي الله بكلامك واعرف انك محاسب عليه
بس ....
ليش انت يا رقم 13 كتير منفعل ؟؟؟؟
اعصابك يا اخي / تي
عنجد غريب
لا تعتبن على غدر الزمان لطالما تراقصت على جثث الأسود كلاب ....... عادي كتير ما تخافي في زيك كتير
لايجوز على الانسان ان يحكم على شخص قبل ان يسمع منه ماهي مشكلة الطرف الثاني ربما انت تكون الخوف الزائد عليكي والنتيجة حرص زائد ثم تتحول الى خلافات شخصية بينكما حسب تفكير كل منكم النصيحة مراجعة كل منكم نفسه وتوضيح النوايا الحسنة .ممكن انت تكون محبة زائدة من اختك .
ازا مو متزوجة فاكيد بتكون غيرانة انك اصغر منها وانك رح تتزوجي وهي مو متزوجة فالغيره هي السبب المنطقي لا غير
أكتب تعليقا
تنويه :
تتم مراجعة كافة التعليقات ،وتنشر في حال الموافقة عليها فقط.
ويحتفظ موقع وكالة جراسا الاخبارية بحق حذف أي تعليق في أي وقت ،ولأي سبب كان،ولن ينشر أي تعليق يتضمن اساءة أوخروجا عن الموضوع المطروح ،او ان يتضمن اسماء اية شخصيات او يتناول اثارة للنعرات الطائفية والمذهبية او العنصرية آملين التقيد بمستوى راقي بالتعليقات حيث انها تعبر عن مدى تقدم وثقافة زوار موقع وكالة جراسا الاخبارية علما ان التعليقات تعبر عن أصحابها فقط ولا تعبر عن رأي الموقع والقائمين عليه. - يمكنك تسجيل اسمك المستعار الخاص بك لإستخدامه في تعليقاتك داخل الموقع |
|
الاسم : | |
البريد الالكتروني : | |
التعليق : | |
شكلك انتي اللي مش محبوبه والك تصرفات ناقصه
واختك عاقله وانتي بنص عقل
وهي حلوه وانتي بتغاري منها
ومخها كبير وانتي شعنونه ورعنا
صلحي حالك يعني انتي مش زغيره
24 سنه بتكوني خلصتي جامعه وبتشتغلي
المشكله فيكي مش فيها يا مكيوده