شو نعملك يعني إلي من إيدو الله يزيدو

شوفي حبيبتي :
الله يكون بعونك لاني انا جربت هاد الوضع عشت مع حماتي سنتين وكان زوجي الاصغر وكان النية اضل على طول بس انا كنت فاهمه غير هيك انه وضع مؤقت ولما الاحوال المادية تتحسن بنطلع وانصدمت بالحقيقة طبعا لكن بعد فوات الاوان
عزيزتي
الحمدلله زوجي كان صافف معي وهوه كمان ماكان مرتاح بعدم استقلاليتنا وهاي نقطة مهمه بالرغم من انه حماتي روووووعه واحسن من هيك معامله ما فيه بس سبحان الله الانسان بحب الاستقلالية والكنه اللي ببيت الحما العتب عليها كبيييييييير
وما بدي اطول عليك ضلينا تقريبا سنه نحكي بالموضوع بس بالتدريج وبالبدايه كانت صدمه على الكل بس بالنهاية الكل بتقبل
عندك اكتر من حل
مثلا :
اذا بيت حماكي ملك ابني فوقهم
او اذا ايجار استاجري قريب منهم بس اوووووعي تطلعي بزعل او يصدر منك اشي غلط لانه بيت الحمى ما بغفروا زلة الكنه وادعي الله ليل ونهار والله ما رح يضيعك
اشرحي اكتر عن وضعك لمساعده افضل
يعني مين ساكن معكم كمان ؟وشو طبيعة مشاكلكم؟ وشو راي زوجك بالموضوع؟ وهيك

انازوجي والحمد لله فاهم علي وهو بدو يطلع اناساكنه مع امه وابه واخواته البنات تنتين بلأجار الحمد لله مافي حدا بدخل فينا من مره بس انامش مرتاحه يعني نفسي اطبخ الي بدي ياه نفسي اعزم اهلي وخواتي عندي بلبيت نفسي استقل اعمل الي بدي ياه والبس الي بدي ياه.فتحنا الموضوع معهم صح كانت صدمه بس امه كتير كانت قاسيه بردت فعلها ولقينا دار بنفس الشارع بس مارضيت وحكت إذا طلعتو رح تغضب عليه وتتبرا منو مش عارفه شو بدي اعمل والله ماحسيت حالي عروس ولا حسيت حالي تجوزت وخايفه احكي لأهلي لإنهم حاكولي مارح ترتاحي بس انا من هبلي وافقت شواعمل مش قادره اتحمل اكتر من هيك

الله يعين الناس على مشاكلها اختي هو النصيب يمكن نصيبك مش مع هذول العرسان اصبري رح يجي نصيبك اكيد طالما ربا معنا

لصاحبة المشكله

اذا عارفات انكم بدكم تسكنوا عند بيت الاحما ليش بترضوا من الأول

ولا بدكم بس تتجوزوا وتنصمدوا

يعني من الخطبه وانتي عارفه هاد الكلام ليش قبلتي وليش اهلك قبلوا

اللي اول شرط اخره سلامه

والله ما بعرف كيف بتفكروا وكيف بتختاروا شحاد وبشرط اضحكي بعبك انه اتجوزتي .

قال بدي البس اللي بدي ياه اللي بسمعك بفكر المتجوزات بالبيوت لابسات فساتين السهره لانهم عارضات ازياء وقاعدات بستنوا ازواجهم
ولا اللي بسمعك بفكر انه الوحده في بيتها قاعده دايره بالزلط وسكنها مع اهل زوجها منعها من هيك متعه ؟

اهمدي يا وليه اهمدي لاقيه بيت يطبخوا وينفخوا ويننضفوا عنك وانتي حاطه رجل على رجل ومش عاجبك .

حبيبتي :
وانا يقرا حاسه انني بقرا اشي انا كاتبته وانا حاسه فيكي وبصراحه اكبر (قلبتي علي المواجع وذكرتيني باللي مضى )
الحمدلله على كل حال
انا لما طلعت الكل زعل مو بس حماتي
يعني اللي اله دخل واللي ماله دخل صار ينظّر علينا بس ما تهتمي والله اني لما طلعت رجعت تاني يوم عند حماتي وبوست رجليها عشان ما تزعل وكانت تصدني وتبعدني عنها وانا ما اهتميت
ضليت رايحه راجعه وكنت انام عندها انا وزوجي وشوي شوي الامور عدت والحمدلله الحل انك تستعيني بحدا تامنيله وتشرحيله شعورك وان شاء الله الله بيفرجها بس لا تضيعي البيت اللي لقيتيه روحي استاجريه لو بدون علمهم وافرشيه اول باول
وصدقيني انط رح تطلعي من بيت حماكي اشي اكيد
وساعتها رح تشعري بجمال الاستقلالية وجمال البيت حتى لو كان غرفة وحدة ومنافعها قوي قلبك وتوكلي على الله
بس برجع بأكدلك دوسي اضغطي على حالك شوي وتقربي من حماتك حتى لو صدتك
واحكيلها نفسي يكون الي بيت زي كل الناس ونفسي اطبخ وارتب واعمل لحالي ومن هالحكي

عندما لا ينفع الندم !!!

حاولي مع حماتك بالاسلوب الماكر ،، يعني اضحكي عليها بالكلام الحلو

الى ام العيال..
بشكرك عكلامك وانا حكيت مع حماتي وقلتلها مش مرتاحه طبعا ماعجبها الحكي وصارت تحكي اني بطلع عناس وهي حرام حكتلي اطبخي الي بدك ياه واعملي فلبيت الي بدك ياه بس انا مابدي بدي بيت لحالي مافهمت علي وهلأ من رمضان وانا مابحكي معها بطبخ الطبخه وبفوت علغرفه لبيل مايروح زوجي وانامابدي هيك بدنا نكون حبايب بس علفاضي مافي امل . إنت مشكلتك غير إنت عندو أخوان اكبر بس انا وحيد يعني خلص حكم مؤبد والله اني خايفه احمل واجيب أولاد ويدخلو فتربيتهم معي

اختي العزيزة
بما ان زوجك متفهم المشكلة باذن الله محلولة !! واذا انت تحبين زوجك فالمشكلة اكيد ستحل باقل قدر ممكن من الزعل والغضب عليكك وعليه , اما بالنسبة لأهلك فالاهل حتى لو لاموك الآن - كونهم نصحوك من قبل - لكن لن يتخلوا عنك , الحل بكل بساطة باخبار ابيك او من ينوب عنه بهذه القصة , واشرحي له معاناتك واسبابها , وان شاء الله ينطرح الموضوع بجلسة ودية بين كباركما , للتوصل للحل الذي يرضيك ويرضيه .
غضب حماتك مبرر ( انت من وجهة نظرها اخذت ابنها منها ) هذه حماة !!! لكن غضبها لن يدوم خصوصاً عندما ترى ان ابنها يعيش كما يريد بسعادة , حتى لو استمر التعامل الجافي معك فترة من الزمن , لكنها في الاخير ستنساك ! عند رؤية اطفال ابنها ( اطفالك ) يزورونها بين الحين والآخر .
الله يوفقك وترتاحين نفسياً ويطعمك الذرية الصالحة .

** ملاحظة :
لا تدخلي اكثر من طرف ( من جهتك ) في هذه المشكلة لانها ستتعقد حينها !!!!!

الى صاحبة المشكلة ....طيب اذا وحيد وين المشكلة؟؟ طبعا اكيد كل وحدة بتحب الاسقرار ويكون الها بيت لحالها بس تخيلي انك عشتي لحالك وبعد فترة اضطرت امه او ابوه او الاتنين يسكنو عند ابنهم ساعتها بكون نفس الشي...وانا مع ام لعيال بحكيها انو مبدئيا ارضي بالوضع كونككنتي عارفيته من الاول لحد مات ربنا يفرجها ومستحييييل تضلك للابد في بيت حماكي والا ما ربنا يفرجها ...اهم شي ضلكم محتفظة باحترام حماتك ...لانك بتحكي انو وحيد ولسة مو متعودة يكون ابنها بعيد عنها....وبحب احكيلك انو مو ضروري الاهل يعرفوا واللي عملتيه زين العقل لانو سرك لازم يكون ببيتك وما يدخل طرف ثالث منشان ما تتعقد الامور......تحياتي الك وموفقة بحياتك....

عزيزتي:
لا تحكي لحماتك مش مرتاحة بل استبدلي الكلام احكيلها والله امنيتي يكون عندي بيت وهيك
واكبر خطا انه تقاطعيها وانتي في بيتها
لا
رح تحكي لحالها اذا وهيه عندي هيك بتعمل لعاد بكره شو رح تسوي؟؟؟
بالعكس
استني فرصه تكونوا لوحدكم بالبيت واقعدي معها واحكيلها انتي متل امي وبحبك كتير بس حطي حالك محلي
او احكي للبنات
حطوا حالكوا محلي انا صحيح بالاول وافقت وعارفه اني داخله على بيت حمى بس ما كنت متوقعه انه الامر صعب لهلدرجة ومن هالحكي بس باسلوب مريح

كلنا من عاني من نفس المشكله

اسمعي ياعزيزتي ببداية الزواج لازم يكون في شوية مناوشات لانه لسه مابتعرفو بعض منيح ومابتعرفي اهله وطبايعهم بس اذا كان هو كيس بتهون المصيبه بدك تتحملي شوي لساتك باول الطريق وبالنسبه للرخيل حولي اقنعيه بطريقتك وانا براي ما بخب السكنه عند العيله الله يوفقك

سبحان الله و بحمده سبحان الله العظيم سبحان الله و بحمده سبحان الله العظيم سبحان الله و بحمده سبحان الله العظيم سبحان الله و بحمده سبحان الله العظيم سبحان الله و بحمده سبحان الله العظيم سبحان الله و بحمده سبحان الله العظيم سبحان الله و بحمده سبحان الله العظيم سبحان الله و بحمده سبحان الله العظيم سبحان الله و بحمده سبحان الله العظيم سبحان الله و بحمده سبحان الله العظيم سبحان الله و بحمده سبحان الله العظيم سبحان الله و بحمده سبحان الله العظيم سبحان الله و بحمده سبحان الله العظيم سبحان الله و بحمده سبحان الله العظيم سبحان الله و بحمده سبحان الله العظيم سبحان الله و بحمده سبحان الله العظيم سبحان الله و بحمده سبحان الله العظيم

برجع باكد عليكي انك لا تضيعي البيت واستأجريه وبالجازات روحي انتي وزوجك على اسا طالعين مشوار واقضوا النهار فيه وهيك
ومع الوقت بتفرشوه وبتحكوا لحماتك عن اللي صار
ومو يعني انه ابنها الوحيد يعني لازم يلزق معها بنفس البيت لا مو شرط
وبعدين لو كنتي مع حماتك لوحدكم لكان الوضع مختلف
اشرحي لحماتك هالشي فيه عيله كامله بالبيت والله حرام

ومرة تانية باكدلك انهم رح يزعلوا وبجوز يقاطعوكم فترة اشهر ويمكن اكتر بس لا يصح الا الصحيح والامور رح ترجع للوضع اللي لازم تكون عليه
قوي قلبك!!!

الى ام العيال
إنت بتحكي بإشي مستحيل حماتي مارح ترضا ومانفع معها الكلام الحلو ولانفع معها إشي عشان هيك قررت اضلني ساكته وماأحكي معها وحكتلها إني رح اموت وأنخنق إدا ضليتني هون بس علفاضي حكتلي الي جابك بجيب غيرك .
وزوجي مش قابل نطلع إلا وهي راضيه علينا وهاد إشي مستحيل ساعدني إنتو شو عملتو بزبط كيف كان وضعك عندهم شو حكتولها كيف طلعتو

يا حبيبتي :
احنا عملنا زي ما هو مكتوب بتعليق 16
استاجري بيت اي بيت باي مكان ولو صغير
بدوووووون علمهم واقنعي زوجك انكم رح تروحوا عليه كل كم يوم تغيرة جو يعني ولما يكون خلقك ضايق وهيك
يعني ياختي بالعربي جرة رجل لجوزك
وتاكدي انه زوجك نفسو يكون الو بيت متلم ويمكن اكتر بس الزلمه بضل شعوره مخفي وما بحب يصرح فيه
المهم بالاول جري رجله يستأجرك بيت وافرشيه اول باول لو مرة كرسي ومرة فرشه وصحن وهيييييك
ومع الوقت رح يشعر انه فعلا البيت كنز ولازم يحصل عليه
وبعد فترة شهرين تلات بتعلنوا عن وجود البيت ويمكن اكتر
والله يا عمري بالحكي المليح كلشي بصير
على فكرة
انا وانتي وكل ست مرت بوضعنا رح تشعر بحلاوة انه يكون الها بيت واستقلالية ورح تبدع فيه اكتر من وحده فاتت من اول حياتها ببيت مستقل
وبشريني شو بصير ؟
يمكن هاي الفكرة غريبه بس هاد حل كتييير حلو
ونصيحة بدي اخالف الاخ مخنوق اللي معلق فوق
لا تدخلي حدا من طرف اهلك بكره بصيروا يحكوا اهلها شدوا على ايدها ولعبوا بعقلها بالعكس احكيلهم اهلي رافضين الفكرة بس همه مو حاسين فييه ودوريلك على حدا بتوثقي فيه من طرف اهله
ولو كان بيقرب لحماتك احسن واحسن
وبالتوفيق
اي سؤال تاني ؟

بصراحه هلا الحل بايد زوجك هو لازم يتصر لازم يفكر بطريقه ماتزعل امه ومايخسرك واذا الك سلاف دخليهم بالموضوع

شو رايك نتواصل على الايميل؟

مشكلتك ما الها حل الا تضيفي اميلي الي .....

مشششش فارس احلامككك؟؟
و هو منييح؟؟
ليش شو فارس احلامك؟؟؟
عادي اتحملي نتيجة ما فعلتي
مشكلتك و دبري نفسك

الحل بسيط كلي تبن وارضي بالشي الي انتي وافقتي علية

الى صاحبة المشكلة وام العيال معا
انا رجل تزوجت وجلست مع اهلي 5 سنوات اساعدهم حتى اخواني كملو دراستهم وحصل مشاكل كثيره ولكن صبرنا والصبر مفتاح الفرج وعندما تحسنت الظروف سكنت لوحدي مع زوجتي واولادي والحمدلله طالما الزوج محترم معك ومتفهم الامر ما عليك الا الصبر بعدين 4 شهور مش كثير اصبري كمان بتكبري بعين زوجك ولا تتسرعي عشان المشاكل ما تزيد وتصير حتى مع زوجك بكره بس تخلفي لحاله رح يدور على بيت ولا تنسي انه الرجل ما ببيع اهله عشان زوجته اصبري وتحملي مع انه مطلبك شرع اللهم فرج كروب المسلمين ووسع عليهم

بلاش لما تستأجر البيت بالسر عن زوجها الزلمه ما يتحمل ويروح وهو مطلقها ساعتها عنوان الموضوع بيصير ( ام العيال خربت بيتي ) الشغله ما بدها الا صبر سنة زمان لا تستأجر بيوت لحالها وتعمله مفاجئات لسه البنت عروس 4ششهور مش كثير هي حاسة هيك عشان هي جديده عند الجماعه مع الوقت بتصير الحاة افضل وراح يصير عندها بيت مثلم يا ام العيال

اعطيني ايميلك خليني احكي معك

والله شكلك رجال من الاخر يا زوج ام ابو العيال

الصبر مفتاح الفرج .. اصبري واكيد رح تفرج .. لأنو في النهاية بتضل أمه ومش حلوة يزعلها وتغضب عليه .. بس أهم شيء إنك تكوني حاسة إنو زوجك بحبك وبحترمك رغم كل ذلك ساعتها بتهون

للأسف بما انك رضيتي بهيك من الاول ورضيتي بظروفه ... اذن لازم تستحمليه حتى يفرجها ربنا
بدك تستحملي وضعه
هو صح انه الافضل انه يطله من عند اهله
بس انتي رضيتي الاول انك تسكني مع اهله وبدك تستحملي عشان زوجك واهلك
مع خالص تحياتي

يا اختي من حق الزوجه ان يومن لها زوجها مسكن مستقل

بسم الله والصلاة والسلام على رسول الله ...انصحكي بان تفتحي اليوتيوب او موقع اسلام وي وتبحثي عن الرقية الشرعية استمعيها مرتين في اليوم لمدة اسبوع وسترين النتيجه

ردي على نصيحتي استمعي الى الرقية الشرعيه مرتين في اليوم لمدة اسبوع بس بدك تجاهدي نفسك في الاستماع واذا كنتي حامل لا تسمعيها ورح تشوفي النتيجه وراحت البال

وهي حرام حكتلي اطبخي الي بدك ياه واعملي فلبيت الي بدك ياه بس انا مابدي بدي بيت لحالي مافهمت علي وهلأ من رمضان وانا مابحكي معها بطبخ الطبخه وبفوت علغرفه لبيل مايروح زوجي >>>>> بعد هلحكي الله ليردك حماتك منيحه معك بوسي ايدك وجه وقفه لا تبعدي جوزك عن امه بما انو وحيدها ولي بدها الستيره بترضا بنصيبها بعدين لسا ما صارلك 4 اشهر وبلشتي قرقر هاد على السنه راح تخلعي جوزك اقعدي عاقله لأنو اذا صار اشي بينك وبين جوزك بكرا راح تبوري وانتي بدار اهلك اصبريلك سنتين زمن امه ما راح تعيش قد ما عاشت بعدين هوا جيل اليوم شو بعرف يطبخ غير الأندومي وجوز بيض فعلاً اهلك ما بلتامو فيكي

اولا ليس من الضروري ان الذي حصل معك ونجح يحصل مع غيرك كل حالة بتحكمها شروطها وثانيا الجراءة الموجودة عندك من الممكن انها تكون غير موجودة عند صاحبة المشكلة لذلك انا بنصح صاحبة المشكلة انها تعتبر سكنها عند حماتها اجر وثواب من الله وما تعتبره مشكله لانها على جميع الاحوال ما رح تطلع بالعكس بما انه وحيد لازم هيه تصر عليه البقاء علشان يدير باله على والديه الي ربوه وتعبوا عليه وهيه من اول شهور بدها تاخده منهم من اجل رغباتها بالطبيخ والامور الثانية حاولي تستفيدي من الوقت الي بتعيشيه معاهم منشان تقطفي ثمرته لما تكبري ويجيكي اولاد ان شاء الله ما بتخافي يطلعوا اولادك وحيدين فكري بهذا الشعور بس واسف اذا كنت اسأت بكلمة الى ام العيال او صاحبة المشكلة

يا زوجة الوحيد لوالديه بما انك عند حماتك كيف قاعده عالنت وبتشاركي الناس الاراء والنصائح مش خايفه واحد من العيله يشوفك.... وبعدين بتروحي تسكني عند ام العيال اللي مخها طابق مخك صاحبة الاراء الحليمه (استأجري بيت بدون ما يعرف )وشو هالعنوان عندما لا ينفع الندم لا تكبري الموضوع واصبري لان الصبر مفتاح الفرج

الحل هو الاسلام

حنا السكران ما بحب حكي النسوان انا حاسس انك بتهولي الامور زيادة وخاصة من خلال ردك على من نصحتك اذا كنت جادة تفاهمي مع زوجك وما حدا بيقطع راس حدا

الفتاة تريد ان تستولي على زوجها وكأن الاب والأم كان دورهم في الحياة ان يربو ويكبرو ويعلمو ويسلموه لصاحبة الصون والعفاف على طبق من فضه, فأين بر الوالدين, لماذا يا صاحبة المشكلة لا تتأقلمي مع الوضع الجديد وتجعلي من والدي زوجك والدان لك حتى يحكم الله بامره, فانت اليوم فانت اليوم زوجة وغداً ستكونين حماه وكما تدين تدان.

الحكي الصح انك تسمعي تعليق ام العيال هاد عين العقل والله يجزيكي كل خير

يا ساتر الكل بيهاجم بالمخلوقة صبركم عليها شوي

بعدين انا ما حكيت تستأجر بيت من ورا جوزها لاااااااا انا حكيت هيه وزوجها يستاجروا بيت ويفرشوه سوا
بعدين يا جماعه ما بيحس بهاي الشغلة بالزات اللي اللي جربها
عنجد انها صعبه كتير ووموديل ولى لانه مافيه حدا لسا بسكن عند بيت الحمى ولهيك اللي بتسكن عند بيت الحمى بتحسها صعبه والله انه اشي بيخنق

بعدين في حلقة مهمه بالموضوع وانه البيت ساكن فيه الاب والام والاخوان يعني الام مو لحالها اصلا لو كانت لحالها بكون الموضوع اختلف ومن الانسانيه انها تضل معها بما انو وحيدها والها الاجر

عزيزتي صاحبة المشكلة طمنينا عنك

براى اطلعي واسكني من حالك وعيشوا حياتكوا وامه ما بتقدر تزعل من ابنها على طووول العمر مشان هالسبب الا اذا ما الها قلب وبراى فيه مية طريقة وطريقة بتراضوها فيهاخاصة لما تجيبيلها حفيد امور بطلع شبها او حفيدة تسميها على اسمها بس انشاء الله اسمها حلو يكون

والله انا معك بكل حرف

يعني البنت عروس

بدها تحس انها عروس بدها تلبس تاخد راحتها في بيتها بدها تعمل كل شي لبيتها

اصلا هدف البنت من الزواج انها تكون الها مملكة

ومملكتها بيتها تتحكم فيها زي ما بدها

وتحط وتجيب الي بدها اياها

بس الاهل بدهم يتسلطوا على اولادهم

والام تفكيرها انه ابني يسمع كلمة وحده مبارح عرفها ويكسر كلمة امه

انا لو مكانك اطلعوا وابلاخر رح ترضى

رح تتغلبوا بصلحها بس رح ترضى بالاخر

الا اذا هي زي شرشبيل

الى 42 ممكن تحددي ان نوع من السنافر بتقصدي مثل ما بتعرفي فيه انواع كثيره منهم

اختي من حقك المطالبة بالبيت الشرعي لكن عليك بالصبر وارضاء حماتك عمره العزلة والصد ما كانوا وسيلة

الله يفرجها علينا وعليكي

الى 44 الموناليزا اديش يعني تصبر كمان سنة او سنتين طب وبعدين يعني لازم تحددي الفترة

كتكوت :

ان شاء الله مدة بسيطة مش طويله

بس الشغلة بدها صبر

موناليزا

براي مدة بسيطة بتكون شهر او شهرين في الكثير

شوفي يا أختي والله العضيم أنو مشكلتك صعبه بس أنشاء الله رح تفرج يا رب أنا رح أدعيلك اليوم بصلاة الفجر والله يسمع مني يا رب

الله يفرجها عليكي ان الفرج قريب بس خلي اهلك بصوره

أنا حكيت وقعدت مع حماتي وحكتلها زي ماحكتولي بس علفاضي والله العظيم تعبت الله ياخدني لعندو يرحيني ياريت لوترجع الأيام لكان ماصار هيك شوأعمل أكتر من هيك ؟

وينكم ساعدوني؟

نفسي ادخل اهلي فلموضوع

بس هما نصحوني زمان وانا ماقبلت وإمي عندها خبر فلموضوع حماتي حكتلها وإمي بهدلتني عشان مافي مشاكل بس انا مش مرتاحه افهموني والله العظيم مش قادره أتحمل ومصيبتي انا مش قويه حساسه ومن كلمه بعيط زهقت ومليت من هلوضع

وينكم من زمان ماحدا كتب

أنا قررت هلأ بس يجي زوجي بدي أتسف لحماتي وأحاول اسايرها واعمل الي بدها ياه ادعولي

وينكم من زمان ماحدا كتب

أنا قررت هلأ بس يجي زوجي بدي أتسف لحماتي وأحاول اسايرها واعمل الي بدها ياه ادعولي

ممتاز حبيبتي الله يوفقك الكلمه المليحة بتطلع الحية من جحرها
الله يوفقك حبيبتي

وينك إنت يا أم العيال؟ ما تأسفت ولا رح احكي معها طلعت حماتي بلوه سمعتها بتحكي مع بنتها عتلفون وبتغلط وبتسب علي والله فقعت منها واليوم بدها تروح تشكي لأهلي وتحكيلهم البنت مابتلزمنا إذا ضلت هيك أنا نجنيت حكيت لزوجي حكالي خليها تحكي مارح تقدر تبعدك عني اهلي رح ينجنو شو أعمل

حبيبتي شو رايك نحكي شوي على الايميل

روحي على زاوية اريد شريكا

واختاري خبر قديم وحطي ايميلك عليه

وبعمللك آد وبنحكي

شو رأيك ؟؟؟!!!؟!؟

أناماعندي إيميل

بسيطة اوكي بس يا عمري انه حماتك تحكي عليكي اشي متوقع واكيد ونابع من التش اللي بينكم وزي ما انتي بتحكي وبتشكي عن حماتك هيه بتحكي وفكري بموضوع استئجار بيت مع جوزك بدون علم حد حتى اهلك واهلو بتضلكم بالعطل ولما تكونوا متضايقين وطفشانين بتقضو وقت سوا وبتحكولهم انكم رايحين مشوار وهيك

ياعمري حدا يفهمني اناتعبت زوجي مش راضي غير لما أمه توافق وهادا إشي مستحيل والله بفكراعمل بحالي إشي

طيب هوه مو حابب يرحل

اصبري شوي وتعالي على حالك لحد ما تخلفي

الامور بتصير احسن

قصة الحماة والكنة بعمرها ما بتخلص....اللي حماتها مش كويسه ما بترتاح واللي حماتها كويسه كمان ما بترتاح.....القصة قصة اختلاف اجيال وتفكير متزمت عند الجيل الكبير....شكلها حماتك قوية ومشكلتك ما بحلها الا الدعاء والحظ..... بعينك ربي ما الك الا الصبر 

أختي أنا قراءت مشكلتك وافهم وضعك وانشأ لله مشكلتك راح تنحل
انتي إنسانه مسلمه ولتأمين بالله
اكتري من الاستغفار وصلي قيام الليل والله ماحد راح يحللك مشكلتك الا الله
ردي علي ولا نلجئ لأي انسان والشكوى لغير الله مذله وانشأ لله مشكلتك راح تنحل وربنا راح يكون معك بإذنه
الله يفرجها عليمي وعلى الناس كلهم
وخبرينا شو بصير معك

الحمدلله شكلها قربت تنحل، حكينا لأهل حماتي ابوها واخوها الحمدلله وقفو معنا وعدونا يحكو معها ويقنعوها من غير زعل انا رتحت بعد ماقعدت معهم بس خايفه إنو تحقد علينا وتسير مشاكل اكبر ادعولي لأنو والله تعبت وصارت هلقصه تأثر على علاقتي مع زوجي دايما زعلانين من بعض.يارب فرجك قريب

والله زعلتيني معلش الله يصبرك ما بعد الضيق الا الفرج ومتل ما بحكي المتل ازا ما ذقتي مرها ما بذوقي حلاها وربنا يوفقك

عمرها مارح تنحل انا تعبت كتير والمشاكل بتزيد ومالقيت حل غير إني اطلع اشتغل انادرست تجميل وعندي هوايا بس مابحب اشتغل وابعد عن البيت وشغل بصالون متعب كتير بس اهون من القعده فلبيت وبرتاح شوي من المشاكل اقنعت زوجي اني اشتغل وافق بصعوبه حسبي الله ونعم الوكيل والله تعبت الله يفرجها......